syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

عديمة الثقة بنفسي وبقدراتي العقلية بالتعلم ولا اثق بجمالي ...ساعدوني
اسأل مجرب

الثقة بالنفس من  أهم العوامل المساعدة على  تكوين شخصية سلمية و معافاة من جميع النواحي و النفسية أهمها و يقع على الأهل و المجتمع و الانسان بحد ذاته  القيام  بهذه المهمة الهامة .


تقول صاحبة الرسالة " عديمة الثقة بنفسي جعلتني لا اخرج من المنزل إلا قليلا ، لا اثق بقدراتي العقليه بالتعلم ، لا اثق بجمالي مع ان الكل يشهد لي بذلك اقول أنا لست شقراء ولا عيني ملونه انا لست جميله ماذا اعمل انصحوني " .


2013-07-08 12:00:39
شاركنا على مواقع التواصل الاجتماعي:



شارك بالتعليق
عبد الله 2013-07-16 11:13:58
ارضاء الناس غاية لاتدرك
دائما عزيزتي نظرة الناس هي جزء من نظرتك لنفسك ..دائماًلا تركزي ع الناس كيف بتشوفك المفروض انت كيف بتشوفي حالك انت مافيكي ترضي كل الناس بس المهم ترضي ربك .. قوي ايمانك بربك ولايهمك ترضي حدا بهل الدنية إلا الله .. انت عم تركزي على الناس مو على نفسك ركزي على نفسك وكوني واثقة انو انت مهمة عند رب العالمين لذلك خلقك بس كوني معو وارمي كلشي خلف ضهرك .
سوريا
سوسو 2013-07-16 03:43:29
ماحدا رضيان بنعمتو
اذا البنت كانت حلوه الف عين بتصيبها وبضل محسوده واذا البنت عاديه وشافت حدا من بنات الجيران احلى منها ولابسه احسن بيصير عندها عقده نفسيه هل مرحله كل البنات يمرو فيها وخصوصا المراهقات انا كنت قبل الزواج ضل محسوده وانصاب بالعين حتى بعدماتزوجت صرت انصاب بالعين انا واولادي مابعرف شوالسبب مع انو يلي بيصيبوني بالعين اقارب وليس اغراب لذلك ارضي بحالك ومافي بنت بشعه بس تظبط حالها شوية غنج وشوية دلع ولامبالاة بلي حولك والعبي مع الاطفال رح تتغير نفسيتك
-سوريا
باسل2013-07-10 15:01:40
مداخلة
انا عن جد بستغرب من الناس يلي بتشوف انسان بحالة نفسية صعبة وبتطلب منو انو يتحول للحالة المعاكسة بكلمتين وبكل بساطة كانو الموضوع كبسة زر او فورمات للهارد وانتهينا ... لو الموضوع بهالبساطة ما كانت صاحبة المشكلة طلبت مساعدة ... عن جد يلي رجليه بالنار مو متل يلي رجليه بالمي ... وما حدا بيعرف شو يعني الوجع لحتى يجرب ... انا ادعو لصاحبة المشكلة براحة البال والطمأنينة والسلام الداخلي
سوريا
سالي2013-07-10 02:42:46
اعرفي نفسك
اول شي لازم تساعدي حالك وتشيلي من بالك فكرة انا مو جميلة وانا عديمة الثقة ؟؟؟ الكلام يلي بتردديه لنفسك له 90% تأثير على صحتك النفسية ..نصيحتي : قفي امام المرآة وقولي انا جميلة انا واثقة من نفسي انا ذكية انا احب روحي احب قناعاتي احب افكاري ..طبعا ماتضحكي وتقولي هاد حكي مجانين لا ابدا هاد علم ومدروس واثبت بانو كلامك مع نفسك بيزيد من ذكاءك ..اياكي تستسلمي لانو الثقة بتنبع من ذاتك وبس ..اعملي اختبارات اسئلة واجوبة مشان تعرفي زوايا شخصيتك اطرحي اسئلة على حالك تعاملي مع الناس وموفقة ..
سوريا
شاميةحبابة2013-07-09 19:38:24
وحدة عندا نفس مشكلتك
انا كمان بتواجهني اوقات بتكون فيا ثقتي بنفسي قليلةأومعدومةوهالشي بخليني بطل اعرف احكي وراقب حالي عطول،بس بعدين الجمال ماهوةالشي اللي بعطيناالثقةبالنفس بكرا كلنا رح نختير وجمالناحيقل مع الزمن،الجمال جمال الروح، بشارك القراء الرأي بانو الحل القراءةوالاطلاع طلعي،احتكي بالناس وعملي دورات حاسب-لغةاذا فيكي،اقري كتب تطويرالشخصيةوالبرمجةاللغويةالعصبيةابراهيم الفقي،ثقي بانو الله بحبك ومخبيلك خير يمكن نحنا مانعرف وين الخير النا بس هو عزوجل بيعلم لاتضيعي عمرك بافكار سلبيةمانها صحيحةبس انت مخليتيا صح بعقلك
سوريا
د.أبو حيدرة2013-07-09 17:03:46
باختصار عزيزتي
ليكي من آخرتا ، شو ماكان جمالك ، حلوة أو لأ ، متعلمة أو لأ ، و شو ما كانت مفوماتك ، لا تفقدي الثقة بنفسك، الثقة بالنفس من اهم عناصر الاستمرارية بالحياة ، مو ضروري تكوني حلوة و مو ضروري تكوني مهندسة أو دكتورة أو آنسة أوووو لتوثقي بنفسك ، دائماً تذكري شغلة مهمة محدا أحسن من حدا بس في حدا بيتعب أكتر من حدا ,,,بقا خليكي وائقة بنفسك
