syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

كيف أتغلب على الحزن والهم في الغربة...ساعدوني
اسأل مجرب

سؤال يصاحبه حرقة و غصة بالقلب لكل شخص سافر و تغرب عن وطنه و أهله .


يقول"عادل"  صاحب الرسالة " كيف اتغلب على الحزن والهم الذي يصيبنا عند السفر والغربة...ساعدوني "


2015-03-06 02:34:55
شاركنا على مواقع التواصل الاجتماعي:



شارك بالتعليق
مغترب 2015-03-29 14:20:36
بسيطة
بسيطة اخي عادل. نزيل على سوريا كم يوم وشوف وضع البلد كيف. رح تبوس ايدك وش وافا عل الحالة يلي انت فيها. نصيحتي الك تاقلم مع وضعك وعيش حياتك وركز على شغلك واللغة البلد يلي انت فيها وخود جنسية البلد يلي مغترب فيها اذا قدرت. ونسالي هل العواطف يلي مابطعمي خبز
-سوريا
progame lord2015-03-26 14:17:46
progame [email protected]
مهما يكن دينه افضل شيئ يفيده ان يبقى على اتصال وتواصل مع خالقه وان يبحث عن الحكمة من وجوده في الحياة
-سوريا
مونتريا ل2015-03-22 19:06:24
الشغل~~~ الرياضه رائعه
الشغل~~~ الرياضه رائعه ~~ العطل اركيله او كاسه عرق مع تبوله وشنكليش ~~زيارة عائلات سوريه كمان احيانا نزله عالبار للتغيير الجو
-كندا
سليم2015-03-20 21:17:17
نصيحه
الى سامر معك 100% كرهتو العالم بالاسلام بسبب تعصبكم وتخلفكم. الى صاحب الرساله وضعي متلك انا عم العب رياضه واشتريت بسكليت ولقيت فتره ارتاح فيها من ضغط الحياه يلي كنت عايش فيه بالشام، بصراحه الجواب عندك انت شوف شوف ناقصك وفكر بايجابيه واعتبر حالك باجازه ولحالك بتشغل وقتك بشي يفيدك ويريحك.
-سوريا
Wadad2015-03-20 13:13:32
للغربه اوجاع لايحسها الا من عاشها
اخي عادل بعد التحيه قراءت كل من علق لك وحاول ينصحك فما وجدت احد مس جرحك ووجعك لئني انا اختك احس نفس احساسك وصارلي سنيين طويله وانا مفارقه اهلي وبلدي وعايشه وانكوي بنار الغربه الغربه تجدها بداخلك وليس بمحيطك تحس بها بروحك ولاتستطيع الهروب منها مهما عملت وحاولت صدقني يااخي من اشرب الماء احس بيه ليس به طعم ومن اأكل الطعام احس بيه ليس به اي طعم حتى الهواء يدخل لجوفي واحس بيه ليس هواي ياخي للغربه اوجاع لايحسها الا من عاشها اتمنا لك الصبر والاتاقلم مع محيطك واسال الله ان يفرج عن بلادنا
-أستراليا
sasoky2015-03-19 15:22:28
ولا يهمك
ارجاع عالوطن
سوريا
مغترب بمكة2015-03-19 12:23:21
سهلة ان شاء الله
حبيبنا صاحب الرسالة ، صرلي 5 سنين مغترب عن البلد والاهل ، تصور ما شفت اهلك 5 سنين ، المهم بعد تجارب واحباطات الغربة، افضل شي تنظم وقتك ، نام سبع ساعات باليوم من 11 بالليل للستة مثلا وحاول تصحا عصلاة الفجر ، بتتغير نفسيتك بشكل مو طبيعي ، شوية تمارين الصبح بعد الصلاة ونوع الاكل وكتر من الخضرة ،حاول لا تقعد وحدك واشغل نفسك بالصلاة والذكر والقراءة او الدراسة او اي نشاط بتحبو، هالشغلات بسيطة بس بجد بتغير النفسية جدا للافضل وبالاخير مشاعر الشوق وغم الغربة لابد منها وبدها صبر والله يصبرك يارب ويصبرنا
-سوريا
سامر 2015-03-19 08:50:34
تصحيح
قصدت تنصحوه ينعزل بالجامع و ليس بألحانه! عذراً للخطأ
-سوريا
سامر 2015-03-17 23:34:27
الى دعاة الاسلام
كل الناس ممكن تتعلم لغة او تلعب رياضة او يصير عندها رفقات و تندمج بالمجتمعات يلي عايشين فيها و أنتو عمتنصحوه ينعزل بألحانه او بالصلاة! عن جد شي ببحيرة بربكم...ليش مابيخطر على بالكم أنو ممكن يكون مانو مسلم؟! صحي طفشتوا اليهود و كل الأديان و فرضتم الاسلام بحد السيف والجزية بس في كتير سوريين مانهم مسلمين و كتير من المسلمين السوريين صاروا بيكرهوا الاسلام بعد يلي صار. عن جد عجيب أمركم!
