syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

 وجدت فيها ما لم أجده في زوجتي لكنها اشترطت أن أنسى طفلي نهائياً .. ما الحل؟
اسأل مجرب

الخلافات الزوجية و دخول امرأة أخرى على مسار العلاقة من أكبر و أخطر المشاكل التي تمر بها الحياة الزوجية ..


يخبرنا صاحب الرسالة بمشكلته " متزوج من سنتين وأقيم في دولة أوروبية لكن للأسف غير متفاهم إطلاقاً مع زوجتي وهي حامل في الشهر الثامن تركتني وسافرت لبلد آخر لتولد بالقرب من أهلها,بعد سفرها أحببت أحدى صديقاتها لأني وجدت فيها ما لم أجده في زوجتي لكنها اشترطت علي أن أنسى طفلي نهائياً وعلاقتي السابقة "

يتابع " حاولت أن أصلح الأمر مع زوجتي لكن أهلها وقفوا في طريقي وهددوني بأن لن أرى طفلي أبداً مع العلم بأن هناك مشاكل سابقة مع والدها وهو أساساً غير مقتنع بي من بداية زواجي فما الحل   "


2016-05-14 01:53:29
شاركنا على مواقع التواصل الاجتماعي:



شارك بالتعليق
nadia2016-05-22 05:29:47
اشك بكلامك
يبدو من كلامك ان اغلب مشاكلك من صديقة زوجتك ويبدو انك مللت عشرتها وتبرر لزواج اخر ان لم تكن كارهتها على الرحيل والسفر الى بلد ثاني هذا وإن لم تكن تمادى مع الصديقة أصلا. ارجع الى صوابك وارجع زوجتك واحفظ عشرتها يحفظك الله وحاول ادخال اهل الاصلاح والبين للتقريب بينكما عل البيت الزوجي يلملم الشمل في بلاد الغربة فنحن الان غرباء حتى في وطننا واقطع علاقتك مع هذه الصديقة الخبيثة (خثيبة إن لم يخب ظني).
أستراليا
احمد2016-05-21 20:08:03
سؤال لصاحب لرسالة
يا ابن لناس وابن لحلال لومرتك يلي حبت رفيقك انتة شو شعورك لا كمان مالقيت تحب غير رفيقتها اي صدقني متل ماحبتك رفيقتها رح تحب غيرك هيك انتة عم تدمر عيلة وتحكم على ابنك بلضياع يلي لسا ماخلق اتقي الله يا ابن لناس مالك غير مرتك وابنك وهي لمشاكل ولخلافات بتصير او كم سنة من لزواج بس بعدين بتروح وبيصير في حب وتعاون انا هي نصيحتي الك
-سوريا
جوجو2016-05-19 19:14:47
اللي استحوا ماتوا
أخي الكريم الظاهر من كلامك انو الخلافات بينك وبين مرتك هي صديقتها إلى أنت عشقانها لانو مبين عليك من زمان حاطت عينك عليها وهلا عم تتحجج انك شايف فيها إلى مو شايفوا بزوجتك لتبرر لحالك وبعدين لو صديقة مرتك فيها احساس ونتفة إخلاص الصداقة ماكان قبلت تحكي معك من ألاساس فا اعرف انو ما فيها خير من طلبها انك تنسى ابنك وتذكر منيح إلى يخون صديقو يخون زوجو أو زوجتو يعني مثل ماخانت صديقتها رح تخونك بيوم من الايام بعدين كيف عم تسأل الناس انك تتخلى عن ابنك مبين انو انت كمان ما فيك خير
-سوريا
جوجو2016-05-19 19:00:39
اللي استحوا ماتوا
أخي الكريم الظاهر من كلامك انو الخلافات بينك وبين مرتكبي هي صديقتها إلى أنت عشقانها لانو مبين عليك من زمان حاطتو عينك عليها وهلا عم تتحجج انك شايف فيها إلى مو شايفوا بزوجتك لتبرير بحالك وبعدين لو صديقة موتك فيها احساس ونتفة إخلاص الصداقة ماكان قبلت تحكي معك من ألاساس فا اعرف انو ما فيها خير من طلبها انك تنسى ابنك وتذكر منيح إلى يهون صديقو يخون زوجة أو زوجتو يعني مثل ماخانت صديقتها رح اخوتك بيوم من الايام بعدين كيف عم تسأل الناس انك تتخلى عن ابنك مبين انو انت كمان ما فيك خير
-سوريا
عبد من عباد الله2016-05-18 07:09:02
لا تنسى ابنك، فان نسيته قد ينساك
لا تنسى إبنك فهو ابنك وكنيته تتبع كنيتك، فإن علم ابنك بتفريطك إياه عندما يكبر، لن يحبك. وبعدين هذا ابنك وانت مسؤول عنه سواء رغبت زوجتك الجديدة أم لم ترغب وسواء رضيت أنت أم لم ترضى.
-سوريا
ابو احمد الحلبي2016-05-17 00:15:33
لا والف لا
