syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

رفضوه كونه من غير طائفة , تزوجته  وسافرت وأخاف من العودة إلى البلد ...انصحوني
اسأل مجرب

رغم زواجهم وتكوينهم عائلة الا ان المشكلة مازالت قائمة ؟؟


 تقول ريما صاحبة الرسالة " تقدم شاب لخطبتي وافق والدي لكن امي اقنعته برفض الشاب كونه من غير طائفة فرفضه والدي فتزوجته بدون موافقة اهلي وهو يدرس الدكتوراه ومهذب تحدثت من فترة مع اهلي وتقبلوا الموضوع خوفا من الفضيحة كونهم اخبروا العالم انهم زوجوني وسافرت"

تتابع لنا " ولكني مازلت خائفة من قدومي الى البلد خوفا من اهلي وما يحضرونه لي وخصوصا بعد احوال البلد السيئة مع العلم انه وبعد زواج سنة اصبح لدي طفل وانا سعيدة جدا مع زوجي وهو يحترمني وكان والدي دائما يضربني مع اني

متعلمة واعمل وكان يأخذ راتبي ...انصحوني "

 


2012-12-04 23:24:18
شاركنا على مواقع التواصل الاجتماعي:



شارك بالتعليق
الى كوكي والاخ متسائل2012-12-12 23:50:07
يا صديقي
يا صديقي نعم كلنا نعيش وكلنا نتعرض لامور في حياتنا لكن عند الوصول الى نقطة الدين نتراجع هذا دين وليس مجموعة اراء نختار ما يعجبنا منها نعم كلامك صحيح الكثير يعاني لكن عند فرض الحقيقة نتوقف لا نسيتطيع ان نتخطى الدين وخاصة في الامور الاجتماعية من زواج وطلاق وارث هنا يتدخل الدين لان فيه علاقات اجتماعية نعم وانا ابن عمي متزوج من مسيحية ومبسوطين لان اهلها موافقين لكن لو كان العكس فلا يمكن لان الدين لا يسمح للمراءة بالذهاب لدين اخر وهذا شئ لا يمكن احد ان يبدله في الاسلام مهما كان
-سوريا
الى وحدة من هذا الزمن2012-12-12 23:42:50
صحيح
انا ما قلبت الموضوع لا فتاوى ولا عقائد وانا لا انظر ولا غيري لاحد على اساس قلة او كثرة بل هذا واقع نعيشه ثم انا اوضحت شئ يتعلق بغلط الفتاة ولم اجبرها على اي شئ في النهاية هي صاحبة الامر وانا واجبي ان اوضح لها الغلط التي ارتكبته بحق الله والوالدين ولا اظن ان ذلك عيبا بل واجبي ان انصحها وهي في النهاية حرة تختار ما يناسبها وشكرا
-سوريا
سورية مسيحية حرة2012-12-12 21:41:24
مالي بالعادة علق هون بس رح علق
تعقيباً على رأي ست عبلة الهبلة .. سوريا كانت سريانية ارامية مسيحية واقرأي التاريخ جيداً قبل دخول الاسلام إليها .. وعلى كل حال ما علينا دخل الاسلام للبلد ومامشكلة .. بس انو حضرتك تسمينا أجانب وجايين من أوروبا..!!! لا حبيبتي اسمحيلي.. هيك بقا !!انتوا اللي اجيتوا من الجزيرة العربية ,وماكنتوا سوريين أصلاً ونحنا كنا قاعدين بأرضنا ورحبنا فيكون وأعتبرناكم أخوة..,, شوفي لي مين الأقرع بالله.. صحيح الجهل بشع!!
