syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

مجنونة بحبه و لا يعلم ..و سيتزوج بأخرى ...انصحوني
اسأل مجرب

 الحب من طرف واحد مؤلم وخاصة اذا لم يتم التصريح عنه كما هو الحال مع هذه الشابة صاحبة رسالتنا.


تقول صاحبة الرسالة " أحببت شخصا ليس لي وهو لا يعلم باني أحبه وهو يحب فتاة وسوف يتقدم لها للزواج ,اعشقه إلى درجة الجنون حيث لا يمكنني أن افعل إي شيء غير التفكير فيه أنا حتى لا أركز على دراستي وأهملت مستقبلي بسبب حبي له  "

تتابع " أحاول الابتعاد عنه و هو  كبير بالنسبة إلى عمري فأنا عمري 15 وهو 27 ...وقد نصحوني صديقاتي للابتعاد عنه ولكني لم أستطيع... انصحوني " .


2016-02-12 01:05:19
شاركنا على مواقع التواصل الاجتماعي:



شارك بالتعليق
جون2016-02-29 10:55:54
ما بيستاهلك
إذا بتسمعي مني، روحي واتعرفي على رفيقه وخليه يموت طقيق. العمى بعيونه ما أغباه من بين الزلم.
-سوريا
شهد2016-02-26 07:59:48
خالة ام حمزة
الله يسامحك خالة ام حمزة ليش بتقولي هبولة هلا كل ما بنت صغيرة حبت او اعجبت صارت هبولة؟؟؟
سوريا
ام حمزة 2016-02-24 12:45:48
حبيبتي هبولة انت
لسا ما بتعرفي من الدنيا شي, اصبري ع حالك اربع خمس سنين بتصيري تضحكي عهالمشاعر, احيانا نحن البنات (لما كنت قدك) كان الحب يصير بسبب انو ما في غير هالشب قدامك بحياتك, او لانو بتحسيه رجال وقدوة وبعاملك متل الصبايا وبنفس الوقت بعطف الابنه, او لانو انت شايفتيه حابب وحابة حالة الحب يلي هو فيها, عيشي حياتك ركزي ع دراستك انبسطي مع رفقاتك لا تخلي الحب هاد هم خليكي مبسوطة بكرة بتكبري وبتفوتي الجامعة
-سوريا
حكواتي سورياتي2016-02-18 18:56:41
انا لما كنت بعمرك....
انا لما كنت بعمرك كنت حب لينا وغار عليها من عدنان وانتي لسا عمرك 15 سنة عم تعشقي وتحبي... على فكرة صورة تعليقي مع القصة نزلت على صفحة حكواتي سورياتي عالفيس وشكراً
-سوريا
ريم2016-02-16 17:20:00
لساتك صغطورة
بكرا بس تكبري وتتذكري هالقصة والقصص يللي رح تمري فيا رح تضحكي على حالك وتتسائلي كيف انا كنت مفكرة حالي بحب بوقتا ورح تحمدي ربك انو ما ارتبطتي فيه ومر الوقت وكبرتي وصرتي واعية وصرتي تعرفي تحبي من قلبك وعقلك وصرتي تقدري تختاري الشخص المناسب لتحبيه.. انا هيك صار معي والحمدلله هلا كتير مبسوطة بخياري
-سوريا
زهرة2016-02-16 07:26:51
نفس المشكلة
مشكلتي متل مشكلتك تمام بس حمدلله انحلت . ارجو التواصل معيك اختي على اميلي [email protected]
سوريا
سوزي2016-02-16 03:07:26
أنا كنت متلك
لما كنت بعمرك حبيت واحد بجنون و كنت اعبدو و هوي مابيعرف بس بعد فترة نسيت تماماً لان عرفت حالي أني صغيرة و غلط و هلىء ذكرتيني بحالي كنت نسياني فكري بمستقبلك أحسن و هاد مانو حب لحب بيكون بل عشرين هيدا طيش
سوريا
متفاعل غير متفائل2016-02-15 06:06:10
الحب الحقيقي
مع احترامي لمشاعرك، وما عم حاول قلل من قيمتها، بس كبنت عمرها 15 سنة بأكدلك إنو هيدا حب غير ناضج، ولما رح تكبري رح تتذكري هالحب وتضحكي. ومتل ما بقول الفنان الكبير محمد فؤاد: الحب الحقيقي ،،، بيجي بعد ال30 ياحبيبي
-أوغندا
واحد2016-02-14 01:21:13
تحملي
شو بدك تعملي يعني؟ تحملي... وبعدين بتنسيه وخلصنا... كل الناس بتمر بهيك قصص بسن المراهقة.
-سوريا
لانا2016-02-13 18:43:21
مراهقة
يعني عمرك 15 سنة وبتعشقيه لحد الجنون, مابعرف أيمتى لحقتي تحبيه للزلمة!!!! وبعدين حتى لو افترضنا أنك خبرتيه أنك بتحبيه, حبيبتي أنت بعدك طفلة يعني مستحيل يفكر فيكي كشريكة لحياتو
-سوريا
نادية2016-02-13 12:43:13
الحب والزواج
حبيبتي بنتي انتي بعمر بنتي تقريبا بدي قلك شغلة الزواج والحب مهمين لكل بنت بس انتي هلا بعمر الزهور والدراسة انتي خدي بكالوريا وادخلي جامعة وبعدها اعملي اللي بتحبيه واذا مو قادرة تنسي الشب عادي في كتير طرق بتخليكي تنسيه وبسهولة وتركزي على دراستك خصوصا انو مو بحبك وكمان في امور بتخليه يحبك كتير بس النفس وما تهوى. على فكرة انا تزوجت بعمر 16 سنة
سوريا
syrian2016-02-13 06:19:04
شو هالحب
كيف حبيتي شخص بدون ماتحكي وتتعرفي عليه؟ لسا عمرك 15 يعني مراهقة. على كل حال هاد ما اسمه حب
-سوريا
خالد2016-02-12 19:04:06
انتبهي لنفسك
يا بنتي والله لساك صغيرة العمر قدامك ، احكي لأمك او لاختك الاكبر منك واكيد رح تساعدك، خبرة الحياة سوف تعلمك في المستقبل ان العواطف ليست كل شيء في وقد تكون عواطف غير مبنية على اساس صحيح ومع الايام ستنسين كما سيأتي من يحبك وتعيشين معه اروع اللحظات انتظري حتى تنهي المرحلة الثانية وتدخلي الجامعة فالجامعة مرحلة هي الاروع في حياة الشباب وفيها الكثير من الخيارات المفتوحة التي تعلم الانسان وتحدد الكثير من اتجاهاته ومنها اتجاهاته العاطفية.
-سوريا
أسير الحب2016-02-12 16:30:39
الحب الأول
اذا كان هذا هو الحب الأول , فسيأكل روحك و يدمرك , حاولي السيطرة على نفسك , فإن لم تفعلي ستندمين بقية عمرك .
-سوريا