syria-news.com
syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
هل اصبح التعليم العالي .. "غالي" ؟
تحقيقات

قرار برفع رسوم التعليم المفتوح .. يقابل بالرفض من قبل طلاب

"الطالب يلي ما معو يدبر حالو" هي العبارة التي نقلها طلاب في التعليم المفتوح عن وزير التعليم العالي في لقاء تلفزيوني والاكثر انتشارا على صفحات الطلاب على الفيسبوك اليوم ، وساقها الوزير ردا على سؤال المذيع حول رفع رسوم التسجيل في التعليم المفتوح في الجامعة.


وانتشرت اثر اللقاء في اليومين الماضيين حملات رفض للقرار الذي اعلن عنه الوزير مالك علي خلال لقاء بث على التلفزيون الرسمي مؤخرا  اعلن بموجبه رفع رسم التسجيل في مادة التعليم المفتوح بنسبة 65% تقريبا لتصبح 5000 ليرة على كل مادة بدلا من 3000.

 

ويؤثر هذا القرار على اكثر من 140 الف طالب عدد الطلاب الذين يتابعون تحصيلهم العلمي في فرع التعليم المفتوح في الجامعات السورية في ظروف غير اعتيادية تعيشها سوريا.

 

وفور انتهاء المقابلة وردت إلى سيريانيوز العديد من الشكاوي من طلاب يدرسون في برامج التعليم المفتوح، حيث اعتبر احدهم بان رفع الرسوم بهذه النسبة الكبيرة أمر "غير مقبول بالنسبة للظروف المادية التي يعيشها الطلاب".

 

ومن المعلوم بانه ينتسب الى نظام التعليم المفتوح ، الذي احدث في العام 2001 ، الكثير من الطلاب العاملين ممن لم تتسن لهم الفرصة للتسجيل في التعليم النظامي المجاني ويعملون لتغطية نفقات دراستهم ، او هؤلاء الذين يباشرون اعمالا وليس لديهم الوقت الكافي للالتزام في دوام جامعي كامل.

 

ومع انكماش الاقتصاد السوري وتعرضه لازمات كبيرة وازدياد نسبة البطالة خلال العام الاخير باكثر من 60% ووصول نسبة الفقر الى مستويات قياسية بحسب تقرير نشر في مجلة الايكونومسيت الاختصاصية الشهر الماضي ، فان تأمين اقساط الجامعة بالاضافة الى متطلبات المعيشة الاساسية للطلالب بات امر صعب للغاية.

وبحسب الزيادة الواردة على موقع وزارة التعليم العالي فانه يتوجب دفع  6000 ليرة سورية عن كل مقرر في اختصاص الهندسة المعلوماتية ، أما باقي الاختصاصات عن كل مقرر 5000 ليرة، بعدما كان سابقا 3000 ليرة فقط.

 

وتحاول الحكومة من خلال رفع الرسوم والاسعار على بعض الخدمات والسلع تعويض الموارد المتناقصة بحدة للدولة بسبب الازمة التي دخلت عامها الثالث.

وطالب طلاب في شكاوى وصلت إلى سيريانيوز من وزير التعليم العالي إلغاء قرار زيادة رسوم التعليم المفتوح و"تقدير ظروف الطالب الذي اصر على الاستمرار في تحصيلها العلمي على رغم كل الظروف والإعاقات التي يفرضها حال البلاد في الوقت الراهن".

 

وعبر المئات من الطلاب عن احتجاجهم على هذا القرار على صفحات التواصل الاجتماعي ، وانشأت صفحات خاصة لحشد الدعم في تحركات طلابية لابطاله.