-سوريا
عبلة الهبلة 2012-12-12 19:05:00
اللي عم تئول انو سوريا اصلها مسيحية
احترنا يا اقرع من وين بدنا نبوسك والله حيرتونا معكن يا مسيحية شي بتعملولي حالكن اجانب عاساس واجيتو لهون بالغلط و شي بتئولو سوريا اصلها مسيحي ارسلولكن على بر بئا.. بس ما تئلولي بالاخير انو انو اوروبا كانت بسوريا!!! الله بعيييين لك شعب الجهل دابحوووووووووووو ومو عرفان كيف بدو يطلع من جلدو
-سوريا
كوكي2012-12-12 13:36:58
محاولة
عطفاً على كلامي السابق،لقد دخل الأخوة المعلقون في سجال بعيد عن الهدف،وللذي يقول هل ترضاها لأختك وكأن أخته ناقصة العقل أو أن "شرفها"يخصه ولا يخصها!سؤال لو أراد هو الزواج بفتاة من غير طائفة هل كان ليأخذ برأي أخته؟ وأقول للأخت صاحبة الرسالة طالما أنك تشعرين بالسعادة فهذا هو لب الحياة ومن دون حب لا توجد سعادة ومن دونهما لا لزوم لحياتنا وأعتقد أنك بقدومك للبلاد قد تعرضين حبك للتصدع لا سمح الله ولكن لا ضير من محاولة لمصالحة الأهل لكن دون السماح لهم بالتدخل بعلاقتك مع زوجك. "الله محبة"
-سوريا
كوكي2012-12-12 13:29:21
السعادة تاج على رؤوس السعداء يتحسر عليه الأشقياء
للأسف في مجتمعنا هذا رغم جمال تنوعه وتكوينه ورغم العلاقات الإنسانية والمحبة بين أهله إلا أن صوت القلب غير مسموع مع أنه نبع المحبة؟؟!! حين ننظر لأنفسنا ولمن حولنا عادات وتقاليد طعام وشراب وكل شيء متجانس في إطار المجتمع الواحد أين الخلاف إذن؟أعرف الكثيرين ممن يعانون ماتعاني منه السيدة صاحبة الرسالة مطلوب من الأبناء إسعاد الأهل وطاعتهم وعلى الأهل أيضاً إسعاد أبنائهم ومساعدتهم ما أمكن والسؤال الملح لمصلحة من نتعس حين نحب بهذا الكم ونحارب ألمصلحة هذه الطائفة أم تلك؟ ولمصلحة من ننفصل لهذه أم تلك؟
-سوريا
فهمانة مع وقف التنفيذ2012-12-12 08:51:22
الى صاحبة المشكلة وبالمرة للمعلقين الافاضل
اولا"صاحبة المشكلةانتي اخترتي واحمدي الله ان زوجك انسان محترم وطالما الله رزقك بطفل فحافظي على عائلتك الجديدة واياكي وان تفكري بالرجوع حاليا فربما اهلك يعدون لكي اذى ..وبالنسبة للرضا بما انك حاكيتيهن ابقي خذي الرضا ع الهاتف واتحججي بالظروف ولا تنزلي, وبالنسبة للمعلقين مافي داعي لكل هالشوشرة والنقاش البنت اختارت وماطلبت فتوى من حدا لاختيارها كل ال طلبتو نصيحة بموضوع الرجعة ,لهيك كل انسان خليه بسلوكو وبدينو وانشالله يعبد ربو ليل نهار او حتى اذا بدو يعبد اصنام ما زال مقتنع شو بدو بغيرو ؟!
-سوريا
متسائل2012-12-12 00:03:57
متفائل
ياأخي وين المشكلة:من ثلاثين سنة تزوجت فتاة مسيحية من شاب مسلم سني بعد قصة حب ويعمل هو الآن بالعاصمة طبيب مشهور وكانت مرة واحدة مع أهلهاعند وفاة أبوها بالكنيسة هي وزوجها وأولادها وصلوا على الجثمان وتقبلوا التعازي وغادوا الى حياتهم العادية بدمشق ليعيدوا الصلاة بالجامع وهم راضون وسعداء بحياتهم وين المشكلة لولا القانون بيسمح الزواج المختلط بدون أن يجبر طرف واحد على تغيير دينه.
سوريا
وحدة من هذا الزمان2012-12-11 23:45:51
الى...
مابعرف كيف يتفهم على الواحد انت؟؟!! أولا انا لم أقل عن مجموعة من الناس انهم طائفيين حتى ترد على بالجمع ..أنا تحدثت حصراً على الانسان الطائفي الذي في نفسه الصواب وبالاخرين الخطأ والذي يرى الموضوع قلة وكثرة وليس انسان يجب احترامه... ثانياً الفتاة لم تطلب منك تقييماً لأخلاقها من وجهة نظرك ..بل طلبت حلاً لمشكلتهاوأنت قلبتها درس دين و فتاوى على الهواء!!!
