syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
وضع رسم جمركي مقطوع على الألبسة المستوردة لرفع ثمنها حماية للألبسة المحلية
الاخبار الاقتصادية

اتفقت وزارة الصناعة وغرفة صناعة دمشق من خلال اجتماع لها على توحيد الرسوم الجمركية بالنسبة للألبسة المستوردة وتحديدها بـ23 ألف دولار للطن الواحد بعد أن كانت تحصل بنسبة مئوية من السعر المصرح به، الأمر الذي رأت فيه غرفة صناعة دمشق حماية للألبسة الوطنية رغم ما سيتسبب به هذا القرار من رفع لأسعار الألبسة المستوردة.


وقال عضو مجلس إدارة غرفة صناعة دمشق وريفها نبيل الجاجة لـسيريانيوز إن "الاتفاق على تحديد الرسوم الجمركية بـ23 ألف دولار للطن الواحد جاء لحماية المنتج الوطني السوري من الألبسة", مشيرا إلى أن "هذا الإجراء سيحد من دخول الألبسة الصينية الجاهزة وخاصة رخيصة الثمن منها، كما سيحد من تأثيرها على الألبسة الوطنية الجاهزة في حال دخولها".

وكانت الحكومة قررت تشكيل لجنة لتحديد الحد الأدنى لأسعار المنتجات الصناعية المستوردة التي لها مثيل من الإنتاج في سورية وبما يسمح بالمنافسة العادلة إثر تقدم الصناعيين السوريين بعدة مذكرات وشكاوى إلى الحكومة تبين وجود بضائع مستوردة في الأسواق تباع بأسعار أرخص من تكلفتها، ما يسبب كساد المنتجات الوطنية وبالتالي خسائر فادحة للاقتصاد الوطني.

وأضاف الجاجة أن "أسعار الألبسة الجاهزة المستوردة ستزداد في السوق السورية بفعل القرار", إلا أنه أشار إلى أن " الألبسة الأوروبية المستوردة لن تتأثر أسعارها بشكل كبير بسبب ارتفاع ثمنها أصلا في حين يهمنا رفع سعر البضائع الصينية بسبب غزوها أسواقنا، وهي بضائع مبتذلة دون المستوى ودون المواصفات القياسية السورية".

وجاء في قرار وزارة الصناعة وغرفة صناعة دمشق تحديد أسعار الدخول للألبسة الجاهزة بـ23 ألف دولار للطن الواحد سواء أكان صينيا أو تركيا أو أوروبيا كما تخلص الألبسة بالوزن (كيلو غرام طن) على أن تكون في بيان واحد.

وعن كيفية تحديد رسوم دخول الألبسة قبل القرار، قال الجاجة إن "الجمارك على الألبسة المستوردة كانت عشوائية ولا تمثل في بعض الأحيان 1 % من قيمة الرسوم المفروض دفعها"، مشيرا إلى أن "الجمارك كانت تحتسب قيمة الرسوم بناء على قيمة الفاتورة التي يقدمها المستورد أيا كان سعر المنتج فيها".

وفي سياق متصل، اتخذت وزارة الصناعة وغرفة الصناعة إجراءات أخرى خلال اجتماعها لحماية المنتج الوطني منها الاتفاق على توحيد الرسوم الجمركية على كافة أنواع الخيوط القطنية وتحديدها، بعد مناقشتها من قبل الصناعيين، بمقدار 10% وذلك باستثناء الخيوط التي لا تنتج في القطر شريطة عدم خضوع الخيوط للتفكيك.

