syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

خوفي أن أموت وحيداً جعلني حائر بين الزواج والعزوبية
اسأل مجرب

غالباً ما يقع الشباب في سن الزواج بحالة خوف من الارتباط وتحمل المسوؤلية وخصوصاً في هذا الوقت الصعب، ما يجعلهم مترددين في اتخاذ قرارهم بالارتباط أو عدمه.


ويقول "ماهر" صاحب الرسالة عن مشكلته: "انا شاب عمري 30 عاماً من عائلة ميسورة وأحوالي المادية ممتازة، عشقي وهوايتي السفر، لكني أخاف أنا أن اتجاوز ال 40 وانا لم أكون أسرة بعد".

ويتابع في رسالته طالباً النصيحة: " هل اتزوج رغم معرفتي أني لن أكون سعيدا مهما كانت الزوجة مثالية؟ .. أم اكمل حياتي في الاستمتاع بالسفر والعيش بحرية؟

ولكن عندي شعور بأنني سأندم مستقبلا لعدم الزواج والإنجاب.. انصحوني


2017-12-03 10:08:36
شاركنا على مواقع التواصل الاجتماعي:



شارك بالتعليق
رجال تمام2018-02-18 05:04:37
إلى شاب سوري
قلت هلي بيعرف حالو رجال مابتخونو مرتو؟ و ين إنت عايش مو بهدنية و لا جاية من كوكب تاني؟ المرا لما بدها تخون ماحدا بيحسن عليها و لا حتى رجال أخو أخوه! لازم تكون إنت ماعندك خبرة بالحياة و مشان هيك مابتعرف النسوان شو عم يعملو بها زمن!! خليك بالجهل تبعك أحسنلك حتى مانفتح عليك وبعدين حتنقلب عل نسوان. خلي النسوان حاكمينك و خليك عبد لهم!
-سوريا
وائل سواس2018-02-14 16:03:35
مشاركة
صدقوني الدنيا حظوظ . حاولت أتزوج عدة مرات و لكن لم أجد الزوجة المناسبة. سافرت لأمريكا لمدة 18 سنة و أخذت الجنسية و بعد ذلك عدت لسوريا و بحثت عن زوجة مناسبة حتى وجدتها في عائلة محافظة مستورة. تزوجنا و سافرنا من جديد لأمريكا. هي زوجة بمعنى الكلمة تربت على الأخلاق و الدين و رزقنا بولد . نصيحة لمن يريد الزواج : تزوج فتاة من عائلة محافظة و مستورة و اختبرها لفترة معينة و طالما أنت رجل صادق و مخلص و تخاف الله فلن تظلمها و لن تظلمك. إياك و البنات المكرسين حياتهن للسهر و الفيس بوك و الشات!!
-سوريا
عصام دكاك2018-02-12 18:37:46
إلى كمال مارديني
ضحكتني يا زلمة.. الوحدة قاتلة؟ شلون لما يكون عندك مرا فاجرة عم تكرهك حياتك كل يوم و عم تقصر عمرك بالنق و عم تنكوش المشاكل نكوشة حتى تجننك و تجيب أجلك على بكير. أكيد إنت يا محظوظ جداً بمرا منيحة يا ماعندك خبرة بالحياة أبداً!!!!
-سوريا
محمد عزام2018-02-12 18:23:57
إلى كمال مارديني
إذا كنت تتحدث عما أمر الله فيجب أن تعرف أن الله أمر المرأة بطاعة الرجل و لم يأمر الرجل بسماع كلمة إمرأته!!! إذا كنت تريد للمرأة أن تكون ملكة على بيتها فيجب أن تكون تستحق ذلك عن طريق إحترام زوجها و طاعته و تربية الأطفال بالشكل الصحيح و ليس تضييع الوقت على الكلام الفارغ و الشات و الفيس بوك و الموبايل و بحجة أنها إمرأة عاملة تريد أن تتهرب من واجباتها المنزلية شأنها شأن الغالبية العظمى من نساء اليوم الذين وجدوا في العمل خارج البيت حجة للهروب من واجباتهن المنزلية!!
-سوريا
كمال مارديني2018-02-12 02:19:40
احذر البقاء وحيدا فالوحدة قاتلة
ان الله لم يأمر بأن يبقى الأنسان وحيدا بل أمر بالجماعة وبارك بالأسرة وجعل المودة والرحمة بين الزوجين ، المشكلة ليست في الزواج بل المشكلة في من يريد ان يتزوج للاسف معظم الشباب يواجهون عادات من الاهل تدمر حياتهم وكثير من الامهات عندهم قناعة ان ابنهم مهما بلغ من العمر فهو لايزال طفل ويضعون الابن في خانة بغضب عليك اذا بتسمع كلام مرتك وعندهن زوجة الابن عدوة ويتدخلون بحياة ابنهم وكم من ام هدمت بيت ابنها بتدخلها وغيرتها الزوجة لها الحق كاملا ان تكون ملكة البيت والامهات يجب ان يبتعدو عن بيوت اولادهم
سوريا
شاب سوري 2018-02-11 02:55:13
كل مرا بتسولى مية زلمي
الي عم يشكك بشرف النسوان ويقول روح راقب 24 ساعة صديقي بقلك الي بيعرف حالو زلمي مابيخاف مرتو تخونو وفهمك كفاي. مو بس هيك الي عم يحكي على بنات هل الجيل. صحيح بكل الف مرا ممكن تطلع وحدة فلتانة بس بكل الف شب ممكن يطلع واحد منيح وخلوق ومو مقضيها هون وهنيك والباقي ملاحقة بالبنات وبتلاقي على موبايلو الي بينشاف والي ما بينشاف.لصاحب السؤال او لاي شب عزابي بقول تجوز واسس اسرة حلوي وعيش ايامك لا تهدر شبابك على الفاضي.وخلي شي مهم ببالك انو المرا مو جارية هي شريكة حياة وام ولادك وصديقة عمر.
-سوريا
رأي2018-02-03 11:26:20
وليد البدوي
احترم رأيك يمكن بسبب تجربة معينة صارت معك هالنظرة والتعميم غلط ،مابعرف عمرك أنا 33 و تجاربي مع الجنس الآخر بكل صدق صفر، طبعاً رح يسخر البعض ويكذّبني لكني فعلاً تربيت في بيئة محافظة جداً ولما بقرأ هيك تعليقات فعلاً بشعر بالخوف الغريب أن كل الردود من نفس اللون ومازلت رافض أن أعمم مسبقاً وأتهم أي بنت سلفاً وأفرض على نفسي مراقبتها 24ساعه مفهوم الشرف مش بين الرجلين بس يعني هل يعقل أكون صادق وواضح مع شريكتي100% وتخونني فقط لأنها أنثى ؟كل الإناث بنات حرام ؟ اتقوا الله يا قوم ف على نياتكم ترزقون..