-سوريا
الى وحدة من هذا الزمان2012-12-11 17:22:32
مداخلة
يا انسة نحن لسنا طائفيين والطوائف موجودة وبقلة يعني نادرا ما نتقابل مع احد منهم حتى نعلم من اي ملةلذلك هذا ليس معناه اننا طائفيين اذا تحدثنا عن الطوائف وما تمتاز بها عن الاخرى والفتاة هداها الله باعت اهلها وعقت والدها وخرجت من البيت فماذا تسمين هذا انسحاب بهدؤ يعني اوضح خطيفة بكل معنى الكلمة نعم هي تزوجت وتبني اسرة لكن ذلك على حساب سمعة اهلها و دينها ثم لو كنا لا نحترم الطوائف لما عشتا مع بغض جيران من الف سنة وهذا دليل على حق المواطنة لكل الشعوب والاديان والفرق في هذا الوطن والدين قبل كل شئ
-سوريا
مو مهم 2012-12-11 16:55:15
-
وينك يا سوسو انتي وحماتك اشتقنالك
-سوريا
ام حسان2012-12-11 16:48:51
يمكن
هلاء لو اجيتي وسألتينا رأينا قبل ما تتزوجي كنا وقفنا بوشك وقلنا اهلك واصلك وفصلك ودينك وغيرو بس لانك تزوجتي ومبسوطة وكمان عندك ولد فلا ومليون لا خليكي مع جوزك وديري بالك على بيتك لانو هدول هنن عمرك الجدديد والمستقبل وكل شي انا عشت مع ابي واخواتي وبابا كان رحيم وبحبو كتير ومع ذلك انا هلاء مو باختياري مهمتي الجديدة اني دير بالي على جوزي وبيتي وولادي لحتى الكون يعمر ولحتى ولادنا يكونو طبيعيين ويعمر المجتمع و لا تردي على حدا منوب واصلي اهلك بالتلفونات بس جوزك وولادك هنن الاساس
-سوريا
سالي2012-12-11 12:57:07
لا تزعلي
الله موجود وشايف وعارف كل شي ...ادعي لربك ديما وهو الوحيد يلي رح يسعدك وطالما انتي واثقة باختيارك اتمسكي بحياتك العائلية
-سوريا
وحدة من هذا الزمان2012-12-11 12:06:38
رأيي مرة أخرى
الانسان الطائفي هو الذي ينظر الى المجتمع من منظار أقلية وأكثرية .المجتمع السوري خصوصاً يتكون من أديان وضمنها طوائف وهناك أعراق متعددة لكل منها منطق وعقيدةو تاريخ يجدر بالآخر احترامها من مبدأ المواطنة الذي بدأ الكثير يجهله أو يتجاهله. وبعدين الفتاة لم تبع أحداً ولم تحارب أحداً بل قررت الانسحاب بهدوء .والطلاق وارد في كل حالات الزواج ولا أحد منا يعلم بالغيب وبالمستقبل والزواج يقوم على الحب والتفاهم والاحترام اولاً ومادام ذلك قائماً فهي سعيدة لانهما حكماً يحترمان قناعات بعضهما
-سوريا
لولو الصغيرة خخخ2012-12-11 09:32:48
هذي دمشق ...اني احب وبعض الحب ذبااااااااااااح
مع احترام كل الاراء لا تتطلعي لورا ابدا والاهل اذا متخلفين رح يضلو متخلفين للابد وما تثقي فيهم لان لو هنن موضع ثقة واحترام ومحبة الك ما كانو اجبروكي على هيك طريقة بالزواج وكانو احترمو رغبتك وزوجوكي وانتي مرفوعة الراس , انا لو بدالك انا يلي ما بسامحهم ولا بتطلع فيهم كل عمري,ومشان طاعة الوالدين ديننا اقر وانا سمعتها من احد المشايخ انو الابوين حتى ينطاعو بلا حدود لازم يكونو عادلين ورحيمين بلا حدود ...بالمناسبةمتلك متايل بقى لا تزعلي ولا تتحسري ع هيك اهل وخليكي ببيتك وجوزك وابنك
الولايات المتحدة
muhamed2012-12-11 05:27:22
متزوج من غير طايفه
انا وبعض اخوتي متزوجون من غير طايفه و لا نرئ في ذلك اي مشكله. المهم وجود العقل لانه اساس الدين.
