syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

خوفي  أن أبقى من دون أولاد جعلني حائر بين الزواج  والحرية ... انصحوني
اسأل مجرب

خوف ينتاب عدد لا بأس به من الشبان ممن هم في سن الزواج و يجعلهم متخبطين  بقراراتهم حيال الارتباط أو عدمه .


يقول "سمير" صاحب الرسالة عن مشكلته " أنا شاب مقتدر ماديا عمري 32 و لا ارغب بالزواج رغم انه لا ينقصني إي شيء فانا اعشق الحرية و السفر الدائم بشكل جنوني المشكلة اني خائف  ان اندم اذا وصلت ل 45 او 50 سنة بدون أولاد."

يتابع " فماذا اختار 1 : الزواج رغم إني من خلال معرفتي بنفسي متأكد أنني لن أكون سعيدا مهما كانت الزوجة مثالية 2 : الاستمتاع بالسفر و الحرية و عيش الحياة التي أحبها و لكن احتمال كبير اندم مستقبلا لعدم الزواج و الإنجاب لن أكون سعيد ايضأ ...انصحوني "


2015-07-10 01:30:20
شاركنا على مواقع التواصل الاجتماعي:



شارك بالتعليق
جالو 2015-08-13 12:11:10
تجوز و سافر
ازا مقتدر ماليا تجوز و خود مرتك و سافر فيها ... كتير رح تكون مبسوطة ... بس خبرها قبل مو تفاجأها
سوريا
عزيز اللزيز2015-07-29 16:47:54
ليش خايف يا سمير
اذا خايف تبقى بلا أولاد...اتبنى...الملاجئ مليانة...و شكلك بتحب السفر و البسط...أكيد بينبسطوا الولاد معك...شو انجلينا جولي و براد بيت أحسنن منننا بشي؟؟
-سوريا
بدون عنوان!نوان2015-07-25 08:24:07
بدون عنوان
بس بدي اعرف شو يعني حريه!! الحريه هي انت تكون مسؤول عن تصرفاتك . يجب ان تسال انك محتار بين المسؤولبه واللا مسؤوليه!! سؤالك ان دل ع شئ فيدل ع سطحيه
سوريا
عابد2015-07-21 09:35:16
نصيحه مجرب
صديقي انا كان تفكيري متلك. وللاسف وقعت بالمطب. صار عمري 47 سنه وللان اعزب. والان اتمنى لو كنت متزوج وكان عندي ولد يرافقني. الان العمر يتقدم ومظاهر الكبر بدات بالظهور. وارى اصدقائي يتمتعون باولادهم وانا وحيدا اعود للمنزل فالسفر هو من اولوياتي ولكنه اصبح ممل بدون رفيق الدرب. واهم نقطه الان هو ان خياراتي اصبحت معدوده وعلي ان اقبل بالموجود وليس كعمرك انك تستطيع الاختيار. الحق نفسك واتزوج قبل ان تندم فمشاكل الحريه افضل من مشاكل الوحده مع التوفيق
-النمسا
ام حمزة2015-07-20 10:24:01
رأيي الشخصي
اذا انت مقتدر وبتقدر تتزوج وتكمل انت ومرتك بنفس نمط الحياه من الحرية والطلعة والفوتة فأحسن شي بتعملو بحياتك انك تتجوز واتفقوا الولاد لبعد سنة واطلع انت وياها قضوا سنة بن بيت وسفر وبسط وبتلاقي حالك مع الشريكة احلى عالم, وبس تجيبوا ولاد, ولدين وصلى الله وبارك , بتتربطوا كم سنة ليكبروا شوي وبتكملوا انتو وياهن باذن الله, ما في شي بيمنع , ويلي اولو شرط اخرو سلامة اتفق انت وزوجتك او خطيبتك انو انت بتحب السفر بتسافر انت وياها وارقات انت ورفقاتك, وصدقني ح تلاقي رفقتها احلى من رفقة العزابيةوبتنبسطوا
-سوريا
احمد صيني اصلي2015-07-16 15:12:17
انا كنت متلك
حبيب . نصيحة .. اتزوج وسافر انت ومرتك كم سفرة تغيير شكل وبعدها جيب ولد حيكون رفيقك من بعد عمر العشر سنين وما في ابشع منها لما بكون الفرق كبير يعني انت يالتلاتينات قادر تتحمل ابنك او بنتك ليكبروا بس بعد ما تدخل بالاربعين او خمسين يعني بتكون ظلمتهون هاد اذا ما صرلك شي وطبيت عالستين بكون هالولد ما شاف ابوه الا 10-15 سنة الله يبعتلك طيلة العمر
-سوريا
شاب سوري 2015-07-12 11:40:37
عيش ايامك
بكير لساتك صغير عيش حياتك وانبسط.
-سوريا
نسونجي2015-07-12 10:26:29
تجوز فوراً
لو ما تجوزت ممكن تستمتع بحريتك وسفرك كم سنة تانيين بس لو بعدين تجوزت بسن الأربعين أو بعد رح يكبروا أولادك وينادوك يا جدو بدل بابا, لا تنسى أنو في متعة انت ما بتعرفها بمشاركة الانسانة اللي بتحبها بسفرك وأبسط الشغلات اللي بتحبها ومتعة أنو يكبرو أولادك معك , فكر بمتعة أنو لما توصل للخمسين وتجوز ابنك وتحس بكيانك بدل ما تكون وقتها قاعد عم تدور على حليب وحفاضات للولد ويا بتلحق تفرح فيه أو ما بتلحق
