syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
رجل يحاول الانتحار عارياً وسط السوق في مدينة حمص
الحوادث

أقدم رجل في الخامسة والثلاثين من العمر على محاولة الانتحار وسط السوق في مركز مدينة حمص يوم أمس الاثنين.


وشاهد أهالي المدينة ممن تواجد في منطقة الساعة القديمة, والتي تعتبر الوسط التجاري للمدينة, شاهدوا رجلاً في العقد الثالث من العمر يركض وهو عارٍ من الثياب إلاّ الداخلية السفلية منها, حيث كان يحاول شنق نفسه بواسطة حبل كان قد ربطه في عمود الساعة القديمة, لكن رجال شرطة المرور منعوه من ذلك, وسلموه إلى قسم شرطة الحميدية.

 وقالت مصادر في الشرطة لسيريانيوز إن الرجل ،ويدعى حافظ أحمد العمر من أهالي قرية الغور الغربية الواقعة على طريق مصياف، كان "يحاول الانتحار شنقاً".

أما أسباب محاولة الانتحار فقد تبين لسيريانيوز – بحسب عدة مصادر - أن الرجل "كان يعمل على بسطة في السوق لبيع الشاي, وقد صادرتها شرطة بلدية حمص يوم أمس الأحد الماضي، ومع عودته إلى منزله حيث كانت زوجته وابنتيه بانتظاره فضل عدم ذكر ما جرى من مصادرة باب رزقه الوحيد, لكن طلب ابنته في اليوم التالي أن يسكب لها كأسا من الشاي جعلته بحالة نفسية أدت به إلى محاولة الانتحار".

وتقوم عادة شرطة البلدية بمصادرة عدد كبير من البسطات المنتشرة في أرجاء متعددة من سوق المدينة, وذلك حفاظاً على المنظر العام للمدينة, فيما بقي السوق الشعبي الذي من المقرر تخصيصه للبسطات حبراً على ورق, بين أروقة عدد من الدوائر الرسمية في المحافظة.

أحمد ح صطوف - سيريانيوز – حمص


2008-11-11 21:50:54
شاركنا على مواقع التواصل الاجتماعي:



شارك بالتعليق
بنت سورية الخير والكرم والامان2008-11-18 01:58:26
أمنية
اليوم ونحنا بعام 2008عم نسمع اخبار الانتحارات المتنوعة كيف بس تنفرض القيمة المضافةعام2010 ؟الامنية هي يتوزيع لوربع المعونات التي تصل للشعب العراقي والشعوب الاخرى على هالناس المهددين بالانقراض وشكرا لمنحنا هذه الفرص لسماع الآراء المختلفة
-سوريا
Sally2008-11-14 16:48:55
شو القصة؟
كم خبر انتحار بهالشهر؟شو صاير؟ ليش كله بدو ينتحر؟والله بصراحة الحق معهم بس على حدعلمي انو الانتحار شغل الغرب الفاسق ونحنا الشرق المبسوط!؟؟
-سوريا
آرا سوفاليان2008-11-14 00:37:47
الى الأخ أنس حداد
والله العظيم لم يخطر في بالي ان اشير الى الأميةوتعزيز الجهل في العهد العثماني و أن هناك أجيال وأجيال من الناس لم يعرفوا القراءة ولا الكتابة فكيف هي الحال بالنسبة للغة الأجنبية حيث استعان عبد الحميد بالمشرع والقانوني الدولي أوديان الذي شرع وكتب دستور السلطنة وفي هذه الحالة أيها الأخ أنس فماذا بقي في حيز الايجابيات وأين هي بالضبط الجميع يراوغ عن قول الحق لسباب اعرفها تماماً دون أن يعرفوا أن المكابرة والتستر على الخطأ هو دعوة جديدة للبقاء في مستنقع التخلف
سوريا
MHD20002008-11-13 11:51:11
فساد
فساد فسسسسساااااااااااااااااااااد ليوم الدين والله المشكل مو بالبسطة تبع الشاي لانو في معظم دول العالم هاد الشي ممنوع بس نحن الشرطة عنا بتعرف طبق نصف القانو بس للاسف منصادر البسطة ومنترك الزلمة للكلاب تشحو من الحوع طيب شغلو و وبيحكولك ما في وظايف بالدولة بالرغم انو الدولة بامس الحاجة للموظفين قال مافي اعتماد للموظفين بس لغير شي في على العموم نحن ما حدا سمعنا يعني مننفخ في قربة مخزوقة بعين الله والله يغير الاحوال حتى بسريا نيوز في خيار وفقوس بس الي بيعجبن بينشرولوا لك أأأأأخ يابللللد
-سوريا
ناصر الحق منصور2008-11-13 09:49:38
إلى أغيد :
حبيبي ومين قال لك أن شعور الأبوة والأممومة مو من الرغبات ، بعدين هذه الثقافة غريبة عنا ، يعني الفقير لازم ينحرم من الأطفال ... بس أخ خ خ ... وين صرنا لك أولاد أخي أي أخ في هذا الوطن هم أولادي ورغيفي بقسموا نصفين ونحن مجبورين ببعض هذه ثقافتنا وديننا وما تربينا عليه بس ياحيف كيف انقلبت المفاهيم والقيم .
