syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

كيف اخبر ابني بزواجي الثاني؟
اسأل مجرب

أنا سيدة عمري 33 سنة مطلقة مند 6 سنوات، ولدي ولد عمره 8 سنوات.


وتعرفت منذ فترة قصيرة  على شخص ممتاز ورائع بكل المقاييس وقد تقدم لخطبتي، وهو يحيبني ومتفهم لوضعي كوني امرأة مطلقة ولدي ولد.

ولكن مشكلتي الان كيف امهد لابني موضوع زواجي واننا سنعيش مع شخص اخر غريب عنه، فابني عاطفي جداً ومتعلق بي بشكل كبير كونه لم يعيش مع ابيه ابداً فهو دائما معي، فأنا أخاف أن ينصدم أو أن يتعرض لمشاكل نفسية فهو عندي أغلى من كل الدنيا..

فما أفعل ساعدني لاجد طريقة اخبره بأنني سأتزوج واننا سنعيش مع رجل غير أبيه


2017-01-30 23:45:14
شاركنا على مواقع التواصل الاجتماعي:



شارك بالتعليق
Mr.HG2017-02-13 01:34:34
وقت الزلمة المطلق او يللي بدو بتزوج وحدة تانية
بسبب وفاة زوجته الخ رج يكون عنده هالحساسية الفارطة لحتى كيف بدون يخبر اولاده او ابنه يللي عمره 8 سنوات او اكتر الخ ؟! اكيد لا .رح يقول لهم بالحرف الواحد انا رح اتزوج و جيب زوجتي الجديدة و نعيش مع بعض و لازم تحترموها متل امكم و بس و خلصت !.فليش مكبري الموضوع كتير و خايفة؟!لانك مو متعودة لا انت و لا اي امرأة شرقية تتزوج و تجيب رجال تاني. مع انو امر طبيعي جدا.يعني ربيتو اطفالكم على انو البابا الشرقي بحقلو يتزوج و يجيب مرا تانية و رابعة بس الماما عيب و ما بيصير!.فالشغلة بتتعلق بالتربية مو اكتر.
-سوريا
طارق2017-02-07 12:16:45
حطي الخبر عالفيسبوك
ابعتيلو بوست عالفيسبوك " أمك حتتجوز تاني...) إزا حطلك عالبوست " أعجبني" معناتا مشكلتك انحلت إزا حطلك غير شي بتقوليلو مزحا وبتفكري بطريقة تاني...
-سوريا
احمد2017-02-04 17:11:32
تعليق
شوف اختي زواجك الثاني سوف يسعدك انت ويسعد ابنك اكثر لكونة يري هو نفسه ان سعادتك انت في سعادت ابنك وبالتالي لن يلو اي جهد في تحقيقه فضلا عن كونه سوف يساعدك انت علي تلبية حاجات ابنك. ما عليك الي ان تحاولي فهم نفسية زوجك وتخبريه بحقيقتك انك لديك ابن وسوف تسعدين انت وابنك وزوجك بإذن الله توكلي علي الله وتزوجي لان هذا حق لنفسك عليك والحق احق ان يتبع باوك الله فيك
-موريتانيا
سورية2017-02-03 01:24:15
هي حياتك
بداية اكيد اذا الرجل مناسب معناتا مافي مشكلة بالزواج اساسا ابنك لسا بيضل معك خمسطعش سنة لقدام وبس تكبري بيتركك لحالك وبيتزوج لهيك اذا شفتي شخص مناسب مافي مانع تكملي حياتك معو بس بالتأكيد ما رح تتخلي عن ابنك. افضل طريقة انو يتعرفو عبعض ويعملو نشاطات مشتركة حتى يتقربو من بعض واساسا هالشي ضروري قبل الزواج حتى تشوفي كيف رح يكون الوضع بعدين واذا بيناسبك او لاء. بس يتعرفو عبعض اطرحي الفكرة عابنك وقليلو انك عم تفكري انك تتزوجي وتخليه يربى مع اب وانشالله بالفعل بيكون اب لابنك بدال للي تركو.
-ألمانيا
شاب سوري 2017-02-01 07:58:16
الاباء ياكلون الحصرم والابناء يضرسون
هلق ابنك انصدم من البداي لانو عاش تجربة طلاقك وغالبا حضر الخلاقات والمشاكل... قدر الله ماشاء فعل لعله خير... المهم اذا متاكدي الشاب الجديد مناسب وعندو اخلاق منيحة وبيتقي الله ومارح يضرب ابنك او ياذيه. تجوزيه واتكلي على الله. ابنك ممكن يحب جوزك الجديد ويعتبرو ابوه اكثر من طليقك. عندي صديق امه هربت مع عشيق لها وتركته وهو صغير وابوه تجوز من امراة اخرى لاحقا..صديقي كان يحب زوجة ابوه ويعتبرها امه اكثر من امه الي تخلت عنه. باختصار الابوي بالتربية.
-سوريا
ايمن2017-02-01 00:48:58
جواب صريح
فتحي تمك وقولي له. بدها تمهيد كمان. حاج مياعه وجلاقه. عندك ولد ولسه ما ناضجه.
-سوريا
رجاء كاترينا2017-01-31 17:53:24
مالبورن، استراليا
المهم كتير انك تلاحظي معاملة خطيبك مع ابنك اول زيارة بيجي على البيت . اذا ابنك ارتاح للشخص او لا . لانه هذا دليل بريء وحاسم لك اذا هذا الرجل مناسب زوج لك ام لا. وطالما عندك شكوك وعماتدوري على حل خارج نطاقك ونطاق عريس المستقبل : قلبي عما يقلي انه ليس بالشخص المناسب . اذا كان في محبة بقلبه ، المحبة راح تدلكم على الطريق الصحيح .
أستراليا
mohammed2017-01-31 17:17:54
كل الدنيا
انت تزوجت وخلفتي وجبتي ولد متل ما حكيتي هلء حياتك لابنك قعديلاجنبو وربيه وديري بالك عليه لانو لما اخدتي قرار انك تجيبي ولد حياتك بطلت ملكك لحالك وشو ماكان هالزوج مارح يحب ابنك خصوصا اذا جبتي منو ولد ابنك المتضرر الوحيد بزواجك وانت رح تنبسطي اول كم شهر او سنة وبعدين رح تضطري تختاري رضا زوجك اللي رح يكون اول شرط الو ابعتي ابنك يتربى عند اهلك مثلا ..ومافي اهل بحبو ولادون بفكروا يجيبو خالة مرت اب او زوج للام فعدي ربي ابنك وحطي ببالك حياتك صارت الو وبس لانو مالو ذنب
السويد
هبه2017-01-31 14:34:52
الابن هو الاهم
الأفضل تخليه يتعرف ع ابنك بصفة تانية ، ويتقرب منو شوي شوي ( انتو لكبار يعني تلاقي طريقة يتعود عليه) و مع الوقت يمكن ابنك يحبو ويتمنى يعيش معكون ، بدك تاخد وقت ما بسرعة لأنو لولاد بهل العمر بيكونوا حساسين
-سوريا