syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أهلي يريدون أن يزوجوني ولكنهم لا يعرفون أني من "المثليين جنسياً"
اسأل مجرب

المثلية الجنسية تعتبر من المسائل الجدلية، ولازال العالم بأجمعه مختلف بين الاعتراف بحقوق مثليين واعتبار الموضوع مسألة شخصية، أو تجريمه واعتباره شذوذ عن الطبيعة والمجتمع.


وأرسلت لنا شابة في مطلع العمر رسالة، تقول فيها: انا عمري 22 عاماً، ولكني من المثليين جنسياً أي أنني "أقرف" من فكرة معاشرة الرجال، ورغتبني الجنسية ميالة نحو الفتيات.

وتتابع في شرح قصتها، قائلةً: وتقدم لخطبتي العديد من الشبان، ولكني أرفض دون ذكر السبب، واهلي يستغربون فجميع أولاءك الشباب من عائلات راقية ومستوى تعليمي عالي، ومؤهلين جداً للزواج وتكوين اسرة، ومشكلتي هي أني خائفة بأن اصارحهم بفكرة ميولي الجنسي نحو الفتيات.. فماذا أفعل انصحوني  


2017-10-01 08:48:52
شاركنا على مواقع التواصل الاجتماعي:



شارك بالتعليق
في اخرة 2017-12-15 21:18:57
مهم جداً
#### ولمن خاف مقام ربه جنتان #### فكري بعقلك يا اختي حرررررام والله حرااام
سوريا
طوني2017-12-05 20:33:41
المثلية الجنسية حالة طبيعية
سيدتي العزيزة الانسان المثلي في مجتمع شرقي متدين ومتخلف في وضع لا يحسد عليه. فهذه التعليقات تبين مدى سذاجة المعلقين. فمن منهم هذا الطبيب الذي يدعي ان المثلية مرض او شذوذ او او. فمن أين أتوا بهذا الفهم؟ من الدين الذي حرم وجرم الشذوذ ليصون ادعائهم بان الله خالق البشر وهو لا يخطىء. وكل مخلوق يعارض هذه الطبيعة فهو منحرف مريض والخ. يا للتخلف. عزيزتي انت إنسان طبيعي ولست باي ما ذكر. والرجاء ان لا تسمعي من هؤلاء البابغوات وتجبرين نفسك على اي شيىء. فلن تكونين يوما سعيدة. ابقي كم انت وصارحي اهلك.
سوريا
عامر2017-11-29 07:45:19
عادي و طبيعي
المثلية الجنسية مسألة عادية و طبيعية. المجتمعات الشرقية بتحب التجريم و التحريم... أتمنى انو الناس بسوريا تستوعب يوما ما هالشي. أساسا المثلية الجنسية هي مسألة جدا شخصية و ما بعمرها سببت حروب، إرهاب، نهب أموال.... بقا ليش الهجوم العنيف على غرف نوم الناس و محاولة تدمير حياتهن؟ ليش بدنا نقرر مين فلانة بتقدر تحب و مع مين بدها ترتبط؟ الأفضل انو نشغل وقتنا بثقافة المحبة و التسامح و كف الإيذاء و الحكي من ورا ضهر العالم.
إيطاليا
Belal2017-11-19 14:35:59
لنحكي بالمنطق
مرحبا اولا الطبيعه البشريه اللي انفطر عليها الانسان معلومه للكل وهي رغبه النساء للرجال والعكس صحيح وهيي فطره من رب العالمين يلي خلقك وخلقني وعاشت عليها البشريه وانتي نتاج معاشره زوجين اللي هنن أمك وابوكي فلا بد يكون عندك هالطبيعه الا في حال وجود خلل هرموني او مرض نفسي اما انك خلقه ربك هيك مستحيل يكون هالأمر الحاله تشخص نفسيا او بسبب علاقه مع حدا جرك لهلشي ولا يوجد شيء يدعى المثليين في قانون الكون ولا المجتمعات اللي عاشت الاف السنين لو كانت المثليه طبيعه بشريه لما سميت شذوذ
-سوريا
ش.س2017-11-06 18:49:50
عدنانة و لينا
استغرب سطحية بعض الردود بنصيحة صارحي إهلك، شو بدا تحكيون، جوزوني سامية بنت جيرانا!؟ بكل الاحوال النقاش عقلاني و الحمد لله انه ما الكل عمل فيها شيخ. بالنسبة لي مافيني افهم او اتفهم المشكلة بس بتصوري انه الموضوع مش من اكثر رغبة حيوانية جنسية، لانه كيف ما فتلنا راح تبقى المعضلة محصورة تحت الزنار.
