syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

تركني وتزوج من اخرى بدون سابق انذار... ساعدوني
اسأل مجرب

الزوجة الثانية .. حلم الرجل وكابوس المرأة ...


تقول صاحبة الرسالة "  قصتي عشتها لمدة 3 سنوات استنفزت فيها كل طاقتي للحفاظ على هذا الحب خسرت الكثير و ضحيت بالاكثر من اجل ألا أخسره..لكن في الاخير تركني و تزوج من اخرى..بدون سابق انذار  كان بالنسبة لي كل شئ تخليت عن كل صديقاتي و احبابي و اصبحت مدمنته "

 

وتتابع  "  لم يمر يوم دون ان اراه ولو لوقت قصير و محاداثاتي له في الهاتف كانت كل ليلة تستمر حتى الصباح شعرت انه اكثر انسان يحبني...كان معي في كل الظروف وقف دائما الى جانبي  حتى تيقنت انه لن يستطيع ان يبتعد عني حتى لو اراد.. الان انا اعيش العذاب من بعده ...ساعدوني "


2015-08-02 11:13:52
شاركنا على مواقع التواصل الاجتماعي:



شارك بالتعليق
وحدة 2015-08-27 00:01:44
الى المقصود
بركاتك شيخنا شر البلية ما يضحك
-سوريا
انا المقصود2015-08-26 06:54:24
الرد
مابعرف ليش الكل بشكك باخلاقي وديني وبقلك الخبيثون للخبيثان وبحول المضوع لموضوع شخصي حاولو تناقشو حاله مجتمع وعلى فكره انا ماحرفت حبيبتي بالعكس خلتها تبطل كتير شغلات متل طلعات والدخان وساعدتها لتكمل دراستها وتحافظ على صلاتها
-سوريا
هشام2015-08-25 13:37:03
إلى أنا المقصود ...
أولا أنا لم أقصد بكلامي ان أسيء إلى زوجتك أو اشكك بتربيتهالا سمح الله ... ثانيا صحيح أن ديني ليس بمستوى البعض ولكن والحمد لله وهبني الله عقل لأفكر قبل أن أنجر بعواطفي ومشاعري وأغوص في الحب والعشق والهيام ... صديقي انت بفعلتك مع البنت اكاد اجزم انك كرهتها بشيء اسمه دين بعد أن أصلحت وغيرت..أنت خربتها من الداخل ..لا تستهين بالأمر ..
-سوريا
أنثى2015-08-25 11:21:47
إلى انا المقصود
سيد أنا المقصود, صارحتك كتير حلوة وأنا متأكدة أنو معظم الشباب عندهم نفس العقدة. بس بدي قلك شغلة وحدة. "الطيبون للطيبات والخبيثون للخبيثات " هادا كلام رب العالمين يعني لما أنت بدك وحدة بنت عالم وناس وصاحبة دين لازم تكون متلها. وبقول آخر الشي الله يخالصنا من هالأفكار النتنة بمجتمعنا
-سوريا
انا المقصود2015-08-23 08:28:12
الى وحدة
تعرفت على حبيبتي القديمه عن طريق النت واكتشف بعدين انها مو بس معي بتحكي وعندها رفقات شباب كانت تطلع معهم بس من وقت حبينا بعض تركت كل الدنيا مشاني وغيرت فيها كتير امور للافضل بس ماقدرت انسى ماضيها وبذكر مره قصت شعرها لاني كنت بدي اتركها وحاولت الانتحار فما كنت اقدر اتركها. استمرت علاقتنا 4 سنين وهي ناطرتني لحتى عنست ضيعت مستقبلها بعرف اني نذل لا حدا يقلي بس ماقدرت انسى الماضي وانا لهلا لساتني بحبها والله يوفقها وبتمنالها الخير
-سوريا
انا المقصود2015-08-23 08:27:38
الى وحدة
يا بنت الحلال انا قلت اني عم بحكي بصراحه مطلقه انا ماعم قول انو البنت تروح تحب وتتمعشق وبعدين تخبي على جوزها عم قلك في حال صار هل الشي تخبي احسن لانو كرجل شرقي مابيقبل هل الشي ولو قبل رح يضل معكر حياتو فالافضل تحسسي انو اول شخص بحياتو وانا ماعم بحكي عني شخصيا بشكل عام مابعرف ليش عم بتعرض لانتقدات كتير رغم اني عم بحكي الواقع بصراحه.
