syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أقمت علاقات متعددة ولكني نادم وأريد الزواج من فتاة لم يسبق لها أي علاقة
اسأل مجرب

التوبة هي طريق الكثيرين للعودة إلى الطريق المستقيم و بداية حياة جديدة .


يقول صاحب الرسالة " أنا شاب  عمري 23 سنة خلال مشوار حياتي أقمت 6علاقات عابرة مع فتيات مختلفات وأنا الأن نادم وأريد أن أتوب وأتزوج من بنت لم تكن لها أي علاقة عابرة في الماضي " .

ويتابع  "  هل من الممكن أن أجد هذه الفتاة  ام فات الوقت لأجد ضالتي فأنا بصراحة لا أريد فتاة مثل الذين  عرفتهم أرجوكم أفيدوني "


2015-08-26 00:55:33
شاركنا على مواقع التواصل الاجتماعي:



شارك بالتعليق
Sara2015-09-18 22:54:54
ما بظن
ما بظن يصير متل ما بدك سدقني ،، رب العالمين بيعطي كل انسان الشي يلي بيستاهلو .. خدا مني ، انا بنت كان الي علاقة بشب قبل خطيبي الحالي ، و تبينلي من فترة انو هو كمان نفس الشي، فعرفت من وقتا انو الله ما بنسى حدا ، المهم متفقين سوا حاليا والماضي ما يهمك ،لانو يجوز تكون ملاك قبل ما تتجوزو و تخونك شي نهار وانتو متزوجين ، ما بتعرف الدنيا دوارة ...
-الإمارات
رجاء كاترينا 2015-09-17 18:24:02
استراليا
بالماضي عملت علاقات سريعة وماكنت رضيان عنها ، لما منعرف أحسن منعمل أحسن . يلي أزعجني انك لم تحترم علاقاتك وتجاربك السابقة ، ادرس تجاربك مع نفسك يلي كررتها كذا مرة وشوف الدرس يلي تعلمته حتى ماتتكرر بالمستقبل . شو يلي بيضمن انه الفتاة الغير مجربة تمضي حياتها معك وبفترة من الفترات مايصير خلاف ، وتنضم البنت الجديدة للمجموعة . حظ سعيد تلاقي بنت مومجربة أبدا ولوح لأنهم نادرين .
أستراليا
جميل 2015-09-10 22:56:16
الثقة
اخي العزيز انت لاتثق بنفسك ولاحتى بأقرب الناس إليك كيف تريد فتاة بلا تجربة وانت مجرب ،، كي تجرب بها وتصبح هي التالية ؟ عد الى عقلك .
فرنسا
عامر سبيل2015-09-10 11:25:40
نصيحة
لماذا لا تتزوج بواحدة ممن اقمت معهم علاقة عابرة. لماذا لا تصلح حالك وحال واحده ممن ارتكبت الزنى معهم؟
-سوريا
Saria2015-09-07 01:10:46
هل انت صادق؟
اذا كنت صحيح تايب بتروح بتشتغل بعمل الخير لوجه الله وتستغفر ربك بصدق وسيأتيك الفرج عندما يطهرك الاستغفار من هذه الذنوب - وربك غفور رحيم..بس مو هيك آذيت البنات بهذه السهولة وبدك تتوب ؟وتنقبل توبتك عالسريع - لابد من اثبات انك مستقيم -قال تعالى : اليوم ينفع الصادقين صدقهم - توب بس ما منعرف انو القبول بيحصل الا للصادق بالتوبة واثبات الصدق لايكون باللسان...بل بالجنان ويصدقه العمل - وإلا كنت كذوبا
سوريا
Syrian2015-09-06 06:26:46
علاقات متعددة
علاقات متعددة ممكن تكون حسب المفهوم السوري للعلاقة يعني يطلع الواحد مع بنت مشوار وممكن يمسك ايها بعد شي سنة
-سوريا
ألماني 2015-09-03 03:38:18
ليش الندم
ليش الندم!!!! شغلة طبيعية ابو شباب، و ليش لحتى ما يكون ألك علاقات عابرة قبل الزواج.... ايام الدين كان عندهم جواري و هنن متزوجين... رسولنا عليه الصلاة و السلام كان عندي تسع نسوان و حبيبة مارية القطبية... و بالوقت الحالي لازم الشب كمان عندو تجارب حب و علاقات قبل ما يستقر على شريكة حياتو... و بعدها لسعتك صغيرة عيش حياتك و اذا استقرت عَل وحدة و عجبتك خلي اهلك يخطبولك.... و الله أنا لحتى 30 سنة كان عندي علاقات عابرة قد شعر راسي عشت بروسيا و أوكرانيا وبلغاريا وهلق بالمانيا تجوزت بس ما بحسن بدون جارية
-ألمانيا
مطنش2015-09-01 12:07:26
حلال عالشب حرام عالبنت؟
طيب، و واحدة ندمانة ما بيمشي الحال؟ غريبة هالقصة...انت مكذب و غاشش ومضحك عالبنات وبس ندمان انك عاشرتهن؟أنت يا سيدنا نافقت عليهن و هي عند رب العالمين أكتر من الزنى...و مو وحده أو تنتين، ستة بعيون الشيطان...و شكلو سبب التوبة أنك بس بدك تتجوز، مو انو ندمان على هالشي!! أحسن شي تلاقي وحده تحبها و تحبك عن جد و تنسى التفكير الجنسي و تفكر فيها كشريكة حياتك، و لا تسأل عن الماضي بالتفصيل لأنو حتضل عايش فيه...هاد اذا عن جد حابب تتزوج و تعيش حياتك سعيدة..
