syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أصابني الملل والقرف من الثقافة الشفهية والغباء وثقافة الاراجيل ... ما العمل
اسأل مجرب

هناك من يرى الواقع الاجتماعي بعين المثقف و الواعي و الحريص على بناء المجتمع بطريقة صحية و لا يلائمه ما أصبح  عليه الواقع حالياً و يعيش بغربة و عزلة اجتماعية بحتة .


يقول صاحب الرسالة " ما فائدة العلم و المعرفة؟ أنا قضيت عمرا طويلا في القراءة ...لدي آلاف الكتب و المجلات و المطبوعات بخمس لغات أجيدها بطلاقة...و اقرأ كثيرا جداً و يومياً و بنفس الوقت اشعر اني أضعت حياتي لأسباب مجهولة فلا احد يقدر المتعلم و المثقف "

يتابع "  احمل شهادات جامعية عليا و قمت بتدريس آلاف الطلاب إلى أن استقلت و أصابني الاكتئاب من الجهل المستشري في هذه الأمة ....أصابني السأم و الملل و القرف من الثقافة الشفهية و الغباء و المغالطات و ثقافة الاراجيل عمري 30 ولوحدة تقتلني واشعر ان نوعي لا يلائم النساء ...  "


2015-07-10 01:34:31
شاركنا على مواقع التواصل الاجتماعي:



شارك بالتعليق
Rania2015-08-03 08:33:06
رأي
طبعاكل شخص أدلا بدلوه أنا رح قلك شو الحل بشكل مبسط لا تحكم على الأخرينdon\'t judge people مجتمعناعانا من احتلال وبعدو قمع وفقرومحسوبيات ورشاوي شوبتتوقع من وليد هيك بيئة ينقصك القدرة على تقبل الأخر باختلافه..انا عكسك أشعر بالشفقه على غالبية مجتمعنا والسطحيين لكون هذا فقط الجزء يلي شافوه من الحقيقه و من العالم نحن لا نستطيع تغيير العالم مالم نكن جزء منه لذلك يمكنك اختيار موقعك بينهم لا تملي على أحد ما عليه عمله ستؤثر بشكل أفضل عندما يرو أثر ثقافتك وعلمك على سلوكك و مبادراتك ويقارنوه بما لديهم
-سوريا
عصام2015-08-02 14:51:23
windos 10
برافو ديانا انتي هيك حليتي المشكلة الكبرى لصاجب المشكلة وهي انه عنده فراغ عاطفي وحابب يتعرف على شي بنت بس ماعنده خبرات بهيك مواضيع مشان هيك عمل مقدمة الثقافة واللغات وعمل من الحبة القبة, لو كتب انه حابب يتعرف على شي بنت كان ريح حاله وريحنا معه من الاول
-سوريا
صاحب المشكلة2015-07-31 17:10:54
صاحب المشكلة
لا اعرف ما قيمة النصيحة بكتابة شيء سخيف كباب الحارة ...انا لا اعرف ايضا فائدة التهكم و اعتبار ما اقوله غير صحيح او غير واقعي...عموما شكرا للردود المعبرة عن البيئة المتخرج منها كل شخص و اشكر الاخت ديانا على ردها بشكل خاص و الاخ HM لانه ذكرني باقوال ابن خلدون الخالدة و اتمنى من الاخوة و الاخوات دوام التواصل و انا موجود حاليا في اوروبا في اجازة مفتوحة و غير مشغول و على استعداد لاي مساعدة او تواصل مع الاخوة و الاخوات و شكرا جزيلا
سوريا
أحمد2015-07-31 13:05:51
المشكلة فيك
تعلم مهارات التواصل و إذا أنت كاستاذ ما قدرت تطور طلابك فمعناتها ما عندك القدرة على التعليم و إذا ما استطعت أن تجد من هو على مستواك الفكري في كل منطقتك فمعنى ذلك أن المشكلة فيك و يجب أن تطور مهارات التواصل لديك
-سوريا
ديانا 2015-07-30 17:35:03
صاحب المشاركة و H&M
أو أي شخص بيحس بحاله غريب بهالدنيا لانو اهتماماته غير او طريقة تفكيره مختلفة. انا كمان متلكون شوي ماني مثقفة بس بحب اقرا واتعلم شي جديد كل يوم.... معي شهادات عليا ودكتوراة من أوروبا بس متل ما قالوا اكتر الاخوة المعلقين التعليم والشهادات ما بيعملوا ثقافة. المهم انا بفهم الشعور بالحاجة لشخص يناقش فكرة بعقلانية وحرية أو يضيف معلومة مع اني بتفاهم مع اغلب الناس وبتعلم من كل شي بطريقي... بس عندي دايماً رغبة أتعرف على ناس يعرفوني على كتب ما بعرفا وعلى ثقافات ما بعرف عنها شي... لهيك بتمنى نتواصل.....
