syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

مغترب ولا أنوي الزواج من أجنبية و كل وسائل التواصل الاجتماعي لا أقتنع بها ... افيدوني
اسأل مجرب

بعض الشباب العرب و رغم اغترابهم عن البلد يفضلون الارتباط بفتاة عربية و لكنهم يفتقرون في أغلب الأحيان للوسيلة التي تجمعهم بها.


يقول صاحب الرسالة "  انا شاب سوري مغترب عمري 31 عاما وانوي الزواج لكن لا استطيع السفر إلى سوريا ولا ارغب بالزواج من أجنبية "

يتابع لنا " لذا وجب الزواج عند بعد عن طريق وسائل التواصل الالكترونية كإرسال صورة للفتاة او برامج الدردشة التي لا اقتنع بها ولا حتى الطرف الآخر ولا اعتبرها كافية لاتخاذ قرار صعب كالزواح الرجاء مساعدتي من واقع تجاربكم وخبرتكم " .


2015-04-01 00:59:09
شاركنا على مواقع التواصل الاجتماعي:



شارك بالتعليق
حمودة2015-05-10 19:25:11
وجهة نظر
حاج كل واحد يبيض ع الزلمة .. انا هون ليكني عبدور من سنتين بالمانيا .. كل بنت سورية اهلها عاملينها بازار و اول شغلة بيقلك انا ما حطيت عليها 10 الاف يورو كرمال تاخدها ع البارد المستريح و بطالبك باضعافهن .. يا رجل صراوا يتاجروا ببناتهم وكلو كوم و جماعة يلي ما بدهن يجوزوا بناتهم كرمال الراتب يلي عبتعطيه الحكومة الهن عليها !!
-ألمانيا
hayat2015-04-09 20:04:41
ابحث
اخي الكريم هناك الكثير من المغتربات لاجل الدراسة وهنن بنات حلال وطيبات.. لهيك ما بتشوفهم لانهم منشغلين بدراستهم او عملهم ولا يحبون الاختلاط تجنبا للمشاكل وخاصة بالغربة ونتيجة الوضع الحالي وصدقني ان بحثت بجد ووضعت الله نصب عينيك ستجدها..فاسال من حولك من الرفاق والعائلات والله بوفقك ان شاء الله.
-سوريا
باسل الأصلي2015-04-07 08:52:10
إلى 4554
بالنسبة لسؤالك عن الانتماء السياسي..حاول تنظر للموضوع بموضوعية...اعتبر الانتماء السياسي جزء من شخصية البنت...متل اذا بنت متعلمة أو لأ , بتشتغل أو لأ... حساسة أو مرحة أو عفوية أو أو... بالأخر مسؤوليتك كرجل أنه تعرف أنت شو بتريد و شو ما بتريد...اذا بتتحمل الاختلاف السياسي لالها و للي حواليها و قديش هي متشددة بانتمائها...خدها..اذا ما بتتحمل انت أو محيطك الاقرب انتمائها السياسي لا تعذبها و تعذب حالك و اللي حواليك...خود حسبك الله و الشغلة قسمة و نصيب.. شغلة السياسة كانت بالخمسينات و هلق رجعت
-سوريا
مغترب2015-04-07 07:17:47
نصيحة
إن الشباب العربي و السوري متخلف و لا يندمج مع المجتمعات المتحررة!و هذا يعتبر فشل آخر بوجهة نظري! لو كانت البنت السورية تحبكم لكانت قبلت بالنصيب و تزوجتكم قبل رحلة السفر و التعتيير أو التشرد! فلماذا ننظر إلى الخلف؟و البنت أو أهلها غير مستعديين للتضحية و لا بنسبة 1 بالمية لسترة المجتمع و تحصينه! معظم الشباب السوري مكافح و شغيل و لو وجد الحب و التكافل و الحنان لما فكر بالسفر أصلاً! أنا برأي على الشب أن يتزوج اي بنت مقتنعة أحبتك على وضعك الحالي أحسن من أي فتاة تبحث عن الذهب و الألماس
-سوريا
احمد2015-04-06 04:50:07
الجوية بأنتظارك
