syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

اكتشفت حديثاً بأن زوجتي تتحدث مع شباب على الفيس و الواتس و أفكر بالطلاق ...
اسأل مجرب

التكنولوجيا وعالمها الافتراضي الذي فتح أبواب جديدة لشتى أنواع العلاقات الاجتماعية الايجابية منها و السلبية .


يخبرنا صاحب الرسالة بمشكلته " انا رجل متزوج من 14 سنة وعند 4 أولاد وبعد فترة اكتشفت أن  زوجتي تتحدث مع أصدقاء على الفيس والواتس اب والموبايل فكرت بطلاق ولا ادري ما العمل ولا اريد ان اشرد أطفالي افيدوني    "


2015-12-05 01:35:00
شاركنا على مواقع التواصل الاجتماعي:



شارك بالتعليق
To Someone2016-03-04 11:27:58
لا تتجاوز حدودك
لست قاضي ولم يطلب أحد عونك لو كنت تحب أخيك لأخبرته أن ينتبه وكفى يعني بالله عليك لو تحدثت معك هذه المرأة يلي هي مرت أخوك وردت عليك كانت بنظرك شو ؟؟؟؟؟ طيب طلعت شريفة وما ردت الله ستركم طيب لو اخوك شاف كلام مو كويس ع الواتس بينك وبيك مرت اخوك شو لح يصير ؟؟؟ روووووح اتقي ربك وبلا تدخل بأمور غيرك بامكانة النصيحة لآخوك وبسسسسسسسسسسس
-سوريا
roro 2016-02-17 20:39:46
ياحرام
يعني بتقنعنا انت مابتحكي مع بنات عالفيس وسكايب وغيره وغيره يابريئ واكيد انت ماتشعبها عاظفيا وجاف بالتعامل معها ماتنلام لما تروح مرتك تبحث عن صداقات عدل من تصرفاتك معها بعدين هيا تتعدل
سوريا
someone2016-01-14 13:20:53
مارأيكم(2)
ارسلت لها رسالة بالواتس عندما كانت عالواتس الثانية ليلا وسألتها: كم الساعة لديكم في سوريا الآن؟لماذا لاتردي عليي؟عذرا هل أزعجتك؟ فاضطررت لإقفال الواتس ولم ترد عليي وعملتلي حظر بحيث لاأستطيع مراقبتها بعد الآن وفي اليوم التالي شكتني لأخي وبكت أمامه على أني أسئ الطن بها علما انها بعد الخطوبة وكتب الكتاب تفاجئنا أنها غيرت رقم موبايلها وهي خطوة عادة يقوم بها الشاب وليس الفتاة لأسباب معروفة
-سوريا
someone2016-01-14 13:20:12
مارأيكم(1)
اخي متزوج ورجل على مستوى عالي من الأخلاق والدين ولايظن بسوء بالآخرين ويعطي ثقة عالية بزوجنه ..المهم اضطررت للسفر للعلاج وهناك ولدوام الاتصال بالعائلة إشتريت موبايل جديد مع خدمة واتس أب وهناك أصبحت أرى كل ارقام أفراد عائلتي ممن لديهم خدمة الواتس ومالفت نطري أن زوجة أخي والأم لطفلين نشيطة جدا عالواتس وخصوصا أثناء نوم أخي ..أي من الصبح الباكر أو ليلا بوقت متأخر ومرة أرسلت لها رسالة عالواتس ية
-سوريا
عزام 2016-01-10 20:23:38
يا هيك يا بلا
طلقها أو أتزوج عليها أو اعمل نفسك مودريان أو واجههها. :
-سوريا
علاء2016-01-05 08:06:29
طول بالك وتروى
فيه عدة معاني لعبارة "تتحدث مع أصدقاء". ممكن تكون بحاجة لتحكي وتتواصل مع أصدقاء وما يتجاوز الموضوع أكتر من هالحد. طول بالك وافهم القصة وواجهها وصارحها بالموضوع. التسرع ما رح يجبلك إلا خراب البيوت. روق، إذا ما كرمالك فكرمال أولادك
-سوريا
وليـف الرووح 2015-12-30 15:14:31
الثقة المفقودة ..