-سوريا
مغترب ايضا2015-03-15 08:18:31
بسيطة
اول شي تعلم لغة البلد اللي انت فيها باي طريقة كانت وفي الوقت نفسه حاول ايجاد نشاطات لتمضية وقتك مثل ممارسة الرياضة, القراءة, اللعب ... حاول العثور او التعرف على اصدقاء جدد. صدقني اني طبقت ما اقول لن تشعر بالغربة والوحدة
-سوريا
مصري2015-03-14 00:51:01
الوطنمصريا لوطن
كما قال عبد الوهاب في اغنية جميلة \" ما دام الأحبة حوليا كل البلاد أوطان
سوريا
مغترب ومغرب2015-03-13 21:18:41
طنش تعش
اعمل مثلي اشغل حالك بالنوادي الرياضة كتير بتخلي تفكيرك ينتعش خاصة المشي والسباحة والساونا بتعملك انتعاش رائع واذا معك وقت كمان حاول بالدردشة بالنت كمان حلوه او الواتس ومتلها كتبر برامج دردشة وهيككككككككككككا
السعودية
سالي2015-03-11 12:07:31
اشغل نفسك
العمل .. ممارسة الهوايات المفضلة .. القراااااءة .. افضل حل لتنسى همومك هو ان لا تجد الوقت لتفكر بها ..
الإمارات
انتبه2015-03-11 07:43:57
اشرب و خلي الوطن يصير عندك
شوف عمي نصيحة مهمة مالك غير تشرب اي شي كحولي و اذا قلتلي حرام انا بقلك الضرورات تبحيح بالمحظورات مالك غير هييك سيد راسي
سوريا
أبوالعبد2015-03-10 18:40:29
وين السعادة
الحقيقة أنو مافي مكان محدد للسعادة..اللي بسوريا بيتمنو يطلعو برات البلد, واللي برات البلد بيتمنو يرجعو عسوريا واللي قدم لجوء ببريطانيا بيتمنى لو قدم لجوء بأميركا وهكذا. فالحقيقة أنو السعادة نحنا منصنعا بطريقة تفكيرنا حتى لو كانت بالحد الأدنى بسبب الظروف اللي عم نمر فيها. ولتتخلص من التفكير السلبي لازم تعبي وقتك بشكل كامل وترسم أهداف تسعى لتحقيقها ولاتركن للواقع اللي عايشو وأهم شي أنك تستعين برب العالمين
السعودية
اخخخخ2015-03-10 09:39:32
لك اخخخ
لا تشكيلي ببكيلك اخي .. كلنا بالهوا سوا وكلنا وجعنا وجرحنا كبير وحالتنا بتأسي ومشتاقين وملتاعين .. لا حول ولا قوة الا بالله
-سوريا
باسل الأصلي2015-03-09 18:23:12
إلى الأخ المغترب
إذا انت مغترب و عندك وقت لتحس بالاكتئاب..بانصحك تملي هالوقت بأنه تتعلم تعزف على شي آلة موسيقية
-سوريا
مغترب أصلي2015-03-08 08:03:12
بسيطة
الحل الرئيسي للمغترب و بالدرجة الأولى هية لعبة التركس , شوفي عليا , صرلا مغتربة الف سنة و لا بتمل و لا بتكن من التركس ....و لو مو قرايبي شريكها... كانت بطلت الإغتراب, جربي مبدئيا برتية الصبح ووحدة قبل العشا.. و صبرك الله على الغربة
-سوريا
نسونجي2015-03-07 13:58:44
إلى العزيز عادل
الغربة يعني أنك تبعد عن ذكريات جميلة أو حتى ما حلوة عشتها ببلدك ولحتى تحارب هالشعور لازم تبني ذكريات جديدة حلوة بالبلد اللي انت مغترب فيه واللي بيربطك فيه يعني متل الزواج والأولاد وأي عمل بولدلك ذكريات حلوة ببلد الغربة
-سوريا
خبير2015-03-07 13:43:19
الرجاء النشر
عليك بتقوى الله ان كنت غافﻻ ياتيك الرزق من حيث ﻻ تدري كلنا مغتربين وكنا عدنا نفس المشكل . الله يهدي الاوضاع في بلدنا ويرجع كل سوري وعائله سوريه الى بلده
-سوريا
باز2015-03-07 08:36:48
عيش حياتك
احسن حل انك تتذكر البلاوي والمصائب يلي كنت عم تعاني منها ببلدك قبل السفر وبهيك حاله بتحس براحه نفسيه واكيد سوف تستمتع بالغربه
أستراليا
أبو الريان2015-03-07 00:44:34
حط اهداف
أخي حط أهداف واشتغل عليها، أحد الاهداف التى يمكن ان نشترك بها هي جنى الفلوس وتوفيرها، هدف اخر مثلا تعلم اللغة للبلد أو اللغة الانكليزية، أو الحصول على شهادة سواقة وشراء سيارة، انقاص الوزن عن طريق الرياضة اليومية والاهتمام بالغذاء، التدريب المتواصل للمشاركة في جري الماراثون في مدينة كبيرة منك بعد سنة ... بس لا تزيد كثير من الاهداف وحاول تتقيد بالبرنامج اللى رح تضعه طبعا. وهيك بصير للغربة فوائد مش بس سلبيات