-سوريا
باسل الأصلي2015-07-12 10:07:43
إلى صاحب المشكلة
بس نضجت فكريا بتتزوج لحالك...المهم انك ما تطول كتير لحتى تستعمل صحتك بزواجك و ما تاخد بنت بصحتها و انت ترتكي على جنب تعبان لانك اتاخرت بالزواج... تكوين أسرة سعيدة هو أكتر هدف بيعطي معنى للحياة... انت لساتك عم تلاقي عالم شباب تسهر و تنبسط معهم...بس صرت الاربعين ما رح ترضى بنات العشرين يرقصوا معك..انتي حتى رح تتعب معهم لانه صحتك ما رح تساعدك...احسب حساباتك و بس قررت طريق لا تتراجع عنه مهما كان اختيارك حتى لا تعذب حدا معك...
-سوريا
syrian2015-07-12 08:08:04
أنا مثلك
أنا عمري 38. متلك عندي امكانيات مالية جيدة بس ماحابب اتزوج. عايش مع صديقتي ومنسافر سوا ومبسوط. في ناس بتحب الزواج والأطفال والاستقرار. أنا بحب البسط والسفر والاستمتاع بالحياة
-سوريا
بيبرس2015-07-11 11:46:21
تجربة مشابهة 2
بس أنا ندمان كتير مع إنه مرتي ملاك بكل معنى الكلمة و عم تعمل المستحيل لتسعدني و بيت حماي ممتازين و اجتني بنت من 20 يوم ... بس لحد الآن عم قول لحالي يا ريتني ما اتجوزت و لا شلت مسؤولية مرتي و بنتي مع إنه بحبهن كتير !!! المشكلة إنه كتير عزابية بيفكروا متلي و متلك خاصة إذا كانوا عايشين بالبيت لحالهن لفترة طويلة ... نصيحتي إلك إنك تتزوج متل ما قال أرسطو : تزوج يا بني فأنت في كلا الحالتين نادم !!! العزوبية إلها مزايا و الزواج كمان والندم مفروغ منو و بتمنالك التوفيق من كل قلبي !!! !!!
-سوريا
بيبرس2015-07-11 11:40:11
تجربة مشابهة 1
رح احكيلك تجربتي وبعدها إنت قرر ... أنا شب مغترب بالسعودية معي شهادات من سوريا و أمريكا و الحمد لله دخلي عالي و ملتزم جدا و أهلي ساكنين بسوريا ... بس أنا بالغربة عايش ببيت لحالي و عايش حياة رائعة ... روحات و جايات و سهرات وعزايم وولايم وسفر وسياحة وكنت خايف كتير من الزواج بسبب المسؤولية و عدم تقبل فكرة إنه يجي شخص يعيش معي ويقاسمني بيتي ... بس من كتر ما أهلي ضغطوا عليي و بسبب حكي الناس اللي ما بيرحم ... جبت أهلي زيارة السنة الماضية و خطبولي و جوزوني و رجعوا على سوريا و كان عمري 30 سنة !!
-سوريا
فواز2015-07-11 05:41:31
ليكون صديقك ابنك
طبعا انت شجاع لصراحتك بالكتابه عن نفسك وهدا شيء نادر.انصحك بأن تتزوج وربنا يروقك بطفل أو طفله وسيكونوا اصدقاء لك بالمستقبل وستنعم بتربيتهم وتفرح بنجاحهم لان هدا انتاجك الخاص.طبعا بداية ستغير مجرى حياتك بالصبر لكن لن تندم صدقني.لانه لو تزوجت متأخر الاولاد سيكونوا مصدر ازعاج مهما كانوا لطيفين لاننا في سن متأخر نحتاج للهدوء ولاطفال اصحاب حياة كلها حركه فسيكون مصدر لعدم الراحه الجسميه والفكريه .ولكم القرار طبعا
سوريا
رجاء كاترينا 2015-07-11 04:56:28
استراليا
الأولاد تضحية كبيرة بالوقت والمصاري وكل شي . مبين مانك جاهز لتستقر خليك عماتفتل وتصرف : انا درت العالم بس بعتقد اول تجربة بالحياة بسط هي الأولاد والتانية السفر .
سوريا
زهرة2015-07-10 09:59:52
حمية وريجيم
اختي لازم تشوفي دوكتورة فهمانة انا كان وزني كبير شوية وخسرت بمدة ستة شهور 17 كيلو بدون مشاكل بس ترهل بسيط وشي طبيعي بس مع العلاجات والرياضة بيشدالجلد انا اتبعت برنامج مو قاسي بس كان منظم وبمواعيد مظبوطة وبالوزن وبدون ادوية منحفة او هيك شغلات وبجلسات متابعة كل اسبوعين مع الاختصاصية.لا تياسي بس تابعي حالتك وثابري الله يعطيكي الصحة والعافية.
سوريا
واحد2015-07-10 04:45:32
كل وقت والو حاجاته
أنت حالياً بعز شبابك ومالك مضطر ترتبط بمسؤوليات... خليك مبسوط لحد ال38 بعدين وقتها لازم تستقر جديا
-سوريا