syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

مشتاقة كتير للشام قبل الازمة و لرفقاتي ولجبل قاسيون نشفو دموعي و الغربة كربة .. انصحوني
اسأل مجرب

حالها حال الكثير ممن أبعدتهن الحرب عن بلدنا ... شعور لا يمكن تجاهله ..


على طريقتها تقول صاحبة الرسالة التي لقبت نفسها ب"المشتاقة" "الله يسعد اوقاتكم . . بالبداية مابعرف اذا  كانت مشكلة . . يمكن فشة خلق انا مغتربة بسبب الاوضاع من سنتين وانا من سنتين وحيدة و الغربة  كربة بس كشفتلي كتير ناس او فينا نقول كل الناس ... معقول الواحد يكون مغشوش بكل يلي حواليه "

تتابع "  مشتاقة كتير للشام قبل الازمة عم اتذكر النسمة الحلوة المسا عم اتذكر رفقاتي يلي نسيوني رفقاتي يلي بيردو عليي مرة وعشرة لاء مشتاقة للضحك معهن على اشياء سخيفة مشتاقة كتير لقاسيون للربوة لباب توما اااخ والله نشفو دموعنا لك حتى اشتقت للوجوه الحلوة صبايا وشباب ... ماذا افعل انصحوني" .


2015-08-02 12:10:26
شاركنا على مواقع التواصل الاجتماعي:



شارك بالتعليق
فراس2015-08-25 11:41:06
بلادي و ان جارت علي عزيزة
يللي مضيع وطن وين الوطن يلقاه ...
-ألمانيا
الدمشقي2015-08-25 07:22:19
كل شي بأوله صعب
كلنا كنا هيك بأول كم سنة، بكرة لا تآخذيني بهالكلمة بينحححس بدنك، مابتعودي فاضية الا لعد سنين الغربة كلام الأخ الحمصي في منو، وانا مغترب من 11 سنة وبالفعل نحنا ناس حقنا نص فرنك، خصوصي النسوان، بتكون مو ملاقية تاكل بالشام بتتغرب بيصير بدها خدامة وبتحكي همس وبتبيض سنانها فجأة وبالاخير بتقلك، ما في احلى من فواكي الشام، اي جعل عمرك ما تاكلي فواكي
-أستراليا
فتحي عبد ربه2015-08-22 22:53:38
بسيطة
بسيطة أختي ما صار شي احملي حالك وارجعي عالشام
-سوريا
سليم2015-08-22 17:11:41
كل شي تغير
المشكله عزيزتي كل شي تغير، انا بالاحداث صارت رايح وراجع عل البلد اربع مرات، البلد تغيرت حتى بناسها والاصدقاء يلي كنت معهم، ما بدي ذكرك بمشاكل الحياه اليوميه بده يضل بالك مشغول باساسيات الحياه، كهرباء مي مازوت حواجز .......والعالم معصبه 24 ساعه وبدها تفرض رايها عليك باتفه الامور،وقسم منهم واشيش، وزباله بالطريق، وشحادين كيف ما تحركت، وشو بدي الك. .. فالبلد يلي بتعرفيها راحت، خليك عايش الذكريات الحلوه وحاولي تبدي من جديد. انا متلك وضعي ولليوم ما عم احسن اتاقلم وانسى وابدى من جديد
-سوريا
مشتاق2015-08-18 09:11:17
بلادنا تاج راسنا
والله العظيم كنت استنا كل صيفية و اعد الايام و الساعات لحتى خلص الامتحانات و روح لسوريا. احلى ايام حياتي بسوريا كانت. من بعد بلادنا مافي. مهما كان الشخص المغترب مبسوط و مرفه بالغربة بس بيبقى مشتاق و بحن لبلده. ويلي نينكر اصله ماله اصل. و يمكن اشتياقنا لسوريا زاد من بعد الازمة لانو الله العليم اذا رح نحسن نرجع نشوفها مرة تانية ولا لا
