syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

يلعب تجار الأزمة دورا كبيرا في رفع الأسعار وأنا أرهقت كثيراً من المصروف ..ما الحل؟
اسأل مجرب

تخلف الحروب أزمات على كافة  الأصعدة  منها الاجتماعية و الثقافية  والسياسية و تعد الآثار الاقتصادية  ذات الاثر الأكبر و الأهم نظراً لانعكاساتها المباشرة على الشعوب.


يقول صاحب الرسالة "  تزداد المصاريف يوماً بعد يوم و تزداد معها الأعباء الاقتصادية علينا "

يتابع قائلاً " و في ظل هذه  الأزمة التي تعشيها سورية، يلعب تجار الأزمة دورا سلبيا كبيرا في رفع الأسعار مما أدى إلى رفعها أضعاف مضاعفة لدرجة أننا أنهكنا كثيرأ هل من حلول التي يمكن وضعها لمحاربتهم  ... "


2015-02-03 00:10:44
شاركنا على مواقع التواصل الاجتماعي:



شارك بالتعليق
خنفورالمتيس2015-02-27 16:30:34
مشكلك محلولة
اتطوع على شي حاجز دفاع وطني..جبهة نصرة..أي حاجز..بتقبر الفقر
-سوريا
بيبرس2015-02-09 10:58:47
شعب منافق و كذاب
في عام 2000 كان عدد الفقراء بسوريا حسب المكتب المركزي للاحصاء 3 مليون و في عام 2010 صار العدد 9 مليون ... والطبقة الوسطى نقصت 6 مليون ... هاد كلام جهة حكومية ... والشعب مبسوط إنه عايش على الفتات اللي بيتركوا النظام ونازل تصفيق ودبك وتطبيل وتزمير للنظام ... أنا تمنيت إنه تتأخر الثورة شي عشر سنين مشان يصير عدد الفقراء 15 أو 20 مليون بركي إذا جاع الشعب بينخفض مستوى النفاق والكذب عندو . بسنة 1969 زار رئيس اندونيسيا دمشق وقال سأجعل جاكرتا مثل دمشق .. شوف وين جاكرتا ووين دمشق وانسوا الثورة !!!
-سوريا
سنفور غضبان2015-02-08 12:58:46
أنا أكره سرقة الاسماء
مقاطعة.. ببساطة.. ولو بدنا نصفى عالخبزة.. التاجر مابينقرص الا من مصرياته. ومصرياته بضاعة.. خلليها تبات عنده يعني تقشف لآخر الحدود. هيك هيك ماعم نخصل غير أكلناوشربنا بآخر النهار.
-سوريا
:(2015-02-05 22:11:02
بعين الله
هلئ بزمتكم بوجدانكم قبل ماتقوم الثورة المزعومة كيف كانت اسعار البلد من المازوت للكهربا للخبز الخضرا الضرايب وغيرو وغيرو حتى السيارات المحلية أديش رخصت قبل ماتقوم هالفوضى بقى بلا هالحكي الفاضي هاي كانت اولا ثانيا دخلكم أيا دولة فيا حرب بكون اقتصادا زفت بلا هالحقد اللي جواتكم أشبعنا منه اسفة خرجت عن الموضوع بس ياعمي بعض الناس مابتعرف الله وين حاططا وبتيجي بتتفلسف
-سوريا
تاجر أزمة 2015-02-04 10:22:20
خدلك هالحل
مفاتيح سوريا كانت وستبقى بيد أهل دمشق...ازا أهل دمشق أعلنوا الاضراب العام مثلا راح اتلاقي الاسعار صارت بالارض تاني يوم فطالما أهل دمشق موووووووووو سالانين وقاعدين وساكتين ماحدا فرقاني معو ولو بتصير الاسعار بالسما...شفت شي تجار دمشق أعلنوا شي مرا اضراب بسبب السياسات الاقتصادية الفاشلة تبع هالبلد أو حتى احتجو؟ لانو هني الي عم حطوها. دود الخل منو وفي وفهمك كافي.
