syria-news.com
syria-news.comi
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

زوجي مدمن على القمار والديون تراكمت علينا
اسأل مجرب

مساؤى الإدمان لا تقتصر على المدمن ذاته، ولكن أيضاً تضر بعائلته والمحيطين به.


وأرسلت لنا السيدة عفاف رسالة تقول فيها "بعد زواجنا بعدة سنوات، تعرف زوجي على رفاق سوء، وجروه إلى حياة الليل ولعب القمار ومن يومها تغيرت حياتنا رأساً على عقب".

وتكمل صاحبة الرسالة "بعد أن أدمن زوجي على القمار، صار يربح مرة ويخسر عشرات المرات مما دفعه إلى استدانة المال من كل شخص يعرفه حتى غرقنا بالديون، وقبل فترة قصيرة شاهدته يفتح خزانتي خفيةً ويأخذ اسوارة ذهبية أهدتني إياها أمي لكي يبيعها ويلعب بثمنها، وعندما واجهته وصلت الأمور بيننا إلى حد الطلاق".

فماذا أفعل حتى أجعل زوجي يقلع عن هذا الإدمان.. أفيدوني

 


2018-06-11 22:17:21
شاركنا على مواقع التواصل الاجتماعي:



شارك بالتعليق
شاب سوري 2018-07-01 04:16:31
لا يغير الحال الا مغير الاحوال
اذا بتحبيه وفي امل منه وهو اب لابنائك ادعيله بالهداية والله على كل شيء قدير كل يوم هو بيلعب فيه قمار قولي له انك رح تصومي وذكريه بربنا واولاده انهم محتاجينه ومحتاجين رزق الحلال حتى لو ليرة احسن الحرام حتى لو ربح مارح يتوفق وخوفيه من عذاب الله. وانشالله بيرجع لصوابه. اما اذا جوزك صعب جدا واخلاقه سيئة وبيضربك وعنيف مع الاطفال انتي ادرا بالصح واستخيري الله بيهديكي للخيار الصحيح.
-سوريا
طارق2018-06-20 05:53:10
أتركيه
نصيحة لوجه الله تركيه اليوم قبل بكرة وإذا رجع لصوابه ارجعيله. الي بيلعب قمار بيغرق وبيغرق اللي حوله... أنا لعبت قمار بحياتي وبعد خسارة قررت حافظ على زوجتي وأولادي وبيتي وخرجت من هالورطة... والله ستر وكنت إلعب بشيئ زهيد وما خسرت الكثير بس كان الطريق واضح لوين أخدني.
-سوريا
الخبير2018-06-19 22:01:36
نصائح للمفامرين
لا تطلب لعبة قمار أبدا خلي اللعيبة يطلبوك, اقعد أخر واحد على الطاولة و قبل الفت بثواني بس حتى تستقبل الحظ اول واحد. لا تلعب اكتر من اربع لعبات متتالية, خود استراحة 10 دقائق بعدها لحتى يرتاح الحظ لما بترجع بتقعد أخر واحد على الطاولة أهم شي تكون مقرر كم لعبة رح تلعب قبل ما تبلش و لما بتوصل لعدد اللعبات(و ليس المصاري) بتقوم و بتمشي بسرعة مشان يقعد الحظ جنبك المرة اللي بعدها و لا يمل منك...
-سوريا
pilan2018-06-19 08:53:19
تدرجي بالحلول
اولا احرصي حرصا تاما انك ماتجيبي اي ولد اضافي منو لحتى يتكشف حالو ثانيا جيبي بالموعظة الحسنة والحب لحتى تعجزي ثالثا اتركيه وروحي عدي عند اهلك بلكي يصحا وتركيلوا ولادو رابعا ارفعي عليه دعوى طلاق مابدها محامي مابتتكلفي
سوريا
حلبي مغترب2018-06-19 06:48:05
3 خيارات
عندك 3 خيارات اماانك تحكي معه بالحسنى وتفهميه انو القمار حرام وصاحبه بيخسر حياته واخرته وما بيشم ريحة الجنة والحل التاني انه تحكي مع حدا كبير بيمون عليه وبيقرفله رقبته وبيخليه يبطل هل الشي فورا غصب عنه والخيار التالت وهو الافضل انك تتركيه فورا لانه اكيد بكره وقت ما بضل معه اي شي يلعب عليه رح تكوني انتي
كندا
بشير2018-06-19 03:53:59
المشكلة لا حل لها
لا حل لهذه المشكلة سوى الابتعاد عنها وتجنب تأثيراتها السلبية فالرجل من شبه المستحيلات أن يتمكن من التغلب على إدمانه وأنت ستجدين نفسك وحيدة مع الاولاد بلا معيل سياخذون منكم كل شئ وهناك الكثيرين ممن لم يستطيعوا السداد فتهددت حياتهم وحياة ذويهم المسألة في غاية الخطورة والقمار من اخطر أنواع الإدمان
سوريا
رجاء كاترينا2018-06-13 13:21:35
مالبورن استراليا
لازم تعرفي انه مشكلة المصاري مابتنحل بالمصاري ، ولازم تعرفي زوجك هالشي . القمار اخر طريق ليعمل مصاري . الافضل اذا بتعرفي نفسك غير قادرة على أخذ موقف حازم انه تستعيني بطبيب نفساني . جربي انت اول لوحدك وبالحكي وبالمسايرة قوليلو لحتى يحافظ على حرمة بيته المصاري يلي عما البيت يعيش عليها لازم تعملي فيها ميزانية : 33 بالمائة منشان الاجار او ملك بيت ، 10 بالمائة يدفعا لنفسه : انت مادخلك شو بيعمل فيها ، والباقي للاكل واللبس والهدايا والفواتير والسيارة . وأنتو الاتنين مسؤولين على فتح بيت
أستراليا
عباس البوري2018-06-13 12:27:36
تعليم العلم
أنصحي زوجك أختي الفاضلة أن يتعلم لعب القمار باحتراف كي يبداء بالربح والله ولي التوفيق.
سوريا
مازن ادريس2018-06-13 09:04:24
لاتستطيع الفرصه ليدمر حياتك
متعاطي المخدرات لاثقة به يبيع كل شيء لحتى زوجته للحصول على المخدر .انقذي حياتك وطلقيه.
سوريا
zahi ahmad2018-06-13 04:26:43
إخلعيه
إخلعيه.
سوريا
وانا كمان 2018-06-12 18:50:03
بلعب قمار
يا شباب انا كمان بلعب قمار يا ريت تحطو حلول منيحة وعملية
-سوريا
sali2018-06-12 13:35:12
فالج لاتعالج
سوف ياتي اليوم الذي يلعب عليك القمار تخلصي منه لان القمار ليس له علاج يعني زوجك انتهى زيته
سوريا
واحد2018-06-11 22:42:56
المشكلة مشكلة جوزك
انتي ما بتقدري تغيري حال جوزك اذا ما غيرها هو....القمار آفة لا يمكن التخلص منها ادمان متل المخدرات الاحسن تتركيه قبل ما يقامر عليكي و يخسرك لشي واحد من الزعران اللي بيلعب معهم
-سوريا