-السويد
كمال تيناوي2018-02-02 15:43:52
النعمة لما تروح منا
واحدنا مابحس بالنعمة إلا لما يفقدها. أنا كان عندي مرا جوهرة حلوة و شاطرة و ست بيت و جابتلي 3 ولاد ماشاء الله عليهم لكن صار معها سرطان الرحم و توفيت بعمر 36 و هلأ مالي عرفان عيش بلادها. كيف بدي ربي الولاد و خايف جيب مرا تانية تعذب الولاد و ماتربيهم مظبوط. لما كانت مرتي عايشة ماكنت بحس مظبوط أديش هي جوهرة و بتقوم بكلشي من تم ساكت. و الله محتار وين بلاقي مرا متلها؟
-سوريا
وليد البدوي2018-02-02 15:31:11
إلى رأي
إلى " رأي" : كل واحد بنام على الجنب هلي بريحو. ماحدا جابرك إنك تضل عزابي. إذا بدك تتجوز ماحدا بيمنعك بس لما تلاقي وحدة مرا تثق فيها 100 % أو تقدر تراقبها 24 ساعة باليوم! عقلك براسك بتعرف خلاصك و بالأخير بقلك : " سيرة عزابي جهلان و لاسيرة متجوز مقرن"
-سوريا
زاهر كرم2018-02-02 10:43:44
مشان الله صار بدنا جمعية لحقوق الرجل
الرجل في هذا الزمن صار بلا حقوق ... ضلوا يقولوا حقوق المرأة حقوق المرأة لحتى ماعاد ضل حق للرجل مطلقا ... المرأة هي الأمر الناهي والرجل مجرد وسيلة للانجاب وبعدها يدعس تحت الاقدام ... لازم يكون في جمعية لحقوق الرجل تحميه من المرأة .. تحميه من خيانة الزوجة له تحميه ان الزوجة ماتحرمه اولاده تحميه من كل عملية نصب تقوم به المرأة لتأخذ امواله بحجة انوثتها واغرائتها ... المرأة تعرض مفاتنها على الرجل وتخلق الفتن بين الرجال وتدمر اسر باكملها ولااحد يحاسبها اعملوا موقع على الفيس بوك نحكي قصص غدر المرأة
سوريا
خالد عمايري2018-02-02 06:08:34
أنا متلك
أنا كنت متلك محتار و الناس أكلوا راسي على سيرة روح تجوز روح تجوز . بس لما تدور على مرا منيحة مابتلاقيها! دائما بقولوا المرا متل البطيخة يا بتطلع حمرا يا بتطلع قرعة! لكن أنا مابدي يطلع نصيبي مرا قرعة و يحطوني إدام الأمر الواقع طول حياتي و اندب حظي مشان هيك مالي حا اتجوز.
-سوريا
سفيان شلال2018-02-02 06:03:52
إرجع يازمن
يا أخي صاحب الرسالة أنصحك خليك عازب و تابع السفر و الاستمتاع بالحياة لأنه الآن لايوجد إمرأة في هذا العالم تستحق أن تضحي من أجلها! قول للزمان إرجع يازمان على قولة أم كلثوم لو يرجع الزمان 50 سنة لوراء أقول لك تزوج و لا تفوت الفرصة لأن بنات الحلال كثيرات جداً أما الآن فبين مليون إمرأة يوجد إمرأة واحدة فقط بنت حلال إذا استطعت أن تجدها تزوجها!
-سوريا
رأي2018-02-01 22:45:17
عصام دكاك و باقي الأخوة الكرام
حبايبي أنا سبق ووضحت أنا في أوروبا و اقامتي دائمة يعني مفتوحة يعني بعد سنة بقدم عالجنسية و أموري ميسرة بفضل الله ملاحظة كلمة ميسرة في أوروبا مايعني اني بملك الملايين لأ بس عم بحكي عن الحقوق والواحد لما بيكبر هاد كله برأيكن ما بيغير شي من قناعتكن يعني الواحد يضل هيك عزابي ملاحظة تانية مالي مضطر أقول لكم أني من النوع المحافظ وبعمري ما صاحبت بنت ولا دخلت كازينو ولا شربت ومالي مضطر لهالحكي بس بربكم لما قال ربنا المال والبنون زينة الحياة و الزوجة سكينة للنفس ليش مصرين تنفروني من الزواج ؟؟؟
-سوريا
أيمن حداد2018-02-01 18:37:42
الله يرحم أمواتكم
الله يرحم أمي الغالية و يرحم أموات السامعين . أمي قبل ماتموت و كنت عم أخدمها حتى آخر يوم بعمرها قالتلي نصيحة : يا أبني مابفيدك في حياتك سوى 3 أشياء : 1- ربك 2- صحتك 3- و مصريتك و قالتلي بعرفك عقلك كبير لاتخلي مرا تضحك عليك. و الحمد لله أنا عايش بلا مرا و بلا زفت أحاول دائماً أن أكسب رضى ربي و أهتم بصحتي و أدخر مصاري مشان كبرتي لأن ماحدا دايم و بالكبر الغالبية العظمى من المتجوزين مابلاقو نسوانن جنبن لأنو هدادا الزمن بخوف. أمي احترق قلبها على أخواتي الشباب هلي ضحكت عليهم نسوانن!
-سوريا
عصام دكاك2018-02-01 18:30:06
ماحتندم صدقني
يا أخي صدقني إذا ماتجوزت و ماجبت ولاد ماحتندم على العكس حتكون مرتاح لأنك إذا تجوزت مرتك حتاخد كلشي عندك بحياتك بتدحلبك حتى تكتبلا كلشي باسمها و الولاد بتشوفون حلوين بالصغر بعدين لما يكبرو بحاربوك و مابحترموك و بالمرض و الكبر مابتلاقي حدا جنبك لأنتو هيك هادا الزمن. انا عزابي مبسوط عملت اتفاق مع مستشفى خاص بتبرع كل شهر للمستشفى مقابل اي مرض أو شي تحليل بعالجوني ببلاش و إذا صرلي شي المستشفى متكفلة بكل شي لأني حأترك كلشي للمستشفى و لا يحترق قلبي على ولد و لا مرا تذلني و لا تسرقني!
-سوريا
واحد من الضحايا2018-01-31 18:50:58
ضحية النسوان
الحمد لله على الصحة و العافية و إني طلعت من هل تجربة سليم العقل و ما جنيت. لأنو المرا هلي تورطت معها بتخوف و العياذ بالله. شلون دخلت فيي و سيطرت علي مابعرف!! صارت تسحب مصاري مني و آنا عم بضحك و العب ! شلحتني أكتر من 2 مليون ليرة بس لأنو آخد عقلي الشهوة. في لحظة من اللحظات فقت بالليل على وجع راس مابيتصدق و حسيت أني أوسخ واحد بالدنيا و حسيت أنو ماعد عندي شهوة للنسوان و بديت أكرهن و ماعد بدي شوف أي مرا. ضبيت غراضي و رحت لبعيد و لما حاكتني المرا قلتلها أنا فلست فما عادت حاكتني!
-سوريا
رأي2018-01-31 06:40:29
أليس فيكم رجل رشيد ؟
طيب يا جماعة الخير آمنا وصدقنا بس التعميم حرام ومابيجوز شايف التعليقات كلها من منحى أن النساء كلهن بنات حرام ! يعني ما نتجوز . خلص ؟ كلهم صاروا والعياذ بالله ماشيات بالحرام وماعاد في بنات حلال ؟ لاتسكروها بوجهنا ! كنت ومازلت ورح ابقى مؤمن أن الطيبون للطيبات و الطيور على أشكالها تقع، وإذا بمفهوم القرون وتركيب القرون رح اتعامل مع شريكتي وزوجتي معناها من أولها عم افتح باب الشياطين تدخل لحياتي وتشككني بشرف زوجتي أو أختي!اللي بعرفه أني صادق مع نفسي كتير ومع ربي واكيد رح يرزقني متلي وزيادة
-سوريا
حسام أحمد السقا2018-01-30 16:17:29
لازم نقول الحقيقة
لازم نعترف يا جماعة أنو النسوان من زمان كان عليهم ظلم الوحدة لازم تكون ست بيت و تجيب ولاد و تربيهم وتخدم جوزا و تسمع كلام حماتا و عمها و تعطي جوزا حقوقه و ما تفتح تمها.. اليوم انعكست الآية تماما! 100 % المرا هلأ هي المسيطرة و لازم جوزا يكسب رضاها هلآ الواحد هلي مسمي حالو رجال بسخسخ أوام ادام إغراء مرتو و بساويلا كل شي و بيسمع كلمتها بس حتى تعطيه رغبته. هدول مو رجال و ماعندن شخصية لأنو عقلن بس برغبتهم و مشان علرغبة بيصيرو عبيد لنسوانن. أنا مرتي حاولت تعمل معي نفس الشي طلقتها!