كما تم توحيد الرسوم على الأقمشة القطنية والأقمشة الممزوجة المستوردة التي تزيد نسبة القطن فيها على 65% وتحديدها بالنسبة للأقمشة القطنية الصرفة بـ6 دولارات للكيلو غرام الواحد واقمشة البولستر الصرفة بـ4،15 دولارات للكيلو غرام الواحد وبالنسبة لاقمشة الاكرليك الصرفة بـ5 دولارات للكيلو غرام واقمشة الفيزكوز الصرفة بـ6 دولارات للكيلو غرام الواحد

وبخصوص الأقمشة الممزوجة تمت إضافة دولار لكل واحد كيلو غرام ليغرا في حين تبقى رسوم أي أقمشة لا تنتج محليا كما هي.‏

لوركا خيزران-سيريانيوز


2009-02-15 13:30:35
شاركنا على مواقع التواصل الاجتماعي:



شارك بالتعليق
Abu Besher2009-02-26 09:32:03
يصطفلوا
الحمد لله أنا صار لي خمس سنين ماشفت سوريا من ورا هالقرارات الهدامه
-سوريا
Sam 19722009-02-20 19:49:09
حل طريف للمشكله
وزارة الصناعه وجدت ان الحل يكمن في مشاركة الصناعيين في أثقال كاهل المواطن والمشاركه في السرقه العلنيه بوضع تعرفه جمركيه خياليه لأصدار هكذا قرار وحتما لا يخلو من النفعيات الخاصه ولو كانوا فعلا يهتمون لأمر المواطن البسيط لما فعلوا هذا..العمليه هي مص دماء وحمايه مافيات الصناعه وعار ان ينتسبوا للصناعه ويعلمون جيدا ان اسعار السلع الأفضل والأجود بمراحل من صناعتنا في اسواق اوروبا واميركا أرخص كثيرا من منتجاتهم..والشق الأخر الحصر بالوكلاء..فهل ينقصنا لصوص اضافيين..قرار مسخره وهزيل ومؤامره على قوت الشعب
سوريا
Sam 19722009-02-20 19:25:18
قرار لمصلحه من ؟
ان كان السيد الجاجه يقول بأن الصناعه الصينينه دون المستوى فأما انه جاهل او يتجاهل بأن الصناعه الصينيه تسيطر على اسواق العالم قاطبه لمعقوليتها في السعر والنوعيه وتحصل على ما تريد بقدر ما تود ان تدفع ولمن يقول بأن الآف من عاملينا سيتجهون للسرقه ويتحدث بعاطفه أخي واخيك فكيف بمئات الآف الذين سيحرمون من القدره على إكساءأطفالهم وماذا عن أسعارالمنتج الوطني الفاحشه برغم سوئها والى من يتحدث عن غش الصينين والميلامين فماذا عن لحوم الحمير والكلاب التي تناولها البشر من المصانع السوريه؟فلماالتبجح
سوريا
ابو شهاب الدمشقي2009-02-17 23:24:02
والله عيب
مصنعوا الألبسه السوريون حلقوا بالأسعار 00 والدوله مابعرف شو بدها من زيادة الرسوم على الألبسه الأ جنبيه 00 ليش مابتطلب من جماعتنا يخفضوا اسعارهم ويكفي جشع واستغلال وسرقه للمواطن 00
-سوريا
رضا الحر2009-02-17 20:32:48
من يراقب أسعار المنتج الوطني
لنفرض جدلا\" أن القرار لحماية الصناعة الوطنية ، لأنها لم تعد قادرة على منافسة البضائع الصينية ( طبعا\" سواء كانت الماركة أوربية أو صينية إلا أن الجميع يستورد من الصين ) وكن بالأساس البضائع الصينية الرخيصة في بلدها تباع بآلاف الليرات القرار الصحيح هو تحديد سعر مبيع المنتج الوطني و الاجنبي وليس زيادة الرسوم لترك التاجر والوكالة والمواطن يتهابشون قوت يومهم وما زلنا نسأل لم حررت التسعيرة ولمصلحة من ؟ إن كانت لمصلحة التجار و الوكالات فيمكنكم تحديد التسعيرة لحماية المواطن طبعا\" إن كان
-سوريا
مواطن2009-02-17 00:41:01
غريب أمرنا
غريب أمرنا بالوقت يلي الكل عم يهاجم القرار بتصويرو كأنو محاربة للفقراء . بستغرب وأنا بشتغل بأحدى الماركات المستوردة ( يلي هي أغلى من السوق )بأنو مبيعاتنا مئات الألوف يوميا . بالوقت يلي محلات الالبسة الشعبية مبيعاتها اليومية أقل من عادية . يعني كل شعبنا همو يلبس ماركات ومنقول القرار لمحاربة الفقير . عدا عن أنو صناعة القماش والألبسة السورية شئنا أم أبينا من أهم الصناعات السورية الداعمة لخزينة الدولة