-سوريا
الى وحدة من هذا الزمن2012-12-11 00:01:35
مداخلة
اولا المجتمع يسمى مجتمع لما يجمعه من الاكثرية فمجتمع سوريا يسمس دولة مسلمة مع وجود عدة طوائف لان الطائفة تتميز بعقيدةخاصة عن باقي المجتمع وليست اراء لمجموعات من الناس والفتاة لم تتصرف عن نضج لان من يبيع كل القيم من دين وكرامة الاهل لا يسمى ناضج بل يسمى لا مبالي وهي كذلك كان همها ان تخرج من البيت فقط لم تفكر لو اختلفت مع زوجها وتركها او مات عنها اين مصيرها ماذا لو اهل الزوج ايضا رفضوها كل هذا نسيتموه وتبعتم فقط انها ناضجة واختارت حياتها تتهنى انشالله
-سوريا
وحدة من هذا الزمان2012-12-10 22:18:19
ردي على من انتقد تعليقي
أولاً شكر خاص لهاني وأنا كمان متفقة معك 100%.المجتمع يتكون من مجموعات من الافراد كل مجموعة لها تفكيرها ورأيها تسمى بطائفة ولا يمكنك شمل المجتمع بالطائفة السنية ..ولهذا فنحن لا نعرف الطائفة وعموما لايمكنك حصر المشكلة بموضوع الدين والطائفة ..الانسانة عانت من أهلها وهي لم تكن عاقة لهم بل اختارت حياتها كما تريد باعتبارها ناضجة وليس كما يريدون لهاوأسست عائلة.الحل أن يحترموا قرارها ورأيها. أما من جهة الطلاق ..يعني بتعقدوا انو هيك أب رح يحط بنتو عندو اذا تطلقت حتى لو متزوجة برضاه؟!!
-سوريا
عابــــــــــر ســـــبيل2012-12-10 22:21:57
لا ترجعي
لا ترجعي شعب طائفي ****.. ما شغلتو غير يحكي بالدين و لا بيفهم لا بدين ولا بدنيا.. إذا بدك ما تحرمي ولادك منك خليكي عندك.. منشان الأولاد مو مشانك.. و بالتوفيق بحياتك بعيد من هون
سوريا
الى hani2012-12-10 21:40:04
مداخلة
يا سيد هاني هذه ليست مبررات لهروب البنت اذا كل بنت ابوها اساء معاملتها تهرب وتتزوج خطيفة فهذا اصبح وطن الفوضى ولكن اساس المشكلة ان ابوها رفض لانه من غير طائفة لانها لنقول سنية نسمي الاخرين الاقلة طوائف ما سمعنا احد يقول انت من الطائفة السنية وما هو طريقة المنطق والحضارة عندك ؟ثم اين قرات هداك الله ان احد كفر البنت ؟لا تتهمنا بما نحن منه براء ونتمنى ان ينتهي الموضوع على خير لان الردود هنا ليست فرض اراء او عضلات مجرد مجموعة حلول وهي تختار ما يرضي الله والوالدين وشكرا للجميع
-سوريا
HANI2012-12-10 19:09:04
تكمله
اما بالنسبه لموضوع الدين يلي عم تحكي عنو ما رح جوابك لاني ما بعرف شو ديانه البنت او الشب .. بس تعليق على كلامك رح رد عليك : البنت قالت من طائفه مختلفه و ليس من دين مختلف .. ملاحظه مهمه : انا ما عم دافع عن البنت بس بنفس الوقت مو متلكم كفرتوها للمخلوقه و حجزتولها معقد بجهنم
-الإمارات
HANI2012-12-10 19:04:55
رد
اولا الله يهدينا جميعا .. تاني شي يا استاذي الكريم انت برائيك في بنت عاقله و متعلمه بتهرب مع شخص من اهلها .. انا عم احكي بشكل عام من خلال كلمه قالتها صاحبه المشكله انو ابوها بيضربها و بياخد فلوس تعبها مو معنى كلامها انو بس هل الشغلتين سيئين فيه كلامها مجرد اقتباس صغير لافعال ابوها و الدليل على كلامي انها فضلت الهرب على اكمال الحياه مع اهلها .. و الطريقه الحضاريه يلي نحنا بعاد عنها كل البعد (( المنطق و العقل )) و اعتقد هاد الشي مو موجود عند الاب ... يتبع
-الإمارات
to ghassan 2012-12-10 16:57:32
ما شالله
السوريين مريضيين ؟نسيت تكتبنا من وين في بريطانيا ام امانيا حضرتك ومتقدم ومثق وما حدا قداك يا حيف عليك اسوريين مريضين هذا اللي طلع معك الانسان لما بحافظ على دينه ومعتقده وكرامته وصار مريض شكرا الك يخزي العين عنك
