syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

صارحتني بأنها تركته و قبل موعد عقد القران اكتشفت بأنها مازالت على علاقة به ... ماذا أفعل؟
اسأل مجرب

يشكل الكذب عائقاً كبيراً بوجه أي علاقة و يعمل على تهديم أي شيء صحيح  فيها ..


يقول صاحب المشكلة " خطيبتي كانت تحب شخص وحكت لي أنها تركته واكتشفت أنها على علاقة به وقالت أنها كذبت لأنها خائفة صدقتها وسامحتها وبعد ذلك اكتشفت قبل كتب الكتاب بيوم واحد أنها على  علاقة به"

يتابع "  تقول أنها ندمانه ولا أريد أن افعل لها المشاكل مع أهلها هل أتزوجها أم اتركها ... "


2016-05-03 02:47:16
شاركنا على مواقع التواصل الاجتماعي:



شارك بالتعليق
ولييف الرووح2016-05-13 23:28:52
ربما تكون تحت ضغط معين
الشرقيون عموما عاطفيون والنساء على وجه الخصوص تعتمد على عاطفتها وتغيب عقلها تغييب شبه كامل. وعندما ترتبط الفتاة وتحب تعطي كل شيء وانا هنا لا اقصد تخليها عن شرفها ... وقد تكون هذه الفتاة ترزح تحت ضغط إنسان وصولي انتهازي حاقد لديه بعض المآخذ عليها واضطرت لمسايرته والاتصال به نتيجة خوفها مما يملكه ضدها ... قد أكون مخطئ وقد أكون مصيب .. تبينوا قبل ان تحكموا ....
الإمارات
ابو عنتر 2016-05-12 07:55:04
لا تتتتتتتترررررددد اخوي
اتركها الان و فورا و الا ستدخل يوما على غرفتك و تراها في فراشك معه
-سوريا
ابو بيرلا 2016-05-08 13:59:40
خليك رجال
حبيب بدون تفكير اتركا الله يسرلها الواحد بيتزوج مشان يستقر ويرتاح بالو لشو بدك بوجع هالراس
-سوريا
ملتاع2016-05-08 08:24:42
اكسب نفسك
سؤالك أنت تعرف اجابته , ستكون أكبر خاسر اذا استمريت معها حتى و لو بعلاقة دون زواج , أرجو أن تشاهد مسلسل عن الخوف والعزلة و سترى أن المرأة لا تنسى حبها الأول مهما كان قد سبب لها من آلام , بل و حتى لو ثبت لها أنه كان يخدعها لينال منها , و ستقضي بقية عمرك في هذا الذل
-سوريا
متفاعل غير متفائل2016-05-08 01:30:07
المسامح كريم
هلأ حضرتك جايينا قبل كتب الكتاب بنص ساعة لنحللك مشكلتك، يعني شو بدي قلك مابعرف، أكيد هلأ، يا بتكون كتبت الكتاب، وبهالحالة نحنا بدنا نسألك، خيو كيف كان الوضع؟ شو ضيفتو بكتب الكتاب؟ يابتكونو ماكتبو هالكتاب، كمان بهالحالة بدنا نسألك، الله يسامحك ليش ما سامحتا؟ مابتعرف أنو المسامح كريم.
-أوغندا
مريت بهالشي 2016-05-07 00:13:13
اتركها
انا مريت بتجربتك حياتك جحيم رح تصير اذا بتتزوجا اتركها هلأ احسن ماتندم بعدين
سوريا
اتركهاااااا2016-05-06 13:05:32
اتركها
اتركها مشان ما تندم بالمستقبل لانو على اصغر مشكلة بينك وبينها رح ترجعلووو نصيحة اتركها
سوريا
فرح 2016-05-04 20:53:16
صلي صلاة الاستخارة اذا بدك
اخي بدي قلك انو الانسان بطبيعته عاطفي ما حدا بالعالم الا و بيكون مر بعلاقة ولو بعمر المراهقة او بعد بس لااازم يمر بعلاقة واكيد بيتعلم منها كتير شغلات و بيصير ناضج أكتر .. و أنا برأيي تستخير ربك بأي قرار رح تتخذو .. اذا خطيبتك منيحة و انتا حاسس انو بفضل وقفتك معها و حبك الها رح تنساه لحبيبها الأول فنصيحة لا تتركها .. اذا بتحبا و مرتاح معها حاول تقعد معها و تتفاهمو و تخليها هي كمان تفكر و تقرر لأنو الزواج مو لعبة ..وبعدين لو حبيبا منيح ليش ما تقدملا ؟؟ بالمهاية الله يوفقكن ويقدم الخير
-سوريا
الدكتور خالد2016-05-04 18:09:48
مريت بتجربتك
