وفاة "الموديل" السوري بطل كليب نانسي عجرم بجرعة زائدة من الهرمونات  

توفي يوم الأربعاء الماضي عارض الأزياء السوري سامر الياس عن عمر 28 عاما إثر سكتة دماغية بسبب جرعة زائدة من البروتين والهرمونات .

و سامر الياس عارض أزياء دخل حقل عرض الأزياء منذ سنين طويلة وشارك في عروض أزياء على المستويين العالمي و المحلي. كما شارك أيضا بتصوير إعلانات تجارية، وعدة أغاني مصورة أشهرها مع الفنانة نوال الزغبي في أغنية "قلبي اسألو"، ومع الفنانة نانسي عجرم في أغنية " أنت إيه" .

وذكر بيان بالوفاة وصل الى سيريانيوز نسخة منه أن سبب الوفاة يعود الى جرعة زائدة من البروتين والهورمونات التي كان يتناولها سامر بشكل روتيني،ممّا أدى الى التسبب بنزيف في الرأس استدعى نقله مباشرةً الى العناية المركزة بتاريخ 25 كانون الأول 2009 حيث فارق الحياة بعد موت دماغي تسبب برحيله .  
 

سيريانيوز

2010-01-09
 

 

وائل

2010-07-25 11:46:00

الله يهدينا ويرحمنا

" وكفى بالموت واعظ " الله يرحمنا يوم يؤول بنا المأال الى ما ال اليه اللهم ارحمنا اللهم اغفر لنا زنوبنا وتجاوز عن سياتنا وتوفنا مع الابرار اللهم اني اسألك عيش السعداء وميتة الشهداء ومرافقت الانبياء يا ارحم الراحمين

سوريا

ADHAM

2010-01-20 21:17:00

SY

الله يلعنو عاد واحد شاذ جنسيا يعني غي

سوريا

راكان محمود

2010-01-18 02:51:00

الله يرحمك وهذه حكمة الله وكلناعلى هذا الطريق

-
سوريا

boss

2010-01-14 15:27:00

boss

البروتين ما له خص الهرمونات اللي سببتله السكتة

الإمارات

نوار

2010-01-12 16:34:00

اسمعوني

الله يرحمو اولا وتانيا انا شفتو مرة بلبنان بمنطقة الكسليك وهو شب جدا خلوق وشخصيتو بتسحر بس كنت مفتكر انو لبناني وكنت بتمنى اتعرف عليه بس خسارة وتالتا عيب تحكو باسلوب المسخرة واللي بيحكي هيك بكون هوي المسخرة هاد شب بعدو و وكلنا بعمرو بس ما حدا فينا بيتوقع يموت هلأ بس خسارتك يا سامر

سوريا

خليل الشامخ

2010-01-11 21:48:00

الحسكة

اقدم التعازي الحارة الى اهل الفقيد الغالي بالقامشلي اسكنك الله فسيح جنانه وآشكر كل اصدقائه في لبنان على مارايته فيتشييع جثمانه الكريم

سوريا

عبود الوحش

2010-01-10 10:24:00

شو الكلام الفاضي كيف مات من جرعة بروتين او هرمون حتى لو كان اخذ ما رح يموت بنفس اليوم الله يرحمو والاعمار بيد الله عز وجل.والرجاء من الاخوة المعلقين لا يحكو عن شي مابعرفو عنو

-
سوريا

عواطف علي ال بزيادة

2010-01-10 04:29:00

رحمه الله

أنا بصراحه حابه أقول""""كل من عليها فان ويبقى وجه ربك ذو الجلاله والكرام""" رحمه الله رحمه واسعه

السعودية

alaa

2010-01-09 22:25:00

syria

الله يرحمو عنجد انا ازعلت لأنو بعدو صغير حرام شب متل الوردة يصير معو هيك بس هاي حال الدنيا تعددت الأسباب والموت واحد الله يرحمو سلام

سوريا

ASH

2010-01-09 20:34:00

كل عاده II

الهرمون شو يعني جعه زائده انو اخد 10 أبر هرمون او غروث او يلي هوه بنفس الوقت و نسي يتمرنلو شي شهر زمان مثلا ؟؟ بعدين يلي بعرفو انا ولو الهرمون بيعمل تاثيرات فتأثير على الكبد و الكلاوي و الانجاب ،، شو وصلو للمخ ماني فهمان ؟؟! او بيجوز في هيك شي بس للاسف لانو الخبر مو موضح شو يلي صار لكن في حدا بيتوفى من هرمون و بروتين كانو كل شبابنا توفوا !!!

