syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

لا يسمع الكلام و يكذب جربت كل الوسائل معه لم تجدي نفعاً ...ما العمل ؟
اسأل مجرب

يعاني العديد من الاهل من سلوكيات أولادهم غير السوية لدرجة يصل بها الامر إلى نفاذ صبرهم في أكثر الاحيان .


تقول "ام قصي" صاحبة الرسالة " ابني لا يسمع كلامي ابداً و يكذب علي تعاملت معه بطرق عديدة و لكن دون جدوى "

تتابع " كنت أقوم بضربه و من بعدها جربت النقاش و أن اسمع منه لكنه لا يتجاوب معي بأي طريقة ...كيف التعامل معه؟ " .


2015-01-25 01:39:47
شاركنا على مواقع التواصل الاجتماعي:



شارك بالتعليق
الحكيم بإذن الله2015-02-01 19:57:03
حل شامل
عيوني التمرد حالة طبيعية عند كل الاطفال حتى سن 18 يعني بمعنى مرحلة تكوين شخصية بحيث يكون عنوانها انا افضل وافهم من الجميع وكونه صغير بحاجة لتتأقلمي مع هالشي وتغذي الناحية الايجابية فيه في كتير حيل ممكن تنعمل وابسط واسهل طريق الشدة واللين معه شجعيه بكلشي حتى بغلطه وبعد ماتغلطو سوا ناقشيه بالخطأ المرتكب ولاتنسي المكافآت وحاولي تعمقي قدراته القتالية لانه كرت رابح بفهمك اله وشكرن
سوريا
ريما2015-01-27 13:22:24
كوني صادقة امام ابنك
انا ماعندي اولاد وما عندي خبرة بالتربية بس بذكر من طفولتي اهلي عودوني انو هني ما يكذبو امامي ويعطوني ثقتن. بعد ما صرت صبية لساتني صريحة معن لأن هيك وتعودت واصلا بخجل بعد الثقة يللي حطوا فيني اني اكذب علين. بالمناسبة اهلي ما كانو يضربوني كانو يعاقبوني اذا غلطت بالحرمان من الفرجة على افلام الكرتون. ما بعرف شو الحل بس اكيد الضرب ما رح يردعو بالعكس رح يخليه يكذب اكتر محاولة منو بتجنب العقاب.
-سوريا
وليف الروووح ...2015-01-27 07:20:24
القسوة لها نتائج مدمرة ...
اذا كان ابنك يكذب بسبب القمع والترهيب من الاهل فهذا امر طبيعي جدا ً وعليكم تخفيف سطوتكم عليه وتغيير اسلوبكم معه .. اما اذا كانت اسباب الكذب عنده غير مفهومة لديكم فمعنى ذلك ان ابنكم شديد الزكاء وخياله واسع .. حاولوا تغيير سلوكه بالتلميح وليس بالتجريح ... فكلما سمعتم منه كذبة ابتسموا له ابتسامة بسيطة وسيفهم مغذاها فورا ... حاولوا ان توجهوا طاقاته الى هواية يحبها فقد يبدع بها ...
سوريا
ام حمزة2015-01-27 06:28:08
بس ملاحظة
ما بيكذب الطفل ازا انتو كنتو عم تكذبو , بيكذب ازا كنتو شديدين كتير معو بمعنى بحس حالو لو حكى الصراحة او شو عمل بجد رح تتبهدل صحتو
-سوريا
مغترب الأصلي2015-01-26 09:46:34
له يا أم قصي
لك ليش الضرب يا أم قصي الله يرضى عليكي,حاكيه بالأول ..خاويه ..رافقيه لإبنك..خلليه يحس انك رفيقته ازا ما مشي الحال ...ساعتا اشمطيه كف بنص خلقته و رفعيه فلقه خلليه يعرف وش الدراكولا تبعك خبرينا بالنتائج أختي
-سوريا
مواطن سوري2015-01-26 06:59:30
بصراحة
الطفل بتعلم الكذب اذا شاف حدا بكذب قدامو و لهسبب بدك تعلمي الصدق و الصراحة من بالممارسة قدامو و هو رح يتعلم يا ريتك ذكرتي العمر على العموم اذا كان صغير رح يرجع يتعلم الصدق و اذا كان كبير فا مالك غير تعاقبي لما بكذب
-سوريا
خبير2015-01-25 21:02:55
مرحبا
الكذب ملح الرجال وعيبن على اللي يصدق يابنت الحﻻل هي وقفت على ابنك مو الكبار كذابين ﻻ عتب على الصغار بس ﻻعادي بكره يكبر ويزبط وضعه
-سوريا
سنفور غضبان2015-01-25 12:50:18
حكيلو قصة بينوكيو
ايدك و الكف و اذا عندك فليفلة حمرا عبيلو تمو منها يا أما انتي صيري كذبي عليه على مبدىء و داوها باللتي كانت هي الداء اذا بيسألك اي شي كذبي عليه و خلي اخر شي يتعلم
-سوريا
أبو عبدو2015-01-25 11:38:33
دقيه قتلة
دقيه قتلة
-سوريا
باسل الأصلي2015-01-25 10:55:06
إلى أم قصي
شقد عمره ابنك؟
-سوريا
ام حمزة2015-01-25 06:30:27
مشكلتك
مشكلتك بديتي بالعكس كان لازم تبدي بالنقاش والاخد والعطا مو بالضرب, اديش عمر ابنك لانو الموضوع كتير مؤثر الولد يلي عمره 10 سنين غير الولد الشب يلي عمره 15 سنة مثلا.. دير بالك عليه, خلي علاقتك معو قوية , ما تحكي معو باسلوب التحقيق ازا بتعرفي شي معلومة ابدأي النقاش معو بالمعلومة نفسها بطريقة مواربة , انو بدل ما تقوليلو مع مين كنت اليوم (وانتي عارفة مع مبين بس من باب التحقيق) اساليه بوضوح وهدوء شو عملت اليوم انت وفلان مثلا,انتي ادرى بالضبط عن شو بدك الحقيقة, الله يحميه ويهديه ويحفظه يا رب
-سوريا