-سوريا
حمصي بجدارة2008-11-13 08:37:47
شكر للمنتحر
يعني يا شباب لو هالرجل قصدو ينتحر فعلاً ليش ما انتحر ببيتو أو عالأقل هوي ولابس تيابو يعني القصة مابدها كل هالتحضيرات بس الرجل بدو يعمل اعلان لمشكلتو وهلق هوي حقق يلي بدو ياه يعني لو الشرطة تركتو تأكدو ما كان رح ينتحرلأنو لو قصدو الانتحار ما إجا على نص البلد وقدام مل العالم وبوقت السوق ملان وبلا تياب وجايي ينتحر أهلين عمي شرفتنا
-سوريا
ابو عمر2008-11-13 05:56:46
الى الاخوة المعلقين
كل تعليق قرأته فيه بعض من الصواب. ولكن برأي اذا كان الحكم العثماني قد اخرنا 400 سنة عن الحضارة, فان الفساد الحالي قد فوت علينا قطار الحضارة و الاهم قطار الكرامة الانسانية. ان هذه الامة قد تعبت ووصل الفساد و للاسف ليسري في عروق معظم افرادها. وحسب ما ارى فانه من شبه المستحيل تصحيح الوضع. فالعيب هو فينا الان و ليس فقط بمسؤولينا الفاسدين
-سوريا
انس حداد2008-11-13 02:25:18
الارث العثماني
اي تجربة لاتخلومن حسنات وسيئات ومن المجحف ان ننظر لجانب دون اخر-فالدولة العثمانيةلها حسنات ولها سيئات وانا اويدكشف هذه السلبيات وانتقادهاوبنفس الوقت اظهار الايجابيات والثناء عليها-نحن لسنا قضاةولكن لنا الحق بابداء الراي-بالنسبة لي اشدمااكره في هذه الدولة هو اقصاء العرب عن القيادة وترسيخ الجهل وعدم تشجيع العلم فهل يعقل ان تكون جدتي وامها وجدتها لا تعرف القراءة والكتابة وهن جميعا ينتمين لدين جعل نبيه من قبل 1400سنة فداء الاسرى في معركة بدر هو تعليم ابناءه القراءة والكتابة-حقا انها مفارقة
-سوريا
مطووش2008-11-13 01:48:09
فهمونا
عن شو عم تحكو شو صاير يعني الشاي ممنوع
-سوريا
مواطن سوري2008-11-12 23:08:10
حزين على هاالامة
الله يعين الشعب الفقير كله يلي مالو حدا يعطي كل واحد الهم اسألك نفسي لو هالجمعيات الخيرة بتساعد المحتاجين ماوصل هاالمتعيش لهالمرحلة بس وينهم الجمعيات بنسمع عنهم بس مامنشوفهم الله يهديهم
سوريا
عاطل عن العمل2008-11-12 22:42:25
مش موظف
مع احترامي لكل موظف بالقطاع العام سؤال : ماذا يستفيد متل هذا المعتر والفقير من زيادة رواتب الموظفين بالدولة والغلاء المترافق مع هذه الزيادة ؟؟ والله حرام مش كل الناس موظفين لحتى ما تهتم الدولة الا بالموظف؟؟؟؟
-سوريا
الدومري2008-11-12 22:29:34
الى ابن التاريخ
سأجد لك الترابط الذي أشار اليه السيد آرا سوفاليان ما بين الحادثة والحكم العصمللي، كانت حنود الصمللي تغير على الأسواق فتصادر الأرزاق من على البسطات وتدخل القرى وتصادر الغلال ، وهذا ما قصده آرا سوفاليان حين قال أن تصرفات شرطتنا هي أرث عثماني بإمتياز فبالله عليك ما حاجة شرطتنا الى خمسون جرزة سبانغ ومثلها خبيزة وبضعة ميازين وعربيات بالله عليك أليس هذا شيء مخجل مضافاً اليه الركض والمطاردة ودعوسة العالم بمعنى ألم يأتي الوقت الذي نتخلص به من تركة العصملليين
-سوريا
آرا سوفاليان2008-11-12 22:13:32
الى فقير
كيف فهمت من تعليقي أن قصدي من العادات البالية هو البسطات ... أرجوك أرجوك أرجوك أعد قراءة تعليقاتي وهي أوضح من الشمس، الرزق الحلال يأتي من العمل الشريف وكل الأعمال شريفة عدا الموبقات وتجارة المخدرات والدعارة والإفساد في الارض أما الشقاء الذي يلقاه الفقراء في الكسب الحلال عن طريق العمل الشاق فهو الذي يزين الأرض ويزيدها جمالاً
سوريا
آرا سوفاليان2008-11-12 22:10:09
الى ابن التاريخ
فاتني ان أقول لكم أنه من شدة اعجاب الناس الذين تفخر بهم من شدة إعجابهم باللغة العربية فلقد اوقفوا التعامل بها في دواوينهم وألغوا استعمال الخط العربي وصارت عطلتهم السبت والأحد وهناك أمو كثيرة حدثت تعرفها أكثر مني بالتأكيد ولن أكتب عنها خشية تفسيرها في اتجاه مغاير لما أقصد
سوريا
آرا سوفاليان2008-11-12 21:53:20
الى ابن التاريخ
في الواقع فإن معلوماتي في هذا الشأن ضعيفة بسبب عدم القراءة كما تفضلتم ولكن الذي سمعته أنه تم سوق نصف مليون انسان من بلاد الشام الى معركة الترعة في سيناء وبقيادة جمال باشا السفاح فمات أغلبهم من الجوع والعطش والذي اعرفه أن قوافل الأحرار التي أعدمت في دمشق وبيروت بعد محاكمات عاليه وكانوا من خيرة الأشراف والمناضلين قرروا جميعاً بأن الحكم العثماني هو حدث مروع فصل رأس الأمة العربية عن جسدها وقدم الجميع روحهم لفداء هذه المقولة وتأكيدها ارجع الى مذكرات الشهيد شفيق المؤيد العظم لتعتذر مني
سوريا
آرا سوفاليان2008-11-12 21:53:20
الى أحمد
النشدق كلمة غير مهذبة واحترام اللغة العربية واجب على العربي عن طريق الكتابة بلا أخطاء املائية أما العهد العثماني فهو الذي رمى العرب في مستنقع الجهل والتخلف وقضى على أي أمكانية تؤدي الى تشكيل شيء مشابه لأوروبا المتحدة في الجنوب وهذا يحدث عندما يتم استعبادأمة متقدمة كانت سيدة العالم وهي الأمة العربية من قبل أمة أخرى متاخرةومتخلفة وأنظر حولك فنحن حتى الآن ندفع الثمن
سوريا
محمد2008-11-12 20:52:47
.
