syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

متفقين على الزواج و مؤخراً طلب مني صور اباحية لي ... مارأيكم
اسأل مجرب

تتفاجئ العديد من الفتيات بطلبات غير واقعية من قبل الشباب المتقدمين للارتباط بهم فيقعن حائرات بأمرهن .


تخبرنا "سارة"  صاحبة  المشكلة قصتها على طريقتها قائلة "  عمري 21 سنه كنت بعرف واحد من 4 سنين عم نحكي بس كنا بس أصدقاء على الفيسبوك و منحكي مع بعض عادي ومنخبر بعض ..انكتبلنا انو شفنا بعض من تقريبا 5 اشهر و ارتبطنا ببعض على اساس نتعرف اكثر كحبيب و حبيبة لانه هو بده يتزوج على هالاساس قبلت و هو رجع على بلده مكان اقامتو  و بقينا  نحكي مع بعض كل يوم  "

تتابع " صار يطلب مني اشياء مثل صور سكسي و هيك ..فانا رفضت و تركني كرمال هالشئ ..قال هو رجال و عنده اشياء ما يقدر يمتنع عنها و انا ما عم حسسه برجوليته و في كثير بنات يعملوله اللي بده و انا صراحه ما عرفت شو اعمل.."


2015-01-14 13:49:33
شاركنا على مواقع التواصل الاجتماعي:



شارك بالتعليق
سامي 2016-07-04 16:39:09
ليش السؤال
اول شي بحيي كل التعليقات اللي بتبين مدى حرص الناس على الاخلاق رغم كل شي لحد هلا ,ثاني شي الى صاحبة المشكلة هاي الشغلة ما بدا سؤال و اكيد معروف الجواب مع هيك راح عيدوا حطي اجرلك بضهروا و اليلوا الله مع دولايبك احط من هون مو صعبة يعني , المهم للاسف السوريين بالغربة للاسف ككلاب الجنس و انا اسف للتعبير بس هاي الحقيقة من بنت لبنت و بعرف كثير امثلة منشان هيك بصير مهم خلط امى يتعاملوا مع بنت البلد نصبحة لكل بنت اللي ناوي على الحلال مبين بتشوفوا من الباب مو من فيسبوك و شكرا
-سوريا
عادي2015-01-27 12:57:24
كلو فهمان
متل العادة الشعب كلو مثقف وملتزم وما بيقبل الزايحة حسب العادات والتقاليد وطلع الشب ابن حرام وبدو يضحك عالبنت و الو اربع سنين قاعد عم يخطط مشان يأخد صورا ويفضحا عالنت لك طلعو من هالبواب وحاج لوفكة كل شب وبنت قاعدين عم يعلقو صفن بينك وبين حالك دقيقة وبعدا بلش اعطي مواعظ
-سوريا
شب مقبل على الزواج2015-01-24 08:52:24
المكتوب مبين من عنوانو
طالما قلك انو طلب هالشي من بنات كتير ونفذو الي بدو يا فلا تكوني انتي وحدة منهم ويقول لغيرك انو انتي وحدة من الي نفذتي الي بدو يا بصورك العارية مثلا,.