-سوريا
les2017-10-30 15:13:44
لا تردي على حدا
أنا مثلك ما عندي ميل للرجال و هي شغلة فطرية هيك رغبتي و ما عندي مشاكل نفسية و طفولتي سعيدة بس بقرف فكرة معاشرة الرجال لذلك تصرفي على طبيعتك و صارحي أهلك و كوني مثلي الكل بيعرف ميولي و بيحترمها و حدا ألو علاقة بحدا
-سوريا
ابو سامر2017-10-29 07:55:39
رأي2
في تحريم غير مباشر للمثلية بالقرآن .. لكن في تحريم مباشر للكذب للتطيف للغش للفتنة و و و .. للاسف مابنشوف الناس ب بلادنا بتنتقد وبتستحقر الناس الي بتكذب .. مع انو هدا الشي الانسان نفسو بيختارو .. اما المثلية .. يلي الواحد بيشعر فيها لما يكون عمرو 15 سنة وبعاني من اختلاقو .. ف هو شي مابيختارو الانسان .. انا بشر.. والله بحاسبنا ..بس بظن انو حساب الناس يلي بتكذب وبتئذي غيرها اكبر بكتير من حساب المثلي يلي بدور علشخص متلو وبعيش معو بحب .. ومابغش وبيكذب على بنات او شباب العالم.
-سوريا
ابو سامر2017-10-29 07:44:59
رأي
السلام عليكم .. لمن ينصح ويقول راجعي دكتور للمعالجة. دكاترتنا تفتخر انو خريجي جامعات امريكا واوروبا .. ومراجعنا وكتبنا كلها مترجمة. بعد ابحاث طويلة بالغرب على المثليين وصل الغرب الى عدم امكانية العلاج .. يعني ،، حياتنا كلها مستوردة من برا .. موبايلك الحاملو .. سيارتك يلي راكبها .. جهاز الاشعة .. غرفة العمليات .. الخ. بنجي عل قصة المثلية وبنعطي راي غير مبني على اي خبرة او اي قراءة.
-سوريا
سمير خضر2017-10-27 06:37:39
تحية و تأييد
كل شكري وامتناني واحترامي للسيدة الكريمة وفاء بيرقدار على قوة وشجاعة ووضوح كلماتها. أنا لست مثليا. وأنا متزوج من خمسين سنة أب وجد وعمري بالثمانينات. ولكنني أحترم الحرية الفردية. وفي بلدنا تختلط العادات والتفسيرات والباطن والظاهر. وخاصة خلط التعدي الجنسي على القاصرين Pédophilie مع المثلية Homosexualité والتي هي ــ علميا مثبتا ــ ميول جنسية موجودة منذ بداية الخليقة. ولم تعد تعتبر انحرافا عقليا أو مدانا حسب قوانين العالم المتحضر. ما عدا بلداننا.
