الفنان زهير رمضان:باب الحارة أخاف إسرائيل ومنع التجول بغزة بينما عجزت إسرائيل عن ذلك  

قال الفنان زهير رمضان المشهور بدور أبو جودت بمسلسل باب الحارة  "لقد حقق مسلسل باب الحارة نجاحا كبيرا لم يسبق أن حققه أي مسلسل آخر لدرجة أنه أخاف إسرائيل حيث أصبحوا يدرسون أسباب اهتمام الناس في هذا المسلسل

 وأضاف " استطاع باب الحارة أن يمنع التجول بغزة والضفة الغربية عند عرضه بينما عجزت إسرائيل عن ذلك بكل قوتها "

 

وأشار إلى أن دراسة نشرتها صحيفة الواشنطن بوست قد بينت أن مسلسل باب الحارة الأكثر مشاهدة من بين9 أعمال في العالم ، وهذا شيء يرفع رؤوسنا أكثر أمام هؤلاء فنحن ملأنا الدنيا وشغلنا الناس

 وعن رأيه في تكرار أجزاء باب الحارة قال رمضان في لقاء معه على موقع الكتروني " أنا مع مئة جزء لمسلسل باب الحارة وخاصة أنه لاقى رواجا سوريا وعربيا وعلميا ، لأن باب الحارة ليس تكرار لأجزاء وإنما هو اسم واحد ولكنه حكاية لقصة متكاملة وكان بإمكاننا أن نسميه في كل جزء اسم مختلف"

 

وعن أسباب خروج بعض الشخصيات تحدث" أنا أقول وعن ثقة أنه لم ينسحب أي فنان من مسلسل باب الحارة لأجل المادة وإنما لأسباب خاصة لكل واحد منهم ، وإذا كان هناك فرق إقبال على مشاهدة باب الحارة اقل من مئة ألف صوت عن سابقه فإننا لن نصور الجزء الخامس"

 

وعن تعاظم دوره في مسلسل باب الحارة بجزئه الرابع بعد أن كان ضيف عمل في الأجزاء  الأولى قال " لكل مجتهد نصيب وأنالا أحب البروظة والقيام بسب و شتم زملائي في العمل كما فعل غيري ."

 

 

 

سيريانيوز

2009-09-09
 

 

نواش الصقور

2009-09-19 11:12:00

ها الرئية سداده

باقة فل لبسام الملا والمشاركين في مسلسل باب الحارة ..انا بصراحة ما ببرمج وقتي ان احضر المسلسل ..بس اذا صادف وحضرته بنبسط وبنشد للاسلوب الرائع فيه للجميع ..وبشوف اهتمام كافة اسرتي لحضوره ...من امي التي عمرها 86 سنه الى ابنتي ذات الخمس سنوات..اما ابنتي ماريا ذات السنتين فهي تجلس امام الشاشة المسطحه مباشرة ..وهذا افضل وسام لك اخ بسام والله معك

-
الأردن

عاشق المسلسلات التاريخية

2009-09-12 17:06:00

موبس تاريخي

ياريت تعرضواالمسلسل الساعةالخامسةوالنصف علشان تخف العجقة في الشوارع ضمن المدينة

-
سوريا

soso

2009-09-12 13:44:00

غريب

ياريت تحلو عنا وعن الشام لانها اكبر من هيك وطول عمر نسوانا ورجالا عنوان الحضارة وهنن من نهر واحد عملو سبع فروع وعملوا حضار وانتو الغربا عنا بعشرين سنة نشفتو النهر وقطعتو الغوطة ونشرتو الفساد وحولتو بلد هي اقدم عاصمة بالعالم لخرابة ومخالفات ولسه واقفين بوجه مسلسل لانو عم يحكي عن قيم اهل الشام بس راح نبقى شوكة بحلقكن لتحلو عنا

-
رومانيا

مغترب

2009-09-12 08:29:00

علاك

%منكون علاكين لانو كلكون بتشوفو باب الحارة كل يوم وبتموتو ازا راح عليكون حلقة وحدة

-
سوريا

اميره احمد

2009-09-12 00:47:00

ياريت مكسيكي ارحم قولو صار تركي

والله زهقنا مافي مواضيع غير القتل والضرب ياجماعه الخير صار لازم نفكر شو بدنا نساوي للمستقبل وانتو بترجعونا لورا

-
سوريا

abdullateef

2009-09-11 02:27:00

شو بدو يصير مسلسل مكسيكي؟؟؟!!!