-سوريا
أحمد2015-01-24 06:01:06
لا تردي عليه
لا تردي عليه، إذا رديتي رح يقلك انتي بتعملي هالشي مع كل العالم، وإذا ما رديتي رح يقلك هاه كنت عم أجربك ونجحتي كوني متل ما انتي وما تتغيري كرمال حدا هي إذا ما كان ناوي ياخد صورك ويحتفظ فيها وتاعي حليها إذا ما صار نصيب
سوريا
alber2015-01-23 15:27:15
الأمر بيرجع الك
بتوقع كل الشباب شايفين أجساد نساء عارية على عدد شعر راسهن إذا مو أكتر بس طبعاً لما بتكون المشاهدة بناء على طلب الشب الموضوع بصير فيه نوع من الإثارة كونه نفسياً نظرته اتجاه المرأة الملبية للطلب بحس بالقدرة على التسلط و هذا ما بثبره في الموضوع أكثر من صورة جسد عاري بحد ذاته... بالتالي حسب أنتي شلون حابة تتطور هالعلاقة و حسب شو نظرتك لجسدك : هل ترينه عيباً , شئ محرّم , لا تبالين أم تحبين إظهاره
-سوريا
rojer2015-01-23 10:19:21
يا بنت الحلال
اولا هادا الموضع غلط وغلط تاخدي رأي العالم بجوز بكون عم يضحك عليك ويستغلك هلق بياخد صورك بعدين بهددك بنشر الصور اذا ما بتنفذي شو ما بطلبو منك لا تعلقي بهل العلقة اذا خايفة يروح يروح وين المشكلة واذا كان هو صادق بحبو الك رح يطلبك بشكل رسمي ولا تكوني رخيصة واشتغلي بالاصول
سوريا
ريم 152015-01-23 06:40:30
للأسف
للأسف ما يزال مجتمعنا حتى هذه اللحظة يتبع سياسة المعاقب وليس الناصح، وللموضوع اكثر من بعد وأحد، ثم أن هذه المشكلة مطروحة بشكل كبير في مجتمع الفيس بوك، الذي أصبح في الوقت الراهن عمل الذين لا عمل لهم .. وأنصحك يا صديقتي بأن تطوري قليلا نسبة ثقافتك، وأن تنظري إلى الأشياء ببعد أكبر، فمع الأسف شباب اليوم ينظرون إلى الفتاة كسلعة معروضة، أو لقمة سائغة، وذلك بسبب الجهل النفسي والبعد عن الثقافة والتربية الاجتماعية السوية والدينية.. وبالعامية هاد شب ابن حرام غايتو يتسلا وبس..
سوريا
أبو أنطوان2015-01-22 11:41:02
مافي مشكلة في الموضوع...
فين المشكلة يافهمانة-مع اعتذاري الشديد جدا من الفهم-أعطيه شو مابدو وبعد ذلك سوف تعرفين من هو هذا ال...اذا كان هذا الانسان ال...يريد أن يتصوّر صورا اباحية فهذا من حقه الشخصي ولكن هناك الكثير من بائعات الهوى لايمانعن من ذلك وعليه ان يذهب اليهن وبعد ذلك سوف يشاهد صوره وهو عاري وقد انتشرت على الفيس بوك بسرعة البرق.ان الغريب من وقاحة هذا ال...أنّه يبرر فعلته الشّائنة للّتي باعتقادها سوف تصبح-زوجته-ألمجرم ياعزيزتي لايهمّه شعور الضحية ولكن مع الأسف لا ينفع الندم بعد فوات الأوان .
-النروج
دكتور2015-01-20 09:44:55
الرياض
هاد الشاب لا خرج زواج ولاشى ابداابعدي عنه رح يورط بصور ويستغلك ويخرب بيتك ويشوه سمعتك وسمعت اهلك لو هو مزبوط وفعلا رجل وابن حلال مابطلب من ها طلب ابعدي عنه واكبد ربنا يبعتلك ابن حلال يسترك بالدنيا والاخرة
سوريا
باسل الأصلي2015-01-20 07:50:05
إلى صاحبة المشكلة
شكلك صغيرة و نظرتك بالحياة ما نضجت لسا...اذا عم تدوري على زوج...فالأزواج ما بيجوا بعمر 21-22 اللي بده يتزوج بيجي بعمر فوق 27 سنة على الأقل...كمان دوري على واحد يكون قدران يستقل ماديا عن أهله و اهم شي انه يكون بده يأسس عيلة...مو عم ينطوط و يسأل على صور من كذا بنت... احلقيله على جميع الاحوال (اذا بعتي صور أو لأ)...و ركزي على شي ينفعك بحياتك (دراسة - شغل - صنعة) ..أهم شي لا يكون وقتك فاضي...لانه بتتسلي بحالك و باللي حواليكي