الى الاخ السائل لا اعرف ماهي الظروف التي مررت بها فاذا الامر يخصك لوحدك ..ولكن ان تتعرف على صديقتها فاذا شيء معب عليك وعلى صديقتها ولنفترض .بان بعد ان تركتك تعرفت عى صديقك ورأت فيه امور لم تجدها بك ..لذالك انصحك اخي الكريم ...بان تبتعد عن صديقتها وتحاول العودة لزوجتك ..وان لم تقبل العودة فابحث عنه زوج لا تفرض عليك مسبقا التخلي عن قطعة من جسدك ...وفقك الله الى طاعته
-سوريا
احمد2016-05-16 11:03:26
مافيها خير وابعد عنها
اللي تشترط عليك بنسيان طفلك مافيها خير ابد والافضل الابتعاد عنها
السعودية
NOOR AHMAD2016-05-16 05:41:11
ما كل ما يتمناه المر يدركه
كما أنه لايوجد رجل في العالم يتصف بالخصال التي تتمناها المرأة بزوج المستقبل ، كذلك هو الرجل من المستحيل أن يعثر على فتاة تمتلك كل الصفات التي يتمناها في زوجته، و قد يلتقي الرجل بعد الزواج بفتاة تمتلك صفة كان يتمناها في زوجته و كذلك المرأة قد تلتقي برجل فيه مزايا تحبذها في زوجها ( ولكن ما كل ما يتمناه المرء يدركه ). فاقنع بما لديك ، و تمتع بما هو بين يديك ، لأنك لن تهنأ في عيشتك اذا كلما رأيت فتاة و جدتها أفضل من زوجتك .
سوريا
امل2016-05-15 18:06:59
القناعة اصل كلشي
اكيد كل وحدة رح تتعرف عليها رح تكون مختلفة عن مرتك بس المشكلة بالقناعة، لو كل.واحد بيقتنع باللي عندو وبيعامل مرتو منيح بعيش مرتاح
-سوريا
رجاء كاترينا 2016-05-15 15:46:16
مالبورن استراليا
في كتير خلط بتفكيرك مابعرف شو جاب تقييمك ومشاكلك مع زوجتك الاولى وصديقتك الثانية بابنك . الزوجة ، الصديقة ، الخطيبة ..... بيروحوا وبيجوا بس الولد للأبد . بتلم ابنك وبتربيه وبتطلعوا ابن صالح للمجتمع ، هي هي وظيفتك الان ، مووظيفتك تحب وتعشق ، وظيفتك تتحمل مسؤولية الولد يلي عملته اولا اذا كنت رجال . بعدين بكل جرأة عماتقول انه الأنثى الجديدة بحياتك مابدها البيبي ، يعني في محبة بقلبها وبتحبك انت بس مابتحب نجلك يافهلوي . شو هالانانية هي . المتل بيقول كرمال عين تكرم مرج عيون
أستراليا
SAMER2016-05-15 12:25:24
حرام عليك
ليش في حدا بيترك ضناه مشان مرا حاول تصلح الامور عالقلقله منشان الطفل يعيش بيناتكون لانو لو عرفو انو في وحدي تاني بحياتك اي بحياتك ماحتشوف ابنك ولاتحلم فيو
سوريا
فواز2016-05-15 11:11:06
المشكله فيكم
صديقي العزيز المشكله ليس باهلها لطالما في البدايه رغم معارضة اهلها تزوجتك لكنك لم تعرض المشكله بينك وبين زوجنك وكنك اتخدت قرار انهاء العلاقه الزوجيه ادا العلاقه الجديده لن تكون قويه جدا لانك سريع التقلب والمهم ان تكون بجانبك امرءه .المفروض حل مشكلة الاسره وليس الصديقه الجديده دائما سوف ترى انه في كل علاقه جديده شيء غير موجود مع السابقات فمادا ستعمل كت مره تتزوج من جديد ادا من الاصل لاتتزوج وعش حياتك باكتشاف الجديد في عالم النساء
سوريا
طبيب مهجر2016-05-15 10:26:01
المراه ما تستغني عن جوزها
اتجوز عليها صديقتها (لو صديقتها مو كلبه ما كانت قبلت تاخدك). رجع ابنك و طلق التنتين و خود بعدها بنت اصل.
-سوريا
حلبية2016-05-15 00:46:17
بدك نصيحة؟
بدك الصدق انك واحد ما بتستحي. المرة راحت تولد عند اهلا من كل هالنسوان ما بتعمل وانت عم تتمعشق و تحب ورفيقة مرتك كمان؟؟؟ اشو بدك ننصحك؟؟ يعني برأيك شغلة انك تنسى امر ابنك امر بدو استشارة من عالم من النت وقابل للاخد والعطي؟؟؟ صدق الله ابو مرتك كان معو حق و اخص ع رجال اخر زمن
-سوريا
باسل الأصلي2016-05-14 18:34:30
إلى صاحب السؤال
إذا مقتنع بالطلاق فإياك تتزوج صديقتها لأنها سبب بخراب بيتك...و أولادك لازم يكونوا رقم واحد بحياتك... إياك تتخلى عن أولادك
-سوريا