syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

أحب زوجتي وأولادي .. نويت الزواج من أخرى وانا بالغربة و لكن زوجتي ترفض ...افيدوني بالحل
اسأل مجرب

يأمل معظم المتزوجين بالزواج من أخرى ضمن ظروف و أوضاع يضعون لها مبرراتها.


يقول  صاحب الرسالة "ربيع الياسمين" كما اطلق على نفسه "  أنا متزوج وعندي ولدين واحب زوجتي و أولادي  كثيراً وأنا مسافر سنه عن بلدي  و بالغربه تعرفت على صديقه طيبة جداً "

يتابع " ومع الايام أحببنا  بعضنا فصارحت زوجتي بالقصة ولكنها لم ترض بأن  اتزوج عليها ولا استطيع  البعد عن الثانية  افيدوني بالحل "


2013-07-08 12:04:55
شاركنا على مواقع التواصل الاجتماعي:



شارك بالتعليق
نبيل السوري2013-09-26 08:34:40
اعمل بالسنة
اعمل بسنة الرسول صلى الله عليه و سلم و تزوج الثانية و لا يلزمك أن تخبر الأولى و إن أخبرتها فالواجب عليها أن تصبر و لا تمنعك إن كانت تؤمن بالله تعالى.
-سوريا
خنفور المتيس2013-07-17 21:53:36
أحب زوجتي و أولادي !!!
أحب زوجتي و أولادي !!! بتحبهن و هيك... كيف لو ما بتحبهم؟؟
-سوريا
sami2013-07-17 04:51:28
رأي شخصي مع احترامي لجميع الآراء
بالواقع الزواج الثاني ليس بالامر السهل ولكن لانعرف ماهي المشاكل التي يواجهها صاحب السؤال ولكن هناك امر مهم جدا ان الزواج الثاني ليس خيانة ولا يمكن ان يكون خيانة ولن يكون خيانة انه مباح قانونا وشرعا و الزواج الثاني افضل من ارتكاب الخطاء ولكن من حق اي امراة الدفاع عن نفسها بالهجوم الشرس على هذا الموضوع لان غيرة المراة واحيانا انانيتها لا تجعلها قادرة على استيعاب هذا الموضوع لانها لا تحكم العقل ابدا بالنسبة لتعدد الزوجات اما ضمن الحالات التي تبيح التعدد فالموضوع طبيعي جدا جدا جدا .
-سوريا
ENG -- MA 2013-07-16 17:22:03
SOSO --- GOOD
أنا من رأي ســو ســو 100 % .... أحييك أم السوس
-سوريا
جزائرية2013-07-16 15:21:38
مستغربة
السلام عليكم اخي بداية استغربت كيف تحب مرتك وتفكر في ثانية هل تعلم ان المرأة اكثر ما يجرحها هو مجرد التفكير في اخرى انصحك بالرجوع الى زوجتك او انك تفكر تجيبها هي واولادك ع البلد اللي انت فيه هلا ربي يكتبلك الخير
سوريا
رهف2013-07-16 04:21:14
حرااام عليك
يالله ........ فوق مالا متحملة سفرك وغيابك بكل برادة بتسألا انا زوجي مسافر وما يقلي لي قلتلا يا يمكن انهار وطربئ الدنيا عراسو مو معقول مرتك شو صبورة اتق الله
سوريا
سوسو 2013-07-16 03:34:26
لاتتهور وتتزوج
مرتك واطفالك احسن الك من هذه الصديقه الطيبه فورا عرف انها طيبه نصيحه ارجع اجازه عند مرتك واولادك وبس تقعد مع مرتك ساعه وحده رح تنسى هذه الصديقه وطيبتها لان ماتحتاجه ليس طيبه وليس زوجه تحتاج فقط لاشياء تفتقدها زوجتك ايضا ومتل ماانت محروم زوجتك محرومه وصابره وحرمان المرأه وصبرها اكبر من حرمان الرجل وصبره بكثير لان في نسوان مابيقدرو يفارقو ازواجون يوم واحد يكتر خير مرتك يلي صاينتك وصاينه اولادك وضلت على ذمتك بعد ماعرفت انك ناوي تزوج وبتعرف وحده غيرها
-سوريا
سوسو 2013-07-16 03:11:34