-هولندا
خالد الشامي2015-08-31 17:00:47
بعيدا عن الدين
انا رح احكي بعيد عن الدين , لتوضيح علاقات عابرة يمكن يكون قصدك علاقات عابرة مع بنات ليل , او يمكن قصدك انك عاشرت بنات عالم وناس وبعدين تركتون, لو الموضوع بنات ليل وحبيت توب يا سيدي برافو عليك ساوي هيك , بس لو الموضوع انك عاشرت بنات على وعود بالحب والزواج بعدين تركتهم فبقى بحب قلك انك واحد ما بتستاهل بنات , لانك تسببت بضرر 3 بنات فبقى نصيحتي قلك روح تزوجلك شي وحدة من هالعلاقات العابرة و ستور عليها
-سوريا
نعسان عالصبح2015-08-31 09:23:05
يخرب بيتك صحصحتني
23 سنة ممممممم ... وقلتلي مشوار حياتي يا "حياتي" .. نيالك شو فاضي .. وشو اللي خلاك تندم يابعدي
-قطر
باسل الدمشقي2015-08-30 07:44:20
الله يتوب علينا وعليك
عفوا تعف نساؤكم في المحرم ..... وتجنبوا ما لا يليق بمسلم إن الزنا دين فإن أقرضته ..... كان الوفا من أهل بيتك فاعلم يا هاتكا حرم الرجال وقاطعا ..... سبل المودة عشت غير مكرم لو كنت حرا من سلالة ماجد ..... ما كنت هتاكا لحرمة مسلم من يَزن يُزن به ولو بجداره ..... إن كنت يا هذا لبيبا فافهم من يزن في قوم بألفي درهم ..... يزن في أهل بيته ولو بالدرهم الزنا دين، ولاحول ولاقوة الا بالله.. بس باب التوبة واسع وعريض، ورب العالمين أحن علينا من أمهاتنا.
-سوريا
فواز2015-08-30 05:12:22
لا تخون من امنك
يا صديقي العزيز العلاقات السابقه كانت نتيجة كدبك وخداعك لهم.كانوا مطمئنين لكلامك ووعودك وانت الخائن لهم,لدالك انا اعود ارأي الاخرين بأن تتم رجولتك بوفاء لواحده منهم ولاتهرب من فعله اقدمت عليها .اتق الله ولا تفسد امانه بين يديك لانه لوعلمت الجديده بفعلك سترفضك لانك غير موثوق بك من طرفهم والله ولي التوفيق .
سوريا
عصام2015-08-29 16:57:52
ضحكتني
شو يعني صاروا البنات يلي تعرفت عليهون مستعملين وبدك بضاعة جديدة بورقتها؟ خليني قللك سر عن البنات. مافي بنت ما حبت وانحبت . بقى هي الأسطورة شلي ياها من بالك وانتظر لتتنضج نفسيا وعقليا وبعدين فكر بالزواج.