-سوريا
Saeed2017-10-26 12:03:53
Life is getting worse
وفاء بيرقدار من فترة قريبة شاهدت برنامجا على احدي القنوات الاور عن المثلية وكان في البرنامج لقاءات مع اشخاص مثليين حيث قال احدهم ذهبت الى دائرة لاحوال المدنية لاسجل زواجي من رجل قبل عشر سنوات فنظر لي الموظف نظرة اشمئزاز وطلب مني الانصراف .باختصار يقارن البرنامج بين نظرة الناس للمثليين في وقتنا الراهن وفي السابق.تبين لي ان اقرار القوانين التي تسمح بزواج المثليين هي لمكاسب سياسية كما هو الحال في المانيا.بالمناسبة كل الاديان السماوية تحرم هذه الامراض لانها شر على المجتمع ولا تمت للطبيعة البشري
سوريا
وفــاء بــيــرقــدار2017-10-25 08:44:03
يـــرجـــى الـــنـــشـــر
حسب تصريحات منظمة الصحة العالمية, وبعد استشارات علمية وطبية دامت عشرات السنين مع أشهر العلماء والجامعيين العالميين.. كان القرار أن المثلية الجنسية Homosexualité ليست على الإطلاق مرضا أو انحرافا. وهذه طبيعة لدى الملايين من النساء والرجال بالعالم. ولكن الأديان والمجتمعات الشرقية والإسلامية تنبذها وتحاربها ظاهريا رغم وجودها ــ خفية وظاهرا ــ بالعديد من مجتمعاتها المترفة. شخصيا أنصحك بالسفر لبلد أوروبي أو غربي حيث جميع القوانين السارية المفعول تحميك وتؤمن لك حياة طبيعية. مع الشكر8
سوريا
جوانا2017-10-24 12:26:55
خنثا
في حالتك من الافضل ان تراجعي طبيب لان يحوز انك خنثا وهذا ليس عيبا ممكن ينعمل عمليه لتصحيح الامور
-سوريا
وفـــاء بـيـرقـدـار2017-10-23 14:53:15
أمــر طـبـعـي.. جـــدا
حسب تصريحات منظمة الصحة العالمية, وبعد استشارات علمية وطبية دامت عشرات السنين مع أشهر العلماء والجامعيين العالميين.. كان القرار أن المثلية الجنسية Homosexualité ليست على الإطلاق مرضا أو انحرافا. وهذه طبيعة لدى الملايين من النساء والرجال بالعالم. ولكن الأديان والمجتمعات الشرقية والإسلامية تنبذها وتحاربها ظاهريا رغم وجودها ــ خفية وظاهرا ــ بالعديد من مجتمعاتها المترفة. شخصيا أنصحك بالسفر لبلد أوروبي أو غربي حيث جميع القوانين السارية المفعول تحميك وتؤمن لك حياة طبيعية.
سوريا
Sam Lord2017-10-22 21:14:15
الهجرة
اذا كنت في دولة عربية يمكنك طلب اللجوء و الهجرة الى امريكا او كندا ( ما اعرف اوربا ممكن ولا لأ) و في المهجر تعيشي حياتك حسب ما ترتاحي و بدون اي تهديد او خوف!
الولايات المتحدة
وحدة2017-10-18 03:26:29
تحليل خاطىء
بتصور حكمك على حالك بهيك صفه مو دقيق ابدا وخاصة انك زغيرة. هل الرجال بمحيطك سيئين بالتالي بتكرهي الرجال؟ هل حدث شيء خلاكي تكرهي الرجال؟أو نظرة مجتمعنا انو شكل البنت وجمالها وانو هي مصدر الاغراء والسعادة بالعلاقة هو السبب بحكمك عن نفسك؟. طبعا المجتمع خاطىء لان علاقة الحب والعاطفة هني الاساس.فكري بالموضوع بعمق شوي حاولي تشيلي الفكرة من راسك لفترة انسيها وحاولي تنلفتي للشباب شوي وشوفي اذا حبيتي شب رح يتغير الموضوع او لا. وقتا بتقدري تحكمي بشكل دقيق.
-سوريا
شاب سوري 2017-10-15 03:51:21
كلو بعقلك تاكدي ماعندك مشكلة بنصحك ان تزوري طبيبة
بنصحك بزيارة دكتورة اخصائية بالمسالك البولية والاجهزة التناسلية. زيارة بسيطة لا فيها فضيحة ولاخوف واسالي الدكتورة عن حالتك خليها تكشف. في حال عدم وجود تشوه خلقي لاقدر الله او شيء غلط معناتو الدكتورة بتحكيلك وغالبا انتي انثى طبيعي والدكتورة رح تطمنك انشالله .المرحلة الثاني تكون المشكلة نفسيه وهذا شي ممكن لتعلقك بامك وخوفك من ابوكي ضربك او صرخ عليكي مرة كرهتي الرجال وصارعندك كره وميول مختلف بس لازم تقاومي هل المشكلة وتتقبلي نفسك كانثى.
