syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

بعد مرور أشهر على زواجنا اكتشفت أنه شاذ انجبت منه ثم انفصلنا.. هل أعود إليه؟؟
اسأل مجرب

للاسف الشذوذ الجنسي أصبح واقع ملموس في عالمنا وهناك من يتقبل الامر اجتماعياً و هناك من يقف مندهشاً تحت وقع الصدمة .


تقول صاحبة الرسالة التي لقبت نفسها "بالضياع" "  تعرفت على شاب حبينا بعض وتزوجنا وبعد مرور 6 شهور بدأت  أشعر  بوجود شيئ  غلط بالعلاقه وطبعا و بعدها حملت منه  و بقيت صابرة  وصابره بحكم العائلة  ومجتمعي لانني  اكتشفت انه مثلي جنسياً"

تتابع "  طبعاً كانت صدمه حياتي انفصلنا بعدما تدمرت نفسيتي وحياتي شاءت الظروف اننا  بالصدفة  مقيمين  بالخارج  انا وبنتي وهو بنفس المنطقه بالخارج الآن المشكله التي  أواجهها  أن  الحياة الجنسيه غير  ضروريه بين اثنين  متزوجين وهو شخص جيد و  حباب وظريف بس جنس مستحيل وانا اصلا مابقدر اتخيل مجرد تخيل انو نكون زوجين ...انصحوني "


2015-11-24 02:15:08
شاركنا على مواقع التواصل الاجتماعي:



شارك بالتعليق
سلاف2015-12-05 21:00:34
الى سوري مغترب
شكر على اهتمامك بالرد على سؤالي، اما بالنسبة لسؤالك ،حقي ان اعرف ، لانوا اذا شريك حياتي مثلي ويمارس الجنس مع غيري فهو خائن ، والخيانة بالنسبة لي جريمة ، انا لا أستطيع تجاوز الخيانة حتى لو يأتي بعدها خربان البيت،
-سوريا
سوري مغترب2015-12-05 10:23:25
الى سلاف
من يضمن لك في حال تركتي زوجك و تزوجتي برجل غير مثلي ان تكون حياتك سعيدة ؟ ممكن يقرفلك حياتك ببخله وظلمه . لا تظني ان المثلي سوف يقلع عن التفكير بالرجال , بلا طب بلا رجال دين و بلا بطيخ . مأن الرجل سواء ان كان مثلي ام لا ان يرجع لزوجته و اولاده . الحوار المحترم و ليس العراك و البهدلة كفيل بان يحافظ على الاسرة متماسكة و يرسم خط سيرها . الرجاء كوني عقلانية .
-الولايات المتحدة
سوري مغترب2015-12-05 04:05:41
الى سلاف
المثلية نوعان : احادي الجنس او Homosexual , او ثنائي الجنس او Bisexual . ال Bisexual يستطيع ان يمارس الجنس بشكل كامل مع النساء و الرجال بدون مقويات و لكن غالبا ينجذب اكثر للرجال , اكثر من نصف المجتمع هكذا , لنكن واقعيين . اما ال Homosexual فلا ينجذب للمراة و نسبته حوالي 10 % من المجتمع . ليس بالضرورة ان يبحث المثلي عن جماع كامل مع الرجل , في اغلب الاحيان يكفي التلمس و العناق و القبل و الجنس الفموي . لمذا تريدين ان تكشفي زوجك اذا كان مثلي ؟ لقد قلتي بانه انسان جيد , فلمذا تريدي ان تدمري اسرتك ؟ م
-الولايات المتحدة
سلاف2015-12-04 21:36:39
عن جد صح النوم اذا هل الحكي صحيح
شكرا سوري مغترب ع الرد فيك تساعدني كيف بكشف زوجي اذا هو هيك ع الاغلب فيه الشاذ يعمل علاقة بنفس الوقت مع الجنسين
-سوريا
انا صاحبه المشكله2015-12-04 19:40:58
الضياع
يلي قال انو عنا ولاد ف الوضع طبيعي اول فتره من زواجنا كان ياخد حبوب لانو انا جنسيا ما بعنيلو شي طبعا اول فتره الحبوب مشت الامور بعدين ابدا ما عاد عملت مفعول لانو هو شخص عندو ميول تانيه بس انا ما بحفزو جنسيا وقصدي انا ك انثى ما بعنيلو شي مافي شي يحركلو مشاعرو يعني ممكن يشوفني بلا تياب وما يتحرك شي عندو لانو ك انثى ما بعنيلو شي
-سوريا
اانا صاحبه المشكله2015-12-04 19:34:56
نا صاحبه المشكله
يلي سال انو نحن منفصلين او شو نحن نفصلنا سنتين وسافرت مع بنتي بره بنفس المنطقه يلي هو فيا ورجعتلو عايشين ببيت واحد بس نحن منفصلين لانو ما بيقدر يقرب علي بس عايشين مع بعض كرمال بنتي وكرمال وضع البلد واحيانا من قهري ع اني فعلا الضحيه لانو هو حب يكون عندو ولد وتجوزني وانا راحت علي بحس حالي كنت فأر تجارب الو عايشه حاله ضياع ما حدا بحس فيا غير يلي بقصتي واحيانا بفكر اخد بنتي وانزل ع الشام وبخاف اندم انو ع الاقل بنتي تكون مبسوطه مع ابوها وانا هيك هيك راحت علي
-سوريا
صاحبه المشكله2015-12-04 19:27:00
الضياع
القصه هو اعترفلي لانو ما عاد في بينا اي علاقه جنسيه فكرت عندو مشكله عضويه رحنا ع دكاتره وكلو قالولي طبيعي وبعد فترع اعترفلي انو كان عندو علاقه مع شباب بعدها قلتلو يروح ع دكتور نفسي وراح طبعا لحالو وقلو كلو نفسي وانا رحت لحالي وشرحتلو القصه قلي هي غريزه فيه ميولو هيك مع الوقت ممكن يتعالج اذا هوربدو بس القصه انا رافضتو وهو بيعرف انو ما رح يمشي الحال معو بس زعلانه ع بنتي وع عيلتي يلي ما قدرت اعملا ا واحيانا بقول بحاول عطي فرصه بس صرت اتخيلو متل اخي لانو كنا عايشين متل الاخوات فعليا
-سوريا
سوري مغترب2015-12-04 08:41:21
الى سلاف
صح النوم . ممكن يكون اي شخص من حواليك مثلي و انت مش عارفة ,قد يكون اخوك , زوجك , ابنك , ابك , عمك , خالك . مو ضروري المثلي يكون مشبه بالنساء . بعض الصفات المثلي ( لا اقصد المعدين جنسيا على الاطفال و اخرين , هؤلاء مجرمون ) : مؤدب جدا و كريم و معظم الوقت عالي التعليم و الثقافة , متيز او مبدع ( فنان, رسام الخ ..) , يهتم كثيرا بمظهره و نظافته , متواضع جدا و محبوب من الكل . قلما يدخن او يشرب الكحول , متفوق اجتماعيا و مهنيا. طبعا الامور نسبية
-الولايات المتحدة
سلاف2015-12-01 14:40:36
قصة والله
والله هيدي اول مرة بعرف انوا الشاذ فيه يعاشر الجنسين، يعني ممكن اي امرأة زوجها يكون شاذ ومانها عارفة ؟؟؟؟ كيف الوحدة فيها تتأكد؟؟
-سوريا
مجنون رسمي2015-11-30 03:16:41
اعتبريه عندو مشكلة نفسية وحاولي تساعديه
اكيد الشذوذ مرفرض .... بس طالما عندكن اولاد فمعناتها في علاقة طبيعية بيناتكم وهادا بيدلةانو زوجك عندو غرييزة طبيعية والشذوذ يمكن نتجوعن ظروف او افكار او اصدقاء... حاولي توقفي معو وتحافظي على عيلتك ... بالنهاية الجنس مو كل شي بالحياة الزوجية