-سوريا
صاحب محل2009-02-17 00:27:32
لكل المشاركات وخاصة يلي ضد القرار
رغم أنو أنا ضد أغلاق الاستيراد بس أنا مع وضع ضوابط حقيقية لألو . كل المشاركات هاجمت القرار لانو برايهم بيفيد التاجر فقط . هون بدي أسألهم مين يلي عم يستورد من الصين ؟ . هنن نفسهم التجار يلي كانو يصنعو وطني . لأنو التاجر بدل مايشغل كذا ورشة لمنتجو وبهيك بيكون شغل حوالي خمسين مواطن صار يطلع على الصين ويجيب الاف القطع . يعني هو ضل ربحان بس يلي خسر هو العامل الفقير . أما بالنسبة لمعامل الالبسة السورية الكبيرة فهنن بكل الأحوال ماتأثروا أبد لا قبل ولا بعد لأنو كل شغلهم للتصدير أساسا
-سوريا
الاسمر2009-02-16 23:42:42
ال منتج حلبي
اولا القرار منحاز لفئة قليلة جدا من التجار والصناع مقابل شعب كامل ثانيا كل الدول وبالاخص الخليجية والاروبية تستورد من الصين و تركيا و برسوم قليلة لانهم يؤمنون بالمنافسة والابداع اما ان اعتمد على صناع بلدي للاسف راحت علينا والى كل المصنعين نصيحة بيعوا معاملكم وافتحوا بقالية صغيرة اربحلكن وانا من الناس مستعد اشتري بنطلون 3000 ليرة مستورد احسن ما اشتري ثلاث بناطلين حلبية ماركة -- خاي وشكرا يرجى الناشر
-سوريا
rora2009-02-16 13:51:06
اتمنى الأجابة على سؤالي
على فرض انو البضاعة الأجنبية سيئة وعلى فرض البضاعة الوطنية ممتازة هل يا ترا متخذي القرار وزوجاتون وابنائهم هل يلبسون البضائع الوطنية تشجيعا للصناعة الوطنية أم بعتبروها مو ستايلون؟؟؟باللهي حدا يجاوبني بصراحة
سوريا
ذكي من بلاد برا2009-02-16 13:07:02
حماية => رقابة
إذا كانوا بدون يحموا الصناعة الوطنية مشان أصحاب المعامل، مين بدو يحمي المواطن إذا أعلنت التموين أنهم غير مسؤولين عن حماية الأسعار والرقابة على الأسعار وأنه مسؤولية المواطن التحقق من الأسعار؟؟؟؟ إذا بنطلون ولادي بيكلف 115 ل.س بالمعمل ينباع للمواطن بسعر 1900 ل.س ؟؟؟؟
-الكونغو
Angry!!!2009-02-16 12:37:28
قرار مرفوض
هذا قرار مرفوض و فيه كل أذى للمواطن السوري ! أذا أراد اصحاب الصناعات السوري ترويج بضائعهم فعليهم بتحسين مستوى منتجهم و تخفيض ارباحهم و انما وضع رسوم عالية على منتجات أحسن من منتجاتهم فهذا يتناقض مع اتجاه السوق الأجتماعي الحر و سياسة الأنفتاح التي يتبعها سيادة رئيسنا الحكيم ...فرجاء رفض هذا القرار و لنستمر الى الأمام و ليس عودة الى الخلف!!!
-سوريا
حلب (عذرا لكن القرار خاطئ)2009-02-16 12:37:04
بلاد التنظير الاقتصادي
يعني أمريكا و أوروبا لم تسطيع منافسة البضائع الصينية قتوجهت اليها لتفتح المصانع هناك و هنافي سورية نظرا لأن صناعتنا أقوى من أوروبا قررنا تحدي الصين و سن القرارات العجيبة. لن تؤدي هذه القرارات الا لزيادة التهريب و الغلاء ( الخاسر اذا هو خزينة الدولة و المواطن ) و الرابح الوحيد هو الصناعي فقط لكن حتى اشعار آخر. و شكرا
-سوريا
محمد دريد2009-02-16 12:10:59
رفع أسعار الألبسة
كنا نتمنى من الحكومة أن تتدخل لكبح الأسعار الجنونية في السنوات الماضية، لكنها كانت تتحجج أن ذلك يتناقض واقتصاد السوق الحر. لكننا فوجئنا بها تتدخل لرفع الأسعار لصالح التجار منتهكة السوق الحر. كلنا يريد حماية الصناعة الوطنية، لكن تباً بهذه الصناعة إذا كانت منتجاتها ببلدها أغلى من غيرها. على الحكومة أن تخفض الرسوم والضرائب والوقود والكهرباء عندها ستنخفض أسعار منتجات الصناعة الوطنية. لا يجب علينا أن ننقظ الاقتصاد والصناعيين على حساب البسطاء من الناس.