الله كبير عليكم زلمة فقير مسكين بدو يطعمي أهلو بتمشو القانون عليه بس الحرمية لكبار يلي عم يسرقوا كل يوم الملايين بضلو فلتانين.حسبنا الله ونعم الوكيل
-السنغال
مالك الحزين2008-11-12 19:38:58
مسخرة بمسخرة
قال:(صحيح لا تكسر و مكسور لا تاكل و كول و شباع ) يعني إذا أشتغلت بشرف مو خالص و شغل لتشغلو العالم مافي و عيش أنت و مرتك و أولادك عوجة عوجة
-سوريا
حلبي2008-11-12 18:46:51
فداكي روحي ياحمص
الله يعينو ويرزقو ويرزق كل مواطن شريف والله يفتح عيون المسؤولين على هالشعب والناس طفرانه يعني هي القصص مو بس بحمص هي القصص عمتتكرر كل يوم بالشام وحلب وحمص والادقيه وحماه ودير الزور وبكل محافظه سوريه يعني البطاله والفقر رح ياكلنا لازم نلاقي حل ولا الناس بتنفجر وبتنتحر بتموت موت بطيء ارحمو من بالارض يرحمكم من بالسماء
-سوريا
أحمد2008-11-12 18:07:01
إلى أرا سوفاليان
التشدق بما ذكرتيه عن التاريخ العثماني هو هروب من مشكلة فلا يمكن أن يتحمل التاريخ ما ذكريته لأنه أخذ معه كل الأسباب التي أدة لذلك و هناك أمم قد نهضت من لا شئ و بعد حروب و تخلف فاق ما ذكرتيه فإذا لم تعلمي فيجب أن تعلمي حتى هؤولاء العثمانيين المتخلفين أين أصبحوا و إذا كنت لا تعلمي أنهم كانوا يأتوا لسوريا ليروا الحضارة سنة 1975 فهذه مصيبة كانت دمشق قبل خمسين نظيفة و جميلة وكانت التكاسي نظيفة و تطلبي تكسي بشكل حضاري هاتفيا و بكل لباقة من خمسين سنة إلى اليوم ما الذي حصل هل أتوا العثمانين
-سوريا
مواطن من هالبلد2008-11-12 17:14:26
عيش كتير بتشوف كتير
طيب هدا يشتغل على بسطة يبيع شاي ولا يروح يسرق اينو احسن هي مو مشكلة شخص واحد البسطات بحمص كتيرة لازم يلاقو حل ما يحلو المشكلة بمشكلة يعني مشان يحسنو منظر البلد بيصادرو مصدر رزقو للزلمة واذا ما لقا شغل يشتغلو بما انو معدل البطالة بازدياد رح يا يشحد يا اما يسرق هيك بيصير منظر البلد احلا .. انا انصح بان يجدو حل يرضي الطرفين وليس لاحدهم على حساب الاخر.
-سوريا
إبن التأريخ2008-11-12 16:10:49
عجباً....إلى ( آرا سوفاليان)
أولاًً..يا ترا على اي اساس وضع هذا الاخ (آرا سوفاليان)ارتباظاً بين الدولة العثمانية وهذا الهدث المؤلم.ثانيا...يجب ان نسأل( آرا سوفاليان) ألم يقرأ شياً عن الحكم العثماني الذي استمر400مئةتقريباً في الوطن العربي والذي يشهد له جميع المصادر الموثوقة بانه كان عهداً عادلاً.مثلاً أنظروا اليوم أقرب لهجةعربيةالى الفصحةهي لهجات بلاد الشام التي نفتخر بها تجاه إخواننا العرب.فان هذانتيجةاهتمام العثمانيين بفتح مداريس قوية تبقي العربية حية.رغم انهم احتكوا بناالاكثر هنا في بلاد الشام الذي يجب ان تتأثر لغةسلباً
سوريا
فقير2008-11-12 16:01:35
الله يعينو الزمن والحكومه عليه
يااخ اراسوفاليان انتا بتشوفها عادات باليه البسطه والفقير بشوفها دنيا كامله مو من حق الحكومه تشيل من البسطه دبوس صغير اذا بدها تمنع البسطات بتجي على الشخص بما انه انسان والو حق طريقة الحياة الادميه وتقولو ممنوع فتح البسطه شو شفلك شي طريق تاني اشتغل فيه اقتل ولا اسرق ولا روح انتحر لانو نحنا مانعين البسطات وغير مسؤلين عن تامين البديل . لك يااخي اقل مايمكن تجي عليه وتاخد الهويه وتعطيه انزار اول وانزار تاني التالت تصادر لكن هيك خبط لزق شو عم يتاجر بالمخدرات . !!!
سوريا
آرا سوفاليان2008-11-12 15:07:05
الى الأخت هلا
اربعمائة سنة من العبودية في ظل الحكم العثماني الذي حكم بالحديدوالنار وأزهق أرواح مئات الألوف من أهل بلاد الشام وعلمنا العوائد البالية مضافاً اليها أرث وخيم نحمل أزره حتى اليوم أدي الى تخلفنا المذهل بسبب تردي العلوم وتراجع الحضارة عن طريق تمكين الجاهل من أن يسود المتعلم فنبذنا العالم وأصبحنا في آخر سلمّ الرقي الاجتماعي وهذه هي الحقيقة ولو لم نعترف بها لأنها تبقى الحقيقة
سوريا
phoenix2008-11-12 14:50:59
ما سمعت شي
مرحبا يا شباب ... أنا من نفس منطقة البياع المنتحر و ما سمعت هيك شي ععلى كل حال أنا الجمعة عندي مشوار على قرية الغور الغربية و بدي أتأكد من حالة البياع المنتحر
-سوريا
لتواخذونا2008-11-12 14:42:13
على هالتعليق
هذه حركات التلبسة للمنظرة ولفت النظر وللإيحاء بأنه مظلوم في المرة القادمة اتركوه وسترون أنه سيعود ويندم فالشوارع والأرصفة يجب أن تكون نظيفة ومحترمه للمشاة ..... لكن أنا مع تنظيم هذه المهنة بعربات جميلة وأنيقة مرخصة مثل جميع دول العالم وبنظافة البائع والبضاعة وأتمنى أن تكون لهم نقابة وليس كل من هب ودب فرش على الأرض في أي مكان يريده ويجب أن يكون التطبيق على الجميع وليس على من يدفع أولايدفع .