حبيبي اقتنع بطرق التواصل والا اخرتك تنعفط من حاجز وانت وحظك ويا تطلع بقدرة قادر او تطلع بصور مسربة من فروع حماة الوطن
كرواتيا
455452015-04-06 01:00:34
الى باسل الأصلي و الشباب
سؤال فني هل يلعب الانتماء السياسي دور حتى في اوروبا في ايجاد شريكة أو شريك المستقبل يعني لإيمت الناس بدها تكبر عقلها حتى بأوروبا وبلاد الحرية كم اكره هالكلمة يارجل رغم طعمها الحقيقي الأصيل...
-سوريا
باسل الأصلي2015-04-05 08:48:25
إلى صاحب السؤال
يا زلمة قلة سوررين مغتربين بالخارج؟! السوريين اللي برا صاروا اكتر من اللي جوا و بنات السوريين المغتربين ما عم يلاقوا سوريين يتزوجوهم...ما باعرف بس شكلك ما عم تدور منيح يا ما بتعرف وين تدور يا شغلك أخد كل وقتك..
-سوريا
مغترب2015-04-04 20:13:28
نفس الفيلم
أنا أعاني من نفس القصة, عم دور عل ى بنت حلال للزواج, النزلة على سوريا صعبة, وكمان لازم تشوف البنت تحكي معها..... إذا صار توافق وإتفاق كان بها و إلا .. كله نصيب, بألمانيا صار في سوريين كتيير, بس بدو الواحد وسيط بهل الأمر..... على كل, الله كريم, إلا ماتظبط شي يوم إن شاء الله
سوريا
الكذاب الاشر2015-04-04 14:46:09
ياابو غروبي
الزلمة عم يقول هوي باوروبا وانت بتقلو عغروبك اللي بتركيا ليجيب مرتو من تركيا عاوروبا بدها معاملة الله مولاها بقا حلك فاقس
-يوغسلافيا
ادمن غروب زواج للسوربين في تركيا2015-04-03 20:24:06
حل مشكلتك بغروبي
مالي عم روج لغروبي بس والله هاد المشروع عملته لخدمة الناس المغتربين السوريين خصوصا بلشت فيه على مستوى تركيا و بعد نجاحو طورت الفكرة لصار على مستوى دول العالم كله اخي جرب شوف الغروب و جرب حظك و كله نصيب وعلى فكرة اذاعتين كبار استضافوني و حكو عن الغروب و انا بعرف ناس شخصيا استفادو منها و بزواج ناجح اسم الغروب عالفيس دلة و خطبة و زواج للسوريين في تركيا
تركيا
Syrian2015-04-03 10:27:24
Immigrant marriage
Please take these words and keep them in your ears. Never marry from back home. A lot of Arabic women once get married and after having kids, they will seek divorce and possibly go on welfare. Several marriage has been destroyed because the Arabic women once she get the citizenship will turn to a different person and would make you pay. Marry from the same country you live in. Check out the mother in law. Daughters will turn to behave like their own mothers. Best of luck.
سوريا
نوار 2015-04-03 03:14:23
تجربتي الشخصية
بحكيلك باختصار شديد تجربتي الشخصية ، نفس حالتك ورغم وجود سوريين ببلد الاقامه يلي انا فيه بس بيبقى موضوع الزواج مو سهل ابدا خاصه اذا كنت عبتحبث عن زوجة بشكل عقلاني وواعي ومناسبه الك بكل شي ، المهم والدتي بحثت عن البنت المناسبه وخبرتني بالموضوع ، تعرفت على البنت على الانترنت وخطبتها وكتبت كتابي ( طبعا هالشي بسوريه وبدون ما اكون انا موجود ) اهلي واهلها يعني ، وصارت شرعا زوجتي علما اني ما شفتها غير عالانترنت فقط ، وبعدها سفروها لعندي والتقينا اول مرة بالمطار وانا الان اسعد واحد بالعالم
