syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

بسبب حساسيتي و عدم قدرتي على تحمل قسوة و تسلط الرجل الشرقي أرفض الزواج ..انصحوني
اسأل مجرب

لكل انسان في هذه الدنيا عقلية تختلف عن غيره من البشر يحب أن يحتفظ و يعمل بها لكن من هم حوله لا يقبلون بهذه العقلية و التصرفات في أغلب الاوقات .


تقول صاحبة الرسالة " : تقدم لي الكثير من الخاطبين لكنني رفضتهم جميعاً لأنني حساسة لا أتحمل قسوة و تسلط الرجل الشرقي و تدخلات بيت الحما و ازعاج الأطفال لكن الناس لا يدعونني و شأني يلحون علي كثيراً لكي اتزوج بغض النظر عن طبيعتي غير صالحة للزواج "

تتابع "  منذ وقت  غيرت اختصاصي الجامعي و حاربتني عائلتي على قراري هذا و هددتني بالحظ السيء في الزواج لكنني لست نادمة و نجحت  في الاختصاص الجديد فقد كانت تجربتي المؤلمة في تغيير اختصاصي الجامعي تحذيراً من الخطر الأكبر وهو سوء الاختيار في الزواج لأن الزواج تحديد مصير .. ""


2015-01-15 00:51:38
شاركنا على مواقع التواصل الاجتماعي:



شارك بالتعليق
BBB2015-07-21 04:57:40
الزواج فرض اجتماعي في الشرق الأوسط
قلتم لي بأن الرجل الشرقي يحترم المرأة و أنني مخطئة في قولي أنه قاسي أنتم تكذبون علي و مصلحتكم من الكذب هي اقناعي بالزواج و لو تورطت بزيجة فاشلة و طلاق لكن المرأة الشرقية مظلومة و عليها أن تتزوج لكي تتخلص من كلام الناس الذي لا يرحم لكنها إذا كانت غير ناضجة و سمعت كلامهم دون أن مستعدة لتحمل المسؤولية و أن تبذل مجهوداً و تصبر على غيرها ستنقل من لقب "عانس" إلى لقب أسوء منه "مطلقة" فإذا كانت عازبة ستعاني من ظلم الناس و أما إذا تزوجت ستعاني من ظلم الزوج و عائلته لقد عانيت من عصبية ال
-أنغولا
AAA2015-07-21 04:55:46
إلى من كتبت أول تعليق وهو كل مقبل على الزواج يكون
بدو أنك تعتقدين الزواج متعة و رفاهية و لا تعين مسؤولياته لو كنت عزباء لكنك إذا تزوجت ستشكين من المسؤولية و ممكن أن تحردي عند أهلك في حال حدثت خلافات زوجية أما إذا كنت متزوجة فيبدو أنك غير سعيدة و تغارين من العزابيات اللواتي حياتهن أسهل من حياتك لذلك تريدين أن يتعذبوا مثلك حتى ترتاحي نفسياً و تقولين كلهن عم بعانوا لست الوحيدة التي تعاني فلو كنت سعيدة و مدللة عند زوجك لما تدخلت و كتبت رأيك في تهديدي بمخاطر العزوبية الوهمية لأنني لم أذكر اسمي و لا تعرفين من كتبت هذه الرسالة.