-سوريا
زهقانة2008-11-12 14:25:23
حرام
اي والله العظيم حرام أي خلو العالم ترتزق وازا حاطط بسطة وعم يبيع شاي يااما رخصو شوي أجار المحلات بتصير العالم بتساجر محل بدال ما يشتغل عالبسطة يعني هو رح يكون مبسوط بهالشغل أكيد لا بس مطر يعمل هيك الله يساعد العالم
-سوريا
مظلوم2008-11-12 13:56:27
كفى جشعا
في أرقى دول العالم المتقدمة تجد الأسواق الشعبية وترى البسطات في الشوارع لكن تكون منظمة وبشكل أنيق يلفت الانتباه, فلماذا لا يقوم هؤلاء ممن يدّعون أنهم سيحافظون على جمال المدن بتنظيم الأسواق الشعبية أو البسطات بشكل يتناسب مع جمال المدينة ولا يؤدي إلى حرمان هؤلاء من مصدر قوتهم, من هذا المنبر "سيريانيوز" نتوجه إلى كل من يهمه أمر البلاد والعباد أن يسارع في هذه الخطوة التي ستؤمن آلاف فرص العمل لمن لا يجدون عملا وتحمي أصحاب البسطات من حالة الخوف التي تصطنعها البلديات.
-سوريا
مغترب2008-11-12 13:52:40
قطع الاعناق ولاقطع الارزاق
بدي افهم نو ببلدنا المنظر العام للمدينة اهم من حياة الانسان ولاقصدهم يغشوا الناس ويخبوا الفقر بالقمع ليقولوا انو البلد بخير وانو الناس مبسوطة لانو موناقصهم شي بيقولوا قطع الاعناق ولاقطع الارزاق وببلدنا بيقطعوا رزق الواحد واذااحتج بيقطعوا راسه كمان
سوريا
يائس جدا2008-11-12 13:17:52
وجهة نظر
انا شايف انوها الشخص اللي حاول ينتحر ما كان قصدو يعمل متل مهرجين السيرك بس كان حابب يوصل فكرة لكل الناس انو هو شخص مظلوم و يائس و الدولة هي المسؤول الرئيسي عن فشلوو قطع رزقو لان الكل بيعرف ا ذا الدولة حبت تعمل شي بتعملو بشكل صح بس انا صار عندي قناعة انو الدولة بتعرف كل المشاكل اللي عبعاني منها المواطن السوري بس عايفة الوضع فوضوي مشان يقدرو موظفين الدولة بكل القطاعات ياخدو رزقتهن اما اذا كان القانون و النظام هوه صاحب الكلمة الاخيرة الموظفين رح يموتو من الجوع
-سوريا
Syrian2008-11-12 13:13:27
دليل سياحي
في أشهر سوق سياحي في برشلونة يدعى( ٌLa Rambla )لا رمبلا وهوأكبر تجمع للسواح من كل بلدان العالم ترى فيه أشهر الرسامين جالسين عل الرصيف يرسمون المارة(طبعامقابل المال) بالاضافة لعشرات العشرات من البسطات الموزعة لكل ماتتمنى شراؤه ابتداءا بالجرائد وانتهاءا بالكولا والعلكةّ!!!وطبعا لاأحد يطاردهم بل بالعكس يعتبروا جزء من التراث.لا مزيد من التعليق
-سوريا
أبو الوفا2008-11-12 13:07:13
بسطات برج الروس
السيد المحافظ * لو تتكرم بلنزول الى زاوية برج الروس في القصاع* فسترى الألبسة الداخلية النسائية تباع على البسطةالتى لايجرئ أحد على منعة بحجة أنها أمنية * وحين يريد سائق وقف سيارتة لثوان يكتب مباشرة بمخالفة علما بأن البسطة تعمل أزدحاما أكث من عشر سيارت وتم الأن إضافة موالح ومكسرات أمنية أيضا فأين العدل ياشرطة المحافظة والسيد المحافظ
سوريا
مهاجر2008-11-12 12:58:31
السوق الشعبي المتنقل
الحل لمشكلة البسطات السوق الشعبي المتنقل كل يوم في الاسبوع يفتتح السوق في حي معين من الساعة السابعة صباحة الى الساعة الثالثة ظهراو في اليوم التالي في شارع اخر باشراف البلدية هذا ما شهدته في اليونان و تركيا حيث تصبح البسطات و التسوق متعه و تسد احتياجات كل حي لمدة اسبوع. الرجاء من المحافظة الاطلاع على تجارب الدول الاوروبية في هذا المجال وعندها لا تفنى الغنم و لاينتحر الذئب
-اليونان
كيوي2008-11-12 12:42:54
ليست قساوة قلب بل منطقية تفسير
لا ننكر بأن هذا الشخص في ضيق شديد ، و لكن ماننكره أنه لو أراد فعلا ً الإنتحار لانتحر وحيدا منعزلا من دون هذا التصر ف الاستعراضي . و قضية البسطات قضية لا خلاف على حلها و بشكل جذري ، فهذه البسطات مظهر غير حضاري أبدا وإن كان و لابد فالتنقل إلى شارع خاص بها و زبائنها ستلحق بها . و نحن نؤيد محافظ حمص في قمعه لهذه الظاهرة
سوريا
م. رواد2008-11-12 11:45:20
لازم ينوجد حل
شكر للإستاذ أحمد صطوف على المقالة يلي تلقي الضوء على واقع غلط.. ما بدي اعمل قاضي و حاكم هيدا الرجل المسؤول عن عائلة،ولا بدي حاكم رجال البلدية.لكن لازم المعنيين بعد فهم الصورة يلاقو حل للواقع الغلط حتى يصير واقع(سليم).لإنو المسؤول هو مسؤول عن الغلط و مسؤوليته تقتضي تصحيحه.إذا ما بيقدر لازم يتخلى عن المسؤوليةللقادرين لازم نحافظ على منظر المدينةو كمان لازم يتنظم مكان لهالدراويش يشتغلو فيه. والله مو كل الناس صحلها تروح عالجامعة و تشتغل بالمكاتب، أو تمتلك محلات، وهذالا يعني إننا نسمح يموتو من الجوع
الإمارات
عزت بحري2008-11-12 10:50:23
شي غريب
الشيء الغريب الذي لفت نظري هنا أن الجميع يكتب ويعلم بشكل مباشر أن شرطة البلدية تتقاضى رشاوي من أجل التغاضي على مخالفات ولم يحرك أحد ساكن لمعالجة هذه المشكلة .... هل هذا الوضع طبيعي يا حكومة !!!!
