syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

 تعرفت على فتاة عن طريق النت ولكنها كانت تقوم بأعمال "غير اخلاقية" على النت هل تصلح للزواج؟
اسأل مجرب

لا يوجد انسان في هذه الدنيا معصوم عن الخطأ و أحياناً يضعنا القدر بمواجهة أخطاء الاخرين و تصحيحها .


يقول صاحب الرسالة " تعرفت على  فتاة عن طريق النت من احد البلدان العربية ونشأت حالة حب بيننا وعرفت بعد ذلك ان الفتاة كانت تقوم بأعمال غير اخلاقية على النت وانا تأكدت من ذلك، وصارحتها بذلك واقسمت لي انه من الماضي وهي معي كالصفحة البيضاء،وانا الآن استعد للسفر اليها وخطبتها"

يتابع " ما رأيكم هل تصلح هذه الفتاة للزواج، هل بعد خطبتي لها ستتوقف عن ذلك؟ ارجو من سيريانيوز عرض مشكلتي لان هذه المشكلة تواجه كافة الشباب ممن يرغبون بالزواج عن طريق النت؟ امر اخر هو ان الفتاة ليس لها علاقات جنسية في بلدها حقيقية ومتأكد من ذلك... "


2013-07-08 12:53:10
شاركنا على مواقع التواصل الاجتماعي:



شارك بالتعليق
نور من الاردن2013-09-12 00:32:45
الله يختار الافضل
‏‎ ‎اخي انصحك بأن تسافر الى بلد الفتاه وتسأل عنها وعن اهلها جيدا خصوصا عند الجيران وفي مدرستها او جامعتها واهم شي انك تستخير وازا ارتحت اتوكل ع الله واخطبها وبتمنالك التوفيق
الأردن
كيف اتاكدت ؟2013-07-25 14:05:35
كيف اتاكدت بالله ؟
كيف اتاكدت ؟ عملت معها شي عالنت ؟ طيب انت بتصلح للزواج شي ؟ كل تاريخك و ماضيك بيصلح انك تكون زوح الها ؟
-سوريا
هييووش2013-07-17 23:55:18
ال وليف الروووح
وليف الروح ..كلامك صح مية مية ..تعليقك عجبني كتيير..هاد الكلام البينقال ..هاد الكلام الي مابنم الا ع كل الاخلاق والفهم.لوانك حكيت غير هالحكي .كان دل ع انك شخص ماعندك ثقة بحالك .ليكون عندك ثقة بناس اصلا ..فعلا انك وليف الروح ..تحياتي لالك..ارجوو النششر.
-سوريا
معلق2013-07-17 22:26:56
محلولة
أخي الكريم... إذا كنت فعلاً تحبها حب حقيقي أي أنك تحس بالإخلاص لها بشكل تام و تخيفك هذه الثغرة، فأنصحك بأن تكون الخطبة طويلة بعض الشيء لتتبين من صدقها و بعدها الاتكال على الله .... و لا أحد معصوم من الخطأ.