-سوريا
جمال أبو السعود2018-01-28 21:51:57
خود هل رأي مني
الأخ صاحب " رأي" عم يقول البنات كلن إخواتكن , ليش هلأ في شب بيعرف أختو شو عم تعمل و ين عم تروح و مين عم تقابل و مع مين عم تحكي بالتلفون ؟؟ كل البنات تركو البيت و راحو للشغل و دورات الكومبيوتر و اللغات و عملوها حجة مشان مايعدو بالبيت. أنا خطبت إخت رفيقي هلي بعرفو مافي متلو و على سيرتو المنيحة خطبت أختو و الله سترني من هل وقعة لأني شفتا مع واحد شب راكبة بالسيارة و أخدا لعندو عل بيت و لما قلت لأخوها ضربها حتى اعترفت انها ماشية مع الشب من زمان و نايمة معو!!! جاي عبالك شي بنت تركبلك قرون!!
-سوريا
رأي2018-01-28 13:20:18
رأي
يا جماعة الخير أنا شاب مقيم في السويد و عزابي و عمري 33 و كلامكم يا المتزوجين كله صحيح مليون بالمية بس التعميم والله ظلم أي واحد فيكم عنده خوات بنات طيب مين هم الزوجات اللي عم تحكوا عليهن .؟ مش هم نفسهم اخواتكم و بناتكم ؟ اتقوا الله يا جماعة الخير لا تعمموا ، أنا محتار كتير بين الأوروبية و العربية و الأوربية من أسهل ما يكون التعرف عليها و عندهن من الوضوح والصدق الشي يلي بحياة عمرها العربية ما بتقدر توصل لربعه لكن مع ذلك متردد و محتار بأمري وإنو لابد ما ألاقي انسانة عربية غير طماعة تربي ولادي
-سوريا
ماهر الشعلان2018-01-28 01:28:41
الواحد مايتربى إلا من كيسو
بقولو " الواحد مابيتربى إلا من كيسو" أي من تجربته و الرجال مابصير رجال لحتى ياكلو كم خازوق من النسوان. أنا أكلت خوازيق كتير من النسوان و كلن كانو يستغلوني و يضحكوا علي و ياخدو مصاريي مع إني نيتي كان شريفة و بدي اتجوز لكنن استغلوني و خلوني احلف يمين ماعد فكر بالنسوان طول حياتي و لا اتجوز ابدا لأنو النسوان كلن شياطين . آخر وحدة صرفت عليها دم قلبي بالخطبة و بعدين بتقلي مابتتجوزني حتى اكتبلا بيتي باسمها . كلن طماعين و مابفكرو الا بالمصاري و بيحصلو على المصاري بالحلال او حتى بالحرام!
-سوريا
شادي حلاوة2018-01-26 17:36:19
كل النسوان متل بعض
المرا المنيحة بيخربا رفيقتها او اخواتها و حتى امها . انا كنت مرتاح مع مرتي و احوالنا ماشية لحتى صارت مرتي ترفس و مو عاجبة هلعيشة مع اني موت حالي بالشغل و عرفت انو رفقاتها عم يجو لعندا بغيابي و عم يحرضوها علي لأنون لسعتن عوانس و عندن حقد ليش ماتجوزو مشان هيك بدن يخربو على مرتي. قلت لمرتي هدول البنات مابيدخلو بيتي بغيابي و الا بطلقك لكنها كبرت راسا و حردت عند اهلا و كانت حبلة. قلتلها يابنت الحلال تعي علبيت و انت مالك حدا غيري و رفيقات السوء مابدومولك لكنها ركبت راسا و لسعتا عن اهلا.
-سوريا
محمد بوز الجدي2018-01-26 17:27:37
سمعتن بإدني
مرة كنت في مكان و كان في نسوان مع بعضن و كنت عم بسمعن و هن ماشافوني.. واحدة متجوزة قالت نصيحة لوحدة تانية بدا تتجوز: قالتلا اول شي لازم تغري خطيبك كتير و تخلي يتعلق فيكي بعدين عصبي عليه و امسحي فيه الارض لأتفه سبب و " غسلي فيه المزابل " كما يقولون اذا اخدها بقبول هادا يعني حيكون دائما مطيع الك و اذا زعل و عصب عليك راضيه بشوية اغراء لأنو كل الرجال هيك حمير و بس الوحدة تغريهن بسخسخو فورا. بعدين حاولي معو مرة تانية و كل مرة تسبيه و تمسحي فيه الارض حتى يتعود و حيكون مطيع و يعملك كلشي بدك ياه!!
-سوريا
عصام سلامة2018-01-26 04:29:41
شايفين حالن
بتجي الوحدة من بنات اليوم شايفة حالا شي شوفة كبيرة و ما بيسعها عقلها و طول الوقت بدا تتجوز واحد غني و ترفض كل العرسان لأنو بس بدا واحد غني أهبل يعطيها مصاري و ما يفتح تمو و مايسألها وين رايحة و مع مين كانت عم تحكي بالتلفون و لا يطلب منها أي شيء لا الطبخ و لا التنظيف و لا أي شي. هدول هلي مسمين حالن رجال في منن كتير اليوم و نسوانن راكبينن و عميلعبو من ورا ضهرن و مو حاسين. شوف بنات كتير عميلعبو بالمصاري لعب. من وين ؟ من صحابن و من البوي فرند من ورا جوازهن!!
-سوريا
رامز الحلبي2018-01-25 14:30:08
قضيت عمري عزابي
نصيحتي يا أخي أنك تضل عزابي. أنا عمري هلأ 65 سنة ربيت ولاد أخي الخمسة و شفت هلي ماشافو حدا؟ مرت اخي مابتستاهل حدا يتجوزا لكن اخي تجوزا و كان حظو تعيس و انا ربيتلو الولاد الخمسة لأنو الله عطاني قلب طيب و شغل منيح و الحمد لله . لكني كرهت النسوان بعد كل ماشفت منهن من فجور و عدم احترام الوحدة لجوزا و على قولت هات هات و مابتخدم لا جوزا و لا ولادها . الولاد هلأ صاروا ماشاء الله اربع رجال محترمين و بنت على وش جواز و ربيتهن عل غالي و الله العظيم و ماحرمتم من شي. بس روحت عمري بالتربية..
-سوريا
جمال السعدي2018-01-25 14:02:21
خليك رجال
المشكلة ياجماعة انو مابخلوك تختبر البنت قبل الجواز, بالخطبة كانت البنت و اهلا عم يورجوني ياها متل الملاك. شاطرة و نضيفة و محترمة و بتسمع الكلمة و ست بيت و كل مازورون هي على آخر طرز و لابسة احلى لبس.لما اتجوزنا بينت على حقيقتا وخمة و مابتسمع الكلمة و كسلانة . قلت لأهلا انتو غشيتوني قالو اصبر عليها قلت يا الطلاق يا بجيب امي على بيتي مشان تعلما كيف تكون ست بيت. و لما اجت امي لعنا صارت مرتي تخلق مشاكل مع امي الطيبة. قلت لمرتي مافي قدامك غير تصيري ست بيت و الا الطلاق. مابدها آم طلقتا
-سوريا
محمود شخاشيرو2018-01-25 13:35:39
نبهتا من الاول
من قبل مانتجوز نبهتا انو تحترم حالا و كل شغلة بنحلا بالتفاهم و مافي داعي لقلة القيمة و السب لأني عرفان كل البنات اليوم بسبو جوازهن. و بعد الجواز صارت تستقوي مفكرة حالا انها خلص مكنت حالا بالجواز و مابقدر اعملا شي و كل مرة كانت بتسبني و مابهما شي لحتى قلعتا على بيت اهلا و هددتا بالطلاق و رجعت بالبيت بعد وساطة الاهل لكنا ضلت متل ماهي شرشوحة و لسانا طويل و ماكان قدامي الا الطلاق. طلقتا و ارتحت منها. العن شي يجيك مرا لسانا طويل و ما بتحترمك. لا تتجوز و الا بصير معك متل ماصار معي
-سوريا
زياد الكشك2018-01-24 21:23:09
بأول الطريق
صرلي لحد الآن شايف 16 بنت و ما كنت لاقي واحدة بتستاهل الجواز . كلن تافهات و مابيعرفو ألا الموضة و الأغاني و الرقص و الفلتان لنص الليل برات البيت.. كيف واحدة من هدول بدا تعمر البيت و تجيب ولاد و تاخد بالا من جوزا؟؟ إذا كانت الوحدة منن بالبيت بيكون آخد عقلا الدش أو التلفون الموبايل و الشات و الفيس بوك و مابتعمل شي بالبيت و بحياتا ماتدخل المطبخ و مطولة اظافيرها متل الارتست و مابتعرف النضافة و ملعمطة حالا بالمكياج و عايشة بالاحلام انو بدها عريس غني.. على شو بالا على شكلك او على تفاهتك!