سوريا
عزيز اللزيز2015-07-29 16:42:49
كل شي لزيز مع عزيز
ما الك إلا أنه تتجه لكتابة المسلسلات الدمشقية القديمة و تألف الجزء التامن و التاسع لباب الحارة..باللغات الخمسة اللي بتعرفها...لازم العالم يطلع على تراثناو انت بتقدر توصللهم هالشي بلغاتك و معرفتك...و شكلك من رسالتك انك بتعشق الدراما
-سوريا
بو باسم 2015-07-24 01:08:18
مثقفين اخر زمان
كلامك لاينم على انك مثقف، لكثرة التناقضات واساءة استخدام الكلمات مثل القرف،انت قرأت ربما بضعة كتب ولكنك لم تفمهما جيدا وترتبت الافكار في شبكة علم ومعرفة وحكمة، لوفعلت ذلك لما حدث لك الملل وانما انفتحت أمامك بحور وسماوات وافاق وخزائن ثمينة وحدائق لانهاية لها، بدل ان تقرأ عشر كتب قراءة جرايد، اقرأ كتابا واحدا بعمق ووعي، وشكرا لسريانيوز راجيا النشر
-سوريا
بشير2015-07-23 22:43:02
العلم عم يشط متل القطر
لاأعتقد أن إنسانا متعلما يستخدم هذه التعابير كالقرف وثانيا إذا كنت متعلم فعلا فيجب عليك أن تعرف أن عدد الخريجين في أوربا لايتجاوز 7% ونسبة قليلة منهم مثقفة بكلمات اخرى هل هناك عاقل يظن أن على الناس أن يكونوا متعلمين ومثقفين وإلا سيكتئب .دائما هناك نخبة مثقفة تقود الأمة ولكن لاتناقشها فالقليل من البشر عنده المقدرة على الدراسة التحليلية وتطبيق هذه الدراسات في الواقع
سوريا
JALAL 2015-07-23 10:17:17
الى صاحب المشكلة
تقول في رسالتك الأولى ان عمرك ٣٠ سنة وتقول في رسالتك في شكر القراء ان عمرك ٣٢ سنة وفي الحالتين عندك الأف الكتب وبخمس لغات وتتكلمها بطلاق الا ترى معى هناك مشكلة ؟؟؟؟؟؟ وفقط عمرك ٣٠ سنة والله كنت مفكرك بالخمسينات
بريطانيا
باسل الدمشقي2015-07-21 07:26:10
اصنع لنفسك هدفاً
أحييك أخي على حبك وشغفك بالقراءة والعلم،مجتمعاتنا العربية لاتقدر العلم والثقافة،وماأنت فيه سببه الإحباط،كان لدي نفس المشكلة إلى أن قررت أن أتزوج فأصبح لدي هدف جديد في حياتي، أن أربي أطفالي على الثقافة والعلم أيضاً والحمد لله بدأت بالنجاح وبدأت أقتنع بسياسة (التطنيش). أصنع لنفسك هدفاً و اسع في تحقيقه وتوكل على الله،ولاتنس أن شعورك بأنك مميز يرضيك داخلياً ويرضي طموحك الشخصي، ورؤيتك لتفاهة فكر الناس مبرر،ونعاني منه يومياً، وللأسف أصبحنا نراه في محيطنا الضيق.
-سوريا
عبد الله الفقير2015-07-20 08:11:24
الله ستر
الله ستر انك بتشتكي من ثقافة الناس والجهل والتخلف فقط لو كنت بتشتكي كمان من خفة الدم كانت مصيبة لأنك معلاق كبير وبعدين كم مرة بدك تعيد وتكرر انو في ناس خطبوك لبناتون، عزيزي هاي الشغلة صارت مع كل واحد فينا سواء من طرف ناس أغنياء او ناس احوالون عادية فصدقني مو قصة عظيمة وبالأخير الله يشفيك ويعين اللي حواليك كيف متحملينك
سوريا
صاحب المشكلة2015-07-17 01:26:18
صاحب المشكلة
شكرا لردودكم الكريمة و عموما انا اصبحت اكثر تفهما لمشكلتي و هي في الحقيقة رؤية الناس كقوالب ...اعتقد انني يجب ان امتنع عن قولبة الناس و،لكن للاسف معظم شعبنا العربي يشبه بعضه من ناحية القيم و الابتعاد عن الاخلاق و العلم...و انا في الحقيقة عمري 32 و كنت ادرس الطلبة في قطر عندما كان بعض الناس يعرضون علي الزواج لبناتهم بالملايين...ليس لاني مميز لكن ربما لاني لا ادخل في التفاهات و،على فكرة انا شديد التواضع و احب مساعدة الفقير و الامي قبل الغني و المتعلم...ربما الملل مشكلتي و،شكرا
-سوريا
حدا بيشبهك (3)2015-07-16 17:46:28
الوعاء الكبير يستوعب الصغير3
بقي موضوع الفتيات لا يعجبن بهذه النوعيه .. وهذا صحيح تماماً .. فالبنات يبحثن عن حكواتي .. يلزمك تعديل صغير من هذه الناحية .. فالمثقف يمتلك الذخيرة المعرفية اللازمة أكثر من غيره .. أنت تحتاج لتطوير قدراتك في صياغة تلك المعارف بطريقة تلامس العاطفة الانسانية .. لديك قصة .. لا تلقها بشكل محاضرة .. ابحث عن الجانب العاطفي فيها وركز عليه (العاطفي يشمل كل المشاعر البشرية من خوف وفرح وحب وكره) ورح تدعيلي :) ..
