syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
"يلبغا".. ثلاثون عاما يزداد كهولةً وإهمالاً
تحقيقات

مستشار الوزير: كل يوم تخسر الوزارة أكثر من مليون ليرة

حارس وحيد وحوادث ليلية في الأقبية المعتمة..!

يقف بناء مجمع يلبغا على قدميه "عاريا"ً قبالة ساحة المرجه وسط دمشق، كطفل هرم يحاول نسيان سنواته الـ25 التي قضاها منتظرا اكتمال مجرد بناء هيكله.

محيط المجمع وأقبيته تحولت إلى مكان لرمي القمامة، والحارس الوحيد يسكن غرفة في البناء الضخم،(كتلتين 14 طابق و8 طوابق نحو65 الف متر مربع) طلب عبر سيريانيوز مساعدة الشرطة خاصة في الليل متحدثا عن معارك ومطارده ليلية تجري بينه وبين الـ (المحبحبين) من متعاطي المخدرات والسكارى والمتشردين وغيرهم ممن يلوذون ليلا في أقبية المبنى المعتمة، خاصة بعد ان اصبح المشروع يسبح  في ظلام دامس، حيث قامت مؤسسة الكهرباء بقطع التيار، منذ نحو اكثر من سنه وسحبت العداد بسبب تراكم الفواتير وعدم تسديد الذمم المالية.

 

بناء تتقاذفه شركات..

سنترك الدراسات التي وضعت أواخر ستينات القرن الماضي، وسنختار البداية الفعلية مطلع الثمانينات من القرن الماضي، حيث بدأت مؤسسة الإسكان ببناء المجمع وبعد مخاض طويل (25 سنه) سلمته لوزارة الأوقاف على الهيكل عام 2005، وبكلفه وصلت إلى 700 مليون وهي سبعة أضعاف الكلفة التي كانت مقدره عند البدء بتنفيذه.

الوزارة طرحته للتعاقد، ووقعت عقد مع شركة (ميسكا)، يقضي بان تقوم الشركة باكساء المجمع واستثماره لمدة 30 سنه، مقابل اجر سنوي تدفعه للوزارة (240 مليون)،  لكن مماطلة الشركة في استلام أمر المباشرة، شكك بجديتها، بالمحصلة لم تصادق إدارة قضايا الدولة على العقد، وخرجت (ميسكا) أو أخرجت، واعتبر عقدها لاغيا رغم حفل التوقيع.

وعلى الفور(خلال خمسة ايام) قامت الوزارة بتوقيع عقد بالتراضي مع شركة (قصر الملكة) من اجل اكساء واستثمار المجمع(لمدة 30 عاما وفق نظام BOT) ببدل سنوي قدره (475 مليون) وهو نحو ضعف ما تعاقدوا عليه مع الشركة السابقة..!

واستلمت الشركة أمر المباشرة لاكساء المجمع في 29 /3/2007، وجاء بالعقد(حصلت سيريانيوز على نسخة منه) بان مدة تنفيذ الاكساء 30 شهرا، وقيمته - اي ما يفترض ان تصرفه الشركة على المجمع- نحو(850 مليون)، لكن أين وصلت عملية الاكساء بعد مرور أكثر من سنتين..!

سؤال وجهناه لمستشار وزير الاوقاف السيد محمود الخباز فقال" وبعد أشهر قليلة ستنتهي الفترة المخصصة لأعمال الاكساء(30 شهرا) لكن المجمع مازال على حاله، التأخير كارثة، الأعمال متوقفة منذ نحو سنتين، وكل يوم يخسر المجمع أكثر من مليون ليره، قمنا بالقاء الحجز الاحتياطي على أموال المستثمر الإماراتي صاحب شركة قصر الملكة بالقرار رقم (22) اساس (972) وهي عبارة عن عقار(ارض) تقدر قيمتها  بين 70-80 مليون"، نشير بهذا السياق إلى وجود العديد من إشارات الحجز على نفس العقار وفقا لوثيقة (حصلت سيريانيوز على نسخة منها)، والملفت ان بعض تلك الإشارات هي لصالح شركة قصر الملكة وبعضها باسم صاحب الشركة وغيره..!

وعن الوضع الحالي يتابع الخباز" ونعمل الآن للوصول لتسويه مع صاحب الشركة، تقضي بتسليمنا المجمع على حالة وإطلاق يدنا به، فنحن لا نستطيع التصرف طالما هو بعهدته، وللأوقاف مصلحة بهذه التسوية من اجل إعادة إطلاق المشروع، وللمستثمر أيضا مصلحة لوقف الضرر والنزيف الحاصل..".

 

قصر الملكة شركة سورية..!

في وثيقة صادرة عن وزارة الاقتصاد والتجارة في سوريا تبين بان شركة قصر الملكة للاستثمارات المحدودة تأسست بالقرار رقم (2098) في 21 /12/2006 وحصلت على شهادة تسجيل شركة برأسمال قدره 3 ملايين في 24/12/2006، برقم (7770) وبان مقرها ريف دمشق، ووقعت العقد مع وزارة الأوقاف بعد اقل من ثلاثة اشهر على ترخيصها وتحديدا في 22/3/2007.

وبالنظر إلى التفاوت الكبير بين رأسمال الشركة(3 مليون) وحجم الأعمال المطلوبة منها لاكساء المجمع وفق العقد مع وزارة الأوقاف(850 مليون) سألنا المستشار الخباز عن الأوراق التي تقدمت بها الشركة لتثبت ملاءتها المالية، فبحث السيد الخباز عن الأوراق ولم يجدها، وكذلك سألنا معاون الوزير السيد لؤي منصور، وبعد أيام اعتذر قائلا بأنه لم يصل إلى شيء بخصوص تلك الأوراق..!

كما لم نجد شيء  لدى مديرية أوقاف دمشق المسؤولة مباشرة عن المجمع والمكلفة بالإشراف ومتابعة أعمال الاكساء فيه، حيث صرح المهندس مصطفى محمد بان الأوراق التي لديهم تتعلق بمرحلة ما بعد  توقيع العقد.

وعن ظرف التعاقد وكيفية حصوله يقول الخباز" في البداية أرسل المستثمر الإماراتي فاكس من وزارة الثقافة السورية..، يقدم به العرض، وجرى الاتصال معه، ثم حضر برفقة السيد سفير الإمارات السابق في سوريا إلى مكتب السيد وزير الأوقاف السابق زياد الدين الايوبي وقام السفير بتزكيته".

وحول تردد السفير الإماراتي (السابق) مع المستثمر علي الخيلي اثناء ترتيبه للعقد إلى وزارة الأوقاف،  أوضح المسؤول الإعلامي بالسفارة الإماراتية السيد عماد هرملاني بان هذا يعتبر "إجراء طبيعي كنوع من تسهيل عمل المستثمرين الإماراتيين في سوريا وتعريفهم بطبيعة المشاريع والجهات صاحبة تلك الأعمال"، واستبعد ان يكون السفير السابق وقع على ورقة تؤيد قدرة المستثمر الإماراتي بوصفه صاحب مشاريع تبدأ بإفريقيا وتنتهي بجنوب شرق آسيا، وتؤكد وملاءته المالية..!

المهندس المشرف على المشروع من وزارة الأوقاف مصطفى محمد يعتقد بان المستثمر الخيلي" كان يريد تسويق المشروع قبل إنهاء تنفيذه، وبالتالي العمل بالأموال التي كان يتوقع ان يحصل عليها، لكن من الواضح انه لم يتمكن من تأمين التمويل.."

نشير إلى ان مكتب الشركة في المزة قد أغلق منذ نحو سنه تقريبا بسبب خلافا مع شركاء سوريين، وبان المستثمر الإماراتي السيد علي  الخيلي صاحب شركة قصر الملكة( النقيب السابق في الإمارات حتى نهاية 2005) غير موجود بسوريا منذ أشهر، وفي سؤال وكيله القانوني المحامي نذير سنان أوضح بان صاحب الشركة رجل أعمال وكل يوم في بلد، وبأنه علينا مراجعته، فهو غير مخول بالرد على أسئلة الصحافة عن سبب عدم قيام الشركة باكساء المجمع.

 

حارس وحيد..

ولا ينكر المهندس مصطفى محمد بان "شركة قصر الملكة عملت لمدة أربعة أشهر، بداية استلامها للمجمع، حيث قامت بوضع دراسات ومخططات الاكساء، لكن بعد ذلك توقفت الإعمال، وبقيت متوقفة لغاية صباح اليوم التالي لتغيير وزير الأوقاف السابق في 8/12/2007".