-سوريا
Ghassan2012-12-10 15:51:20
إسمعي قلبك فقط وما يمليه عليك العقل
أخذت القرار الصائب ولا أعتقد أنك على خطأ الشخص الذي تزوجتيه يحبك ولديك طفل اتمنى له طول العمر لا تسمعي اي نصيحة إنظري ماذا يفعل فينا الدين فلا تقضي على مستقبلك أنت مثقفة وزوجك أيضا انسي الباقي وعيشي حياتك اينما كنت فهي بلدك ولا تفكري باي شيئ السوريين مريضين نفسيا وهم وحوش كما يفعلون الأن الا تقراي ما يحصل
فرنسا
amjad2012-12-10 08:13:12
الى هاني ووحدة
الرسول عليه الصلاة والسلام كان ينهانا عن عقوق الوالدين حتى لو كان الاب او الام كافرين بقا لا تقلي حضارة او انساني هية لومابدا او حاطيتو براساما بتاخدو بعدين ببلدك بالامارات بيرضو البنت تتجوز غير من اماراتي او خليجي ما اظن بعدين بتحرموها من الجنسية والميراث هاي بس لانو اخدت من غير جنسيتة شلون لو اخذت شي واحد من غير طائفتة..........
-سوريا
عبير الورد2012-12-10 00:49:46
الى السيد شادي
كلامك جواهر ارجو ان تساعدني وارجو ان تتواصل معي علاميل
سوريا
الى هاني2012-12-09 23:14:34
مداخلة
ممكن اسالك سؤال انت لماذا تركت اساس المشكلة وهي الهروب من البيت اولا بمعني ذهبت خطيفة وثانيا الزواج من احدى الطوائف التي كما ذكر احدهم لا يجوز شرعا ان تتزوج منها وفقط تتحدث ان ابوها ضربها واخذ نقودها ياسيدي نحن معك الاب مخطئ لكن يبقى ابوها وكما قال المعلق ادناه ماذا لو طلقها اين يكون مصيرها في الشارع ؟ماذا عن الاولاد عندما يكبوا ؟ثم اشرح لنا ما معني طريقة حضارية لاننا نحن نتعامل بطريقة غجرية اشرح لي كيف ؟يا هاني هذادين وليس مجموعة قصائد تحفظ منها ما يعجبك الله يهديك
-سوريا
إلى السيد هاني2012-12-09 22:14:56
رداً على تعليقاتك
لا أعلم ما هو دينك، لكن في حال كان الإسلام و كنت من الطائفة السنية، ولم تكن علمانياً، فيرجى منك مراجعة أصول التعامل مع الوالدين في الفقه الإسلامي من فضلك.كما يرجى منك مراجعة شروط الزواج.
-سوريا
HANI2012-12-09 20:57:14
ألى امجد
بس لحتى كون متل عقليه ابوها للبنت بجاوبك ... و بس ما يكون عندي طريقه للاقناع اتجاه اختي بشكل حضاري و انساني ببقى بجاوبك .. و وقت عامل اختي على انها مو بني ادمه بضرب و باخد فلوس تعبها ببقى بجاوبك ... الله يرضى عليك لا تعمل حالك ذكي و تقارني انا و وحده بهل الشخص الذي لا ينتمي الي فصيله (( البني ادمين )) ... فكرو يأحرجني بسؤالو ههههه
-الإمارات
amjad2012-12-09 12:42:20
الى هاني و وحدة
كل واحد يفرض اختو الى هربت شو كان ساوا ولا حدا يقلي في حرية وديمقراطية هاد كلام فاضي وكل واحد يقعد على عيطو
-سوريا
إلى السيد طه مختار أيضاً2012-12-08 16:37:07
إلى السيد طه مختار أيضاً
أحييك أيضاً من كل قلبي و أقول الحمدلله لسا الحياة ;) بخير :)
-سوريا
الى وحدة من هذا الزمان2012-12-08 14:12:11
شئ جميل
اولا من قال لك ان الفتاة غير مسلمة سنية؟ثم نحن المسلمون السنة لا نسمى طائفة بل نحن مجتمع والاخرين يسمون طائفة وهذا واقع فكيف امها اوضحت لابوها انه من طائفة فرفض اذا هي مسلمة سنية لان مع الاحترام علوية لا ترفض الزواج من سني لكن العكس وارد ومر معنا وكذلك من درزي فهم لا يبيحون لا التزاوج معنا الا من شذ وذلك ليس قاعدة نعم محور الكلام هروبها وزواجها ليس فقط ضربها ثم نعم الاسلام يبيح زواج الكتابيات علنامن النصارى واليهود لكن سؤالي هل الطوائف تلك لديها كتاب منزل ؟ ارجوا ان لا تعصبي وخليناواقعيين