سوريا
حدا بيشبهك (2)2015-07-16 17:39:05
الوعاء الكبير يستوعب الوعاء الصغير
2- ثم إننا الآن في عصر الانترنت . وكما أن هناك منتديات للتعارف والتطبيق وطق الحنك والعلاك المصدي والطبخ والعناية بالبشرة... هناك أيضاً منتديات نخبوية ستجد فيها أشخاص تنسجم معهم يبحثون بدورهم عن أمثالك .. قضيت عدة سنوات كادت فيها فيها صداقاتي تقتصر على اصدقاء من العالم الافتراضي نبحث ما نشاء بحرية كاملة بعيدة عن القيود الدينية والاجتماعية.. بامكانك اذا اردت ان تطور تلك الصداقات الافتراضية إلى صداقات حقيقة.. ابحث أولا عن المجتمع الافتراضي المناسب لك على النت
-سوريا
حدا بيشبهك (1)2015-07-16 17:31:52
الوعاء الكبير يستوعب الصغير
1- كلما ازدادت ثقافة الانسان المفروض تزداد قدرته على فهم واستيعاب طرق تفكير الاخرين وانفعالاتهم وعواطفهم. وبالتالي امتلاك قدرة اكبر على التكيف معهم .. حاول أن تنظر إلى امتيازك الثقافي من هذه الزاويةالطبيب يفهم أجسام مرضاه أكثر منهم . والمثقف كذلك يفهم عقول الآخرين ويحلل تصرفاتهم ومشاعرهم أكثر منهم احيانا
-سوريا
ابو بحر2015-07-16 15:00:52
معك حق ولكن ماهو تعريف النجاح
اشاركك الرأي بأغلب ماقلته.ولكن التاقلم والتعاطي الاجتماعي مع الاخرين هو من احد مكونات النجاح ويجب ان نجد طريقة لتغيير انفسنا .وكما قال ابراهيم الفقيه رحمه الله بما معناه في حال لم تجد من لم تسعد معه اسعد مع نفسك.وايضا من المهم ان نخاطب الناس على قدر عقولهم.اعتقد انه من المفيد الاطلاع على محاضرات ابراهيم الفقيه ومقاطع اليوتيوب التي تحمل عنوان motivation فقد تجد فيها مايشجعك ان توظف وتركز مهاراتك في هدف مستقبلي رائع.
النمسا
tarraha2015-07-16 11:32:02
بالعكس
بالعكس اخي المثقف انت عندك ميزة عن اي شب تاني بتخلي الكل يقبل فيك وانا مو شايف مشكلة بكلامك غير انك تروح وتتقدم لوحده مناسبة . لان العلم والثقافة الك .
-سوريا
باز2015-07-16 03:59:36
عم تفتخر بحالك وعم تطلب من الناس المساعده !!!!
مو غريب انك عايش لوحدك لانك تعيش بالخيال والاحلام ولا تعيش بالواقع فالغرور والتعالي يلي عايش فيه خلاك تحس انك مثقف اكثر من الناس وان الناس عم يقدمولك بناتهم ويعرضوا عليك الملايين ليكسبوا رضاك نصيحتي لك ان تصحى من هذا الحلم وتعيش الواقع متل كل الناس .
أستراليا
زهرة2015-07-15 22:34:41
ام حمزة
يسلم تمك يا ام حمزة كلامك صح والله.
سوريا
قتيبة2015-07-15 20:21:34
اعتذر على صراحتي.
بعد اخر تعليق لحضرتك تاكدت مما خمنته بيني وبين نفسي. على الارجح بان شخصيتك من النوع النرجسي من العيار الثقيل فللنرجسية درجات. وتنظر على البشر من برج عالي تعيش فيه وحيدا وتظن بانك الاذكى والاحلى واكثرهم ثقافة وعلم وبقية البشر بحاجة الى سنوات ضوئية للوصول الى ما اتت عليه. انصحك بجلسات تحليل نفسي للتعرف على ذاتك اكثر. ومفاتيح حلول مشكلتك تحملها في جيبك. خلاصك هو ان تقتنع بانك واحد من الناس لست اكثر ولا اقل وتغادر قصرك العاجي والوهمي وتصبح ودودا اكثر والا سوف تصبح غريب على جنس البشر اجمعين
-سوريا
فلان الأربيصي!2015-07-15 19:03:13
واسعة شوي!!!