ويتابع "صباح ذلك اليوم ذهبت إلى المشروع ووجدت نحو عشرين عامل قاموا ببعض الأعمال الهامشية(تعديل غرفة الحرس وإغلاق باب وفتح آخر)، وبعد خمسة أيام  انصرفوا وبقيت ورشة صغيره  قامت برش جدران الأقبية والأعمدة(رشت مسطرين) لكنهم ثقبوا بلاطة سقف القبو السفلي في ثلاث مواضع لنقل الرمل بسرعة، مما أساء للبنية الإنشائية..وبعد ذلك غادر جميع العمال والمهندسين، ولم يبق سوى الحارس وفي 8/1/2008 توقفت الأعمال كلياً".

في مجموعة تقارير صادرة عن مديرية أوقاف دمشق ترصد وضع المجمع منذ تسلمه من قبل الشركة المتعاقدة قبل أكثر من سنتين جاء بإحداها" تم إنهاء تكليف مؤسسة جاد للحراسة منذ بداية عام 2008 وتكليف الحارس حسين عز الدين كحارس وحيد للمجمع وهذا تراجع ملحوظ في رغبة الشركة في متابعة استثمار المشروع".

"في 18/1/2008 اتصل حارس المشروع السيد حسين موسى واخبرني بأنه ليس لديه طعام أبدا ولم يبق معه مصروف وان أحدا من الشركة المستثمرة لم يحضر وطلب المساعدة، وقدمنا له ما طلب وأعطيته ألف ليره كمصروف".

" الأعمال ما زالت متوقفة..قامت بلدية سروجه بصب بيتون على دورات المياه المؤقتة وإغلاقها بسبب وجود تسرب مياه آسنة منها إلى الرصيف الشمالي للمشروع ولم يبادر المستثمر إلى إصلاحها مما جعل ارض المشروع مكانا لقضاء الحوائج..وأصبح منظر القمامة والأوساخ  في المشروع يسيء كثيرا إلى حالته الفنية".

 

اكتشاف رجل بالقبو..

يكشف احد التقارير إلى التجاوزات وأعمال التخريب التي بدأ مراقبو الوزارة يلحظونها، والى تحوله إلى مصدر خطر"لاحظنا وجود تخريب في الأسلاك الكهربائية والإضاءة المؤقتة يدل على تسرب الشباب الطائش إلى المشروع..واخبرني حارس المشروع انه وجد أكثر من مرة شبابا يلوذون في أقبية المشروع المظلمة نظرا لفصل الكهرباء من المشروع بسبب عدم دفع فواتير الكهرباء، وكان بعض العمال ينامون بالمشروع سمعوا أنيناً لشخص في احد الأدراج المظلمة، ولما أحضرنا الضوء تفاجئنا بوجود رجل يزيد عمره عن الخمسين سنه وحالته يرثى لها قد سقط في غرفة المصعد للدرج الشمالي الغربي على عمق يزيد عن مترين وتبين انه مضى يومين على سقوطه وقام العمال بإخراجه وإحضار الطعام له"

 

خطر على الماره..

يذكر احد التقارير حادثة تشكل خطر على العابرين في الطريق المحاذي للمشروع "اخبرني احد الحراس انه سقط يوم الاثنين 25/2/2008 دعامة معدنية من الدعامات المثبته للوحات الخاصة بشركة قصر الملكة والمتوضعة في الواجهة الغربية من المشروع مقابل المستشارية الإيرانية وعلى ارتفاع يزيد عن الأربعين وان الدعامة المعدنية كادت ان تقتل امرأة كانت تسير في الشارع، ولدى الصعود إلى الطابق الذي تتواجد فيه اللوحة وجدت دعامة ثانية آيلة للسقوط وان وضع اللوحة والدعامات المعدنية الحاملة لها غير مستقر ويمكن سقوطها في اي لحظة لا سمح الله"،  ثم يقترح التقرير توجيه كتاب خطي للمستثمر لتحميله ايه مخاطر او أضرار قد تحصل لأحد المارة في الطريق.

وجاء بنفس التقرير"وصلتنا معلومات ان السيد علي الخيلي غير الموجود في سوريا منذ شهرين، يحاول جاهدا بيع أملاكه في سوريا وهذا يدل على عدم جدية الشركة في متابعة تنفيذ العقد"، كما تشير التقارير إلى عدم مبادرة المستثمر إلى دفع طابع العقد لغاية تاريخه(وفق نظام العقود يجب دفعه خلال عشرة ايام) وينتهي التقرير الى "ضرورة قيام الوزارة بأخذ الضمانات القانونية على المستثمر خوفا من استمرار بقاء المشروع بدون اكساء وضياع الأموال الطائلة على الأوقاف".

 

وقف النزيف..

 وبانتظار ان تصل وزارة الأوقاف إلى تسويه نهائية مع شركة قصر الملكة، كي تتمكن من طرح البناء للتعاقد عليه للمرة الثالثة، فان تقدير خسائر الزمن الضائع تصل إلى نحو مليار ليرة، فقط خسائر أخر سنتين، دون الحديث عن نحو 30 عاما الماضية والتي هي عمر المشروع، ودون فتح أبواب أخرى مثل الاهتراء الحاصل في الهيكل وغيره، وإلا سنكون أمام أرقام فلكية..

 مستشار الوزير الخباز يشكك بإمكانية حصول الوزارة على أية أموال لتعويض خسائر العقد الأخير، باستثناء قطعة الأرض التي تم الحجز عليها، ويعتبر بان الانجاز الأهم وجل ما تسعى إليه الوزارة اليوم هو وقف النزيف عند هذا الحد.

 

جديع دواره – سيريانيوز

[email protected]


2009-05-27 03:31:49
شاركنا على مواقع التواصل الاجتماعي:



شارك بالتعليق
رجب2009-07-27 15:00:15
هدوا
أخي أذا هي البيناية ما عم تقدر تعمروها بسبب المي يلي تحتهاهدوا وخلصناما بدها تفكير بقى
-سوريا
عماد صوان2009-06-01 14:24:05
الوزير مشغول بتغيير اسم الوزارة
مضى على العقد سنتان ولم يدفع طابع العقد المفروض دفعه بعد 10 أيام، والوزير لا يزال وزيرا. لا بد أنه يسعى لتشكيل الحكومة في الوزارة القادمة. الوزير مشغول بتغيير اسم وزارته وتوجيهها للعمل الدعوي أما هذه الأمور التي نتحدث عنها فهي وسخ الدنيا وهو لا يهتم بها. لماذا لم يسمها وزراة السرقة باسم الدين، فالوزارات الأخرى سرقة بهدف السرقة، وهذه سرقة باسم أوقاف الدين ألغوا وزارة الأوقاف ووزعوا ممتلكاتها فهذا أفضل للناس من عملها القديم والجديد
-سوريا
محمد2009-05-31 13:08:26
سوريا
نسأل الله أن ينتقم ويشل كل واحدعم يقود هالبلد للوراء
سوريا
وزير , محافظ . برلمان. = مواطن2009-05-31 10:14:26
زمن الصحوة
عندي سؤال مهم : يا ترى هل من المطلوب أن يقوم السيد الرئيس دوما بالتدخل في كل مشكلة؟ ما هو واجب المحافظ , أليس ليحافظ على المدينة ؟ و البلاء أن المحافظة على بعد خطوات منه. أليس من واجبنا نحن كمواطنين أن نحتج على ما يحدث في بلدنا ؟ وإلا فنحن قد اعتدنا أن نرى المخالفات و نعيش فيها و ندفع الرشاوى و نأكلها بحجة الفقر و الحاجة. ربما الجواب يكمن في أن نصحو قبل أن يأتي يوم الصحوة.
-سوريا
مواطن2009-05-30 16:59:43
زعلان على هل البلد
هل القصر هاد يلي فتحت عيوني على هل الدنيا وهو بهل المنظر الخلاب هاد يعني لو المسؤولين ساووا مجمع سكني للعالم يلي عم يروحولها بيتها بالقص وسكنوهن فيه مو أحسن يعني بتقديري هالقصر هاد بيسكن فيه على أقل تقدير 1000 عيلة هيك أحسن منظر خلاب للسياح بيجيب السائح لعنا ههههههههههه , لك لو عطوه لمستثمر يساويه كراج للسيارات كان طلع حقه من وقت ما أشيد هذا القصر بس هيك أربحلهن
سوريا
بنت البلد2009-05-30 16:41:53
الى متى؟؟؟؟
الى متى هذا الاستهتار بالاموال العامة وهذا الاهمال وهذا الفساد الى متى؟؟؟؟
-سوريا
ســامـر2009-05-29 21:34:03
فهمــكم كفـــايه
ليكن يلبغــا شاهدا على العصـــر .
-سوريا
مواطن مغترب2009-05-29 15:33:14
الوطن يا شباب
يا ناس يا هو ....هادى بلدنا سوريا ووووييييينك يا قانون وينكون يا قضاة وينكون يا اصحاب الضمير هادى بلدكم سوريا حافظوا عليها واللة نحنوا في الغربة نأسف لسماع اي شئ يشوه سمعة سوريا ونحن نسمع كذلك انه يدخل الى الوطن حوالي 4 مليون سائح سنوي ارجوا الضغط على الجهات المعنيه للنهود بالوطن الى الامام
-فنزويلا
مديرية الأوقاف2009-05-29 00:10:33
فتوى بموجب الأوقاف
مديرية الأوقاف بالفعل اسم على مسمى بظن لازم يطالعو فتوة شرعية بأنهاء حكم البيزنطيين لأنو العثمانيين طلعو من زمان والأهرامات تبع شارع الثورة لسا موجودة
-سوريا
أحمد خليل بكر2009-05-28 21:50:16
إجرام رأسمالي
يلبغا و مثله الكثير في القطر ضحية السرقة و التعهدات و اللف والدوران . هذا القطر لن ينهض وفيه هذه الأساليب الأوقافية . المطلوب حل عسكري عرفي لكي يفرح وزراء السياحة و الإسكان و التعمير و من والاهم. تقاعس المتعهدون اللصوص عام 1953 عن تنفيذ المطلوب لافتتاح معرض دمشق الدولي وبقي على موعد الافتتاح أسبوع . صدر أمر رئيس الجمهورية وتم الذي تم بـ3 أيام فقط و افتتح معرض دمشق في 1 أيلول بموعده . الخزي للصوص الوطن اليوم و سوف تحاسبون!!
-سوريا
أحمد خليل بكر2009-05-28 21:31:28
لا يصح إلا الصحيح
في تموز 1953 تقاعست بلدية دمشق عن تعبيد الشارع الواصل بين منطقة الجمارك ومحاذاة جامعة دمشق حتى مقر الشرطة العسكرية وقتها, قرب سانا اليوم . أمر قائد موقع دمشق وقتها ( ق. خ ) هاتفيا ًبلدية دمشق و أعطاهم مهلة ساعتين و كنت شاهدا حيث تم تعبيد الشارع في نفس اليوم . أتمنى من الله أن يكون لكل مدينة في القطر العربي السوري مجلس عسكري رجاله فوق سن الخمسين برتبة أكاديمية عسكرية ينفذون إصلاحات مثل يلبغا وغيره مع حبل المشنقةالحبيب على قلبي لوطننا الغالي . و الخزي للضعفاء الجبناء اللصوص و ما أكثرهم !
سوريا
معرووووووووووف2009-05-28 21:40:50
القصة واضحة ومعروفة
المهندسين معروفين والعالم معروفة بس ما حدى بيسترجي يحكي يعني حتى انا اذا حكيت أنتو مارح تنشرولي مع انو اكلام صحيح وانتو بتعرفو بس كمان ما رح تسترجو تنشرولي
-سوريا
المحتار2009-05-28 13:19:38
يلبغا أم مخلفا
صار حكي عن الشركات يلي حاولت تاخد البناء بس يا ترى ليش ما حكو عن حيتان البلدو فهمكون كفاية
-الإمارات
معماري2009-05-28 12:51:11
أين الرقابة و المحاكمات الاقتصادية ؟؟؟
إلى متى تبقى الجريمة الاقتصادية و الرقات طي الكتمان في سوريا؟ يجب محاسبة الوزير مهما كان و إلا فعليه إما أن يستقيل أو يقدم المجرميين للعدالة, إذا كان يستخق هذا المنصب الإداري. جميع الدول التي تسعى لحفظ المال العام تقاضي وزرائها و مادونهم عند الفضائخ الاقتصادية. 1000.000.000 ل.س ( مليار ليرة سوري),للعلم كان يوجد بدلا من هذا العهر المعماري جامع يلبغا الذي يعد أحد التحف المعمارية بني على نسق الجامع الأموي لكن خارج السور، كجامع الحنابلة وجامع التوبة وجامع تنكز.
-سوريا
الطير المهاجر2009-05-28 07:02:30
شي بيخجل والله
والله شي بيخجل معقول صرلو اكثر من 25 سنه ولم ينتهي بس اكيد مارح ينتهي لانو كل واحد بدو يشفطلو شوي ويسرق من هون ومن هناك كيف بدو يخلص مافي رقابه مافي ضمير مافي متابعه مافي محاسبه كل واحد بدو مصلحته بالفعل لايغرك يا بني ادم كتر مالها الك فيها ملو عينك تراب .
-سوريا
lOrt2009-05-28 03:17:37
بيكفي العنوان
-سوريا
مطلع جدا2009-05-28 01:56:02
موارد المجمع موجودة
ببساطة عائدات اللوحات الإعلانية الكبيرة التي وضعت في محيطه تستطيع تغطية مصاريف الحارس ونفقات تلافي الأخطار من سور وغيره... والا اليوجي لمين دفعت مقابل وضع اللوحات الإعلانيةالكبيرة؟؟؟ والمؤسسة العربية للاعلان من مين استوفت رسوم اللوحات... (والا فلاشات الكاميرا غير شغالة؟؟؟) -- صورة لكل تعليق--
سوريا
محمد2009-05-28 00:38:06
متى نتخلص من هذا البناء العار
لازم تفجير هذا المبنى لأنه وصمة عار
-سوريا
هاني2009-05-28 00:14:17
والله بيستاهل
أنا برأيي يكتبو البناء باسم الناطور لأنو هوي الوحيد المهتم
سوريا
محمد2009-05-27 23:53:13
وصمة عار
سيظل هذا البناء وصمة عار في جبين البلد حيث انه وللعلم عند بنائه منذ اكثر من 30 عام فوجؤوا بظهر نبع في الارض عمدوا لتفريغ هذه الثروة المائية على مدار 6 سنوات ليتمكنوا من بناء هذا الصرح الحضاري والان نقوم باستجداء دول الجوار لمدنا بقليل من المياه بعد هدرنا لمياهنا لنكون يدا واحدة في وجه الفساد ولنبدأ بأنفسناأولا
سوريا
Gorg2009-05-27 23:47:17
my fault
لو عرفان البلد رح تخرب هيك كنت ما هاجرت