زوج اناني وشرير
قمة الخيانه مجرد التفكير في الزواج من امرأه ثانيه لان من يفكر بالزواج على مراته يعني انه لم يعد يحبها ولم يعد يهتم لامرها ويكون باعها هي واطفالها من اجل نزواته وانانيته معئول متغرب ومرتك متحمله بعدك عنها ومتحمله مسؤلية اطفال وانت داير على حالك ولسا قمة الوقاحه انو عم ياخد رأي مرتوبالزواج بوحده تانيه كيف تجرأت وصارحت زوجتك وهل يوجد امرأه عاقله تسكت وترضى ان يتزوج زوجها عليها وتشاركها فيه امراه تانيه مجرد انو الوحده تتخيل مجرد تخيل انو زوجها تزوج بتمرض وبتعمل مشاكل كيف لوحقيقه بتنجلط
-سوريا
sami2013-07-15 04:31:22
مرحبا يا شباب
انا برأي التعليقات المشجعة كلها شباب ويريدون ان يعملوا نفس عملتك يعني جوازة ثانية اما التعليقات الرافضة لهذه الفكرة فمصدرها إناث حتى لو كان الاسم مذكر المهم يا مرحوم البي انا ما كون محلك ما بخلي العالم يشتغلوا فيني شوف شو وضعك وشو بناسبك واتكل على الله . انا بنصحك بالجوازة الثانية بالرغم اني ما بسترجي ساويها .. بتعرف ليش .................... لاني جبان.........هادا الموضوع بدو قبضايات والله يرحم ايام القبضايات.
-سوريا
تحياتي لمن دمرت حياتي 2013-07-14 11:30:03
تعليق
سلام وكل الاحترام الى الشباب والصبايا وكل اصحاب التعليقات لماذا كل الناس فاهمة موضوع الزواج غلط ياخي ليش مرتوا معتوها الواحد مابتجيب اولاد فيها شي بعقلها للي حابب يتزوج وهو بغربته عما يحسبها صح هوه القديمه بده يجيب اولادها ويجيبها رح تكلفه بس هاي موجود عنده مارح تكلف اخ من جنس ادام
الإمارات
ابن دمشق2013-07-13 12:42:57
معول هل حكي
مرتك رفضت تتجوز عليها...لااا مو معول شو هل مراة هي .. شتكي عليها لحقوق الانسان.المهم (انا برايي طول بالك
-سوريا
ر2013-07-13 02:04:15
نصيحة
بتمنى لو كل انسان قبل مايقول الشرع محللي يسأل حالو بالاول هو عبطبق كلشي امره فيه الشرع ولابس بها بنقول الشرع محللي وكمان لما بدك تزوج من تانيه وانته مقنع اصلن ماكنت بتسال عن راي حدى بس انته متاكد انه هالشي غلط لانه ربنا سمحلنا بالزواج لأسباب اذا في عذر بزوجتك او مالكن متفاهمين مو تقول بتحبه وكيف فكرت تحب غير مرتك ومااعتبرته خيانه بس لما المرة بتفكر تحب غير زوجه المجتمع كله بيعتبره خاينه ليش ربنا حلل الكن وحرم عالنسوان راجع حالك وفكر بما يرضي ربك الرسول ص قال رفقن بالقوارير طبق كلام الرسول
-سوريا
ر2013-07-13 01:50:54
نصيحة
بتمنى لو كل انسان قبل مايقول الشرع محللي يسأل حالو بالاول هو عبطبق كلشي امره فيه الشرع ولابس بها بنقول الشرع محللي وكمان لما بدك تزوج من تانيه وانته مقنع اصلن ماكنت بتسال عن راي حدى بس انته متاكد انه هالشي غلط لانه ربنا سمحلنا بالزواج لأسباب اذا في عذر بزوجتك او مالكن متفاهمين مو تقول بتحبه وكيف فكرت تحب غير مرتك ومااعتبرته خيانه بس لما المرة بتفكر تحب غير زوجه المجتمع كله بيعتبره خاينه ليش ربنا حلل الكن وحرم عالنسوان راجع حالك وفكر بما يرضي ربك الرسول ص قال رفقن بالقوارير طبق كلام الرسول
-سوريا
19802013-07-11 12:16:38
!!!!!!!
