syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

زوجتي مدمنة لعب الشدة و الموضوع صار فاصل لحياتنا ....أفيدوني؟؟
اسأل مجرب

لا يقتصر مساؤى الادمان على الشخص ذاته ولكن يشمل المحيطين به


يقول صاحب الرسالة "  لدي صديقة هوسها الشدة و قد أجبرت زوجتي على تعلمها حتى أصبحت مدمنة و أحيانا بالليل بتصير تهلوس بالختيار, الموضوع صار فاصل لحياتنا ....أفيدوني؟؟


2015-05-02 00:19:53
شاركنا على مواقع التواصل الاجتماعي:



شارك بالتعليق
نسونجي2015-05-07 11:02:19
مانها مشكلة
بربك هي مشكلة ؟ أنا مرتي هالكتني مشان اترك شغلي واقعد معاها بالبيت وكل يوم بتفتحلي مناحة مشان ضل لازق فيها فاحمد ربك أنها مشغولة عنك وما عم تنق عليك على الطالعة والنازلة انت بنعمة كبيرة
-سوريا
بيبرس2015-05-05 09:14:37
تعا نتبادل
يا زلمة حرام عليك ... انا اشتهيت اتجوز وحدة بتعرف تلعب شدة ...بس مرتي ما بتحب الشدة ... انت جاحد بالنعمة اللي عايش فيها !!!
-سوريا
شاب سوري 2015-05-04 15:25:52
لك ربي يجعلها اكبر مشاكلك
ههههههههههههههه خليها ملتهي بالطرنيب احسن ما تنشغل فيك اسمع مني.
-سوريا
باسل الأصلي2015-05-04 11:43:02
إلى صاحب المشكلة
إذا ما عم تقصر بواجباتها للبيت او الاولاد او تجاهك...فخليها تتسلى شوي..مع انه الحالة المثالية انه تتلهى بشي ينفع اكتر...بس خلينا واقعيين..اذا ما الك مراق بالشدة فحاول تلاقوا شي مشترك تعملوه مع بعض...و الافضل هو النشاطات الخارجية لانك بتضمن انك بعيد عن الشدة
-سوريا
همام2015-05-04 08:21:15
لك شكور ربك
لك شكور ربك لعالم بتدور دوارة عمراة بتعرف تلعب شدة
سوريا
مغترب أصلي2015-05-03 15:13:25
مالك غير تجيبيلها شريك يغيظها
موضوعك معقد جدا و ما بينحل إلا إذا قضيت على شرش المشكلة , واللي هيه رفيقة المدام الله يستر عليها , مالك غير تجبلها شريك يهزللها بدنها هز يخلليها تبطل تلعب طول حياتها ... وأين ذلك من الأخ غيث الذي يستطيع القضاء على تلك الفئات من الأصدقاء.... متواجد في الصيدليات أو عند أليسا
-سوريا
رامز2015-05-03 10:00:52
تزوج عليها
حبيبي عندك واحدة مهووسة روح تجوز 3 حسب الشرع صاروا اربعة وخليهن يفتوهااااا طول النهار وبهيك اربع نسوان بلتهوا بالشدة وبتعيش ملك احمد بربك هاد مو هوس هاي نعمة انوا ع الاقل مرتك في شي شاغلها بالبيت مو برا البيت لاسمح الله مع تحياتي
-سوريا
ام حمزة2015-05-03 07:33:07
الحق عليك
لو انك معبيلها حياتها بالكامل ومانك ملتهي عنها ما كان لحقت تتعلم هالشي ,و والاهم من هيك انو صديقتك هيي يلي علمتها !! والله يلي عايش بهالانفتاح لحق لقلك ,,, فعلا متل ما قالو الشباب قبل اتفق معاها كب الشدة بالزبالة وعبيلها وقت فراغها والله المستعان
-سوريا
مستهجن جدا2015-05-03 06:07:23
ضحاك بعبك
لك يا زلمي ضحاك بعبك , انا مرتي ما الها شفلة غيري انا, حليق دقنك و قص اضافيرك وقص دقنك و و و و و...... وين رايح ووين جاي وقعود معي ..نياااااااالك
-سوريا
سوري وافتخر 2015-05-03 00:19:15
هينة
بشرفك هي مشكلة روح معا ودب حالك بين هالنسوان وع تريكس واربعمية وعمرو ما حدا يورث
-سوريا
ساسوكي2015-05-02 20:22:34
بسيطة
الشدة احسن من الشطرنج وهية بتهودس بالختيار وانتة هودس بالبنت لحتى تغار وتبطل
سوريا
فواز2015-05-02 07:43:47
ليكون اهتمامك بها
ليكون اهتمامك بها اكثر وقلل من وقت فرغها .ادهب معها الى المسرح أو السينما او الى احد المقاهي واجعل الوقت الفارغ خارج البيت بدليل اهتمامك بها .زوروا اهلكم واصدقاءكم اكثر.ادهبوا الى حديقة الاطفال شيئا فشيئا تبسى الشده لعدم وجود الوقت المهم زد اهتمامك بها لكي لايكون القت الفاغ عندا ممل لان هدا دليل كثرة القت الفارغ الممل
سوريا
خنفورالمتيس2015-05-02 01:14:29
تهلوس بالختيار
يالطيف شو في ناس ناكرة النعمة..يا زلمة اشكر ربك ألف مرة: أولاً إنها مهووسة بالشدة مو بشي تاني..تانياً تهلوس بالختيار مو أحسن ما تهلوس بالشب أو البنت لا سمح الله..بعدين بتساويك جوكرو بتطرنبك بالجويزة
-سوريا