-
سوريا

الدكتورة الحائرة

2010-01-09 16:12:00

الله يرحمه

الله يرحمه زعلت عليه بس ياريت بقية الشباب والبنات يتعلموا انه كلشي طبيعي وخلقة الله احسن شي حتى عمليات التجميل والتنحيف والشد وكله كلشي خطير بس لازم يتحاسب اللي عم يعطيه الابر اكيد لازم يكون عم يفحصه اول

-
سوريا

أبو الخل

2010-01-09 16:02:00

ياويلاه

الله يرحمو ويصبر أهلو

سوريا

أنس

2010-01-09 15:45:00

لماذا ؟؟

كلمة جرعة زائدة تعني انه كان مدمنا على هذه الحبوب التي يجب ان تعطى بمقادير معينة وتحت اشراف اطباء وليس بشكل عشوائي ستؤدي حتما الى الادمان كما في هذه الحالة , هذا ان لم يكن المتوفى مدمنا على اشياء أخرى .

-
سوريا

ابو النور

2010-01-09 15:05:00

عزاء

ردا على تعليق الست نيرمين كالاغا اول شي الله يرحمو ويصبر اهلو وثانبا ياست نيرمين مابيصير تقولي يصبر الفنانات ومع مين راح يصورو بعد هذا الكلام فيه شماته ومسخرة بحق المرحوم ادعولو بالرحمة لأنو ماعمل شي معيب كان موديل وصور كليب وين المشكلة

سوريا

راندي

2010-01-09 15:01:00

الرياضة دواء

الله يرحما ويصبر اهلوا بس شباب ما في احسن من الرياضة لتقوية الجسم وبناء العضلات اهلنا زمان كانوا يعملوا بالارض بكل جد ونشاط الهواء نقي الماء غير ملوث وخود على اكل الجسم متعود يحرق بس الشباب اليوم يا حسرتي عليهم من اركيلة بدوخوا وعجبي على هيك شباب

سوريا

احمد

2010-01-09 14:41:00

كلنا على الطريق

الله يرحمو ويرحمنا , ويصبر أهلوا , انشالله نكون اكتر وعي بهي المواضيع والامور المتعلقة بالرياضة والجيم.

-
سوريا

nm

2010-01-09 12:02:00

اعتبروا...........................................

اتمنى ان يكون عبرة لجميع الشباب اللذين لاهم لهم سوى تناول هذه العقاقير لبناء عضلاتهم لدرجة انهم نسوا ان قيمة الشاب بعقله وعلمه وليس بحجم عضلاته وشكله

-
سوريا

Mizo

2010-01-09 11:50:00

الله يرحمه

لله يرحمه ويحسن اليه لكن بصراحة الحق عليه أولا واخيرا الهرمونات بشكل عام مضرة ومابالك بتلك التأتينا من الغرب أو من لبنان والتي لانعرف شي من محتوياتها الضارة ربنا يرحمه

سوريا

SURI

2010-01-09 11:25:00

في هرمونلت اخرى ممكن استخدامها لزيادة القدرة العضلية وممكن تسبب ارتفاع ضغظ . كان ممكن يصير النزيف بانفه مثلا لكن حظو بشع .

-
سوريا

محمد

2010-01-09 10:03:00

تعليق

تعازينا لأهلو, بس مستغرب من سبب الوفاة! البروتين مستحيل يسبب "نزيف بالدماغ" وهو ما لو دوا أو إبرة بتنعطى بالدم لحتى ينقال عنو "جرعة", بيجي بودرة, الهرمون والمقصود فيه غالباً ستيروئيد فهو إلو آثار جانبية بس كمان مستحيل يسبب نزيف, أكيد في سبب تاني للنزيف غير الستيروئيد, أو حتى سبب تاني للوفاة, ***

