syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
استياء كبير جراء سياسة رفع الاسعار.. هل نخرج من البلد ام نتحول الى حرامية؟؟!!!!!
تحقيقات

medicine

اثار قرار رفع سعر الدواء المنتج محليا, بالاضافة الى رفع سعر المشتقات النفطية, استياء الكثير من المواطنين على مواقع التواصل الاجتماعي, حيث اشار البعض الى ان الحل لمواجهة رفع الاسعار هو مغادرة البلاد او تحول المواطن الى حرامي... فيما اشار البعض الى انه لم يبق رخيص سوى الوطن.


وكانت وزارة الصحة رفعت يوم الاثنين سعر الدواء المنتج محليا بنسبة 50 %, فيما سيصل الارتفاع بنسبة 57 % بعد رفع هامش الربح للصيدلي الى 25 % على سعر الدواء لأول 2000 ليرة, و 15% لفوق الألفين, بحسب اصحاب مستودعات ادوية, كما رفعت وزارة التجارة الداخلية وحماية المستهلك في الايام القليلة الماضية سعر المازوت والبنزين....

 

مواجهة ارتفاع الاسعار بالهجرة من البلد او التحول الى حرامية

ارتفاع اسعار الدواء المحلي اثار استياء الكثير من المواطنين, حيث اشار العديد منهم الى ان الوطن لم يعد يتسع لهم من السياسات الحكومية المتبعة.

 

وعلقت ألين على رفع الأسعار, على صفحتها على الفيسبوك "انا برأيي هالتصرفات كلا تبع حكومتنا العظيمة... ماالها إلا حلين... اما ننقلع برات البلد ونتحمل الذل برا... أو نصير حرامية جوات البلد... لأنو مستحيل الراتب يكفي اكتر من 10ايام".

من جهتها, اعتبرت فاتن أنه "ما تم رخيص غيرك يا وطن.... ما عاد ينعاش فيك.... اذا ما متنا من القذائف سنموت لانملق ثمن الدواء ... بس يا حيف علينا وعلى عيشتنا ياريت متنا وما عشنا هل بهدلة".

 

حملة "عيشها غير".. "هلكتونا فيها وخربتوا بيوتنا"

رفع سعر الدواء بالاضافة الى ارتفاع اسعار المحروقات والسلع الغذائية جاءت بعد اطلاق جهات حكومية حملة عيشها غير بهدف الحد من ارتفاع الاسعار.

 

وقالت ريم "عيشها غير... صرعتونا فيها... عيشها غير.. القصد انكن تخربوا بيوت العالم... بالله ما بدكن تحطوا أجر (ضريبة) ع المشي بالشارع و عدد دقات القلب و الأوكسجين يلي عم نتنفسه وووووووووووو شو ضل نطفش برا البلد.... قاعدين وتحتنا ألتكو (اسم من أسماء الغراء المتعارف عليه في سوريا) اصلي".

 

حملة "عيشها غير" الإعلامية والتي أطلقتها الحكومة ومؤسسات الدولة في بداية عام 2015 والتي تهدف لتغيير الوضع المعاشي الصعب للمواطنين, يبدوا أنها لم تثمر بل أصبحت مادة للسخرية للسوريين بمفعول عكسي لكونها بدل أن تأتي للسوريين ببعض الحلول أعطتهم زيادات بالأسعار على المشتقات النفطية من مازوت وغاز وبنزين والكهرباء وأيضاً الدواء.

 

سوزان ذهبت إلى أبعد من ذلك, باعتبار مثل هذا القرار سيؤدي لنزول المواطنين إلى الشوارع للاحتجاج والتظاهر, قائلةً "والله شكلوا هالشعب البقيان مو مطول وبدون ينزل مظاهرات ...منين بجيب هالشعب مصاري حتى يعيش ؟؟؟؟.. لك الي عندو ولدين اذا مرضوا ما عد يضل معو ياكل لأخر الشهر ..ارحموا من في الأرض حتى يرحمنا الي بالسما...الله لا يترحم عليكون حدا".

 

رفع اسعار الدواء هل سببه الارهابيين؟؟!!!