وعلقت "الصفحة الرسمية لطلاب التعليم المفتوح في سوريا" على الموضوع بقولها ( التعليم المفتوح اصبح يحتاج ثورة اسمها " ثورة التعليم المفتوح " على غرار مصر لجعله مجانا وضمه للنظامي حكومات لا تأتي الا هكذا ...  )

 

وردا على هذه الدعوات نقل احد المواقع الالكتروينة قول الوزير بان "  زيادة الرسوم قد تمت دراسته من قبل مجلس التعليم العالي من قبل وقد تم توقيعه مبيناً أن جميع البرامج والأسس والتشريعات في نظام التعليم توضع للطلاب المتفوقين والراغبين في الدراسة، وليس للطلاب الفاشلين لذلك من الأفضل على الطالب أن يتفاءل ويجتهد ويدرس لا أن يضيع وقته عبر الدعوات المكتوبة عبر شبكات التواصل فالدراسة هي التي ستجلب النتيجة الحقيقة له." 

 

مجموعة اطلقت على نفسها "حَندبر حالنا .. " في اشارة لتصريح الوزير (يلي ما معو يدبر حالو)  الى العمل لابطال قرار رفع الرسوم ، وتباينت الدعوات في الصفحة بين الاعتصام وبين التوقيع على عريضة ترفع الى المسؤولين بهذا الخصوص.

 

فيما دعا احد الطلاب ، الذي على ما يبدو سينصاع الى تنفيذ القرار ، الى تغيير اسم الوزارة من التعليم العالي الى "التعليم الغالي".

 

قسم التحقيقات - سيريانيوز

 


2013-09-24 03:06:17
شاركنا على مواقع التواصل الاجتماعي:



شارك بالتعليق
Manal2014-04-18 11:55:14
ومالوووووو
اللي عم يحكي عن أوربا ويقارن شكلو بحياتو ما شاف ابعد من ضيعتو، انا بقلك شغلة اقل راتب بفرنسا 1200 يورو وهاد ما بيطلع عليه ضرائب، عال عكس اذا عندو ولاد بيعطوه مساعدات. واللي ماعندو شغل الدولة بتدفعلو أجار بيتو وبتعطيه دخل بطالة بس مو خمسمئة ليرة متل عنكم، وبتاخد ضريبة من اللي دخلو كبير لتغطي مساعدات العاطلين عن العمل، بفرنسا الدراسة مجانية بالمدارس، وشبه مجانية بالجامعات، لما بتحب تشتري بيت او سيارة بفرنسا بيعطوك القرض وما بياخدو من راتبك غير التلت متل عنا فرد شكل،
فرنسا
مجد2013-10-01 15:05:09
تشليح المواطنين
طبعا شو هامو للاخ بس يحطو الواحد وزير بيعطو 12 ل15 سيارة تحت بيتو و4 شوفيرية وتشكيلة شي 15 حارس .... وغيرو وغيراتو .. شلون بدو يحس بالناس هادا.. شي مقرف
-سوريا
الدولار نزل2013-10-01 10:46:59
الحرامي الاكبر
وهي نزل الدولار نزلولنا الاسعار ولا بس شاطرين تقولو عن التجار انون حرمية
-سوريا
سوري2013-09-29 10:10:52
سوري
حرام زيادة الرسوم على الطلاب وخاصة بهذه الظروف الصعبة، علينا أن نساعدهم لا أن نزيد اتعابهم المادية، وخاصة بهذه الظروف ومن قال أن الجامعات الأوروبية الحومية غالية، هذا ليس صحيح، الجامعات الخاصة غالية أما الحكومية فهي رخيصة وتساعد من لا قدرة له على الدفع ويوجد كثير من المساعدات السكنية ووو.
-سوريا
JALAL2013-09-24 23:12:46
الى ابو العبد
والله انت طلعت مالك فهمان شيء هلق عم تقارن اوروبا التي تعتبر من مصافي دول العالم بالرفاهية مع دولة مثل سوريا ترتيبها 150 عالميا يعني اللي صار فينا كله مثل هيك عقليات اللي وصل البلد لهذه المرحلة لسع كل واحد بيطلع وبيقول ان سوريا ارخص دولة في العالم واذا بتقارن الرواتب والمعاشات مع دول العالم بتلقيها اغلى دولة بالعالم وابسط مثال الاوروبي كل سنة اقل شيء بيروح هوليدي مرتين خارج دولته اما السوري المعتر بيجوز بكل عمره مو مسافر برى سوريا فكافي هذه الخطابات الخشبية المتحجرة قال بيقارن سوريا مع اوروبا
بريطانيا
zozo2013-09-24 21:43:20
اصلاحات بشار
معلوم الوزير و معلمو قاعدين على برج و مو شايفين الناس الله يخلصنا من هيك ***
-سوريا
شامية اصيلة مية بالمية2013-09-24 20:02:36
الطلاب بيدفعو حق مويابل 60 الف اما للتعليم والدراس
الطلاب بيدفعو حق مويابل 60 الف وانترنت بالشيء الفلاني وبس للتعليم بيشحدوا ... وخصوصي هدول الاطباء يلي بيدرسو بالمجان وبيروحو بيشتغلو بامريكا وبدول الخليج ،!!!!!!!!!!!!
-سوريا
علام2013-09-24 19:41:45
إعادة اﻷعمار
على مايبدوا هذا المقاوم (وزير التعليم ) بدو يساهم بإعادة إعمار مادمره المسلحون بكافة انواع القصف الجوي والصاروخي لان مايسمى العصابات المسلحة إستطاعوا الدخول عبر الحدود إلى داخل سوريا وادخلوا كل انواع اﻷسلحة دون ان تشاهدوهم قواتنا الباسلة المقاومة ودمروا البلد
-سوريا
ا2013-09-24 19:42:09
ع
على أساس رفعوا الرواتب ميتين بالمية خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ تشكر الحكومة على مراعاتها رعيتها هههههههههههههههههههههههههههههههههه خخخخخخخخخخخخخخخخخخخخخخخخخخخخخخخخ اععع اعع عععععععععععععععععععععععععععععع
-سوريا
خليها لله2013-09-24 18:31:21
خليها لله
حكومة بستجدي تجمع 200 الف دولار شو بتوقعوا منها
-سوريا
شامي بألمانيا2013-09-24 16:02:57
إلى أبو العبد
و الله يللي بيسمعك بيقول الحرية عم تقتل بعضها عنا بالبلد..حبيبي ألمانيا يللي هي ألمانيا يللي بتسوى مليار راس من وزيرك و حضرتك كمان التعليم فيها ببلاش و هي حرية و ديمقراطية و احسن اقتصاد...و هدول كانوا صفر بعد الحرب فالله يرضى عليك امشي من هون قال حرية و ديمقراطية...روح عمي روح الله يسهلك انته ووزيرك و حكومتك و جماعتك كلون عالطالعة و النازلة بنطولنا شوفو اوروبا ايه تعا شوف اوروبا و بعدين منحكي
سوريا
مضحك مبكي2013-09-24 15:01:43