-سوريا
tarek2017-10-14 03:29:33
حاولي تعيشي حياة طبيعية
انا رجل وميولي مثلية كمان بس قدرت اتزوج وصار عندي عيلة واطفال فكري بالمستقبل اذا قدرتي طبعا انو يكون عندك عيلة وولاد القصة مو قصة جنس وبس
سوريا
syrian2017-10-13 17:22:59
ردود سخيفة
للاسف معظم الردود سخيفة. اللي عم ينتقد الموقع لسماحه بنشر المشكلة واللي صار رجل دين واللي بيقلها خلي زوجك يتحول لأنثى.
-سوريا
EEE2017-10-13 04:00:36
المثلية الجنسية حرام
الله حرم الشذوذ الجنسي و الزنا و حلل العلاقة الجنسية بين الزوج و زوجته فقط لا غير ، إذا كنت لا تستطيعين أن تحبي رجلاً و غير قادرة على ممارسة الجنس الطبيعي مع الزوج ، عيشي حياتك بدون جنس مطلقاً خلي محبتك للناس عادية من صداقة و حنية لأن الشذوذ الجنسي حرام و بنفس الوقت الزوج بحاجة إلى العلاقة الجنسية معك و ستبلينه معك إذا لم تعطيه حقه و هذا حرام أيضاً لذلك خليك بلا جازة أحسنلك و أحسن لغيرك و قليلهم لأهلك أن سبب رفضك للزواج هو عدم استعدادك لتحمل المسؤولية و غير مؤهلة للأمومة .
-أنغولا
واحد2017-10-12 11:12:58
طريقة مجربه
انا رأيي انك تختاري شخص مثقف وحلو و متفهم.... وبعد الزواج اذا ما حسيتي انك ممكن تتغيري اسوأ الامور بتطلقوا بس ع القليل بتكوني حاولتي تتأقلمي هلق ليش مثقف و حلو و متفهم.... مشان يا اما يساعدك تتأقلمي و هو متفهم يا اما اذا ما حبيتي تخبريه بميولك فجماله و ثقافته ممكن يجذبوكي
-سوريا
Yamen2017-10-12 05:28:31
Yamen
اذا اهلك من النوع المنفتح والمثقف لازم تصارحين
سوريا
اظن انك خنثى 2017-10-12 01:21:04
اظن انك خنثى
احتمال كبير انك لست امرأة راجعي طبيب
تركيا
أبو الوليد2017-10-10 10:57:03
نتمنى لكي الشفاء العاجل
نتمنى لكي اختي العزيزة الشفاء العاجل من هذه الحالة المرضية لأنها حالة نفسية وتزول بزوال الرغبة , آمل منكي عدم الاحتكاك الزائد مع الفتيات وذلك كي تزول هذه الرغبة من أمامك , وفي النهاية إن لم يكن هناك إرادة لن يكون هناك علاج .
سوريا
aboud2017-10-09 09:15:27
انستري وبالالك هلشزوز كلو
انا بنصحك انو مع الايام رح بتنسي الشي يلي انتي كنتي ابل تعمليه وتشوفي حياتك مع الشخص ابن عليه وبلالك الشزوز كلو من اصلو رجعي لصوابك وماتخلي بالاخر تكون عليكي نظرة الناس انك شاذه
-سوريا
سالم طحان2017-10-08 09:51:42
موضوع لا يجب ان يطرح
العيب مو عليكي بس على ادارة الموقع هلي قرر بكل وقاحه ان ينشر موضوع ليجعل الحديث فيه قرار شخصي و حرية راي. بعد ان يتحدث خالق الكون عن قوم لوط و ما فعل بهم و وصف فعلهم بالفاحشه بتجي مخلوقات لا تتعدى حجمها في هذا الكون الواسع حجم الشيء المعدوم لتناقش و تبدي حرية راي. مجرد طرح هيك فكره للناقش مرفوض مو من قباي بس من قبل رب العالمين. فاذا كان عندكم خوف منه بتحذفو هل الموضوع من موقعكم لانه فيه خلاف صريح و تشريع لابداء راي بعد حكم رب الكون
-سوريا
Fadi2017-10-07 14:59:21
الحل بسيط
ما في أي مشكلة ، ممكن تتزوجي شاب متفهم و راقي و عنده مشكلة بهويته الجنسية و تقنعيه بالتحول الجنسي ، بتعمليله عمليات و بيصر بنت متلك و بيمشي الحال ... شغلة فاضية ما تفكري فيها أبدا ... والله شي مضحك ... شو الواحد بدو يحكي ...