-سوريا
sasoky2015-01-19 12:50:36
بدك الصراحة؟؟
لو مالك موافئة بينك وبين حالك مابتاخدي رأي العالم
سوريا
راوند2015-01-19 11:16:04
ما تردي ولا بشكك فيكي
دائما بحسن النية فيي البنت لانو دائما بتنسحب بسبب عواطفعا الجياشة .... لو انو شب نظيف ما كان طلب منك هيك,,, ولول انو ناوي ع الزواج بيجي من الباب ما بيجي من الشباك او الفيس بوك,, لو كان بده الزواج فعلا كان يوم شافك او مرة ولاقاكي مناسبة الو متل ما ادعى كان خطبك من وقتها .. وصدقي شو ما صار يصير ولااا يمكن شب يكون ناوي الزواج من وحده ويطلب منها هيك طلب ومع التهديد ,, هاد شب وسخ وعندو بدالك كتير زباعترافو وهاد ع فكرة مانو تهديد هاد واقع وازا استمريتي معو رح تتفاجأي بأقذر من هيك بعد
-سوريا
زيكو عاضض لسانو2015-01-18 22:01:38
اللي يبيعك بالفول بيعي بالقشور
شوفي عزيزتي : هلق من صيغة الطرح تبعك مبين انو في شي غلط بالموضوع. يعني عم تقولي انو بدو يتركك اذا مانفذتي طلباتو وانو عندو كتير بنات بيساوولو اللي بدياه يعني مابتصور في بنت بالدنيا بترضى ***انو حبيبها***(وبحط عشرين خط احمر تحت هالكلمة) انو يعاملها بهالطريقة (بمعنى انو في كتير غيرك) الا اذا كان ماسك عليكي شي ومضطرة تسايري لحتى ما يجرصك لانو لو كان عندك ذرة كرامة ما كنتي قبلتي بهالوضع واستصغرتي حالك او انو انتي كمان الك رغبة بهالشي بس لسا عم تشاوري عقلك ..ماكان قصدي جرحك بالكلام بس سؤالك استفزني
-سوريا
مجرب وحكيم2015-01-18 19:04:45
كلمتين نضاف احسن من جريدة وسخة
على ما يبدو انتي مشبعتيه صور وفيديوهات وكلشي كمان , وهلق حسيتي انو ممكن يعمل فيكي شي مقلب قام اجيتي تستشيري العالم , عيني لو محترمة حالك ومانك فاتحتيلو المجال لهالقصة مافي ابن مرة بيسترجي يطلب منك هيك شي, بس من اساس التطبيقة عالفيسبوك غلط بغلط شو متوقعتيه يطلع نبي مثلا؟؟؟
-سوريا
هدى2015-01-18 14:28:19
المكتوب باين من عنوانه
في كتير بنات؟ ، أهلا وسهلا... يعني إنت وحدة من كتار! إن شاء الله ما يكونوا أكتر من 3! لأنه إذا كان واعد كل وحدة منهن بالزواج بالحلال ما بتزبط معه أكتر من 3 +إنت. ويلي بده الحلال ما بدور على شي قبل الزواج بهالطريقة.
سوريا
H&M2015-01-18 08:08:09
بسيطة ليش معقدتيها
عيوني بسيطة كتير شغلتو هزتين و صفنه ... أختي أنا رجال و بعرف شو بدوا يسمع منك ! 1- دوري على موقع غير محترم بالمرة على النت ببعتلك أذا بدك واحد 2- بتبعتيلوا ياه على حسابوا 3- بتكبيلوا تفرج على كل هدول الصور و والأفلام و نفس عن رغباتك و بس تقرر تتزوج تعال لعندي بساعدك تعيش الواقع الحقيقي. ولذلك فوائد كثيرة أن فسرتي المضمون.
سوريا
ربان السفينة 2015-01-18 07:19:15
شخص تافه
ليكي أنا ما بدي نظر عليكي، هوة ممكن يطلب هالشي منك بس لو كان عنجد بحبك وناوي يتزوجك ما بيتركك لأنك رفضتي تبعتيله الصور. منيح أنك ما بعتي شي لأنك يمكن كنت تندمي طول عمرك ويشوهلك سمعتك هدا إذا ما هددك فيهم يفرجيهم لأهلك أو ينشرهم عالفيس ويعمل فضحية قدام أهلك ورفقاتك ومعارفك .