-سوريا
طه مختار2012-12-08 11:42:29
فليغير طائفته او ابقي في بلاد الغربة
انت ابنة عاقة لم تنفع فيك التربية وسهر الليالي والتعليم انها قهرة كبيرة ان تتزوج البنت بغير رضى اهلها فكيف ان كان من غير دين. انت ضحيت باهللك ودينك لماذا لم يكن هو الشجاع وغير طائفته وتزوج منك. نحن في بلاد الانتماء الديني فيها مهم جدا ولو تركته وانتظرت لاحببت شخصا اخر من ذات طائفتك. لن تسعدي في حياتك ابدا سيصحو ضميرك الغافي وتدركي الخطأ الذي ارتكبتيه الحل ان يغير طائفته دارس الدكتورة لكي يرضى عنك اهلك وبلا حب بلا علاك فاضي.
لوكسمبورغ
HANI2012-12-08 10:20:01
معجزه
لاول مره like 100% وحده من هذا الزمان ... اكيد لا اقصد التقليل من شأنك ولكن اول مره اوافقك الرأي تماما :)
-الإمارات
وحدة من هذا الزمان2012-12-07 22:37:18
الى السيد؟؟ المجهول الاسم
صرعت الدنيا بقصة الدين والطائفة وعندنا وعندهم ورحت بعيد..عفواً حدا قاللك انو البنت مسلمة سنية كما تدعي حضرتك؟؟ألا يمكن أن يكون العكس ام أن الاخرين لايهمهم بناتهم اذا أخدوا من نفس الطائفة أم لا؟!ومن جهة الضرب ..فإذا كنت متعلم ومثقف لازم تعرف ان ردود الافعال مختلفة باختلاف الاشخاص وشخصياتهم.أما النضوج فلا علاقة له بالزواج من المماثل بالدين وإلا لما سمح الدين الاسلامي بالزواج من الكتابيات.
-سوريا
الى saliy1967@yahoo.com2012-12-07 18:00:29
شكرا
شكرا لك على هذا التوضيح والله لا يسعني الا ان اشكرك كلامك جميل ومنطقي نعم الدين يبقى دين ولا يستطيع احد ان يتعالى عليه ولا يغيره احد فهو يرفقنا منذ الولادة وحتى الممات وكل من يخرج عن ملته لا يعتبر قياس للمجتمع بل غير مبالي باهله ومجتمعه ودينه وانتظر مني ايمل وشكرا لك وللموقع
-سوريا
الى واحدة من هذا الزمان2012-12-07 17:44:06
جوابي
هل هناك مصيبة اكبر من انها خرجت وبالاخرى باعتهم من اجل شخص ربما يطلقها او يتركها باي لحظة لا ضامن لها ثم لماذا اخترتي اني اقتلها لا سمح الله انا لست قاضي ولا مشرع هناك اهل الحل والعقد لمثل هذه الامور اما عني انا فا قول من الافضل ان تصلي ليل نهار وتدعوا الله ان يغفر لها ذنبها وتقنع زوجها ربما ان يهتدي الى ملتها وان تستمر بالتواصل مع اهلها ماذا لو مات ابوها او امها وهما غاضبان عليها هل تستطيع هي ان تهنئ بعيش ؟اما قضية ضربها فليس كل من ضربه اهله سيترك البيت ولو كانت ناضجة لما تزوجت من غير ملتها
-سوريا
لى من شكرني شكرا لك ومع الاحترام للجمي2012-12-07 11:29:43
saliy1967@yahoo.com
طبعا هناك شئ وهو طبيعي جدا ان لكل طائفة اساسيات وضروريات فبعض ابناء الطوائف كونه لا مدارس خاصة لهم شرعية لا نه لو سالته عن دينه لا يعرف وصدقوني هو صادق فعلا لا يعلم لانه غير مطلع او لم يسمح له بالدخول في المعتقد بسبب صغر عمره ربما يعلم رؤس اقلام فقط لكنن هذا ليس معناه هو رافض لمذهبه بل لانه لم يحن وقت شرط دخوله وتعليمه المذهب وهناك طوائف شمال شرق سوريا كذلك لا يمكن ان تتزاوج معهم ولكن يتساهلون مع اهل السنة احيان بزواج بناتهم وشكرا لكم واعذروني وشكرا لمن سيقول اني متخلف الايمل موجود
-سوريا
لى من شكرني شكرا لك ومع الاحترام للجمي2012-12-07 11:22:50