-سوريا
جزائرية2013-07-17 19:32:59
لكل رايه وعلى الآخر احترام راي الآخر
اخي وليف الروح هذا رأيي وهو حر بالنهاية ماقتلو لا تتزوجها غصب الاخلاق تاج المراة هيك تربيت وعرفت
الجزائر
خنفور المتيَّس2013-07-17 02:10:40
أمرك عجيب
لو إنك واثق من أخلاقها ماكنت طرحت هالموضوع للنقاش عالنت..الأمر الذي يعكس حالة التردد التي تعانيها..و اللي بيحب التاني بصدق ما بيسأل عن رأي الناس فيه..حتى لو تزوجتها سيبقى الشك متمكناً منك و لن تشعر بالراحة مطلقاً..كيف أحببت فتاة عالنت؟ الناس عم تتعرف عبعضها سنين و تخطب سنين و عم تتطلق بعد أشهر!!! كيف بدك تحب وحدة شاكك بأخلاقها و عالنت و من غير دولة؟؟ الله يهديك
-سوريا
وليف الروووح2013-07-16 22:57:31
خليك محضر خير يا جزائرية
اهلا بك عزيزتنا الجزائرية وكل عام وانت وكل محب لسوريا بألف خير .. كانت ساعة سودة يوم اعترفت لحبيبها بما فعلت .. لو لم يكن معدنها طيب لما اعترفت وفتحت نار جهنم عليها ... ثم لماذا لا نشيع بيننا لغة التسامح والعفو ونعطي الفرصة بل الفرص لكل من اساء لنا ولنفسه وبالمحبة والصفح نعيده لنفسه ولنا كما نريد ونتمنى .. وهل من على الارض باستثناء الانبياء والرسل لم يخطىء ...؟ أم انكم كما يقول المثل ( لو طاح الجمل تكثر سكاكينو ) والله ان لم نسامح بعضنا لن تقوم لنا قائمة
الإمارات
جزائرية 2013-07-16 15:09:12
من لم يحترم نفسه لايمكن ان يحترم غيره
السلام عليكم جميعا رمضان كريم على اخواننا السوريين انا اخي قرأت رسالتك فعلا لا احد معصوم عن الخطأ لكن انت اخترت الفتاة لتصبح ام اولادك المستقبلية وبالتالي هي لم تخترم نفسها لذلك عملت اعمال غير اخلاقية ومستحيل تحترم غيرها الله اعطانا العقل للتفكير كيف لك ان تثق فيها كزوجة وام لا ولادك وجهة نظر لاغير اخي واتمنالك السعادة والتوفيق
الجزائر
sami2013-07-16 14:56:21
الى وحدة من هذا الزمن
اولا لقد وصلني حقي باعترافك بانك لن تسمحي لابنتك بالقيام باي شيئ غير اخلاقي فانتي تؤيدين العادات والتقاليد كباقي النساء رغما عن الجميع وليس بارادتنا. وان تعليقك فيه شيئ من التناقض فانا اقول لك نعم المراة والرجل متساويين في الاخطاء ولا فرق وانا لا اؤيد التمييز ولكن ارى ان عاداتنا واخلاقنا هي عادات حسنة و حميدة وجيدة و انا وبحكم انني واحد من هذه البلد ولست واحد من هذا الزمن فانني أؤيد عاداتنا الحيدة المتعلقة بالامور الاخلاقية المتعارف عليها في سوريا
-سوريا
وحدة من هذا الزمن2013-07-16 11:37:04
الى sami
للأسف أنت ضمنياًً تشجع العادات التي تميز الرجل عن المرأة في الاخلاق والقوانين.. أنا لن أسمح لابنتي بالقيام بأمور غير اخلاقية ليس لأني مقتنعة بأحقية القيام بذلك للرجل فقط! بل لأن المرأة والرجل تنطبق عليهما الاخلاق والقيم والقوانين بالتساوي .. فلا يمكن أن نبرر للرجل أفعاله كونه رجلاً!!!!!!!!!!!!!
