syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

يقوم بضربي والتشكيك بشرفي ويرفض اعطاء حقوقي وطلاقي ....ساعدوني
اسأل مجرب

من دون سابق أنذار تتعرض الزوجة لمختلف أنواع التعنيف يجعلها تدفع عمرها للتخلص مما هي فيه .


تقول صاحبة الرسالة "  انا واقعه في مشكلة اكتشفت مؤخرا ان زوجي يقوم بتسجيل جميع محادثاتي معه سواء كان نقاش بسيط او خلاف كبير "

تتابع "  في اخر فترة قام بضربي والتشكيك بشرفي واﻻن يقوم بتهديدي ويرفض اعطاء حقوقي وطلاقي ويريد مشارعتي علما باني لم افعل اي شيئ يعيب شرفي مجرد لغو كلام صادر عن ضغط سواء كان بالضرب او الاستفزازو يوجد لدي طفلة منه ماذا افعل افيدوني .."


2015-09-20 21:08:38
شاركنا على مواقع التواصل الاجتماعي:



شارك بالتعليق
??????2015-11-17 15:20:59
لو ماشاف شي عليكي
لو ماشاف شي عليكي خلاه يشك ما كان بلش بالتسجيل الحق اولا وخيرا عليكي انتي تجوزتي خليكي محترمة وحافظي على جوزك وولادك
سوريا
زهرة2015-11-04 18:43:16
الله يعينك
اختي لازم تفتحي الموضوع مع اشخاص كبار وعاقلين من عائلتك وعائلته لتبادل النقاش وايجاد الحل. أنا كمان كنت بنفس المشكلة تقريبا واقعة فيها والله. الله يكون بعونك.
سوريا
جيمس بوند 2015-10-31 02:18:53
إتقي الله
بتكوني عاملة شي عملة او معاملتك إلو مو طبيعية ..لأنو لو شعران بالحب والحنان ماكان دخل الشك لئلبو وتفسيري انو حاسس في شي بحياتك وحئو كزوج يعرف شو في وياما أزواج إنخربت بيوتن من ورا النسوان وعلاقاتون المحرمة ..وبئي عندي سؤال لحضرتك إنتي شو عرفك إنو عم يسجلك المكالمات ؟؟شو الظاهر إنك عم تراقبيه وليش بدك تتطلقي ؟ صاححلك عريس تاني بالوئت اللي مافي بيت إلا فيه عانس او إتنتين ...الله يكون بعونو
-سوريا
باز2015-10-12 14:18:52
حافظي على بيتك
عم تقولي ( مجرد لغو كلام) اكيد هو السبب يلي خلى زوجك يسجل كلامك حتى يكون معه دليل يعني لو حضرتك بتسكتي وما بتحكي ما كان صار مشاكل نصيحتي الك تبطلي لغو الكلام وتسكري الباب يلي بيجي منه الريح ويلي عم ينصحوكي بالطلاق نسيانين انو البنات العزابيات مو ملاقين عريس بهل ايام
أستراليا
ابو سمرة2015-10-09 18:54:31
طلقيه وانا بتجوزك
اسمعتي شو قلتلك طلقيه وارميه وخليه يربي بنتوا والف مين يتجوزك ع شو خايفة كل شي الا الشرف العمى هاد واحد مافي اخلاق ولا نا ناموس عيشي حياتك العمر واحواااااااااااحد عيشيه يا بنت الناس
-سوريا
سورية وبس2015-10-08 12:09:29
غريب أمر البعض
لك شلون تصبر وتسكت وبيضل جوزها!!!! حط اختك بنفس الظرف بعدين احكي ؟؟ انسانة كانت مرباية ببيت أهلها ومحترمة بيجي شخص بيضربها وبيهينها باسم زوج!!!الانسان اللي مابيحترمك لا تحترميه ولا تتطلعي فيه .. هاد شخص مريض .تطلقي وعمرينه وخليه يربي البنت لحاله ..كم مرة رح تعيشي !!روحي اشتغلي أو تزوجي غيره
-سوريا
وسام 2015-10-03 12:25:55
روقي واهدي
انا برايي تحمليي اد مافيكي بيضل جوزك
سوريا
شاب سوري 2015-09-29 12:32:48
جوزك بحبك كثير مو شوي كمان
للاسف المراة بتفكر انو جوزا اذا بغار عليها بيكون بيكرها وهذا الشيء غلط تماما. بداية انتي المفروض تثبتي لجوزك صدقك ومحبتك الو وتوبي عن المكالمات اللي كمشك جوزك. ثانيا تاكدي انو بحبك لهيك بغار بالعكس اذا ماغار ساعتها المفروض تخافي لانو بيكون مقضيها بالمختصر مو سال عنك . كل الرجال عندهم نفس الطبع وبغارو. لو ماجوزك بيحبك ماعمل هيك. بقترح تحردي كم يوم عند اهلك خلي يشتقلك وانتي تعرفي قيمتو. او اذا ماوافق تروحي عند اهلك لا تنامي بغرفتو كم يوم.
