syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أنا غريب في بلد غريب.. ساعدوني لأتغلب على الحزن الذي يسيطر علي
اسأل مجرب

مهند شاب أرسل لنا رسالة تحمل في طياتها غصة يعاني منها الكثير في هذا الوقت جراء حالة الهجرة والتشتت.


ويقول صاحب الرسالة: سافرت من بلدي سوريا نتيجة الحرب، ولجأت إلى بلد لا أعرف فيه أحد ولا أفهم لغة سكانها، وأخطئ دائماً في طرقاتها.

ويضيف: الحزن قد تملكني واشعر بالتعاسة، فماذا علي أن أفعل حتى أزيل عني شعور الغربة الذي يتملكني، خصوصاً وأني قد سافرت بمفردي دون أن يكون معي أحد من عائلتي.. ساعدوني   


2017-06-18 17:34:08
شاركنا على مواقع التواصل الاجتماعي:



شارك بالتعليق
ali2017-07-11 12:40:53
طبيب نفسي
روح عند دكتور نفساني و هو بيساعدك..... الحالة النفسية متل البدنية ديماٌ بحاجة لرعاية و انتباه و من الضروري استشارة الطبيب المختص للحصول على العلاج المناسب
-سوريا
سوري2017-07-09 20:55:50
إرجع إلى بلدك
إذا كنت تبحث في هذا البلد عن وطنك فلن تجده و لا بعد ألف سنه فإختصر الطريق على نفسك. اسأل مجرب و لا تسأل حكيم
سوريا
هية2017-06-27 18:28:05
تعلم اللغة
تعلم اللغة يقتل الغربة ، صدقني بس تتقن اللغة ما عاد تحس بغربة ، وكأنك انتقلت من حلب ع الشام، الحل الوحيد، متل ما قالو بدك تضل بنص الناس وتتعلم واذا بتقدر تترافق مع وحدة بيكون أحسن شي
-سوريا
حمزة2017-06-27 07:41:08
النجاح
اخي النجاح طريقوا صعب وبدو تعب ويلي ما قدرنا نحققوا ببلادنا بسبب فساد الدولة ان شاء الله هون بالغربة بتحققوا استعين بالله اولا واخيرا علق ورقة ببيتك وكتوب عليها سوف انجح ان شاء الله وعلق اد ما بتقدر وراق كتوب اهدافك نظم وقتك حاول ما يكون عندك وقت فراغ وحاول هدفك يكون شي بتحبو لا تفوت شي ما بتحبوا لان رح يكون بعيد كتير كل ما حبيت هدفك طريقوا أقرب افتح ع اليوتيوب شوف (محمد غنايم) شب صغير بس ماشاء الله عليه بتحس اعد براسك والله يوفقك ولا تخلي تفكيرا قلق ع طول بس قليل من القلق مفيد....
-سوريا
مريم2017-06-23 18:03:29
ما في شي بيجي بدون تعب
طيب يا حسام و يا صاحب الموضوع، كيف بدك تشوف شغل بدون لغة? الموضوع أكيد مو سهل. بس لازم تشوفوا وضعكم كفرصة للتعلم و تجريب شي جديد.. بالمستقبل فيكون ترجعوا عسوريا لما تهدا الأوضاع.. لغة شوي شوي.. شوفوا تلفزيون و حاولوا تتعرفوا على ناس من خلال الجمعيات الخيرية و مركز اللغة. لازم تكونوا منفتحين. غير عادات و تقاليد بس بالنهاية بشر و فيه أمور مشتركة. ما حدا قال انه سهل و ما فيه شي بيجي بدون جهد.
-سوريا
حسام2017-06-20 20:35:52
حالتي متل حالتك
انا ايضا مغترب وفي بلد غريب ومختلف وأواجه صعوبات جمة في الاندماج والعيش والتعامل مع من حولي في هذا البلد لكنني وصلت الى مرحلة الاكتئاب عوضا انني لا استطيع المغادرة منها ولا اريد العيش فيها حاليا لانني لم احصل على عمل مناسب وسكن لائق ولا حتى تعلمت اللغة وقوانين البلد رغم مرور فترة كبيرة فيها وليس لي أحد فيها أي انني اشبه بسجن كبير لا استطيع التأقلم فيها وغير متعود على هذا الشي
-ماليزيا
توفيق2017-06-20 12:34:13
لا تشحد
كون قد حالك وساعد حالك لحالك .. صرت شب عيب شحد العواطف ..
-سوريا
حلبية2017-06-20 02:30:18
الله المستعان على امره
حبيبي مبين انك زعير لسه, معليش كلشي ع التعود بيصير. اتعلم لغة البلد اهم الشي و انعرف ع شباب من قدك. اشتغل بارت تايم و اهم الشي انتبه ع اكلك. ببلدنا سوريا نحنه كنا متعودين ع الشمس و مشان هيك ما كان عنا نقص بفيتامين دال. بالغربة مافي شمس كافية وبالتالي بصير عنا نقص فيتامين دال واللي نقصو بيعمل كأبة واحباط الخ. اشتري هالفيتامين من اي صيدلية ما بدو وصفة و الله يحميك
-سوريا
رجاء كاترينا 2017-06-19 14:48:01
مالبورن استراليا
هي الغصة مابتروح ياأخي ، تغربت انا 33 سنة . بعد تعلم اللغة وبدء الدراسة والعمل والانخراط بالعمل ممكن تتناسى وتمشي بحياتك . فكر بالعالم الان كانه صدفة بإيدك ، العالم صغير كتير بهالأيام ووسائل التواصل كاننا مع اهلنا بالغرفة التانية ، وفرص انك تعيش احسن حياتك الك موجودة بالغرب ومو موجودة ببلادنا . طريق الرجعة مضمونة ، الأفضل انه ترجع منتصر .
أستراليا
باسل الأصلي2017-06-19 10:01:06
إلى صاحب المشكلة
تعلم اللغة بأسرع وقت ممكن..خلي الجيران, المركز الاجتماعي, السمان, الشغل يساعدوك, حتى صاحبلك وحدة اذا صح لك.. بس بلشت تحكي بتفك كآبتك.. وينك؟ بالصين؟
-سوريا