سوريا
قرايب الجاجة2009-02-16 12:03:45
مختصر مفيد
الله لا يوفق كل مين عمل بهل القرار و كل هل القرار ضد الشعب لأنوالصناعي يلي هون بدو يربح 300 بل100 مع أنو اليد العامله رخيصه بس مو مكتفي .كل العالم عم يوفر بلأزمه الأقتصاديه بس هون بيمشو ضد الشعب كرمال المصلحة الشخصيه **
-سوريا
أبو عثمان2009-02-16 12:03:58
حمايه لمن ياترى
يا ريت الحكومه تراقب اسعار الالبسه الوطنيه كلنا يعلم ان قطعه البسه صغيره لطفل ب1500 ليره سوريه هذا لا يجور بكل المعايير هل نريد حمايه الربح الفاحش ام ماذا ..........
سوريا
ابو صطيف2009-02-16 11:57:47
حرام
يعني تحرمونا من البضائع الرخيصة ليش حرام نستر ط** ولادنا بشي رخيص لازم نشتري القطعة من محلات النصابين بربح 150 و200%
سوريا
مواااااااااااطن خارج الوطن2009-02-16 11:53:30
حماية الصناعة الوطنية بالخارج
لو كان الحكومة والصناعيين متل ما تشدقوا بيهمون الاقتصاد الوطني يروحو ينافسو برا ويدخلو قطع اجنبي للبلد مو يتشاطرو عالمواطن الملعون نفسو ويفرض عليه اسعارون بالتعاون مع الحكومة انا بالإمارات نادرا ما شوف بضاعة سورية......وين الصناعيين والتجار السوريين هاد سوق مفتوح للمنافسة الشريفة اللي عندو شرف بشرف وينافس وشكرا سيريا نيوز عالنشر
-سوريا
عاشق سوريا2009-02-16 11:43:14
مصلحة مين ؟
أرى أنه من الواجب على الحكومة وضع أولوية المصالح التي يجب رعايتها ، فمصلحة المواطن هي الأولى بالرعاية من مصالح الصناعيين و التجار، و ليكن معلوماً ان من بديهيات السياسات الحكومية أن حماية المنتج الوطني لا تتم الا عبر الجودة و ليس بفرض الرسوم الباهظة على المستوردات لأن ذلك سوف ينعكس سلباً على الجودة ، اذا كان المنتج الوطني بجودة عاليةو سعر معقول فإن أغلبية الشعب السوري سوف تتجه لشراءه ، كما يجب على الصناعيين التقليص من هامش الربح الفاحش من أجل دعم الصناعة الوطنية
-سوريا
مواااااااااااطن خارج الوطن2009-02-16 11:45:50
على مين عميضحكو
الكل بيعرف بما فيون الحضرات اللي اتخذو القرار انو البضاعة الصينية افضل من بضاعتنا الوطنية المساوية الها بالسعر لأ والأغلى منها مرة ونص حاجتنا كذب مصالح مشتركة وك..................ام المواطن
-سوريا
مواااااااااااطن خارج الوطن2009-02-16 11:41:57
يعيش الصناعي يسقط المواطن
"" في حين يهمنا رفع سعر البضائع الصينية بسبب غزوها أسواقنا، وهي بضائع مبتذلة دون المستوى ودون المواصفات القياسية السورية "" إذا كان هالكلام صحيح فليش عبتستوردوها يعيش الصناعي الوطني برخاء .....يسقط المواطن الفقير.........بصراحة هذا ما قرأته من القرار القاتل
-سوريا
عايف حالو2009-02-16 11:36:12
المستوى
تريدون اجبار المواطن على شراء بضاعة وطنية ذات نوعية رديئةوسعر مرتفع أصلاً المواطن لم ولن يستطيع شراء البضائع المستوردة بسب المستوى المعيشي المتدني!!
-سوريا
( عمّار سورية )2009-02-16 11:02:43
والله شي بحير
والله حيروني..!! مرة بقولوا حماية المنتجات الوطنية ومرة بقولوا المنافسة واقتصاد السوق..