هلق من كل عقلك عم تحكي!! يعني مغالطات كثيرة وغير منطقية.... عندك شهادات عليا كتييير ودرست ألالاف الطلاب وعمرك 30 سنة!!! شو من الحضانة كنت عم تدرس العالم! أنا معك في تخلف مستفحل, بس هذا لا يعني أن نستعلي عن العالم, شوف من الناس اللي بيناسبك, أما العلاقة مع النساء, فأنت بدك تتجوز مابدك تدخل ندوة فكرية أو تفتح مكتبة!!!! الله يهدينا ويهديك
سوريا
مغترب2015-07-15 18:55:00
مشكلة عامة والحل موجود
اقرأ كتاباً او اكثر عن الذكاء العاطفي. فيه حل مشاكلك بإذن الله
-سوريا
مو مهم2015-07-15 17:18:22
الى صاحب المشكلة
لك حبيبي انت عملة نادرة لو كنت مصاب بالكابة او مصاب بالثقافة حتى فما كنت قد عرضت مشكلتك بسطرين و ناطر الرد من الجماهير المثقفة على النت و انت اصلا المجتمع العادي مو معبي عينك قلتلي الاف الكتب قريان؟!!! و عمرك 30 ها و اهما شي عرضو عليك ملايين الد و لارات لك كبيييييير انت شو بدنا كبير و متواضع و صادق كمان
-سوريا
درويش2015-07-15 14:17:06
اللغة السادسة ( 2 )
= ويبدو أن هذا قدر أهل العلم , أما عن الفتيات !! فهن خارج التصنيف , أقصد أن الفتاة لا تُرغب لعقلها , وحتى لو كان عندها شيء من علم يُعتدّ به فسوف يتلاشى أمام أول اختبار لأنوثتها , إذا أردت الارتباط بـ بروفيسورة ومدحتَ رجاحة عقلها وسعة علمها ولم تقل إن عيونها رائعة وشفاهها ساحرة وشعرها أسطورة فلن تقيم لكل كلامك أي وزن !! إذا - والمعذرة للإطالة - الحل أن تتعاطى مع المحيط بشيء من السخرية والاستخفاف ولن يشعروا بها صدّقني .. وليس في هذا خيانة لمبدأ , إنما هي لغة سادسة عليك أن تتقنها
-سوريا
درويش2015-07-15 14:16:03
اللغة السادسة ( 1 )
تحية لصاحب المشكلة . عزيزي شعورك بالغربة والوحدة هو بسبب رداءة الزمن وأهله .. وليس لتميّزك , هناك نفوس لا تطيق أن ترى من يفوقها عقليا فتحاول إيذاءه كأطفال حمقى يرمون قطارا سريعا يمرّ بقريتهم لأنه غاية ما يستطيعون فعله . هناك من لا يستوعب ما معنى عالم . وهو معذور لأنه يعتبر نفسه مثقفا وكل ما قرأه في حياته كلها لا يجاوز تشرين والبعث والثورة .. وحديثا فيسبوك . حتى المجتمع الغربي رغم أنه بمعظمه مجتمع مثقف يحترم العلم واهله لكن النزعة المادية تجعل التعاطي معه محدودا ==
-سوريا
بنت الشام 2015-07-15 13:55:33
الى صاحب مشكلة
بعد قراءت المشكلة و تعليقات و ردك على تعليقات بحب الك و بتمنى كلامي ما يزعجك انو انتا مريض نفسي و كلامك كتناقض كتييررر كيف عمرك 30 و تحمل شهادات عليا و درست الالاف الطلاب ما حلك يعني دوبك تكون تخرجت و لازم تكون فرحان انك تساعد و تعطي معلومات عندك و من جهة بتكتب انتا لا تلاءم النساء و من جهة بدفعولك الاف الدولارات بس ع شو بيدفعولك ما فهمت نصيحتي لالك انتا حالتك حدا مريض نفسي و مصاب بمرض النرجسيه و هو حب النفس و التعالي يعني بالاءلم نشرح عاطي لحالك اهميه اكتر ما بتستاهل
-جيبوتي
كسول2015-07-15 08:23:56
اشتغلك شوي
دور على اللي بتعتقد انن مثلك.. وحاول شراح للي ما بيعجبك شو اللي ما عجبك فيه.. (دج وكل واحد على قد ما بيتحمل. شعور لذيذ :) ) هيك الناس يا بتقتنع منك وبتغير يا بتبعد عنك بس ما حدا رح يضرب بعمر 30، من الاخر بتفلتر يعني. بعدين اذا انت قعدت مع واحد وحسيت انو بيعرف اكثر منك بكثير ومبين من وجهو ان مش مصدق ليخلص هالحوار معك شو بتحس ؟؟ وشو بتكون ردة فعلك..؟؟ وحاول شوف شو انت شو عم تاخذ من الناس. أول تمرين كتبلك تعليق عد فيه الناس اللي عجبتك نصيحتن وليش. باختصار تفاعل بايجابية ولا تخاف.
-ألمانيا
فواز2015-07-15 06:34:37
الله يسامحك
ي صديقي العزيز انا كل يوم احاول معرفة رأي القراء لعلي اجد شيء لم افهمه من خلال قرلءتي لمشكلتك .لكن ما تبين هو اننا جميعا متفقين في راي واحد وهدا شيء نادر.بكل الاحوال نصيحه مكرره من قبل احد القراء لا تنزوي مع الكتاب دائما فهو يعلمك الوحده ويعزلك عن الناس .مناقشة المحيطين بك تساعدك على معرفة الفكر النساني بمختلف طياته وهده ثقافه ثمينه وان كانت شفهيه.اما موضوع في المانيا يعرضون عليك ملايين الدولارات صعبه قليلا لانهم يستعملون اليورو وحسب معرفتي السطحيه الالمان ليسوا بهدا الكرم.