-سوريا
همام زعبوب2018-01-24 21:12:29
بدك خبرة
إذا كان عندك خبرة بتعرف المرا من اول مرة. المرا المنيحة دايما واضحة و ماعندا اسرار و ما بتتصرف بشكل غامض متل معظم بنات هلوقت لأنن مخبين شغلات كتير عن اهاليهم و عميلعبو من ورا ضهرن.. اكتر الاسباب لأن الحياة صارت صعبة كتير و البنات بدن مصاري و مشان هيك بيعملو اي شي مشان ياخدو مصاري و كما لأنو الاهالي اليوم ماعمتربي البنات . البنات عميتربو بالتلفزيون و المسلسلات و الأفلام هديكة مشان هيك صار معظم البنات ماديات و فاجرات. بدك تتجوز مالك غير واحدة من عائلة مربياية على الطريقة القديمة اسأل عنهم!
-سوريا
بسام العريان2018-01-24 21:00:40
على سيرة القرون
على سيرة القرون..واحد صاحبي كان الو علاقة مع واحدة و حبلت منو و نزلت الولد و عملت عملية مشان ترجع بنت و بعدين خطبها ابن خالتها بالخليج و بعتولو ياها حتى يتجوزها هنيك و مع انو مفتح ماعرف انها مو بنت و بعدين حبلت منو و جابت ولد و بالصيفية التانية نزلت على سوريا مع جوزا بس راحت لعند صاحبا الأولاني لأنو مانسيت العلاقة اللي كانت بيناتن و رجعت تمارس مع صاحبها الأولاني و جوزها متل الحمار مركبلو قرون و مالو عرفان . يا إلاهي شو ممكن المرا تعمل بجوزا.. ماحدا يبحب يتركبلو قرون!!!!
-سوريا
أحمد صلخد2018-01-24 16:32:40
مسكتا بالجرم المشهود
مابينفع يكون الشب حوبة لأن المرا بتغشو و بتخونو و هو مابيعرف.. هيك صار معي و انا آدمي و ماعاشرت نسوان و لما خطبت بعد ما اجيت من الخليج هلي خطبتها كانت عمتلعب مع واحد كان صاحبها قبل ما اخطبها . انا مابعرف لكن رفقاتي قالولي و ورجوني ياها بالجرم المشهود مع صاحبها و صارت تبوس رجلي مشان ماسويلها فضيحة. اخدت الصيغة و الدهب و تركتا و قلت لحالي كيف ممكن لاقي واحدة تانية لأني ماعد اثق باي بنت او مرا.. والله افظع شي بالنيا انو خطيبتك او مرتك تركبلك قرون... الحمد لله أنو سترني و خلصني من هل مصيبة
-سوريا
وليد أبو العينين2018-01-24 16:24:31
عزابي
ياريتنا كنا أيام زمان لما كان كلشي منيح و في دين و اخلاق و شرف. وين هل ايام؟ حتى تلاقي مرا منيحة بدك تموت و مابتلاقي. انا مشكلتي نفس الشي خاصة اني صاحبت بنات كتير و هي شغلة بيعملا كتير من الشباب لأنو الجواز على بكير مو متوفر الحياة غالية جدا و الأهل مو طالع بايدون يساعدو الولاد. هلأ بدي اتجوز بس مو ملاقي مرا مناسبة لأني مابثق بأي مرا لأني شفت شوفات بتشيب مع النسوان : هلي عمتخون جوزا و هلي عمتخون خطيبا و هلي عمتسرق جوزا و هلي عمتحبل من غير جوزا. و انا مابدي يتركبلي قرون باختصار.
-سوريا
حسن دباس2018-01-23 20:31:12
متجوز بعدين طلقت مرتي
جربت الجواز سنة و نص و مااجاني ولاد لأنو العيب من المرا. أنا طلقتها مو مشان الولاد بس مشان طبعها و أخلاقها السيئة و الحمد الله الله خلصني من هل مصيبة على أهون سبب سنة و نص جواز كلها نكد و قلة قيمة ومهانة و ذل . ماكنت بقدر قلها اي كلمة إلا و تسبني من تحت الظنار و نازل و كأنها مرباية بالشارع و هدا شي مابستحملو . حاولت كتير اصبر عليها و انصحها لكن مافي فائدة هي هيك اخلاقها و هيك تربيتها. و الحقيقة كل هلي حولي متجوزين عندن مشاكل من نسوانهم مشان هيك مالي زعلان اني طلقت و بلا جواز بلا زفت
-سوريا
سعيد صوفان2018-01-23 20:21:24
أخي الصغير
أخي الصغير جنن أبي أنو بدو يتجوز وحدة شافها و حبها و مابيقدر يعيش بلاها. أبي جوزو مشان يخلص من النق و بعد شهر واحد صار أخي يشكي من مرتو و أنها فاجرة و شرشوحة و مابتحترمو و بتسبو و تاخد مصاري من جزدانو و لما أبي واجهها جابت أخواتا الشباب و عملو قتلة حشك و لبك لأخي و دخلو المستشفى و صار اخي بدو يطلقها بس هددوه بالقتل لأنو اخواتها من قطاعين الطرق و هل لايص و مابيعرف شو يساوي و شايف احسن شي يهرب من البلد مشان يخلص منها و من اخواتها. شوف الجواز شو بشهي مع هيك وحدة فاجرة فلتانة!!
-سوريا
وضاح اللبان2018-01-23 20:12:02
دمك حامي؟
إذا كان دمك حامي و شفت شي شغلة من مرتك مابتسر أو مسكت عليها شي شغلة أو مسكتا عمتخونك حتقتلها و تدخل السجن و يمكن تروح إعدام؟ خليك بعيد عن النسوان لأنو اسعد الرجال في العالم هنة الرجال هلي استغنوا عن النسوان. و مشان هديك الشغلة ساويها لحالك و إنت فهمان لأنو الوقعة مع النسوان مافي منها مخرج. النسوان اليوم بيعلو كل شي مشان يغرو الرجال حتى يسحبو منهم مصاري بالجواز او غبرو. خليك عاقل و لا تسلم رقبتك لمرا تجيب اجلك و تموتك علا بكير و اعزر من انزر
-سوريا
أمجد الصفدي2018-01-23 20:04:44
و الله العظيم مابعطي فرحتي لحدا
و الله العظيم مابعطي فرحتي لحدا لأني خلصت من مرتي هلي ورتني الويل و مع إني دفعت كتير مشان أخلص منها بس راحة البال هلأ بتسوى الدنية. طلقتها و عطيتا مصاري و خلصت منها و هلأ عايش سلطان زماني لا مرا تزلني و لا مرا تسبني و لا مرا تسرقني . راحة البال بتنشرى بالمصاري و أنا اشتريت راحة بالي و هلأ هي ندمانة و بدا ترجعلي بس و الله العظيم مابتحلم ترجعلي و خليها تلاقي رجال حمار يتحمل رزالتها و فجورها لأني تعلمت الدرس و حضل باقي عمري عزابي و مرتاح البال . بدك تجرب الجواز؟؟ مابنصحك أبدا أبدا
-سوريا
بشار أبو الدهب2018-01-23 19:53:58
خود مني نصيحة
حوفر عليك يا أخي و قلك أوعك تتجوز. هزمن بيخوف و المرا مابيقدر عليها غير هلي خلقها. أنا ماقدرت على مرتي لأنها ورجتني نجوم الضهر. عطالعا و النازلة هات هات هات مابتعرف تطبخ و مابتعرف النضافة و لا بترتب البيت و آخد عقلا الشط و يامن تراها برات البيت و لما اسألها وين كنتي بترد علي بالسب و الكلمات الرزيلة. انا اشتغل 16 ساعة باليوم مشان اصرف عليها و هي مابتهتم بي بعد سنة جواز طأ عقلي و ماجابت ولد لأنها بدا تاضيها شط و فلتان. الله وحدو عانني و خلاني طلقها بعد ما شفتا مع رجال تاني!!