قطر
رامي2009-02-16 10:21:14
حرام
حرام و كتير حراملأنه حسب ماورد فان القرار سيؤثر فقط على المواطن الفير ايلي شافلوا منفذ من خلال البضائع الصينية الرخيصة و هي على فكرة ليست سيئة لأنها و بصراحة تصافي بضائع جيدة من أعوام قديمة شو خسرانه الدوله لو لبس هال الفقير أو دخل شي قطعة لمطبخه
-سوريا
بشير سلام2009-02-16 10:19:35
أؤيد القرار مع مراقبة المنعكسات
هذا القرار جيد لكن يجب أن تدرس منعكساته بدقة على أسعار الألبسة بمختلف أنواعها وفي حال عدم جدواه يجب تعديله.الأخوةالذين ينتقدون القرار إن هذا العامل في معامل الألبسة في القطاع الخاص هو أخي وأخوك وعنده أسرة، وإذا تم الاستغناء عنه ربما يتحول إلى لص يسرقني ويسرقك لأنه يريد أن يطعم أطفاله. إن الصين بلد الغش التجاري(الكل يذكر الميلامين في حليب الأطفال) وليس من المستبعدأن تكون هذه الملبوسات الصينية مخالفة للمواصفات ولا يوجد في سورية قرار لضمان سلامة ومطابقة الألبسة للمواصفات العالمية.
-سوريا
؟؟؟؟ التجار2009-02-16 10:11:20
تاجر وتويجر و؟؟؟؟ التجار
إلى من يهمه الامر نسيتو البالة ؟؟؟ البالة هي أساس المشكلة ويجب مكافحتها أيضا هي التي تستر الفقراء وهذا غلط يجب منعها حتى يتربى الفقير ان يلبس بالة شو فيها لو شحد او سرق حتى يلبس جاهز حتى نحمي صناعتنا الوطنية لازم نلعن أبو المواطن . فلتحيا صناعتنا الوطنية ويسقط المواطن
سوريا
مغترب معذب2009-02-16 09:38:08
وجع راس
تحياتي للجميع يا جماعة الشغلة بتحير يعني مين المستفيد من هالقرار مابعرف المنتج المحلي أو التاجر المستورد أو المواطن المشحر والأهم من هيك أنو ماعنا مواصفات قياسية بمنتجاتناالمحلية وخاصة الألبسة (مقاسات الطول والعرض كلها غلط )مثلا والبضاعة المستوردة(الصينية مثلا )بتجي مقاساتها مزبوطة وخامتها حلوة وسعرها معقول وأغلبها تقليد لماركات عالمية طيب فهمونا مين المستفيد أولا
-سوريا
محمود2009-02-16 09:35:05
أليات الدعم سخيفة لدرجة المسخرة
يعني كيلو القطنيات المستوردة ستزيد كلفته 6دولار و الأكريليك 5 والله شي مسخرة يعني يلي قرر يصدر هالقرار مالو عايش بسورياولا بيعرف معنى المنافسة بالجودة ***
-سوريا
واحد من هالناس2009-02-16 09:28:58
رد على \
يا سيدي نحن مع دعم الصناعة الوطنية وعلى راسنا من فوق, بس وقت الصناعي والمنتج السوري بيحترم حالو والمواطن واسم الصناعة السورية, مو بيتحكم وبيحتكر السوق على كيفو وبيسعر ابخس البضائع بأغلى الأسعار. طوال عقود كانوا التجار والصناعيين حاكمين السوق وارباحهم خيالية والكل بيعرف , بس وقت اللي صار في منافسة فاتوا بالحيط لأنهم مو قدالمنافسة. بدكون تربحوا ووو.. على كيفكون وفوق كل هاد بدكون الدولة تحميكون. هالقرار ظالم لأنو وقت صار في منافسة بالأسعار والبضائع, والناس صارت تاخدعلى قدها,خافوا البكوات التجار
-سوريا
talal2009-02-16 09:20:49
comment
I want to add , the whole industry should be re innovated and up to date technologies must be adopted as well to produce a good product at competitive price.