تهكم بعض المواطنين على مواقع التواصل الاجتماعي عن سبب رفع سعر الادوية المنتجة محليا... وهذا ما ذهب اليه احدهم ويدعى حسين قائلا أن الحكومة ستؤول السبب كالمعتاد كما في انقطاع الكهرباء والماء إلى الإرهابيين, "يلا حطوها بضهر الارهابين وداعش متل كهربا ما ع تعطوها للناس ويتضحكوا عليون وبتقول ضربوا خطوط غاز والله عيب دبابات وطيران وصواريخ ما تنقطع بس شوية كهربا ع هالمواطن المسكين بينقطع ومي ما تعطوا كل اسبوع مرة وقت بتجيبوها بتقطعوا كهربا شوف ع التفاهم بين مؤسسه كهربا ومؤسسة مياه والله قرفتونا ع هالعيشة عوجة يابلد عوجة وزرائا عبوا جيبكون منيح".

 

من جهته, ذهب حسن الى ابعد من ذلك قائلا إن "هذا القرار ليس سوى محاباة للأغنياء على حساب الفقراء, موضحاً "عجز الكلام عن الوصف بيرفعو السعر 57% بكل بساطة وكانو عم يرفعو 3% باي دولة بالعالم صارت هي الشغلة سيادة الوزير ما بيعرف انو الادوية تمول من البنك المركزي يعني هي الحكومة الى متى ستبقى تحابي الاغنياء والتجار على حساب الفقراء المشكلة بيطلعوا تجار الحرب والازمة ابطال لانون ضلو بالبلد وما هربوا طبعا ليش بدون يرحوا ونن راح يصرلون هيك بلد للسرقة".

 

هل سترى الرواتب زيادات ؟؟؟

القرارات الحكومية برفع اسعار الكثير من المواد ادت بشكل كبير الى تردي الوضع المعيشي للكثير من المواطنين وخاصة اصحاب الدخل المحدود, حيث تساءل البعض عن زيادة الرواتب التي لم تعد تكفي لايام قليلة.

وقال مهند كل علبة دواء ارتفع سعرها 200 ليرة ومازالوا يقولون أن الأسعار منطقية !!!, بينما قال أسامة متهكماً "في مجال تحسبوا حساب رواتبنا بالإرتفاعات", فيما تساءلت مياس عن طريقة لتأمين مبالغ مادية لتأمين الحاجيات حتى آخر الشهر, قائلةً "كلشي عم بزيد إلا هالراتب.. شو نعمل نسرق لنجيب مصاري"؟؟؟.

 

بدوره, رأى الكميت أن "كل شي عم يغلى الا الرواتب عم ضل ع حالها... طبعا مافارق مع الحكومة الفاضلة لانو دخل كل واحد منون بيعادل ربع الميزانية", مخاطباً أعضائها "لك يخرب بيتكون حاجة ماشبعتو لسه".

وأفاد تقرير نشرته اللجنة الاقتصادية والاجتماعية لغربي اسيا (اسكوا), مؤخرا, أن 90 % من السوريين سوف يعيشون تحت خط الفقر في حال استمرار الأزمة في عام 2015,كم قال خبير اقتصادي, شهر تموز الماضي, أن الأسرة المتوسطة تحتاج 140 ألف ليرة شهرياً ولاتستطيع تأمين أكثر من 20% منها.

 

رأي مغاير..

هناك بعض الآراء القليلة, وقد استطعنا أن نرصد أحدها, تدافع عن القرار بحجة أن ثمن المواد الأولية بالدولار ومن المنطقي أن يزداد سعره, حيث قال رامي موضحاً "دواء السعال قبل الحرب سعره 125 ليرة اليوم سعره 250 ليرة بعد 5 سنين حرب زيادة 50% والله شي منطقي, وليس من الخطأ إذا توفر الدواء".

 

ويأتي ذلك بعد قرارات برفع المحروقات عدة مرات هذا العام كان آخرها الشهر الجاري,حيث تم رفع سعر المازوت 5 ليرات ليصبح 130 ليرة, ورفع سعر البنزين 10 ليرات ليصبح 150 ليرة كما عدلت الوزارة في قرار أخر أسعار مبيع مادة زيت الكاز حيث أصبح سعر مبيع 20 ليتراً لجهات القطاع العام 2967 ليرة مقابل 3000 ليرة لجهات القطاع الخاص.

 

وكانت وزارة الصحة أصدرت, عام 2013, قرارا برفع أسعار الأدوية بنسب معينة لكل فئة وعممت الأسعار الجديدة على فروع نقابة الصيادلة بالمحافظات بحيث يتضمن نسبة التعديل زيادة أسعار الأدوية بنسبة 50 بالمئة للمستحضرات الصيدلانية التي سعرها مائة ليرة سورية ومادون وزيادة نسبة 25 بالمئة للمستحضرات الصيدلانية التي سعرها يزيد على المئة ليرة سوريا.