-سوريا
ابو الكوفية الزهرية2013-07-16 08:21:04
على عيني يا معلم
يعني شو هالكشة من صاحب القصة يعني اذا هو تعرف عليها عن طريق النت وحبها يعني ما صار معون شي... ايه شو هالعلاك المصدي هاد. واذا خبصت البنت جبلي اي حدا من المعلقين الكرام ما خبص كم مرة بحياتو.. حاجتكون حكي على اساس عايشين بالمدينة الفاضلة وكل واحد بيسلخ نظريات فلسفية هو بحياتو مستحيل يطبقا.. حبيبي صاحب الرسالة روح تجوزها وما ترد على حدا يعني بركي طلعلك فيها خير اكتر من وحدة مرباية وما بتترك السجادة.. انبسط بحياتك وما بتاخد غير نصيبك
سوريا
sami2013-07-16 06:35:55
الى وحدة من هذا الزمن
يوجد تعليق انثوي سابق يعيرنا باننا شرقيين ونحن نفتخر باننا شرقيين لهذا قلت نعم نحن شرقيين اما بالنسبة للعادات والتقاليد فهي لا تحلل للرجل فالخطأ خطأ ولا فرق بين رجل او امراة. ولكن بيئتنا وعاداتنا تشدد العقوبة على المراة وهذا هو الواقع فتقع العقوبة على المراة من كل الجوانب وانا برأي هذا ليس خطا. ولكن اكرر الرجل غير معفى وغير مستثنى والاخلاق لا تجزأ وهذه ليست عقلية ذكورية وانما واقع نعيشه وتأيده كثير من النساء فلا اعتقد انك ستسمحين لابنتك بممارسة اشياء غير اخلاقية حتى تتعادل مع الرجل
-سوريا
سوسو 2013-07-16 01:18:05
خلصنا بئى
لسا كل واحد عامل حالو شريف مكه وعم يقررو مصير البنت ويمكن يكونو عاملين اكتر منها بالف مره ياويل لبيوقع بين ايديكم تنتفوه نتف وانتو قاعدين في ناس مابتصدق تشوف هيك مشاكل مطروحه حتى تكشر عن انيابها وتبلش تحريض هدول بيكونو مصدومين من البنات
-سوريا
فراس2013-07-15 15:19:13
بالعقل
تذكر بانه ممكن يصيرلك منها بنت يا ترى تقبل على بنتك تطلع مثل امها؟؟؟ اذا بتقبل فتزوجها واذا ما تقبل لا تتزوجها لان البنت غالبا رح تطلع متل امها
-سوريا
باسل2013-07-15 11:38:34
sami
هناك ناس تخاف من العادات والتقاليد اكثر مما تخاف من الله
-سوريا
aos2013-07-15 10:48:42
تعرفت على فتاة عن طريق النت ولكنها كانت تقوم بأعم
الاخلاق التي على الزوجة الايجابية ان تتحلى بها ليست لبسا نخلعه ونرتديه ثانية ثم نخلعه متى شئنا وإذا انطلقت من مبدأ التوبة -لا مانع- ولكن عند اقدامك على الارتباط فلا تقل فيما بعد -لقد خدعتيني- وانما تذكر مقولة:لا يصح الا الصحيح ومن الاخر اسأل اكبر عجوز او ختيار بالحارة يعطيك الجواب الشافي
الإمارات
وحدة من هذا الزمن2013-07-15 10:32:39
الى sami
ماعلاقة شرقيين وعادات وتقاليد بالتمييز بين الرجل والمرأة في الضوابط الاخلاقية؟؟ هل العادات والتقاليد تحلل للرجل وتبارك له برأيك وتمنع عن المرأة؟؟ الاخلاق لاتتجزأ والمبادئ لا تنفصل عن بعضها ولا يمكن وضع مبادئ وأخلاق خاصة بالمرأة وأخرى خاص بالرجل!!والرجل أيضاً يلام كما تلام المرأة بدون نقصان وحان لنا أن نخرج من هذه العقليات الذكورية البحتة
-سوريا
sami2013-07-15 04:47:12
وين قاعدين
اصحاب التعليقات الكرام اود ان اذكر البعض باننا في سوريا ونحن شرقيين نعم شرقيين وشرقيين وشرقيين وعرب ولدينا عاداتنا وتقاليدنا واعرافنا اني قرات هجوم انثوي على المعلقين الشباب مغزاه انه يجب ان تتعادل المرأة والرجل بالنسبة للمواضيع الاخلاقية . ضمن بيئتنا لا يمكن ان تتعادل المرأة مع الرجل وهذا لا يبرر الانحرافات الاخلاقية للشاب ولكن نحن السوريون كل فتاة سورية هي عرضنا وشرفنا ويجب ان نغار عليها كغيرتنا على اخواتنا ولا يجوز لاي فتاة ان تخطئ بحق نفسها اما صاحب المشكلة والله ماحدا فايق ورايق الك .