-سوريا
ابو فؤاد2015-08-29 13:53:06
لا ترد على حدا انت صح
عزيزي : لا تهتم لكل التعليقات السلبية بهذا الخصوص, لطالما انت اعترفت بغلطتك وندمت انت ماشي بالمسار الصحيح, ورب العالمين يقبل توبه العبد, وكلنا عندنا اغلاط بس كل شخص غلطته مختلفه, وربنا هو رب كريم متسامح رحيم غفور ( فكرب هل أسماء جيدا ) لاترد على الجهلة يلي عم يكتبوا لك شي سلبي, على أساس هنن ما كان عندهم علاقات عابره او عندهم ذنوب أخرى بس جايين يتشاطروا عليك , توكل على الله الغفار الرحيم التواب, ولتكن نيتك صادقه, وتقرب من الله تعالى بالصلوات والاستغفار وبر الوالدين
-سوريا
سامر2015-08-29 10:56:00
الحل عندي حبيب البي
شو عمي انا ساويت مو ست علاقات اكتر من 19 علاقة شكال الوان لمرحلة اني قرفت هل العلاقات كلها وحاليا متزوج واموري تمام التمام من دون اي عوارض ،،،المهم انسى الماضي وكانوا ما كان وخطوب وتجوز وشوف السعادة لانك بتكون جربت الاشكال الالوان بس في شغلة. مو كويسة انوا عرق الحيا بطق عندك وهاد شي مو بطال ،،،استغفر ربك وقول الله وبالتوفيق. يا صديقي
-الجزائر
سليم2015-08-28 23:23:55
متخلف
ما بتفكر بالزوجه او الانثى الا من منطلق واحد (الجنس) الله يساعدك وساعدنا كسوريين ع امثالك. الانثى شخص متلك متله، مانها مجرد اداه لممارسه الجنس، مشان هيك لازم تفكربعده اشياء بخصوص الزواج او الصداقه او العلاقه واحد منها هو الجنس. مو كل شي جنس وبس.
-سوريا
عبلة الهبلة 2015-08-28 16:27:39
مستحيل
اذا الله بيعطيك بنت نظيفة انا بتبرى من هالدين .. لان مو عدل اللي خبص بحياتو ياخود بنت نظيفة .....
-تركيا
قادش2015-08-28 15:56:55
ماحدا ضربك على ايدك
تأكد أنك ستتزوج بمن مرّت بـ 16 علاقة عابرة وإن بدا لك الأمر خلاف ذلك على الأقل سيبقى الشك رفيق دربك ويسبب دمار الأسرة. ( الزَّانِي لَا يَنْكِحُ إِلَّا زَانِيَةً ) النور/3
-سوريا
ذكي2015-08-28 13:56:25
طبيعي
المرأة تريد أن تكون آخر إمرأة في حياة الرجل والرجل يريد أن يكون أول رجل في حياة المرأة.
-موزامبيق
critical2015-08-28 08:36:51
مرض عضال
أنا ما بعلق بالعادة بس سؤالك اذا حقيقي هو مستفز جدا .يعني انت تبت الله يتقبل طيب ليش عم تتشرط و بدك وحدة بريئة و مو عاملة شي ليش هدول اللي رافقتهن بنات كلب مثلا مو بشر غلطو متلك . بنخبص على كيفنا بعدين بنكبس زر التوبة كأنو ما صار شي .انت صديقي عليك التزام بتصحيح أخطاءك تجاه اللي أذيتهن حتى تصح توبتك .
-سوريا
عمر2015-08-27 10:16:59
ازدواجية الشاب المشرقي
نحن أمام ظاهرة منتشرة وهو ليس وحده. هناك حلان: إما أن نعيد تأهيل الشباب، أو أن نعلن أننا في مصح عقلي كبير ونقبله كما هو، ونريد توزيع شهادات الجنون على الجميع.
-سوريا
H&M2015-08-27 09:02:44
ما لها حل ...
