syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أكبر مني 22 عاماً و يردني بالحلال و لكنني خائفة من ردة فعل أهلي ... ماذا افعل؟
اسأل مجرب

فارق العمر .. هل يكون مشكلة يعاني منها المقدمين على الزواج؟؟


تقول صاحبة الرسالة "  انا بنت عمري 20سنة وحلوة الحمدلله و مو ناقصني شي بشهادة الكل.. من فترة دكتوري بالجامعة اكبر مني ب 22 سنة بس مو مبين عليه العمر ابدا صار يتقرب مني ويحكي معي كتير و اعترف لي بمشاعره اتجاهي وانه يريدني بالحلال.."

تتابع  " هو  انسان محترم ومثقف وفهمان الدنيا صح والكل بيشهد بأخلاقه  وكل الناس تحبه  و قلي لو ما اخدتك انا ما باخد بنت تانية ..مش ناقصو اي حاجة و عنده  استعداد يطلبني من اهلي فورا .. بس خايفة اهلي ما يوافقو عليه وانا مش عارفة شو اعمل .. عم بتعلق فيه كل يوم وبخاف لو اهلي قتنعو اني ما انبسط معه ... ".


2015-04-12 00:42:27
شاركنا على مواقع التواصل الاجتماعي:



شارك بالتعليق
sasoky2015-04-29 10:31:57
هادا دكتور عميراهق
لاتردي عليه
سوريا
رهام2015-04-28 09:40:32
العمر ليس سبب للرفض2
وموضوع انك تنبسطي هاد شي لا يمكن تتنبأي فيه سواء مع واحد اكبر منك بيوم او عشرين سنة لانو أد ما تعرفتي ع الشخص , بيبقى الزواج شغلة مجهولة ما بتتكشف الا ع العشرة , ومين ما كان يكون الشخص يلي بيتقدملك ما بتقدي تتنبأي بمستقبلك معو .. الله يوفقك
-سوريا
رهام2015-04-28 09:37:13
العمر ليس سبب 1
بعمرك ما تخلي العمر هو السبب يلي مشان بترفضي الزواج, خبري امك وامك بتتكفل تخبر ابوكي بموضوع , عم تقولي عنه استاذ او دكتور عمرو بالاربعين يعني واعي تماما وبيعرف شو بدو كتير منيح, وانتي حاسة حالك قبلانة ورضيانة هاد لحالو سبب لحتى تقدمي بدون تردد , خبريه انك رح تخبري امك واتركي الباقي عليه ما ح يكون متلبك ومانو صغير كوني اكيدة توكلي ع الله وتالله يوفقك , واهلك ما ح يعترضو ع العمر كوني واثقة, بس يسألو عنه ويعرفو سمعته ويوثقو من انو بيستاهلك رح يوافقو, وموضوع انك تنبسطي هاد شي لا يمكن تتنبأي فيه
-سوريا
نور2015-04-23 17:04:34
انت محظوظة
اذا كان قلبك بيحبه وطبعه قريب من طبعك اتبعي قلبك فالحب اكسير الحياة ويصنع المعجزات ويتجاوز كل الفروقات بعدين الفارق بينكم عادي جداً وهالشي لصالحك برأيي مو ضدك فلا تتردي
-سوريا
أبو محمد2015-04-19 08:09:06
كلام العقل
إذا عاقل وراقي ورح تظلي تشوف حالك عنده ويدللك أحسن إلك من شب بعد الزواج يشوف حالو عليكي وعصبي والضغوط كتيرة عليه. إذا عشرته طيبة: هادي+ مستقر+متدين+ مهذب لاتضيعيه من أيدك،وحب مابعد الزواج (العشرة) أهم وأصدق. بعدين واحد كون نفسه ويقدر المرأة والأسرة ويحس بالمسؤولية أحسن من واحد مستعد يموت كرمال يهاجر،وأحسن من واحد بيضربك ليش هيك حكيتي مع أمو وليش السكر قليل بالشاي وبيضرب الطفل وبيعيشك معاناة، صعب جدا بهالوقت تلاقي شب هادي وبيستاهلك، بعدين هالرجل مش ختيار لساتو شب
سوريا
فواز2015-04-19 05:48:07
فارق التفكير
صديقتي انا اكتب لك عن تجربه .زوجتي عمرها26 سنه وانا عمري 59سنه متزوجين من 5 سنوات ومرتاحين جدا مع بعض حتى في العلاقه الجنسيه.لكن لابد من التفكير بالعلاقات الاجتماعيه حيث يختلف الوعي الثقافي وهدا متعب جدا لان القدره على التفكير من خلال الخبره في الحياة لاتنطبق بين العمرين.وكدلك طريقة التفكير ونمودج الحياة.لاتسرعي بالامر فكري جيدا
سوريا
Jack2015-04-17 01:13:27
لا
نصيحة لا واوعك اكبر خطاء بتعمليه ورح تندمي عليه .روحي حبي وحدي يلي بتحبيه لو ما معو قرش
سوريا
صوص حامل قنبلة2015-04-16 17:42:53
عمرا 20 حلوة و مو ناقصها شي
لا يا ستي ناقصك كتير .. و هالكتير هو خبرتك بالحياة . يعني حياتك هي حياة أي طالب جامعي : درس .امتحانات . طلعات مع الرفاق لتمضاية الوقت .المصروف من راتب البابا و الماما . لاء و قال شو عشقت استاذها بالجامعة..كلنا عشقنا لما كنا طلاب جامعة (بس مو أساتذتنا) و ما قدرنا نتزوج اللي عشقناه لأنو بالنهاية خبرتنا بالحياة كانت عدم و اليوم هالأشيا بتضل ذكريات حلوة بعد اللي فهمنا الحياة .. اعذريني بس مشاعرك الحالية لا تتعدى مشاعر أي مراهق سوري.. متأكد أنو استاذك لو صارتلو بنت 15 سنة ما كان قصر