-سوريا
محمد قباني2013-07-15 02:23:46
لا تصلح للزواج
نصيحتي الك يا اخي ابحث عن بنت حلال اخرى
سوريا
خالد2013-07-14 22:52:35
اخى ارجوك انا قلتلك الجواب
السلام عليكم اخى انا قلتلك شو تعمول رجوك خود ها النصيحه وبسرعة اذا في شخص من يلي عبعلقو على سوئلك اعلم من رب العالمين خود بنصحتون بس ربنا اعلم بكل شئ عليك بصلاة الاستخاره وما ترد على حدى وان كانت خير الك ربك بيقربها ليك وان كانت شر الك ربنا بيبعدها عنك ويبدلها باحسن ان شاء الله وبيرضيك لانك استعنة بالله اخوك خالد
سوريا
شامي2013-07-14 18:08:43
بسرعة
لا
سوريا
خالد2013-07-13 23:35:55
الله هو اعلم بالمستقبل
ما خابه من استخار اخى عليك بصلات الاستخارة واسئل الله ولا تسئل من ليس له علم الخلق اسئل الخالق والعالم السر واخفا
الصين
وحدة من هذا الزمن2013-07-13 11:58:18
الى هيوش
طبعاً مافي حدا كامل متل ماقلت قبل بس خطأ عن خطأ بيفرق شي 100 كيلو متر !!سؤال هييوش.. ليش الشرطة أول ما بينسرق بيت معين بيروحوا بفتشوا بأصحاب السوابق؟؟؟ كمان ممكن يكونوا تابوا عن السرقة .. بس كتير أيام بيلاقوا السارق من ضمنهن صح ؟؟
-سوريا
باسل2013-07-13 03:19:22
وحدة من هذا الزمن رد على هيوش
أحببت ردك ومنطقك في الرد على هيوش ... لكنني أود تلخيصه في جملة صغيرة ... يلي بيعمل حالو معلم على كل الناس ما رح يتعلم شي جديد طول حياتو وبالنهاية كل الناس رح تكون تعلمت أحسن منو
-سوريا
باسل2013-07-13 03:13:20
هيوش
تقولين بأن الشخص من الأفضل أن يأخذ فتاة يعرف ماضيها بدلاً من أن يأخذ فتاة تتصرف كالملاك - على فكرة هذه محاولة لحصر الخصم ضمن خيارات ضيقة تضمن لك الفوز في النقاش - وهو عمل غير أخلاقي بالمناسبة - هل خطر لك بأن الشخص من الممكن أن يأخذ فتاة يعرف ماضيها لكن ماضيها غير ملطخ بأخطاء فظيعة - وبالمناسبة لا تقولي بأن ذلك هو حال بنات هذه الأيام (التعميم غلط) - وفي النهاية عندما تتهمين الشباب بأنهم مسموح لهم ارتكاب أي شيء فأنت تقولين بأن الشباب يخطؤون وبالتالي يحق للبنات أن تخطئ ... منطق يدعو للشفقة
-سوريا
باسل2013-07-13 01:53:40
هيوش
بس حسب ما بهرف إنو ماضي الانسان هو تصرفاتو وأفعالو وكلامو يعني حياتو بالماضي وهي الأشياء تأتي من أخلاق الإنسان ومبادؤو والتربية يلي تربى عليها ... يعني إنو الماضي منفصل عن الحاضر هي مجرد لف ودوران لإنو مو المشكلة إذا كان صار بالماضي ولا لأ المشكلة إنو بعبر عن أشياء معينة بشخصية البني آدم ويلي بيرفض هالكلام بكون أعمى إو عندو مشكلة وعم يحاول يلحق التفسير المناسب إلو ولمشكلتو ... صح كلامي ولا لأ
-سوريا
هييووش2013-07-13 01:50:08
لالالالااقبل النقد والتنظير
انابرأيي .صاحب المشكلة بايدو هشي ..انتي قلتيها ماحدا كامل مية بالمية ..الماضي فعل صار من زمان ..كتير بنات خبصو بحياتهن وبعد زواجهن صارو تمام والتزمو ..بس العترة صارت عشب البينضحك عليه وبينغش ..وبيكون مفكر ماضي البنت ثلج ابيض
-سوريا
وليف الروووح2013-07-12 22:24:48
قتلوها المعلقين وأكلوا قلبها..؟؟؟
اخي صاحب الشكوى : الرجولة لا تشبه الذكورة ..والشهامة والتسامح والعفو عند المقدرة كلها أشياء لا تأتي بالوراثة ولا بالتعلم بل هي صفات يحملها الرجال الرجال .. وبناءً عليه أيها الاخ الكريم حاول أن توقظ رجولتك وشهامتك وتأخذ قرارك النهائي مع هذه الفتاة فإن تزوجت بها عليك ان لا تعود لماضيها ابدا وكما اسلفت ولو بمجرد التفكير او التذكير وإن رأيت انك لا تستطيع تجاوز ما أفصحت لك عنه اتركها لربها ولمستقبلها ولا تشي بأي كلمة عنها لأي مخلوق .. اتمنى ان اقرأ تعليقك وقرارك النهائي
الإمارات
ENG -- MA2013-07-12 16:46:29
NO -- NO
.. عذرية / الفكر/ أهم من عذرية الجسد برأيي .. فكم من تصرفات تحط من مستوى الشخص وأخلاقه بمجرد أن نتذكر أنه قام بتلك التصرفات .... و الزواج احترام و ثقة متبادلة بين الزوج و زوجته ... و نصيحتي الك لا تفكر مجرد تفكير أن تتزوجها, انت حر وتذكر كلامي , لانها ستكون غـلطة عمرك ....