-
سوريا

بوظة على الفحم

2010-01-09 10:00:00

انا نفدت منها

انا الحمد لله نفدت منها ولا كنت سابقو هلأ الله يرحمو ويصبر أهلو انا يلي صار معي اني كمان سجلت بنادي ونصحوني ولاد الحلال اني آخد مادة اسمها (سيل تيك) ووصيت عليها من أمريكا والله وأخدتها أول يوم تاني يوم تالت يوم بتلف الدنيا فيني وبيطلع ضغط الدم عندي لل 12\16 وقلي الدكتور انو منيح يلي ما صار معك فشل كلوي وبنصح كل واحد يضل على الطبيعي أحسنلو

-
سوريا

خديجة

2010-01-09 09:52:00

أنا لا يعجبني الشاب منفوخ العضلات

الله يرحمو-ويصبر أهلو-موضوع أخذ الدواء والهرمونات بدون فحص دقيق وبدون تحاليل يشكل خطر كبير على الصحة-ويجب ان يخضع لرقابة-عدا عن برامج توعية للشباب-بان قيمة الانسان ليست بعضلاته-انما بعمله وعلمه وأخلاقه-بلا نانسي-بلا نوال-بلا كل الفنانين والفنانات-المهم ما حدا يتضرر بسبب توافه الأمور-بعدين مين أخبر الشباب بان اعجاب البنات فيهم متعلق بالعضلات

-
سوريا

فارس غريب

2010-01-09 09:22:00

هرمونات وبروتينات

كلو عشان التيشرت البضي؟نتوجه بالعزاء للفانات والله يصبرهم على مصابهم الجلل

سوريا

someone

2010-01-09 09:06:00

الله يرحمو

الله يرحمو ويصبر اهلوا ، ويا اسفي على شبابو بعدو بأول عمرو الله يرحمو يا رب

-
سوريا

متابع

2010-01-09 09:01:00

أين وزارة الصحة

السؤال وين وزارة الصحة من هالأدوية يلي عم تم توزيعها بشكل عشوائي للمراهقين وبالنوادي الرياضية ووين المراقبة يلي عم تسمح بدخول هيك أدوية مشكوك بأمرها عالبلد المسؤولية محصورة بجهات معينة يرجى متابعة الموضوع من الجهات المختصة للحفاظ على شباب الوطن

سوريا

Siiome

2010-01-09 08:15:00

لا إلة الا الله محمد رسول الله ربي اغفر ورحم وانت خير الراحمين لا حول ولا قوة إلا بالله

-
اليمن

ام الزوز على سن ورمح

2010-01-09 07:35:00

الله يرحمو شب متل الوردة والله شي بيزعل .. كلنا على هالطريق

-
سوريا

لاعب

2010-01-09 04:36:00

بلا جهل 3

ممكن يكون لها اعراض جانبية مثلها مثل اي شيء اخر , يعني حتى الفيتامينات استخدامها بشكل غلط بيأدي لتأثيرات سلبية .. كل شي بأصول ولازم يكون الواحد على دراية شو عم يستخدم , اما عن طريق زيادة الثقافة الذاتية عن طريق القراءة حول الموضوع ع النت ومن مواقع اختصاصية, او عن طريق استشارة اخصائي دارس

-
كندا

تيماشكي

2010-01-09 03:30:00

انا لله وانا اليه راجعون

الله يرحمو يارب ويصبر اهلو والله هالشباب عم يخبصو بهالهرمونات كرمال يحصلو على جسم مثالي ما بيعرفو انو عواقب هالأدويه خطيره على الجسم

-
سوريا

نرمين كالاغا

2010-01-09 03:16:00

اللادقيه

الله لايسامح الي وصفلو هيدا الدوا والي عم ياخدوا الشباب يا حرام علين بس منشان يعملو شوية عضلات وبناقص من هل العضلات اذا كانت بدا ضرني او تموتني والله يصبر اهلو ويصبر الفنانات شو بدن يعملو مع مين بدن ساوو الفديو الكليب

-
سوريا

ناهد

2010-01-09 02:06:00

الله يصبّر اهلو

الله يرحمو ويصبّر اهلو..ع كل حال هالمواد يلي عم ياخدوها الشباب هالايام _مشان يشكلو عضلات ويعطو جسمهم الشكل يلي بدهم ياه_هالمواد هي لازم يشرف على اعطاءها مختصين وما تنباع الا بوصفات معينة .

-
سوريا



All rights reserved © Syria-news.com 2014
Powerd By:Syria news IT