syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أشعر أن طولي هو سبب رفضي من البنات .. مارأيكم؟
اسأل مجرب

تنال بعض الصفات الجسمية أحياناً بنظر أصحابها  نصيبها من عدم تمكنهم  من إكمال طريق حياتهم مما يشكل لهم بعض العوائق و المشاكل الاجتماعية .


يقول "علاء" صاحب الرسالة " انا مهندس عمري 30 عاماً موظف ومن عائلة محترمة و متعلمة و أخلاقي عالية شكلي عادي و طولي 167 سم "

يتابع لنا " لا اعرف لماذا يتم فرضي من البنات مع أني أرى بنفسي صفات جيدة بكل شيئ خلافأُ عن بقية الشباب المتزوجين  يمكن أن تقولوا  لي نصيب و لكنني أشعر بأن طولي هو السبب .. "


2015-02-02 23:57:33
شاركنا على مواقع التواصل الاجتماعي:



شارك بالتعليق
asma2017-01-31 23:38:43
الطول
السلام عليكم حبيت اسألكم انا طولي 1.68 وعمري 14 ووزني 54 وكل الى حوليا يقولولي انتي زرافة وانتي طويلة وانتي عمود كهربائي والله وليت نتوسوس بزاف ونشوف روحي فالمرآة بزاف وانا متحجبة اتمنى ان تنصحوني ☺😊 وشكرا
سوريا
basma2015-09-02 03:22:42
أنا حيرانا
أنا عمري 18 و طولي 167سم و وزني 56 هل أعتبر قصيرة أم أعتبر متوسطة الطول ؟؟ 
سوريا
سعودي في سيريا نيوز (صباح الورد والريحان عليكم)2015-04-21 05:52:02
أسجل اعتراضي!!
طيب اذا طولك 167 سم وتعتبر نفسك قصير، أجل الي طوله 156 سم ايش يطلع معه يا ترى؟؟!! وبالنسبة للشباب بالتعليقات الي يقتبسوا كلام حلو وفلسفة وأبو ماضي الخ الخ, طيب على عيني وراسي, لكن تذكروا أنه مهما كان الرجل راضي عن نفسه أنه هالشي مو مهم بالموضوع لأن لو كان راضي عن نفسه لا يعني أن الجنس الآخر بالضرورة يكون راضي فيه وهنا المشكلة!!! بالنسبة لي لا مشكلة أن أرتبط بفتاة أطول مني أو أقصر (ولو أنه التماثل التام بالطول لا ينصح به في حال الرغبة بإنجاب أطفال) لكن بالنسبة للفتاة نفسها ايش موقفها؟؟!!
-السعودية
كارولينا2015-03-03 13:29:00
مشكلة الشاب أيضا وليس الفتاة
المشكلة أيضاَ أن الشاب لا بقبل الزواج بفتاة أطول منه لاحظت هذه المشكلة كوني طويلة القامة (186سم) ووجدت أن معظم الشباب لا يقبلون تفوق الفتاة عليهم في الطول. انا شخصياً لا اهتم ولازلت ارتدي الكعب العالي.
فرنسا
نسونجي2015-03-03 09:21:30
بربك هي مشكلة ؟
يا زلمي 167 سم قصير؟؟؟ شيل هالوهم من راسك , رفيقي طوله 160 سم ولما تجوز أخد وحدة أطول منه بس كرمال الأولاد ما يطلعو قصار وهلأ عندو 3 أولاد ماشاء الله عنهن بشهوني الأولاد , في حيلة بسيطة ممكن تساعدك وهي أنو تاكل منيح وما تكون نحيف لأنو بقولو الصحة بتنهض يعني بتظهرك أطول من الحقيقي وروح تجوز وبلا جنان
-سوريا
ناسك الشخروب2015-03-01 22:58:39
الطول والعرض
مفهوم مما تشكوه ، لكن لم تخبرنا عن طولك الآخر وهو ماأظن أنه ير ضي من تريد دون النظر إلى المنظر الخارجي ......