نتمنى لك طول العمر ومتابعة هذه الكارثة مع ابناءك واحفادك .. يا اخي انت في عالم رقمي افتراضي الكتروني لا يمكن لك ان تجاريه الا بالثقة والحكمة والانسانية .. ثق بنفسك وزوجتك واعطي الامان لابنائك لتكونوا جميعا فاعلين ومتفاعلين مع البشر .. الخلل والعيب ليس في التكنلوجيا وما افرزت وتفرز كل يوم من اشياء جديدة بل الخللك فينا ..خذ الحياة ببساطة ولا تدع مجال لوساوسك ان تسيطر عليك وتفسد حياتك مع اسرتك ..ربما تجاربك الشخصية افقدتك الثقة بزوجتك .. اعطي لها الحرية والثقة فأن اخطأت فلنفسها
الإمارات
كلو ولا خراب البيت2015-12-26 17:30:18
Syria
طول بالك عليها ولا تستعجل واجهها بالموضوع وفهمها انو هاد الشي مانك رضيان عليه ولا بيعجبك ونبهها مره ومرتين وتلاته اذا ماسمعت بتكون هي مقتنعه بالشي اللي عم تسوي ومستعده تتحمل النتائج ..بس فكر ببيتك ووﻻدك بعد ماتنفصلو لا سمح الله ...الافضل راجعو حساباتكون سوا وشوف شو الشغلات الي دفعتها ل تعمل هالشي حتى ولو اضطريت تقطع عنها النت بس لا تفكر باطلاق وتخلي خيارك الاول ..كلشي بينحل وبالنقاش راح تطلع بنتيجه ..طول بالك ..وابغض الحلال عند الله الطلاق
سوريا
hmad2015-12-23 19:30:08
رتوش مهم
لدي صديق من العمر يبلغ 18 عام يهوى هدا النوع من العلاقاوالانثى تصدق وتثق بسرعه وهي متزوجة وعمرها 28 ولديها طفليين ودفعتها رغبتها الشهوانيه بان اخبرته بانها مستعدة للهرب معها وبعدها تركها بعد ما وصل لغايته والضحيه هنا الزوج فقط شاركوني التعليق
سوريا
ضمير حوئ2015-12-23 19:21:34
ما منها فايدة
و ك يا عمو الي ما تكون وفيه بروحها لزوجها بالنائص منا وشو في داعي للصداقة صدائه النت اخرتها كلام وكلام واخرتها نوم عالوسايد طلقها وبالنائص منها و جيب الن خاله وخلي المام تنبسط عالواتس والفيس والخيل من خيالها
سوريا
مهند التركي 2015-12-23 15:11:59
ريهام
فينا ننتقم منو إلكترونياً، عم بمزح ، المشكلة عويصة و صار ألاعور الدجال بكل بيت، و كلام جميل من الأخ اللي حكى فينا نتناقش بدون ما نأذي بعض ولو لفظياً؟ الموضوع واحد و زوجته، مش نظام مجرم و معارضة $#٪‏^**+++£€$*^٪‏
-سوريا
ريهام2015-12-21 10:49:22
نفس القصة
صار معي نفس الشي لكن زوجي. يخون إلكترونيا ووجدت الكلام والرسايل وشي مقرف ما الحل هل نطلق؟
سوريا
حسان2015-12-17 12:12:24
قال تقصير قال
كل واحد بيكتبلك يمكن انت مقصر. و لنفرض فعلا في تقصير يعني بتروح المرأة لحدا تاني. هاد كلام غير منطقي لان ما بنعرف ظروف الرجل و ظروف شغلو و حياتو و كل علاقه زوجيه بتمر بظروف مختلفه و أهل مكه ادرى بشعابها. نحن ما فينا نحكم غير من خلال سطرين كاتبهم. خايف عالاولاد يتشردو ما يعني كل الزوجه و الحب و الثقه صارو مستنفذين. اخي باختصار اذا عندك المقدره و الجرأه طلق و ارتاح و متل ما بقللك ستيف جوبز الحياة قصيره لا تضيعها على شي ما بتحبو و ما بيستاهلك ... و السلام
سوريا
Adviser2015-12-16 21:42:47
Advice
اخي الكريم اطلب منها فتح جميع حساباتها واطلب منها ان تريك جميع رسائلها القديمة مع هؤلاء الشباب و اقراء كل الرسائل واحكم عن مدا العلاقة بينها وبين هؤلاء الشباب.اذا رفضت ان تريك اياهم او اذا قامت بمحو جميع الرساءل هذا يعني ان علاقتها غير شرعية معهم وعندها اما طلقها او اخبر امها واهلها وقم بالحجر عليها وسحب التلفون والانترنت والسيارة وامنعها من الخروج من البيت ولا تعطيها اي اموال. اخبر اهلها كي يساعدوك في ذلك والا اذا لم تخبرهم فانها سوف تكذب عليهم وبالتالي سوف يساعدوها.واعلم ان المرا
سوريا
RK2015-12-15 04:59:29
Question
يا جماعة بس سؤال ليش نحن ما فينا نعطي تعليقات بدون ما نجرح ببعض و نسفه رأي بعض!