شو بدو يصير ملحمة حاجتكم بقا صحيح اللي استحو ماتو وشو هالشخصيات الخرافية متل النمس وابو ساطور وابو دراع شو بدو الواحد يحكي ليحكي

سوريا

zozotion

2009-09-10 16:06:00

زودتها

حاج بقا عمو بسام الملا ...كل هالحكي و النقد عن باب الحارة و لساتك مصمم على انتاج جزء خامس....والله شي بيحط العقل بالكف...لاء و ياريت المسلسل حلو

-
سوريا

LEVSKI

2009-09-10 14:05:00

إلى العلماني السّوري

يا سيّد علماني كنت أعرف أن العلمانية تنكر الدّين ولكن حضرتك تنكر التاريخ أيضاً !! مسلسل باب الحارة هو مسلسل القيم الأصيلة والمرأة كانت في تلك الأيام سيّدة في كل شيء وليست سلعة كما هي اليوم.

-
سوريا

النبك

2009-09-10 12:31:00

اسرائيل ترجف من الخوف

إسرائيل صح عم تعمل دراسة لباب الحارة بس مو خايفي منو على العكس هي مع اي شي بيشغل فكر المواطن العربي عن القضية الفلسطينية ومن شان هيك عم تدرس شو الشي التافه اللي شد المشاهد العربي ولهاه عن كل الدنيا من شان تعرف طريقة جديدة تشد فيها عقولنا على شي مجهز ومرسوم وبيهدف مصالحها .. . وماتوقعت من ممثل سوري يحكي حكي غير مسؤؤل هيك ؟؟؟ وافضل مسلسل رجال السم

-
سوريا

ابو حدو الشامي

2009-09-10 10:05:00

قال واشنطن بوست قال

ماهو الدليل على أن واشنطن بوست قالت عن باب الحارة ما قالت كفاية ضحك على لحيتنا وضعو وصلة للخبر على الأقل

-
سوريا

hussam

2009-09-10 10:04:00

سخيف جدا

صار المسلسل سخيف جدا واغلب شخصياتو عم تتصنع بالتمثيل كل شي عم حسو مصطنع ومفبرك بعدين اذا بدو يتطرأ لهاد الموضوع الي طرحو فهي فكرة قديمة مو جديدة ومستهلكة من زمان قصة شباب الغوطة والفرنسيين يعني ماجاب قصة جديدة لمسلسل

-
سوريا

عاشق الموسيقى

2009-09-10 09:51:00

كل واحد يحكي عن حاله

للأسف الكبير أنه الناس التافهة ما همها غير إذا في شي نجح بتبدأ تكسر وتنزل من قيمته أنا أصدقائي بالسعودية وتونس والإمارات اللي بالسعودية قال لي امبارح الساعة 10 مساء ما بتلاقي حدا وبتونس كمان والإمارات كمان .... إي فهمنا شو كل هدول الناس ما بيفهموا .. ولا بس أنتم اللي بتفهموا ... المسلسل ناجح بكل المقاييس ... واللي ما بيصدق يطلع سا 10 ويشوف الناس

سوريا

شامي معتق

2009-09-10 09:33:00

إلى السيد أبو جودت

المسلسل سخيف وممل، وانا شخصيا زعلان لأنو هيك صار فيه، كان الجزء التاني كتير حلو، لكن من الجزء الماضي صار سخيف، ومالي مستعد ضيع 3 ثواني عليه. حاجتك يابسام الملا، بيكفي بهدلة

-
سوريا

الزير

2009-09-10 09:15:00

كلكن كذابين

باسمي وباسم الحي الذي أقيم فيه ابصم ونبصم لباب الحارة 4 و5و6 لعلم المخرج بسام الملا أنو من الساعة عشرة لساعة نهاية المسلسل الشوارع كلها فاضية ويلي بيقول أنا ما بشوف باب الحارة كذاب كذاب كذاب

سوريا

العلماني السوري

2009-09-10 09:06:00

هلق هذا تاريخنا ؟؟؟

يعني أنا عن جد بستغرب من هالعالم . تصورا كيف هالناس عايشين بحارة " الضبع" وكأنها شي مستعمرة أو كيان خاص . ولا واحد فيهم متعلم. والنسوان مستعبدين لأبعد الحدود. وقال شو ... هذا تاريخنا وتراثنا يلي لازم نفتخر فيه .. عن جد شي بيرفع الراس ...