-سوريا
سوسو 2013-07-12 14:24:51
يمكن تابت البنت
اذا الله سبحانه وتعالى بيقبل التوبه بدكم تمنعوها عن الناس يمكن البنت تابت وبدها تبدا حياة جديده ليش التحريض وكل واحد منصب نفسو قاضي وعم يفتي على كيفو يلي ماعندو خطيئه او لم يقترف ذنب يعرف عن حالو منشان نتبخر منو ونتبارك على اساس معصومين هدول الشله نفسون يلي بيعلقو على كل المشكلات المطروحه وهني قاعدين عم ياكلو بذر ويشربو اركيله وينتقلو من موقع لموقع لبث الكراهيه والتحريض من زمان ماعلقت على اي موضوع لان موفاضيه بس في معلقين لازم يغيرو من لهجة التحريض على البنات وحدا يرد عليهم
-سوريا
وحدة من هذا الزمن2013-07-12 12:58:38
الى هييوش
أول شي لازم تقبلي النقد لأنه أساس الحوار ولأنه ماحدا منا كامل 100% ولأنه لايوجد اكتساب للمعرفة بدون النقد.ثانياً للأسف الماضي لايذهب بغير رجعة لأنه فعلياً يعيش مع الانسان ويشكل شخصيته بشكل أو بآخر لذلك المشكلة ليست في معرفة الماضي عن طربق اعتراف وحسب بل في طبيعة هذا الماضي ومدى تأثيره على حياة الشخص والتصاقه بالمبادئ والقيم البديهية لدينا ومن شب على الشيء شاب عليه
-سوريا
هييووش ..لا اقبل النقد2013-07-11 22:14:18
الى باسل
اي طبعا الحكي عن الماضي مابصيراسمو ماض راح خلص..صاحب المشكلة يرتبط ببنت ماضيها بيعرفو.احسن ما ياخد بنت عاملة حالا ملاك وماضيها بقرف..كما هو حال البنات بهالايام ..بس انت كندكن الشاب بس هو الي مسموح لالوو كل شي..