 

يشار إلى أن الصراع المستمر في البلاد منذ العام 2011، بالاضافة للعقوبات الاقتصادية المفروضة على البلاد، أدت إلى إغلاق العديد من المنشآت الصناعية منها معامل الأدوية تسببت في نقص عام بالأدوية وخاصة الأدوية النوعية، التي ارتفعت تكلفتها إثر انخفاض سعر صرف الليرة أمام الدولار.

فهل ستدفع زيادات الأسعار ورفع الرسوم على الخدمات بما تبقى من سوريين إلى السفر خارج البلاد أم إلى الشوارع للتظاهر ضد هذه الإرتفاعات ومسببيها, بحسب أصحاب التعليقات السابقة؟؟؟

 

 

م.ع

قسم التحقيقات -سيريانيوز


2015-08-18 19:25:39
شاركنا على مواقع التواصل الاجتماعي:



شارك بالتعليق
ابراهيم الديري 2015-10-06 10:33:49
إلى مواطن (2)
الحالة الثانية هي أنو تكون السلطة فاسدة بالأساس وبالتالي ما رح تخلي الأخيار يوصلو للسلطة للتغيير الجيد للشعب لأنه دائما الفاسد بكون مستبد وغير مسؤول وهالشي ساواه حافظ الأسد وابنه بشار باستخدام القوة العسكرية للوقوف بوجه كل مطالب بحقوقه, هي الشعب السوري قام بثورة كبيرة لانتزاع حقوقه بعد صبر استمر لأكتر من نصف قرن وقدم الشهداء والجهد والعرق والمال بشكل يومي لأكتر من 5 سنوات شو رح يساوي أكتر من هيك لتقتنع أنو المصيبة ما من الشعب وإنما من العصابة الحاكمة اللي عم تمنع أي انسان جيد أنو يقدم شي للشعب؟
-سوريا
ابراهيم الديري 2015-10-06 10:15:08
إلى مواطن (1)
شكراً لأدبك بالحوار , والحكومة متل ما قلت أنت من هالسوريين بس بكل بلد فيها الصالح والطالح والطالح بيوصل للحكم بحالتين : الأولى إذا كان في حكومة صادقة بس فاشلة وضعيفة (فايتة بالحيط) غير قادرة على حماية الشعب وبالتالي الأشرار بهالمجتمع رح يستغلو هالشي لينقلبو على هيك حكومة ضعيفة ويسيطرو على السلطة ويتحكمو بالناس ويهمشو الأخيار والأقوياء ويتعاونو ويرفعو الأشرار والضعفاء والفاسدين لسهولة السيطرة عليهم وهالشي اللي صار بسوريا قبيل اغتصاب حزب البعث الحكم في سوريا بانقلابه المشؤوم. يتبع
-سوريا
مواطن2015-10-05 06:35:14
رداً على السيد ابراهيم المحترم
اسمح لي بأن اناديك أخي كلنا سوريون واخوة في وطننا الحبيب اخي ابراهيم كلامك صحيح 100٪ لكن بالنسبة لحكم تركيا لمعلوماتك ان الاستبداد وحكم الصباط أخري وأضرب من عنا ولست هنا بصدد المحاسبة ولكن دعني أسألك هل حكومتنا مستوردة من بلاد برا أم انهم مواطنون بلدنا الغالي صدقني يا أخي الموضوع يحتاج الضمير فقط والمعذرة اذا استفزك كلامي
-سوريا
ابراهيم الديري 2015-09-15 08:14:54
إلى مواطن
ما بعرف انت مواطن بأي بلد بس حاج تتفزلك على الشعب المنهوب المغيب والمجهل وتقول الشعب الشعب , حبيبي الشعب متل ما بتمشيه بيمشي يعني لما بكون في حكومة ونظام معفن بيطلع الشعب معفن ولما بكون النظام محترم بصير المجتمع محترم وأكبر مثال على هالشي جارتنا تركيا اللي كان شعبها معفن وكحيان قبل استلام حكومة العدالة والتنمية اللي قلبها على الشعب والبلد واذا عندك حساسية من الحكم الاسلامي شوف الكوريتين شعبهن واحد بس بالشمالية في حكومة معفنة ومجرمة وبالجنوبية في حكومة مهتمة بشعبها.