سويسرا
المظلومة2015-04-03 02:53:17
طيب بتسمحولي بكلمة ؟؟؟
أنا وحدة من الناس تقدملي شب محترم بكل معنى الكلمة وجاء ليخطبني من اهلي بكل أصول وادب والشخص كان عايش بالإمارات والآن مقيم بالسويد وماشاء الله عليه ادب واخلاق وترباية وجمال وبالاخير بيقطعو بنصيبي قال شبيح ومع النظام مااااااااااا بطيق السياسة تبعكن وماشفنا من النظام ربع وساخة المعارضين يلي تهجرنا بسببهن من بيوتنا ليش لتقطعو بنصيبي مرتين بسبب هالعلاك المصدي لأنه الشب كان قوي الشخصية وناقشكم أنه مالو مع العهرة ومع الكر وأنه بيتمنى لو بترجع الأيام لسابق عهدها لمايترك سوريا يوم
سوريا
ملحد2015-04-02 23:37:14
له له
يا زلمة ليش الأجنبيه رح ترضى بفكر شرقي متخلف
-سوريا
ابو عذاب المغترب 2015-04-02 20:17:56
قتلتلي شو الحل
للاسف مافي حل غير فرج الله وتتحسن بلدنا ونخطب منها لانو هون باوروبا صعب تلاقي اللي بتكون عاهة بتصير بتطلب وتتشرط للاسف هيي نتائج الحرية اما البنات الاوروبيات سلامة عرفك وعرف اللي عم يقرو معروقين متل الوجبات السريعةفرد شكل ومواقع التواصل جربتها كلها كلها فاشلة دون اوبالاخص مواقع الزواج بؤر للعوانس والنساء المعقدين ممكن تروح عالجامع يلاقولك شي وحدة صومالية مع احترامنا الهم طبعا ولكل البنات المحترمات مع تمنياتي بالتوفيق للجميع وبالاخر هاد الموضوع من عند ربنا ولمن ربنا بيريد بيصير
-سوريا
أبو الريان2015-04-02 17:47:15
انتظر قليلا
اني خطبت عن طريق السكايب وما مشي الحال فتركت للاسف، اتضخ لى انه يجب ان أرى البنت وجه لوجه وأجلس معها لان الاتصال حتى على الانترنت مع صوت وصورة لايكفي، بالبدايةكنت كثير مبصوط بس بعدين لايكفي ابدا، لانه كان علي ان أتعرف على اهلها وأخوتها وخواتها وأقاربها وهم يريدون التعرف على، بعدين أوراق الزواج صعبة كثير ان كان بسوريا أو بالخارج في حال ما كنت انت موجود بسوريا. انت مازلت صغيرا بالعمر نوعا ما ويمكنك الانتظار سنة أو سنتين، حتى يبين الوضع في سوريا، بهالوقت حاول توفر قرشين وانشالله خير
ألمانيا
عبدالله2015-04-02 15:43:43
الأخ سوري مغترب
لا تستطيع التعميم فكلامك أنه السوريين منتشرين فقط في أوروبا أما في كندا و أميركا فهم قلة و عدد البنات قليل و من الصعب بالفعل و أهلهم (لا يقتلون حالهم لتزويجهم) إيجاد فتاة، وأنا شخصياً بحثت كثيراً في أميركا و كندا ولم أجد لغاية الساعة.
-الولايات المتحدة
سوري عايش بالغربه وتزوجت سوريه مغتربه2015-04-01 20:18:10
عيب
الى صاحب المشاركه--- معليش لا داعي لهيك حركه والاستخفاف بعقول القراء -- كلنا منعرف انو السوريين حاليا منتشرين بكل بقاع الأرض وما في اكثر من البنات والناس اتلين حالون لا يتزوجو بناتون لابن حلال .. ؟؟
-فرنسا
مغترب متلك2015-04-01 07:20:21
دوربتلاقي
اخي الكريم مبادرتك حلوة ونيتك صادقة باذن اللهو انا لا اعرف مكان اقامتك بس شكلك ببلد اجنبي واللي غالبا بيكون في جامع بالمنطة وهيك عن طريق الجامع أو تجمعات الجالية العربية الدورية واكيد حا يتفهمو وضعك
-السعودية