syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

هناك  من يهددني ويبتزني بفضح علاقاتي قبل الزواج  على الفيسبوك .. ماذا افعل؟
اسأل مجرب

تبدو مشكلة مكررة ، تعدد العلاقات قبل الزواج ( دون تحديد نوعها ) والعادات والتقاليد التي تقف عائقا لقبول مثل هذا الواقع.


تقول صاحبة المشكلة التي لقبت نفسها "بالمنهارة" " تزوجت من سبعة أعوام و عندي بنت , كان لي علاقات سابقة و أنا آسفة  عليها كثيراً , و نادمة على الأيام التي قضيتها مع أشخاص غير زوجي "

تتابع " و الله الآن يعاقبني حيث أن أحد الأشخاص السابقين يبتزني و يهددني بكشف علاقتنا لكل الناس على الفيس بوك , و أكثر ما يحرقني هو سمعة ابنتي عندما تكبر لأن الناس لا تنسى , و لا أعرف ماذا أفعل ?? "


2016-03-15 01:27:29
شاركنا على مواقع التواصل الاجتماعي:



شارك بالتعليق
المهندس2016-03-30 23:20:05
محلولة
الطاسة ضايعة.. واعديه بشي مكان.. و طئيه فشكة.. ورجعي لعند عياتك.. مين ما مين.. مسلحين
-سوريا
السموءل2016-03-30 21:07:20
الشرطة
الحل لهذه الحالات هو بتقديم شكوى للشرطة ومتابعة الإجراءات من هناك. أما إذا كان ذلك الشخص قد ارتكب الأذى فعلاً ولم يكتف بالتهديد فيتم معالجة هذا الأمر عند القضاء بتهمة التشهير. .
-سوريا
ربان السفينة 2016-03-26 07:07:38
فكري منيح
اصحك تتجاوبي معه وتعطيه أي شي(مصاري، صورة،... )لأن رح يرجع يبتزك أكتر. لو وضحتيلنا أكتر لأي درجة كانت علاقتكم كنا فدناكي أكتر.أنت بتعرفي أكتر وحدة ممكن تحددي أديش جوزك ممكن يتفهم هالمشكلة وإذا ممكن يتفهم القصة صارحية وإذا لاء خلي طرف تالت بتوثقي فيه يتدخل
-الإمارات
ادم2016-03-24 11:05:33
كذب
لح ئلك شي .. انت مو ندمانة عالعلاقة القديمة والدليل لو كانت علاقة صادقة من الطرفين فأكيد ما وصلت لهون فأحد الطرفين هو وسخ وبادلو الوساخة الطرف الثاني لا مأسوف عليكي
-سوريا
حيدر2016-03-22 02:22:50
بسيطه
ولا يهمك عزيزتي . بس شو كنتي تساوي قبل الزواج ؟
-سوريا
فاعل خير2016-03-19 16:58:23
ما حدا معصوم من الخطيئة
لازم تحطي شخص قريب منك بالصورة اخ اواب او خال او عم وتخبري القصة بالكامل وتخليه هوة يتفاهم مع هاد الشخص لان هوة واحد جبان كل شخص مبتز بهالطريقة بكوون جبان وبس صار في شخص ثالث بالوضوع وقريب الك رح يعرف انو في حدا واقف جنبك رح يحسبا بغير طريقة والاهم انو الشخص اللي بدك تحكيلو تكوني واثقة من حسن تصرفو بالحياة وانا عم احكيلك عن تجربة وانا كنت الطرف الثالث والله يستر عليكي
سوريا
نادية2016-03-19 11:09:18
لا تخافي و ارجو التواصل معي
اختي اول شي ما حدي كامل. لا تخافي ولا ولا تحطي ببالك في كتير طرق بتوقعيه وبتقلبي القصة لصالحك باذن الله. لو حبيتي فيكي تتواصلي معي وارجو التواصل معي. بتمنالك التوفيق
سوريا
باسل الأصلي2016-03-18 20:46:38
إلى صاحبة السؤال
اذا كنتي متصارحة مع جوزك بموضوع علاقاتك قبل الزواج فاطلبي مساعدته... اذا لأ شوفيلك شي محامي لأنه هيك شي اسمه ابتزاز وممكن تحبسيه للزلمة اللي عم يهددك
-سوريا
ابو فرهاااد2016-03-18 02:38:15
كوني ذكية