سوريا
سامر 2015-07-14 08:49:45
مصادر المعرفة في مجتمعنا
المشكلة ليست شخصية و إنما عامة تحدث مع أي شخص يحاول ان يغني معارفه بمصادر مختلفة عن السائد. المصادر السائدة للمعرفة في مجتمعنا هي: الدين، الاستهلاك، العنعنة، الشيوع، التقليد. من الطبيعي ان تجد نفسك في وضع صعب نسبياً عندما تتشكل معرفتك، و بالتالي شخصيتك، و فق مصادر مختلفة عن السائد لكن ما اجده غريباً هو ان ترى ان ثقافتك عديمة الجدوى! اذ على العكس تماماً انا ارى انه يمكن لك ان تغني تجربتك و الآخرين بمشاركتهم معارفك بجرأة و ستفاجئ بالتنوع و الثراء عند من يتفاعلون معك.
-سوريا
صاحب المشكلة2015-07-14 02:27:19
الفتيات
اشكر بعض الاخوة المتابعين على الافكار المفيدة و للاخ صاحب الاستفسار عن الثقافة الشفهية اقول له ان معناها جعل الكلام هو المصدر الثقافة الرئيسة في مجتمع معين و الابتعاد عن التدوين و التوثيق الكتابي بالتالي فالمجتمع المثقف شفهيا هو حتما مجتمع متخلف و مليء بالمغالطات..و الاخ صاحب نظرية تطبيق بنات المانيا اقول له صدق او لا تصدق انا يخطبني الناس لبناتهم و انا ارفض لاسباب ثقافية و عرضوا علي الملايين من الدولارات و انت حر بتصديق ذلك من عدمه
-سوريا
متعلم ولا أدري ان كنت مثقفا2015-07-14 01:05:56
الطيور على اشكالها تقع
من كان مثقفا فعلا سيجد من يسمعه ويناقشه ويمكن للمثقف ايضاان يستفيد من ثقافته خاصة برا، والناس مش أغبياء كبار وصغار نساء ورجال، يعرفون من مثقفا فعلا، لكن الثقافة وحدها لاتكفيك لكي تصل الى قلوب الناس، يجب ان تكون انساني ، صاحب ضمير، فكاهي ، يكون عندك رسالة ، وأرجو من سيريانيوز النشر، لانه مشاركتى مافيها شي يدعو للحجب وشكرا
-سوريا
معسل تفاحتين :)2015-07-13 21:38:39
Life is too short to be anything but HAPPY
لن اذهب الى انتقادك " الشباب كفو ووفو", بل ساحاول طرح بعض الحلول علها تساعدك, افترض انك لست نشطاً على شبكات التواصل الاجتماعي, ومتأكد انك تكتفي بالقراءة فقط دون المشاركة برأي. جرب الكتابة باسم مستعار وانشر افكارك ثقافتك معلوماتك, ستجد انها افكار قابلة للنقاش وليست مسلمات وسيظهر لك احيانا من يغلبك ويريك انك لست دائما على حق, انصحك بادارة موقع الكتروني متخصص بشي ما واعمل على نشره على اوسع نطاق and the last advice GO GET A GIRLFRIEND,0
سوريا
H&M2015-07-13 20:52:03
مقدمة أبن خلدون
لقد قرأت ما رد أغلب المعلقين على رسالتك و أظن أن التهجم هو جزء من طبيعة شعوب هذه المنطقة ... لمن يجرء فقط أن يرا حقيقة عمرها الاف سنيين فيقرأ ما كتب ابن خلدون في كتابه الشهير وأن كان أول ما خطر ببالك بعد القراءة التهجم والتهكم على هذه العالم فعلم أنك عربي بأمتياز ... https://www.paldf.net/forum/showthread.php?t=1160809
سوريا
مغترب ايضا2015-07-13 12:20:32
انت متعلم و لست مطلع على ثقافات الشعوب
مشكلتك ليست فقط مع العرب بل مع الفتيات الغربيات ايضا. ما زلت في مقتبل العمر و خبرتك بثقافة الشعوب قليله فمثلا في المانيا تلهث الفتيات خلف الشبان طولي القامه بشكل غريزي و بفارق عمري لايزيد عن سنتين و كاننا نعيش في القرون الوسطى حيث كان طول القامه مقياس القوة و حظ اوفر بالصيد و تامين طعام الاسره من اللحوم٠ انصحك بالتريث و الهدوء و الاهتمام بمظهرك و اقتناء سياره جديده انيقه
-سوريا
ثقافة شفهية؟2015-07-13 10:26:35
Espresso
شو يعني ثقافة شفهية؟
-سوريا
H&M2015-07-13 07:26:04
ما لها حل ...
اقسم بالله حسيت حالي عم أقرأ اللي عم فكر فيه بس فرق أنك عايش برا وانا عايش جوا .... أخي الأمة ما لها أمة و الفترة هي فترة أنحطاط أخلاقي ثقافي أجتماعي , ومن علاماتها أنه أي نقاش ينتهي بجدال عقيم كل طرف فيه يتهم الطرف الاخر بالتخلف و الكفر و الخيانه .... ريح راسك ما في أمل على الاقل 100 سنة الجاية.... الله وكيلك خسرت كل رفقاتي لأني حاولت ناقش معهم أي فكرة دينية أجتماعية ثقافية وكان اخر النقاش تهكم والأتهام و يتبعه طلب عدم مناقشة أي أمر وخصوصا الديني و تليه قطع للعلاقات على أساس مو طالع بالأيد شي.