الإمارات
سوري مقيم في قطر 2015-01-17 20:09:27
البنت اللي مابتمد ايدها ماحدا بيستلقاها
1-في جميع الاحوال يجب عليك عدم مجاراته في امور كهذه وان تكون هنالك خطوط حمراءلا يمكن تجاوزهااو حتى الاقتراب منها 2-لو انه كان قد احبك بالفعل فذلك يعني بانك قد اجتزتي مرحلة الاختبار لديه لكي تكوني زوجة المستقبل، وهذاالشيء لم يتحقق كما يبدو لي مما جعله ينظر اليك من زاوية اخرى وباالتالي باتت العلاقة تسير في منحى اخر بعيد كل البعد عن مشروع الزواج وافضى به الى التفكير بان ينال منك ولو لذة عابرة لكي لاتذهب السنوات التي قضاها بمعرفتك سدى .
-سوريا
هشام 2015-01-17 11:47:07
زواج ولكن !!!
هذا ليس زواج إنها شهوة متأججة , ستنتهي حالما ينال ما يريده منكي , ليلقيكي في سلة المحذوفات وبكل تأكيد نهاية هذا الحب على الشكل التالي ..... sorry , this page isn't available
-سوريا
مجنون 2015-01-17 11:42:50
يا امة الله سمعو هالحكي
ما فهمت شي انا,,, طلب منك صور سيكسي,, وانت عم تاخذي راينا؟؟؟؟ يعني انت عم تفكري بالموضوع,,, عن جد؟؟ وعم تسالي ؟؟؟؟ اكيد انا بحلم,,,
-سوريا
مغترب 2015-01-17 11:28:00
رجولة أم ذكورة ؟؟!!!
اعلمي أنّ ما بني على خطأ فهو خطأ , قد يقول قائل هل الحب حرام ؟؟ ليس حرام ولكن بشرط أن يبنى على أساس متين وان يبدأ بطريق صحيح , من يريد أن يتزوج يطرق الأبواب ولا يطرق صفحات الفيس بوك , اعلمي تمام العلم أن ما يفعله معك فعله مع الكثيرين من قبلك و أغلب الظن أن لديه قائمة من الحبيبات على شريط تشات الفيس ... سيكون كلامي قاسي قليلا ... هذا ليس حب ,هذه شهوة سينتهي منكي ويرميكي لينتقل لغيرك ممن يعطوه احساس الرجولة .... ثمّ هذه ليست رجولة ... هذه ذكورة وشتاااااااان بين الرجل والذكر .
-سوريا
rammosh2015-01-17 09:48:23
غريبة
يعني وين وصلتي معو بالحكي حتى طلب منك هيك صور نصيحتي بحل هالمشكلة طلبي منو عشر صور إباحيات إلو إذا وافق معناها هو بحبك وبدو يتزوجك ونيتو صادقة وإذا رفض معناها هو عم يلعب فيكي ونيتو عاطلة وهيك بتكوني كشفتي على حقيقته
-سوريا
واح2015-01-16 23:33:12
استري حالک
انا حاسک باعتيله صور لمشبعتيه وهلق خايفة وبدك تعرفي الموضوع لوين بودي. احسن شي تعملي متل ماقالت السورية المغتربة. حسي بتانيب الضمير اما مو لدرجة انك تمرضي حالك نفسيا وتكتئبي انما لدرجة انه ماعاد تعيديها وتصيري قوية ما ينضحك عليكي
-سوريا
ملاكم2015-01-16 12:13:16
شو هاد الحكي
مرحبا اختي: لو كان هاد الزلمة اللي بتحكي معو رجال ما كان طلب منك هاد الطلب. صحيح انو انسان بس خالي الرجولة وقليل حيا. لو كان بدو يتجوز كان دق الباب هو واهلو أو لوحدو على الاقل وطلبك رسمي. ياريتو قدامي لافقعو بوكس شلو حنكو ورجولتو كمان. سكري الحساب تبع الفيسبطيخ وقبل احذفي كل امورك الشخصية من الحساب وغيري كل البيانات اللي فيه يعني اعملي بيانات خاطئة وبعدين اعملي حفظ واخرجي من الحساب ومرة تانيةاعملي ريستارت وادخلي الفيس تبعك وواعلي حذف او تجميد الحساب. حماك الله
