syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

زفافي بعد أشهر و لكنني لا أستطيع نسيان حبي القديم و لا أن أكمل حياتي بدونه .. ما العمل؟
اسأل مجرب

تشاء الأقدار أحياناً أن تفرق بين الأحباء لتضعهم ضمن خيارات لا يرغبون بها مما يجعلهم نادمين أشد الندم عليها فيما بعد .


تخبرنا "غروب" قصتها " أنا فتاه عمري 25 أحببتُ شاب من عائلتي منذ 4 سنوات وحدث بيننا خلاف..  في الوقت هذا تقدم شاب لخطبتي ووافقت بعد ضغط من أهلي "

تتابع " والآن انا في فترة الخطوبة ولم يبقى للزفاف سوى أشهر معدودة انا نادمه وأريد انا ارجع للشخص الذي أحببته خصوصا انه يحبني وانا أحبه ولا نستطيع ان نكمل باقي حياتنا بعيد عن بعض ..."


2016-05-29 00:27:12
شاركنا على مواقع التواصل الاجتماعي:



شارك بالتعليق
عمار2016-07-12 13:34:50
اذا بتحبي وبتعشقي لشو قبلتي ترتبطي
ما بعرف شو بدي احكي ،يا مرباية اذا بتحبي وكتير متمسكة بعشيقك ليش لتقبلي ترتبطي بإنسان امنلك وحب يرتبط بحضرتك اذا فيكي ذرة كرامة واخلاق بتفركشي هالجوازة وبتروحي لعشيقك اذا ....كان مستعد يرتبط فيكي وانا بشك بهالشي.
الإمارات
غسان2016-06-18 05:38:29
يلي بيقدر يفتح بيت
تزوجي يلي قادر يتزوجك و يفتح بيت بهالظروف . بالنسبة للحب القديم طمني انتو البنات بتنسوا لما تلبسوا الابيض و تنصمدوا بجنب سعيد الحظ . عرفت بنتين و على اساس انه حب لاخر العمر البنتين تجوزوا و كل يومين بلاقيلهن بوست عالفيس لازواجهن شي الصيف معك احلى و شي رمضان معك حلو و شي انت كل حياتي .الخلاصة رح تنسي و تمسحي الجميع مع اول ليلة على عكس الشب بيحتفظ بالكل خزاة العين.
الإمارات
دمشقي 2016-06-16 09:18:29
تركي التنين
باختصار انسي التنين فسخي خطبتك وانسي يلي عم تقولي انو ما بتقدري تعيشي بدونو .. خطيبك حاليا ما قدر ينسيكي يا مما يعني انو رح تضلي كل حياتك عايشة بفراغ عاطفي .. وحبيبك القديم مو رجال لأنو لو رجال ما كان بيخلي الامور توصل لانو يقرب عرسك على شخص تاني شو ما كان وضعو او شو ما كانت مشكلتكون او ظروفكون .. بكل الاحوال اذا تزوجتي يلي بتحبي رح تفرحي كم يوم وبعدين رح تندمي كل عمرك لانو الحب بيجي بعد الزواج الا بحالات نادرة كتير .. بعدي عن التنين هدول والله بيبعتلك مين ينسيكي ياهون هنن التنين
الإمارات
Mr.HG2016-06-14 01:01:36
المرأة الشرقية
بس تصير المرأة العربية و المرأة المسلمة سيدة نفسها و تأخذ اي قرار كان من نفسها بعيدة عن تعاليم الشرع و ولي الامر و العادات و التقاليد البالية ما عد توقع بهيك مشاكل.! على دور جد جدي بسمع هالجمة .(قال اهلي جبورني بشخص ما بحبو!!) و رح نضل نسمعها لبعد الف سنة طالما تمسكين بتعاليم الشرع و العادات و التقاليد البالية!!
-سوريا
رجاء كاترينا 2016-06-12 19:49:46
مالبورن استراليا