-سوريا
باسل الأصلي2015-08-18 08:47:28
إلى صاحبة الاشتياق
شوقك و حنينك للماضي سببه عدم تأقلمك مع محيطك الجديد...فبتحني للمحيط اللي كنتي مرتاحة فيه... أول شي المحيط اللي كنتي عايشة فيه ما عاد متل أول..تاني شي اطلعي لقدام و بلشي شغل على حالك و طوري نفسك و لا تتكاسلي لقعدة البيت...شوي شوي بتلاقي حالك مشغولة و بتندمجي مع محيطك الجديد و بترتاحي فيه... و بتصيري مغتربة سعيدة
-سوريا
ابراهيم الديري 2015-08-17 14:16:37
إلى حمصي أصيل
حمصي أصيل والله كلامك ينطبق على معظم المغتربين للأسف
-سوريا
الصديق الوفي2015-08-16 13:53:49
تكوين صداقات جديدة
رح تتاقلمي شوي شوي بس بدها صبر ولازم تكوني صداقات جديدة وبتشرف كون اول اصدقاءك انا متغرب متلك وبساعدك بكتير امور والله ووسيلة التواصل السكايب teto.tt2
سوريا
احلام مؤجلة2015-08-15 17:29:20
سؤال بريء
شو يعني اشتقت لقاسيون ؟
سوريا
واحد فهمان شوي2015-08-14 03:59:17
إلى حمصي أصيل
فشيت قلبي وقدرت تقول يلي على راس لساني.
-سوريا
ربان السفينة 2015-08-13 20:07:49
ذكريات
دائما أول الغربة صعبة بس بعدين بتعتادي وصدقيني بعد ما تنزلي لسوريا بتنبسطي بأول فترة بس بعدين بتقولي أنو لازم ارجع سافر. أنت مو علقان ببالك إلا الشغلات الحلوة وهدا شي طبيعي . انت لازمك رفقات جدد يكونوا حركين وبتتأقلمي بالبلد الجديد. حاولي تشوفي البلد يلي أنت فيها وتنبسطي وحاولي تشوفي شو أخبار رفقاتك
-الإمارات
حمصي أصيل2015-08-12 13:08:01
شعب علاك
يعني وقت كنا بسوريا كانو ينزلو المغتربين ليشبعو مسخرا عالبلد والتخلف الي فياوأنو هني عايشين برا بالجنة وأنو شعبنا متخلف وبيجو بشوفة حال وعاساس أنو هني معت يقدرو يرجعو عالبلد لأنو معت يقدرو يتأقلمو مع البلد بعد الي عاشو برا... وهلق البلد طار..فروحي انتي وأمثالك شوفو حالكون بغير بلاد وفرجونا كيف عم تتأقلمو...شعب علاك حقو نص فرنك
-سوريا
مغترب2015-08-11 13:09:01
لوين رايحة
كوني متأكدة أن الشام يلي بتعرفيها ماعادت هي نفسها الشام خليكي بعيدة و عيشي على الأيام الحلوة الماضية. انا انزلت الشهر الماضي و قرفت حياتي و و جودي.
سوريا
منذر2015-08-08 23:19:32
غريبة الناس
ليش شوفي بالشام كلها **** متل هارون الاسد وسليمان الاسد وشعب عم يقاقي. قال مشتاقين’ على هيك بلد
-سوريا
معتز2015-08-08 11:44:09
الفساد من اهداف البعث
بكل صراحة انا اشتاق إلى كل شيء إلا لسوريا الاسد. وأنا بشكر ربي انه خلصني من هيك نظام وهيك بلد وعمري حياتي مالي راجع.
-سوريا
نادية2015-08-08 07:37:57
كمان مشتاقة
كلنا مشتاقين للشام والله بس صعب نرجع هلا بهالظروف خصوصا الاولاد مسجلين بالمدارس وتقريبا تاقلمواالله يوفق الجميع. انتي وين مغتربة بأي بلد حضرتك.