النمسا
رمروم2015-12-14 15:31:03
رأي
اخي اول شي راجع نفسك وتأكد انك مالك تارك فراغ او تقصير عند زوجتك حساب نفسك قبل ما تحسبها 2 صارحها وتحاور معها بلموضوع ضروري تعرف انك عرفت وماتخبي لما بتعرف انك عرفت بتحميها من الغلط لا قدر الله هي بلاخر ام ولادك لاتنسى هشي وحطه بين عيونك
-سوريا
واحد2015-12-14 08:03:37
ما في داعي للطلاق
اللي عملته زوجتك خطأ بس ما بيستاهل الطلاق.
-سوريا
نازح2015-12-13 15:33:53
الى ahmed
فعلا الغرب وصل للمريخ , بس بالعلم مو بالفلتنة , يظهر حضرتك مفكر الحضارة و العلم و التحرر هنن العهر و انعدام الاخلاق , و اذا انت بالنسبة الك القصو مو كبيرة
-سوريا
خالد2015-12-10 19:38:25
فتش ثم قرر
فتش هاتفها او كمبيوترها بشكل مفاجىء او دون ان تعرف وتأكد اذا كان الحديث كلام عادي او فيه خيانة وفي ضوء ذلك قرر
-سوريا
فواز2015-12-10 09:56:57
الظلم حرام
نحن مو شاطرين غير النصئح الي بتخرب البيت .شو الي ساوته هل الانسانه بيستحق الطلاق .ولاشي عم تتبادل كلام .هل خرجت عن طاعتك .خانتك .عم تحكي عن شيء بمس الشرف.يعني النطور فقط للرجل.؟ ما هي طول اليوم مع الاولاد وتطبخ وبتنضف فادا عجبها شي موضوع وعم تعطي رأيها صارت تستحق الطلاق .خافوا ربكم لوكان في شيء بوطي الراس ما كان انتظر حتى نقله طلق
سوريا
عبدالله2015-12-10 09:25:26
الا الطلاق
لا تطلق نصيحه : 1- من شان الولاد 2- اذا طلقت ما رح ترتاح , رح تضل تفكر اذا هي رح تكون مع واحد من اللي كانت تحكي معن . 3- اكيد الموضوع تعباية وقت و تسليه 4- حاول تقرب منها و تحكو مع بعض و تفتحو صفحه جديده مع حب و ثقه 5- لا تخرب بيتك , الحل مو انك تطلق , الحل انك تقرب اكتر 6- اسال حالك سؤال مهم قبل كل شي : انت بتحبها ؟ ولا عم تمارس رجولتك الشرقيه اذا بتحبها سامحها و قرب منها و عطيها فرصه
سوريا
رقيقة المشاعر2015-12-10 00:24:09
عن الرجل الذي يريد حل لزوجته
يا اخي هاي امور بتخصك اول شي متل ما علقو البعض ازا بتحبك ما ممكن تحب حد وتحكي من وراك والعشرة اكيد ما بتخونها هيك خدها مني هاي مجرد تسلية ي أخي وهاد القرار مو بساهل لانك رح تبقي عليه طول عمرك وممكن تندم بعد هيك حاول تتفهم الامر معها وان شاء الله خير وفيك تراقبها يعني هي الحل وهاي بترجع للثقة إلي بينك وبينها بس مبين من كلامك انك ما بتوثق فيها الحياة امور ولازم الواحد يتفهمها مشان كل شي يكون احسن بالدنيا
-فلسطين
Ahmed2015-12-09 15:06:40
الى نازح
شو يعني شو هل القصةالكبيرة يلي بفكرو متلك هنن سبب التخلف عنا بسوريا..العالم وصلو للمريخ ونحنا عم منفكر شو كيف لازم حجب مرتي ....حبيبي طلقها لان مخك المحدود ما رح يتحمل
-سوريا
نادر2015-12-09 02:40:40
طول بالك
واحده عندها أربع ولاد.اي اصلا بتكون كرهانه الرجال وارفانتن اذا بدك.حط عقلك برأسك وبلا حكي فاضي.شكلك عم تتسلى انت مو هيه والا ماكنت لجأت لسيريا نيوز.وأحمد الله يلي لسى الها نفس تطلع فيك.يعني يلي بيكون عندها أربع ولاد مو بس بتكره الرجال بتكره حالها كمان.