-سوريا
khaled safwan2009-05-27 23:34:07
la souria news
اقترح للاخوة على الانترنتتنظيم عريضة لسيادة الرئيس للتدخل وتحويل المبنى الى كراج صف سيارات باسعارشعبية لتكمل فرحة هل الشعب المعتر يلي انتظر اربعين سنة ليشتري سيارة ولما اشتراها صار ياخد تكسي لانو ما في صفة. سوريا نيوز رجاءا تحلي بالشجاعة وانشري التعليق بل ولم لا تساهمي بتنظيم الحملة وبذلك تخدمي البلد
-فرنسا
ابو عبدو الخابوري مغترب سوري اه اخ اخ اخ نيالي2009-05-27 22:55:38
فورا الى كتاب غينس لارقام القياسية الي استحوا م
ولاله تستاهلوا جائزة علئ هيك نكتة وانا عندما بداء اعمار الاساس جائت علئ السام الحبيبة وخدمة الوطن بشرف عدة سنوات ورجعة لاهلي في الجزيرة الحبيبة علئ قلبي تم خطبت وتجوزت وانجبت للرب الشكر والحمد وهاجرت الوطن الغلي الدي يسكن بداخلي وتجوزو اولادي ونجبوا بنين وبنات واوصيتهم ان يدرسوامهندسين لكي يكملوا هدا المشروع الفاشل للاسف هكدا تصبحين يا سوريا بلد عشرة الاف ســـــــــنة حضارة انتضروا سارسل احفادي يا اسفي علئ هيك مهندسين وهيك وسئؤلين ووزاراة نحنو مغتربن سورين معك يا سيد هدا الوطن
-هولندا
المحقق غادجيت2009-05-27 23:12:10
بانتظار غودو
بالمناسبة تذكرت أن كل البلد ماشية مثل يلبغا : بلا تخطيط ولا استراتيجية ولا هدف. ما الدليل؟ مجمع رئاسة الوزراء العظمي. أرجو النشر سيريا نيوز. انظروا إلى البرج الضخم أي الكتلة الغريبة الهجينة التي بنيت بين المالية والبنك المركزي ورئاسة الوزراء ولا تزال على العظم منذ سنوات. واسألوا: لماذا لم تكمل؟ ولماذا بنيت أصلاً؟ وماذا ستعملون بها اليوم؟ نفس الأسئلة تتكرر مثل مجمع يلبغا. انتظروا غودو. سورية كلها تنتظر غودو.
-سوريا
المحقق غادجيت2009-05-27 23:09:27
لماذا الطمع يا وزارة الأوقاف؟
الطمع في الدين وليس في الدنيا. ترغبون بتأجيره بمليار ليرة في السنة فأرجو أن تجيبوا بصراحة: ماذا تتوقعون أن يعمل من يدفع لكم مليار ليرة في السنة؟ هل تتوقعون أن تكون أرباحه بالحلال؟؟؟ من سيأتي بها؟ أليس من جيوب المواطنين؟ كفى تستراً خلف الدين، اعملوا لخير الناس لعل الله يكتب لكم حسنات في الدنياوالآخرة. اعملوا الطوابق الأرضية مرائب سيارات ولتكن أجرتها25 ليرة للساعةوالطوابق العلوية مكاتب لعلوم الكمبيوتر والحاسب والبرمجة(بديلاً عن البحصة)ولتكن مدينة البرمجيات نقطةانطلاق للمستقبل لتستوعب الشباب الطامح
-سوريا
المحقق غادجيت2009-05-27 23:08:15
ياحرام يا بلد
كنت أمر كل يوم أمام هذه الصرح أيام كنت أدرس في الإعدادية والثانوية قبل 30 سنة وأتحسر على مضخات الماء التي ترمي المياه العذبة في مجاري الصرف الصحي ليلا نهارا لسنوات، اليوم أصبح ابني في المرحلة الإعدادية وكنت أسير معه مرة بالسيارة في المرجة وشاهد هذه التحفة فسألني عنه، صدقوني غصيت وبلعت دمعتي ولم أستطع الإجابة وأنا أنظر إلى فندق الفورسيزونز الذي لا يبعد عنه 400 متر وبني واستثمر في سنة واحدة فقط.
-سوريا
ابو محمود2009-05-27 21:16:29
ازالة بالسرعةالقصوى
المشروع فاشل يرجى ازالتةوبسرعة وجعل مكانة مركزرئيسي لانطلاق الباصات
-سوريا
KMW2009-05-27 20:53:08
= = =
لاأعرف لماذا لاتستثمر المبنى محافظة دمشق أو وزارة الأوقاف نفسها؟؟؟ومن أجل التمويل نسمع بأن بنوكنامليئة بالعملة الصعبة والعملة السهلة وبامكان الوزارة أو المحافظة اقتراض قيمة عقد الاكساء من أحد المصارف الحكومية بفوائد معقولة.أم أننا تعودنا على المستثمر الأجنبي على قولة المثل(**الغريب حلو)
السعودية
Sari Fayomie2009-05-27 20:23:33
انا بقول لازم يضل هيك......
هاد البناء صار معلم من معالم البلد , متل برج ايفل بفرانسا مثلا , او برج العرب بدبي , لازم ينعملوا طابع بريدي ,بيطاقات تذكارية, اذا في طبعة جديدة للعملة السورية لازم يحطو صورتو, و السياح بيزروا هالتحفة بعد المتحف الاثري و التكية السليمنانية
سوريا
عمر قاسم2009-05-27 20:17:20
ضد البلد
هل من المعقول هل المستثمرين ليش ما عم يجو على هل البلد لانو في ناس عم اتطفشن يعني لا حتى يدفع لا فلان وفلان وفلان ولسى ما بلش هل المفسدين بجب محاكمتهم فورا عوجى فسسسسسسسسسسسسسسسساد لا سياحه ولا نظافه وغلاء فاحش سو بدو هل السائح يسوي عنى الحكي ببلاش ما نتيجه
سوريا
سهيل حسن2009-05-27 19:51:57
كذبه كبيره
اكيد اكيد جاء الكثير من المثتثمرين بس ما دفع لاهل الموؤلين عن المجمع ليش هل المسئولين همن مين بيدفع اكثر مجمع وسط البلد وبي احسن مكان ما حده كل هل السنوات فكر يستثمر هل المجمع كذبه بس هل السماسره يعني هل الحرميه يلي عم ينهبو هل البلد وكانو هل البلد ملكن0000 لله يخلينى السيد الرئيس املنا الوحيد
سوريا
donjo2009-05-27 19:56:26
دبي
ولك دبي اللي كانت عام 1972 مجرد بنايات عادية وصحرا هلا صار اكبر صرح حضاري بالعالم وطبعا مو هلا من اكتر من كم سنة ونحنا بناية كم طابق ب 25 سنة ماكملت معنا ليش لانو اهل مكة ادرى بشعابها وكلنا منعرف ليش والله يحمي بلدنا
-سوريا
ابن الشام المهاجر2009-05-27 19:25:35
غريب أمركم
الله يحرسكم من العين ياهلمعلقين. يعني مامناخذ منكم إلا انتقادات واقتراحات ومطالبات وكأنكم مالكم أبناء هذا البلد ومشاركين بالفساد من ساسكم لراسكم. أحبائي هذا الفساد هو مجموع تراكمي لفساد كل واحد من أبناء البلد. وكل واحد فيكم لو وصل لموقع المسؤولية بيعمل العمايل. ولا تواخزوني على الصراحة شباب..............!!
-السعودية
syrian2009-05-27 19:07:17
Wallah Haram
the people involved estimating projects in the government don t know what are they talking about this project needs at least 35 million dollars to complete the rest of the construction works.......Idiots do something build this country not distroy it
-سوريا
Emad2009-05-27 18:55:25
مابدنا نتطور منشان الله
لك تركونا بحالنا منشان الله خلينا على تخلفنا مابدنا تطور لانوا البلد ما عاد تسع اذا بدون مشاريع ما عم نلاقي مكان نصف سيارتنا شلون اذا بيصير مشروع استثماري وبيفوت عليه آلاف الأشخاص يوميا (وين كل هاناس بدا تحط سياراتا ) قبل مايعملوا مشاريع بناء يوسعوا الشوارع ويعملوا باركينكات مجانية متل باقي الدول ولا كل شي بدون ياه بمصاري لعمى راتبي 30 الف هلق ماعم يكفي ..من عشر سنين كان 10آلاف وكان يكفي ويزيد ليش ؟ وبروح برسم السيارة بيطلعلي 30 مخالفة وقوف ممنوع طيب وين بدنا نوقف والله شي بيجنن
-سوريا
عصام2009-05-27 18:46:45
خاص بالسياح
أهم المعالم الأثرية في بلدنا .. قلعة الحصن ومجمع يلبغا الأثري !؟!؟!
-سوريا
أب سميرة2009-05-27 18:35:31
نقطة ببحر