-سوريا
RRR2018-01-23 12:14:17
لازم تكون ذكي و تحسن الاختيار
في وحدة غنية بس بسيطة و هبلة تجوزت واحد غير كفئ بالنسبة لها هو من طبقة اجتماعية متدنية و شغله وضيع براتب قليل حذروها عائلتها و قرابينها من هذا الزواج الفاشل بس هي بسبب كبر سنها أصرت تتجوزه منشان ما تبقى طول عمرها بلا جازة يعني تنازلت منشان تتجوز و بعد فترة قصيرة تطلقت بعدما جوزها ضحك على عقلها و تحايل عليها منشان يأخذ كل ثروتها و تبقى المسكينة بلا شيء و ما حصلت على الطلاق بسهولة ابن الحرام خربلها حياتها و خلاها تعاني طول عمرها من الخسائر منيج ما جابت منه ولد يتعذب في هذه الحياة.
-الإكوادور
أسامة رحمة2018-01-23 02:41:37
لسعتك عمتفكر تتجوز؟
مافي شي بشهي بالجواز كل شي بدك ياه بتاخدو بشهر العسل إذا كان شهر؟ بعد شهر العسل كلو قلة قيمة و خاصة لما تجيك مرا شرشوحة تمسح فيك الأرض كل يوم و تلعن أبوك على أمك على أجدادك... كنت اسمع مرت أخي و هي تهينو كل يوم و تسب أبي و أمي و لما حردت تركت الولاد و راحت أمي تربيهم و كل هشي لأنها بدا بيت لحالا حتى تركب أخي و تهينو أكتر . ابي نصح أخي إنو يطلقها لأنها ماتستاهل العيشة هلي معيشا ياها أبي و أخي. طلقها أخي و ربينا الولاد و هي هلأ دايرا فلتانة كل يوم مع رجال شكل. لسعتك بدك تتجوز؟؟
-سوريا
تامر سويداني2018-01-23 02:40:21
كلو سببوا المال
معك مصاري كتير بتقدر تلاقي مرا تتجوزها و لكن مين قلك انو حتكون مخلصة لك و تصون عرضك و شرفك؟ لما المرا تلاقي جوزها صار يقصر عليها بالمصاري بتبدا تهينو و ترشحو و تسبو و تلعن سلسفيل اجداده و حتى يمكن تخونو.. مافي شيء مستغرب بهل أيام. إذا كنت مصر على الجواز لازم تلاقي واحدة فقيرة و قنوعة و موطماعة لأنو اليوم كل النسوان ماديات بيعبدو المصاري و الواحدة بتبيع جوزها مشان واحد تاني بيدفع أكتر. صديقي سافر لبرا ليشتغل ، مرتو صاحبت واحد تاني و هربت معو لأنو معو مصاري أكتر. هدول نسوان اليوم
-سوريا
حسان الخواجة2018-01-23 02:23:20
أنا مبسوط
عمري 60 سنة و لم أتزوج لأنني أخذت العبرة من المتزوجين . كل إخواتي الشباب الخمسة متزوجين و بيلعنوا ساعة الزواج و كل واحد منهم عنده ألف مصيبة بسبب الزواج و الزوجة الفاجرة و الأولاد العاقين!! كل أصحابي متزوجين و غير سعيدين و شبعانين بهدلة و شرشحة عل الآخر .حتى أقربائي من الشباب واقعين بمشاكل كلها بسبب نسوانهن و أولادهم غير المحترمين.. الزواج باختصار كان نعمة و كان سترة و كان سعادة لأن الزوجات كانوا جواهر و بعمروا البيت أما اليوم فالزوجات لا هم لهم سوى المصاري ولاستات بيوت و لا شي
-سوريا
أمير دياربكرلي2018-01-23 02:12:14
الزمن تغير
يجب أن نعترف أن الزمن تغير بشكل جذري. من أراد الزواج منذ زمن بعيد كان يسأل عن شكل المرأة لأن كل النساء من زمان كانوا ستات بيوت و بعمروا البيت و كلهم أصلهم منيح أما اليوم فاختلط الحابل بالنابل و النساء أصبحوا يعيشون في أزدواجية و لا تعرف عن المرأة أي شيء لأنها تحتفظ بأسرارها و تلعب على كيفها و لما يجي عريس الهنا هلي معوا مصاري كتير بتعمل عليه الشرف . ياما في ضحايا من الرجال ضحكت عليهم زوجاتهم و ركبتلن "قرو... " و الرجال هو من يكتشف المرا قبل الزواج و ليس بعد مايقع الفاس بالراس. خود بالك!!
-سوريا
غسان صبرة2018-01-23 02:04:59
الزواج مصيبة
يتزوج الواحد منا و يبدأ يكذب على نفسه أنه سعيد و أن الحياة الزوجية ممتعة حتى لا يشمت به العزابي.. أنا تزوجت و جربت الحياة الزوجية لمدة 12 سنة كلها عذاب و ذل و مهانة و قلة قيمة و شرشحة. قبل الزواج كنت نشيط أهتم بنفسي و بعد الزواج أهملت نفسي لأجل زوجتي و أولادي. لكن زوجتي حرضت الأولاد علي رغم أنهم صغار فهم يفهموا كل شيء حتى صاروا يحاربوني و يقفوا مع زوجتي ضدي. و في المرض لا أحد يهتم بي. زوجتي شلحتني مامعي لأن طبع النساء هو تشليح الزوج من كل مصاريه. يلعن الساعة اللي تزوجت بها
-سوريا
رياض حسونة2018-01-22 04:30:55
بدي أعطيك نصيحة
شو رأيك مرتك تاخد كل مافوقك و تحتك و تخونك و تكب ولادها و تهرب مع عشيقها؟؟ هيك صار مع إبن عمي و لما كمش مرتو بالجرم المشهود جابتلو الشرطة و قالتلن انو جوزها عمشغلها بالرذيلة فأخدو ابن عمي علحبس و لما انكشفت لعبتها مع عشيقها هربت مع عشيقها علبنان و كبت الولاد و سرقت كل المصاري و خرج ابن عمي من الحبس و حالف يمين ليحطا بالحبس بتهمة الزنا... هي قصة ابن عمي و ممكن تحصل مع اي شب مابياخد بالو او بيكون حوبة و مرتو بتلعب من وراه .. خليك عزابي احسن مايصير معك متل ماصار بابن عمي!!
-سوريا
هيثم سرور2018-01-22 04:19:43
خود هلنصيحة
كانت النصيحة من زمان بجمل كما يقال. معظم المشاركين عم يثنصحوك لا تتجوز . الحقيقة لو انك عندك خبرة بالبنات يعني مصاحب قبل الجواز حتعرف حقيقة بنات اليوم لأنون مابعمرو البيت.. بنات اليوم مالن غير طأ الحنك و اللبس علموضة و سحب المصاري من الرجال.. انا بقلك صراحة صاحبت كتير من البنات و كلن همن المصاري و اذا وحدة بدا تتجوز مشان المصاري و بس .. لاهما جوزها و لا ولادها و الله العظيم إخواتي التنين واحد موتتوا مرتو طقيء و التاني فوتتو بالحيط و داير هلأ يشحد و بدك بعدين تتجوز؟؟ خليك عاقل !!