-ألبانيا
AAA2015-07-21 04:53:22
إلى من كتبت أول تعليق وهو كل مقبل على الزواج يكون
لقد هددتيني أيتها اللئيمة بمخاطر تسلط الأخوة و الأقارب علي في حال لم أتزوج هذا ممكن إذا كنت ضعيفة الشخصية لكنني قوية الشخصية و مستقلة و لا أسمح لأحد بأن يتحكم بي و قد قلت بأن الذكي الذي يقارن بين البدائل و يختار أقلها خسارة هذا صحيح لكن ألا تعرفين بأنه يوجد طلاق في حال لم يتفق الزوجين مع بعضهما و الطلاق خسائره أكثر من العزويية في الطلاق ممكن أن يأخذ الأب الأولاد و يحرمهم من أمهم أو إذا قرر ان يتركهم مع أمهم ستربيهم لوحدها دون أب و قد لا تفلح في تربيتهم و تعاني المطلقة من حقد العائل
-ألبانيا
GGGG2015-01-23 18:08:29
يجب عليها أن تعرف ماذا تريد و تتخذ القرار المناسب
قد تكون فتاة غير ناضجة رغم تقدمها في السن و الكل يشتكي منها و ليس عندها استعداد للتحسن لذلك بعد أن كبرت و تجاوزت عمر ال 21 قررت البقاء عانساً بإرادتها وحيدة خيراً من أن تبلي أناساً آخرين معها و تصبح زوجة فاشلة لا تهتم بزوجها و تقصر في أعمال المنزل و أماً فاشلة تهمل أولادها و توبخها حماتها كثيراً و تصبح مطلقة تعاني من الخسائر ففتاة غير محبوبة جربت حظها في الزواج برضاها و فشلت فذنبها على جنبها أما إذا كانت لا تريد الزواج فلا تحاولوا اقناعها بحياة لا تناسبها لكي لا تقع في الفخ .
-الإكوادور
بشير2015-01-22 23:50:42
إني خيرتك فاختاري
الدنيا مليانه رجال تجاوزي الشرقيين وتسلطهم واختاري غربيا شماليا جنوبيا حسب المزاج لعلك تجدين ضالتك
سوريا
أحمد2015-01-22 13:47:52
بتمنى تقرأي هالكلام - 2
الزواج للفتاة أهم منه للشاب .. الحساسية هي نتيجة التفكير الزائد .. الحياة مغامرة ويجب إقتحامها .. وأكتر من 100 سنة البني أدم ما رح يعيش ..هاد إذا لقيتي شباب لسا بدها تتجوز .. الكل هربان يا مدري وين
-سوريا
أحمد2015-01-22 13:42:32
بتمنى تقرأي هالكلام - 1
للصراحة .. فكرة الزواج مالها فكرة بسيطة .. ولكن بنفس الوقت تعتبر سيف ذو حدين .. تحتاج لعناية كبيرة في إتخاذ القرار .. والإتكال على الله قبل كل شيء .. فكرة الرجل الشرقي هذه الفكرة التي حرقت كثير من الشباب والشابات .. فالشاب بنفس الوقت لا يبحث عن المرأة الشرقية .. ولكن الفتيات يخضعن لهذا بلا شعور منهن .. حددي أفكارك عن الرجل الشرقي .. ماهي؟ .. الإنسان اللي بده يرعاكي ويخاف الله عز وجل فيكي .. هو الإنسان اللي بتستحقيه بس .. والأمور المادية تأتي بالمرحلة الثانية .. صدقيني .. لا تتركي نفسك بدون زوا
-الإمارات
ttttt2015-01-21 22:36:51
إلى الذين أهانوا و جرحوا صاحبة الرسالة بتعليقاتهم.
هناك بعض الناس كسروا بخاطر هذه المسكينة في تعليقاتهم على مقالها إما عليهم أن يشفقوا عليها أو لا يبدوا رأيهم الجارح فقد أجرموا بحقها عندما اتهموها بصغر العقل و هددوها بمخاطر وهمية إنهم لا يعرفون قصة حياتها و تربيتها و ظروفها التي أوصلتها إلى هذا القرار فهناك الكثير من العوانس الكبار في السن يستطيعون تدبير أمورهم ليس كل الناس متزوجين فالزواج سنة و ليس فرضاً إنهم يتكلمون عليها بالسوء من وراء ظهرها و هذا حرام قد لا تعرف من هم لكن الله يعرفهم جيداً و يوماً ما سيأخذ حقها منهم.
-إيران
Jonathan Florida2015-01-21 17:47:15
انتي صح
صار لي عشرين سنة عايش في الغرب و انا تطبعت مثلهم، كل ما انزل أزور الدول العربية بقول الله يعين البنات على زلام العرب ، زنخين او شايفين حالهم على شي فاضي، وكثير بفكروا ان المرأة اقل من إنسانه ، اصبري حتى تجدي رجل متحرر و قد حاله
-الولايات المتحدة
نعسان2015-01-21 00:33:33
الفرق بين الشرق و الغرب
ههه قال رجل شرقي و حساسة!! ليش وين الانوثة بالموضوع؟ ليكونو صدقو ينات البلد انو هنن بنات بالاصل؟ ما عاد فرقنا بين الانثى و الرجال بالشارع ...عنجد هزلت!!لك حمدو ربكم انو لسا في شباب بدها تتجوز و تنستر.
