syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

محتارة بين شخص تقدم لخطبتي و أخر على علاقة معه على الفسيوك ..انصحوني
اسأل مجرب

تقع أغلب الفتيات بمأزق الاختيار بين من يتقدمن لخطبتهن مما يجعل صعوبة اتخاذ القرار هو المسيطر على الموقف .


تخبرنا الشابة صاحبة الرسالة بقصتها قائلة "  أنا محتارة بين شخص تقدم لخطبتي لا اعرفه من قبل و شخص لي علاقة معه لكن اكلمه في الفاسبوك فقط لا زيادة ولا نقصان "
وتتابع  " كنت معجبة به لكن عندما تقدم لي شخص اخر احترت بينهم والآن محتارة  أريد اختيار الشخص الذي تقدم لي لكن أشفقت على الأول لأنه يحبني ...انصحوني "


2015-08-03 23:28:03
شاركنا على مواقع التواصل الاجتماعي:



شارك بالتعليق
sami2015-08-24 17:59:42
النصيحة كانت بجمل
اعملي الله مالله ما بصدق الا كلام الله يلي بريدو الله الله ما يشبع عيبادو . الناس عبتموت بالشوارع والبنت محتارة
سوريا
سنفور غضبان2015-08-23 13:26:54
أنا اكره الزواج
خطيب عالباب ولا عشرة عالفيس بلا فيس بلا قاق..
-سوريا
نسونجي2015-08-18 14:38:34
الحاج مقصود
روحي على قسم اسأل مجرب "تركني وتزوج من اخرى بدون سابق انذار... ساعدوني" وشوفي اللي مسمي حاله "أنا مقصود" باشا شو حكى وحطي هالحكي حلقة بإدنك وتصرفي على أساسو
-سوريا
محمد2015-08-14 18:32:21
والله يا هبه ما بدها شفقة
لا تشفقي ولا شي حاكيه وقوليلو ليش كتبتي هالسؤال ماشي هبوش
-الإمارات
ربان السفينة 2015-08-13 20:28:09
واضحة
يعني لو الشب مهتم فيكي وخايف عليكي متل مو أنت خايفة على مشاعره كان أقل شي حكى معك عالتلفون ليسمع صوتك . كان وعدك بالخطبة أو الزواج وحط زمن معين ... أما عم نتواصل معه عالفيس بس ... أهلين فيس بجوز يكون الزلمة متزوج وختيار مو معروف قرعة ابوه من وين . لا تضيعي العريس من إيدك من شان واحد عالفيس ....
-سوريا
فاعل خير2015-08-13 14:52:17
يا فهيمي
عصفور باليد أحسن من عشرة عالفيس
-سوريا
جالو2015-08-13 12:07:13
نصيحة
طلبي من تبع الفيسبوك يجي يتقدملك ... هيك بتكوني مشيتي بنص الحل
سوريا
يحيى2015-08-11 16:23:21
بدها سؤال؟
اي علاثة على النت فورا اعمليله بلوك .. ما بدها سؤال يا بنتي .. واذا اللي متقدملك صاحب خلق ودين وفورا اقبلي .. وانسي الماضي واستغفري ربك على هيك علاقة لا تحل .. الله يهديكي
-سوريا
عبدالله الزيتاوي2015-08-11 16:20:32
عجبتي تعليق يلي بيحكي الاتنين رح تنزعيلن حياتن انتي كيف تحبي واحد عالفي بوك بعدين اوكي اجا واحد مضروب عراسه طلبك مابيعرف ماضيكي اول شي احمدي ربك بعدين انسي الماضي نهائي وافتحي صفحة جديدة بحياتك ومبأشرة وبدون تردد  واوعي تجيبي سيرة حبيب الفي بوك نصيحة هدا ان ما كنتي شب بيتخوت ئال حزنانة علي بيحبها من ورا الشاشة
سوريا
عزيز اللزيز2015-08-11 10:02:44
كل شي لزيز مع عزيز
أنا لو منك بعمل جردة على تويتر و انستغرام كمان بلكي في شي عريس متخبي هنيك...
-سوريا
شرقي2015-08-11 02:04:10
خلف الشاشة
اعتقد حلو يكون عنا اصدقاء على مواقع التواصل او الدردشات بس بالنهاية هذا كلو للتسلية خاصة الناس يلي برات البلد يمكن هو المتنفس الوحيد خاصة بين البنت والشب بس الاكيد لو دق بابك شخص هذا هو الواقع يلي لازم تفكري فيه بجدية بالنهاية هي ايميلي كمان للتواصل والتسلية ههههه
سوريا
وحدة 2015-08-08 21:19:15
عالم إفتراضي
الفيسبوك عالم إفتراضي وأحيانا بيكون الشخص عم يستخدم صور لحدا تاني . نصيحة ركزي عالشخص المتئدملك بس درسي الموضوع منيح وإسألو عنو وعن عيلتو ئبل ما توافئو.
-سوريا