مو بس البناء نفسو قديم, في مقابيلو كمان بنايات على العضم وما حدا عم يكملها, لك إذا بدنا نفتح ديوان العقارات وأملاك الدولة والتنظيم والأجار القديم والفروغ والمخالفات والاستملاك ما منخلص, عمار يا بلد, وأنا سوري آه يا نيالي, بس على شو؟ ما بعرف!
-سوريا
أب سميرة2009-05-27 18:28:56
خبصو سيدي
شو هالنجاحات اللي بترفع الراس هي, 25 سنة! كنتو عمرتو الأهرامات! لأ والشباب آخدين رقم 700 مليون ليرة بين 1980 و2005 واو, وحتى 100 مليون اللي هو التكلفة الأصلية على أساس, مو رقم هائل بسنة 1980! مالي فهمان, يعني وبعدين مع الفساد والهدر والفشل؟
-سوريا
ghareb2009-05-27 18:08:34
في شي مخبى
بكل المقابلة حسينا ان المجمع تابع لدولة اجنبية او لدولة غير سوريا كيف يترك هذا الموقع على هذا النحو الم يلاحظ المحافظ البناء مهجور منذ عشرين عام الم يسحبو المياه الجوفية على مدار عشر سنوات كل هذه الاخطاء وراءها ناس لانعرف من هم يستفيدون يسرقون ينهبون وعلى فكرة كل فترة كنا نسمع انه تابع لفلان وتابع لعلتان واخرتها طلع البناء ليس لاحد كل واحد يرمي القضية للتاني **
السعودية
abo el foz2009-05-27 17:19:59
أجروه شقق مفروشة
انا برأيي أجروه شقق مفروشة يومي اسمنو قريب عالمرجة يلي لازمو غرفة بيستأجر يعني بيشتغل سيكار بيكار بس لازم قبل ما تعملو هالمشروع الهام تنقلو ملكية المجمع لشي وزارة غير وزارة الأوقاف مو حلوة بعدين بيطلع عليها سيط مو حلو
سوريا
سامي2009-05-27 17:02:33
تدعيم المباني
اكيدهذا المشروع سبب دمار شامل لمدينة دمشق وجرف التربة من تحت الابنية مما سبب ايضابتدعيم هذه الابنية بمبالغ اكثر من قيمة المباني
سوريا
هاني2009-05-27 16:53:29
المياه تكفي سوريا30
لكن المياه التي استجرت من المشروع تكاد تكفي سوريا 30 عاما
سوريا
أحمد2009-05-27 16:54:49
لك ولي عليكم
أوبة حرامية
-سوريا
فائز2009-05-27 16:50:18
تبني مدينة
حدثني زميل مهندس بأن الاموال التي صرفت على المشروع منذ اوائل السبعينات الى الان تكاد تبني مدينة كبيرةجدا......
سوريا
عائد2009-05-27 16:42:23
الكارثة تكاد تقع
هذا المشروع الفاشل هو سبب لتفريغ التربة من اسفل بناء مجمع فكتوريا التجاري !!!!!!!!!!!!!!!!!! وسعر المحل ارضي 12 متر وصل الى 1500000 ل س اجار المحل الارضي 10 الف ليرة شهريا
سوريا
عرين الأسد2009-05-27 16:37:01
إلى متى هذا الأستهتار
نعم ولن أسميه سوى استهتار وعدم أمانه في أموال الدولة والمواطنين, لأنه لو كانت الحكومة أو الوزراء الثلاثة الاقتصاد والسياحة والأوقاف قادرين على التخطيط بشكل جيد والتصدي لكل مشروع من هذا النوع لكان الوضع بألف خير ولكن عبثاُ ننتظر أن يكون التخطيط والتنفيذ والمحاسبة على التقصير عنوانا لحياة كل منهم يلقي على الأخر مسؤولياته واخطاءه, كل ما ذكره اللأخوة الكرام في التعليقات ابصم عليه بالعشرة ولا أستطيع أن أزد عليه شيء, أقترح تحويله إلى نصب أثري وربما يدخل موسوعة غينس في أطول فترة بناء في العالم
-سوريا
محمد عبد الحميد2009-05-27 15:57:34
هذا ليس بفساد ...هذا كفر بالوطن
أن مجمع يلبغا القيبح لا يعبر عن الفساد بتاتا , أن ما يحصل هناك ليس بفساد ..بل هو كفر يستوجب العقاب الألهي, إن زوار دمشق من العرب والأجانب يتندرون على هذا المبنى ويأخذون الصور التذكارية له حتى يعودوا الى بلادهم ويضحكوا ويقولوا النكت عنا وعن مشاريعنا...أشعر بالقرف وليس الأسف , لأن نسيت معنى الأسف عندما كنت في المرحلة الثانوية من عشر سنوات وأرجو أن لا ينتهي هذا المشروع العملاق خلال حياتنا القصيرة حتى لايبقى غصة في صدورنا
-سوريا
محمود2009-05-27 15:43:52
محمود
مجمع يلبغا.. ساحة العباسيين .. حرائق مستودعات ..الخ.......... كلها اموال راحت من حساب الشعب.... وين اعضاء مجلس الشعب ؟؟؟؟؟؟ يلي انتخبون الشعب ؟؟؟؟؟؟؟
-سوريا
غريب2009-05-27 15:33:29
من عجائب الدنيا
انا ادعو للتصويت لهذا المجمع لكي يصبح الاعجوبة الثامنة يعني الاهرامات بشو احسن
-سوريا
Daniel2009-05-27 14:41:39
هدوووووووووووووووووووه
هدووووووووووووووووووووووووووووووووووووووووووووووووووووووووووووووه
سوريا
واحد نص فهيم2009-05-27 14:34:01
الى السيد جاد
السيد او المهندس جاد اقتراحك رائع ولكن له مشكلة وحيدة وبسيطة: ممكن التطبيق. نحن لا نريد حلول ممكنة او حلول حقيقية او حلول يمكن ان تقوم باعطاء ولو وجهة نظر نصف صحيحة اسمع مني وانا اخوك لا ترجع واسمعها من واحد رجع ورجع رجع لبره
-إثيوبيا
متسائل2009-05-27 14:28:16
من المسؤرل
الشرطة عن تطبق القانون - والمالية عن تحصيل الضرائب والبلدية عن النظافة والاوقاف عن الاوقاف وفي حالة مجمع يلبغا ---------------------------------------------من المسؤول عن الوطن
-سوريا
1+12009-05-27 14:00:31
???
كل هذا الوقت والهدر والحكومة نايمة وين المحاسبة وين التفتيش عل هدر الاموال والوقت ؟؟؟؟ومن الناحية الهندسية قارب البناء من انهاء عمره التصميمي ؟الحل بهده وعمل مراب سيارات لمنطقة المرجة
-سوريا
عشعش2009-05-27 13:56:37
من عش الحمام
البناء جيد وأساساته متينة ولا يوجد ماء أسفله ولا أعلاه لكن الفساد عشعش في وزارة الأوقاف أيضا , هلق عرفنا ليش شالو الوزير القديم !
-سوريا
AHMAD2009-05-27 13:51:46
كرررررررراج
كراج سيارات لازم يصير والساعة بخمس وعشرين ليرة بسنة بيطلع حقو والسلام شو مشان وزير الاوقاف شكلووو مو مهتم ولا وزارة السياحة ولا المحافظة يلا بركي حفيدي بيشهد على اتماموووووووووو
سوريا
مواطن2009-05-27 13:44:44
موجه للسيد رئيس الوزراء ولكل الكبار
الرجاء قيام الدوله بإكسائه و الإستفاده منه فأي شركة خاصة تقوم بإستثماره فهي تعلم أنه سيعود عليها بأضعاف مضاعفة أي تعرف قيمته الحقيقية فلماذا لايكون هذا لخزينة الدولة فالرجاء عمل مناقصة لإكسائه بالسرعه القصوى والإستفاده منه كما أن هذا المجمع يستوعب أكثر من مئة ألف عامل من جهة البطالة فالوقت يداهمنا الرجاء التحرك كي يستفيد الوطن والمواطنين وشكرا لسوريانيوز على الإطاله
-سوريا
عبد الجبار2009-05-27 13:10:30
مسخرة
والله بيحتار شو بدو يقول الواح إذغ قال الواح بقول الواح قال إذا ما قال بيقول الواح ما قال
سوريا
زبال بس بيفهم2009-05-27 13:06:42
بما أن
بما أن المكان صار " محششة " خلونا نقوم نحنا الزبالين بتنظيفه من الحشاشين ونعمل منو نقابة زبالين مو أحسن ما مشوه منظر البلد ، والله بتعملو خير, يعني دولة " بوركينا فاسو " احسن مننا؟ : الجماعة عملو جماعة الكتيبة الخضراء مشان ينضفو البلد ونحنا لازم نعمل متلهم مشان كمان بالمرة نتخلص من جماعة الشركات النصابين وهيك بنكمل تنظيف البلد من الاوساخ والحرامية والمحششين
-سوريا
dr.bassam al-khouri2009-05-27 12:44:02
لا أحد من المسؤولين مهتم برأي المواطن