-سوريا
ريما2015-01-20 19:12:33
ما تفكري بالموضوع
الموضوع ما بيستاهل التفكير فيه طالما مانك حاسة مستعدة للزواج لا تتزوجي الزواج مشاركة ومسؤولية وفيو تضحيات مانو لعبة.. بس العمر والخبرة الحياتية والتجارب بتساعدك مع الوقت تقدري تعيشي زواج ناجح.. خليكي هلا عم تدرسي وتبني شخصيتك وتكوني لحالك شغل ناجح والارتباط بيجي مع الوقت بكرا بعد كم سنة لحالك بتحسي حالك التقيتي بشخص بيفهمك وصار عندك رغبة تتزوجي وتستقري معو وتشاركيه حياتك.. انا هيك صار معي عيشي حياتك متل ما انت بدك والاخرين خلين يعملو الشغلات يللي عم يطالبوكي فيا ويتركوكي بحالك. انت مالكة مستقبل
-سوريا
مغترب في بلاد الغرب 2015-01-20 18:43:07
من الواقع الاأليم لمن يمهم الأمر
قلتيلي رجل شرقي هههه الله يكبر مخك تعي شوفي العالم هوون المرأه هي المظلومه واللهي العظيم انو بيتمنو انو كون عندهم ازواج متل ازواج المسلمين لك نحن المرأه عنى مو حاسه بالنعم يلي هية فيها هون بتشتغل و بتصرف و بترجع بتشتغل بالولاد و اخر ليل بيرجع سكران بيضربها و بناام هي طبعا اذا متزوجها اذا مو متزوجها ع الاغلب بعيش معها سنتين تلاته بخلف منها كم ولد بعدين بزتها متل الكلبه , مشان هيك القانون بالغرب مع المرأه و بالاخر بتلاقيهم كلهن بالبرات عم يسكرو مشان ينسو يلي هنين فيه والله لو بيعرفو الاسلام ما ت
-بريطانيا
شاب سوري 2015-01-20 13:33:09
الى Laurina Sama
الكلام اللي عم تقوليه بعيد جدا عن الواقع والمنطق لانو بدها معجزة لتزبط اوراقها وتامن تكاليف الدراسي برة هذا اذا وافقوا اهلها بالاضافة الى انو الشب الاوروبي بيربي كلب وبصاحب كل اسبوع بنت ومابيتزوج لهيك بتشوفي بس يعرض شب على بنت باوروبة الزواج بتفرح البنت كانو صاير معها شي معجزي. بالمختصر اذاابو صاحبت المشكلي عصبي وقاسي وتعقدت واخذتو مثال لكل الرجال هذاالكلام غلط واذا بدا تضل تحلم بشب امريكي او اوروبي يجي يترجا خاطرها للتجوزو فتستناالله يهنيها.
-سوريا
Laurina Sama2015-01-20 08:38:02
انشالله يكون عندك صبر تقرأي تعليقي بعد كل المشاركا
طبعاً هادا رأيي وإنتي حرة بالنهاية: قدمي على جامعة أجنبية وروحي كفي دراسة ((ماجستير مثلا)) وبهداك البلد يلي انتي بتختاريه اتعرفي على الشباب وممكن تتوفقي مع شي واحد مانو متسلط وطبعو سلس وترتطبتو...وطالما كان عندك الجرأة مشان تتحدي أهللك ورفقاتك وتغيري فرعك الجامعي رح تلاقي طريقة تسافري فيها براة البلد. مع كل التوفيق
-سوريا
باسل الأصلي2015-01-20 07:46:55
إلى صاحبة المشكلة
وين السؤال؟ يعني انتي مقتنعة بعدم الزواج...طيب...شو المطلوب؟
-سوريا
حسن2015-01-20 07:01:54
سنة الكون
كل إمراة بحاجة لرجل و كل رجل بحاجة لإمراة..السكينة مطلوبة للطرفين أنصحك بخوض التجربة بايجابياتها و سلبياتها طفل واحد يشعرك بالامومة يجعل حياتك أجمل بكثير حسب اعتقادي و الله اعلم.