-سوريا
ناصح2015-04-16 07:13:40
الله الموفق
فرق العمر ليس مشكلة وفرصة مثل هذه الفرصة لا تأتي كل يوم والحياة فرصة والمجتهد يقتنصها وكثير من البنات بعمرك يتمنون هكذا عريس وقد تندمين بعد فوات الأوان فكثير من البنات اتتهم فرص وضيعوها ثم ندموا
-سوريا
باسل الأصلي2015-04-15 09:41:14
إضافة بسيطة
يعني لو عمرك 30 سنة و تقدملك هو نفسه و عمره 52سنة و كنتي حتسة انك بتحبيه بقلك خديه...بس الفرق ساعتها انه خبرتك بالحياة وقتها رح تكون عشر سنين اكتر...انتي كل خبرتك بالحياة هي مدرسة ثانوية و كم حفلة عيد ميلاد و خطبة بنت خالتك يمكن كانت أعظم مناسبة بتحضريها...الحياة لسا قدامك و قرار الزواج خصوصا اذا كان في تعقيدات ما بيتاخد الا اذا كانوا الكطرفين عندهم خبرة بالحياة...و إلا الفشل مصيره
-سوريا
باسل الأصلي2015-04-15 09:35:09
إلى صاحبة السؤال
الأهم من فرق العمر الكبير هو عمرك الصغير...انت لسا بالعشرين يعني لسا ما عرفتي حالك شو بدك بالدنيا و بصراحة انا ما باحترم واحد بيتصرف متله لأنه واحد بخبرته بيعرف انه وحدة بعمرك كتير من السهل يأثر فيها بكلمتين حلوين و سهل يحسسها بأمان بعمره و مركزه و ماله...و انتي أصغر من أنه تعرفي ضغوط الحياة و التعامل مع شريك الحياة.. خصوصا انه خبرتك معدومة بالرجال و في احتمال كتير كبير لما يصير عمرك 30 تحسي انه ما شفتي دنيا و انضحك عليكي و هو اخد بنت متل الزهرة و انت اخدت واحد لئيم و أناني
-سوريا
مستهجن جدا2015-04-14 18:29:58
انتبهي
ما رح حكيكي عن فرق التغكير لانه هاد شي بديهي, بس بحب قلك انه وقت يصير عمرك 35 سنة رخ يكون عمره 57 ورح يكون عاجز عن تاطية واجباته الزوجية معك , وانتي بتكوني اسا بعز صباك وعم تقولي انك حلوي وبالتالي رح تتعرضجي لكتير تحرشات من الرجال وقت يشوفو جوزك ختيار مكحكح
سوريا
bk2015-04-14 11:14:37
message to alber
how would you know that he will die before her!!!!??????
-سوريا
نوودي2015-04-14 09:02:44
فرق العمر صعبببب
نصيحة مابدك هالورطة انا شايفة بعيني من يلي حولي الرجل بس يصير بعمر الخمسين بميل للكآبة وبصير خلقو ديق وانت ح تكوني بعمر 30 وبعزك لح تلاقي فرق كتيير كبير بينك وبينو وح يبلش يحطمك حتي ماتطلع عينك لبرا ولاتنسي انه استاذ بجامعة يعني مارر قدامه قصص ع شعر راسه عن شباب وصباية بحبو بعض لهيك حينظرلك انه موعاجبك وح تطلع المشاكل نصيحة الحب يلي قبل زواج ماله طعمة فكري بيلي بعد زواج والحياة كيف ح تستمر والله يقدملك يلي فيه الخير
-سوريا
ربان السفينة 2015-04-14 06:32:06
فارق كبير جدا
لا أنصح بهكذا زواج . فكري بعقلك ولا تفكري بعواطفك، يمكن يكون الشب كتير منيح بس فرق العمر رح يخلق مشاكل نتيجة فرق بالتفكير وبس تكبري شوي بكون هوة صار ختيار وماعاد يقدر يغطي متطلبات الحياة الزوجية وفهمك كفاية
-الإمارات
عبدالرحمن2015-04-12 16:02:23
وجهة نظر
على فكرة ترى فارق العمر مش مشكلةأهم شي يكون في بيناتكن حب و احترام و ثقة اعملي استخارة و الله يختار لك الخير
سوريا
hassan2015-04-12 15:15:07
عادي
توكلي على الله وتزوجيه اذا كنت بتحبيه وهو يحبك هنا تكمن السعادة انا اكبر من زوجتي بعشرين سنة وحياتنا سعيدة جدا وعندنا اولاد وكل شئ على مايرام فاذا تزوجتيه مبروك سلفا والسلام
سوريا
حلب 2015-04-12 13:18:09
لا تاخذيه الا اذا كنت تفكري بالطلاق منه مستقبلا
هيك جيزه ممكن يكون مستقبلها الطلاق لانك رح تكرهيهه بعد 10 سنين لما تكوني بقمة شبابك وهو بدء يعجز تاني شي عقولكم رح تختلف بشكل كبير ورح تتفاجئي انه ما انتبه لامور هامة بالنسبة الك الفارق بيني وبين شزوجي او زوجتي 12 سنة وكلانا مثاليين ولكن لا نتفق كثيرا
سوريا
سارون2015-04-12 05:49:17
مبروك
احمدي ربك لاقيتي واحد يقلك بدي اتزوج ,,,, والرجال معبى يعني لح تنبسطي مبروك
-سوريا
alber2015-04-12 01:27:52
...
22 سنة فارق عمر كتير كبير بالمستقبل تذكري أنو رح يتوفى قبلك بزمن طويل
-سوريا