syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أغار من كل شيء حولي حتى من أقرب الناس إلي .. انصحوني ماذا افعل أحس بأني اختنق
اسأل مجرب

يقول المثل الشعبي "الغيرة تقتل صاحبها" وقال عنها علم النفس بأنها " أسوأ الشرور" .


وصلتنا رسالة من فتاة في مقتبل العمر تقول فيها " انا طالبه جامعيه مدللة، بدأت مشكلتي من 4 سنوات حيث أصبحت أغار من  اي شخص حولي سواء رجل او امرأة او طفل"

وتضيف "لا اريد ان ارى احداً أفضل مني ولا يفرح قبل ان افرح انا ولا يحصل احد على شيء قبل ان احصل عليه انا، وعندما سمعت بخبر خطبة صديقتي كدت ان اجن وشعرت بضيق ولم أستطع تهنئتها ، ليست هنا المشكلة بل اني أفكر أن افسد خطوبتها"

 

وتقول أيضاً "صديقتي الاخرى حين حصلت على نتائج أعلى مني بإحدى المواد اختنقت كثيرا ولم أنام حين عودتي، ولو رأيت أي شخص يحمل موبايل أفضل من موبايلي او لابتوب حتى وان كان هذا الشخص بالتلفزيون أريد ان أكون أفضل منه، انا اشعر اني سيئة جدا ولا استحق العيش لأنني لا احب الفرح للآخرين"

 

ينتابني شعور قاهر لا أتحكم به.. انصحوني ماذا أفعل حتى أتخلص من هذا الشعور الذي كاد أن يقتلني ..

 

 


2016-11-02 19:52:11
شاركنا على مواقع التواصل الاجتماعي:



شارك بالتعليق
سوزان2016-11-15 13:05:56
إلى الأخ حمزة
انا برأيي كل واحد يناقش صاحب المشكلة مو يناقش اصحاب الحلول الحقيقة لسا واحد بقلها درسي وعملي ورقصي وكلو هاد نظري الحل الحقيقي ب هرم ماسلو يا اختي الكريمة انا كنت متلك وبعدين انحلت كل اموري هرم ماسلو يعني تلبية الرغبات والاحساس بالثقة
-سوريا
سوزان2016-11-15 13:04:10
تفكير سليم منطقي
تفكير سليم منطقي وموضوعي لعلاج المشكلة بشكل عملي
-سوريا
كاره للنساء2016-11-14 23:39:31
المرأة الشرقية
عادي كل النسوان هيك
-سوريا
شاب سوري2016-11-13 09:02:52
القناعة كنز (قولي الحمدلله على كل شيء)
اختي بداية احمدي ربنا على نعمه التي لاتعد ولاتحصى علينا وبدل ما تقارني نفسك بناس اغنياء جدا او جميلين جدا عطي نفسك فرصة تشوفي الفقراء المرضى المعاقين العمي الي ماعندن قدرة يقرو او يعلقوا رينا عطاكي نعم كثيري وقال. لان شكرتم لازيدنكم, انك تتحسني وتصيري افضل خصلة موجودي بكل البشر بس خليها ميزة لتشتغلي على نفسك اكثر تجتهدي بالرياضة بالدراسي بالعمل بمسساعدة الناس باي مجال يكون مفيد الك وللمجتمع واكيد رح تحسي بالسعادي والرضا.
-سوريا
hala2016-11-11 23:10:36
الحسد
بدك تشغلي مخك وتبطلي تحسدي العالم. اذا صديقتك خطبت لازم تفرحيلها واذا صديقتك التانية جابت علامات احسن منك اجتهدي لتجيبي متلها. تمني الخير للعالم لحتى يجيكي الخير. لما اتزوجت صديقة عمري ما اجت زارتني ولا اتصلت فيني ,متلك حسودة, راح تموتي بحسدك وغيرتك وحتى لو فسختي خطوبة صديقتك راح تخطب قبلك مرة تانية. وراح تحتقرك وتكرهك وبعمرها مارح تسامحك. اكيد مو فارقة معك كل هالشي لانو الانسان الحسود ما بيريد غير الشر للناس
-السويد
محمد2016-11-09 20:46:47
الثقة بالزفس
احد اسباب الغيرة الرأيسية هو ضعف الثقة بالنفس ... لازم تشتغلي على ثقتك بنفسك و تنمي شخصيتك لتصير متوازنة ..... عرف السبب بطل العجب
-سوريا
متفاعل غير متفائل 2016-11-09 05:54:38
إلى مشكلتك محلولة
صديقي - مشكلتك محلولة - بتسمحلي استخدم جملتك السحرية انا كمان؟
-أوغندا
shadi 2016-11-07 20:53:34
الحل الوحيد هو الانجيل اقرأيه بتمعن
الحل الوحيد هو الانجيل اقرأيه بتمعن لا تحفظية ولكن اقرأيه وستتغير حياتك انا كنت هيك
سوريا
باسل الأصلي2016-11-06 21:08:08
إلى صاحبة السؤال
لازمك اختصاصي نفسي... و يا ريت توضحي شو اللي تغير بحياتك من 4 سنين؟؟ لما بلشت حالة الغيرة معك؟؟ غيرتي بيتك؟ نزحتي؟؟ افتقرتي بعد غنى و بحبوحة؟ حدا اتوزج من أقاربك بدون رضاكي او معرفتك؟؟ لما بتعرفي السبب بتقدري تعالجي نفسك
-سوريا
مشكلتك محلولة2016-11-05 22:31:01
مشكلتك محلولة
االغيرة تعطي الانسان الحافز لينفوق ويجد ويعمل ليتحسن .. يعني شيء ايجابي اعتبريه .. مشكلتك الحقيقية ليست أنك بتغاري .. مشكلتك الحقيقية انك تعتبرين الغيرة شيء سيء للغاية زبذلك تسمحي لضميرك انو يعذبك ويتعبك . الحل أنك تعتبري الغيرة شيء ايجابي ومفيد .. اطلقي العنان للغيرة عندك دون قيود .. لا تضعي قيود على نفسك.. ستشعرين أفضل .. رددي ورائي العبارة السحرية العلاجية التالية : بدي غار واحرق الاخضر واليابس .. ماحدا الو عندي ..ماعم ضر حدا بالغيرة تبعي .. غيرتي تدفعني للأمام سأحافظ عليها
-سوريا
حمزة2016-11-05 12:34:07
فيكي تغاري و فيكي ما تغاري
اقتراح مبدئي: انتظري تعليق احدى المشاركات النشطات واسمها سوزان ممكن تقترح عليكي تصاحبي لتتخلصي من غيرتك.... من جهتي بقدر قلك اشتغلي على حالك وركزي بنجاحك لأنو النجاح أساس الثقة بالنفس والعدو الأقوى للغيرةوالله يوفقك ويهدي بالك.
-سوريا
سوري من فرانكفورت2016-11-04 23:33:27
عودي الى الطبيعة
على ما أعتقد بدأت مشكلتك لما خرجتي من ضيعتك ورحتي على المدينة للدراسة الجامعية، صخب الحياة في المدينة وسرعة عجلتها من جهة وسطحيتها بتركيزها على الامور المادية وانتي شو عندك وشو مشاريعك الخ، هذا كلها سحب البساط من تحت رجليكى الناعمتين وفقدتي البوصلة والاحساس بنفسك والاخرين ووو. لذلك انصحك انت تعودي الى الطبيعة من شجر ووديان وجبال ورياح وعواصف وستحسين بتواصلك مع الطبيعة بأنك أغنى انسان على الارض وستعين ان الطبيعة واسعة وفيها خير للجميع. عودي يا عزيزتى الى الطبيعة الطبيعة الطبيعة
-سوريا
الحور العتيق2016-11-03 17:50:25
غيري طريقة تفكيرك
عزيزتي، انتي بتغاري من اشخاص بتشوفيهم او بتسمعيهم، بس لازم تعرفي انو في على كوكب الارض 6 مليار انسان، فيهم ناس فاحشين الثراء وناس رائعين الجمال، ولما عم تشوفي حدا غني وهو مفكر حالو غني، فغيرو مئات الملايين اغنى منو بس هو مو شايفهم وانتي مو شايفتيهم، ونفس الشي بالجمال والممتلكات.الدنيا واسعة كتير ولا يمكن لحدا انو يمتلك كل شي. خلي ببالك انو ما حدا حياتو كاملة، يعني الحياة بتجي باكيج، بتلاقي حدا حلو كتير بس اجاه ولد غبي بيكون كره حياتو. شوفي الحياة بمنظور اوسع ولا تضيقي نظرتك، قدري الامور المعنوية
-سوريا
رجاء كاترينا 2016-11-03 16:24:40
استراليا
ياعمري انتي : على طول راح يكون في حدا أحسن منك وحدا عنده أكتر منك وحدا خطب قبل منك ، تركيزك على العالم الخارجي غلط . ملكوت الله داخلنا ، ضروري تتنافسي مع نفسك واعملي أحسن مافيك واتركي الباقي لربك وإلا راح تتعبي كتير .
أستراليا
abdulla 2016-11-03 13:34:01
yle m7rom wjo3an bbet ahlo hwe ele besawe hek
25te ana bshk 2nk mdlle 3nd ahlk w2za mdlle had bekon shı jded l2no ebn alnas wl3alm betmna l5er l3'ero wma be3'ar mn 7da wana bens7k tshofe dactor nafse wtt3alje mn hl marad
سوريا
صلاح2016-11-03 10:26:01
ولو معقول إنتي
معقول بتغاري من شخص بالتلفزيون .. لازمك طبيب.. يلي عندك مرض مو طبيعي .. الله ينجينا يا رب من الحسد والحاسدين
سوريا
ام حمزة2016-11-03 07:47:30
الله يعينك
فيكي تروحي ع دكتور نفسي ؟ برأيي روحي حتى لو بالسر عن أهلك لان فعلا رح تتعبي ومع الوقت الغيرة بتصير كره ..
-سوريا
سليم2016-11-03 06:53:42
الزواج
انا متلك تماما كانت تقتلني الغيرة وما نام الليل فرحت فقعتها جوازة.صارت مرتي تغار مني وهيك هربت الغيرة مني لمرتي. فسمعي مني خلعيها جوازة وبتتغير هيك كل امورك بلكي بيبتلي جوزك بالغيرة
-أستراليا