أذا كنت تحب امرأتين في نفس الوقت وتريد أن تحتفظ بهما فاعلم أنك شخص اناني جدا
-سوريا
go2013-07-11 11:13:07
تزوج وما ترد ع حدا
بدك تتجوز تجوز هاي حياتك وبالاخص بالغربة وماتخبص هون وهون..ومو ضروري تخبر مرتك لانوا بعد كام شهر رح تمل وتطلق وعن خبرة وتجربة شخصية والافضل تجور جواز عرفي كمان احسلك بس ماتقرط بحقوق اللي متزوجها يعني باختصار عيش حياتك طول وعرض ومانرد ع حدا ومو حرام ومرتك الاولى مشغولة بالتربية والاولادوانت مو مقصر معاها اكيد..تزوج وفش خلقك.
-الإمارات
مو مهم2013-07-10 23:49:52
لنتكلم بصراحة
أنت تعاني من الحرمان الجنسي بعد أن تعودت عليه كونك متزوج بالإضافة للفراغ، وهنا أحب ان أذكرك بأن زوجتك أيضاُ تشعر بالحرمان الجنسي والفراغ مثلك وربما أكثر منك وفق كلام العلم والطب الحديث. هل تريد أن تعصم نفسك وتملأ حياتك وتترك زوجتك للحرمان؟ هل الشرع والدين يجيز لك ذلك؟ ونقطة أخرى اسأل نفسك لو أنك لا تزال عازباً فهل كنت ستقبل بالصديقة الجديدة زوجة لك، وهل كنت سترسل أهلك لطلب يدها وهل كنت ستلبي لها طلباتها المادية؟ اتقى الله بزوجتك وابعث بطلبها وحافظ على اسرتك وانسى الصديقة الجديدة القديمة
-سوريا
سماع لقلك2013-07-10 17:59:02
لا
يااخي ابو ربيع الياسمين الخضره والزهور الجميله تحتاج الى من يسقيها فلا تتردد بتناول سنكرس مش حتقدرس تغمض عينيك والك فاق الحب والاحترام واحلا تحيه الى ابو علاء بمناسبه المولودالجديد
-سوريا
تغريد2013-07-10 15:52:32
رد على (س س) مرة أخرة
أخي الكريم ؛من حق الزوج أن يتزوج أربعه بشرع الله .والزواج بالثانيه تعد خيانه بالنسبه لصاحب المشكله وغير عقلاني ولاحتى أخلاقي لسبب لانه لم يذهب إلى الغربه بهدف الزواج ,,والغربه صحيح مثلما تقول لعدة أسباب وليس من أجل المال ولكن نحن نتكلم عن مشكله محددة وبما انه متزوج وعنده أولا د من المفترض أن يكون سافر من أجل العمل ,,ولوكان صاحب المشكله أهتم بمشاعرة هو لكان اصطحبه زوجته معه وهو يعلم أنه له مشاعر واحساس ..وأنا قرأت رسالتك كامله ولم اعمي عيوني كما قلت .وإني من اللذين عندهم بصر وبصيره
سوريا
شامية اصيلة2013-07-10 14:13:35
اتقي الله
ان لم تستحي فافعل ماشئت بما انه زوجتك عارضت زواجك معناها بدك تتحمل نتيجة زواجك التاني اكيد حتتركك وتشوف حياتها وبيطلعلها شوماعملت لانك انت بلشت ويمكن تتزوج غيرك وتعيش حياتهاوتعطيك الاولادوساعتها تحمل المشاكل بين زوجتك الجديدة واولادك يلي بتحبهم كتير متل ماعمتدعي وساعتهابدك تتحمل عملت بايدككككك!! بقى اخزي الشيطان وجيب مرتك حاجة متل المراهقين كل يوم بتحب وحدة عيب عليك
-سوريا
نسونجي2013-07-10 13:21:43
عذر أقبح من ذنب
والله انت غريب عجيب , كل اللي غبتن عن بيتك ومرتك سنة ورايح تتمعشق؟ بدل ما تتمعشق روح لاقي طريقة تجيب مرتك وأولادك لعندك وانضب , عن جد في ذكور ما بينعطو وش.