-السعودية
سالي2017-10-07 09:57:29
ليزبيان
طالم ا حضرتك في دولة عربية و طرحتي هل موضوع بقولك برافو برافو قليل جدا من يفهمك حتى اهلك غير جاهزين نفسيا لتقبل ذلك نصيحتي لك ان تاتي السويد فكل حقوقك المثلية مصانة بقوة القانون ...واذا محتاجة مساعدة راسليني
-السويد
أبو غازي2017-10-06 19:18:13
فكرة
الأهم معرفة هل هذا التوجه نحو نفس نوع جنسكِ سلوكي مكتسب أم ضمن جيناتكِ متى بدأتِ الشعور برغبة نحو الفتيات؟وهل جربتي ذلك أم مجرد رغبة وخيال؟ لا بأس بمراجعة طبيب
سوريا
خالد الشامي2017-10-04 10:10:59
الافضل لا تصارحيهم
بدك تختاري, تصارحيهم وتستحملي ردة فعل اهلك و اقربائك يلي يمكن تكون كتير عنيفة (اد ما كان اهلك متسامحين), بيجوز ما تكون عنيفة عليكي بس يمكن تكون عنيفة على اهلك بشكل نفسي, او اختاري انو تسمعيهون يلي بدون يسمعو خليهون ينبسطو بحياتون قليلون انك ما بدك تتزوجي من دون سبب, روحي عيشي لحالك الافضل تسافري لانو طالما انتي بيبت الاهل ما فيكي تعيشي متل ما بدك. انا تركت الدين الاسلامي من فترة, لما اهلي بيسائلوني بتصلي, بقلون اي, ما بحب كذب بس الصراحة ما بدي خلي اهلي ينزعجو ويكهروني على قرار شخصي اتخذته.
-سوريا
مجودة2017-10-04 09:01:28
نصيحة ورأي
نصيتحي لك ان لا تخبري اهلك بميولك الجنسية حتى لا تتسببي بأزمة في العائلة .. ولكن طالما انك فتاة في مقتبل العمر لماذا لا تحاولي ان تتغلبي على شذوذك لتكوني فتاة طبيعية؟ الا تتوقي لان تصبحي أماً في يوم من الايام؟؟؟ المثلية الجنسية غالبا تكون مكتسبة لعدة اسباب وعوامل خلال حياة الفرد ومن ثم تصبح ادمان لا اكثر ولا اقل. أظن انك طبيعبة ياعزيزتي وميولك الجنسية الانثوية مجرد وهم وادمان.