-سوريا
كلناسوا2008-11-12 10:38:34
الحل بأقرب محل
والله يا اخي هادا الوضع هيك ما منيح الحل دائما لازم يكون موجود وهون الحل بأقرب محل يعملوا سوق بسطاطات ,, بمكان يكون فاضي , ويحطوا كل البسطات فيها ويدفعوهم رسوم بسيطة وهيك بيمشي الحل
سوريا
أحمد السوري2008-11-12 10:17:54
شارع الشعلان مسكر بالبسطات ..ولا ليكونو واسطن تئيل
يبدو أن البلديات عندا خيار وفؤوس...فهي لا تجرأ على الاقتراب من محلات وبسطات الشعلان رغم أنها تأخذ الرصيف كاملا وتمنع سير المشاة...طيب ما شي إزا كانوا مدعومين يعني يليداعمون يخبرون أنو يضبضبوا شوي
-سوريا
د.علي نور2008-11-12 10:15:19
استعراض ممتهن
من وين دارجة هالعادة القذرة ...كل واحد بدو يتنتحر بفرجينا عضلاته ..وضروري يعني يتعرى قبل ما ينتحر ؟؟ الموضوع استعراض ..وما بدل غير انه واحد سرسري . من قال له ان يترك المدرسة وما يدرس ويصير مهندس ..آلاف من الفقراء المدقعين في الفقر عم يتعلموا ويدرسوا وعم يتغلبوا على الظروف وعم بصيروا مهندسين وأطباء ودكاترة جامعيين . ومافي اب أو أم بسوريا إلا عم يدفعوا الغالي والرخيص مشان مستقبل اولادهم . فهل المجتمع مسؤول عن اشخاص فاسدين فاشلين ؟! اذهب إلى سوق الحرامية وشوف اصحاب هالبسطات الأبرياء
-سوريا
مغترب مشتاااااااق2008-11-12 10:10:03
والله الواحد بيحتار شو بدو يكتب
ياجماعة والله الواحد مابيقدر يقول أنو هالزلمة فعلا عم يشوه منظر البلد وفعلا بعض اصحاب البسطات بيوسحو الشارع وبيتحرشو بالنساء بس بنفس الوقت منخاف يكون هالزلمة ضيع 30 او 40 سنة من عمرو بتعليم اجيال وتدريس اطفال وطبعا لما طلع عالتقاعد اضطر يبيع شاي او يشتغل شوفير تكسي او اي شي منشان يطعمي ولادو ياعالم صار بدنا حلولللللللللللل جذرية لمشاكلنا
-سوريا
واحد2008-11-12 09:32:46
استعراض
من أراد الموت منتحرا سيشنق نفسه بصمت في غرفة مظلمة كما فعل المواطن الحلبي منذ يومين , ثانيا ما ذنب التاجر صاحب المحل التجاري المرخص الذي يتحمل الضرائب ان ينازعه على رزقه صاحب بسطة رأس ماله 5000 ليرة ؟ من يشاهد البلدية وهي تزيل تلك البسطات يتعاطف مع اصحابها , ومن يفكر بهدوء يدرك انه التصرف الامثل ...
-سوريا
طافش من برا2008-11-12 08:39:31
تعو تفرجو سوق البسطات و الخضرة في الشعلان
يعني هاد الغريب بالموضوع انو مثلا في دمشق الشعلان بالتحديد لا تقدر شرطة البلدية ضبط أصحاب المحلات من عرقلة و اشغال رصيف المارة ووضع بسطات الدخان و الفواكه و الخضراوات بالشارع و المشاة عمرهن ما يمشو عالرصيف أو حدا يحط سيارتو قدامهن و بيظهر انو شرطة البلدية عم تقبض المعلوم لحتى تاركتهن عحالهم رغم كثرة الشكاوي عليهم و العجب بالموضوع انو يلي حاول الانتحار بياع شاي و يوم الاثنين لو يوم الأربعا كنا قلنا ممكن ؟ أكيد في لبث بالموضوع !!!
-سوريا
م.فراس2008-11-12 08:33:39
برسم جميع المحافظين
ان شرطة البلدية يذهبون الى البسطات فأن قام بتقديم الرشوة تركوه وتركوا له خسارة ما ارتشوا به , وان لم يرشهم صادروا بسطته واصبحوا شرفاء يقومون بتطبيق القانون ,لذلك نرجو من السادة المحافظين وضع معايير للبسطات واماكن تواجدها بجميع الحافظات وجميع الاماكن و نرجوا متابعة الموضع والاهتمام به.
سوريا
هلا2008-11-12 08:33:12
السيد سوفليان :لنكن واقعين
التعليق الذي اععجبك بين بوضوح اساس المشكلة. اما انت فقد اضفت عليه شئ من خصوصيتك واصفا هذه الظاهرة ب \"الارث العصمللي\". حتى هذه سامحك الله ترميها عليهم؟
-سوريا
ابن سوريا الأسد2008-11-12 08:30:39
برسم بلدية حمص المعروفون بالذكاء.
إذا كانت شرطة البلدية وراء هذا الحادث؟ لماذا وبدل هذه الاجراءات لاتقوم شرطة البلدية باستثمار اكشاك متنقلة او ثابتة تقوم هي بتصنيعها وتكون ذات مظهر حضاري ثم توزعها بشكل منتظم وتطرحها للاستثمار من قبل هؤلاء الباعة المتجولون.فمنها تحصل على حصة ومنها يستطيع هذا البائع ان يستفيد بطرق مثلى وقانونية... صادر ولا يوجد حل.في كل العالم يطرح الحل للمشكلة ثم يبدأ التنفيذ.سبحان الله يعني كثير صعبة على هؤلاء المسؤولين يقعدوا يلاقوا حل؟؟ اتقوا الله بأخوانكم.