-سوريا
أبو علي2013-07-10 12:45:49
أحب زوجتي وأريد أن أتزوج من أخري
هذه المشكلة عبارة عن معادلة حسابية وضعها صاحبها لتبرير أنانيته فهو لا يحب زوجته ولا أولاده وإنما يحب نفسه فقط أنصح كل من يطلب يدها للزواج أن ترفضه لأنه مخادع حتى نفسه
سوريا
وحدة من هذا الزمن2013-07-10 11:22:58
الى س س
طبعاً عقلانياًالزواج من ثانية هو خيانة! وهو بتعريف كل قواميس الحب والارتباط والعلاقات يكون النكث بعهد الزواج والتخلي عن الزوجة لصالح أنانية الزوج.. طبعاً الزوج ليس ماكينة نقود ولكن أيضاً الزوجة ليست جداراً لا يحس! الزوجة أيضاً تفتقد زوجهاوتعكس ذلك رعاية بالاولاد وصوناً للزواج بينما هو يفتقد وجودها ويعكس ذلك بالنظر الى أخرى وتدميراً للزواج!!أنا لم أعمي عيوني عن حلك ولكن استخفافك بمشاعر الزوجة والنساء عموماً ألغى الحل الذي عرضته في نهاية تعليقك الذي وضعته عن دون قناعة حقيقية
-سوريا
س س2013-07-10 07:20:51
رد
هل اعتبار الزواج من ثانية بمثابة خيانة أمرا عقلانيا مثلا؟ هل اهتم أحد بمشاعر هذا الرجل ام عليه فقط ان يضرب بها عرض الحائط؟هل لأنه مغترب عليه العمل لتأمين المال فقط؟ما هذه النظرة المادية؟هل هو روبوت مثلا ام انه فقط ماكينة سحب نقود لزوجته؟ومن قال أن الاغتراب هو فقط لكسب المال؟هناك من يتغرب ليدرس وهناك من يتغرب بحثا عن حياة افضل بغض النظر عن الدخل المادي وهل تقاس الامور بالمال فقط؟ ألم انصحه بسحب اولاده وزوجته لعنده وبعدها فليقرر؟هل قرأتي ذلك بالبطع لا لأنك تقرأين ما تريدين وتعمي اعينك عن الآخر
-سوريا
سالي2013-07-10 02:41:21
مافي وفا
ربيع الياسمين ..متزوج وحابب ومحتار ؟ انك تتزوج على زوجتك فهاد مو عدل لانو هي مو ذنبا اذا انت حبيت واستحليت ...وانك تبعد عن الصديقة الطيبة هاد شي ضروري لانو هي اساسا كيف بتقبل على حالا تحب رجل متزوج ..؟ مع احترامي بس انا بستحقر هالحالة ..تالتا مافي ولا مبرر لحتى تحب ولا بس لانك بالغربة !..وين وفاءك .. اصلا انا اشك انو زوجتك رح ترجع تعاملك متل ماكانت سابقا ..(انت وضميرك ) و(الصديقة الطيبة) يطلق عليها لقب خطافة رجال وبجدارة
سوريا
وحدة من هذا الزمن2013-07-10 00:43:55
الى س س
مع احترامي لوجهة نظرك التي لا أتفق معها .. أسألك سؤالاً .. انت قلت أن النساء يفكرن بعواطفهن وليس بعقلهن.. ياترى صاحب المشكلة فكر بعقله شوي؟؟أم استخدم عواطفه وانانيته فقط؟!ثانياً الزواج بثانية هو طبعاً خيانة لعهد الحب والزواج بين الزوجين. هو خيانة لعهد الاخلاص والوفاء وتأسيس عائلة مشتركة. هو عدم احساس لا بل اهمال لمشاعر الزوجة كلياً.هو خيبة أمل للزوجة المتفانيةوشرخ في قلوب الابناءالذين يرون بابا وماما هم شخص واحد.. فكر قليلاً قبل أن ترمي كلماتك جذافاً
-سوريا
عندما نجاهر بالأنانية لدرجة الوقاحة2013-07-10 00:17:06
الياس
ما شاء الله ما أوسع قلبك الذي يتسع للكثيرات! عن أي حب تتكلم أو ماذا تعرف عن الحب غير أسمه؟ تتكلم عن الحب بهذه الشجاعة ولم تهتدي إلى كلمة الخيانة التي تلتبسك التباساً؟ هل تدري أنك بمجرد التفكير والبدأ بإقامة علاقة ثانية أنك شرعت بخيانة زوجتك؟ في الأوضاع العادية عملك غير مقبول أبداً فكيف في مثل هذه الأوضاع الصعبة لتي تعانيها زوجتك متحملة عبئك وعبئ تربية أولادكم بالاضفة أنك (تحبها) كما تدعي. الأمور واضحة ومن دون لف ودوران عيب عليك وتحلى ببعض الرجولة مش منشانك بل منشان ولادك يا أيها (الأب) المسؤول
-هولندا
تغريد2013-07-09 15:53:58
رد على (س س )
اعتبرة النساء مضحكه بقولك ( مضحكة ردود النساء)ياللسخف على ردك .وتقول (ما ترد على حكي النسوان هادون ما بيفكرو بعقلن بيفكرو بعواطفن بس، ليكون فورا انبحتو عليك )تحن لم ننبحة عليه كما تقول نحن قلنا وجهة نظر ليس إلا ....(وكيف لانفكر بعقلنا ) من الممكن أنك أنت الذي تفكر بعقلك فقط والله خلقلك أنت فقط بعقل وتعطيه النصيحه لكي تجرب عليه بيته . هو سافر للغربه من أجل العمل وليس لكي يقضيها حب ومعشقه..لولم تتهجم على ردودنا ماكنت لي أرد عليك لان كل شخص وله وجهة نظرة
سوريا
syrian_me too 2013-07-09 13:52:15
شو؟
أنا كمان سوري صرلي متزوج سنة وبعد ماتجوزت بتلت شهور طلعت وصار عندي ولد. ببلاد الغربة اكتر من النسوان مافي بالشوارع بس انا ما بهتم ولا بوحدة ابدا ولا اشعر بالهوى لاي وحدة كون يلي بيحب لازم يحب حقيقي....