سوريا
شاب سوري 2015-01-20 06:39:49
الحياة قطار لا ينتظر والعمر غفلة
الجمال والشباب لايدومان واذا انتي جميلة وشابة ورشيقة السنة ممكن كمان سنتين تتخني وتكبري وماعاد ولا شب يتطلع فيكي ويفوتك قطار العمر والزواج. وساعتها لاينفع الندم واللي كنتي ترفضيهم رح تتمني يتطلعو فيكي. بعدين الشاب الشرقي عندو نخوي وبيحترم المراة ونظرتك كثير غلط عن الرجل الشرقي.
-سوريا
فواز2015-01-20 04:39:11
التعصب با الرأي لا يعني صحة الرأي
صديقتي المشكله عندك بأت من علاقة والدك بامك.لكن لا اعتقد انكتملكين تجربه في الاسره الغير شرقيه,الرجل الشرقي مهما كان قاسي يبقى محترم من خلال عطفه وغيرته على اسرته,ادا كان الرجل الشرقي غير صالح لبناء اسره لمادا الاوربيات مرتاحين ومبسوطين بحياتهم الاسريه مع اللرجل الشرقي؟في كل مكان وزمان وفي اي امه مهما كانت متحضره يوجد الجيد والسيء,صدقيني كما تعاملي زوجك سيعاملك.اما من ناحية الاولادستعلمين لدة الحياة عندما تصبحين ام.لاتدعي القصص الخرافيه تبعدك عن الصواب,اختلاف البيئه مصدر واسع للمشا كل,الوحده,
سوريا
سورية2015-01-19 17:13:50
بلاها
باختصار، لا تتزوجي، بكل بساطة، عيشي حياتك وأمني مستقبلك وانتهينا، بس كمان ممكن تلاقي رجل ما عندو كتير من عقد الرجل الشرقي، قلال بس بيلتقو... أنتي وحظك :)... وكمان لا تنسي إنو ما حدا كامل!!!
-سوريا
sasoky2015-01-19 12:46:02
نصيحة
لاتتجوزي يا تجوزي واحد طنط
سوريا
مغترب2015-01-19 12:23:28
قسوة الرجال أرحم من قسوة الحياة
الحياة صارت صعبة ، بالذات للمرأة ، اذا مافي رجال يرعاها ويحميها صعبة كتير الحياة.
-سوريا
نسونجي2015-01-19 08:47:58
القرار قرارك
أهلك بدهم مصلحتك لذلك عم يضغطوا عليكي بس أكيد في ملايين من البنات غيرك اللي بهمهم يتزوجو اليوم قبل بكرة فما رح تغيري شي على الواقع أبداً بقرارك لذلك تصرفي الشي اللي مقتنعة فيه بس بنفس الوقت تحملي مسؤولية قرارك لما بصير عمرك فوق الأربعين أو الخمسين
-سوريا
رجل شرقي2015-01-18 10:32:14
عقدة
خليكن عم تقولو رجل شرقي ورجل معقد ومن هالحكي الفاضي اللي مدري من وين اتعلمتو... وبعد كم سنة بس تلاقي حالك لحالك وكل اللي حوليكي متزوجين وعندهن عيلة وانت معنسة ساعتها خلي تكبير الراس والحكي الفاضي ينفعك
-السعودية
H&M2015-01-18 07:56:58
يتسائلون ؟؟؟؟؟؟
والله انا متلك كمان ... رجال وحاسس حالي ما بدي أتزوج وأرتبط خوفا من تسلط و تخلف الرجل الشرقي !!!! على أساس الرجال الشرقيين اللي بدوا يتزوجي واقفين بالدور و عم يستنوا قرارك أنشالله عمرك ما تتزوجي حتى لو عندك اللي عند أخت الفاضلة كيم كردشيان.