-سوريا
VVV2018-01-21 04:05:16
تجربة حياة جديدة حزينة
أنا عزابية جربت العيشة مع أختي و بيت الصهر في الغربة في بلد عربي بسبب ظروف الحرب بس عيلتها ما كانت متحملتني و هي كانت تقسى علي منشان تغيرني لأنها ما بيعجبها طبعي السكوتي الانعزالي و غير ممكن أتغير بعدما كبرت و صارت مشاكل بيننا و طول الوقت تعيرني بأنانيتي و حركات وجهي بس الله لطف و رجعت لعند بيت أهلي معززة مكرمة بس ازدادت عقدي النفسية تجاه الزواج و صرت على يقين أن الزوج و بيت الإحمى و الأولاد مستحيل يتحملوني و يتقبلوني لذلك في المستقبل قررت أبقى لحالي منشان ما أظلم حدا معي.
-السلفادور
ماهر الجندي2018-01-20 05:42:39
الناس بتعرف الحل بس عايشة على مبدء انا ومن بعدي ا
الزواج والاسرة أجمل شيء في الحياة لكن للزواج الناجح اساسيات مبنية على الحب والدين والاخلاق الحسنة للاسف الزوج ماعاد خاف الله والزوجة ماعاد خافت الله الاثنين اخلاقهم سيئة والاثنين عليهم الحق الكل بيعرف وبيحرف والكل بيعرف الصح ويفعل الخطأ الانانية والجشع عبيت قلوب الناس والنتيجة زواج فاشل واسرة مدمرة واولاد تدفع الثمن والزوجات اول ماحطوا رجلهن باوربا واميركا طلبوا الشرطة للزوج وحبسوه وحرموه اولاده ولقوا عشيق وفلتوا واول شغلة بيقولوها الزوج ابن حرام وخلصنا منه 
سوريا
ماجد النويلاتي2018-01-20 01:31:28
جربنا الجواز و الله نجانا منو
نشكر الله انو خلصني من الجواز بعد ما انبطحت و صرت متل التوتو و كنت مطيع لها بكل شي حتى اخدت مافوقي و تحتي، لكن الله عوضني لأنو قلبي طيب و ما اذيت حدا و لأنو امي راضية علي... بعد ماطلقتها الله فتح لي باب الرزق و تحسن شغلي .. الجواز كان بالنسبة الي امتحان من رب العالمين على تحمل المهانة و الذل و سوء اخلاق المرا اللي تجوزتا.. و هلأ هيي انكشفت على حقيقتها. بدك تجرب الجواز؟؟ انصحك لا لا لا حتى لا يكون نصيبك زفت و يمكن ماتتحمل الصدمة و يصير معك نوبة قلبية.. خليم عزابي عصفور طيار.
-سوريا
عبد الفتاح زين الدين2018-01-20 01:30:47
إياك و إياك من الزواج
لازم الواحد يجرب الجواز مشان يعرف حقيقته؟؟ ليش دخول الحمام متل الطلعة منو؟؟ يا أخي خود العبرة من المتجوزين هلي سبقوك و تجوزوا .. حياة المتجوز اليوم كلها نكد و مهانة و قلة قيمة و عدم احترام و المرا مالا هم غير تسحب مصاري من جوزها و تقلوا هات و هات و هات و مابتعطيه اي شي.. ماتهتم فيه و لا تاخد بالا منو و تهملو متل الكلب حاشاك.. بس بدها منو المصاري و حتى الولاد بتعلمهم قلة الادب و عدم احترام الأب حتى يصفو معها ضد الأب.. لك من شي قليل فسدت الأجيال؟؟ بسبب تربية نسوان اليوم العاطلة!!
-سوريا
نزار الشامي2018-01-19 21:37:20
الزوجة الصالحة بدها زوج صالح
الزواج اكبر نعمة والاولاد اكبر ثروة لكن الزواج يجب ان يبنى بشكل صحيح اولا الزوج يجب ان يكون ناضج العقل مكتمل الشخصية وقادر ماديا على الانفاق على زوجته ويجب ان يجد انسانة تحبه ويحبها وتكون تخاف الله وقادرة على تحمل مسؤولية الزواج ومتفهمة ومخلصة لزوجها هذه اسباب البيت الناجح لكن للاسف معظم الزيجات تخلو من هذه الركائز وبعدها يحصل الطلاق والخلافات فتهرب الزوجة باولادها الى اوربا وتطلب الشرطة لزوجها وتسجنه وتخونه والزوج كذلك يعيش حياته والثمن يدفعه الاولاد معظم الزوجات السوريات فعلوا ذلك في اوربا
سوريا
رضوان الدوماني2018-01-16 01:36:09
خود بالك
خليك عصفور طيار و لا مرا تحكمك و تجننك و توصلك العصفورية.. لو عشت من 50 سنة كان ممكن تتجوز لأنو كل النسوان بهداك الوقت مناح . أما اليوم بين كل مليون مرا لتلاقي واحدة منيحة و كيف حتلاقيها؟ أحسلك خليك عزابي لأنو حتى لو صار عندك ولاد ماحتلاقيهم جنبك لأنون حيرموك متل الكلب بكبرتك في دار العجزة و مرتك حتستنى موتك و تزلك و تهينك و إنت مرضان. يا أخي خود العبرة من الناس من حولك . إسأل و شوف و لا تكون جامد.. كل واحد حيقلك إنو الجواز مصيبة و لعنة و غضب.. أنا نصحتك و ذنبك على جنبك.
-سوريا
عبد السلام دق الباب2018-01-16 01:27:16
خود من تجربتي
أنا واحد كنت متجوز و حوفر عليك التجربة. مافي شي بالجواز يشهي. حتقلي ليش؟ لأنو المرا لما تتجوز بتبين على حقيقتها. بالخطبة بتشوفها أحسن مايمكن و بتغريك حتى تتجوزها و خاصة لما يكون معك مصاري كتير .. كل هم النسوان المصاري. لما تتجوز المرا مابتسأل على جوزها و بتبدا تلعب على كيفها و إذا قلتلها شي بتكذب و بتبكي و بتجيب أهلا حتى يربوك و يعملولك قتلة ماكنة و حتى لو بدك اطلقها ماتخلص منها لأنو بدخلك السجن و بتاخد مافوقك و تحتك. أنا هربت من البلد حتى أخلص من المرا الفلتانة اللي تجوزتا
-سوريا
أحمد لاذقاني2018-01-14 03:37:25
وين رايح بهل عجقة
الله يرحم أيام زمان.. كان في نسوان جواهر و كان الواحد يشكر الله طول عمرو لأنو بعتلو مرا بتتأل بالدهب.. وين النسوان هلي بيعمرو البيت اليوم ؟؟ مافي مرا اليوم بتتحمل المسؤولية.. مافي مرا بتحترم جوزها.. مافي مرا قنوعة.. مافي مرا راضية.. مافي مرا مطيعة.. مافي مرا مخلصة. مافي مرا بتربي ولادها مظبوط.. كلن بدن مصاري مشان يصرفو على الكلام الفاضي .. مافي مرا بتهتم بجوزها و تاخد بالا منو . لتكون مفكر بهديك الشغلة؟ نشالله مفكر مرتك حطعتيك ياها بدون ماتشلحك مصاريك؟؟؟؟؟
-سوريا
مروان الموصلي2018-01-14 03:29:12
إنفد بريشك
خليك عزابي و انفد بريشك.. الزوجة ستحطمك و تاخد مالك و تعلم الآولاد أن يكرهوك و بعد كم سنة حتشوف حالك و حيد .. مرتك عايشة على كيفها و الاولاد مابحترموك بس كلن بدن مصاري و لازم تشتغل متل الحما....مشان تجيب مصاري و ماحدا منن بيحترمك و لا يقدرك. حتكبر بسرعة و تعجز بسبب مرتك و بالأخير بترميك بدار العجزة و تاخد كل ماتحتك و فوقك و حيحترق قلبك و تموت بالحسرة.. هيك صار مع إخواتي الاتنين و مشان هيك أنا ماتجوزت و حضل طول عمري عزابي و لا مرا تسترجي تزلني و تسرقني. نصيحة لوجه الله لا تتجوز أبداً
-سوريا
عمار الحلو2018-01-14 03:17:28
خود العبرة من الآخرين
أريد أن أسأل : لماذا نتزوج؟ لأجل الأولاد؟ الأولاد في هذا الزمان مهما ربيتهم على الأخلاق و الاحترام فلن تراهم من حولك لأن الحياة اليوم تفسد الأولاد و تعلمهم الأنانية و الأخلاق الفاسدة بسبب كل مانستورده من الغرب. هل نتزوج لأجل أن نقضي وقت ممتع مع الزوجة؟ و من قال لك أن الزوجات هذه الأيام تعطي الأزواج حقوقهم؟ يمكنك أن تسأل المتزوجون الصادقون إذا صدقوا فعلاً ليقولوا لك أن المتعة الوحيدة في زواجهم كان فقط في شهر العسل أنا باقي الزواج فهو نكد و عذاب و مهانة و كل هم المرأة سحب المال من الزوج.