سوريا
طارق2015-07-12 19:56:37
قديمة
صاحب العلم يشقى بعلمه و أخو الجهالة في الجهالة ينعم
-سوريا
السيد كزبرة 2015-07-12 14:01:51
السيد كزبرة
السيد كزبرة معلم السيد قتيبة عطاك الزبدة بس بلغة شعبية هي النظرية تبع قتيبة اسمها العلمي بالاجنباويpsycho dynamic theory
سوريا
قاتل الليل 2015-07-12 13:49:37
اللعنة عليكم
لماذا هناك تعليقات جارحه هذا الرجل لديه وجهة نظر بنفسه علينا ان نحترمها و يبدو انه يعاني من فراغ عاطفي لقلق كل شي بوقته بجي لو سمحت لا تكتب عن شئ على نفسك مره اخرى مما يعرضك للاستخفاف من قبل بعض اتخاذ
-سوريا
ابو عمر2015-07-12 12:33:23
ايش هالتواضع
المثقق (مالو ضربة لازمة عالناس) هو مثقف لنفسه ولكي ينقذ روحه ويتلمس طريق السعادة او طريق الحق والمعرفة ايا كان نوعها واذا لم تصل الى حلاوة السعادة في معرفتك فهذا ذنبك ، ليس لك امتياز ولو كنت مثقف حقا لاستطعت التأقلم مع المجتمع ومع كل مافيه والغريب انه ليس لك جماعة من امثالك تؤي اليها ، على الاغلب يا اخي انت مصاب بالبارانويا .
-سوريا
نسونجي2015-07-12 10:33:34
لصاحب الرسالة
الإنسان الذكي بيتأقلم مع أي ظرف بينحط فيه وبلاقيله حلول , حاول تدرس واقعك وتلاقي حل يلائمك أو تغير واقعك وما تقعد تشكي وتبكي وتندب , إذا بتقدر تلاقي حل بتغيير البلد غيرها وإذا ما قدران حل المشكلة بأفضل كفاءة ضمن الواقع المتاح , لازم من بين آلاف الكتب اللي قرأتها يكون مر معك حل لمشكلتك اللي عم تعاني منها وإذا ما مر روح اقرأ كتاب ينفعك بحل مشكلتك لأنو العلم اللي ما بتستفيد منه رح يكون متل قلته
-سوريا
باسل الأصلي2015-07-12 10:01:32
إلى صاحب المشكلة
باعتقد انك عم تعاني من شي بيشبه أزمة منتصف العمر مع أنك لسا بال 30...يعني بتسأل حالك شو عملت بعمري و بتشوف حالكك رضيان أو مو رضيان عن اللي صار بحياتك..جحاليا انت عم تشعر بالوحدة العاطفية..لازمك زواج.. و الوحدة المعرفية..يعني ما حدا معبي عينك يناقشك..الخلاصة انك عم تفتقد لهدف تستثمر فيه كل معرفتك.. اذا التدريس ما كفاك فلازم تبحث عن التطبيق للعلم اللي عندك...انا ما باعرف شو نوع العلم اللي عندك..بس اذا بتحب مجال محدد من العلوم باشجعك على الترجمة بهالمجال لانك بتحب اللغات...الله الموفق
-سوريا
واقعي2015-07-12 09:59:54
عادي
عادي معلم نصيحتي الك لا تحسس العالم انك شغلة مميزة عنهم و تشوف حالك بنفرو منك مهما كنت عبقري ساير العالم كون مع المثقف مثقف و مع ابو الاركية ابو اركيلة و بالنسبة للبنات شوف طبيعة البنت ازا بتحب تجاملها و تلف ودور عليها عاملها هيك ازا بنت بتحب الوضوح كون واضح بالمختصر خليك حرباية لتعيش بهل غابة و حكي عن تجارب ....بالتوفيق
-تركيا
ام حمزة2015-07-12 08:54:25
شوبكن!!!
عيش حياتك متل ما انت متل ما ضميرك وقلبك بيرضى, أما الفقرة الاخيرة,, في نساء ما بدهن من الدنيا الا استقرار ووعيشة طيبة وعيلة وهاد بيكفيها بغض النظر الرجال كيف, وفي بنات بدهن حدا مثقف تلاقي دايما عندهن احاديث تحكيه هي وياه ومتطلباتها ما اكتر من هيك, بس كمان انت بالمقابل لازم تعيش الواقع الحياه موكلها كتب واسطر ومثاليات تقبل الاخرين متل ما هنن ... النقطة المهمة يلي قالها الاخ قتيبة صحيحة , اللي عندك اعراض اكتآب راجع طبيب نفسي وصدقني بتتحسن وقبولك للاخرين
-سوريا
ام حمزة 2015-07-12 08:44:25
شوبكن!!!