برأي هدم المشروع بالمتفجرات هو الحل وعمل مسابقة للمهندسين حول تصميم جديد وبيع الأرض أو تأجيرها وعدم الطمع بمبالغ خيالية وكما أذكر فقد نشرتم الخبر قبل سنتين وكان هذا تعليقي الذي أثبت صوابه لكن للأسف لا أحد من المسؤولين مهتم برأي المواطن http://www.syria-news.com/readnews.php?sy_seq=57326 http://www.syria-news.com/readnews.php?sy_seq=52628
-سوريا
yal2009-05-27 12:20:44
العمر كلو ان شاء الله
ومن قال ان اموال الدولة مهدورة على ما اعتقد انه كلام مغرضين الذين لا يعجبهم عمل الحكومات السورية المتوالية والمتفانية في عملها لاسعاد المواطن والعمل على رفع مستوى معيشته فمنذ بداية تاسيس المشروع (قبل 30 سنة) والحكومات المتوالية تجتمع وتجتهد من اجل ذلك الصرح العظيم حتى انهم قررو عام 1995 وهو قرار تاريخي ومفصلي بتاريخ الامة بان يناقشو امر هذا البناء بالخطة الخمسية 30 وعدونا خير انو يكون عام 2100 يا مترمم او مهد واشاء حديقة وهناك بعض الاراء لننتظرعام 2150 ويصبح من التراث يجلب السياح
سوريا
Bashar2009-05-27 12:08:38
أقدم هيكل بالعالم
قاعدين عبنشتغل و نترزق الله بالامارات , و مرة فات علينا واحد على هالمكتب ببيع كتب و موسوعات علمية و ما شابه, شو بدكن بطولة السيري, شال هالبياع موسوعة هيك شي 1000 صفحة و قعد يسألنا منا, و الشباب كلها عبتجاوب بجدية تامة , يعني شو بدي قلكن, المهم إجا السؤال العجيب إلي بيقول شو هوي أقدم مبنى بالعالم,,,,, نط واحد من هالشباب الطيبي و اللي الجدية عبتنقط منو و قال,,,, هذي سهلة كثير الجواب هوي مجمع يلبغا , فا يا جماعة روحو سجلو بدائرة الآثار و خلينا نسعى سوى لنرممو و نعيد تأهيلو مع كومة الآثار إلي عنا
سوريا
George2009-05-27 12:03:31
رمز للفساد
هذا المجمع بالنسبة لسكان دمشق هو رمز للفساد والتقصير والإهمال. والمضحك أنه لا يبعد كثيرا عن المحافظة التي تتغنى بتجميل العاصمة. يمكن أن نتخيل كم مدرسة أو مستوصف كان يمكن أن يبنى بدل هذا المبنى القبيح والفاشل. وطبعا كالعادة في أي مشروع فاشل لايوجد مذنبين سوريين. حسرتي عليكي يا دمشق ويا سورية
-سوريا
اخضر الوكويك2009-05-27 12:01:38
طيب اوك
طيب المسثمر و طلع حرامي بس السؤال حكومتنا الموقرة اين هي هل من المعقول ان المسؤولين لم يشاهدو هذا الصرح العاري و لا مرة هل احد من العقلاء يصدق ان المسؤولين لم يشاهدوه اين منجزات حكومتنا العظيمة و ما تم دراسته من هكيلة و انجازات خلال العشر سنوات من الدراسة هل عليكم الاهمال و نحن علينا التنفيذ و هل سياسة العصى فقط على العاصي من المواطنين و هل هذا البناء لا يضر بسمعة الحكومة و كراسي الحكومة و هل مجلس اعضاء الشعب البرار بحملتهم الانتخابية العادلة و النزيه هم راضون و غيرهم
-سوريا
مواطن2009-05-27 11:58:32
عادية...
عادية...!!!.اذا مجرور كسر منذ ثاثة ايام ولازال يطفح بمياههة ورواسبه بشوارعنا ولامجيب لاصوات لايريد احد سماعها...
-سوريا
هلا2009-05-27 11:58:43
إلى الحبس
لازم ينحال قسم القانونية وجميع من قاموا بتأجير العقار الى المحكمة لانهم هم المسؤولين عن مثل هذه الأخطاء التي كان من المفروض تلافيها عند دراسة العقود. سؤال: لو ان البناء لتاجر هل ستكون حاله كما الآن؟ والله يا أوقاف لتسألوا عنه يوم الحساب وانا لن أسامحكم كوني من هذه الدولة على هذه النفقات وهذا الاهمال.
-سوريا
طلال2009-05-27 11:44:33
بسيطة
ليش التجني على المشروع ؟الهرم خوفو 200 سنة لخلص طولو بالكم شوي ؟واعلموايارفاق انه ميزانيةالمشروع من ثلاثين سنة مؤمنة ومدفوعة بس كيف خلصو ؟؟ظ؟
-سوريا
عيسى2009-05-27 11:36:30
هدوووووووووه
هدوووووووووه هدوه هدوه ياجماعة هدوه احسن للمنطقة وبيصير مكانو حديقة مرتبة لانو طول مابدكون تستثمرو حنضل بمشاكل هدوووووه أحسن شي
-سوريا
shadow2009-05-27 11:32:28
اثار
اناطالب سوري بدرس هون ببلجيكا .. من فترة قابلت شاب بلجكي كان من فترة سياحة بسورية .. اول سؤال سالني ياه .. اشو قصة هالقصر الشامخ بنص الشام ....؟؟؟ صحي اشو قصة هالقصر الشامخ يا ترى ؟؟
بلجيكا
على مهل2009-05-27 11:32:28
لشو العجلة
أنا برأيي يهدو المجمع و يعملو بدالو حديقة عامة أسرعلون (:
-سوريا
شبعان فهم2009-05-27 11:29:54
مجمع يلبغا لتقنية المعلومات (YALBOGA IT MALL)
شكراً لجميع المعلقين الايجابيين، اقترح كمواطن زار العديد من دول العالم أنه و نظراً لموقع هذا البناء (بقرب البحصة) تحويل قسم كبير منه لمجمع لتقنية المعلومات يضم شركات ومحلات ومراكز متخصصة فقط في هذا المجال، بحيث يكون المجمع الأول في سوريا والمنطقة يضم كافة الفعاليات التقنية و والحلول البرمجية و بيع الالكترونيات وحبذا أن يضم معرض دائم لأحدث الاصدارات و قاعة مؤتمرات باشراف وزارة الاتصالات مثلا. انا لا اجد موقعه يصلح لفندق وانما سيكون بديلا ذكياً لمحلات البحصة المتناثرة والازدحام الذي تسببه،وشكرا
سوريا
ابو محمد2009-05-27 11:17:08
حسبه صغيرة
إذا حكي السيد مستشار الوزير صحيح انو المشروع ينزف يوميا مليون ليرة طيب 365 مليون بالسنة بنضربون ب30 سنة بيطلعو 10 مليار و 950 مليون ليرة والدولار خلوه ب 50 ليرة بيصيرو 219 مليون دولار ماحدا حس عليون من 30 سنه عيب والله عيب هالحكي ياسيادة المستشار انتو الحكومة شو ناطرين وهي ماحسبنا سنوات تأخير الانشاء ممكن حدا يجاوبني؟
-سوريا
محــــــــامـ2009-05-27 11:08:42
شــــي طبيعــــي
إذا كان عمري 35 سنة وإلى الآن ما شفت ما يسمى بـ " قلعة دمشق " إلا من الخارج فكل شيء يدخل في دائرة المعقولات مادمت في بلد لا يفهم من السياحة إلا اسمها و من يقول أن سورية لها ترتيب عالمي في السياحة أقول له أن مناخها المعتدل (من صنع الله ) و آثارها التي لا يظهر سوى 20 % منها وهو مشوه ( من صنع الحضارات القديمة ) هما سبب السياحة فالحمد لله وشكراً يا حضارات قديمة .... و ماذا أقول لصناع السياحة ؟!!!!! لن تفهموا ما سأقوله و ليس العيب من القائل ...
-سوريا
Y.J2009-05-27 10:56:12
صلوا عالنبي
لك شبكون بصلتكون محروءة شو خمس وعشرين سنة بعمر الشعوب
-سوريا
واحد تاني2009-05-27 10:35:58
يجب تحويله إلى موقف للسيارات
إذا كان البناء صالحا فنبا و قابل لتحويله إلى موقف للسيارات, فعلى الدولة التفكير مليا بهذا الموضوع لأنه سيشكل إنفراج كبير لأزمة السير في منطقة المرجة ... و إذا كان غير صالح فنيا يفضل أن يهدم و يبنى مكانه موقف سيارات متعدد الأدوار
-سوريا
wael2009-05-27 10:35:42
istanbul
أنا بشوف أنو يحولوا هذا المبنى إلى كراج سيارات(مرأب سيارات) أو إذا كانت بنية المبنى لا تتحمل فالهدم هو الحل الوحيد و إستثمار المساحةالموجودة لحديقة خصراء تنعش ساحة المرجة.
تركيا
تحسين عوجاية2009-05-27 10:32:30
معلومة