-سوريا
حمادة2008-11-12 08:24:12
ياحبيبي
صلحوا الغلط بغلط أكبر
الإمارات
محمد حسن2008-11-12 07:53:27
لا تحزنوا كتير
أيها الاخوة والسادة الكرام . قد تظنوا أن التعليق لا إنساني ولكنه الحقيقة . نعم ..أنا مع الشرطة في مصادرة البسطات . لأن أصحاب البسطات في العموم قراصنة صغار . ومعظمهم من أصحاب السوابق . واليكم مثال في سوق قرب مسجد خالد بن الوليد كان يسمى سوق العراقية كله بسطات . وعندما منعت الشرطة بصرامة هذه البسطات . اشترى معظم أصحاب هذه البسطات محالاً تجارية في نفس المكان . وللعلم بسطة صغيرة لا تعجبك تدر أموالاً تعادل محلا تجارياً كاملاً . إضافة أنهم لا يتورعون عن غش الزبائن وبيعهم بضائع فاسدة.
-سوريا
هاني2008-11-12 07:35:01
القانون لا يطبق الا على المواطن المعتر في حمص
لماذا يا سيادة محا فظ حمص ولماذا يا بلدية حمص القانون لا يطبق الا على المواطن البسيط الذي يركض و بالكاديحصل قوة يومهوقوة أطفله وأقصد هنا أصحاب البسطات من أجل مصلحة أصحاب المحلات والتجار الجشعين في حمص ولو كان يهمكم الشعب الفقير لنظمتم على الأقل البسطات في اماكن محددة. ولماذا تمنعون الناس من تركيب عدادات كهرباءوماء في المناطق الفقيرة. **
سوريا
عبد2008-11-12 05:15:05
سجن العبيد
نبحث عن الحرية لتقرير المصير ونحرم حتى من حق الوت
-سوريا
aghiad2008-11-12 03:51:00
خلفو و أنتحرو
طيب يا جماعة الخير بس بدي أفهم الشخص يلي ما مقدرتو يصرف على أطفال وعيلة ليش بخلف وبينجب الأطفال أنا ما رح اٍأل ليش بيتجوز ب الأصل لأنو حقو يتجوز ويشبع رغباتو ب الحلال بس الولاد ليش بس مشان يشغلون أو ما يقدر يصرف عليون و الله غريب بأمر هل العالم
سوريا
اسماعيل2008-11-12 03:27:01
مارشيه
هل سمع احدكم بالمارشيه المارشيه هو السوق بالفرنسي في فرنسا-عفكرة فرنسا رقم واحد بالسياحة عالميا- يوجد نظام للبسطاط هو التالي جميع ايام الاسبوع يقام هذا السوق الجوال كل يوم او يومين في ساحة من ساحات المدينة البائع يدفع رسم للبلدية ورسم نظافة و يحصل على رخصة للمشاركة بالسوق من الصباح الباكر للعصر و بيترزق و الدولة بتربح و الزبون يحصل على بضاعة بسعر مناسب في نهاية اليوم تنظف الساحة و لا كأنو صار شي وكل الناس مبسوطة بربكم صعبة كتيير بس بدك مين يفهم بس
فرنسا
jakall2008-11-12 03:05:00
رد للسيد انس حداد
اضم صوتي لصوت الاخ انس و اشكره على التعليق يعني مو حرام هل المعتر عم يبيع شاي و هيك يصير فيه بتمنى من المعلقين و خصوصا السيد المحترم ابو رامز انه يضع مكانه شي يوم اجى على البيت و واحد من ولاده طلب شي و ما قدر يجيبه شو شعوره ... ما بقى بقلوب الناس رحمة انا ما عم اتصور يعني شو عم يعملو هل المساكين عم يسرقو لك حرام لك طلبت كاسة شاي ان شاء الله راح نساعده للرجل من هون من المانيا لان هو اخونا وابن بلدنا.. لعيون سورية منساعده
ألمانيا
syrian2008-11-12 02:54:18
حراااااااااااااااااااااااااااااااااااااااااااااااا
لك والله حرام شو بدكن بهالمعتر هاد يعني من وين بدو يصرف على حالو ؟ في مين يجبلوا راتب آخر الشهر من دون شي؟؟؟؟ ؟؟؟ ؟؟؟؟ ؟؟؟ ؟؟؟؟ حدا يقلي
سوريا
دايق المر2008-11-12 02:39:54
اسمع يا بائع الشاي
عندما تضيق الحياة على المرء يلجأ الى بعض الحلول .الحل الاول الوقوف على عتبة السفارات ,و أعتقد بأن الغربة ضاقت بنا ذرعاو هذا تم تأكيده من خلال موقعنا المحبب سيريانيوز و هي أكدت وجود 15000000 مليون مغترب عن ارض الوطن.و الحل الثاني هوالتضرع الى الله و هذا يحتاج صبراً ومامن صبورين مثلنا,الحل الثالث هو الانتحار ,الى اين انت ذاهب قال العسس هذا حرام رغم انهم مطموسون فيه. أماالحل الرابع...((أهلا بك في عالم الجريمة))
-سوريا
ملاطش2008-11-12 02:33:47
يعني
حلوا مشكلة البطالة وخلصونا من هيك أخبار بتوجع القلب يعني بدنا نشتغل شه.
-سوريا
حمصي مغترب2008-11-12 02:07:57
خوش الحمصي اخو بوش الامريكي
اشاهد في كل زيارة لحمص و اقرأ عنها و عن مآسي اهلها. من بائع الشاي لبياع الخضرة للمتعيش البسيط. كما اشاهد البناء الضخم اذي بقى له عشرات السنين واقف على حال في وسط مدينة تعتبر بالاهمية تالت مدينة في سوريا. و راحووضعو قيادة الشرطةو كراج سيارتها في قلب المدينة بعدما كانت على طريق حماةماشي حاله. *هذا بينفع كتير منظر المدينة و السياحة*.و استثمار البناء السابق لو وزع على فقراء حمص لكفاهم. و لكن وين اهل الضمير الغيورين عل البلد وين .شوفو معاملة الشرطةفي سوق حمص من قسوة و حقد و كانه أخذ بالثأر.