-
سوريا

the saint

2009-09-10 08:40:00

الدايم الله

مسلسل سخيف جدا جدا وما نجاحه الا دليل واضح على سخف العقل العربي وتراجعه..... وكما قال أدونيس ان الحضارة العربيه تنقرض ...هيدا أصلا اذا كان في حضارة

الإمارات

abed

2009-09-10 07:59:00

شو هل مسخرة!!

ممكن سؤال هادا شو عرفو شو عم بيصير بغزة؟؟

سوريا

samy halabi

2009-09-10 07:27:00

رد على المعلق رقم 1

يبدو أنك ياصديقي لاتتابع هذا المسلسل , أو أنك تناسيت عمل أبو جودت كرئيس مخفر لاربع حارات...؟.

-
الولايات المتحدة

مكهرب

2009-09-10 05:05:00

ما شاء الله

"لدرجة أنه أخاف إسرائيل حيث أصبحوا يدرسون أسباب اهتمام الناس في هذا المسلسل " نو هنن ما عندون غير دراسة باب الحارة

-
سوريا

برهوم

2009-09-10 02:51:00

مسلسل باب الحاره مسلسل جميل وناجح رغم غياب أي ممثل ويذكر بضرورة تواصل الجيران وحب الوطن والدفاع عنه مهما كانت النتائج ويذكر بتاريخ أجدادنا المشرف رغم كل الحصار

-
سوريا

هدوءءء الليل

2009-09-10 01:21:00

اي مخترعين شي اختراع

لانو مخترعين شي شغلة شغلنا العالم ال خلينا نعمل شي مفيد بدل هالمسلسلات بتعرف يا استاذ زهير انو كترت العنترية بالبلد من ورا باب الحارة وكل صار الله حيك ياخيو

-
سوريا

سامر السمان

2009-09-10 01:10:00

زلة لسان أم لسان حال الحقيقة؟

يبدو أن الممثل زهير رمضان ليس فقط أبو جودت في مسلسل باب الحارة و إنما هو أبو جودت بالحقيقة لذلك لديه معلومات مهمة و على العموم يبدو أن مسلسل باب الحارة يخدم إسرائيل ببلاش و ذلك بإعتراف زهير ومضان و ذلم أن إسرائيل عجزت عن منع التجول في غزة بينما نجح باب الحارة وأخيرا هل حررنا غزة بباب الحارة أم أن غزة مل زالت تحت الحصار و السلام

-
سوريا

شامي ودمي حامي

2009-09-10 01:05:00

شي بيخوف شو بدك بهالحكي

هو مسلسل بيخوف مافي عليه خلاف ليش العقيد قليل وبيجوز غاب عن الجزء الرابع لانو راح يساوي عملية فدائية بتل ابيب.... ياأمة ضحكت من جهلها الأمم

-
سوريا

ناريمان

2009-09-09 23:52:00

النمس هو الاحلى

والله انو ابو جودت شخصية حلوة بس الأحلى منها هي شخصية النمس يلي مدوخة الناس فعلا انو النمس فات السنة واكتسح المسلسل واكتسح الشارع

-
سوريا

ممممممممممممممم

2009-09-09 23:36:00

لكـلكـلكـلـكـ !!!!!!!!

فكيتوا شيفرة باب الحارة ...هلأ اسرائيل بتستثمرها بمنع التجول في الوطن العربي .. يعدمني ياكم شو تافهين ... اغلقوا باب الحارة ..حاجة بديت تتراجع لورااااااااااااااااااااااا قال العميان إجاهم ولد ...وفهمكم كفاية

-
سوريا

الشامي

2009-09-09 23:35:00

ارجوكم

ارجوكم كفى تفاهه المسلسل فشل فشل ذريع هو و الشام العديه لمئة سبب ولا نتوقع من احد العاميلن به يعترف بذلك بس ارجو من سيريا نيور تكون لديها مصداقيه مش كل يوم الثاني خبر لحث الناس على المتابعه صدقوني محد عمتابعوا العاميلين فيه