شاهدت تقريرا على احدى الفضائيات يوجه انظار العالم الى البلدان الأكثر جذبا لصيف 2009 خصوصا مع انتشار كذبة انفلونزا الخنازير و كان من بين الدول العربية عمان و مصر و تونس و اخذت بيروت اجمل المدن العربية و طبعا لم يذكر التقرير سوريا بين تللك الدول و يأتي السيد الوزير ليقول ترويج و اموال و .. و .. و .. لماذا ايها السادة لسنا ضمن تلك اللائحة؟؟؟ سؤال هام و كبير الى مسؤولي السياحة ؟؟؟ لدينا امكانيات سيياحية ضخمة و لكن البنى التحتية تحت الصفر و اسعار الفنادق اغلى من لبنان و تركيا و عوجاااا
سوريا
محمد سامي2009-05-27 10:24:02
مجرّد مقارنة
يا شباب مجرّد مقارنة بسيطة .. عمر هذا المبنى الخرافي 30 عاماً هو بعمر مدينة دبي الحديثة .. ادخلو على الغوغل و اكتبوا دبي و انظروا إلى صور المباني في هذه المدينة الرائعة .. انا لا أقول لكم نحن نريد ان نكون مثل دبي و لكن هل عجزت الحكومات الفذّة المتعاقبة على بلدنا الحبيب أن تنهي أزمة بناء واحد فقط؟ لما هذا الاستهتار الفاضح بالشعب و البلد؟ سؤال واجب طرحع على الحكومة
-سوريا
جهاد2009-05-27 10:24:58
دمشق
والدي رحمه الله كان يقول لي أن هناك مشروع ضخم سيقام في المرجةوقدتم هدر وسحب كميات هائلة من المياه الجوفيةوكان عمري 10سنوات والآن عمري 45 وسوف أروي هذا الحدث لأولادي و وهم بدورهم سيروونها لأولادهم وهكذا ....والله عيب
-سوريا
ابو اندريه2009-05-27 10:04:55
سودان
انا شايف انو وزارة الاوقاف غير قادرة علئ ادارة البناء بكل بساطة يجب ان يوضع تحت اشراف مجلس الاوزراء ويترك اهل الاوقاف لامور الاوقاف
-سوريا
naderhabal2009-05-27 10:04:16
ههههههههه- فساد مستشري لهلق
30 سنة و ما خلصتوا العمار شوهالمسخرة وقت اللي قريت المقال ، تاسفت كتير على كتير شغلات عم تصير بالبلد عنا هاي لو راحت عل القطاع الخاص اللي ما عندو امكانيات متل الدولة كان خلص من زمان وين المصاري المخباية بالدولة فساد فساد فساد فساد فساد فساد فساد
سوريا
مواطن عادي جدا2009-05-27 10:03:52
سؤال
لو تم انشاء البناء واستثماره وين بدا تصف السيارات بالله احنا هلأ اذا بتروح عالبحصة أو المرجة مابتلاقي قرنه تصف سيارتك المنطقة ما بتتحمل هيك مشروع يا جماعة
-سوريا
Jad2009-05-27 10:01:30
Conclusion
This imaginary experiment will become the city centre healthy lungs and air purification machine, it is a landmark for a greener future of Syria and the only choice for our survival.
-سوريا
مهندس مدني2009-05-27 10:02:07
لم أرى مثله
هذا البناء به كمية من الباطون تعادل عشرة أبنية مماثلة وهناك مشكلة ماء تحت البناء كما يعرف الجميع من الصغير للكبير اعتقد أن إكساء البناء ربما يؤدي إلى انهياره وبما أن الشركة باشرت بالأعمال بداية ثم توقفت فربما يكون السبب فني وعلى كل الأحوال إزالة البناء أفضل فلا أعلم ماهو سبب كل كمية الباطون الموجودة بالبناء (برأيكون ليش) سألو اللي أنشؤوه
-سوريا
Jad2009-05-27 10:01:04
My Suggestion 3/3
Each slab need to be used as a showcase for plantation ground for different species of vegetation from around the globe, an urban botanical oasis using engineered soil with proper isolation, filter layers and water collector membrane as well as using the proper drainage system to support the chosen plants and trees. Not to forget to complete all needed structural and engineering studies to support the extra weight of the soil, water, plants and visitors.
-سوريا
Jad2009-05-27 09:58:37
My Suggestion 2/3
Doing that will help rebuild the lost urban fabric in a different and original matter as well as become a sustainable building and an environmental green masterpiece. Produce energy by using its outer shell and roof to mount numerous of solar photocell panels and small wind power generator for the energy this building is going to use and to collect the extra energy to be sold/used on the neighbourhood when needed.
-سوريا
Jad2009-05-27 09:57:55
My Suggestion 1/3
Invest in reusing the shell as advance electronic screens and advertising billboard this should bring enough capital to support the building existence and maintenance expenses and the needed revenue to rebuild the urban structure of the neighbourhood While the exterior is getting the money the core interior of the building should be used and refurbished as a sustainable ‘Botanical garden’ and environmental museum to pay back for all the environmental damage it did for 3 decades of its existence
-سوريا
عليا2009-05-27 09:54:50
هلأ تذكرتو
السادة وزارة الأوقاف هل الأن حان الوقت لتتذكروا النزيف ألم تروو هذا النزيف منذ 30 عام المهم نطفش المستثمرين وبس هي مهمت وزاراتنا أفضل اقتراح للمشروع هو الهد وانشاء أي مشروع مكانه حتى لو كان مرآب سيارات
-سوريا
الله أكبر2009-05-27 09:46:33
وبعدين بالروتين
يعني المستثمر لشو جاي على سورية أكيد ليستفاد وأكيد ياوزارة الأوقاف روتينكوم وعد تعاونكم هو السبب في عزوفه عن المشروع وإلا لما تقدم لاستثمار هذا المشروع إلى متى ستبقى هذه الحالة مستشرية ببلدنا الافضل إلغاء المشروع وهدمه كما تفضل الأحبة وإعادة أموال المستثمر وأملاكه إليه حتى نشجع غيره على الاستثمار بعدين الوزارة عم تقول انو في نزيف هلأ لحسوا فيه وقبل هيك ماكان في نزيف؟؟؟؟؟ عوجه شباب
-سوريا
ياسر حباب2009-05-27 09:40:08
تأكيد
أؤكد لكم انه نظرا للبيروقراطية و الفساد في مؤسساتنا فأنا متأكد جازما بأن فلسطين سوف تتحرر قبل انجاز إكساء هذا المجمع و مستعد للرهان بأي ثمن
سوريا
صقر2009-05-27 09:40:47
بالمشرمحي ليش؟؟؟؟؟؟
ليش الكم مول عننا بسوريا قدروا يشتغلوا بنص البلد و متطرف عن البلد إلا يلبغا؟؟؟ ليش؟؟؟؟ ثم ليش ما يأجروها للصغار الكسبةمثلا ؟؟؟ليش؟ لو إنه عملتوا بكل طابق 100 كشك أو بسطة على 10 طوابق بيطلع عنا 1000 كشك ضرب 10000ليرة ع الكشك بيعملواعشر ملايين بالشهر ضرب 30 سنة 3مليارات و ستمائة مليون ليرة..... كننا كسينا المجمع وعملننا واحد تاني بجنبه!!!!! عجبي
سوريا
انا2009-05-27 09:38:48
عوجاااااا
يعني من هالتقرير فهمت انو بالاخر الحق طلع عل المستثمر الاماراتي والمسؤولين بالبلد طلعو براءة على اساس الاماراتي محتاج مصاري تيجي ينصب علينا بطلب من سيريانيوز تبحث منيح وتكتشف من اللي من مصلحتو يبقى البناء على وضعه الحالي مشان يكون مصدر رزق دائم
سوريا
حوراني2009-05-27 09:29:45
لماذا لا تكسيه الدولة
يمكن للدولة أن تعطي المبنى لمتعهد لإكساءه وفق شروط معينة ثم تستثمره هي وكفى إضاعة ملايين من عوائد استثماره على الدولة
-سوريا
اااااااخ2009-05-27 09:23:39
اااااااخ
