syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

عمري 20 سنة و خطيبي يكبرني ب 15 عماً و مطلق  هل يؤثر هذا على حياتي ..افيدوني
اسأل مجرب

يتأثر العديد من الاشخاص بآراء الاخرين و أحكامهم مما يؤثر على قرارتهم و مستقبلهم .


تقول صاحبة الرسالة " انا فتاة عمري 20 و خطيبي اكبر مني ب 15 سنة كان متزوجا و طلق و هو يحبني كثيراً و نحن متفاهمين ولكن هناك الكثيرون يحذرونني من فرق العمر "

تتابع "  فهل من الممكن ان يؤثر هذا على حياتي ?? و اتمنى منكم المشورة الصادقة حتى اتمكن من اتخاذ قراري ... افيدوني ".


2014-12-29 21:54:22
شاركنا على مواقع التواصل الاجتماعي:



شارك بالتعليق
الى فواز2015-01-12 12:24:17
من انثى
اي واحد من الاولاد تحبه اكثر؟؟؟ هو سبب بقائها معك ايها الشائب! بعمرك لازم تشوف طبيب خرف. قال سعيدين ههههههههههه طيب خود حباية ضغط و اتغطى منيح
-سوريا
فواز2015-01-11 09:19:31
كل شيء بيرجع للنيه
العمر لا علاقه له بالزواج مادامت النيه بناء اسره.انا عندي 61 سنه وزوجتي 29 سنه متزوجين من 9سنوات نعمل مع بعض هي مرتاحه ماليا وليست بحاجه واستطيع ان اقول انها غنيه وانا الحمد لله مرتاح ماليا.زواجنا كان مبني على الاعجاب وليس الحب علما انها جميله وسبب زواحها لم يكن لاي سبب شائم.نقضي مع بعضنا ال 24 ساعه وانتقل الاعجاب للحب ونحن سعيدين جدا بحياتنا.من ناحية الاولاد انا عندي 4 أولاد من المرحومه زوجتي والصغير فيهم اكبر من زوجتي .والجميع يزورونا وسعيدين في وجودها معنا وهي تحنهم حب شديد.الامر لك سيدتي
فيتنام
طارق2015-01-09 21:11:27
أهم من كل شي ..
مؤيد و لا معارض ؟ :D :D :D
سوريا
مغترب منعشرين عام2015-01-07 15:42:29
عمر الزواج المثالي
باوربا عمر الزواج و الانجاب المثالي للزوجين هو بالعشرينات وحتى لو لم يكن التعايش بمراسم كنائيسة. واي كلام غير ذلك كاذب. الزواج باعمار فوق الثلاثين يكون لاناس كانو قد قررو عدم الزواج مسبقا و تغيرت افكارهم و هم نسبة صغيرة او اشخاص يتزوجون للمرة الثانية او الثالثة مع الحرص على عدم الانجاب باعمار متقدمة لانهم ينطرون لان الاعمار المتقدمة هي الاعمار التي يجب ان تنعم بالراحة و العطل و السفر و ليس التفرغ لتربية الاطفال. اما عن تكوين النفس ثم الزواج فهذا المصطلح غير مألوف بالغرب نهائيا!!!
-سوريا
شعب مقرف2015-01-07 02:29:39
عن أي أعمار تتحدثون !؟
فعلاً شيء مقرف يعني بعض التعليكات بتلف وبتدور على محور أن الشاب ذو ال35 عاماً هاد خالص زيته ومنتهية شبوبيته قسماً بربي عيب على كل واحد بيحكي بهالمنطق ليش دخلكن اديه هوه السن المنطقي للزواج المستقر ؟؟ أنا معكن إنو مافي أحلى من الزواج بالعشرين والخمسة وعشرين بس كم نسبتهم من مجتمعنا المسكين ؟ وبالنسبة لأوروبا وامريكا الشباب عندهم بيتزوجو بعد ال35 لأن بيكونو عندهم اولاد قبل ما يثبتو الزواج كما هو معروف.. اتقو الله في كلامكم والشباب اللي بعمر 35 بتكون عاركته الحياة منيح يا جميلة وليس معلوك مبزوق
-سوريا
عادي2015-01-06 20:06:47
عادي جدا جدا
ماني شايف اي مشكلة فرق 15 سنة بين الرجل والمرأة يعتبر عادي جدا بعدين في كتير نسوان بيحبوا الرجل الناضج
-أنغولا
Mida2015-01-06 18:51:49
بيب بيب
