syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أحياناً تراها تحبني كثيراً وعلى أتفه الأسباب تطلب الطلاق وأنا أستنفذت كل الحلول .. انصحوني
اسأل مجرب

المزاجية مشكلة تصيب العديد من الأشخاص مما يولد الكثير من المشاكل و الحساسيات لهم و للأشخاص المحيطين بهم .


يقول صاحب المشكلة " ما هو الحل مع زوجتي تراها أـحياناً مغرمة بي لدرجة الموت و مرة تراها تموت مني "

يتابع لنا " و أنا دائماً بمشاكل معها وعلى أقل سبب تافه تصبح عصبية و تطلب الطلاق و بيننا أطفال وأنا استنفذت كل الحلول معها .. انصحوني ما الحل ؟ "


2015-04-01 01:06:32
شاركنا على مواقع التواصل الاجتماعي:



شارك بالتعليق
رجل واقعي 2015-04-07 14:18:42
بدا مصاري
ما يكون بدا مصاري وعم تضغط عليك ...لا تفرجيها إنك متعلق فيها ونصيحة إهملها وكتر زيارات لعند أهلك وإخواتك وإهتم بحالك شوي وراح تشوف كيف راح تتغير.. عندي أخي مرتو وأهلها ما خلو معو ولا ليرة وكل شوي مرتو بتعملو مشكلة وبتطلب الطلاق فراح طلقهاوهلق عم تبوس الرجلين والايدين لاترجع بعد ما شافت معاملة أهلها كيف تغيرت معها . طبيعي وبيبحوها لما بتكون غنية مو لما بيزتها زوجها بوشون
-سوريا
واحد ناصح2015-04-07 14:05:06
ياحرام الاولاد شو هالجو اللي عايشين فيه
بنت العيلة ما بتتمرد على زوجها, هالحركات ما بتتطلع إلا من وحدة بطرانة وما بتحترم زوجها وأولادها. الله يعينك ويكون معك ومعهم لانو الأولاد إلهم الحق يعيشو بجو عائلي مع أبوهم وأمهم بلا مشاكل وشنشطة . هددها بالطلاق وخليها تشوف حالها اذا فيها تتزوج مرا تانية واذا في حدا راح يتحملها ويجيب ولاد من هيك وحدة,
-سوريا
مغترب أصلي2015-04-05 08:33:25
عادي
عادي .. عادي هي تركيبة النساء تسلملي عينون .. ازا عم تدور ع حل .. فبدي قللك .. ما في حل ... و هاد الحاضر
-سوريا
laha2015-04-04 07:32:50
laha
شو مفكر حالك متزوج امرأة آلية ،عفكرة لو كانت خادمة بالبيت رح تتصرف احيانا بمزاجية ، هي لحم وبشر ،والحياة كلها تغيرت وصارت مصممة لتهلك البشر ، ظروف الحياة والامكانيات الموجودة مابتخلي الانسان يشعر بالرضة ، الحياة تعقدت كل يوم بتسمع بخبر جديد وبقصص جديدة بالاوعي تؤثر على السلوك،
-سوريا
أبو الريان2015-04-02 17:22:43
استنفذت الحلول
ياريت نورتنا أخي صاحب المشكلة وكتبت شوي عن الحلول التى حاولت بها مع زوجتك المزاجية، رأيي ان تراقب الحالات التى تحبك فيها وكذلك الحالات التى تكرهك فيها، إذا وجدت شي ملموس ومتعلق بسلوكك انت فحاول تغيرو، إذا كان السبب من زوجتك فابتعد عنها بعض الشي، روح تمشاي، روح لعند رفيقك، اذهب للقبو، طلاع عالسطح، يعنى ابعد عن وجها، وإذا لم تنجح في يبقى الحل الاخير وهو ان تسألها ما علتها
سوريا
خبير2015-04-02 13:29:35
رد عن خبرة