-سوريا
انا المقصود2015-08-23 07:50:08
الى واحد
انا مابشوف في مشكله بالوضع المادي الا عند الماديين واصحاب المصالح وكرأي شخصي مابخد وحده اغنى مني مشان ما حس بعقدة نقص او ما اقدر عيشها بالمستوى الي كانت عايشه في
-سوريا
انا المقصود2015-08-23 07:38:31
الى هشام
انت عم تحاكيني بالدين وانت اصلا بعيد عن الدين كيف عم تشكك انو زوجتي الله يخليلي ياها ماباس تمها الا امها انت عم تقذف المحصنات وعم تحسسني اني عملت السبعه وذمتها القصه ومافيها تعرفت على وحده مو منسابه الي تركتهاودورت على بنت محترمه وببيئه محترمه وصاحبه دين ودخلت من الباب بعرف اني غلطت اني فتت معها بعلاقه من الاول بس شب وباول عمرو مابفكر شو بعدين عيش اللحظه
-سوريا
وحدة 2015-08-21 15:58:21
الى المقصود
عنجد منيح انك معترف وبتحكي حتى لو حبت وخبت حلال عليها يعني بتعرف بلسانك بتحب تكون المخدوع ولا تكون تكون تعرف شي عليها . حلو يا صبايا من هلا وبعد الوحدة تكون شاطرة وتعرف تخدع وتظاهرو بالغباء لانو 90 بالمية من شبابنا هيك بيحبو . بس سوال شو هية الطريقة الغلط الي تعرفت عليها بكباريه او بشي محل . يعني والله ما بعرف مادام مانك حابب هيك الطريقة ليش خليت االبنت تتعلق فيك. ماني فهمانة شي شعب ما بيعرف الله وين حطه تفكير سطحي . الله يسيرلك حياتك . بعد ما خربت حياة غيرك
-سوريا
وحدة 2015-08-20 14:32:21
الى نسونجي
فهمان . بس ما عرفت انت نسونجي باالحياة ولابس بس هيك تسمية (-.-)
-سوريا
واحد2015-08-20 02:38:50
الى انا المقصود
في مشكلة ماحدى طرحها وهي الوضع المادي للطرفين لانو سبب كل شي باكتر الاوقات المادة بس رح قلك لوكانت هي وضعها المادي ممتاز اكبد كنت سامحتها وقلت مافي شجرة ما بتهزهاريح وحاربت من شانها طلاع من هل الابواب وانتي بستاهلي لانك واثقة من حالك كتير مافي حدى مابعيش حبيبو وترحل
سوريا
هشام2015-08-19 19:57:06
كما تدين تدان ....إلى أنا المقصود
اياك تظن أنو القصة يلي جربت حالك ومشاعرك وذكورتك فيها مع البنت عندر ربك منسية, أكاد أجزم و كلي يقين أنك لن تغادر هالدنيا إلا عندما تمر في حياتك نفس القصة ومع أقرب المقربين إليك .... و اتذكر كلامي والأيام أكبر برهان ...هي الأشيا قصاصها بالدنيا وليس بالآخرة ..قلتلي ما باس تمها غير أمها ؟؟؟!!!!!
-سوريا
انا المقصود2015-08-19 06:56:11
الى وحدة
لا في كتير بنات مؤدبات او على الاقل منفكرهن مؤدبات وطالما الشب مقتنع ومانو شاكك بالبنت وحتى هي لو كانت تحب شخص قبل وهو ماكشفها وماحس انو مو الحب الاول فحلال عليها وبالنسبة الى اخدت وحده صغيره كتير. بحكي عن 70 بالميه من السوريين هيك في عندك سوريين بتقبلو موضوع كان عندها حبيب او حتى مو عذراء حسب البيئه والدين. انا مابنكر اني غلطت مع البنت بس مابني على باطل فهو باطل شو بتترجي من علاقه كانت بدايتها تطبيقها بطريقه معينه وانا بعرف انها بتحبني وانها تركت الكل مشاني وواثق من هل الشي بس مابقدر.