سوريا
Maher2015-08-07 04:21:43
الأنسان يحب أمه لا لأنها ملكة جمال
ببساطه انا صرلي 30 سنه بأمريكا وصرت اشتاق اكتر لسوريا . وبل احرى من خمس سنين صرت اشتاق لسوريا قبل 2011 و خاف انو سوريا ضيع وما عاد احسن ارجع...كل مغترب يشتاق وبيرجع ع بلدو....بس سوري أذا سوريا ضاعت لوين بيرجع.....يلي عم يحكي عسوريا انها لا تستحق ان تعيش بها......الأنسان يحب أمه لا لأنها ملكة جمال ولا انها غنيه ولانها أي شي تاني بس لانها امه....و نحن نحب سوريا لانها سوريا بلدنا
-سوريا
ابو جاسم2015-08-07 00:33:40
سوريا بلقوبنا كلنا
مع انو عشت فقير بسوريا و اتعذبت كتير و اتعبت لحتى هر شعري و انذليت و فشلت و حياتي كانت كلها مأساة بس هلق و انا بألمانيا و رغم كل الرفاهية يلي فيها لله الحمد وكل شي حلوة بالمانيا دائما بقعد ببكي على ايام سوريا قسماً بالله لو بقدر احفر اسمها على قلبي لحتى ما اتردد
سوريا
رجاء كاترينا2015-08-06 23:34:50
استراليا
حاولي ترجعي زيارة
أستراليا
sasoky2015-08-05 19:22:52
بسيطة
انا برأيي خليكي على زاكرتك الحلوة عن هي الأماكن أحسن ماتجي وتنفلجي وتنشلّي بيلي حتشوفيه من تغييرات
سوريا
سوري تائب2015-08-04 22:12:27
لكل شي نهاية
و انا كمان مغترب من 3 سنين و طقت روحي من الغربة متل سورية مافي بالدنيا كلها و لا تفكروا في حدا مبسوط بالغربة حتى ولو كانت اوضاعو منيحة ...بالغربة ما فيك تفتح تمك بكلمة و حتى لو انظلمت ما فيك تدافع عن حالك لانو اول شي بيقلولك انت غريب و اذا مو عاجبك ارجع على بلدك ...السوري نزلت اسهمو كتير بالحرب و صار يلي بيسوى و ما بيسوى يشوف حالو على السوريين و يذلهم ...و انا حالف يمين بس تهدا الاوضاع انزل على الشام و ما اطلع منها بحياتي من كتير البهدلة يلي شفتها برا بلدي ..مشان هيك مالك غير الصبر
سوريا
هادي الفاضي2015-08-04 16:54:02
تذكري المساوئ
تذكري أنو الجو جهنم من الشوب ومافي كهربا، تذكري أنو المي مقطوعة و متشتشة من العرق وما فيكي تاخذي شاور ، تذكري أنو الدنيا زحمة وصعب التنقل بين الشوارع، تذكري أن كل اللي حواليكي كذابين وماتفقين وانتهازيين وبيتمنولك الشر و كلهم حسد و ضيقة عين ، تذكري المواصلات السيئة وريحة مازوت الشوارع، تذكري فساد الدولة و مؤسساتها والسرقة والنصب، تذكري ضياع فرصك الوظيفية مشان واحد غبي بس عنده واسطة ، تذكري ضياع حقوقك بسبب فساد القضاء ، تذكري كل هدول .. بتكرهي الرجعة عالبلد نهائياً
-سوريا
الدكتور خالد2015-08-03 21:26:53
شعور بالوحدة
يبدو انك حاسة بالملل وخيبة الامل من الناس يلي عايشتيهون بالغربة يجوز كمان عم تنتقلي لمرحلة فيها نضج ووعي اكتر لذلك شي طبيعي تحسي هيك عكل حال حاولي لاقي شغبل اودراسة مشان تعبي وقتك واذا سلفا عندك شغل او دراسة دوري عن هواية او رياضة او شي يكسر الروتين وبالاخير بقلك عطول في ناس منيحة الغلط مو بالناس الغلط باختيارنا اكيد قابلتي ناس منيحة بحياتك بس ما عطيتيهون اهتمام كافي لذلك بعدوا عنك
-سوريا
سوري أيضا2015-08-03 20:43:56
الشوق في القلب!