سوريا
همســـــــة حنيــــــــ طيف ــــن2013-07-09 13:49:54
كعادتكم تنامون وتنسون ان هناك قلوبا لاتنام لأجلكم
طبع آدم مابيتغير ليش حضرتك طالع عالغربة تحب وتعشق ولا طالع بشغل وهي المسكينة يلي قاعدة ببيتك ومتحملة غربتك وعم تدير بالها عولادك شو ذنبها؟؟؟؟؟؟؟؟ طيب جاوبني على هالسؤال؟؟ اذا كانت هي ما اتحملت غيابك وحبت شخص غيرك وتركتلك هالاولاد الك شورح يكون موقفك؟؟ بنصحك تصحى لأمرك وتترك الغربة وترجع لعيلتك ولولادك ولمرتك وحاول تنسى التانية وبعه عنها والله يصلح بالك احسن شي والله يهدي كل جنس آدم........
سوريا
مغترب2013-07-09 13:47:18
انت اناني
صدقا انت اناني جدا واستغرب وقاحتك في طرح الموضوع! انت مغترب يعني ان زوجتك واولاك يضحون ايضا معك في غربتك ويضحون بعدهم عنك وانت بدل ان تغترب لتحسن وضعك ووضعهم تريد ان تتزوج من ثانية تقاسمهم كل شيء! صدقا صحيح من قال ان لم تستحي فافعل ما شئت
-ألمانيا
سوري 2013-07-09 10:07:22
2+1= ؟؟؟؟؟
اذا حابب مرتك بعتلها شهر زيارة او نزيل انت اجازي بشان ماتخرب بيتك وتشرد ولادك تحديدا بهذي الضروف بعدين تتزوج مرى تاني مصاريف جديدي ومابعتقد واحد مغترب وتارك اسرتوا يكون مقتدر وقادر يصرف على بيتين. اذا تزوجت مرة تاني رح تنبسط شهر او شهرين وبعدين بس تصحى على الايجارات والمصاريف والنق رح يوجعك راسك كل العمر.