-سوريا
جزراوي2015-12-08 08:57:55
لحظة من فظلكم؟
من خلال دراستي في قسم تحليل الطب النفسي و العوامل النفسية المتلازمة الداخلية منها و الخارجية، و قبل التسرع و اعلان النتائج و إرسال sms مختصرة بكلمة واحدة (طالق) ارجو من صاحب الرسالة و الأخوة المتابعين أخذ الامر بجدية لان هذه الحالة ممكن ان تكون في منزلك ولا مكان هنا لمصطلح كما تدين تدان. في السنوات الاخيرة و ما سوف يليها سيكون المرض رقم واحد هو الكآبة. هناك صلة رحم بين كل ما نعانيه في علاقاتنا اليومية مع الآخرين و بين ما يجري في داخلنا من ترسبات يعود بعضها الى رحم الام، سأعود لاحقاً الى موضوع ال
-سوريا
نازح2015-12-07 17:28:56
الحل الجذري
قبل أن تقع بما هو أعقد و أسوأ باشر بقطع رأس الأفعى و تخلص من الشر و أنا متأكد أنك تشعر بالعار , فلا تدفن نفسك بهذا المستنقع و طلقها مباشرة
-سوريا
samer2015-12-07 16:03:26
بحياة اللي خلقك شو؟
يعني أنت ما عم تحكي مع أصدقاء على شبكات التواصل ؟ شو رأيك نتهمك بأنك شاذ جنسياً كونك عم تحكي مع شباب و نقيم عليك حد الرمي من شاهق ؟؟؟؟ و ليش فوراً راح ذهنك للخيانة لما الأمر بيتعلق بزوجتك ؟ ولا مصدق أنها عورة و بدك تمارس رجولتك ؟ ... عشنا و شفنا والله .. كلنا منحكي مع صديقاتنا من أيام الدراسة على شبكات التواصل لأنو امتلاك أصدقاء دليل على صحة اجتماعية مو خيانة يا فهمان بس يظهر أنك فعلاً مريض وهم .. روح طلق مخك
-سوريا
متفاعل غير متفائل2015-12-07 12:06:05
فاجئها
هل فكرت بالڤايبر، نعم أخي الكريم، اجعل لنفسك حساباً على الڤايبر وفاجئها بڤيبرة منك، قد تسكر بهذه الطريقة نواقصها وتجعلها تحبك أكثر
-أوغندا
Akil2015-12-06 20:30:42
هل هناك حب
أخي نصيحتي إلك إذا كانت بتحبك فهي عم تعبي فراغ و عم تتسلى بشي محرومة منو. أما إذا كانت مابتحبك فهي عم تدور عالحب الضاىع فطلق و توكل على ربك لأنو رح يجي يوم تعمل أكتر من هيك
سوريا
مغترب2015-12-06 14:12:29
العين بالعين
و الله شوف.. اذا أنت بتعمل متلها مع البنات فما بيطلعلك تحاسبه... و اذا لاء فعشان عشرة العمر و الولاد احكي معها تبطل هالعادة اذا مو عاجبتك و اذا هي مصرة فما ادامك الا الطلاق... بالنسبة الي ما في أي سبب لشخصين متزوجين انهم يكون عندهم أصدقاء من الجنس الاخر.. يعني لشو الرجال بدو يكون عنده صديقة مرة و المرة بدها صاحب رجال و هنن متزوجين؟؟؟
سوريا
hassouneh2015-12-06 13:19:19
Dubai
اذا كان في علاقة اسمع مني ولا تخليها عندك اما اذا كان مجرد صداقة فممكن انك تعطيها فرصة وتنبها انه هاد الشي ما بهون عليك
-سوريا
ام حمزة2015-12-06 12:16:56
شو حدود العلاقة !!
اعرف بوعي تام شو حدود علاقتها معهن , ازا كانت اخد ورد عادي واطمئنان من قرايب او زملاء دراسة او شغل سابقين فبتوقع الموضوع ما متحمل , مطلوب منك شي مهم كتير لتحافظ ع عيلتك , حاكيها بكل مودة واحترام انو يا بنت الحلال انا الموضوع بيزعجني وماني رضيان عنوز غيري رقمك واحذفي الاصدقاء ع الفيس بوك وريحيلي راسي.. بس كمان شوف حالك ازا انت نفس الشي بتحاكي صديقات بنات فكما تدين تدان , بدك تعمل بالمثل .. بعد هالعمر الحكي مع اصدقاء مانو جريمة ازا كان بحدود محترمة
-سوريا
firas2015-12-06 12:13:06
شوف
يا ترا هي ليش عم تحكي مع شباب سألت حالك بجوز في تقصي من جهتك بشي موضوع و هي عم تعوض النقص الي انت مسببلها اياه وبدون قصد اكيد بدون قصد بس تحقق من الموضوع وصارحها وأسألها ليييييش
سوريا
هالة2015-12-06 10:31:37
مو مزبوط
أنا شايف إنو وحدة عندا 4 أولاد و متزوجة من 14 سنة بتكون هلكانة من الترباية و الواع و الويع مع زوجها. أنا أشك إنها عم تقدر تحكي مع حدا
سوريا
سلاف2015-12-06 07:56:14
شكلك ما عاد بدك ياها
شو يعني تتحدث مع أصدقاء؟؟؟؟؟هيدي الشغلة كمان الواحد بيطلق ميشانها ، للاسف مواقع التواصل الاجتماعي ما حدا عم يستعملها صح......