-سوريا
‘امر ياسمين 2015-09-28 11:24:09
لا تتسرعي باي قرار
اولا لا بدها فكرة اذن ولاشي زز عندك بنت صغيرة حسب ما فهمت من كلامك زز فكرتي فيها وبمستقبلها زز واضح من كلامك انه وضعك لا يحتمل بي لحتا باشر هوي بالتسجيل معناها في استفذاذ كان قاسي من طرفك زز انا رايي حاولي تفهميه اكتر ومافي اسهل من اقناع الرجل خصوصا اذا المقابل امراة زز واذا كان الطلاق هوي الحل مع انه برايي هوي اصعب حل .. لانه الطلاق بدو تفكبر بمستقبلك ومستقبل اولادك خصوصا بالوضع الحالي لي ماحا لحا وماحا بحب حا . اي مساعدة بقدر عليها انا جاهز [email protected]
سوريا
غلط2015-09-26 16:34:11
العلاج
سمعي مني هالكلمتين وبس .... ولا تردي على هالناس يلي مغلقه كلهن مع احترامي الهن... اعطييه الامان لجوزك . وسايريه بكلمتين حلوين .. وطول بالك .. احسن من الطلاق وعندك بنت ... نصيحه اذا كل يوم بيعملك قتله اسكتي وسايريه .. بكره بيتحسن .. واهم شي لا تردي ع الناس .. سلام يا....
-سوريا
أعلم الناس2015-09-25 12:43:32
الحل الصحيح
يجب عليكي تحمله لاني متأكد انه لولا حصوله على معلومات غير جسده حولك ماكان ليفعل ما فعل ثم أننا لاتعلم هل لديك حركات غريبة جعلته يشك بك المهم حاولي مصارحته واطلبي منه السماح والعفو
سوريا
راكان2015-09-23 04:27:17
فركة اذن مرتبة
اذا كان عندك اخوة او اب خليهم يعملوله فركة اذن مرتبة تجيكي ورقة طلاقك للبيت انا لو اختي بمحلك كان فار دمي و عملتله فركة اذن مرتبة اخليه يطلقها فورا . . اعملي متل ما قلتلك وشوفي النتائج
-سوريا
عبير2015-09-22 13:43:14
الطلاق والفراق
حبيبتي من الاخر الله يعينك انا جوزي كان بنفس المواصفات وهاد طبعا مرض نفسي مزمن وما لو حل ،،الطلاق ثم الطلاق والانفصال بأقرب فرصة قبل ما يتحول الى اعتداء جسدي عليكي واذا بدك محامي انا مستعدة لمساعدتك والله يكون بعونك ويساعدك
-الإمارات
قادش2015-09-22 13:00:09
هاجري
إذا كان كلامك دقيقا ولا يوجد عليك أي مسؤولية - انا استبعد بالنسبة للنساء - فالهجرة خير حل لك وللطفلة . العيش مع هكذا كائن هو الجحيم بعينه , وإذا كان لديك طاقة للصبر فما ذنب الطفلة أن تنشأ في هذا التوتر الدائم . الظرف مثالي اليوم للهجرة إلى أي بلد يحترم حقوق المرأة والطفل . ويسحب الرجل من لحيته الى السجن في حال ثبوت أي اعتداء منه عليهما ولو لفظيا . ولا تقلقي على الطفلة , فهي بخير بعيدا عنه .. وحالها حال آلاف أيتام الأب في سوريا اليوم
-سوريا
فواز2015-09-22 10:19:05
اشكي امرك لله
والله يا صديقتي لا اريد التكلم كثيرا لان الوضع محسسسسسسسسسسسسسسسسسوم .طالما سجل مناقشاتكم هدا يعني ان نيته مسبقه على الطلاق .من ناحيتي لو كنت اختي لاصريت على طلاقك منه حتى لو لم يدفع لك حقوقك .لانه ممكن يصورك عاريه او خلال ممارسة الجنس معك عنده ستدفعين لتخلصي منه ولك الخيار.والله ولي التوفيق
سوريا
Espresso2015-09-21 11:52:05
الرجال يلي ايدو ولسانو طوال بلا احسن
ويعلا عيونو طلقيه فورا وزتيلو البنت وتجوزي حدا يصونك ويقدرك. لما بتوصل للضرب والتشكيك بالشرف مافي رجعة.
-سوريا
خليل2015-09-21 06:26:18
هلأ احسن من بعدين
اختي ان كان لديك معيل او شهادة تتيح لك فرصة عمل شريفة فاتركيه الآن احسن من بعدين اما ان لم يكن لديك معيل فأرجوا الا تتسرعي باتخاذ القرار
سوريا