ههههههههههههههه, شوفي اذا خابصتيلك شي خبصة من قبل ومافي امل يتقدملك شب او عزابي. عليكي به, زيدي الدسم للاكل و كتريلو من التمرينات الرياضية شغلة عشر سنين كون انتقل للرفيق الاعلى و انتي ورثتيه بالكامل خصوصا اذا قدرتي تخلفي ولد منو. ب 30 بتكوني بعز صباكي لسه و عندك مصريات وعندها احسن العزابية وحتى الازغر منك راح يركضو حتى توافقي عليهن كازواج
-سوريا
الجميلة 2015-01-06 12:07:02
ما بدك ياه
شو بدك بهل العلقة عزيزتي الرجال بشو بدن يفيدوكي صار في بدائل الهم بهل الايام وكتيييرة كمان لا وكل هل الفرق بالعمر ومطلق يعني معلوك ومبزوق !!!!! وزا على الولاد تبني ولد او انبيب بيب بيب
-السعودية
الحكيم بإذن الله2015-01-05 21:34:46
الحكيم بإذن الله
من ناحية العمر افضل لإلكن بس لازم تعرفي شو يعني استقرار بالنسبة اله لاني الاستقرار اقصا راحة وماشرط اذا تجوز يكون مو منيح ممكن ماتكون منيحة معه واذا مبسوط معك فين المشكلة بالعكس هاد شي بطمن واخر شي بقلك ياه مقولة احد الصحابة ان النبي محمد صلى عليه وسلم كان يعلمنا الاستخارة في الامور كلها كما يعلمنا السوره من القرآن وبالتوفيق يارب
سوريا
زمر عالكوع2015-01-05 04:49:27
آسفين ياجماعة صلر في خربطة
عفوا" خربطنا بالموضوع هداك التعليق يلي بعتو كان عن السؤال يلي عم يشكي من مرتو بس كنت فاتح الصفحتين وخربطت أسفين ياجماعة
-فرنسا
زمر عالكوع2015-01-05 04:43:22
بخصوص انها بتفهم بالشرع كتير
قلها روحي أقري بالشرع وفهمي منيح محمد عليه الصلاة وسلام شو أمر....حكم النبي صلى الله عليه وسلم بين على بن أبى طالب رضي الله عنه ، وبين زوجته فاطمة رضي الله عنها حين اشتكيا إليه الخدمة ، فحكم على فاطمة بالخدمة الباطنة ، خدمة البيت ، وحكم على علي بالخدمة الظاهرة ، ثم قال ابن حبيب : والخدمة الباطنة: العجين ، والطبخ ، والفرش ، وكنس البيت ، واستقاء الماء ، وعمل البيت كله .
-فرنسا
عمر 2015-01-05 04:29:10
سجلي عندك
مهندس شبكات وعمري 35 وعم ادرس بجامعة أوروبية وغربة 5 سنين بالامارات ومقيم بألمانيا وعندي بيت وشغل ومكتفي بفضل الله ورفضوني أهل البنت يلي عمرا 21 بحجة مالي متخرج من جامعتي بسوريا ومابيعطو بنتن لغربة وكبير !! ! أحسن مايكبسوكي مخلل متلما كبسوها للبنت اتجوزي ..
-سوريا
زياد2015-01-04 12:33:36
الزواج الحديث
إذا في انجذاب للشب و هو مؤسس حالو و مكتفي مادياً, لا تخافي الشب لي معو مصاري محا يختير على بكير.أما الفقر و النكد هو لبيقصف العمر. في ابحاث و دراسات بدول العالم الاول و الصناعية تثبت ارتفاع متوسط عمر الزواج و الشب بامريكا ليوصل لسن ال 40 لحتى يفكر يتجوز.
-سوريا
مغترب2015-01-04 08:21:42
سؤال نبيه جدا
ع أساس معك كتالوك عم تنقي عرسان واقفين عالدور عباب بيتك. روحي خرطييا جوازة و بظظيلك ولدين التهي فييون ...مظبوط خياط؟؟؟
-سوريا
مجرب 2015-01-03 14:58:56
مجرب
الله يعينك لح يكون تبعو كبير كتير بس بعد شهر من ليلة الدخلة لح تنبسطي فكملي بعدين يلي بيسمعك بقول العرسان مقتلين بعض منيح يلي صحلك
سوريا
د.ابو حيدرة2015-01-03 13:57:26
من آخرتا
البشر وصلت للمريخ وانتو لسا عم تفكروا بفارق السن ؟!!! يعني إذا عاجبك و عاجبتيه و متفاهمين شو فائدة السؤال بالله ؟!! و إذا بدك تضلي تسألي فبنصحك تبطلي من الاول و بلا هالحكي الفاضي ، بعدين 15 سنة فارق حلو عفكرة يعني مو كتير و أفضللك لانو بكرا هو بختير و انتي لساكي صبيه ..اتكلي ع الله وقولي يالله
-سوريا
محمد2015-01-03 09:40:56
ليس كبيرا
انا اكبر زوجتي 17 عام وصار لنا متزوجين 25 عام ومتفاهمين اكثر من كل أقاربنا واصحابنا.. وبالعكس اشعر انها الان كبيرة ... المراة تكبر كثيرا بينما الرجل يزداد شبابا