-سوريا
باسل2015-01-17 21:38:13
ماشاء الله
كتير بنات بيتهمو الرجل انو شرقي او غربي او بطاطا لكن لو سألتهم شو يعني رجل شرقي ما رح تحصل على جواب لانهن بيستخدمو هالكلمة متل الاسطوانة المشروخة ومن غير تفكير ههههههههههه
-سوريا
شامي في دبي2015-01-17 08:50:48
الامارات
يبدو بأنك تعاني من عقدة نفسية أو مشكلة عصبية تنعكس على طريقة تفكيرك وسلوكك تجاه المجتمع, أنصحك يا عزيزتي بمراجعة مستشار أو طبيب نفسي
سوريا
غريب2015-01-16 12:24:46
اي والله معك حق
لك شو بدك بالجواز خليكي منطنطه متل العصفور كل يوم على غصن بكرا اذا تجوزتي بتكبر بطنك وبتحملي وبتصير بشعه اذا كنت حلوه فيكف ان كنت بالأصل بشعه بتصيري بعدها بشعه كتير وجوزك بحب عليك صبيه صغيره ويمكن تنتحري بعدها قبلها من اصلو
-سوريا
شخص ما2015-01-16 12:05:17
لا ما بصير
يعني بستغرب من كلمة رجل شرقي الرجل رجل سواء شرقي او غربي او شمالي او جنوبي يعني في رجال شرقيين لطاف و فهمانين وبعاملو زوجتهم و عيلتهم احسن معاملة و في رجال غربيين العن منهم مافي لا مسؤلية ولا معاملة و العكس صحيح لهيك انت بناسبك رجل بنفس تفكيرك الانعزالي و مابطيق لا ولاد و لا غيره اله حاله و بس بظن بتزبط معك اما اوعك تبلي رجل شرقي محب و معطاء فيكي هههه..شكرا
-تركيا
سوري مغترب2015-01-15 19:12:09
يبدو انك غير مستعدة
من كلامك يبدو انك غير مستعدة للزواج والانكي من ذلك غير راغبة بهذا المشروع، هذا ناجم كماأرى عن خبرتك وتجربتك في البيت ومن الاقارب والجيران. إذا كان لديك وقت يمكن ان تنتظري حتى تنضج فكرة الزواج أكثر وربما تتغير القناعة بأن ليس كل رجل شرقي قاس، وأنما ليس كل رجل غربي طري،وان الزواج ليس مسؤولية ومراعاة وواجب فقط وإنما شراكة وحب وحنان وتطوير الذات وتحقيق اهداف لايمكن ان تصلين اليها لوحدك، بالنسبة للاختيار استفيدي جيدا من فترة الخطوبة وكوني صادقة بالعلاقة، المدة 6 أشهر عالأقل
-ألمانيا
fadi2015-01-15 17:10:29
of course
الأكيد رأيك صحيح جدا .. خاصة أنو صرنا بعصر مختلف عن السابق ولازم تكون العلاقة بين الطرفين علاقة ندية و مبنية على الحب و الاحترام المتبادل و إلا ما تجوزي نهائي ....
السعودية
مغترب2015-01-15 10:05:08
والله
ايه ***انشالله عمرك ما تجوزتي ازا الحرمة مو كل يوم الصبح باست ايد جوزها تاج راسها و المسا فركتله رجليه بالمي و الملح ما بيكون اسمها جوازة..
-سوريا
Rami2015-01-15 05:23:58
Ahmed
do not get married,that is good for you and the one might be your partner
إسبانيا
سورية مغتربة باوربا2015-01-15 01:35:28
كل مقبل عالزواج يكون متوجس منه
ماذا عن قسوة المجتمع عليك عندما يتوفى والديك و تصبحين وحيدة لا زوج يحميك و لا اولاد يساعدوك؟؟ لكل شيء في هذه الحياة ضريبة, والذكي الذي يقارن بين البدائل و يختار اقلها خسارة. ان كان خوفك من سيطرة زوجك فاختيارك بعدم الزواج سيجعل جميع ذكور عائلتك تتسلط عليك مستقبلا. ان كان خوفك من تدخلات بيت الحما ماذا ستفعلين غدا مع تدخلات اقاربك و زوجاتهم ووصايتهم عليك؟ اما عن ازعاج الاطفال, فهو الذ ازعاج في هذا العالم وابتسامة طفلك وقت نومه بحضنك تنسيك اي ازعاج. الزواج سنة الحياة والزوج ليس دائما الطرف الظالم به
-سوريا