syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

بعد ان تركتها قطعت كل وسائل التواصل.. هل ابادر بالعودة و اصلاح ما حصل او انساها؟؟
اسأل مجرب

اتخاذنا خطوة المبادرة هل تكون وبالا علينا او نقطة لصالحنا ؟؟ ينتظر صاحب المشكلة اراءكم ليقرر يخطيها او لا ..


يقول صاحب الرسالة " خاطب من قريبتي واستمرت الخطبة لمدة عام و كانت كل الامور مثالية لحين اختلفنا على موضوع و تركتها و فسخت الخطبة..."

يتابع " و بعد ان تركتها قطعت كل وسائل التواصل معي و كأني لم أكن هل أبادر بالعودة او انساها فبرأيي من يحب لا يمكن أن يقطع فجأة كل التواصل بالشكل الذي قامت به .. أفيدوني "


2015-02-02 23:57:24
شاركنا على مواقع التواصل الاجتماعي:



شارك بالتعليق
نصيحة يا أخي2015-03-04 06:56:09
ابعد ابعد ابعد
اصحى ودير بالك ترجع ، وصدقني لو عملت إلى براسك ورجعت رح تندم يوم من الأيام ، واتذكر هذا الكلام : لا تركض ورا بنت بل يجب العكس وصدقني رح ترتاح
سوريا
mgm2015-02-25 05:50:15
طعنة للرجل
كثير من البنات يحببن الزواج بدون حب وهذه طعنة للرجل تعود وبالا عليه في كثير من الاحيان لو كانت تحبك لصبرت علي الخلاف الذي كان بينكما ولو كنت انت السبب فيه هي متكبرة تحب كلمتها هي العليا لما بتعلم انك بتحبها
المغرب
وجع معتق2015-02-16 01:34:28
اصعب شي الطعنة من يلي بتحبون
عينٌ كَعين الذئب مُحتالة ,طافت أكاذيب الدنيا حولها
-سوريا
سورية مغتربة2015-02-13 12:06:00
نقطة انتهى.
قطعها الوسائل التي كانت معتمدة للاتصال بينكما معناه: لم اعد اريدك في حياتي! لو كانت هناك بارقة امل بامكانية تقبلها لفكرة رجوعكما لبعض لكانت على الاقل تركت او اعادت فتح قناة اتصال ممكنة معك. زبدة الكلام: فهم و تحليل اسباب الانفصال او عدم التمكن من الوصول لفهم مقنع لن يقدم ولن يؤخر في الواقع اليوم, لا تضيع وقتك اكثر بانتظار من لن يأتي ابدا و ارتبط بفتاة اخرى تناسبك ودع خطيبتك السابقة و شأنها .
-سوريا
مغترب سوري 2015-02-12 22:31:33
أنسى
أنساها يا أخي مشكله صغيريه اختلفتون وفسخت الخطوبة ما بالك بعد الزواج وعلميا ثبت أن زواج الأقارب غير مستحب
سوريا
شاب سوري 2015-02-12 15:58:26
معا حق
اي بنت بس تختلف مع شب بتحاول تمسحو من حياتا ,ما تخلي اي اثر يحزنها. حاليا انت شكلك ندمان وحابب ترجع خطيبتك. اهم شي تتاكد انو هي مارتبطت بحدا غيرك في حال ارتبطت لا تحاول لانك رح تخسر كرامتك و100% رح ترفظك اما في حال ماكانت مرتبطة...ممكن بكل بساطة تزورا هي واهلها اقاربك وتقدم اعتذار في حال وافقت مبروك ماوافقت ياصديقي بيكون مافي نصيب.
-سوريا
متزوج ممن أحب لكن2015-02-11 14:56:25
نصيحة
نصيحة الزواج أكبر مصيبة في الحياة هذه تجربتي وقناعتني فعليك أن تحمد ربك أولاً ثم أن تنساها و تنسى فكرة الزواج
-البحرين
فهمان2015-02-10 01:26:14
تواصل معها بأي طريقة
ازا بتستاهل الحقا وصالحها وتواصل معها بشتى الطرق. واعتزرلها في حال غلطت معا مو عيب بالعكس رجولة
-سوريا
رجاء كاترينا 2015-02-09 00:43:28
استراليا
اعملها معروف وانساها مبين انك مغرور وعلى رأسك ريشة وشغلة صغيرة خيلتك ، الحياة صعبة ياابني لازم تنضج لحالك شوي قبل ما تورط بنت . شو كنت متوقع : تتركها وهي تبقى معك متصلة معك ، بترضاها لاختك . She cut all ties to settle her emotions , but it seems you would like her to play games , like what you are doing .
أستراليا
د.ابو حيدرة2015-02-06 06:07:47
كلمتين احسن من تسعة