الابتزاز جريمة كبيرة يعاقب عليها القانون ..من الواضح انتِ وهذا الشخص عل تواصل من خلال وسيلة تواصل ايا كانت .. سجلي صوته او احتفظي بمحادثات الواتس او الفيسبوك .. وهدديه بالشكوى عليه اذا استمر في الابتزاز واطهري له انك قوية وبامكانك عقابك اذا افسد علاقتك بزوجك ..يعني بالمختصر اما ان يحل عنك او ينخرب بيتكون سوا ..المهم ان تكوني قوية وواثقة من حالك وبامكان استشارة محامي وهو سوف يرشدك على كيفيةالشكوى وطريقة استجرار هذا الشخص لوقعه في الفخ ..ف
-سوريا
كازنوفا2016-03-17 03:02:12
لك أيييييييه!!!
بحياتي لهلق اتعرفت على اكتر من خمسة حتى كان في شوئسمو بيناوكلون اتجوزو وكل فترة بيحكو معي انو اشتاقولي بس ولا مرة خطرلي أأذي حدا فيهون بس كرمال الأيام الحلوة يلي قضيناها سوا وآخر وحدة كل مابتحكي معي بتقلي ليش مابتتصل فيني اشتقتلك بقلها بلا مايجي جوزك على غفلة ويسمعنا ويخرب بيتك ولا تزعلي مني بس حاولي تنسيني افضل ألك وألي...حتى وحدة منون صار معها مشكلة وحكت معي عم تبكي فرحت ساعدتها هي وجوزها وبدون مايدرا اني انا يلي ساعدتون...
-أستراليا
وائل2016-03-16 23:55:37
اقتراح
اختي الكريمة لا يوجد انسان لا يخطئ في هذه الدنيا و الله غفور رحيم. انصحك ان توثقي ابتزازه لك بالادلة كرسائل التهديد على الفيس او على الجوال وتقدميها كدليل ضده مع فتح محضر رسمي باي قسم شرطة. تمنايتي لك بالحل القريب بدون الفضائح. ادعو لك بالستر و لكل بنات العالم
-سوريا
بشير2016-03-16 18:04:18
ولا يهمك وشو يعني
أهم ما يمكن أن يقال هنا بأن لاتسمحي لهذا المبتز بأن يحقق هدفه وأعتقد أن هدفه استعبادك من خلال تهديداته. وأعتقد أنه لايستحق أن يعطى أي جائزة ترضية مهما هدد وإذا كان رجلا فلينفذ مابرأسه وعندها سيقع في شر أعماله فهناك دولة وبوليس انترنيت وقوانين ناظمة. واجهي بشجاعةوبجرأةأنت لم تفعلي شيئا غريبا كنت تمارسين حياتك حسب ماترغبين آنذاك ولم تكوني متزوجة ولم تسيئي لزوجك لأنه كان في علم الغيب أما عن ابنتك فكل همها أن تكون تحت رعايتك وستفهم وستتفهم عندما تنضج إذا نفذ هذا الرخيص تهديده
سوريا
samira2016-03-16 17:59:39
la yhemmen
la yhemmek 2elilu yroo7 ybalet elba7er
-سوريا
فعل خير2016-03-16 09:48:12
سورية
أختي الكريمة, لا يوجد شخص في الدنيا لا يخطأ سواء من الرجال او من النساء. انا برأي افتحي الموضوع لزوجك واحكي له كل شئ قبل فوات الاوان. كوني مع زوجك صادقة وانشاء الله زوجك رح يكون جنبك.
سوريا
عبدالرحمن 2016-03-15 15:27:51
تحملي عواقب طيشك وبعدك عن الله
هذا ما جنته أفعالك وطيشك وهذا عقاب من رب العالمين لأنك خنتي أهلك ، فلازم تتحملي نتيجة غلطك حتى لو اطلقتي بس المهم أنك تتوبي ولا تخضعي لهذا القذر المبتز ، حتى لو انفضحتي
الأردن
بني آدم2016-03-15 15:08:08
هينة
سكري حساب الفيس و عفا الله عما مضى، المهم أنك تبتي، صفحة و انطوت
-سوريا
متفاعل غير متفائل2016-03-15 02:28:33
حواجب نجوى كرم
إذا الصور أو الفيديو متاخدين من سبع سنين, حتى إنتي ما رح تعرفي حالك بالصور, تطور موديلات الحواجب لحالا ممكن تحللك مشكلتك. بتتذكرو يا جماعة حواجب نجوى كرم هيديك الأيام, كان يسرح فيهم قطيع غنم كامل ويبقى للجمهور والكليبات ويزيد. سيريا نيوز, بتمنى تنشرولي مقترحاتي, صحيح فيها نوع من السخرية, بس إذا بتدققو شوي بتعرفو إني جدي, وإنو مافي داعي كل مرة تحذفولي تعليق, بالنهاية حقي علق عالموضوع متل ما بشوفو, طالما ماعم سب أو احكي كلام رديء, وشكراً
-أوغندا