-سوريا
هزار2009-02-16 09:04:28
الحس الوطني الكبير
** شو يعني حماية الصناعة المحلية ولصلحة ميييين؟؟؟؟ حتما مصلحة التاجر والصناعي اللذان يزدادو ربحا وغنا على حساب المواطن بحجة حماية الوطن . كفى تلاعب والله لا يوفقهن
-سوريا
فادي2009-02-16 08:26:46
جهابذة الاقتصاد عندنا
يا سلام على هذا القرار الفذ .. هل حماية المنتج الوطني اهم من المستهلك ، ايعقل ان يؤخذ ضريبة للكغ الواحد تساوي حوالي 23 دولار ، اي ان الكنزة المستوردة اذا كان وزنها نصف كيلو يضاف عليها حوالي 530 ل.س ضريبة .. يا حسفي على المقررون الاقتصاديون .. بدلاً من تخفيض قيمة المازوت والرسوم بشكل عام على المنتج الوطني حتى يستطيع المنافسة نرى الاقتصاديون يصدرون قرارات تشكل عبئاً اضافياً على كاهل المواطن .. فبينما كان المواطن يستطيع ان يتسوق من البضائع المستورة نراه الآن سوف يقع تحت رحمة المصنع
-سوريا
تاجر و صناعي2009-02-16 07:35:21
شكرا
نشكر القيميين على هذا القرار وقبل فوات الاوان حيث ان نسبه كبيره من مصانع الألبسه باتت مهدده باغلاق أبوابها ان اعاده وضع تعرفه عاليه للألبسه المستورده انما ينقذ الاف العائلات كما انه يحمي المنتج الوطني على السيد الجاجه الذي أعرفه شخصيا ان يقوم بطباعة ستيكرات يحث المواطن بمقولة ((نلبس مما ننتج))
سوريا
happy syrian2009-02-16 07:26:59
فزلكة
قلتلي فزلكة يامنتج واللي بدك تمص دم البشر ببضاعتك وتربح 3 أضعاف ربحك. رح يجيكون يوم تبيعو أرقى منتجاتكون عالبسطة 3 بمية. الله لايشبعكون ولا يبارك باللي عم تسرقو.... يامفزلك!!
سوريا
talal2009-02-16 07:24:08
Not right action
I do not think it is right decision to make. If you want to establish a strong industry , you have to be competative. This solution is temporary and not effective on long term.
-سوريا
وسيم2009-02-16 07:10:56
هذه هي السياسات الاقتصادية الذكية و الصحيحة
هذه هي السياسات الاقتصادية الذكية و الصحيحة : السماح بالاستيراد لتحفيز المنتج الوطني على رفع الجودة و تخفيض السعر كي يستطيع منافسة البضائع المستوردة , و لكن في نفس الوقت الزام البضائع المستوردة بضريبة معينة لكي لا تطغى على المنتج الوطني فتسحقه بجودتها و رخص ثمنها. يعني يالمشرمحي : محل البسة فيه بنطلون صناعة وطنية نوعية جيدة بألف ليرة سورية ,و بجانبه بنطلون اجنبي بألفين ليرة , و الخيار للمستهلك.
سوريا
مهاجر2009-02-16 07:07:05
دون المستوى
((هي بضائع مبتذلة دون المستوى ودون المواصفات القياسية السورية")). هذه العبارة اين موقعها عندما اعطيتم تصريحا بادخال هذه البضائع الى الاسواق السوريه أم انكم تريدون فرض ضرائب جديده تسحب من جيب المواطن لان الجمارك الجديده اكيد التاجر سيزيدها على سعر البضاعه يعني في الاخر رح تجي براس المواطن
-الكويت
المحقق غادجيت2009-02-16 06:08:21
الله يوفقكم
عنجد فشيتوا قهري عندما أرى عشرات المعامل السورية للألبسة وقد أفلست وآلاف العمال أصبحوا في بيوتهم بلا عمل بسبب منافسة غير شريفة مع الملبوسات المستودة. ثم لي سؤال: لماذا لا تراقب نوعيات ومواصفات ما يستورد من ألبسة؟ هل تعلموا أن بعض الألبسة الصينية مصبوغ بمواد محظور استخدامها عالمبا؟ هل تعرفوا سبب رخص ثمنها؟ نعم أنا أتكلم عن الألبسة وأرجو فتح تحقيق. إضافة لتقديم فواتير وهمية بقيمة البضاعة
-سوريا
مواطن2009-02-16 03:10:07
ممتاز
اتفائلنا بسياسة السوق المفتوحة وكل مالا الامور لورا بس بدي افهم اقتصاد السوق شو هوي مرة اشتراكي ومرة راسمالي ومرة ولا واحد من هدول
-سوريا
مناصر للأسمر2009-02-16 03:04:10
إلى الاخ الغالي منتج حلبي
الحرية التجارية هي مطلب كل الاديان و المنافسة هي أكبر برهان و نحنا لسا ما نسينا المزروعات اللي عما تنسقى بمياه المجاري او الادوية المغشوشة او الحليب المغشوش بالمياه و الكربونات او البضائع الالبسة المغشوشة اللي تصدرت لروسيا بلا حشوات و بلا بطاين و بلا درزة ببعض الاحيان او الشاي المستورد بلا اسم و المصبوغ بالصباغ الاحمر الغير صالح للشرب ... و او و او و او ... و شو بدنا نحكي لنحكي ... على كل حال لل؟؟؟ الذين اصدروا القرار أقول لهم الحل بسيط جدا .. منستورد كم كيلو نظامي و منفوت الباقي تهريب و خدوا !