-سوريا
سوري2013-07-11 22:11:23
النصيحة امانة
شو رأيك اذا تنشر اول حرفين من اسمها او الاسم المستعار الى كانت البنت تستعمله بالانترنيت و من اي بلد يمكن في حدا من الشباب يعرفها و ينصحك خوفا من انو البنت بتحاول تلاقي اكتر من عريس و الي بيعرفها بصدق و امانة يبقى ينصح الشب بشرف و اخلاص
سوريا
لا2013-07-10 17:55:45
شو رايك
انارايي بتصلح قول الله وشد الهمة ولاتوقف ابدا
-سوريا
باسل2013-07-10 15:07:08
هيوش
اريد ان اعرف ما هو التفسير او المبرر لعدم الكلام في الماضي فقط لانه اسمه ماضي ... وعلى فكرة فإن وحدة من هذا الزمن قد اجابت على تساؤلي وردت على كلامك بالشكل المناسب دون ان تقصد
-سوريا
سالي2013-07-10 02:25:40
تعددت الاشكال والغلط واحد
مرحبا . بقناعتي الشخصية انو الشخص المنيح بيكون منيح بأي وقت و بأي طريقة و مع أي حدا..والشخص السيء ممكن يتغير مع الايام ويكون في ظروف دفعتو لحتى يغلط بحياتو مشان مانظلمو ..بس باختصار بنصحك تدور على انسانة من الواقع لانو برجع وبقول النت عالم افتراضي وحتى وان كانت هي معك كالصفحة البيضاء فلا تنسى انو هالصفحة قرأها ناس كتار غيرك ..فليش لحتى تحط حالك بهيك موقف.ومابخفيك انو ممكن ترتبط بانسانة عالواقع ويكون عندها ماضي كمان ..بس وقتها بيكون انت على علم بالموضوع مباشرة ..موفق
سوريا
الياس2013-07-09 21:01:01
النت للتعارف واختصار الوقت ولكنه غير كاف للحب
هل سماع الصوت والفيديو كافيين للحب؟ النت للتعارف والحديث عن الترتيبات المستقبلية. عن تجربة وبصراحة يوجد غش وكذب كثير على النت ولابد من اللقاء والإحتكاك أكثر من مرة قبل أي قرار مصيري، إضافة أنه لها ماضي وأنتم مش من بلد واحد وهناك اختلاف بالمفاهيم. مع احترامي لاختيارك وقرارك ولكن إلى حد بعيد ما في مثل البنت السورية بأخلاقها وتربايتها وحرصها على زوجها وعيلتها طبعاً وجمالها وإنها نسبياً بعيدة عن الإغراء والكذب مثل أغلب الفتيات من غير بلدان (دون تعميم). كنصيحة وحرص من أبن بلدك أن تفكر بالموضوع كويس
-هولندا
justthink 2013-07-09 16:57:06
شرقيين!!!!!!
يعني نحنا أمراضنا ما بتخلص، للبنت كل شي حرام وعيب والشب ما في شي بعيبو. دخلك أنت مالك عامل شي علنت؟؟ بعدين الله بالعقاب ما فرق الرجال عن المرة انتو عم تفرقو ، والله بسامح وأنتو ما بتسامحو على أساس شرقيين. بعدين يا شرقيين انتو بس على اخوتكٌن ونسونكن بس أنت معلش تصاحب وتعمل يلي بدك يا ما في شي بعيبك
سوريا
وليف الروووح2013-07-09 14:58:00
تبينوا حتى لا تصيبوا قوما بجهالة
ما رأيكم لو نعمل لها محاكمة ونحكم عليها بالاعدام ...؟ لنفرض انها غلطت مئات المرات وصار معاها حمل وعملت اجهاضات متكررة عالنت هل يحق لنا ان نقرر مصيرها او نمنع عنها اخذ فرصتها في الحياة ... لماذا يحلو للبعض ان يأخذ دور الله في محاسبة الناس ويرمي هذا في النار وذاك في الجنة هل الله عاجز في نظركم ام انه اعطاكم توكيل بتحديد مصائر خلقه ..؟ كل ابن ادم خطّاء وخير الخطائين التوابون .. ارحموا البنت ولا تمنعوا عنها ما كتب الله لها ثم هل يوجد بينكم من هو بلا خطيئة ويظن بأنه اكثر ايمانا وتقوى منها
الإمارات
باز2013-07-09 12:47:54
انساها
عندها علاقات غيراخلاقيه مع ملايين البشر على النت وما عندها علاقات جنسيه سابقه!!!؟؟ وكيف تأكدت انو ما عندها علاقات وانت عايش ببلد وهي ببلد تاني , من المستحيل ان يعرف الواحد اذا بنت جيرانه ماعندهاعلاقات فكيف تأكدت وانت بغير بلد , ياريت تفكر كتير قبل الدخول في هذا النفق المظلم
أستراليا
نسونجي2013-07-09 11:31:31
توضيح
يمكن في ناس فهمت الرأي تبعي غلط , أنا ما قصدت أنو البنت ما منيحة , أكيد ما في حدى معصوم عن الغلط ويمكن صاحب المشكلة مخبص قدها على 100 مرة وان شاء الله البنت تابت فعلا وهالشي حلو بس المشكلة رح تكون معه ما معاها لأنه رح يعيش الشك فيها على طول لذلك ما بقا ينفعو لبعض , يمكن لو هي تعرفت على شب تاني وتزوجت يمكن تكون مرتاحة مع الشب التاني أكتر بكتير من صاحب المشكلة لأنو رح يبقى يشك فيها ورح تنظلم معه , نحنا شرقيين وبنعرف حالنا.