سوريا
تحسين مرة تانية2015-03-01 07:54:06
الى د.ابو حيدرة
لو سمحت اقرا تعليق لانا كافي ووافي
-سوريا
لانا2015-02-28 02:04:13
23
قصتك جذبتني لانو انا تقدملي شخص برضو متلك وعجبني وما شفت منو الا كل خير بس الي صار بلشو صحباتي يحكولي كلام انو قصير وايش الي عاجبك فا انا طبعا ما اخذت بكلامهم لانو قناعتي الشخص مو من شكلوزما تاثرت فيهم بسس وبعد فتره حبيت اعرف اهلي ايش رائيهم لاسف ما عجبتني تعليقاتهم وتذايقت وبلشت فكر في المستقبل وخصوصا راح يصير زوجي وفرد منهم
سوريا
د.أبو حيدرة 2015-02-28 00:41:26
إلى تحسين 2
و أكاد أجزم معك انو 100% من البنات بهمن الشكل رغم كل فلسفتن ،، طيب اوكي كمان الشب بهمو شكل البنات نفس الشي ، يعني طلعنا تعادل ..بس كن على ثقة انو يلي بدو ياخد وحدة او تاخد واحد عشكلا/و ،رح يندم كتيرررررررر لانو يا صاح الموضوع أكبر مما تتخيل و هاد عمر بدو ينعاش مو سنة و تنين ...لهيك كن متصالح مع ذاتك و انظر لنفسك على انك الأفضل وانت الربحان ،،ولا تنسى : العقل لا يموت ولا يفنى والجسم يبلى ويهرم،،ويقول ايليا ابو ماضي :ليس الحظوظ من الجسوم وشكلها...السرّ كلّ السرّ في الأرواح........ودمتم بخير
-سوريا
د.أبو حيدرة 2015-02-28 00:37:15
إلى تحسين
لا تحكي شي ببساطة .. يا رجل اطلعوا بقا من هالسخافات ، يعني اوكي المظاهر إلها دور بالمجتمع و محدا بينكر هالشي ، بس كمان مو 100% ، يعني إلها نسبه و يمكن انت عندك باقي النسب لأشياء أخرى يفتقدها صاحب الطلة البهيه مثلاً ،، القاعدة الذهبية : لا يوجد انسان كامل وكامل مو انسان .. يقول الفيلسوف الألماني شوبنهاور : نحن نفكر دائماً فيما ينقصنا و نادراً ما نفكر فيما نملك ..بعدين إن الله لا ينظر لصوركم و اجسادكم بل ينظر إلى أعمالكم ،،أما جنس حوا كيف بفكر فهاد شي تاني
-سوريا
تحسين2015-02-27 10:09:54
شو احكي انا
شو بدي احكي انا يلي طولي 160 بس...ويلي عم يقول الشكل مو مهم للشب بحب بقلو انو البنات هالوقت صارو عم يهتمو بالشكل اكتر من الشباب واخر همن الأخلاق...
-سوريا
كارولينا2015-02-23 10:36:39
أمر نسبي
أوافق المشاركين بأنك لست بقصير مقارنة إلى متوسط الطول في البلدان العربية. أنا أعتبر طويلة في البدلان العربية (186 سم ) ومتوسطة الطول في أوروبا
فرنسا
سامر المغامر 2015-02-12 02:32:28
لست بقصير يا صديقي
167 سم لست بقصير و هنالك الكثير من الشباب من هذا الطول و اعتقد ان متوسط الطول في البلاد العربية 170 سم بالنسبة للذكور. الطول و المظهر الخارجي ليس مهم للشاب و إنما النجاح في المهنة و الأخلاق العالية اولا طبعا. لا تظلم نفسك و انتظر الفتاة التي تستحقك
-كندا
john2015-02-09 13:59:53
هيبة
كارولينا الطول هيبة للشب والبنت
-الإمارات
كارولينا2015-02-08 11:23:15
مشكلة معاكسة
انا فتاة بدأت بمواجهة المشاكل عندما ازداد طولي بشكل كبير ولم بعد معظم الشباب يتقبلون فكرة أنني أطول منهم بكثير. يبدو أنها مشكلة اجتماعية.