يجب على الرجال أن يفهموا أن للنساء تركيبة عقل مختلفة تمام عن عقولنا. لذلك لا تحاول ابدا تفسير تصرفات المرأة ولا تجادلها ابدا وخصوصا وهي معصبة. الحل إنه كل ماعصبة وطلبت الطلاق قلها ماشي أنا راح جيب الورقة تبع الطلاق وعبيها واطلع من البيت. وتأكد بس ترجع راح تلاقي إنسانة مختلفة تماما. مرور لوقت والتجاهل هما أفضل حل لأي مشكلة.
-سوريا
دمشقي عتيق2015-04-02 13:18:12
قناعة شخصية
عندي قناعة انه كل النسوان العربيات نماريد. و قابضين حالهن زيادة عن اللزوم
-سوريا
واحد عامل حالو فهمان2015-04-01 22:49:52
مشاركة
على الاغلب زوجتك عم يصيبها نوبات غضب والشغلات التافهة اللي عم تقول عنها بتذكرها بمواقف بتكون صايرة معها و مضايقتها من قبل منشان هيك بتعصب، والأفضل استشير مختص على الأقل منشان تقدر تحافظ على أسرتك وولادك
سوريا
واحد عامل حالو فهمان2015-04-01 22:47:09
مشاركة
على الاغلب زوجتك عم يصيبها نوبات غضب والشغلات التافهة اللي عم تقول عنها بتذكرها بمواقف بتكون صايرة معها و مضايقتها من قبل منشان هيك بتعصب، والأفضل استشير مختص على الأقل منشان تقدر تحافظ على أسرتك وولادك
-سوريا
مجرب2015-04-01 21:01:50
اسمع النصيحة
مالك غير تحكي لأمك لأنو مأبيصير بالرجال هيك إلا لما بيبعدعن أهلو ,فابتستقوا عليه مرتو وبتسترجل عليه وبتطلب الطلاق,مافي مرا بتحب زوجها بتطلب الطلاق ولما بتفكر إنا بتموت فيك بيكون بدها شي منك وعم تمثل عليك,فكر جديا بطلاقها وخليها تشوف حالها اذا راح تلائي عريس يقبل فيها.والأولاد أحسلهم بلا مشاكل والله يكون معك أهلك مالك غيرهم وبلا ظلم المرا
-سوريا
ابو ليلى2015-04-01 18:12:34
العين بالعين
وانت كمان على اتفه الاسباب قلها رح اتجوز عليكي
سوريا
رجل خبير 2015-04-01 12:08:10
الحل سهل طلقها
طلقها يا أخي ، والله يعوضك أحسن منها
الأردن
نسونجي2015-04-01 08:15:26
طنش
طنش , هي مرتك شكلو عقلها جوزتين بخرج وعواطفها مخربطة
-سوريا
سنفور 2015-04-01 08:02:16
حل منطقي
مالك غير تتزوج عليها مرة ثانية و يمكن تنحل مشكلتك أول ماتسمع زوجتك بالموضوع .
-سوريا
نفس المصيبة2015-04-01 07:27:03
شغلة مضمونة
أخي احيانا ما منعرف قيمة الشغلة حتى نفقدها منشان هيك سيطر عالامور و بعدها عنك فترة اسبوع او اكثر وكانكم حا تطلقوا وبالعامية حرّدها, لازم تصل رسالة انذار فصل نهائي ليشد الهمة واذا ماشدها بيكون ما بدو ياك اساسا
-السعودية
رهام2015-04-01 06:24:44
افهموا النساء
يا جماعة والله النساء طيبات القلب , لكن ما حدا فيكن بيقدر الضغوط والمسؤوليات اللي عليهن , اذا كانت غير موظفة تظننون انها قاعدة بالبيت ما وراها شي , وان كانت موظفة فالله اعلم بحالها,, اهم شي تحطو حلقة بادنك وقت مرتك تعصب انت ما تعصب معها تحملها يا اما لتسكت يا اما حاكيها برواااق (لكن ليس ببرود) وان قالتلك طلقني اهم كلمة تقوللها ياها انو تفهمها انو انت ما بتستغني عنها ... ببساطة هيي بتقول هالكلمة لحتى تحس باهميتها انو لو غابت عنك كتير اشياء رح تختلف
-سوريا