-سوريا
بسام أو المجد2017-12-31 22:51:55
أياك و الزواج
عن تجربة.. كل من حولي يلعنون الساعة التي تزوجوا بها. منهم من لديه أولاد و منهم من لم يرزق بأولاد و لكن الكل يؤكد أن الزواج لعنة لأن الرابح الوحيد فيه هي الزوجة .. تقدم و تقدم و تقدم لها ثم في لحظة واحدة تقول لك ماذا قدمت لي؟؟و تبدأ بالإساءة لك و لرجولتك و ... السبب هو تربية هذا اليوم أصبحت سيئة للغاية و الفتيات اليوم لا يمكنهن تحمل المسؤولية . فقط يبحثن عن المال فإذا كنت غني أو وضعك المالي جيد فستكون ملاحق من الفتيات لكي يوقعونك في فخ الزواج أما الفقير من الشباب فلا فتاة تهتم بالزواج منه!
-سوريا
عامر الدمشقي2017-12-31 22:40:40
خليك عزابي
أيام زمان كان الزواج نعمة حياة هنية و زوجة راضية قنوعة و أولاد تربيهم فتجد نتيجة تربيتك لهم لأنك تجدهم من حولك في كبرتك هم و زوجتك.. أما الآن فلا التربية تربية و لا الزوجات قنوعات و كل النساء يبحثن عن المال و هو كل شيء في حياتهن. تمضي عشرات السنين و أنت تقدم لزوجتك و لأولادك كل شيء و في كبرتك يرمونك في دار المسنين!!ما الفائدة من الزواج سوى أن تفني نفسك في خدمة زوجة و أولاد ثم تموت وحيداً في دار المسنين و كأنك لم تنبني أسرة و لم تحرق نفسك لأجلهم!! نصيحة مجرب لا تتزوج أبداً
-سوريا
فؤاد2017-12-17 06:01:11
نصيحة
انت شخص ما عندك قدرة تتحمل مسؤولية بالمعنى الشامل الاقدام على هل الخطوة بيتطلب شجاعة واعية اما السعادة فحسب شخصيتك الانسان هوي بيصنع السعادة مو بيستوردها او حدا بيصنعلو الياها
سوريا
ابو غلاب الكويتي2017-12-14 05:52:06
تفكيرك غريب
بالنسبه للسفر مافي حدا بالدنيا سافر قدي موضوع عادي بتقدر تسافر مع زوجتك معقول شخص عاقل يفرط بنفسه عشان سفر ظنك هو نتيجه واقيعه راح تشوفها قدامك قول الله يبعتلي بنت حلال الله بيبعتلك وتكون مبسوط مافي احلي من انه تتزوج وحده كويسه وتجيب ولد اجمل شعور بالدنيا لما تلمس ولد انت وشخص بتحبه جبتوه هذه اجمل شعور تخيل بكره تموت لحالك مافي حدا حوليك بينما لما تمرض تلاقي ابنك وبنتك ماسكين ايدك
-سوريا
ابو الليل2017-12-13 11:01:53
مافي احلى من الزواج
انا صرلي سنتين متزوج وحسيت اني كنت ميت وعشت.. والسفر يا صديقي سافر انت وزوجتك وين المشكلة .. بالعكس احلى شي سفر العائلة واحلى شي بحاتك كلها وقت يجيك اول ولد شعور لا يعرفه الا من جرب .. والرسول (ص) قال من استطاء منكم الباءة فاليتزوج (اي المقدرة على الزوج) فبنصحك اتزوج بس اعرف اختار .. يقول شاعر انلكيزي 90% من ساعدة الرجل مبنية على الزوجة التي اختارها شريكة لحياته وبالتوفيق
-سوريا
الوضع مشابه2017-12-12 03:53:38
نفس الشي
انا وضعي متل وضعك بس على عكسك مابحب السفر مابحب الشنططه صلي عم دور على عروس قريب 4 سنين يمكن لانو مالي اجتماعي وماعندي معارف ما لقينا وغير هيك انا مابحب الزواج التقليدي عرس وفستان وبدي ومابدي ومهر كانو عم اشتري غرض فصار عمري 30 وانا عم دور عبنت الحلال بالاخير اعتمدت عشغله انو بتجي لحالها يعني الا ما الله يسرها شي نهار ولاقيها واطبس فيها اما هيك روح لعند جماعه وتفوت تضيفني قهوة ونحنا هيك وانتو هيك مابيمشي بدك تتعرف عوحده متل حكايتك بطريقك مو ضروري تكون من سوريا فرصه انت وعم تسافر
سوريا
HG2017-12-05 11:29:07
المهم انو تكمل نص دينك!
عندي سؤال لهاد يللي بدو الناس تكمل نص دينها من خلال الزواج، يعني ما شفت بالإنسان الا دينه؟ما الفائدة من الدين إذا الواحد ما عندو أخلاق؟الا ترى معي أن الأخلاق شي اهم بكثير من الدين؟يعني اذا كان الإنسان جيد و خلوق و طيب مو احسن من ألف دين؟ بعرف كتير ناس متزوجين و متدينين و لكن من دون أخلاق و ضمير،اذا شو نفع الدين؟ما في حدا بحترمك و بقدرك لأنك متدين أو متزوج او معتنق الدين، يحترمك لاخلاق وأعمالك الجيدة، سواء كنت اعزب أو متزوج أو مسلم أو كافر،في النهاية،لذلك درو على شي يكمل نص الأخلاق الآخر!!!
-سوريا
شاب سوري متجوز2017-12-05 02:26:37
سبب كره الشباب للزواج او ندمهم
صديقي عن تجربة الزواج اجمل خطوة ممكن تعملها بحياتك ورح تخسر كثير اذا ماتجوزت تاكد رح تحرم حالك من شريكة ورح تحرم حالك من انك تشوف اغلى شي بالدني وهني ولادك..ممكن تسمع كثير من الشباب المتجوزين بيحكو عن كرههم للزواج وانها غلطة وندمو وغيرو ولكن السبب مو الزوجة الي بتشاركك همومك وبتعطيك كل شي عندها ولا ولادك السبب هوي انك رح تصير تمر بمشاكل مادية وتكاليف ومسؤوليات. باختصار اذا امورك المادية منيحة لا تردد ولا لحظة وسفراتك ورحلاتك رح تصير اروع واجمل مع مرتك وولادك.