-سوريا
مغترب2009-02-16 02:49:27
عجبي
كل القرارت غالباتضع مصلحة المواطن خلفهاودائما تكون لمصلحة التاجر وصاحب المصنع أما المواطن المسكين الله لا يقيمو.للعلم انواسعارالألبسةالسورية غالية جدا ولا تقل عن أسعار الماركات العالمية.ويمكن ألبسة الأطفال من الأغلى على مستوى المنطقة.وانا كمقيم بالخليج مثل معظم السوريين المقيمين هنا نتجنب شراء الألبسة من سوريا لأنو بكل بساطة إذا بدنا نشتري أي قطعة نضيفة فهي أغلى من معظم الماركات العالمية.. وع كل خلي الفقير يموت بفقرو والمهم المحافظةعلى الصناعة الوطنيةوجيوب التجاروالصناعيين
-السعودية
منتج حلبي2009-02-16 01:59:54
جزاكم الله كل خير
جزاكم الله كل خير يا مؤلين غرفه صناعه دمشق وكنت اتمنى من غرفه صناعه حلب الافاضل ان يشاركوكم هذا الخبر الجميل الذي وصلنا بارتفاع اسعار الجمرك على البضاعه الصينيه واوجه رساله للاخ الاسمر التركي بلا فزلكه والله عندنا منتج بضاهي البضاعه الاوربيه واسعار ارخص من الصين واتوجه للقياده الحكيمه التي تهتم بامور الصناعيين السورين ولكم جزيل الشكر
-سوريا
قبل عام 582009-02-16 01:53:02
شركاء بالمؤامرة على المستهلك بعد سنوات الاحتكار
شي بيقرف لماذا لا يعمل المعنيون بالصناعة على دراسة عوامل نجاح الصناعة السورية وطرق منافسة السلع الصينية هل بالاسعار وحدها يتم منافسة السلع الصينية على فكرة ان الاغبياء في الصناعة لا يعرفون انه لو زادو الجمارك الى مئة الف دولار ستظل البضاعة الصينية ارخص واجمل من بعض بعض الصناعات السورية ولا ننسى ان الصناعة الصينية فيها افضل من الاوربية ياريت تكونو ارحم على المستهلك وانا كل يوم ادعو للصينين بالخير فلولاهم ماكنا اشترينا الجينز بميتين ليرة والكلسون كان وصل سعرة لخمسمية والله مفضل على....
-سوريا
الدكتور2009-02-16 01:54:06
ما شاء الله نوابغة بالاقتصاد
قرار ظالم و مجحف و غير منطقي و غير مدروس و يحكم على النسبة العظمى بالظهور بمظهر فاشل و سيتسبب بارتفاع اسعار الالبسة الوطنية بسبب الفارق الكبير في السعر مع المستورد ,,,,, يعني الكيلو رح يكلف 23 دولار ,,,,, ماشاء الله ,,,, قرارات حكيمة.
-سوريا
باسل2009-02-16 00:15:10
بالزلط احسن
شو بدنا احسن من هيك ليش في احلى من العيشة بالزلط
-سوريا
الاسمر من تركيا2009-02-16 00:11:19
مابدنا
مع احترامي للوزراء هذه منافسة شريفة ماصدقنا حتى نلبس بنطلون عليه القيمة مو غسلة وكب روحوا والله عم تقرفونا الواحد منكم بيطلع يشتري له ولعائلته من لندن وهذا خبر صحيح عن وزرائنا وعائلاتهم وخلي الشعب يموت خلي الصناع السوريين يهتموا بالقماش والتفصيل ومابدنا نشتري امستورد يعني بدنا نضل مبهدلين ماصدقنا على الله وجود شي بيلتبس وشكرا
-سوريا