-سوريا
نسونجي2015-08-18 14:34:53
إلى أنا المقصود
بحترم فيك شجاعتك وصراحتك ومشاركتك تجربتك بس ..... الله يعدمني اياك على هالتخبيص مع البنت
-سوريا
وحدة2015-08-17 22:20:49
الى مقصود
بس انت شو عرفك انو ما باس تما غير امها؟ ليش في بنت بالدنية ما حبت وما انحبت بس في الشاطرة الي بتعرف تخبي وما تطالعها سرها وفي المسكينة الي على نياتها من باب المصارحة وما بتخفي عن حالها للي تحبو على فكرة انا بعرف كتير بنات ها من هل النوعية الي الشرف والايمان بيشرشر منهن شرشرة بيعرفو يستغبو على الي قبالن وكيف يعملو حالن ملائكة بس ما تنسى كما تدين تدان , انتي يا حلوة لا تفكري فيه مجرد تفكير شوفيه اديش طلع تفكيرو سحطي مرة تانية اعرفي كيف تتغشمني وتعملي متل ...
-سوريا
انا المقصود2015-08-17 12:41:22
الرد
نصيحه لكل البنات لا تثقي باي شب ولا تربطي مصيرك فيه وحافظي على نفسك وابتدي علاقتك صح وحسسي بقيمتك وادبك واخلاقك واوعك تخلي يلمس شعره منك ولا تخلي فترة التعرف طويله وعند اول اختبار لتكون العلاقه رسميه اذا كان متررد وعم يتهرب تخلصي منو لانو بكون عم يطقطق عليكي لبين ما يتجوز وبالنهايه الشب بدور على زوجه تكون ماباس تما الا اما ومؤدبه وبنت عيله وتقيله وحلوه
-سوريا
انا المقصود2015-08-17 12:26:41
الرد
رج قوللكم ليش تركت وياريت البنات ينتبهو منيح رح احكي ومارح اسحتي نحن الشباب الاغلب كلاب منفوت مع البنت بغرض انو يصاحب وبيكذب عليها وبيعيشها باحلام ورديه وانا دخلت مع حبيبتي القديمة هيك وكان طريقه تعرفنا على بعض غلط وهي بتاثر على الثقه بين بعض وماكنت حاطها ببالي للزواج بس كمان كنت متعلق فيها وبنفس الوقت ماكنت شوف فيها الزواجة بس صاحبه بسبب بطمح للافضل كزوجه وحبها لكبير الي ماشفعلها وبس حسيت اني كبرت ولازم اتجوز فتركتها بعرف اني نذل واغلب الشباب متلي ولا يجي شب يضربلي مثاليات
-سوريا
وحدة2015-08-14 22:46:44
الى المقصود
هل الواحد لو شو ما كان السبب بس ما بيصير تترك وحدة روحها معلقة فيك وتمشي بدون احم ولا دستور بعد ما تركت صديقاتها ودنيتها كرمالك وترتبط بانسانة تانية بتكون كانت حبيبة غيرك . يا معترفة ما في شي بالحياة يحليكي تدفني حالك كرمالو اطلعي على المراية وقولي الحمد الله انو هيك صار اكيد الله رادلك الخير حليكي قوية وقد حالك وما في حدى بيسوى تضيعي حياتك كرمالو.ازا في متزوجين وبعد 22 سنة تركو وحياتن مشيت عادي عزيزتي من تجربة الحب ما بيدوم بعد الزواج اسئلي المتزوجين بيخبروك
-سوريا
عادل 2015-08-14 19:36:38
دوري منيح بلوتس
دوري منيح بلوتس اكيد تاركلك خبر انو رح يتجوز ؟؟؟؟؟
-الجزائر
ربان السفينة 2015-08-13 19:52:13
إلى " أنا المقصود "
طيب ليش ما تحكيلنا أنت ليش تركت، هون ما حدا بيعرف حدا . اتفضل احكيلنا وخلي المتابعين يشوفوا الحق على مين .