-سوريا
باسل الأصلي2013-07-09 09:19:20
إلى صاحب المعضلة الاخلاقية
الله يكون بعون مرتك يا خفيف العقل و القلب... لك في بطاريق بتعيش بالقطب الجنوبي...متغربة و عم تتحمل برد و هجرة و بتاكل سمك ني و عندها وفاء اكتر منك...لك عندك و لدين و ما قضيت غير سنة وحدة لحقت تتعرف و تصادق و تحب و تعرض عليها الزواج كمان؟؟؟
-سوريا
س س2013-07-09 08:24:20
مضحكة ردود النساء
عزيزي هادا حقك الطبيعي بالزواج من أخرى، لانك اول واحد ولانك اخر واحد بيتزوج 2، ما ترد على حكي النسوان هادون ما بيفكرو بعقلن بيفكرو بعواطفن بس، ليكون فورا انبحتو عليك وكانك بدك تعمل جريمة، شو من ايمتا الزواج بالثانية خيانة؟؟ منين بتخترعو شغلات من عقلكون؟ لك حدا بيرد على حكي مرا؟ ع كل حال بيضل الرأي الأفضل انك جيب مرتك لعندك هية وولادك خصوصي بهالظروف، انت مسؤول عن عيلة هلق، وبعد ما تجي مرتك ادرس الفكرة مرة تانية انو فعلا معك حق تتجوز عليها ام لا وانا اكيد انك رح تاخد القرار الصح وفكر بالعقل
-سوريا
معلقة2013-07-09 03:59:12
باختصار
لا تخرب بيتك منشان نزوة
-سوريا
تغريد2013-07-09 03:02:06
هل جزاء الإحسان إلا الإحسان
أخي الكريم ؛ممكن أنك صادقك بحبك لزوجتك وفي لحظة ضعف أوبعض الظروف كانت سبب بأن تتعرف على غير زوجتك ولكن هذا لايعني أن تتزوج على زوجتك إذا كنت حقيقتآتحبها .وتقول ( ولا استطيع البعد عن الثانية) أخي الكريم :الموت يغيب أغلا الناس ومع ذلك يستطيع الإنسان أن يعيش حياته ولاتتوقف حياته إذا ابتعد عن شخص ما,,فبعد هذة الأوهام عن تفكيرك وحاول أن تأتي بزوجتك إلى عندك أو ارجع إالى بلدك . أنت سافرة من أجل العمل وليس لكي تتزوج وتغدر بزوجتك وفعلآ انه غدر بها لانك سافرت لهدف وستفعل هدف أخر (اتقي الله)
سوريا
وحدة من هذا الزمن2013-07-08 23:42:24
غريب!
سنة واحدة!!يعني 12 شهر ماقدرت تضل تحب زوجتك بإخلاص ؟معقول ماعم تخطر على بالك هي وأولادك وعم تشعر طعم المرارة لفراقهن؟ فوراً وجدت صديقة خلتك تنسى العائلة والزوجة المضحية والتي ترعى الاطفال وحدها؟!!أي حب هذا الذي تنكلم عنه .. أظن أنه حبك لذاتك لا غير وأي امرأة هذه التي تعلم بأنك زوج وأب وتسمح لنفسها بأخذك من العائلة وتدمير عائلة بأسرها؟أشعر مرة واحدة بشعور زوجتك وهي وحدها عندما تحس أنت بالوحدةولا تكن أنانياً وتتخيل أنك المضحي الوحيد
-سوريا
هييووش2013-07-08 18:40:01
سمعو هالحكي
هشي مابيرضي زوجتك ..طبعا لا تتزوجها. ..اذا بتحب زوجتك ..كيف بدك تتزوجها..وعم تسال ..كم قلب عندك انت؟؟؟؟بدك تخرب بيتك .لانك بالغربة وحبيت وحدة ..طيبة على اساس ..برأيك هشي رح يحل الموضوع؟ خليك بعقلك ولا تخرب بيتك
-سوريا
واحد حباب2013-07-08 18:03:55
يا رجل شو بتحب...
لك يا رجل شو بتحب عالم. بتحب زوجتك وصديقتك ؟؟ وليش ما بتحبني الي؟ والله أنا كمان حباب. جيب مرتك لعندك وبلا هالحركات. خلي ولادك يضلو يحبوك.