-سوريا
صوص حامل قنبلة2015-02-04 00:03:11
لسه بكير
لأنو شكلو الشعب لسه ما تربّى و لسه فيه بالبلد نفسيات كتير ما انكسرت على العكس شايفة بتأييدها لبشار و أمثاله من شلة الحراميية أنها عم تعمل مواقف وطنية ... لسه بس تشوفوا ولادكن عم يموتوا من الجوع و بشار ولا عبالو و تقرروا بوقتها تتحركوا ممكن تغيروا الوضع بالبلد .. أما أنكن تضلوا ناطرين هالحرامي ليستحي و يعمللكن بلد فعيشوا بهالنعمة اللي عم يتصدق فيها عليكن
-سوريا
باسل الأصلي2015-02-03 15:02:59
إلى صاحب السؤال
الحل لمشكلة زيادة مصاريف الحياة...هو يا أما تزيد مدخولك بازدياد مصاريف الحياة أو تقلل من مشاركتك بالحياة فبتقل مصاريفها...غير هيك بوشك على النرويج أو الدنمارك
-سوريا
عزيز اللزيز2015-02-03 14:58:57
الرجاء النشر
زكرتني بالنكتة لما واحد عم يشتكي من البطالة لرفيقه و عم يدور على شغلة تكون مربحة و ما بدها تعب كتير... قله بسيطة اشتغل دكتور.... يعني عم تسال هيك سؤال و فكرك في حدا رح يجاوبك... لك اذا في حدا بيعرف شي طريقة يعني رح يقلك ياها ببلاش على البارد المستريح...
-سوريا
عزيز اللزيز2015-02-03 14:52:02
الرجاء النشر
ما ألك الا وزير الصناعة الشهابي...من فترة كان عامل جائزة مشان اللي بيقدم بديل للفيول و المازوت و الكهربا و يكون رخيص و متوفر و يسهل للمواطن الحصول عليه...باعتقد هو اكتر من بيقدر (بالشدة) سؤالك... و بيجوز يحطك مستشار لأله و تخلص من تكاليف الحياة الدنيوية..على كل قرب الربيع و بتخلص أزمة المازوت بعد شهرين تقريبا
-سوريا
مغترب معتر2015-02-03 14:32:55
مداخلة
المشكلة انوا في شي اسموا اعادة ترتيب المنطقة ...وللاسف صار اللي صار...هلئ تجار ازمة في وفاسدين في وولاد حلال في بس لازم يكون في قانون يمشي ع الجميع بس بوضع سياسي متأزم وحصار اقتصادي لايوجد حل والافضل شوف مصايب غيرك بتهون عليك مصيبتك ياريت نحب بعض ونتكاتف مع بعض وقتها ممكن نببي بلد الخلاصة وضع سياسي غير مستقر ينتج اقتصاد غير مستقر ينتج فساد وشعب معتر عمالي يدفع الفاتورة
-اليمن
سنفور غضبان2015-02-03 12:07:34
فضاوة البال بتعمل كلشي
يا زلمي ما افضى بالك يعني ما لقيت غير نحنا تسألنا عن هيك قصة روح انت ب بلد الديمقراطية و الحرية روح اسأل سيادة الرئيس المنتخب بركي يلاقيلك حلول او اسال الحكومة الموقرة شو الحل بس اياك تصطدم بواقع انو هني تجار الازمة الحقيقين
-سوريا
فواز2015-02-03 08:39:03
الحل هو ان نعرف السبب اولا
الوضع الاقتصادي في اي دموله متعلق بالوضع السياسي.لوعلمنا سبب ما يحدث تماما في الضع السياسي بسوريا لما بحثنا عن حل للوضع الاقتصادي.لدلك هدا شأكل منيعيش الوضع في سوريا.نتمنى نهاية هده الازمه وهدا الحل الوحيد .ربنا يعينكم ويصبركم
سوريا