اخي انا مريت بتجربتك عدة مرات على الاقل وكل مرة بجي لاترك البنت وبتصير بتحكيلك حكي حلو وبتقلك بحبك وما فيني عيش بلاك وبتقلك انو انت فارس احلامي وبتبلش اخلاقها بتتحسن وبتعاملك بطريقة كتير منيحة وبس تسامحها بنطر كم شهر بتلاقيها رجعت متل ما كانت .... صار عمري 30 سنة ومتغرب وكل مرة بوقع بنفس الغلط ... لذلك تبت ... نصيحة هروب والله هلأ انت عينك فيها لانك مغدور بعد كم شهر بتنساها وبتطلع من عينك لانو بس تتجوز ويصير علاقة بينك وبين مرتك ما بتتذكر غير هالشغلة نصيحة بلا
-سوريا
Osama2016-05-04 12:27:17
خدا نصيحة مني
هاد النوع من البنات بكون غالبا ضعيف الشخصية حتى بمشاعرو وعلاقاتو السابقة ... انا بقلك اذا العلاقة من اولها مبنية عالكذب فبلاها ولاتلحق قلبك
سوريا
Brhoom2016-05-04 07:48:45
K
اكيد اتركها... ستتكلم معه بعد زواجكم
-سوريا
سوري مهاجر2016-05-04 07:02:48
هذه ليست طيبة قلب بل انت احمق
و رح تندم. زوجتك نا رح تنسا الحبيب الاول و انت رح تندم. اتركها قبل الزواج ارحم الك و الها.
-سوريا
شيخ الشباب 2016-05-04 05:58:45
محتار
طبعا اتركها لانو بعد ما تتزوج انت لح تبقى تشك قيها حتى لو تركته و بتصير حياتك جحيم
-سوريا
ميشيل 2016-05-04 00:29:27
مابدها سؤال
طالما انها بتحبو ما راح تنساه بحياتها وبما انو بعدكون على بر تركها ولا تطلع وراك شو بدك بوجع الراس
سوريا
لاتتزوجها2016-05-03 23:36:55
اتركها
شو خلتلك لبعد الزاجة هي مرتين كذبت عليك.لو محلك انا مابفكر بالموضوع. مااتزوجها لو على قص راسي
سوريا
18182016-05-03 18:25:53
كاذبة
اتركها اخي ... هذه المخلوقة كاذبة ولا امان لها
-سوريا
طارش 2016-05-03 17:03:20
تواصل اجتماعي
الفيسبوك خرب بلادنا ودمر حياتنا صارت وسائل الاعلام الكاذبة تعتبره وثيقة اعلامية وعلى اساسه السوريين تحولوا لنور رحل ما من غير عن الغجر وعملنا الفيسبوك أكلنا و شربنا وحياتنا الله لا يشيلها عن قلبنا منستاهل لاك ولك عمي أذا بعدها معه ع الفيس بوك بكرى بيصير معها بفرشتك وانت بشغلك فقيلك من هالعلقة موفق ان شاء الله
-سوريا
ام جون2016-05-03 17:07:25
غريب
عنجد عم تسأل واضح انو المخلوقة لساتها متعلقة فيه بقى الأفضل انك تنسحب هلأ احسن ما تقول يا ريت اللي جرى ما كان
-سوريا
مجرب2016-05-03 14:37:36
أتركها
نصيحة، لا تستمر معها. لأنها حتضل تحب هداك الشخص و حيضل موحود بحياتها. لا أولاد و لا زواج حينسيها. النصيحة مالها علاقة بقضية خيانة او غيرها. الموضوع انها حتضل معلقة فيه. أتركها و فكر بنفسك
أستراليا
باسل الأصلي2016-05-03 11:30:20
إلى صاحب السؤال
اتركها هلق أحسن ما تتركها بعد ما تعلم عليك هي و صاحبها... كشفتها 3 مرات قبل الزواج...كم مرة رح تكشفها بعد الزواج
-سوريا
ناصح2016-05-03 07:47:30
naseha
الصلح سيد الاحكام بس اللي بعرفو انا انو اللي فيو عادة صعب يتركها وانت لساك ماكتبت كتابك عليها بس متزوجتو راحت عليك وعليها ورح تضل المشاكل بيناتكم ورح تضل تشك فيها وبالاول و بالاخر استخر ربك
-سوريا
محمد2016-05-03 07:44:45
نركها
نركها لانو حترجع تخونك
-سوريا
إبن البلد2016-05-03 05:41:30
الصراحة
حبيب القلب طالما أكتشفت هيك الموضوع انا برأيي تركها وانهي الموضوع بشكل ودي الله ازا من اول الشغلة هيك فما بالك بعد الزواج الله يسرلك انت وهي الله يستر عليها
-الإمارات