سوريا
مفتربه20سنه2008-11-12 01:57:41
الوين ياشعبنا موديك القدر؟
ناس جوعانه وعراينه وناس فسقانه تتسلى بعباد الله يعني ما انجبر ع الانتحار الا من الضيم الي عايشو >اش جابرك عالمر غيرالامر منو< اووووووووووووووف الله يسلط عليهم وحسبي الله ونعم الوكيل >>غلاء + فقر=الموت ارحم بس الانتحار مو حل للمشكله لمين تخلي ضناك من بعدك وبعدين من نار الدنيا لنار الاخره الله يجيرنا
سوريا
رياض.أ2008-11-12 01:27:25
برعاية محافظ حمص
برعاية وعناية محافظ حمص المبجل سيصبح منظر الناس القافزين الى الشارع بهذا الشكل مع مشانقهم عاديًا جداًً في حمص وفي زمن قريب جداً..
-سوريا
ابووسيم2008-11-12 01:20:42
شي بيحير
يعني لا خليتويشتغل ويطعمي ولادة ولاخليتو ينتحر لاوغيرهيك هلق بيكون بالسجن وبدو مصروف فياترى بعدماصادرو البسطة وصاحب البسطة من وين بدهم ياكلو الاولاد ويوكلو محامي للاب وعلى فكرة اذا حدا من العيلة راح يشحد راح ينسجن ويتبهدل وانا بناشدالقاضي يحكم علية بالعمل عندواحدبحددوالقاضي ويجبرو ياخذراتب يكفي عيلتو بالكي ببطل يبيع شاي وبيتربى
-سوريا
عيب2008-11-12 01:18:01
عيب ونص
تاركين حرامية البلد يلي وصلو هل الدرويش لهل الحالة ولاحقين بسطة مابضر ولا بتنفع. **
-سوريا
ميوشة2008-11-12 01:13:21
الله يعين العالم
ياحرام مش معقول يابلدية تعملو هيك بلناس ولله حرام كل هيدا بسطة شاي مش شي محرز بتمنا منكم تشوفو وضع الناس قبل ما تسوه فيهم هيك
لبنان
آرا سوفاليان2008-11-12 00:21:11
الى السيد أنس حداد
قرأت التعليقات كلها ووجدت من يسخر من المسألة برمتها ومن يتحدث عن يوم الأربعاء ومن يصف أصحاب البسطات بالحرامية وآخر من يقول أنهم يتحرشون بالنساء حتى وصلت الى تعليقك فتمنيت أن لا يعلق في الموقع أحد غيرك لأنك محترم بكل المقاييس أما هؤلاء المساكين وأغلبهم في سن ما بعد التقاعد سيموتون من الجوع إن بقيوا بلا عمل ولا أحد يسأل عنهم في حين تجد أقرانهم في دول الغرب يرفلون في نعمة الدولة التي تنفق عليهم وعلى طبابتهم ونحن نصادر لقمة عيشهم بدلاً من أن يكونوا مرفهين في بيوتهم في هذه السن
سوريا
واحد عايش برا2008-11-12 00:21:49
تكملة.. \
أين تجد البائعين الجواليين؟ تحت برج أيفل و عند الاهرامات، حول ساعة بيغ بين و امام اكبر بنوك نيويورك. هؤلاء لم يمنعوا من ازدهار السياحة في تلك البلاد، فلماذا يصر المسؤولوون على ملاحقتهم و كأنهم سبب كل تخلفنا. هل يجب ملاحقة كل فقير و معتر يحاول أن يجد طريقة ليبقي نفسه و عائلته على قيد الحياة في زمان ومكان تعذر ذلك حتى على أصحاب الشهادات العليا. هل يجب \"إزالة\" الفقراء ليتم بذلك إزالة الفقر؟ أم العكس؟
-الولايات المتحدة
آرا سوفاليان2008-11-12 00:14:35
مفارقات مذهلة
الهرج والمرج والركض بالبضاعة لتهريبها من عناصر شرطة المحافظة وعربات خضار محطمة ومصادرة وميازين وبعض سحاحير الخضار والفواكه توضع في وسط البيك آب وأبطالنا الميامين بلباسهم الحكومي حول المصادرات والمصادرات هي لقمة العيش لأصحاب البسطات الفقراء هذا الأرث العصمللي بإمتياز والباقي حتى اليوم بإمتياز،دعوا الفقراء يعملون لكي لا يعملوا في أعمال أخرى إعملوا لهم أسواق مؤقته موسمية ببدلات ايجار زهيدة ودعوهم يعملون ليكسبوا قوتهم لأن أقرانهم في دول الغرب تصرف الدولة على إعاشتهم وطببابتهم
سوريا
الادقاني2008-11-11 23:59:48
الله يجيرنا
إذا باع عل البسطه ماأحسن مايسرق وينهب بس بالظاهر مادفعلون المعلوم للشرطه بكل دول العالم في أكشاك وبسطاط تروح الشرطه تصادر السيارات يلي بدون نمر وبعض البسطاط يلي ممنوع الأقتراب منها بس يلي مافينو عل الجمل بينط على القط الله يصبر هلمسكين ويصبرنا
سوريا
معد2008-11-11 23:37:26
مأساة بائع الشاي الفقير
اليست الحكومة هي المعبرة عن مطالب الشعب... نحن الشعب العربي السوري لسنا بمزعوجين من بسطات الشاي ولا بسطات الخضرة... ونطلب من عناصر الشرطة عدم رفس قوت الشعب بارجلهم وعدم احتقار ابناء الشعب و الرقص على آلامهم...قلبنا معك يا بائع الشاي... يا من اوقفت التطور طويلا في بلدي ....!!!!