-ألمانيا
حياة2015-03-06 23:22:54
الغربة
اخي الكريم يمكن رح اكد على الذي قيل من قبل الاخوة الكرام، عليك بالتالي 1 التقرب من الله اكثر وقوم الليل رح تشعر بالراحة 2 اعمل متلي وتخلص من التلفزيون ببيتك 3 لا تقترب من السوريين الا من وجدت منه العقل والنصح ويعد عن السياسة 4 كرس وقتك واعمل اكثر في حال كنت عمتدرس او تعمل ورح تشوف نتائج مرضية 5 حاكي اهلك واحمد الله على سلامتهم كل يوم ولا تدور على التفاصيل 6 حاول تندمج بالمجتمع اللي انت فيه وانتسب لنادي لانه الرياضة بتحسن المزاج والله يوفقنا جميعا.
-فرنسا
حي بن يقظان2015-03-06 21:01:29
مضاد إكتئاب
أخي روح عالدكتور و خليه يعملك depression assessment يعني عالأغلب لح يطلع معك إكتئاب و في أدوية حديثةو فعالة و أعراضها الجانبية قليلة.
-سوريا
إياد2015-03-06 20:23:37
ناجي رب العالمين
عليك بالصلاة بجوف الليل...و مناجاة رب العالمين... , أيضاً نصيحة ابعد عن السوريين ذوي الرأي الواحد...كل كلامهون سياسة, سب و نكد و أرف...و الطرف الآخر دائماً على خطأ! حاول تبعد عن أخبار الموت! حاول ترفه عن نفسك بممارسة الرياضة و الاستطلاع و البحث عن الحقيقة! أنا مثلك, مغترب منذ 10 سنين, و لم أرى بلدي من 5 سنوات...و هنا في الغربة أشعر بالضيق الشديدو الحنين للوطن. , اتمنى الرجوع له حتى لو كان آخر يوم في حياتي...
الولايات المتحدة
أبو مريم2015-03-06 16:54:34
كن مع الله ولا تبالي
{أَلَا بِذِكْرِ اللَّهِ تَطْمَئِنُّ الْقُلُوبُ}
-سوريا
laha2015-03-06 15:25:55
laha
سر تخطي الشعور بالغربة هو تتعلم وتتقن لغة البلد اللي انت فيه ورح تشوف كيف رح تتغير حياتك بدل ما تحط ايدك ع خدك وتزعل ادروس واتعلم اللغة وبعدين اندمج بالمجتمع
-سوريا
واح2015-03-06 14:16:33
انسى
الشغل الكتير بنسيك كل شي وباوقات الفراغ ما الك الا الكاس والنسوان هدول بنسو اكبر هم
-سوريا
هشام2015-03-06 13:20:50
كلنا بالهوى سوا .....
إن وجدت سوري غير مهموم من الغربة أو ضغوط الحياة في هذه الأيام .... إن وجدته اسأله فسيعطيك الجواب ....
-ألمانيا
سورية مغتربة2015-03-06 12:03:58
روحانيات
حسب معتقدك الروحاني غذي روحك بالشي اللي بتحبه: دعاء, صلاة, تأمل, موسيقا كلاسيكية, الخ. حاول انك لا تقرا اخبار كتير عن سوريا وبعد عن اخبار النكد بشكل عام, شوف وين في سوريين روح اختلط فيهن و حتى لو ما عجبتك طريقة تفكيرهن, انت بدك تسمع الحكي السوري و تتونس فيهن ما بدك تربي الناس وتبرمجهن, انتبه للغذاء اللي عم تاخدو كتر شوكولا و موز و مكسرات و زيت سمك وفيتامين دال مشان ما يصير معك كأبة, انتبه لنوع الاضاءة, استخدم اللون الابيض القوي لأنو النور الساطع بخفف الكأبة. اختلط بالناس ولا تضل لحالك
-سوريا
مغتربة في امريكا2015-03-06 09:11:48
[email protected]
الى الأخ عادل انا ما اعرف اذا انت مسلم او لا، بس نصيحة من اخت لأخ انك تتقرب للمسجد و حاول ان تقضي وقتك فيه و شارك في الاعمال الخيرية. والله يا اخي سيتتغير نفسيتك الى الأحسن و تلقى و تتعرف على أحسن صحبة انشاءالله. الك التوفيق يا اخي
-سوريا
khaled2015-03-06 07:47:17
اطلع من الروتين
خلص شغلك واطلع غير جو روح السوق روح اندية شوف الشغلات الي بتحبها وكنت تمارسها من قبل الغربة واعملها بغربتك لاتعزل نفسك كون صداقات فتش عن السعادة رح تلقاها
سوريا