سوريا
Ahmad2017-10-04 06:29:00
رقم إضافي
مافي مشكلة خليك عانس و بتزيدي رقم ولا تبلي حدى فيكي. بتمنى تصلحي المشكلة يللي بعقلك أول و هاد اسمه شذوذ مو مثليه. المثليه مجرد مصطلح لتجميل كلمة الشذوذ في عقول يللي مفكرين حالن شواذ
-سوريا
دكتور رياض سامي عنان2017-10-04 05:11:56
النصيحة
إلى صاحبة المشكلة، لست برجل دين لأحاضرك في الأخلاق و الفضيلة. إنما نصيحتي لك كطبيب هي التالي: مشكلتك لها إحتمالان إما سبب نفسي أو سبب عضوي. إذا كانت أعضائك الأنثوية طبيعية كأي إمرأة أخرى فيمكن أن تكون المشكلة في الغدد الصماء و عليك مراجعة أخصائي غدد لعمل التحاليل اللازمة فإذا أمكنك تحمل المصاريف فيمكنك إبقاء الأمر سري حتى يتم العلاج. أما إذا كانت التحاليل سليمة فربما السبب نفسي و عليك مراجعة طبيب معالج نفسي لإزالة مخاوفك من العلاقة مع الرجال لأجل حياة زوجية طبيعية. و بالتوفيق
-سوريا
حواء2017-10-03 06:18:06
تحتاجين الى طبيب
انت عزيزتي لديك مشكلة صحية ونفسية بميولك الشاذة .... يعني المفروض تتطرحي مشكلة انو عندك ميول شاذ وتسألي عن كيفية العلاج ...وهذا ليس عيب كل انسان معرض لعدة انواع من المشاكل .. المهم تحديد نوع المشكلة والبحث عن الحل .. ومشكلتك نفسية وربما اجتماعية تحتاج الى طبيب اخصائي للمعالجة
-سوريا
Sam2017-10-02 11:46:48
الحل بايدك
أهم شي بالبداية انك ما تتزوجي لأنو المثلية الجنسية أمر متعلق بالجينات وهالشي مارح يتغير ورح يسببلك مشاكل مستقبلية ويمكن تظلمي الطرف الآخر، بتخيل فكرة مصارحتك لاهلك بتعتمد على مدى ثقافط الاهل وتقبلهن وانفتاحهن عالعلم وبالتالي هالموضوع وحدك اللي بتقدري تحدديه بس على ما اعتقد انهن ما رح يتقبلوا بامكانك تخففي الفكرة وتشرحي انك نفسياً ماعم تتقبلي الموضوع في كتير مثليين بيتزوجوا لارضاء المجتمع للأسف وبتكون المثلية مشتركة بين الطرفين وحدك اللي رح تقدري تعرفي كيف تحلي هالمشكلة ولايمكن اختصار حل واضح.
-سوريا
هبه2017-10-02 06:48:10
بلا
الممارسة الجنسية بدون حب هي قرف بقرف، فا ما ضروري اذا بتقرفي فأنت مثلية ، يمكن لأنك قضيتي كل حياتك برفقة البنات اعتقدتي انو انت هيك ، قبل ما تصير هل الموضة ( موضة المثلية) كانت البنات يقرفوا ويتزوجوا غصب عنهم وبعدين يتعودوا وبالعكس يصير يحبوا الجنس ويطلبوه . ممكن ببساطة ما انشديتي لحدا
-سوريا
محمود2017-10-01 22:49:48
صارحي العريس
مرحبا تحية عربية وبعد حاولي صارحي العريس وجربي معو العلاقة الجنسية مع الرجال بلكي بتغيري رأيك وبتعجبك العلاقة الجنسية مع الرجال احكي للعريس خليه يعطيكي شوية وقت واذا ما مشي اتطلقي وهيك بتقل فرص انو يجيك عرسان من جديد لحتى الاه يفرجك وتلاقيك وحدة شاذة جنسيآ متلك تجوزيها والسلام ختام
ألمانيا
  أبو حسومة2017-10-01 13:45:15
حسب درجة وعي الأهل
يا أما شرحيلهم لأهلك يا أما هربي... لا ترضي بشي ما بيناسبك.. هاي حياتك و بتعيشيها مرة وحدة
-سوريا
Shadi2017-10-01 13:18:35
Qatar
آنسة ان المثليين ما هم الا شاذين و الشذوذ هو خروج عن الصح او ما بعتقد اهلك و مجتمعك انه صح فعليك ان تنصاعي لرغبتهم حتى اما تبدأي بالاستمتاع لمعاشرة الرجال (تناقشي بنعومة العملية و ما تحبين مع من تعتقدين انه جيد) او تجدي الفرصة المناسبة لحريتك لكن مجابهة معتقد عربي اصعب من تبديل الإيمان
-سوريا
رجاء كاترينا2017-10-01 13:12:42
مالبورن استراليا
روحي لعند طبيب نفساني وتعالجي مشكلتك اكبر من انه اي واحد او واحدة يحلوها هون raj
أستراليا