-سوريا
مواطن سوري2008-11-11 23:31:05
لاحول ولا قوة الا بلله
اتمنى من الشرطة ان يفتحو عيونهم اكتر من هيك ويشوفو المخالفات الكبيرة بحق البلد وليس بياع الشاي الله يعينو بس الى متى سوف ننظر الى القشور ونترك الامور الكبيرة الى ما لا نهاية لك عمار يا بلدي الحبيب
سوريا
1111111111112008-11-11 23:05:14
11111111111
والله هوغلطوبسمحوبسطه سعيره بس تيجي عليه بتلقيه عامل محل في الشارع بس منحط احق على غيرنه
-اليمن
ابو رامز2008-11-11 23:01:20
الله يعين ابن حمص
والله بياعين البسطات نصفهم مابينعطو وش واغلبيتهم سرسرية وصايعين بيقولو البطالة والله نصفهم ما بيحبو الشغل والبلدية تغض نظر عنهم شوي بتلاقين تمدمدو بالشارع وعلى تلطيش النساء وكلام قليل ادب ومناظر والله بتقطع النفس ما بتقصر فيون يحترمو حالن ويلاقو شغلة متل العالم والناس طبعا بدون تعميم ودمتم
قطر
حمصي2008-11-11 23:12:13
يا زلمة اجلها ليوم الاربعاء
هيدا كلو قبل ال TVAوب 2010 بدنا نشوف الناس اذا بدها تركض بلا تياب ام لا يا وزير الاقتصاد!!! لك اااااااااااااااااااااااااااه على بلدنا اه
-سوريا
انس حداد2008-11-11 23:01:06
ضمير الحكومة
احيانا بيفكر الشخص الفاسد او المرتشي او اللي بينهب اموال الدولة انو هو مو عامل شغلة كبيرة وانو ضررو لا يتعدى المجال يلي هو عميشتغل فيه بس بالواقع الفساد هو سبب كل المشاكل التي تتعرض لها البلد لانو بيخلخل جميع النظام الحياتي فلولا الفساد مو وصل حال هذا الرجل الذي يقدم على الانتحار لهذه الدرجة ولو توفرت له حياة كريمة لما اقدم على بيع الشاي عالبسطة ليعيل عائلته-نعم الفساد هو سبب كل هذه البلاوي فهو الذي يوزع الدخل بطريق خاطئة ويحرم افراد البلد من الحد الادنى للعيش الكريم او ضمان اجتماعي
-سوريا
يزن2008-11-11 22:54:44
اللاذقية
يجب ايجادحل لهؤلاء الباعة والا سنسمع الكثير والكثير
سوريا
قلب الأسد2008-11-11 22:47:02
الى متى
الى متى هذا الدمار الى متى... بسطة شاي ...؟؟؟... ياسيريا نيوز لاتكون بسطة افيون او كوكائين.تاكدو من البسطة ورجعوا ذيعو الخبر... الشرطة منعتو من الموت السريع وعم تموتو موت بطيء ... والله الله يعينو بس كمان الحق عليه يشتغلو شغلة قانونية ((نصاب ..حرامي))
السعودية
عاشق الاسد2008-11-11 22:51:38
للأسف
للأسف الحكومة عنا بتصدر قرارات حكيمة مثل قرار انشاء السوق الشعبي بس بعض ضعاف النفوس من التجار و الموظفين بحطوا العصا بالدواليب من شان ما تتأثر تجارتن و كل هالشي على حساب صغار الكسبة....
-السعودية
بن رشج2008-11-11 22:48:02
مسلسل الضحاية
هذا ضحية اخرى تضاف على ذمة الحكومة.. اذا الناس فهمانة انو الوزارة سيارات و منصب...رح تروح ضحايا من الشعب فداء السيارات و المناصب بس اذا كان المنصب منصب تكليف و ليس منصب تشريف,,,رح يشعر الشعب بالحرية و الراحة
-بريطانيا
وا حمصاهـ وا آلماهـ وا حزناهـ ..؟؟2008-11-11 22:46:44
لأ لأ قد بالنبأ خطأ..المجلس بمجالسه الجالسون ما يت
من ضعف الخياطة..فقط لا غير.وإنما فداحة ما يتمخض إن طبقوا القوانين أطبقوا على رغيد العيش ليس على من يقتات الفتات وإنما يدركون كم رح يبلغ مبلغه الانهيار لعتي المال كزلزال العم سام إن بيوم أتاهـ لأنيق وفراهة الحياة يحيى..لذا هم أدرى يا ترى راتبهم معاشهم يغطي مصاريف الهواتف النقالة على ورك الرقاصة بخلعها خلاقة وبالعقول ولاعة وللقلوب واحد ينال متعة السيكارة والثاني كأس خمر فارغ من زمان وزمن طويل ليعيش واح مسحوق مقهور.و واجب الوطن مضاهـ بالليل سهران والنهار نظام منضم..ومليء المال بالأحضان ينام..
-سوريا
واحد عايش برا2008-11-11 22:26:21
قطع الاعناق ولا قطع الأرزاق... اقضوا على الفقر لا
أذكر عندما قامت محافظة حلب منذ بضعة أعوام بالقبض على من يعملون بمسح الأحذية (البويجية) و زجهم بالسجن و كأنهم مجرمون. وكأن مذلة عملهم لا تكفيهم. طبعاً هذا بحجة أنهم يشوهون المنظر الحضاري للمدينة. و كأن أمثال هؤلاء غير موجودين في اكثر الدول تحضراً وفي ارقى العواصم الأوربية. ألا يفهم المسؤولون أن هؤلاء ليسوا إلا نتاج الفقر. فبدلاً من معالجة المشكلة الاساسية (الفقر)، نحاول أن نخفيها لكي نوهم انفسنا بان ليس لدينا فقر ولا فقراء.
-الولايات المتحدة
ضهضولي العرب2008-11-11 22:40:56
احلى وجه عام للسوريا
احلى منظر حضاري وجه عام لمدينة حمص تتركوا الشعب ميت من الجوع وتصادروا البسطات علشان الناس تسرق وتنهب بعضها اتركووووووووووووووا الناس تعيش تتمسك شوي بالحياة ولا ماعاد في ضمير بالبلد
-سوريا
لولو2008-11-11 22:40:08
ياحرام
مممممممم لاتعليق
-سوريا
Doesn't matter #2008-11-11 22:13:45
-
يا حرام بس ... مو الحق عليه والله وين الحكومة .. فعلا مو المهم شو سيكون سلاح الجريمة المهم انو الجريمو عم ترتكب ( واكيد مو قصدي على هاد التعيس) الله يبصر اللي متلو
-سوريا
برسم محافظ حمص2008-11-11 22:01:37
إلى متى قهر المواطنين
الحل بسيط - يدفع كل صاحب بسطة 25 ليرة ضريبة يومياً و يعمل بحرية .. الدولة بتكسب و هو يكسب ..
سوريا