-سوريا
فادي 2013-07-09 09:54:31
مجرد رأي
اذا كنت قادر أخي الكريم إنك تتحمل تعيش مع الشك اللي رح يكون على طول موجود بداخلك طول عمرك تجاه هي الانسانة سافر واخطبها ...بس نصيحتي بلاها والله بيعوضك أحسن منها...
الإمارات
مستغرب2013-07-09 09:21:28
حالتك غريبة
السؤال الأهم : هل تصلح أنت للزواج!!! لأنو سؤالك وطريقة تفكيرك كلها بتدل على أنك لساتك شخص غير ناضج ولا تصلح للزواج
-سوريا
باسل الأصلي2013-07-09 09:10:21
إلى صاحب السؤال
عزيزي السائل,, الزواج احترام و ثقة متبادلة بين الزوج و زوجته...اذا بتثق فيها و بتحترمها بعد اللي صار منها...انت حر اتزوجها.. بس اذا حاسس بنقص في الثقة أو الالاحترام لألها فلا تتزوجها لأنه رح تعايرها و تعايرك و تخربوا بيت بعض..أنا اجمالا بافضل تاخد من بلدك لتشابه العادات و التقاليد, خصوصا انه شكلك مقتدر ماليا..ما باعرف ليش ما دورت و خطبت من بلدك...ومقضيها على النت و الكام شات؟؟؟الله يهدي كل الشباب و البنات...بعدين مستني لبين ما قلبت الامور لخطبة و جازة و بعدين عم تراجع حالك هون اذا صح او خطأ؟
-سوريا
واحد من الناس 2013-07-09 09:09:12
مستغرب بصراحه
قرأت كل التعليقات واستغرب بكتير منها . يعني لازم اقتنع انو كل الناس كلاك لك انتو الشباب واولكون انا فينا شب متل المحرمة البيضا بدون سيئات او اغلاط ؟؟؟؟ اكيد لا ولا البنات كلها ملائكة واذا رب العباد بيغفر للناس نحنى مارح نغفر بعدين بيكفي انو وقت واجهها اعترفتلو ومانكرت . والموضوع بيرجع الك وانا بالنسبة الي روح واتكل على الله
قطر
تغريد2013-07-09 02:34:03
نقاط كثيرة
أخي الكريم :من واجبنا أن نوضح لك بعض النقاط والقرار لك( الحب عن طريق النت والله ليس بحب كيف يكون حب بمجرد تعارف.. أوبمجرد تبادل شعور بالعجاب ليس إلا,والمهم من ذلك كله أنت تقول ( وصارحتها بذلك)أي أنهاتقوم بأعمال غير اخلاقية,وكلمتك (صارحتها )يعني أنها لم تخبرك ؟أنت الذي اكتشف الموضوع وصارحتها (يعني من بداية الموضوع ليست على خلق ومن صفاتها الكذب .وأنها ليس لها علاقات جنسية ؟كيف لايكون لها علاقات جنسيه وهي تقوم بأعمال غير أخلاقيه يعني (جنسيه)بصراحه أخي الكريم .تريس جيدآ قبل القدوم على هذة الخطوه
سوريا
سامي2013-07-08 23:56:11
خليك فري
عادي يا زلمه . . قال يعي حضرتك ملاك نازل من السما , اي بيحضي انك عامل السبعه وذمتها عالنت
-مصر
وحدة من هذا الزمن2013-07-08 23:23:34
الى صاحبة الرسالة