جمال2015-08-08 17:19:59
كثر الهم يضحك
كثرالهم يضحك???!!!
-سوريا
نادية2015-08-08 07:41:17
الواقع
حبيبتي ما بدها تنتين يفكرو فيها اكيد اللي اجا خطبك لانو واقع وصار اما الفيسبوك سراب صدقيني انتي شوفي هيدا اللي تقدملك مناسب ولا لأ والله يوفقك.
سوريا
nadir2015-08-07 15:22:04
answer
bird in hand is better than ten on a tree
سوريا
شاهد شافش حاجة2015-08-06 11:28:29
أرض الواقع
الغريب أنه فتياتنا هذه الإيام تنساق إلى التكلم مع الأشخاص الإفتراضيين على شبكة تضم ملايين الناس .. الشبكة العنكبوتية رغم كل إيجابيتها إلا أن الأمور السلبية فيها تكون حساسة جدا وقد تقود لدمار الفتاة أو الشاب نفسه .. دائما الإنسان يجب يعمل عقله وينظر إلى إين تقف قدماه .. الإنترنت والفيسبوك عالم وهمي تافه يجعل الناس تعيش بعالم الأحلام والصور والرومنسيات الكاذبةولكن مايحدث على ارض الواقع هو المحك الحقيقي لا فتياتنا عرفانين شوبدهن ولاشبابنا عرفانين ربهن وين حاطتهن ..وكله عم يضحك على كله
سوريا
sasoky2015-08-05 19:20:56
لا هاد ولا هاد
انتي مالازم تتزوجي طالما إنك بدك تختاري بين واحد طالبك بشكل جدي وبين واحد مابتعرفي غير خطو عالفي بوك بصراحة التنين حرام تنزعيلون حياتون
سوريا
سوري متغرب 2015-08-05 11:43:50
نصيحة
نصيحة لوجه الله، أغلب العلاقات عن طريق النت فاشلة أو كاذبة إلا من رحم ربي. اقطعي علاقتك بالشب تبع الفيس وشوفي الشب يلي تقدملك، ومتل ما قالولك، يلي بدو ياكي بيجي من الباب واذا ما قادر هلأ ما حيقدر بعدين.
-قطر
شامي2015-08-05 09:27:55
البنت اللعوب
هكذا أنتن ايها النساء...خائنات بطبعكن..تقمن العلاقات للتسلية واللعب بمشاعر الرجال ثم عند أول فرصة تخترن من يدفع أكثر...تبا لك ولأمثالك
-سوريا
حبيب فيسبوكي 2015-08-05 07:21:50
العرسان على قفا مين يشيل
الصراحة مستغرب انك عم تسالي هيك سؤال ولك عمي الشباب بصاحبو مليون بنت ووقت يتجوزو بروحو بخطبو حطبه اهل وهاد تبع الفيس عم يطقطق عليكي شوي لحتى يتجوز غيرك ويعطيكي الخازوق العجيب انا شب صاحبت الف بنت وكلون كانو عايشين احلام ورديه متلك وتركتون كلون وخطبت خطبه اهل الله يستر عليكي ورضي بنصيبك اذا كان الرجال منيح ترا وضع العرسان داقر هل اليومين
-سوريا
باسل الأصلي2015-08-04 13:24:45
إلى صاحبة السؤال
عصفور بالأيد أحسن من عشرة على الشجرة...بس خلص
-سوريا
Advisory2015-08-04 08:28:28
أشفقت على الاول
يا عيني الارتباط و الزواج ماإلو دخل بموضوع الشفقة , بس ان شاء الله ما تكوني مخبصة معو ( صور و فيدوهات ,,,, ) و بكرا برسالة تانية بتسألينا شو رح تعملي لأنو عم يهدد بالنشر ؟؟ روحي الله يستر عليكي و ييسرلك .
-سوريا
ابو جورج خيال الزرقة2015-08-04 05:47:55
حب ايه
حب الفيسبوك حب وهمي لا زيادة ولا نقصان وبعدين شو عرفك انو بحبك شو ساوى ميشانك اكيد ولاشي بعدين انتي بتعرفي منيح انو عريس عالباب احسن من عشرة عالفيسبوك
الدومينيكان
هدى2015-08-03 23:43:55
ربما كان امرأة او رجلا متزوجا
من الأفضل والأنسب من يأتي طالبا يدك من الباب وليس من يرن لك من مكان ما في العالم من وراء شاشة تخفي عنه أكثر مما توضح. وإن كان صاحب العلاقة الالكترونية أعني العريس الافتراضي جادا وابن حلال فليات ويصبح واقعا ملموسا. إن كانت ظروفه لا تسمح له الآن فلن تسمح له مستقبلا. ربما كان يلهو من وراء الشاشة. ربما كان صاحب أسرة وأسوأ الاحتمالات، ربما كان امرأة. لا تشفقي على من لا يشفق على وضعك ويدفعك إلى الانتظار إلى ما لا نهاية. الله الموفق
سوريا