-سوريا
باسل الأصلي2017-12-04 22:37:17
إلى صاحب السؤال
مشكلتك ليست بفكرة الزواج أو عدمه..مشكلتك هي انعدام الأهداف بحياتك...الحل لازم تقعد مع حالك و تسأل حالك شو هدفك بالحياة..نجاح بالعمل؟ نجاح أسري؟ نجاح علمي؟ تأسيس عمل خاص؟ تأسيس أسرة؟ مساعدة اللآخرين؟ لن تستطيع الاجابة على سؤال أتزوج أو لا أتزوج قبل أن تدرك هدفك بالحياة و هل تحقيق هدفك يستوجب تكوين أسرة أو لا؟! اذا كنت تعشق السفر و تتعلم منه..فسيكون من الأسهل عليك تحديد أهداف واضحة بسبب خبرتك و اطلاعك..أما اذا كان السفر عندك للبنات و البسط..روح افتحلك بار او ورشة لانجري حسب خبرتك و ربي يسر
-سوريا
عبدالله 2017-12-04 16:55:44
نصيحة لوجه الله
ما دام امورك طيبة و ميسورة وعندك القدرة عالزواج اتزوج اليوم قبل بكرة و كمل نص دينك يقول الله انا عند ظن عبدي بي ان ظن خيرا فله و ان ظن شرا فله و فكر بإيجابية و ان الله سوف يرزق بالزوجه اللي تسعدك و بتمنالك التوفيق و السعادة بحياتك
-سوريا
رجاء كاترينا 2017-12-04 10:25:45
مالبورن استراليا
صحيح راح تندم ولكن مو مشكلة أفضل من الزواج والنكد والزعل .... الخ لانك عرفان حالك ما راح تعيش مبسوط ، ليش تقدم على هيك خطوة خليك صايع احسنلك يلي واثقين من نفسهم وفي عندهم محبة بقلبهم ومستعدين يضحوا اتجاه نسوانهم وولادهم نسبة الطلاق عامة 50 بالمائة وفكروا انه راح ينجحوا بالزواج . وبعد الزواج اعتقدوا انهم مجانين يلي اتزوجوا . فأنت ماعماتقول الزواج شر لابد منه ، عماتقول ماراح انجح . فليش توقع حالك بمطب الزواج .
أستراليا
خاين ياطرخون2017-12-04 04:00:15
وقف عالأسطوح هز الهوا كمو...كل الشباب اتزوجو وهو ل
عشقك للسفر؟؟..وين عم اتسافر بلا صغرا؟ بين مفرق جاسم والصنمين ولا بين باريس وهاواي ..ولما عم اتسافر شو عم اتروح اتساوي لحالك؟؟..ولا مستحي تقول انك متعود على جو الدسكويات والبارات برا وخايف تضطر توقف هالشي اذا اتزوجت؟..خلص خود وحدة من جوك وخلصنا ومارح يختلف عليك شي بالعكس بيزيد البسط ولا صحي بدك وحدة ماباس تمها غير امها وانت بتكون عامل السبعة وزمتها ..وينك اذا شايف كلامي في مبالغة بحقك بحب قلك راجع كلامك يلي كاتبو لأنو هاد مو كلام زلمة عمرو 30 سنة هاد كلام ولاد
-موزامبيق
HG2017-12-03 21:37:24
نصيحة مغترب قديم!
كنت متلك بالضبط اعشق السفر و الحياة العزوبية و كان لدي علاقات مع نساء اوروبيات فقط! و لكن بعد سن الأربعين بصير الواحد يشعر بالندم ليش ما عمل أسرة و اولاد، و بسن الخمسين بصير الواحد يشعر بالندم أكثر و بشيل شغلة الزواج و الأسرة من رأسه لان بالحقيقة فيها مسؤولية كبيرة و خصوصا في أوربا و هاد الشي ينعكس بشكل سلبي كبير على حياة الاولاد إذا الواحد تزوج بسن الخمسين و ما فوق، لذلك لحق حالك و تزوج من هلق أو معك لحتى سن الأربعين مو اكتر! مشان لا تشعر بالندم!،
-سوريا
سامر السلطي2017-12-03 14:59:12
نصيحة من تجربة
يمكنك الزواج لو أردت فعلاً تحمل مسؤولية أسرة و لكن عليك أن تختار إمرأة مناسبة تتحمل المسؤولية معك و ليس واحدة مستهترة همها الوحيد الخروج من البيت و السهر و تضييع الأوقات في الكلام الفارغ. أنا شخثصياً تزوجت في عمر 45 بعد أن إنتظرت طويلاً لخوفي من أن أتزوج واحدة غير مناسبة و أضطر للقبول بالأمر الواقع. كان إختياري لزوجتي بمشورة كل نساء العائلة. إستشرت أكثر من 100 إمرأة حتى إستطعت أن أجد الزوجة المناسبة. إفعل مثلي و سيوفقك الله بزوجة صالحة و أتمنى لك التوفيق.
سوريا
عابر سبيل2017-12-03 13:50:24
يتبع 2
يعني بالاخير ما في اسمو قرار صح او خطاء لكل واحد ايجابيات او سلبيات ... يعني اذا بتمرض وانت متجوز بتقول يا ريتني ما تجوزت ولا حطيت عيلة برقبتي ولو بتمرض وانت لحالك بتقول يا ريتني اتجوزت ولقيت حدا يوقف معي بالشدة فهي حال البني ادم ما بيعجبو شي وبيطلع ع غيرو وبيعتقد انو عايش احسن منو .. بالاخير هو قرار وبتبني عليه حياتك بالطريقة يلي بتشوفها انسب لالك .. متل ما قلتلك اذا ما لقيت شي يفوق مواصفات احلامك الخيالية لا تقدم عالخطوة وتذكر الندم وحيدا اسهل من لما بيكون عندك عيلة والسلام
-سوريا
عابر سبيل2017-12-03 13:46:45
يتبع
يعني انا كتير حولي اصدقاء راغبين بالزواج ولكن عارفين انو ما في شي يشجعك عالفكرة لا ظروف البلد ولا الاستقرار سواء كنت برا او اجوا ولا عقلية الجيل الجديد المعاصر مع الاحترام للجميع .. فالفكرة انو الواحد اذا ما لقى شي يعجبو وبالصدفة حصرا مو عن طريق البحث ما مضطر ياخد هيك خطوة كبيرة .. طبعا بيلحقك ضغوط اجتماعية ونص الناس بيفكروك عايش حياتك باساليب ملتوية وانص التاني مفكرينك شاذ وغير يلي مفكرك عاجز ... بس بالاخير هاد الحكي كلو ما بيهم ..المهم راحة بالك وكل شي بهالدنيا قرار (يتبع)
-سوريا
عابر سبيل2017-12-03 13:42:19
متل وضعك
كانك عم تحكيلي قصتي ... نفس وضعك تماما و انا جامعي ومغترب وبشتغل واموري ميسورة بالغربة والبلد ولكن بعد عدة تجارب فاشلة وصلت لقناعة انو عالحالتين رح تندم ... يعني اذا ما اسست عيلة لح تندم انك ما كونت عيلها ولا خلفت واذا العكس رح تندم عالساعة يلي تجوزت فيها بس هون الفرق انك ورطت انسانة معك وصار في ولاد ... بالعربي الفصيح اهلنا كان معون حق يتجوزوا ويخلفوا ونحنا معنا حق انو نرفض الفكرة لانو الفكرة حاليا ما بتشجع بسبب ظروف البلد والجيل الموجمود عالساحة ما كتير بيشهي (يتبع )
-سوريا
Mahmoud2017-12-03 12:05:18
مافيك تقرر قرار يرضيك 100%
الانسان رح يندم بكل الاحوال يقال انو اللي ما بيتزوج بيموت موتة الكلب حاشاك واللي بيتزوج بيعيش عيشته للكلب بالنهاية الرضا اهم من السعادة لاتفكر تتزوج وانت عندك أفكار مسبقة انك مارح تكون سعيد، بالنهاية ممكن تنبسط وممكن لاء الامر نسبي متل كل الامور بالحياة استفيد من العزوبية لاقصاها والزواج يستحق التجربة اذا حاسس بانسجام وتفاهم الحياة كلها تجارب ممكن تنجح وممكن لاء
-سوريا