-سوريا
سومر2015-12-06 02:24:37
تجوز عليها
اذا كانت ظروفك و بيئتك تسمح بالزواج الثاني , طقها جوازة و كسر عينها , و نبها انو هاد بسبب تصرفاتها , و انها ازا كملت هاد الشي رح تخرب حياتها و حياة اولادكن. الله يكون بعونك و عون هالشعب , المرأة كل ما حدا سمعها كلام حلو بتصدق للأسف. شعب واطي سواءً شباب ام نساء.
-سوريا
محمد2015-12-05 21:32:12
الشام
عادية خيوا. بجوز انتى كمان مقصر بإهتمامك الى. يعني اذا طلقت بتحل المشكلة؟
-سوريا
ابو الليل2015-12-05 19:54:28
تمهل
يا سيدي الموضوع ليس بحاجة الى تشنج و تفكير خاطئ.....المسالة قد تكون صعبة ولكن لنكن صريحين ...عندما مكنا المراة من امتلاك العالم الافتراضي من خلال امتلاكهن لهذه الاجهزة كان لا بد من بذل المزيد من الجهد لكي تكون المراة اكثر اقتناعا بالواقع الحقيقي...المراة التي تلجا الى هكذا اساليب تحتاج لصديق وليس زوج فقط فكن انت الصديق لتنعم لك الحياة ارجو لك راحة البال
سوريا
ورد2015-12-05 18:49:45
روق و فكر
انا بنصحك تروق و تتاكد من الموضوع قبل ماتخرب حياتك و حياة اولادك. وين المشكلة اذا كان عندها رفقات عالفيس بوك. يعني اذا عبت وقتها عالنت مو احسن من غير شي. حاول اقعود و حكي معها بشفافية و هدوء و خبرها عن مخاوفك و عطيها اقتراحات و حلول. المراة بالقوة مابتمشي. موفق
-سوريا
مجرب2015-12-05 16:25:11
إستر الموضوع
مستقبل أولادك أهم بكتير من الالم يلي جواتك , عطيها فرصة تانية للتوبة ولكن فرصة أخيرة واذا عادت لنفس الموضوع الطلاق هو الحل رغم المأسي المترتبة على هذا القرار بالنسبة للاولاد
-سوريا
حسان2015-12-05 16:05:26
الخيانه الروحية ابشع من الجسديه
لك عمي طلق و ارتاح و بالناقص من هيك ام و تربايتها. بتتاقلم بعدين مع أمور الأولاد و في حلول مختلفه. انت احسبها بتستاهل تختير مع وحده خانت العشره و الخبز و الملح و ركبتلك قرون عند اصدقائها ؟
سوريا
alber2015-12-05 13:55:33
تعليق بيجرح
ليش ما بتحطها لزوجتك بقفص و تتمتع بجمالها ؟ عجبي على هيك ناس بالقرن 21 ... نية عاطلة في جميع مجالات الحياة
-سوريا
باسل الأصلي2015-12-05 12:44:22
إلى صاحب المشكلة
السبب الرئيسي هو الملل اللي تسرب لحياتكم...عندكم أربع أولاد فالأفضل تاخد قرارك بعد تروي و دراسة عميقة...اذا الشغلة حكي بس...فالحل كلمتين بينك و بين مرتك...اذا الشغلة فيها اكتر من حكي...صور...لقاءات...ساعتها الطلاق واجب لحماية الاولاد
-سوريا
سامي العابد2015-12-05 03:31:13
حلال عليك
طلق عمي طلق ولا ترحم اعدائك. لقد بلغ السيل الذبى
-سوريا
عماد الدين2015-12-05 03:05:38
أنت قلتا (أصدقاء)
يعني لا خانت ولا دمرت الأسرة ، أنت نفسك عندك أصدقاء ولا مسموح يكون عندنا أصدقاء وممنوع عن المرأة هالشي ؟
سوريا