syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

مشاعري تجاه حبي القديم لا تفارقني وتؤثر سلباً على علاقتي بزوجي ...انصحوني
اسأل مجرب

سنوات مرت وما زال تأثير الحب الاول كبيرا  رغم انه تخلى عنها في الواقع.


تقول صاحبة المشكلة وقد أطلقت على نفسها اسم متهورة " كنت أحب شاب لحد الجنون وهو أول شخص أحببته , و لم يكن  يمكنني الزواج به و عندما تركني انهرت تماما و تزوجت بشخص آخر لا أحبه و لكنه يحبني , لا أشعر تجاهه بأي مشاعر رغم السنين و لا أريد التخلي عنه لأنه شخص مميز "

تتابع " لكن الأيام التي قضيتها مع حبي الحقيقي لازالت تؤثر بي و بمشاعري رغم أنني أعرف أنه كان معي فقط ليلبي رغبته و لا يحبني, مما يجعلني أغضب على زوجي لأتفه الأسباب , ما العمل "


2016-01-22 00:30:56
شاركنا على مواقع التواصل الاجتماعي:



شارك بالتعليق
شاب سوري 2016-02-04 07:02:55
بدون احساس
انتي شخص ماعندك اي احساس او قلب لان هل الجوز الي حبك عمتلعبي فيه وعواطفك مع حدا ثاني. ياريت تتركي جوزك يلاقي لبنت الصحيحة. ولا تتوقعي منا نقولك تتجوزي اثنين. لترضي عواطفك المريضة.
-سوريا
قتيبة2016-02-01 00:43:54
العقدة فيكي ومنك
لو استمرت العلاقة بصاحبك الأول إلى الآن لانتهى الحب بينكم ولربما كنتي تفكري بشخص تاني بالرغم من زواجك منه. المشكلة هي منك وفيكي ومالها علاقة بصاحبك القديم وزوجك الحالي.هي حالة نفسية بتخليكي تلهثي وراء يلي بيرفسك وترفسي يلي بحبك. وإذا تعرفتي صدفة على رجل جديد بلش بالترفيس رح تعجبي فيه كتير كمان. صورتك عن نفسك سلبية بشكل كبير لأسباب ممكن تكون تربوية أو تتعلق بمعاملة أهلك الك.هذه الصورة عم بتخليكي تفكري ضمنيا بأنك لا تستحقي الحب و الشخص يلي بحبك لازم يكون أهبل والا ماكان حبك ومشان هي بيستاهل الرفس.
-سوريا
ندوش2016-01-30 10:42:50
الاخت هبة
اختي صاحبة الرسالة كلام الاخت هبة صح مية بالمية عبي وقت فراغك بشي مفيد وانسي هيدي القصة لانك بحياة بعيدة عن الماضي ولا تدمري الحاضر والمستقبل بالماضي السراب والوهم الله يوفقك ويوفق الجميع
سوريا
صديق2016-01-28 06:52:25
عيشي حياتك
الحب هو اللحظة التي تعيشيها وعليك أن تكوني صادقة مع نفسك تمام الحياة يجب أن تستمر لاتنظري للخلف أبدا لأنه يعني العودة للوراء بكل شيْ وكوني صادقة مع نفسك قبل أن تكوني صادقة مع من تحبين وهي هي الحياة لن تعطيكي ماتريدنه مهما فعلتي
سوريا
juliana2016-01-28 01:35:09
شوق اه من الشوق
عادي مانك اول وحدة حبي حبيبك وعيشي معا زوجك لو زوجك بيحبك حب كافي كان حرك مشاعرك واصحبت مشاعرك اتجاه حبيبك الاول ذكرى حلوة بتبسمي وقت بتتذكر بس ما بتنقهري انتي بحاجةحب من زوجك الحل انك تصارحيه وتفكرو سوا وكسر روتين وتجديد شهر العسل ....بطبيعة غابات بحر جبال الخ الخ ...
-سوريا
تزوجتي مشان تنسي بس ما بدك تنسي2016-01-27 22:35:24
حياة الوهم
انتي مسمية حالك متهورة يعني انتي بتحبي تعيشي بالأحلام يللي بتعملي فيا مغامرة و بتبنيا على كيفك نزلي عيشي الواقع و اهتمي بزوجك حتى لو ما بتحبي شوي شوي بينمو الحب بقلبك أما تحبي دون ما تتعبي و انتي كان في واحد بقلبك من قبل فهالشي مستحيل. إنك تمحي واحد حبيتي هاد صعب بس مو مستحيل طالما انو في شخص تاني ممكن تعيشي الحب معو. الحب بيتكون من اللحظات المميزة الحلوة و المرة يللي بيكونوا الشخصين عايشينا مع بعض بس طبعا انتي معم تعيشي أي لحظة منو لانو عقلك عايش بالماضي مشان هيك معم تبني أي مشاعر