ليش انت وقت كنت تقرأ كنت تقرأ للعامل ولا لنفسك ,,, هاي هيي الدنيا مو كل الناس امراء , بتلاقي الشعب 20 او 30 مليون شخص عليهن امير واحد وكم وزير وكم مسؤول والباقي كللللللهم عوام (عامة الشعب) ’’ هاد الوضع الطبيعي هي المشكلة بتصير بكل بيت ازا العيلة كلها منيحة بس واحد منهم طفش شوي ورفع مستوى ثقافته وقت يحاكي الباقيين ويحس انهم ما عم +يقدروا يفهموا عليه او يستوعبوا مخزونو الثقافي بحس حالو عايش لحالو, والباقيين ازوا زود العيار عليهن حبتين بيصيروا يحسوه شايف حالوا وهكذا!!!اقتنع بحالك متل ما انت ..
-سوريا
Advisory2015-07-12 08:12:56
المتعلم و المثقف
حبيبنا ,, ليس كل متعلم مثقف , الواضح انو حضرتك متعلم فقط مع احترامي
-سوريا
عليك الكثير عمله2015-07-11 20:04:14
الذكاء الاجتماعي
كل مسلماتك خاطئة، مثل ما تفضلوا الشباب، علم وثقافة يعنى احترام هذا خطأ، عليك القيام بما يسمى في السوق الماركيتنغ، بس لنفسك،أهم شي أن تحترم الاخرين حتى ولوكانوا امييين، وان تكون بشوشا، وأن تظهر اهمتما بالاخرين ومشاكلهم، بالاضافة الى ذلك عليك الاخيتار بين الناس، مش كل الناس ترغب بالعلم، القسم الكبير يهمه الشغل والفلوس والعلاقات الاجتماعية، يعنى عليك الاهتمام ولو ب 20 بالمائة من وقتك في مثل هذه الاشياء، الهدف من وجود الانسان هنا هو التفكير والحركة يعنى النظري والعلمي، انت ناقصك العملي
-سوريا
ابو جورج خيال الزرقة 2015-07-11 18:01:22
في شرخ باالموضوع
والله كيف زبطت معك مو عرفان معك شهادات عليا ومدرس الاف الطلاب وقريان الف كتاب وبخمس لغات ومستقيل وعمرك ٣٠ سنة بس . والله يمكنك اينشتاين هذا الزمان
سوريا
صاحب المشكلة2015-07-11 14:55:25
سوء تفاهم
يبدو ان معظم الاخوة و كالعادة لم يفهموا جيدا ما اعنيه...انا لا ابحث عن احد يحترمني و لا يهمني راي احد في شخصي...و كل مشكلتي هي السام و الملل من شعب كل حياته تدور في فلك ) فلان قال و قالي و قلتلو و شو قالو و هي وين رايحة و وين جاية و حط الاركيلة على النار * شعب لديه انترنت و بنك للمعومات في جيبه و يزداد جهلا بابسط الامور و انا درست في اوروبا منذ المرحلة الاعدادية و ازورها كلما اردت و في كندا حاليا و ليست مشكلتي اني اريد وظيفة او مال او احترام
-سوريا
Abu Ali2015-07-11 12:58:59
أصابني الملل والقرف من الثقافة الشفهية والغباء وثق
Your case will happen in any country. Smart people feel less appreciated. You should be happy that God gave you better intelligence. You should also understand that not all people are like you and you should learn to accept people as they are. Enjoy life. Cover your eyes if you live with the Blinds
-الدومينيكان
بيبرس2015-07-11 12:23:24
خلاصة الكلام
اللي بيعرف كتير بيتعب كتير !!!!!
-سوريا
عبدالرحمن2015-07-11 04:58:56
لو قريان كتب علم اجتماع
شكلك بالرغم من قراءة كل هالكتب.. ما صحلك تقرا شي يفهمك انو الانسان مخلوق اجتماعي.. وفي شي اسمو "ثقافة" عند كل مجتمع بتنعطى للشخص وبتتكون اثناء نشوءه.. المغالطات المنطقية كتيرة بمتجمعنا وبالحياة اليومية بس هاد مو يعني انك ما تعاشر وتخالط ناس وتحبن ويحبوك.. انا بعتبر حالي جدا منطقي وبقولو عني مثقف مع اني غير ذلك بس لأني بصحح دائما المغالطات بالنقاشات.. بس بالرغم من هيك عندي حياة اجتماعية ممتازة.. انت لو بتشوف حالك واحد من هالعالم رح يحبوك ويسمعو لثقافتك.. بس ازا شفت حالك متل هيك.. ما حدا حيسمعلك
-السعودية
نبوخذ نصر2015-07-11 04:17:33
مشاركة 2
نصيحتي لك: اترك الكتاب فكما ترى لم يجلب لك إلا الإكتئاب والوحدة. ابدأ مثلاً بالتلفاز وتابع بعض المسلسلات. المسلسلات تعتبر حل جيد لك لأنها شيء يومي وهذا يعطيك الإمكانية بأن تتعود عليها تدريجياً. ونصيحتي الثانية هي الرياضة. مارس رياضة فيها منافسة. فالمنافسة تعطيك الحافز على المثابرة ومتابعة التدريب. ومع الوقت وفي أحد سهرات الأرغيلة لامانع بأن تتحدث عن تفاهة المسلسلات وبياخة الممثلين ومياعة الممثلات لأنك ستجد من يشاطرك الرأي. المهم أن لاتتحدث عن الكتب والماضي والمستقبل والعلم. موفق انشاء الله.