كثيرا ما أفكر بسوريا كلها بشوارع سوريا وأهلها جميعاً, كثيرا ما أقول الله لا يوفق اللي كان السبب, أول مابلشت الثورة بعض الزملاء اللي بينَّا وبينهن خبز وملح وبس فرق بسيط إنهم يلفظوا القاف بشكل ثقيل ويقولوا إبن العم!! كتبوا تقارير بكل من لم يهلل ويطبل والناس لسه دمها مانشف في درعا, حطونا في خانة اليك... الله لايوفقهن ولا يوفق قيادتنا الحكيمة, الي خربت سوريا وساوت ال سيئ أسوأ! ولكن إلا ماسبحانه وتعالى يفرجها ويخلصنا من الخوارج والظالمين وقطاع الطرق وشّذاذ الأفاق!
السلفادور
حسان 2015-08-03 09:13:38
مشتاقة انزلي شي اسبوع
أنا قضيت العيد بالشام وبقاسيون وضاحية قدسيا ومقاهي ومطاعم الربوه. شيء مزعج التقنين فقط لا غير أما الشوارع فالزحمة صارت خفيفة والحواجز أقل والهوا في المسا خاصة بالربوة وقاسيون بيرد الروح . التذكرة غالية شوي بس النزلة ع الشام بتسوى
-الإمارات
مغترب2015-08-03 08:30:49
لساتك باول الطريق
اول شي الله يرجع كل مشتاق لبلده ويرجع الامن والامان لغالتنا سوريا وانا عم اكتب بيكون الي 5 سنين وشي 10 شهور بعيد عن اهلي وحبابي، الشوق امر عادي وطبيعي كلنا نمر فيه ، بدها صبر وتشغلي حالك بامور مفيدة تنسيكي شوي عذاب الغربة، اصدقائك وحبابك حطيلون الف عذر قبل ما تلوميهم من اتصالات وكهربا ومشاغل بتلهيون عن انه يتذكرو حالهم ، كلنا عم نشرب من هالكالس وادعيلهم الله يحميهم لان هنن بحرب مو شوية مشاكل الله يفرجها عليكي وعلينا وعجميع امة محمد وبالاخير كلنا بحاجة للعودة الى الله وقولي يارب عطول
-سوريا
ام حمزة2015-08-03 06:47:02
ذكرتيني بحالي..
ما بدي ألف ذكريات وسوق معك بس فعلا من كتر ماكنت ومازلت مشتاقة للشام كنت كرهانة حالي وكرهانة حياتي وغربة وقرف وماحدا بيقدر حدا ولا حدا بيحس بحدا, ورفقات ماعاد سألوا مع اني ضليت اسأل, بعدين وقفت ع مفرق يا بدي ضل عايشة اكتآب يا بدي اتأقلم .. وقررت اتأقلم, هاد الموجود مابقى فيني غير شي, الحمد لله اشتغلت وعبيت وقتي وعملت رفقات جداد, ادرسي اشتغلي رافقي ناس جديدة اطلعي وفوتي وخليكي ع تواصل مع الشام بس ما تكون هيي شغلك الشاغل لانو الحياة ماشية ما منقدر نحن نجمد بلحظة وحدة قبل خمس سنين. والحمد لله دائما
-سوريا
مواطن سوري2015-08-02 19:25:07
ادعي الله يفرجها ونخلص من كل المجرمين يلي بالبلد
ادعي الله يفرجها ونخلص من كل المجرمين يلي بالبلد
-سوريا
عصام2015-08-02 14:35:43
حاولي تتاقلمي مع محيطك الجديد
دبريلي فيزا وانا بحللك مشاكلك. انا بعكسك مليت من الحواجز والبراميل المتفجرة ومن الصور الفريسك للقائدك ومن الغلى وقلة الشغل والمصاري وعدم الاحترام بالمعاملة وللقيل والقال وللكذب الاحتماعي يلي انتي عم تشتائيلو والزبالة المتراكمةوالزامامير واكوام الرمل على الطرقات, مليت من الخوف انه حدا يعتقلني بسبب او بدون بسبب او تجنينى شي رصاصة طايشة او يوقع شي برميل متقجر على راسي او اختنق بغاز الكلور. مليت من حمهورية الخوف والمخابرات الجويةوالارضية ومن شعار البعث وكل شبيحةالبلدان كانون موالاه او داعشيين,,)
-سوريا