-سوريا
هبه2016-01-27 14:56:20
بلا عنوان
شو هل القصة اللي مانها واقعية ، كيف مميز وكيف ما قدرتي تحبيه؟؟؟؟؟ احيانا بيتزوجوا عن قصة حب طويلة وبعد الزواج بتخونوا كلو بيصير بهل الدني ، شوفي الفراغ العايشتي وعبي وقتك بشي مفيد احسنلك
-سوريا
ام حمزة2016-01-27 12:48:45
المشكلة عنا
مشكلتنا انو منفكر الحياة كانت رح تكون جنة وفردوس مفقود فيما لو ارتبطنا بالشخص يلي منحبه مقارنه بالشخص الحقيقي اللي ارتبطنا فيه ... وما بالسهل ندرك انو الزواج شي ولحب شي تاني تماما .. الزواج هو معاركة الحياة والعشرة والهموم والمسؤولية , الحب هو فقط فيض من المشاعر والشهوات , لو تكللت بالزواج كانت رح تكون حلوة بأولها بعدين بتصير عادية متل الزواج العادي تماما, واحيانا بتصير ابأس لإنو بتعمل صدمة بين الأمل والواقع, الخلاصة عيشي مع زوجك حياة محترمة واهتمي بنفسك وبيتك وفيه الحياة مع الزوج اكيد غير
-سوريا
a.saman2016-01-27 09:30:03
زعلان على زوجك
قلبك معلق روحي اتركي زوجك حاجتو متل الاجدب مسكين مو دريان بشي مع العلم اذا تركك و رحت للاول ممكن يقلعك و تصفي بالطريق روحي الله يرضا عليكي اتركي من غير ما توضحي شي لحتى تضلي بنظر زوجك انسانة و ام اولادو
الإمارات
ورد 2016-01-25 03:54:11
هناك حلول
أهم شي تعرفي انو ربنا بيحط بقلبنا مشاعر الحب و خصوصا كامرأة من الصعب انو تنسي أول حب. أهم شي ماتحاسبي حالك عمشاعر طبيعية بس تذكري انو صارت جزء من ماضي راح و ماعد يرجع. هل الشخص يلي حبيبتي عميفكر فيكي هلأ أو ممكن يرجعلك? إذا كان جوابك لأ فالحلول بايدك. 1- ادعي لربنا يشفي قلبك من الحب القديم. 2- حاولي تركزي عالشغلات الحلوة بزوجك و كرري كلمة "بحبك" مباشرة ألو أكثر من مرة باليوم. 3- غيري شي بنمط علاقتك مع زوجك: مفاجآت أو هدايا أو شغلات بيحبها. 4- اتذكري انو في شي جواتك بيحب زوجك واشتغلي عه
-سوريا
سامي العابد2016-01-24 23:11:52
الله يعينك
الله يكون بعونك من تعليقات المتدينين وهم اكثر الشعب السوري . روحي لامريكا, حبي واعشقي واتزوجي على كيفك
-سوريا
ِAmeer2016-01-24 14:24:47
احييكي
انا لا ألومك من يحب بأمانة مستحيل ان ينسى , انتي تزوجتي ممن لا تحبين , لكن هذا لايعني انت تنسي مشاعركي الحقيقية , اسمعي نصيحتي ابقي على حبك الاول في قلبكي وحافظي عليه , لكن قومي بواجباتك تجاه زوجك كاملة وبيتك دون اي نقصان حتى لاتشعري باي تأنيب للضمير , اما قلبك فهو ملكك ليس لزوجك او لاحد طالما هو سرك .
-سوريا
غالي2016-01-24 10:13:46
الى
انا مو زعلان غير على جوزك ياريت اعرف مين هو لروح قلو يطلقك فورا وانت روحي لعند الي رماكي بس سبحان الله القط بحب خناقو
-سوريا
قديم2016-01-23 22:30:42
ما الحب إلا للحبيب الأول