والله منظره يقرف ومشوه الصورة كلها وخصوصا انه صار ملاذ للباعة الجواليين و و و ولو بعد 100000000000 ما ح نتغير لا حيااااااااااااااة لمن تنادي
الكويت
مهندس2009-05-27 09:02:44
كفى!!!!
اقترح ان تتم كسوة البناء من الخارج بالسرعة القصوى ومن ثم فلتجلس الحكومة لتناقش كيفية استثماره وكفى!!!!!!
-سوريا
Dr.Beso2009-05-27 09:03:57
لا تندهي ما في حدا
ولك منستاهل يصير فينا أكتر من هيك لأنو نحنا عن نسبح بالفساد سباحة و حتى اللي بيجي من برا بيعرف أنو عندو فرصة ذهبية ليصبح فاسد و لك اشتهيت يجيبو سيرة أنو يلاحقوه لهيدا المستثمر قضائيا حتى لو كان بالإمارات ولا ما عندنا هيك شي, يعني بيجو بيفسدوا على كيفون و بيختفو بعدين و ما بيتحاسبوا إي لا تواخذونا معناتا منستاهل
-سوريا
شادي2009-05-27 09:04:51
حل للمعضلة
انا بقترح هدم المبنا بشكل كلي و زيادة عرض شارع الثورة باعتبارة احد اهم الشوارع في قلب مدينة دمشق و ثم ضم الساحة المتبقية لتصبح حديقة مع حديقة القرماني و ذلك ممكن ان تزيد المساحات الخضراء في قلب المدينة و تقلل من التلوث بلاضافة للمنظر الحضاري
-سوريا
Mohammad2009-05-27 08:55:55
United States
I left Syria in 1988, and every time I meet someone from there I ask him about that building, because I remember very well how many years it took to pump the water out during the excavation. Any honest employee would have asked the investor about his financial statement, but I know the sun of my country, everybody wants to lick his finger, as the say, and we the people get the middle one.
الولايات المتحدة
أحمد2009-05-27 09:00:52
25 سنة
يعني شركة متل الإسكان العسكري بتتأخر بتسليم المشروع 25 سنة وألاف المشاريع بسورية من تنفيذ الإسكان وخود يا عمر والله هاي الشركات الي بدها محاسبة وملاحقة لأنها دمرت البلد بكل بساطة.
-سوريا
amar2009-05-27 08:59:41
Dubai and Yalboga
Just i want to mention that All Dubai new city age is 30 years means like Yalboga building.... and i will leave the rest for you
-سوريا
طلال2009-05-27 08:54:35
افضل حل
افضل حل هدم البناء و بناءه من جديد لاني لا اتوقع اي عاقل يرضى باستثمار هذا المشروع واصبح تراث بالنسبة لسكان دمشق
-سوريا
فاعل خير متل الطير2009-05-27 08:31:47
أيا ليت الزمان يعود
اتذكر ان كان يحق لي الذكرى ان هذا المجمع انشئ على انقاض قلعه او مسجد اثري قديم مقابل سينما اميه وعلى الجانب اليساري لمطعم المصري للفلافل وكان هناك موقف باصات القابون وبرزهومابين البنائين كنا نشق طريقنا للسوق العتيق مرورا ببائع العوامه على اليسار تلاشى البناء الاثري ولم يعد موجودا غير اسمه يلبغا والمصري فتح بغير مكان والباصات غبرت موقفها والسينما بني مكانها فندق الا البناء لم يتقدم بل يتأخرويتأخر الى متى الله اعلم والله طالما موجود هكذا ناس بهالبلد لاولن ولم ينجز المشروع على الاطلاق
-السعودية
سامر محمود2009-05-27 08:26:57
هل نحن عالم ثالث أم عاشر ؟
سبحان الله شركة جديدة تؤسس برأسمال 3 مليون وبعد ثلاث شهور تحصل على عقد من الدولة لإكساء مجمع ضخم بقيمة اكساء 850 مليون دون أن يكون لها أي تاريخ من الإنجازات أو الأعمال أو الإستثمارات السابقة !! هل بهذه البساطة يتم ابرام العقود بين وزارتنا وجهات خاصة؟ هل هو فشل إداري؟ أم هو مصالح لإناس معينه كان يخططون للإستفاده بطريقه ما .. ثم فشلت الخطة لاحقا؟ بكل الأحوال نقول: هناك أصول ومبادئ للتعاقد واستثمار المشاريع .. وما قرأناه مضحك مبكي .. وآه يا بلدي
سوريا
عوجااااااااااا2009-05-27 08:20:11
عوجااااااااااااااااا
عوجاااااااااااا
-سوريا
ابو حسين2009-05-27 08:06:55
اقترح ازاله المشروع
انا بقترح على محافظ دمشق ازاله جبل الباطون هاد و الاستفاده من ارضه بمشاريع ممكن اكمالها يعني نحن بحاجه لحدائق او يا اخي شارع البحصة يعتبر من اهم الشوارع في دمشق ليش ما نساوي على اطراف هل الشارع ابراج وبين كل برج وبرج حديقه هيك بتجمل قلب الشام وبصير منظر حضاري اكثر يا جماعه تعو شوفو هون بابو ظبي مالح قول دبي شوفو ابو ظبي عم تستغل ابسط المسطحات لتحولها الى مشاريع تستفيد منها او مشاريع تجميليه من حدائق ومرافق وخدمات مو حرام دوله مثل سوريا بكل امكانياتها ما يكون عنا هيك تفكير والله حرام
الإمارات
مشاهد2009-05-27 08:10:07
شايف و عارف
أي عادي هيك قصة.خدوا القصة ببساطة.. و بالمناسبة قدي يصبح المجمح متحف يطابق متحف اللوفر و على قولة تفائلو بالخير تجدوه... لا تشوفني عم أدرج ..دوبلني و تفرج.
-النمسا
م. عامر شريدي2009-05-27 07:43:39
حرااااام
مشروع الموقع مغري والبناء يتمركز في موقع استراتيجي , ولكن كما يبدو لي بأن المستثمر لم يحصل على التغطية التسويقية الكاملة, وأن وزارة الأوقاف قد أرهقت كاهله بالتدخلات المعهودة فلاذ بالفرار كباقي المستثمرين الذين نخسرهم بشكل يومي..السؤال الذي يطرح نفسه لماذا تحظى دائما وزارة الأوقاف بهذه المساحات وهذه المواقع الاستراتيجي في حين أنها لا تستطيع استثمارها بشكل جيد ,ولماذا لا يتم تأسيس هيئة لرعاية المستثمرين سواءً كانوا محليين او أجانب, تقدم لهم التسهيلات والمعونة للمحافظة على المال العام
سوريا
( عمّار سورية )2009-05-27 07:37:54
رجاء
أرجو من جميع المسؤولين تدارك أخطاء الماضي ومعالجتها وعدم السكوت
قطر
فادي2009-05-27 07:09:28
أهدموا المبنى
أذا كنتوا متأملين من المستثمر الأماراتي خير فأنسوا الموضوع لأن همهم كسب الفلوس بسرعة بدون أي أستثمار. الحل الأفضل للبلد ولساحة المرجة هو هدم هذا الهيكل القميء وأعادة بناء المبنى الأصلي لمسجد يلبغا أو مبنى البلدية الأثري بداله بأرتفاع طابقين فقط كي تستطيع ساحة المرجة التنفس بدل الأرتفاع الشاهق والقميء الحالي والذي يعطي نظرة سيئة عن سوريا ومهندسيها.
سوريا
عادل2009-05-27 06:39:31
مشروع فاشل
أفضل عمل تقوم به وزارة الاقاف هو طرح العقار للبيع بالأسعار الحاليه وبذلك تتمكن الوزارة من الخروج من هذا المأزق
-سوريا
منذ طفولتي2009-05-27 04:57:48
طولو بالكم
يا جماعة أنا عمري 25 عام، وعيت على الدنيا وأنا بعرف هالبناء على متل ما هوي عليه، وحابب أن فرجي لأولادي قبل ما يبلشو فيه، فرجاء حار جدا تتوسطه غرغرة من دموع العين، بأن يراه أولاي قبل أن يتم إعماره وبركي أحفادي من بعدهم، وشكرا. كلاحظة لقد تم تحديد موعد زواجي والكل مدعوين للحفلة بتاريخ 25-25-2025م، المكان: صالة يلبغا للأفراح، الطابق الرابع، يرجى عدم اصطحاب أطفالكم معكم، بسبب استخدام العيارات النارية فرحا وطربا بالعرس وبيلبغى كمان، الغذاء: خروفين غير مكتفين بقبو البناء المذكوز، وشكرا.
-سوريا
aboyazan2009-05-27 04:38:07
طيب معقول
30 سنة وين الدولة ؟؟؟؟؟؟؟؟؟؟؟
سوريا