saliy1967@yahoo.com
الاسم الدين والمذهب ثم ربما منكم لا يتفحص ولا يراجع كتب الشرع فكل واحد منا يكتب على هواه وعواطفه ثم سؤالي من قال ان تلك الطائفة تجيز ايضا للرجل ان يتزوج من فتاة سنية ؟من قراأن كتب تلك الطوائف تجيز ؟اكيد القليل جدا ربما الاخ ابو زياد الكسواني لانه سال ما طائفته يا اخواني نحن صحيح مجتمع واحد واهل وجيران نحن نعيش مثلا مع النصارى من الف سنة ما سمعنا ولن نسمع عن مشاجرات او ضغينة فكيف بمن هو اقرب الينا منهم كلنا اولاد وطن سوريا ولكن هناك حواجز لا يستطيع احد ان يلغيهامهما حاول يتبع
-سوريا
لى من شكرني شكرا لك ومع الاحترام للجمي2012-12-07 11:15:34
saliy1967@yahoo.com
ولو لم يكن هناك موانع من التزاوج لما سميت طوائف لسميناهم مسلمين وانتهى الامر لو كان بهذه السهولة انظر لكلام الاخ شادي يقول عندما يقول ما ملته ينظرون اليه وكانه هبط من السماء صح ؟لان ملته غير مشهورة وغير ظاهرة لنا مثل باقي المسلمين السنة نحن كل عقائدنا مشهورة للعلن ولا نخفي شئ لان هذا دين معتقد يترتب عليه مجتمع منذ الولادة وحتى الممات ثم لو جاز التزاوج بسهولة لما كان هناك داعي لوجود محاكم شرعية تخص كل طائفة هل تعلمون ان السلسلة الحديدية التي تكون مع الجنود في المعارك يكتب عليها قديم يتبع
-سوريا
الى من شكرني شكرا لك ومع الاحترام للجميع2012-12-07 11:05:08
saliy1967@yahoo.com
مع الاحترام للجميع طبعا نحن هنا لا نفرض اراء ولا ضغوطات با نحاول ان نجد حلا لمشكلة وهي فعلا مشكلة يا اخواتي الفتاة وانا اعرف ماذا اقول الاخت السائلة ارتكبت عدة محرمات اولا عقت اهلها ونحن كمسلمين * عقوق الوالدين من اكبر الكبائر )لا احد ينفي ذلك ثم اقلت من قيمة اهلهابين الناس نحن مجتمع متشابك ولسنا عائلة تعيش في غابة لا يعلم بنا احد مهما جرى ثم تزوجت من طائفة هناك 2 طائفة كبرى وشرعا انتبهوا يا اخواني اقول شرعا لا يجوز التزاوج معهما الا بشروط طبعا صعب الشرح هنا لكن لو نشر الموقع ساشرح يتبع
-سوريا
وحدة من هذا الزمان2012-12-07 05:14:54
ردي
تقول الفتاة خرجت عن أمر أهلها .... ولكن هل رأيت الأسباب المباشرة وغير المباشرة لذلك؟؟ وأصلا هي لم تخرج خروجاً كلياً عن اهلها فالشخص طلبها رسمياً وصار جدل بعد موافقة الاب الاولى .الانسانة الان متزوجة وسعيدة بزواجها ومستقرة واختارت طريقها وهي ناضجة وتعرف تماماً ماتفعل. ماذا تريد انت ؟ قتلها مثلاً ! ومن جهة الضرب الاب الناضج لا يضرب اولادأ يستطيع الوصول اليهم بالعقل والحوار هذا أب فاشل اسمحلي.واذا كنت من شكله الله يعين اولادك
-سوريا
sarah2012-12-07 02:27:58
no name
والله برايي ماترجعي هلا عالبلد خليون هنن يجو لعندك بعدين متل ماقال احد المعلقين لازم الام والاب تطيعيون مهما كان بعدين بيني وبينك الشي يلي عملتي مو قليل ابدا يعني مهما كانو الاهل مو مناح مابيصير الابناء يتصرفو هيك تصرفات
-سوريا
إلى صاحب التعليق: مع الاحترام للجميع2012-12-07 00:18:27
إلى صاحب التعليق: مع الاحترام للجميع
أشكرك من كل قلبي على كلامك المليء بالحكمة و الله يكثر من أمثالك و خاصةً أن تعليقك الوحيد الذي أثلج قلبي و أضيف أنه لا يوجد زواج دون موافقة الأهل، و أقول لصاحبة المشكلة أن علاقتك هي حرام والله أعلم. اطلبي رضا أهلك و عند الزواج كما أمرنا الشرع فاطلبي رضا زوجك.