-سوريا
ملاكم 2015-01-16 12:08:28
شو هاد الكلام
مرحبا اختي: لو كان هاد الزلمة اللي بتحكي معو رجال ما كان طلب منك هاد الطلب. صحيح انو انسان بس خالي الرجولة وقليل حيا. لو كان بدو يتجوز كان دق الباب هو واهلو أو لوحدو على الاقل وطلبك رسمي. ياريتو قدامي لافقعو بوكس شلو حنكو ورجولتو كمان. سكري الحساب تبع الفيسبطيخ وقبل احذفي كل امورك الشخصية من الحساب وغيري كل البيانات اللي فيه يعني اعملي بيانات خاطئة وبعدين اعملي حفظ واخرجي من الحساب ومرة تانيةاعملي ريستارت وادخلي الفيس تبعك وواعلي حذف او تجميد الحساب. حماك الله
-سوريا
شخص ما2015-01-16 11:56:57
ههههههه
قصتك شغل تسلاية مو اكتر ...صحيح في ضغط جنسي عليكي وعليه بس الي بده يتجوز سواء بنت او شب ما بيقبل بهيك شغلات..لهيك الشغلة تبعكن فارطة...وشكرا
-تركيا
الدكتور خالد2015-01-16 08:11:44
للاسف
والله اعلم شكلك سلفا باعتيلو الصور ... بس مو هون المصيبة المصيبة انو لسه ما عرفتي انو هادا الشي غلط وما لازم كنتي تعمليه .... يبدو انو في بداية تخوف صارت عندك بعد ما بعتيلو لانو حسيتيه صار يطلب هالشي بشكل يومي ..... انهي علاقتك معو غيري رقمك وسكري الفيس بوك
-سوريا
زينب2015-01-16 02:05:15
الى سورية مغتربة باوروبا
يسلم تمك, وانت يا بنت، سمعي كلمة سورية مغتربة باوروبا واعملي شي بينفعك وبيكسبك احترام المجتمع, مو العكس
-سوريا
سوري مغترب2015-01-15 19:38:28
باين تعودتي عليه
4 سنوات فيس بوك واتصال يومي يعنى صرت متعودة عليه مليح، بس من كلامك باين أنك مابدك اياه كزوج،انت بدك تستمر العلاقة كماهي لحد الان، هو عكس ذلك يريد ان تنحى العلاقة مسارا اخر، ليس صداقة فقط وإنما زعرنة أيضا، وهويعلم انك لاتريده فعلا لذلك صار يطلب منك هيك طلبات، احتمال كبير انه يريد ان يؤذينك لان صداقتك له لم تعد تهمه،نصيحتى ان تنهي العلاقة معه الكترونيا وعلى الطبيعة، رح يكونوا اول سبوعين صعاب بس بعدين عادي
-ألمانيا
مواطن سوري2015-01-15 11:21:37
خليكي دغري
قليلو تعا تزوجني و شوف كل شي شخصي مو صور بس انا بتوقع انو مو جدي و عم يضحك عليكي لانو ما في حاد جدي بطلب هيك طلب
-سوريا
Laurina Sama2015-01-15 10:13:41
طبعا ما توافقي
الشب يلي بدو يترك بنت بحبها مشان هيك شي، الله معو. والله يبعتلو البنت يلي ببالو. ما تحسي بالذنب وتعملي هيك بس من خوفك، لأنو رح تندمي. خليكي قوية وما تستسلمي للابتزاز وانتي الربحانة. بالنهاية القرار لإلك وانشالله ما بتندمي وكل التوفيق.