حقيقة لا يوجد إلا حب وحيد في حياة الانسان , أما الباقي فلا يزيد عن عشرةأو الفة أو حاجة.في الواقع لا حل لمشكلتك و للأسف أنت تسببين المشاكل للشخص الوحيد الذي يقدرك و لكن بما أن مشاعرك لذلك الشخص الذي أشعل نار الحب بقلبك لازالت متوقدة فلن بأتي اليوم الذي تقدرين به زوجك , فقط حاولي أن تحترمي من احترمك و لا تنغصي عيشته, الحب الأول أو الأوحد اذا انتهى بغير زواج فسيظل يحرق قلبك خصوصا أنك سلمته أعز ما تملكين , لا حل فلا تجدي نفسك
-سوريا
الدكتور خالد2016-01-23 13:42:43
تركيه
اعملي معروف مع هالزلمة واتركيه يلاقي وحدة تقدر وتحبو قبل ما يتورط معك ويصير عندكون ولاد وبعدها يكتشف الماضي ويتركك ويتبهدلوا الولاد .... عفكرة الرجال كمان بيحسوا لا تعتقدي انو هو الشك ما دخل قلبو من اسلوب معاملتك بكرا ببلش يفتش بالماضي وبيعرف كل شي
-سوريا
معلق2016-01-23 12:56:16
انفلونزا الخيانة
وهبتي جسدك لشخص ما بحبك وتجوزتي شخص بحبك بس انتي ما بتحبيه وعم تفكري بالشخص يلي استعملك بس ما بحبك .. لو فكرتي 3 دقايق بتلاحظي انك مو محتاجة تسالي حدا .. الا اذا كنتي مشتهية ومستحية
-سوريا
حسام ٣٥2016-01-23 10:25:06
vorstar strasse
والله براي انت مابتستاهلي يحبك جوزك،حرام عليكي تخوني شخص بحبك وتتذكري شخص كان بس بدو يتسلا معك عن جد القط بحب خناقو
سوريا
The same2016-01-23 00:47:04
Same situation
اولا لاتحكمي عليه انو ماكان يحبك، اعتقد انه كان ولكن القدر اقوى منك ومنه. مالك حل لمشكلتك وستبقي ع هذا الحال للابد للاسف هي ضريبة الحب. احببت فتاة وكان اول حب ومرت الايام ومازالت بقلبي ولن انساها ماحييت ولكن الحياة ستمضي رغما عن الجميع. دعي حبك الماضي كذكرة جميلة وحاولي المضي في حياتك الجديدة .........
-سوريا
باسل الأصلي2016-01-22 23:11:36
إلى صاحبة السؤال
الله لا يهنيكي بحياتك كل ما نغصتي على المسكين جوزك...يعني عرفانة انه حبك الاول كان عم يتسلا فيكي... و بتعرفي انه جوزك مميز و بتعرفي انه بيحبك و بعدين بتعصبي عليه لأتفه الاسباب لأنك متعلقة بواحد واطي كان عم يتسلا فيكي؟؟!
-سوريا
نصوح الناصح2016-01-22 17:32:27
انت مو عارفة شو بدك
لهذا فمن الصعب حتى نصحك -عليك ان تعيشي حالتك وتتحملي نتائج القلق بسبب حبك القديم- ولماذا تزوجتي شخص لا تحبينه؟تقولين عن زوجك انه مميز ومع ذللك تغضبين عليه لأتفه الأسباب - النصيحة الوحيدة التي اقترحها عليك : هي ان تستشيري طبيبا نفسيا فأنت انسانة(هويواتية) يعني مو عارفة شو بدك
-نيكاراغوا
حميد2016-01-22 11:07:18
امرأه
حقيقة هذا أمر يُختصر بكلمتين أنك إمرأه غير جديره بثقة الآخرين وأولهم أقرب الناس إليك وأهم شئ أنك إمرأه تُرخص نفسها , عودي إلى رشدك , عودي إلى رشدك .
-سوريا
مجرب2016-01-22 10:54:05
حاكيه
أحسن شي تحاكيه لحتى تعرفي شو مشاعرو كمان. والباقي بيبين معك بعدين.
-سوريا
مغترب معتر2016-01-22 07:57:07
بيتك مملكتلك
يا بنت الناس انت تزوجتي وربك رزقك بواحد بحبك ومين اللي قال انوا في شي اسموا حب اول وبطيخ انسي هل العلاك المصدي كونك ع علم مسبق انوا لعوب كان معك،اللي بدك تسويه تحاولي تغيري تصرفاتك مع زوجك تبادلوا الحب وتبادلوا المعاملة الحسنة والدنيا قصيرة مافيها شي عيشي ايامك وانبسطي وانسي الماضي ولعلمك اتحدى بنت او شب الا ما ندر ما حب وعشق بس شغل اولاد وبمرحلة معينة،
-البحرين