سوريا

maamo

2009-09-09 22:14:00

للاسف

للاسف هيك مسلسل لاقى رواج كبير لأنو هاد معناه انو في تدني بمستوى الذوق العام عند العرب عموما، خاصة مع الكمية المهولة من التخلف اللي عميكرسها من حيث دور المراة وحقوقها في المجتمع، ومن خلال دور رجال الدين. كل ما منقول اننا بلشنا نتقدم ونتحرر من مشاكلنا وتخلفنا بيقلعنا شي باب حارة، بتمنى انو نحاول نوجه الناس لمشاكلا الحقيقية، ونقدم شي متل ليس سرابا

سوريا

مشمئزمن قلة العقل

2009-09-09 21:44:00

تعليق بسيط

تعليق بسيط حول "لقد حقق مسلسل باب الحارة نجاحا كبيرا لم يسبق أن حققه أي مسلسل آخر لدرجة أنه أخاف إسرائيل حيث أصبحوا يدرسون أسباب اهتمام الناس في هذا المسلسل ... استطاع باب الحارة أن يمنع التجول بغزة والضفة الغربية عند عرضه بينما عجزت إسرائيل عن ذلك بكل قوتها " ... هاهاهاهاهاهاها ... أصبحوا يتغنون بالتخلف الذي رجع وضرب أطنابه في العقل العربي

-
سوريا

bashar

2009-09-09 21:33:00

لا والله

أكيد ع بتحكوا بهاد المقال عن باب الحارة

سوريا

fatima

2009-09-09 21:21:00

( استطاع باب الحارة أن يمنع التجول بغزة والضفة الغربية عند عرضه بينما عجزت إسرائيل عن ذلك بكل قوتها ) هل هذا فخر بالمسلسل أم ماذا؟ هكذا ستطمئن اسرائيل و تعلم لاحقا كيف تشغل اذا أبناء غزة بالتوافه .. أعتقد تصريحك هذا يا أستاذ رمضان غير لائق نهائيا و لاتنسى مسلسل نور ومهند ايضا شغل عقول الكثيرين و لكن هذا لا يعني بأي حال أن المسلسل ناجح .

-
سوريا

متابع لإسرائيل

2009-09-09 20:02:00

عيب عيب

من أخبر الدنيا أن إسرائيل تحلل أسباب متابعة المسلسل المبني على كذب و ترهات ( و خصوصاً أن النساء في ذلك العصر بالحارات كانوا و ما زالوا محلاومات من أبسط الحقوق و الكثير من رجال الحارات يعتبر صوتها عورة فكيف عم تصير البطولة). و هل إعلام الدنيا أن إسرائيل تحلل لصالح العمل أو مجرد دعاية لقوة إسرائيل و أجهزتها و هل حقاً أرعبناها بمسلسل علاك

-
سوريا

طارق

2009-09-09 19:20:00

اسخف مسلسل

يعني انا ما بعرف كيف بيسمحوا بعرض مسلسل تافه متل باب الحارة اللي عما يكرس ثقافة الحريم وقيم لسا ما عما نعرف كيف نخلص منا. بس الحق على وزارة الثقافة اللي عم تسمح بهيك تفاهات. اذا ترجموا هالمسلسل للغة الانكليزية وعرضوا بالخارج شو راح ايقولوا عنا الشعوب المتحضرة. هذا مسلسل جريمة بحق سوريا وتاريخها الحضاري.

-
سوريا

مجرد مواطن

2009-09-09 18:56:00

تنكيش

يا أخي شعبنا شو خيالو واسع و شو عرفو لزهير إنو اسرائيل عمتعمل دراسة عن المسلسل؟؟؟

سوريا

محتار؟

2009-09-09 16:00:00

ماكنا كويسين ......‍

بس يا ريت ما تدحشوا الجمهور بمشاكلكن الخاصة و تتركونا نقيم العمل مو اخلاق الممثلين كلنا منعرف بس ينجح عمل كل واحد بيشد النجاح لعنده والللللللللللللللللللله حفظناها ......ششششششششههههههه!

-
سوريا



All rights reserved © Syria-news.com 2017
Powerd By:Syria news IT