-الإمارات
كارولين2015-08-12 07:38:25
نفس المشكلة
هذا الحب سطحي، خطيب اختي الكبيرة عرض علي الزواج فقط لأنني أطول وأجمل منها
سوريا
منال2015-08-11 22:02:17
بتستاهلي
تعيشي و تاكلي غيرها، انتي رخصتي حالك
-سوريا
atef2015-08-08 22:42:47
J
إن حظي كدقيق فوق شوكا نثروه...ثم قيل لحفاة يوم ريح اجمعوه...صعب الأمر عليهم صحت فيهم اتركوه...إن من أشقاه حظه كيف أنتم تسعدوه.
الأردن
نادية2015-08-08 07:35:16
خيانة
الله يكون بالعون الحال من بعضو اختي اغلب الرجال خونة وبيتركونا على اقل شي ولو كان عندنا تلت ولاد هيك طبعهم.الله لايوفقن
سوريا
تلال حقد2015-08-07 13:04:29
ةله
زكرتيني بماساتي ... بقلو عبر هالنافذة اشوف فيك يوم ياظالمني.. وانتي اتقي الله بنفسك... شيلك منو واعتبريه ميت وقومي ارقصي وغني واعملي ولايم خلصتي من مكب قذارة.
-سوريا
انا المقصود2015-08-06 08:39:04
على ما اظن انا المقصود وانتي حبيبتي القديمة
كلامك وكانو بينطبق علي انا كنت حب وحده وعشت معها 3 سنين حب وكان عندي مشكله من رفقاتها القدامى وتركت كل الناس الي حواليها مشاني وكانت تحبني بشكل مو طبيعي وعلى طول تحاول انو مانخسر بعض حتى توصل معها للانتحار وكنت على طول وقف معها بكل مشاكلها ومافي يوم مر ماكنا نحكي في واوقات طويله بس موضوع قديم كان يخليني مو مرتاح ومطمن لعلاقتنا وبعد خلاف رحت تزوجت من وحده غيرها مابعرفها من قبل فاكيد يا اختي في سبب خلا يتركك ويتزوج غيرك وانت ما بدك تقولي السبب
-سوريا
sasoky2015-08-05 19:24:21
مشكلتك بسيطة
بصراحة خرجك وأنا شب والشباب مابيتأمن فيهون ولا حتى البنات الدنية مصالح مافي حدا صالح
سوريا
نسونجي2015-08-05 11:49:38
هي نتيجة المطمطة
مشان هيك العلاك اللي اسمو حب وتلفونات وكلام فاضي كلو غلط بغلط , ما في مانع من التعرف لفترة وجيزة عن طريق التلفون والتواصل القصير بس بعد هيك خلص لازم كل شي يكون رسمي وما تمطمط الشغلة لأنو خلص رح تفرط القصة والخاسر الدائم بهيك شغلة بتكون المرأة وبكل المجتمعات المنفتحة والمنغلقة على السواء
-سوريا
انثى2015-08-05 03:31:49
كزبك حلو
ادم يتنفس خيانه يا عزيزتي باختصار ادم بلا قلب
-سوريا
انثى2015-08-05 03:28:03
كزبك حلو
ادم يتنفس خيانه يا عزيزتي باختصار ادم بلا قلب
-سوريا
RANIA2015-08-03 21:12:13
عيشي لنفسك
وانت ليش واقفة تبكي على الاطلال يلي صار صار خلص ما عاد ينفع كتر الحكي و التحليل هاد درس مريتي فيه لتتعلمي تحبي حالك و انو سعادتك شي انت بتعملي برضاكي و تقبلك لنفسك عيشي لنفسك و حبيا و طوريا بالتعليم و الثقافه واهتم بشكلك و صحتك و كوني راقية حتى بحزنك وانفعالاتك وكلماتك وشخصية متميزة بأسلوباو ين ثقتك بنفسك ليش هيك منهارة مشانو الله معو يلي ما بيشوفك ضرورة بحياتو ما بيستاهلك،لا ترضي بأقل من الأفضل من بين الرجال وهو ما كان هالحدالا تعطي اكتر من حجمو بحياتك هاد محطة عابرة و قطعتيا موفقة يارب