فرنسا
وجيهة2015-02-07 08:42:01
وجهة نظر
مع احترامي الك يا أخ علاء بس بعتقد انو انت عم تتوهم ومافي مشكلة من الأساس..بعدين في كتير بنات قصار فموضروري تروح تخطب وحدة أطول متك أو بنفس طولك .. طالما انت شب محترم و متعلم وبتعرف تتعامل مع البنات فبأكدلك انو ألف بنت بتتمناك..
-سوريا
مغترب2015-02-06 17:52:34
وجهة نظر ...
موضوع الزواج ليس له علاقة بأي شيء على الإطلاق (لا قصر قامة ولا جمال ولا غنى ولا فقر ولا متابعة دراسة ولا الانقطاع عن الدراسة ولا الثقافة ولا الشهادة الجامعيةولاولاولاولا....) , هو رزق من عند الله سيأتي إن كان مكتوب لك ,هو توافق مشاعر ومودة وألفة ...لك أنا طولي 180 وأكبر منك قليلا وما اتزوجت .لا تزعل ولا تكتأب .ابتهج واطمأن نصيبك سيأتيك ....
ألمانيا
د.ابو حيدرة2015-02-06 07:07:56
يا حرام عنجد !!2
هلأ أحلى شي يلا عم يواسيك و يتفزلك ، و يقلك معليش في بنات قصيرين !! البنت بدها لسان حلو و نفس مرحةوالأهم تكون واثق بحالك و رجل ،بعمرو الشكل ما خلى البنت تحب الشب و اللي تجوزت واحد عشكلو يا اما معاقة عقليا او مصاري البابا كتار و بدها ترفه حالا بوجه حسن ،واللي بياخد وحده عشكلها نفس الشي ، لفت انتباهي صاحب تعليق "حط شي لتوصل عالمجلى" اي دخيل ربك مأثقلك و انا من جهتي بنصحك تفتح سقف البيت لانو بجوز طولك يضايقك..
-سوريا
د.ابو حيدرة2015-02-06 07:06:52
يا حرام عنجد !!
تعرف شو !! انتا ممكن تكون بسوق الهال او بشي منجم تحت الارض !!بس مهندس اكيد لأ!! لك ما بتستحي تقول انك قصير !! 167 و انت فوق متوسط الطول ب 2 سم يا ظالم ،و ما بتخجل تقول الجنس الآخر ما عم يتقبلو فكرة الارتباط فيك بسبب مشكلة مانها موجوده اساساً... الجنس الآخر بدو مصاري ، الشكل مهم ها بس وحياة من جمعنا انو بتبيعك لو كنت النبي يوسف بجمالك كرمال قارون ومصاريه ..عزيزي انا طبيب و طولي 165 سم وعايش مأحلاني وصرت حابب و منحب شي ألف مرة ومن أحلى البنات وماكان الطول عائق..للأسف الدين
-سوريا
سامر2015-02-05 15:26:29
لا مشكلة ولاشي
صديقي الموضوع عادي جدا صدقني كل يلي لازم تعملو انك تدور عبنت متناسبة مع طولك يعني متل مافي شباب قصيرين في بنات قصيرين كمان في كتير مشاكل ممكن يعاني منها الشخص اكتر من هي المشكلة.. بعدين خود ملك الاردن كمثل قصير كتير ومتزوج وحدة اطول منو بمتر بقا خود الموضوع بروح رياضية ولا تخليه يأثر عحياتك
-سوريا
xc0derxxx2015-02-05 12:08:28
الأفضل إنو ما تتجوز
للأسف قصر القامة كتير سيء و أنا بعاني منو..عشت حياة سيئة كتير و ادمرت نفسيتي وصار معي أمراض نفسية بسبب هادا الموضوع الأفضل إنو ما تتجوز , مشان ما تجيب ولاد قصار ... روح لاقي وحدة وعيش معها على كتاب شيخ عرفي.. هيك أفضل وهي نصيحة .. وصدقني إنو القصير الكل بينظرو قلو إنو شخص ناقص الرجولة
-سوريا
Unknown2015-02-05 10:59:06
الثقة بالنفس
الثقة بالنفس مهمة جدا ومصدر جاذبية عند الشب. لانو بتخليك مرتاح بالتعامل مع الاخرين
-سوريا
واحد فهمان شوي2015-02-04 11:22:48
أنت قلتها بتمك
أنت موظف... يعني كحيان.. مفلس.. مجنط.. عرفت السبب؟
-سوريا
صوص حامل قنبلة2015-02-04 00:08:15
,,
لبيس كعب ...!