-سوريا
نبوخذ نصر2015-07-11 04:16:50
مشاركة 1
بصراحة أنا توقعت تقول أنه عمرك شي ستين سنة. كيف لحقت تقرأ آلاف الكتب وتتعلم خمس لغات وتدرّس آلاف الطلاب وعمرك لسه ثلاثين سنة؟ إذا كان كلامك فعلاً دقيق فالحل موجود: شعورك بالإكتئاب والوحدة هو إيمانك الراسخ منذ الطفولة بأن الكتاب هو خير صديق. ولكنك إنسان من لحم ودم وكل انسان يرغب بمبادلة الآراء والمشاعر مع الآخرين, والكتاب ليس لديه مشاعر ليتبادلها معك. وبما أنك قرأت هالكم الهائل من الكتب خلال زمن قياسي فعالأغلب أنك تفتقد للمشاعر وبنفس الوقت فقدت القدرة على التواصل مع الناس ذكوراً وإناثاً. يتبع
-سوريا
حدا مو قاري ولا كتاب2015-07-11 02:15:42
شي بيرفع الراس
قسما بالله ضحكتني..بآخر هاللبل..انو عنجد مو مبالفة ..انك مرح هي بالانكليزي فني وبالألماني لوستيج...بس انو مين خبرك انو الناس لازم تحترم المتعلم يعني..كونك قارئ آلاف الكتب ..ما طلع معك ولا كتاب خبرك انو هالطبقية اللي عم تنادي فيها حظرتك شي تافه ولازم يلتغي من المجتمعات لحتى تمشي لقدام.انو اذا يعني حضرتك قاري كم كتاب .انو شو بدك يانا نركض قدامك نفتحلك باب السبارة.ولا بدك حيلا حدا بيدخن يطفي السيجارة ويوقف باستعداد لما بينذكر اسم معاليك. هدول 500 حرف قرأهون يتمعن يمكن يفيدوك أكتر من آلاف الكتب تبعك
-سوريا
يامن2015-07-10 16:28:18
سيرة ذاتية (مثقف)
أوافق فواز بما قاله تماماً,,إضافة الى أني أظن ان كل الراسلة هدفها الأربع كلمات الأخيرة :)
-سوريا
هايم....2015-07-10 15:27:27
متل حكايتك....
ما مر عليك كتابات الفيلسوف الدانمركي كيرغارد؟ الوعي شقاء الموت في العزلة أفضل من الاغتيال المتكرر في التعاطي مع الناس مافي حل رح تموت قهر
-سوريا
فواز2015-07-10 12:21:35
صديقي
صديقي العزيز ارجو منك ان تتقبل ما اكتبه لك بصدر رحب .الملاحظ انه غاب عليك الفرق بين مثقف ومتعلم .انت متعلم وحاصل على شهادات جانعيه لكن لم تحصل على درجه عاليه من الثقافه وهدا واضح من قولك لا أحد يقدر العلم.علما انك تعلمت لنفسك ولترفع مكانتك هدا الفرق بينك وبين الغير متعلم.بكل الاحوال انا اشركك الرأي بأن وطننا لايعطينا الحق الكامل والتقدير الكافي المناسب لشهاداتنا الت حصلنا عليها.انا ايضا احمل اكثر من شهاده جامعيه وادرس مادة تزويد المعامل والمدن في الطاقه الهربائيه.واتمنى لك دوام التوفيق
سوريا
alber2015-07-10 10:30:49
حل بسيط
هاجر .. هالشعب السطحي صاحب ثقافة ( قلّي و قلتلّو و مين قلّك) مصيره إلى الفناء .. و هالحرب اللي بلّشوها و ما عم يعرفوا كيف ينهوها هي بداية الطريق في بعثرتهم
-فرنسا
قتيبة 2015-07-10 08:00:33
حب الذات
من الواضح بانك تعاني من عوارض اكتئابية. الشعور بانك لا تتلقى الاحترام والقبول الكافي من قبل الاخرين ليس له علاقة بالثقافة التي تحملها. هذا الشعور ممكت ان يكون مزمن و ناتج عن اسباب تربوية تتعلق بعلاقة والديك بك. ان ترى نفسك غير مرغوب من النساء ليس سببه مهنتك بل طريقة تقييمك للامور وتوقعاتك من نفسك. انصحك الابتعاد عن فكرة البحث عن اعجاب الاخرين والجري وراء اعتراف وتقبل الاخرين لك. والبدء بتقبل نفسك كما هي بغض النظر عن الاخرين.
-سوريا
واحد فهمان شوي2015-07-10 04:43:06
أنت الحق عليك
ضخص متلك كان لازم يطلع أوروبا من زمان كونك تجيد خمس لغات.. وكانوا قدروك واحترموك وكان ممكن تتعين أستاذ جامعة.. مشان البنات فهنن بهمهم الظاهر وبس.. أنت لو كنت تلبس برنيطة وتطول شعرك وتربي دقنك وتعمل حالك مفلسف وحساس ومرهف كانوا طبسوا فيك.. بس لأنك جدي ودغري هنن ما بعجبهم هيك..
-سوريا