-سوريا
الدكتور خالد2015-08-03 21:08:22
ما فهمت
كيف يعني الزوجة الثانية ؟ من كلامك حسيت انو انتو مو متزوجين يعني بشوفو كل يوم وبحاكيه عالتلفون يعني هالحكي مو شغل تنين متزوجين هي اول وحدة اما تاني شغلة عم تقولي تخليتي عن رفقاتك كرمالو بين قوسين يعني في شي ما عحبو برفقاتك حتى خلاكي تبعدي عنهون و في شي بماضيكي حاول يعزلك عنو ويبدو بعد فترة وبعد مجموعة من التنازلات من طرفك وتطور العلاقة المتوقع بهيك مدة راحت السكرةواجت الفكرة والزلمة تجوز وتيسر ... بتصير كتير هالقصة
-سوريا
ام حمزة2015-08-03 06:52:22
...
ازا في حدا بيعرف بالقصة احكي لاٌقرب الناس الك وابكي وطالعي كل شي جواتك بس ما ترجعي تقربي صوبو لانو ما عاد ينفعك الا الحسرة والندامة ع شوفتو, لك والله العظيم لو انك ارتبطتي انتي وياه ما ح تعيشي مبسوطة لانو انتي رح تعيشي الحياة يلي كنتي راسمتيها بخيالك ورح تنصدمي بالواقع يلي هو غير كل هالقصص, وتعلمي بعمرك ما تضحي بأهلك كرمال اي شي ولا اي حدا لانو ما حدا بعمرك كلو ح يحبك ويختاف ع مصلحتك قد أهلك, وبعمرو ما حدا رح يتمنالك الخير قدهن.. خلص اللي صار صار.. نقطة وبسم الله سطر جديد
-سوريا
ام حمزة2015-08-03 06:48:31
...
أنظر عليكي وقلك ليش تعملي بحالك هيك.. قلك الحق عليكي عامية عيونك عن الحق وراكدة ورا مشاعر بشرية (وانسانية) ما حاسبة حساب شي عليها .. لا حول ولا قوة الا بالله العظيم الله يكون في عونك,, سبق ونصحت غيرك ورح ارجع انصحك ما حدا ما بيقدر يعيش بدون حدا , غلطتي بحق نفسك وهاد اهم شي هللأ صححي غلطك, بصراحة اول ما قريت العنوان تهيألي انكن متزوجين وهو مغترب بعدين ركزت لعرفت انو قصة حب مبنية على ولا شي!!! خلقتيها وعملتي منها حياه كاملة ولاقيتي كل شي انهار قدامك وهو كان بالنسبة إلو جزء من نهارو وخلص !!
-سوريا
عزيز اللزيز2015-08-02 15:06:56
كل شي لزيز مع عزيز
العوض بسلامتك... الزلمة قضى محكوميته 3 سنين معك و أخد إخلاء سبيل ... يعني هو كمان ضحى معك بوقته و قلقتي راحته بالليل و النهار بقصصك و قصص رفقاتك اللي تخليتي عنهن و هنن عم ينصحوكي تبعدي عنه غير أخبار حروبك مع العالم كرماله و هو ما له خير ليش عم تحاربي من أصله...بالأخر طلع لحسن السلوك و قال يا فكيك... نصيحة للتجربة الجاية لا تندلقي و لا تدبقي سما الرجل لحتى ما يطفش بدون سابق انذار...و لما بتحكوا على التلفون خليه هو يحكي و اذا سكت بيكون حاج ليومتها..
-سوريا