شو رأيك تبعتلك اس ام اس وتقلك زعلي طول انا وياك !! يعني فسختو الخطبة ليش ليضل في وسائل تواصل اساسا !! بس حكيك يا حاسس حالك تسرعت او متعلق فيها لانو لو مانك متعلق فيها ما كنت بتسأل انك تتواصل معها او لأ ... ليك عيوني إذا في شعور حب تجاها فبادر و صحح غلطك و معلش اركض وراها و حاول تصحح غلطك مو عيب بالعكس بتحس بقيمتا عندك و إذا رفضت ف**** بتكون عملت ال
-سوريا
واحد فهمان شوي2015-02-04 11:18:51
لما الصغار يخطبوا
كونه طالعة موضة الخطبة بعمر صغير... صرت بتسمع قصص فسخ خطبة كتيرة لأسباب تافهة وصبيانية.. الزواج هو قرار للرجال والبالغين.. إذا مالك رجال وقد قرارك بفسخ الخطبة خليك ببيت أهلك بابا ولا تقعد تتسلى بولاد الناس.
-سوريا
laha2015-02-03 18:15:51
laha
انت الوحيد اللي عندك الجواب ،انا مثلا حساسة كتير اذا صار معي هيك رح انجرح وبحاول ابعد ولا تنسى انو هانت عليك وتركتا.يعني بيعتمد ع طبيعة خطيبتك
-سوريا
باسل الأصلي2015-02-03 14:47:13
إلى صاحب السؤال
يعني انت فسخت الخطبة و تركتها....شو بدك منها ترجع تترجاك ترجعلها؟ لا تنسى انكم مخطوبين و ما لكم متزوجين...فلما بتنتهي الخطبة ما في شي بيجمعكم...حتى القرابة اللي بيناتكم...لأنه اذا رجعت اتصلت فيك ممكن انت تحكي انها لسا بتحبك و ما بتقدر بلاك و تمسح بكرامتها الارض قدام قرايبينكن المشتركين...لذلك مستحيل هي ترجع تحكي معك حفاظا على كرامتها قدام القرايب.. اذا حاسس انك تسرعت و انها بتستاهل رجاع فاتحها مع استعداد انك تعترف بغلطك قدام الاقارب حفاظا على مشاعرها قدامهم
-سوريا
سنفور غضبان2015-02-03 12:15:46
اذا احببت شيئا بشدة اطلق سراحه فإن عاد الك هو لك و
خالي مدام المخلوقة قطعت كل وسائل الاتصال معك معناها من الاخر ما بدها ترجعلك نصيحة لا تعزب قلبك و اسأل مجرب و لا تسأل حكيم اذا احبب شيئا بشدة فأطلق سراحه فإن عاد إليك فهو لك و ان لم يعد فهو ليس لك منذ البداية ما تتخيل سنة كاملة ما حن قلبها هلق بدو يحن؟؟!! روح دور ع حب تاني او دور ع بنت حلال و عيش حياتك و تروك البنت تعيش حياتها لانو المعروف انو من بعد 4 شهور اذا ما صار رجعة و الحنين رجعكن معناها مات الحب خالي
-سوريا
فواز2015-02-03 08:21:12
الرجوع عن الخطأ شيء جميل
ادا كنت فعلا شاع بالموده فلا تبحث عن من كان المخظأ.كلنا نغلط ولكن لاتكون سريع القرار,انصحك ان تحاول اعادة العلاقه عن طريق احد اقاربه او اصدقاءها ولاتحاول ايجاد عدر وتبرير لما حدث فقط دون مناقشته الا بعد فتره وان لايكون شيء اساسي في بناء اسرتكمبل الاستفاده مما حصل.ولاعتدار رجوله وليس ضعف.والله ولي التوفيق
سوريا
ام حمزة2015-02-03 06:15:12
شغلة مهمة تانية
الله يرضى عليك انت وهيي كل المرتبطين افهموا هالكلام منيح... متل ما اخدو قرار الارتباط بعد تفاهم وتفكير وتواصل طويل وتفكير عميق... كمان عطو الانفصال حقه,, لا تاخدو قرار الانفصال الا لسبب بيستاهل ,... فكروا بالسبب قبل ما تاخدو القرار ع اساسو .. هل هو مستاهل !؟ هل هو جوهري !؟ هل حياتكن بالمستقبل ح تتوقف ع هالموضوع !؟ فكروا بهالموضوع بهالطريقة لا تخلوا شي سخيف ينهي حياتكم.. وبنفس الوقت لا تخلو حياتكم سوا تكمل ازا في شي جوهري وخطير
-سوريا
ام حمزة 2015-02-03 06:10:22
مممم
اذا بعدها بنفسك وبعدك بتحبها بادرها مرة تانية ,,, بس اختار الوقت المناسب والطريقة المناسبة ,, وعطي نفسك ونفسها وقت كافي لحتى بس تشوفوا المشكلة تلاقوها صغيرة وسخيفة ومو مستاهلة الانفصال.. ووقت تبادرها عطيها وقت لتسترجع المشاعر .. وعطيها اهتمامك وحسسها باهميتها بحياتك , اذا كنت غلطان بالمشكلة اعتذر منها ولا تنتظر نتيجة من اعتذارك اعتذر ووضح لها الخطأ اللي وقعت فيه , ومهم جدا جدا او تكون راجع من قلبك وخاطرك مو راجع اعراف وتقاليد وع قولة ما في غيرها ... الله يسهل عليكم ويباركلكم
-سوريا