سوريا
فادي 2015-01-01 17:25:16
عادي
يعني منين بدك تلاقي شب بعمرك جاهز نفسيا ومعنويا واقتصادياً للزواج؟؟؟؟ المشكلة انه انتي بدك تتزوجي ع بكير مشان هيك مارح تلاقي بعمرك شب للزواج. تانيا 35 سنة ماشي الحال مو كبير كتير. بكرة بيصير عمرك 30 ورح تبيني ختيارة اكتر منه. رابعا من الاحسن انك تستني كم سنة قبل ما تتزوجي لتبني شخصيتك بشكل افضل. خامسا طولي الخطبة شوي لتتتعرفي عليه اكتر وتشوفي قلبك شو بقللك. ت
-سوريا
محللة اجتماعية2014-12-31 15:36:36
ولسه الخير لقدام.....
السنوات القادمة ستشهد ارتفاع لنسب الطلاق لدرجة كبيرة جدا ما عرفتها سورية قبل الان وذلك نتيجة الزيجات السريعة التي تمت كصفقات لستر البنات نتيجة ظروف الحرب.سمعت عن كم حالة حول انه مجرد الوصول لبلد اللجوء او الحصول على جنسية الزوج تقوم الزوجة بطلب الطلاق فورا. الفرق العمري بين الازواج يجب ان لا يتجاوز هامش الحوار الفكري و التناغم الجسدي بين اثنين وبالتالي اكثر من 10 سنة حد اقصى جريمة بحق كل من الطرفين. ومن يريد الاستشهاد بزواج الرسول من عائشة يجب ذكر زواجه الاول من خديجة ايضا و التنبه لانه نبي
-سوريا
سنوات الضياع ثم سنوات الطلاق2014-12-31 15:16:52
اكثر من 12 سنة فرق حرام
عكس المعتقد السائد فالرجل هو الذي يظلم من الزواج بفتاة تصغره سنا بكثير. الفتاة تتدلل و تطالب الرجل بدفع ما يعوضها عن تنازلها للعيش مع مريض او متصابي او مهووس جنسي. والرجل يعمل المستحيل كي يبدو بعينيها شابا من صبغ الشعر وتخفيف عقل و قيمة ,وتغاضي عن اخطاء فاحشة ترتكبها, و دفع النقود و الهدايا لها و لاسرتها حتى تتعامى الصبية عن عمره. والمصيبة ان هذا الرجل يأمل ان يكون جيل الكافيهات والفايس بوك بنفس عقلية امه و جدته في الماضي وان زوجته الصغيرة ستصبر عليه مستقبلا من اجل السترة او الاولاد.ههههههههه
-سوريا
Afif2014-12-31 10:17:43
التركيز مو على العمر
الفرق الكبير بالعمر بيعمل مشاكل الها علاقة بنوع وطريقة التفكير, لكن في حال وجود وعي من الطرفين هاي المشاكل بتخف والتركيز الكبير هو على سبب الطلاق
-سوريا
sasoky2014-12-30 18:25:56
الفرق طبيعي
وبهاد الوئت لازم يكون أكتر لسى لأنو بتشوفي كل بنت لساتا بفترة المراهقة بتفكريها فوء التلاتين
سوريا
نصيحة2014-12-30 12:34:15
الطلاق
عليكي أيضا أن تعرفي سبب الطلاق ليس فقط منه بل من الطرف الاخر ايضاحادثة الطلاق مهمة أيضا للوقف عندها وعدم الاستعجال وبالخصوص إذا كان هناك أولاد
-سوريا
نصيحة2014-12-30 12:29:57
فرق العمر مهم
فرق العمر سوف يؤثر في المستقبل فعندما سوف يكون عمرك 35 هو سوف يكون في الخمسين أنت في عز شبابك وهو على أبواب الشيخوخة وسوف يكون مظهركما كأب وابنته انت مازلت صغيرة والحياة امامك لا تستعجلي ففرق العمر برأيي مهم في المستقبل وليس الان أن مع فرق بين الخمس وال 10 سنوات كحد أقصى.
-سوريا
باسل الأصلي2014-12-30 12:01:24
السؤال مكرر
هي يمكن تالت او رابع مرة بينطرح نفس السؤال بنفس الأعمار...ارجعي للأرشيف اذا بدك
-سوريا
سوري2014-12-30 06:43:28
ليش ضل شباب بالبلد
حمدي ربك انك لقيتي واحد يتجوزك نص شباب البلد طفشو او نقتلو وانت عم تتدلعي وفرق العمر بعد عشر او 15 سنه خدي صورة مع جوزك وشوفي مين الاصغر اكيد رح يبين هو لانو المره بتختير بسرعه انا بشوف اذا متفقين انسي العمر
-سوريا