-سوريا
Samer2015-02-03 15:04:11
مشكلة
والله أنا مع سنفور غضبان شو هالمشكلة الخطيرة
الإمارات
مغترب أصلي2015-02-03 14:56:51
والله في عالم عندون نفس العقدة
أخي ,لا تيأس أبدا .. بعرف انو طولك قليل نوعا ما .. بس هي وائل طوله تقريبا بطولك و بالأخير تجوز .. ممكن يعاني من بعض الأمور بس ممكن يستعمل سلم,كعب عالي,خشبة قدام المجلى ازا بدو يجلي مثلا ...بس كتير مهم ما تلبس أواعي تقصرك أكتر ... جاكيت طويل مثلا ... أو قميص مقلم بالعرض .... لسا وائل قصير و سمين فانته بألف نعمه يا رعاك الله.
-سوريا
سنفور غضبان2015-02-03 12:14:56
انا عندي الحل
الحل برة بسيط كل يوم اتعلق ب سفرة الدرجة او بالعلية يلي عندكن و ع مدة شهر ما بتشوف حالك الا طولت 15 سم بالقليلة و يلي بدو يقلي ليش عم اتخوت بدي قلو بحياة الله هادا موضوع خرج يتناقش فيه قال قصير ما رأيكم رأينا بسيط بلا ما تتزوج و خليك اعزب
-سوريا
فواز2015-02-03 08:31:08
الطول لا علاقة له
يا صديقي متل ما كتبوا لك طولك مناسب ولست بقصير .المشكله فيك انت اما لاتجيد التصرف مع الجنس الاخر او ثقتك بنفسك مو كتير.انت شاب ومهندس المفروض ثقتك بنفسك تكون عاليهواختلط مع الجنس الاخر اكثر دون تكوين اي علاقه وبالتالي سترى انك التدريج عارف السبب.والله كفيل باصلاح الوضع
سوريا
كارولينا2015-02-03 07:55:31
نفس المشكلة
تركني صديقي السابق عندما تجاوزته في الطول بفارق كبير وكل ذلك لانه لم يتقبل فكرة الارتباط بفتاة أطول منه. يبدو أن المجتمع لا يتقبل أن يكون الشاب أقصر من الفتاة.
فرنسا
ام حمزة..2015-02-03 06:05:23
فتش بنفسك
ممكن الموضوع نصيب وما اج وقته,,, موضوع طولك ما اتوقع الو علاقة في كتير شباب من طولك او اقصر ومتزوجين وعندهم عيال.. احيانا الشكل (قباحة او جمال بأثر ع الموضوع ) احيانا المنطق وطريقة الكلام احيانا التصرفات والعنجهية... يمكن تكون بتبالغ بشوفة حالك من مبدأ ( اجد في نفسي افضل من الشباب المتزوجين او متل ما انت قلت خلافا للشباب المتزوجين )وممكن الموضوع كلو ع بعضو ما الو علاقة بهالموضوع القصة وما فيها قبول ورضى .. الله يبعتلك بنت الحلال يلي تسعدك وترضيك وتعيشها احسن من كل المتزوجات يا رب
-سوريا
مواطن عادي2015-02-03 00:33:38
مواطن
أولاً طولك منيح ثانياً مهندس ولازم تكون ثقتك بنفسك كبيرة وألف مين بيتمناك و أنا بنصحك تاخد وحدة طويلة شوي مشان تحسن النسل ههههه عم أمزح
سوريا
مواطن عادي2015-02-03 00:31:43
مواطن
أولاً طولك منيح ثانياً مهندس ولازم تكون ثقتك بنفسك كبيرة وألف مين بيتمناك و أنا بنصحك تاخد وحدة طويلة شوي مشان تحسن النسل ههههه عم أمزح
سوريا