-سوريا
زعيم2015-11-29 18:17:46
كل الناس هيك
مع احترامي لكل الآراء.. أثبتوها علمياً (في الدول المتحضرة طبعاً) إنّو الانجذاب الجنسي نحو الجنس الآخر او نفس الجنس هو شئ نسبي.. و هذا يعني ان كل الناس ممكن ان تكون شاذة (تعبير شاذ لا يزال غير دقيق) . الانسان خلق لينجذب الى إنسان آخر ..بعض الناس ينجذبون لنفس جنسهم بدون إرادة و البعض ينجذب للجنس الآخر. لذلك لا يجب ان نحكم على عائلة بالفشل لهذا السبب.. هل من الأفضل ان ينجذب الأخ المعني الى نساء .. و يخون زوجته مع نساء لتعتبروه رجل ..؟
-سوريا
From Syria2015-11-28 14:57:01
الحل
الي الأخت العزيزة . هل انت متأكدة من إنّو هو شاذ بالفكر او بالفعل ؟ اذا كان بالفكر فممكن انو تحاولي تعالجي الامور بحكمة وعقل وهاد مانو مشكلة عويصة من وجهة نظري ! لأنو نحنا مو متعودين عهيك ! في هناك أزواج عند ممارسة الجنس سويا يقومون بفنتزيا الجنس وممكن المرأة تلعب دور الرجل والرجل دور المرأة هاد المعلومات موجودة واللي بدو يجيبها بيلائيا . اذا كان هو شاذ بالفعل مع اشخاص تانية ففي معك حلين اما ان تقومي بحل المشكلة عن طريق دكتور نفسي اذا انت بتحبيه وإذا شايفين الانفصال هو الحل ؟
-ألمانيا
زهرة2015-11-28 08:28:59
دنيا عجيبة
اختي الحياة كلها ماسي والله والله.الله يعينك على مشكلتك والله ما حد مرتاح يااختي بس اللي بشوف مصايب غيرو بتهون مصيبتو الله يعينك.
سوريا
خليل2015-11-25 13:17:54
لا ترجعي
لا ترجعيلوا وبالناقص من هيك اب لـ بنتك, اذا افترضنا انك رح تجبري حالك كرمال بنتك من الممكن انوا ينقلك شي مرض من هل الخنازيراللي عم ينام معها
سوريا
رهام2015-11-25 07:47:11
لموضوع بيرجع الك -- تابع
اذا كنتي شهدتي او عرفتي او تأكدتي انو اقام اي علاقة مع اي رجال باي مكان فهاد لوحده سبب لتنهي العلاقة بدون محاولة التفكير حتى بالاستمرار معه لانو رح يكون اذى مباشر عليكي وع بنتك هل وبالمستقبل .. النقطة المهمة هو انك تستري الموضوع عن اي حدا, لا بنتك ولا اهلك ولا عائلته لازم يعرفوا بهالشي لانو الضرر الاول ولااخير ح يقع على الابنه ,, انتي بيوم من الايام ممكن تتجوزي , وهو ممكن يلاقي حدا يناسبو بس بنتك يلي ح تتعذب بافكارها وافكار وقوالب المجتمع القذر تبعنا بدون ذنf
-سوريا
رهام2015-11-25 07:37:50
الموضوع بيرجع الك
ماحدا رح يحس بمشكلتك الا انت, كيف عرفتي انو مثلي؟ هل شفتي أو عرفتي انو عاشر رجل؟ هل شكيتي فيه مجرد شك؟ هل بيشوف فيديو؟ هل طلب يعاشرك بطريقة شاذه؟ كل شغلة من هدول بينبنى عليها قرار مختلف عن التاني, اذا ماارتكب فاحشة او ماشفتيه وما عرفتي عنه غير خلق طيب وانما عندو ميول شاذة بينت بطريقة او بأخرى فهاد مابيبرر الانفصال, لانو النفوس ربك بيعلم فيها وانت الك بسلوكه, وعم تقولي انو طيب وحباب, تواصلي معو, انصحيه يراجع طبيب نفسي او اخصائي مشاكل جنسية واشرحي وافهمي شو حدود اخطاؤه
-سوريا
جوجو2015-11-24 20:15:41
انسيه
انتي بنهاية تعليقك كاتبة مستحيل أتخيل انو نكون زوجين. معناها انتي حاكمة عل موضوع ومنتهي وطبعا انا بأيد قرارك هذا لانو بصراحة مثل هيك شخص ما خرج يكون أب وبالنهاية القرار الك اتمنالك التوفيق بحياتك
-سوريا
سلبينا مان2015-11-24 18:47:10
حاجة سلبه
حاجتكم افلام هندية ....
-سوريا
alber2015-11-24 16:17:10
بسيطة
لهيك المفروض نفتح عقلنا شوي و حاج معتبرين العلاقات المثلية تابو ممنوع الحكي فيه أو الإفصاح عنو ... لو مجتمعنا منفتح العقل و المثلي ما بخاف يقول أنا مثلي ما كانت هالعلاقات الزوجية المحكوم عليها مسبقاً بالفشل ممكن تصير ... و لصاحبة المشكلة : الله يعينك أنت ضحية بلاهة المجتمع السوري و اللي صار مش ذنبك أو ذنب طليقك .. هاي نتيجة طبيعية لمجتمع متخلف بالتفكير
-سوريا
باسل الأصلي2015-11-24 14:19:03
إلى صاحبة المشكلة
طبعا ما لك مجبورة تعيشي بزواج مع شخص شاذ خصوصا انك ما بتعرفي هالموضوع قبل الزواج... قصتك مو واضحة..انتوا منفصلين و لا متطلقين و لا عايشين بنفس البيت؟؟ برأيي اطلبي الطلاق لتقدري تكملي حياتك بشكل طبيعي...البنت تبقى ابنتكم انتوا الاثنين...و اذا عايشين باوربا يمكن المجتمع يتقبل زوجك و حتى بنتك ممكن تتقبل هالشي اذا كملتوا باوربا...ما بانصحك ابدا تجبري تعيشي معه و انتي بتكرهيه او اتضحي بحياتك و شبابك...اتحرري من زواجك و عسى الله يعوضك بأحسن
-سوريا
عبدالعزيز 2015-11-24 02:43:57
انه الفراق
شو لسى متاملة منو ؟؟ تلاقيه مع واحد عالسرير ,, خلصي منو وانسيه والله يطعمك اللي احسن منو
-سوريا