اسألي الشخص يلي خاطبتيه ممكن يكون معك ومومعك كمان بركي هو معك وعمايفكر ويحب ويعشق بخيالاته واحدة تانية . هذا مستقبل وحياة عمرونة ، مو طبخة ماطلعت طيبة ونكبها ونطبخ غيرها . احدى الوصايا لانلعب بمشاعر العالم ولاتقتل : مابعرف شو اسمه هذا يلي عماتساوي ؟!
سوريا
هبة2016-06-07 22:16:33
نضوج المشاعر
ما كل الناس عندا نفس المشاعر و الارتكاسات ، الحب الحقيقي صعب ينتسى وكأنوا الزمن ثابت ما بيتحرك، ممكن ترجعي لحبك القديم وببساطة اذا اتزوجتوا وانضغطوا بظروف الحياة تكتشفي انو كنت موهومة
-سوريا
Maro2016-06-06 17:15:37
ارجعي لحبك اذا قدرتي
ما بينسيكي حب قديم الا حب جديد اقوى منه وطالما الخطيب ما قدر ينسيكي وانتو لسا بفترة الخطبة معناها انسي.. حياتك معه رح تكون جحيم .. نصيحتي الك لا تكملي لان رح تظلمي حالك
-سوريا
فراس2016-06-06 02:54:08
الدنيا هي الحب و بس
بكل اختصار عيشةٌ لا حب فيها جدولٌ لا لا لالللللا ماء فيه...
-سوريا
مجرب2016-06-02 11:04:58
الحب اللي كان
صدقيني أكتر حالات الطلاق هي بين الناس الأخدو بعضون عن حب...الحب شي والزواج شي تاني. الحب شيء ظرفي ومشاعر الإنسان بتتغير متل أسهم البورصة وما ممكن الإنسان يأسس عليها شيء مهم متل الزواج..بكرة بتفهميني وقت بتصيري بعمري.
-سوريا
nadia2016-05-30 20:02:54
الحقي قلبك وعقلك
اسا معك مجال للتراجع. الحب اسمى العلاقات. لا تخلي شي يسيطر عليكي ابدا احكمي بعقلك وقلبك كمان وهني بدلوكي
أستراليا
باسل الأصلي2016-05-30 15:05:24
إلى غروب
وينه حبيب القلب؟؟؟ ليش ما عم يتفضل و يوضح لأهلك أنه بده ياكي و ما فيه يعيش بلاكي؟؟ لو كان بيحبك ما كان بيرضى تتم هالجازة....إلا إذا في ظروف ما حكيتي عنها بالشرح
-سوريا
NOOR AHMAD2016-05-30 05:28:49
مشاعرك غير صادقة
مشاعرك غير صادقة ، لو كان الذي بينك و بين قريبك حب فعلا كما تصفينه لما تخليت عنه و قبلتي الخطوبة من شخص آخر بهذه السهولة، أنت أفتقدتي شيء ما مع خطيبك الحالي أجبرك على النكوص الى الى الخلف و التفكير بعلاقتك السابقة مع قريبك ، الحب ليس هو الشرط الأساس للزواج ، إنما للزواج شروط و مواصفات تتجاوز الحب أولها مخافة الله وحسن الخلق في الشريك و آخرهاالسكينة و الطمأنينة التي يجب أن تظللكم عندما يحتويكم سقف و أربعة جدران .
سوريا
وردة 2016-05-29 22:46:27
عزيزتي غروب
عزيزتي غروب..مشكلتك صعبة بس بعتقد انو حلها سهل و بيعتمد عليكي اذا فيكي تاخدي قرارك باستقلالية لانو بالنهاية انت يلي رح تعيشي مع زوجك المستقبلي مو اهلك. تخيلي كيف حياتك رح تكون جحيم اذا بتكوني مع شخص مابتحبيه و اولادك رح بيطلع معون امراض نفسية من ورا هالشي. برأيي اذا ماحبيتي الشخص من هلأ مارح يتغير شي بعد الزواج. الزواج مابيجيب الحب. و بماانك على بر اتصرفي بحكمة و ماتظلمي هالشخص معك و بعدين فيكي ترجعي لحبك القديم او لا, هاد شي انت بتقرريه. و انشالله بالتوفيق
-فرنسا