-سوريا
مغترب2015-01-15 09:42:39
إنه اخر الزمان
بما أنك قد تواصلتي مع الشاب من الأساس بصففة غير شرعية و عن طريق مواقع التواصل الغربية فإنك قد فتحتي على نفسك نار الغرائز المتأججة, و بنا أنك و لحسن الحظ قد انسجمتي مع من تقولين "الحبيب" و الذي يبدو لي أنه مقيم في أحد دول الخليج المنغلقة على أناسها ...فلا بأس من بعض الصور شرط أن تكون مو كتير كتير سكسي .. فلا بأس من اظهار الوجه مع جزء من الكتف الأيسر وجزء من الأرداف ولاسيما تحت الركبة. جمعكما الله بالحلال ليرى ما تبقى من ذلك يا ابنتي
-سوريا
omar2015-01-15 07:21:50
شو بدك في
انا برايي يا بنت الحلال شو بدك في ازا في ناس بتعطي طلبو بالحرام انت ما تقبلي و تكوتي شريكة معو
-سوريا
إبن البلد2015-01-15 06:38:04
الحذر
أختي الكريمة ومن الىخر وريحي حالك الحذر ثم الحذر ثم الحذر ديري بالك وأوعك تعطيه او تسوي شي معو نهائياً وعمرينو للجهنم مايقبل انتبهي
-الإمارات
فواز2015-01-15 05:19:24
لا و الف لا
صديقتي,مادمت طرحت السؤال هدا يعني انكموافقه ولو جزئيا وهدا يتعارض مع اخلاقنا وعاداتنا وتقاليدنا,علما لو ارسلت له الصور لن يتزوجك لانه لم يعد يثق بالاقك وحفظ كيان العائله حيث كما ارسلت له مثل هده الصور ممكن ارسالها لغيره ,لدلك اققول لك لا وألف لا
سوريا
مستغرب 2015-01-15 05:17:19
مستغرب
إبتعدي عنه ولا تكلميه إذا يحبك رح يرجع عليك لا تغلطين وتعملين الي بدياه
-إثيوبيا
medoo2015-01-15 04:59:18
شباب بلا شرف أو أخلاق
شخص عم يتسلى انسيه و لا تعمليلو شي , لو شريف بيخاف عليكي من نسمة الهوا الطايرة و بيحافظ عليكي من الأذى مو بيطلب منك شي ممكن يهدد سمعتك و سمعت عيلتك. و بالمناسبة ممكن بأي وقت هالشخص يتركك بحجة انو متل ما بعتيليو صور لألو ممكن تكوني باعته أو تبعتي لغيرو
سوريا
واحد عادي2015-01-15 04:38:37
بكرا احلى
اول شي بستغرب منك على طرحك للموضوع وعم تسالي شو اعمل ، بربك مابتعرفي شو تعملي ؟ عنجد متفاجيء ، بنت عم بينطلب منها هيك طلب و عم تسال شو اعمل ؟ انا بقلك شو تعملي يا بنت الحلال ، اتزكري شو بيقلك دينك و من ثم تربايتك ، الجواب موجود هنيك ،الدين ، الترباية ، وخليه يتركك مو احسن ما تلاقي بعد بفترة لا سمح الله صورك على النت او على الموبايلات ؟؟؟ هيك حشرة ما بيشرفك و لا بيشرف اي حدا انو يكون بيعرفو بس مجرد معرفة اتركيه و المكسب معك .........
سوريا
SaHaRoN2015-01-15 04:23:47
lol
يا عفو الله فاقت الحارة عل الضحك قال شو قال قال صور Sexy صور سيلفي ما بيمشي الحال خالي
سوريا
سورية مغتربة باوربا2015-01-15 01:21:05
شوفي اش لازم تعملي:
1. تسكري حساب الفايس و تدرسي او تلاقي عمل محترم او تنضبي بالبيت وتتسلي بطبخ او قراءة الخ. 2. تعمليلو بهدلة لهالواطي تغسليه و تمشطيه فيها و تغيري رقم موبايلك و كل حساب يمكن انو يتصل او يبعت حدا يتصل فيكي من طرفو. 3. تتأكدي انو الرجل ما بيرضى يتزوج بنت وسخة لتجيب ولادو و تربيهن و اللي بترضى انو تحكي او ينحكى معا بالسكس وحدة اوسخ من الوسخ بنظر كل الشباب بدون استثناء. 4. يصير عندك ايمان انو كل هالطق الحنك ما بيعمل تصيب و الزواج قسمة من الله 5. ما بقى تعطي مجال لحدا يستغبيكي او يترازل معك
-سوريا