-سوريا
مواطن2015-09-14 06:14:10
بشو شاطرين
قسماً بالله مانكن شاطرين الا بالفزلكة وأكل **** غلا أسعار مثل النار لسا بتتفلسفوا وبتقولو السلطة والكرسي وغيره وغيراته لما بتروحوا على بلاد اجنبية بتصيروا متل الصراصير وبتتقيدوا بقوانيننهم متل ما الله خلقكم نعم في أخطاء ببلدنا كثيرة ورهيبة احياناً بس مع احترامي للجميع كلنا حرامية وبدنا لق بالصرامي مين فينا يلي لسا في ضمير اصلا خراب بلدنا من ورا اخلاقنا القذرة وعدم محبتنا لبعضنا وكل واحد ايدوا الو اذا سرق مديرنا او شفنا حدا عم يسرق منصير بدنا نلحس اصبعنا بدل ما نوقفوا عند حدو
-سوريا
جورج2015-08-25 03:44:23
حبوا الوطن
المهم الكرسي بخير والشعب ستين عمرو ما يكون مرتاح
سوريا
سامي العابد2015-08-21 02:29:26
ياحرام على هل الشعب
قطعوا السنة اللي بيتكلم, هنن عايشين بالمليارات المنهوبة بس الشعب لازم ينتظر ويعيش بالفتافيت اللي بيعطوا إياها. كل هل البهدلة مشان شو, مشان الأسد يبقى في الحكم, لان ازلامو الإيرانيين والروس قالولوا ابقى. يا محلا إسرائيل وحكام إسرائيل على شعبها, وياحسرة على هل الامة المغسول دماغها اما بالدين او بالاسد الى الابد
-سوريا
ابراهيم الديري 2015-08-20 10:21:39
سوريا الأسد السجن الكبير
ولسى ما شفتو شي , حافظ الأسد فعل نفس الشيء عندما اغتصب السلطة بانقلاب عام 1970 وهي جربنا حكومات الأب والإبن وكل يوم من فشل إلى فشل أكبر ومن تخريب إلى تخريب أكبر متعمد ولسى بعد أكتر من 44 سنة بتلاقي ناس بقلك إي الحكومة معاها حق ترفع لأسعار وما عم يشوفو أنو الرواتب هي رواتب تخلي الناس تعيش عيشة مساجين ما رواتب مواطنين عايشين حياة كريمة.
-سوريا
ناصر 2015-08-19 18:01:21
لا يهم
ارتفاع الاسعار و غيره من اجراءات تعسفية . لم تعد تهم المواطن السوري ،و لم يعد يشعر باًلمها عليه ، فالشاة المذبوحة لا يؤلمها السلخ
-سوريا
عمر2015-08-19 07:37:36
تهديد المواطن السوري بالتحول إلى حرامي
عندما يهدد المواطن أنه سيتحول إلى حرامي فهذا يدل على الأزمة الأخلاقية التي يمر فيها..
-سوريا
aya2015-08-19 07:37:06
اخ
في كل دول العالم الدولة تخدم الشعب الا عندنا ومن زمان نحن عبيد لهذه الدولة بدء من تاجبر الساحا حتة استثمار الارصفة ..وغلاء اسعار اليوت والسماخ بالعشوئيات ..اودو وتحيا الاودوا لهم..
سوريا
جورج2015-08-19 07:10:04
رأي
\"دواء السعال قبل الحرب سعره 125 ليرة اليوم سعره 250 ليرة بعد 5 سنين حرب زيادة 50%\" الأخ على مايبدو مادرس رياضيات بحياته. الزيادة اذا كان السعلا 125 وصار 250 فالزيادة 100%. بالنسبة للسؤال بأخر المقال واللي سيريانيوز كتبته بالخط الصغير اذا الشعب بده يقوم بمظاهرات. الجواب الشعب جبان جبان جبان ولو رفعوا الأسعار 500% ماراح يصير شي
-سوريا
علاء2015-08-19 02:19:02
الثوره الثروه كفا للظلم أنتم عبيد .... لن نكون عبي
الاسد لا تهمه الا المصلحه الشخصيه لن نكون عبيدا ثورو عَل دوله ؟؟؟؟؟؟؟؟ ولا خايفين خليً النظام الفاسد يسقط هلكتونا ما بدكن تثورو يا عبيد
-سوريا