بالحقيقة بالنسبة لي فأنا أنفر من شخص قام بأعمال غير أخلاقية على النت ..شاباً كان أم فتاة.. الموضوع ليس موضوع عذرية فقط .. عذرية الفكر أهم من عذرية الجسد برأيي.. فكم من تصرفات تحط من مستوى الشخص وأخلاقه بمجرد أن نتذكر أنه قام بتلك التصرفات؟وهل مثلاً التعري أمام الكاميرا أو المحادثات الجنسية ..الخ هي ليست علاقات جنسية؟؟من الصعب تغيير طبع الانسان ومبادئه فالرصين يبقى رصيناً والهوائي يبقى هوائياً .. يبقى أنت ماذا تريد!4
-سوريا
هييووش2013-07-08 18:35:55
اسمع مني
انت قلتا .مافي حدا معصوم عن الغلط..اذا كنت بتحبا عنجد ارتبط فيها واخطبها .طالما ماكان في بحياتها علاقات جنسية..لاتحكي بالماضي لان اسمو ماضي ..والخطبة هي فترة لتعارف ودراسة الخلاق وشوفها..موفق يارب
-سوريا
نسونجي2013-07-08 17:11:01
اتركها
حتى لو تابت وصارت البنت ملاك انت بالمستقبل رح يبقى الشك يلعب فيك ورح تظلمها ما في شك لذلك البنت ما بتنفع الك , ابعد عنها.
-سوريا
أحمد2013-07-08 16:28:16
جوابي لك
طالما سألتنا فمن واجبنا الإجابة،الشخص الذي له مثل هذا الماضي هو منحرف التفكير، قد تكون أظهرت التوبة لك كي تتخلص من ماضيها و تتزوج لأنها أدركت أنها ستصبح على المزابل لو بقيت كما هي، ولكن لا يوجد شيئ يضمن لك ذلك و بالتالي أنت غير مضطر لخوض غمار مغامرة مصيرية.و من خبرتي أجد أن الكل يحن للماضي و من اعتاد عادة سيعود لها يوماً ما و لو على سبيل التجربة، وهي ستجد المبررات لذلك في وقتها.أيضاً أنت لن تنسى ماضيها و هذه ستكون مشكلة دائمة معها.اتركها لغيرك و انفد بجلدك لست مضطراً لمجهول مخيف.
-سوريا
ابو الفوز2013-07-08 16:11:34
حلو هالسؤال
انت شو شايف؟؟
-سوريا
وليف الروووح2013-07-08 14:12:30
من منكم بلا خطيئة فليرجمها بحجر
قال تعالى - وَمَنْ يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَحِيمًا- ص- قال المصطفى -ص - والذي نفسي بيده لو لم تُذنِبوا فتستَغفِروا لذهَبَ الله بكم، ولجاء بقومِ يُذنِبون فيستَغفِرون الله؛ فيَغفِر الله لهم.. اخي العزيز : إذا كنت تحبها فعلاً توكل على الله وتزوج بها لكن عليك قبل ذلك ان تتجاوز هفواتها وسلوكها وأن تقسم لها أنك لن تعودلمجرد ذكر ماضيهاحتى لو حصل بينكما مشاكل وبقدر ما ستكون معها حنونا ووفيا ستكون لك ومعك اكثر وفاءً
الإمارات
أبوجميل2013-07-08 13:59:39
طبعا رح ترجع
طبعاً رح ترجع تكرر ماضيها بس تجيها ظروف معينة (مشاكل معك مادية أو نفسية أو اجتماعية أو ...). نصيحتي ابتعد عنها
-سوريا
sasoky2013-07-08 13:57:22
لأ
يلي فيه سوسة مابيغيرها
سوريا
حميد2013-07-08 13:35:12
غلطة عمرك إن تزوجتها
امر اخر هو ان الفتاة ليس لها علاقات جنسية في بلدها حقيقية ومتأكد من ذلك... (من اين تأكدت , يمكن حلفتها , يازلمه كيف لك أن تفكر مجرد تفكير أن تتزوجها, انت حر وتذكر كلامي , ستكون غلطة عمرك ) .
-سوريا