إلى أبو العبد
سؤال أنت طالع برات سوريا شي، وزرت شي بلد أوربي. والله شكلك بتشتغل بمكتب الوزير وبعمرك ما طلع برات حارتك. عنجد ما عم لاقي حكي رد عليك. لتكون عم تحكي عن بلد تاني سويسرا أو النروج...
-سوريا
الى ابو العبد2013-09-24 14:51:13
يستر عرضك حل عن مخنا
مشانو لله حاجة فزلكة ومحاضرات عن الحرية الغربية وحقوق الانسان وبطيخ مبسمر!! يعني لسا كل ما طلع واحد بدو ينتقد شي مسؤول بتنطولنا بهل الاسطوانة والله ملينا يا زلممة
-سوريا
سورية حرة2013-09-24 14:38:56
الى أبو العبد
معليش تفهمني من وين جبت العلاقة بين الحرية والديموقراطية والمصاري والضرائب؟؟يعني قصدك عنا مفكر انت بيدفعولنا لنسكت عن الديكتاتورية مثلاً!! اي شو هالرواتب الخيالية اللي عنا واللي عم تكفي وتفيض !!!مانك شايف أسعار المواد الغذائية والمواصلات والغاز والانترنيت .. عمرك شفت شي أوروبي حامل هم حق جرة الغاز أو أجار البيت أو حق كيلو اللحمة !!!..هاد ومع أنو الجمعة عم يدفعوا ضرائب عادلة بتحسن بلدهن وبتنرد عليهن.. روح روح الله يسهلك!!
-سوريا
جزراوي(fm سابقاً)2013-09-24 13:36:28
وزير ..لك آخ منك يا وزير
ما ناقص غير يحكي مش بدكن حريي؟ يا شباب في جامعة جديدة داعش للتعليم المفتوح ممتازة، من ورى هيك وزرة اجت داعش و غيرها
-سوريا
إلى أبو العبد2013-09-24 13:11:55
إلى أبو العبد
يا أخي إذا بدك تقارنا بأوروبا شوف احترام حقوق الانسان والعناية الطبية والتقاعد واحترام الانسان كإنسان وتأمين الحياة الكريمة له، بعدين احكي بالضرايب، وقت الدولة بتوفر هالشي بحقلها تفرض يلي بدها ياه، مو عم يقتلونا ويدبحونا ويدمرولنا بيوتنا وبعدين بتجي بتنط وبتقلي حرية وديمقراطية ومع الوزير، شو وين عايش انت ؟
سوريا
Che2013-09-24 12:11:17
تعالو نخطفوا :)
انا بقترح نخطف الوزير ونطالب بفدية ونوزع المصاري عل الطلاب وهيك منكون دبرنا حالنا واستعنا بالوزير :) ، ما خرب بيتنا غير العقليات المتحجرة للوزراء انا بتذكر ايام وائل المعلا قدمت امتحاناتي وبعد نجاحي بخمس مواد رسبوني بالسنة وما احتسبوهم، الله وكيلكم اخدت اجازة من شغلي ونزلت على سوريا وكل يوم من بداية الدوام لنهايته وانا واقف على باب مكتبه لمدة شهر وما قدرت اشوفه وبالاخر عيدوني السنة والاضرب انو بعد بفترة شفتو بمقابلة ينظر عل الجامعات الاوروبية بمنهجية التعامل مع الطلبة
-سوريا
طالب معتر 2013-09-24 11:24:47
يلي ما معوا يدبر حالوا
يعني ما بكفي انو عم نتقدم للامتحانات بدون حضور لصعوبة الوضع يلي نحنا فيه وصارت النزلة على الجامعة تكلفنا بقرة جحا هاد اذا قدرنا نوصل ولسا في عباقرة عم تفكر شلون تديق علينا أكتر وتزيد الرسوم لأنو اللي قاعد ومرتكي وسيارة بتاخدو وسيارة بتجيبو طبعا مو حاسس بمعاناتنا ومفكر انو كل الطلاب المسجلين باتعليم المفتوح أولاد طبقة رأسمالية وعم يطبعو مصاري .....الله يعينا على هالناس اللي مفكرة الناس كتير مرتاحة وخصوصا بهالوضع وكأنو هنن جايين من كوكب آخر؟
-سوريا
شبيح على قاطعي الرؤوس ومجاهدي النكاح2013-09-24 10:17:56
راي شبيح
من هالتصريح فينا ناخد فكره واضحه عن العقليه المتحجره والمتخلفه لدكاترة الجامعه
-سوريا
ابو العبد 2013-09-24 09:40:45
توضيح
انا مع اعتراض الطلاب وكلنا منعرف الظروف يللي عايشها كل واحد منا والشي يللي بدي قولو مو لأني عم دافع عن الوزير او غيرو بس ياشباب ياعالم ياهو هي هية الديمقراطية والحرية يلي عايش بأوروبا الديمقراطية يللي عم يصرعونا فيها حقها مصاري وضرايب يعني قبل ما تستلم الراتب بكون مقطوع منو الضرايب يامحلا ضرايبنا صحيح عاطينك حريتك ببلاد الغرب بس بالمقابل لاعنة ابو شرف العالم بالضرايب ويللي مفكر انو الحرية والديمقراطية راح تنزل الاسعار بحب قللو انته مالك فهمان شي
-سوريا
!!2013-09-24 08:42:07
!!
من فوق مالعالم ملتعن غيمها كمان الدولة بدها تشحد علينا. حسبنا الله ونعم الوكيل
-سوريا