-سوريا
فادي 2013-07-09 09:59:50
مجرد رأي
أختي الكريمة هاد الشعور كنت أحس فيه أيام مراهقتي بس بيروح مع الايام لان رح تكوني مشغولة بأمور أهم من هي الشغلات السطحية ونصيحة خليكي على طول عم تضحكي بتضحلك الدنيا
-الإمارات
باسل الأصلي2013-07-09 09:38:44
إلى الصغيرة صاحبة المشكلة
اشتري لبس جديد و غيري تسريحة شعرك بتسريحة جريئة أو متمردة...بتعطيكي جرعة معنويات مؤقتة...المهم انك تنجحي بمجال من مجالات الحياة تبني ثقتك على أساسه (دراسة-خياطة-أشغال-تجارة- طبخ- كتابة...)..اكتشفي بشو انتي مميزة عن باقي الناس..و ابني ثقتك على أساس تميزك عب باقي العالم
-سوريا
واحد من الناس 2013-07-09 08:49:38
شو هل حكي
شو هي الي ثقة ومالي ثقة لك انتي جمتالك هيك . والي مو عاجبو جمالك يضرب راسو بالحيط . وحكي الناس مابيخلص والله لو كنتي قمر بيضلو بيلاقو عيوب بقى زيدي ثقتك بنفسك ولا تتبعي الوساوس الي براسك
قطر
وحدة من هذا الزمن2013-07-08 23:43:41
الى صاحبة الرسالة
من طريقة الكتابة أتخيل أنك صغيرة بالسن.عزيزتي بعض الناس لديها صعوبة في التعلم ولكن هذه الصعوبة لا تشمل تعلم كل الامور فربما صعب عليك تعلم المواد العلمية او الادبية ولكن ربما تبدعين بالحرف اليدوية أو الفنية ..فكل انسان له مجال يمكن ان يبدع به ولهذا فتشي على ما تحبين لكي تبدعي به. ثانياً ليس كل الشقروات ذوات العيون الملونة جميلات فاللون ليس مقياساً فكل فتاة لها جمالعا ولها طريقة تبرز فيها هذاالجمال وكذلك الجمال نسبي أي أنه يختلف ين شخص واخر فمل شخص له ذوقه في الجمال ولهذا لا يوجد فتاة ليست جميلة!
-سوريا
ياسمين الشام2013-07-08 20:04:40
نصيحة
شوفي حبيبتي بنصحك بالعلم والثقافة هالشي بيبني الشخصية وبيعطي الثقة بالنفس هي شغلة شي تاني لازم تختلطي بالناس بالاهل ولو حاسة عمقول حاسة لان هالشي حاليا صاير عندك وسواس انو الناس احسن منك اوبينظرلك نظرة دونية لا تخلي هالشعور يسيطر عليك كلنا بشر منخطئ ومنصيب ومنفشل وبالنسبة للشكل الخارجي فهالشي مو مهم ابدا ببناء الشخصية والثقة بالنفس وحطي قاعدة ببالك امشي فيها دوم كل واحد له شخصيته وكيانه يلي بتميزه عن غيره ولا تستني مديح اوثناء من حدا هالشي مو مهم
-سوريا
هييووش2013-07-08 18:45:43
لاتنظري لنفسك هانظرة
خلي ثقتك بنفسك عالية ..ولاتهتمي ولا تسالي على حدا ..واي شي بتسمعي من الحواليكي لاتردي ..انا كنت متلك..بس هلا الحمد لله ..ماحدا قدي..فوتي وطلعي ..اقرأي كتب..جددي بمظهرك دايما هشي بيرفع من معنوياتك كتيير.. وطنشششششي
-سوريا
واحد بشع2013-07-08 18:10:40
كلنا بشعين
كلنا بشعين بس نتطلع بالمراية وخصوصا بس تكون ثقتنا بنفسنا ضعيفة. بس إذا هالحكي عاملك مشكلة. عمليلك تسريحة جديدة ... وحركة صغيرة تغيرلك جو. بس بكل الأحوال ما فيكي تتعاملي مع هالموضوع، كشرط للطلعة من البيت. العاجز عم يطلع ويغير وجو ويشتغل ويطلع مصاري، ويمزح ويضحك ويعيش حياتو. وبشوف بحالو بس الشغلات الحلوة. انتي كمان دوري على الشغلات الحلوة فيكي، اتطلعي بالمراية منيح وشوفي ابتسامتك ما أحلاها :).
-ألمانيا
وليف الروووح2013-07-08 14:53:17
كوني واقعية
عزيزتي : اذا كان عمرك دون الـ 16 سنة فأنت على الارجح تعيشين في بيئة تضج بالمشاكل الاسرية وبحاجة الى تعزيز ثقتك بنفسك .. فإن كنت كذلك ولم تجدي من الاهل اي اهتمام حاولي ان تعتمدي على نفسك وقومي بوضع خطط تكتبينها انت بخط يدك عن اي مشكلة تعترضك وأوجدي لها الحلول المناسبة ودائما وابدا راجعي كتاباتك بشكل دوري وقومي بتجديد افكارك وطرق معالجتك للمشاكل ولا تكفري بالله يا عزيزتي لأن الله هو من اختار لك شكلك وملامحك والبيئة التي تعيشين فيها وأعطاك العقل لتغيري ما بنفسك ليغير الله ما بك
الإمارات
sasoky2013-07-08 13:56:13
ماتعملي شي
خلي ثقتك بنفسك كبيرة وأويها شوي شوي ويلي ماعجبتيه يصطفل الدنية لسى فيها حيطان ماتكسرت لسى
سوريا