-سوريا
أحمد2013-07-08 16:34:50
تسألها؟
من كل عقلك عم تسألها توافق؟ أكيد ما رح توافق. و إنت الحق عليك يللي وقعت حالك بهالمشكلة. نسوان هالأيام ما بوافقوا... مخهن مفيرس و متأثرين بالحضارة الغربية، بقا ما رح توافق.. و بعدين إنت شو بدك بوجع الراس.. اقطع علاقتك بصديقتك لأنو بنات الناس مو لعبة، و دير بالك على عيلتك و بلا ولدنة. التمن إنت يللي رح تدفعوا... مو زابطة معك.. صدقني.. روح الله يسهلك..لا تنسى متل ما قلتللك.. اقطع علاقتك بالبنت و اعتبرها اختك أو بنتك.. و خاف ربك ببنات الناس.. الدنيا دولاب ها.. بكرا بتاكلها بعرضك
-سوريا
عابرة سبيل 2013-07-08 15:46:46
بلا عنوان
انت بكل بساطة خائن ولااشعر بذرة شفقة نحوك وعن نفسي اتمنى زوجتك ان توافق وتطلب الطلاق منك لانك لست بقدر المسؤولية ولست بقدر اخلاصها. انت تغربت سنة فقط واحدة لتبحث عن رزق معيل لاسرتك لا لتبني علاقة اخرى بدعوى الصداقة وهي المسكينة بغيابك اعتنت ببيتك وباولادك اهكذا يكون جزاؤها. اظن انك كنت تفضل ان تخونك وتجد رجلا يواسيها بدعوى الصداقة. اي زمن صرنا فيه وكثر فيه اشباه الرجال تتبع نزواتك وتناسيت اسرتك, ومن اجل ماذا بالنهاية؟ امرأة ساويتها باسرة كاملة انت مسؤول عنها؟ كم اشعر بالقرف وبالغثيان
-سوريا
ياسمين الشام2013-07-08 15:18:00
مسكين
والله وانت عمتحكي قصتك بحسك الواحد كتيرمسكين مع انه زوجتك هي المسكينة يلي تحملت بعدك وشغلك وغربتك وحملت مسؤولية الاولاد لحالهاوفوقها قاعد حضرتك عمتصادق وتحب وتعشق وبدك تجيب ضرة كمان. شوهالزوج المخلص المحب لزوجته يلي كتير بحبها على حسب ماعميدعي .شوف حط حالك مكان زوجتك بتقبل تصادق وتحب ويتعلق قلبها بغيرك ؟؟ لاتكسر قلبها وتخرب حياتك وتاخد خطوة تندم عليها طول حياتك يمكن يكون التمن بيتك وولادك .
-سوريا
وليف الروووح2013-07-08 14:51:14
سقطت اوراق ياسمينك يا ربيع
انت في الغربة وبعيد عن زوجك التي تحب ولك منهااولادولا يوجداي مشاكل بينكماورغم ذلك وما ان نبت لك ريش وصار بمقدورك الطيران أول ما فكرت به ان تهجر عشك وتتنكر له وقد نسيت او تناسيت أن زوجتك تعيش الغربة كما تعيشها انت ولديها رغبات تفوق رغباتك ولها الحق ان تفكر كما تفكر انت ...؟ ارجع الى صوابك ايها الربيع وإن كنت من محبي الياسمين حاول ان تزرعه في كل اركان بيتك ليتدلى على زوجتك وابناءك وانت بينهم لتغمرهم بالمحبة التي يكنوها لك ويرجونها منك ولا تدع اهواءك تمسك دفة حياتك وتقودك الى هلاك ا
الإمارات
أبوجميل2013-07-08 13:55:59
مصدوم
حقيقة مالها حق.... لازم توافق... وبركي بتدور كمان على رجال تاني يدعمها ويساعدها ويحن عليها (من باب الصداقة)
-سوريا
حميد 2013-07-08 13:22:19
اعربلنا ياها
اشرحلنا بالأول كيف بتحب مرتك وحبيت وحده تانيه, بعدين كلها سنه وحده لحقت تربي صداقه تحولت إلى حب وقررت الزواج ونيست مرتك وولادك , لأ والأنكى انك ناطر انو مرتك تقلك موافقه , ياأخي كم أنت أناني , لنقلب الأمر ونتخيل موقفك لو أنه خلال هذه السنه اتصلت بك زوجتك وأخبرتك أنها تريد الطلاق (باعتبار أن الشرع لايسمح لها بتعدد الأزواج )لأنها أحبت رجلآ غيرك وتريد الزواج منه,جاوب بكل جرأه على هذا السؤال,ماذا سيكون موقفك عندئذ؟ ياأخي ألم يكن لمشاعر زوجتك أي حساب عندك وأنت تعرض عليها الأمر , اناني .
-سوريا
لا تقولها!!!2013-07-08 13:10:51
أحب زوجتي و صديقتي!!
ما عندي كلام قوله غير أنك أناني لا تفكر إلا برغباتك الجنسية و تنسى زوجتك و أطفالك و احتياجهم إلا وجود الزوج و الأب في حياتهم . و خصوصا بظروف البلد الصعبة. و حضرتك لاحق النسوان تحت مسمى الشرع بيسمح لي. و عم تنسى كيف عم بيعيشوا بلاك و أنت بس عم بتفكر كيف عايش بلا مرا لحالك!!! يا مسكين .طبعا في مين عم يبقلك برافو أحسن من الحرام !@##$% بس فهمني وين الحلال هلق بأنك تشبع رغباتك و تهمل عائلتك و لو جزئيا إذا بدك تقلي ما رح قصر معون
-هولندا