أخي شو يعني ندمان وليش ندمان وشو اللي خلاك ندمان و ليش بدك وحدة ما عندها اي علاقات قبلك و يعني عمرك 23 وعم تفكر متل 12 سنة بعدين وعلى فرض أخدت وحدة ما عندها علاقات قبلك شو الضمانة ما تعمل علاقات بعدك على أقل قبلك ما كانت عم تخونك ...... وعلى فكرة انت بس قررت تتجوز حسيت بالندم و لما بدك تتجوز كنت كملت عادي بس بسبب أحساس الأنانية و حب التملك الجارف الموجود بكل سوري خلاك تخاف حدا يدوق شي من عندك متل ما دقت شي من عند غيرك ... صعبه تفهمها هي صح؟؟؟
-سوريا
باسل الأصلي2015-08-27 09:02:14
إلى صاحب العلاقات العابرة
بدك ما تدقق حبيبي...بعدين انت ليش عم تسأل هون؟ بدك وحدة تبعتلك ايمليها انها مو عاملة شي و انت تختبرها يعني؟؟ اللي بده يتوب لازم يصلح اخطائه كجزء من توبته... انت صغير و مخبص كتير...اذا بدك تتوب فعلا لازم تصلح حالك من جوا و شيل فكرة الارتباط من مخك هلق...انت بدك شغل كتير على اخلاقك من جوا قبل ما تعلق بنات العالم اللي ما عندهم تجارب معك
-سوريا
طرطوسي حر2015-08-27 08:45:40
6 ب 23
ماشاء الله عليك يعني لو كل وحدة سنة ، مبلش عم تحبحب من سن 17 !!!! و الله يا حبيبي الدني دين ووفى و حقوق العباد مافيها بمغفرة ، فا مثلما تكونو يولى عليكم و اذا كانت علاقاتك العابرة أذية للبنات فا رح يجيك مين يعمل فيك نفس الشي أو بحدا من أهلك. الله يبعتلك على قد نيتك ، و دور على وحدة متل مستواك لأنو ما بتستاهل غير وحدة عاشت ب سبع علاقات عابرة كمان .. ما حدا أحسن من حدا ، و بيكفي شباب حاجي تسشرفوا عالبنات.
-سوريا
مصدوم2015-08-27 00:53:21
ليش لا
انا بصراحة مصدوم من الردود على الموضوع, وهاد مو دفاع عن العب باعراض الناس ولكن الله غفور رحيم, ومن تاب عن ذنب ورجع الى الله كمن لاذنب له, وانا برأي يا اخي الكريم دور على بنت الحلال واذا توبتك صادقة تاكد انو الله معك, واذا ما استطعت الزواج فصبر وامسك عن اعراض الناس والله ولي التوفيق
-سوريا
شب ...2015-08-26 19:16:42
يحرء حريشك ....
يارجل شو هالإجرام 23 و6 علاقات ...مالك حاسس إنك ظالم نفسك .... 32 وما صحلي لهلأ شم ريحة البنات .... !!!!
-سوريا
ملحد2015-08-26 17:49:50
التوبة والعلاقة
يعني شي بحير من المفهوم يعني علاقة وتوبة يعني شو هالمسخرة إذا كان مفهوم العلاقة بالنسبة لعقلك المريض فاحشة فقلها بصراحة إنك قد فحشت 6مرات وستتوب يعني إنك كذبت الكثير لكي تفحش وليكن وإنك ستتوب طيب وين المشكلة توب ونقلع مع يلي يتفلسف ويقول إن المؤمنون للمؤمنات والفاحشون مع الفاحشات والداعشون للداعشات شعب أبله ويتسأل ليش صار بسوريا هيك
-سوريا
نبوخذ نصر2015-08-26 15:50:54
6 علاقات عابرات
بصراحة أنا ماعندي جواب. بس حاسس حالي مصدوم. وين ومع مين عملت ست علاقات عابرات؟ كأني ماني عايش بسورية. أنت بسورية شي؟ إلا إذا كان قصدك بالعلاقة العابرة أنك مسكتلها إيدها.
-سوريا
ما حدا لحدا 2015-08-26 12:49:12
واضحة
الموضوع صريح بالقرآن الكريم الطيبون للطيبات والخبيثون للخبيثات, يا اما رح تجتمعلك بشي وحدة ندمانة متلك , بئا ليش انت راكد على وحدة مو متل يلي عرفتون,يعني يلي عرفتون ماعاد حدا يتطلع عليهم بسببك,روح نقيلك وحدة منهم لهالستة وخليها تتوب معك وحاجتك بقا تعملي فيها تايب لحالك, يلي بدو يتوب بصحح خطئو, مو بيتوب وبيهرب, الهريبة ما اسمها توبة, اسمها ولدنة(...) بحسب قول الشاعر,
-سوريا
واحد فهمان شوي2015-08-26 04:34:56
فحل!
عمرك 23 سنة ودخلت 6 علاقات؟ ما تصير قدي 33 سنة شو بتعمل؟
-سوريا