-سوريا
الى واحدة من هذا الزمان2012-12-06 23:26:04
كلام صحيح
انا لم اقل ولم اشرع ان يضربها لكن اذا ضربها ما المشكلة تلك العظيمة هل يعقل ان احدا من لم يضربه ابوه او امه هل عندما يضربني يضربني لانه يكرهني ام ليريد ان يصحح غلطا عندي لا يوجد احد ابوه يضربه للتسلية الا لخطا ما وهذا كل ما في الامر اما ما ذكرتيه من الابوة محبة وووو نحن لا نختلف على هذا وربما فيه ظلم اذا كان يضربها بدون سبب او للتسلط اما محور القضية خروجهاعن امر اهلها والزواج بشخص ذو عقيدة مختلفة هنا نقطة البحث وهروبها زاد الطين بلة واذا كان اختلاف العقيدة عندك عادي فهذا شانك اما لغيرك مهم
-سوريا
وحدة من هذا الزمان2012-12-06 22:22:41
الى السيد الذي انتقدني ولا اعرف اسماً له
الأبوة تعني المحبة وتعني العطاء بدون مقابل وتعني حكمة في التصرفات والكلام وتعني خبرة في الحياة ..تعني تربية الابناء وليس امتلاكهم ..تعني بناء شخصيتهم وليس قهرهم.تعني وعي وحنان وليس ضرب واستغلال .. اذا كانت لا تجد كل هذا من أباها فكيف تريدها أن تقتنع برأيه؟ اذا كنت حضرتك تشرع ضربها مرة بالشهر من أجل الراتب وتجده عادياً فأي انسان انت!الفتاة راشدة ويحق لها الزواج كما تريد.وهي استقرت مع من تحب وتخلصت من هذا الاب السيء الطباع
-سوريا
الى ايمان2012-12-06 20:49:51
شكرا
شكرا لك لاني صرفت المعنى على الموضوع وهذا خطا مني وكنت اقصد من التقوى من المنظور الشرعي مثل قوله تعالى (من يتقي الله يجعل له مخرجا ) او (اعدلوا هو اقرب الى التقوى )(اكرمكم عند الله اتقاكم )وليس من دلالة الكلام لان لغة يا اختي لا يقال النزيه تقيا او المحترم تقيا والى ما شابه ذلك وانا ما انتبهت الى جملتك (هذا راي طبعا )يعني خاص من منظورك انت وشكرا لك على التوضيح ولكل الاراء
-سوريا
الى hani2012-12-06 20:37:14
يبقى رايك
شكرا لك لكن طبعا يبقى رايك ثم انظر الى صاحبة الرسالة ماذا قالت ان امها اقنعت ابوها ان الرجل من طائفة لا يجوز الزواج منها فرفضت العائلة يعني الاب بدل رايه بعد ان عرفته الام بتلك الطائفة فرفض يعني انها محاصرة من الام ومن الاب وربما ايضا من الاخوة وخاصة الان بعدما وصلت البلد الى هذه الحالة
-سوريا
شادي2012-12-06 20:10:04
اتجوز من هنيك
عند الزواج يكرم المرء او يهان. أنا من طائفة فريد الأطرش وأبو عنتر. وقت العالم كانت تعرف شو ديني كانو يطلعوا فيي كأني جاي من الفضاء الخارجي الله وكيلكن. ونحنامن و ساكنين بالشام القديمة بقى وقت الزواج أتبين انه الجيرة والصداقة شي والمصاهرة شي تاني.،يعني يا خطيفة يا بلاها. بقى نحنا ست شباب قررنا بلاها. حاليا شي متزوج أميركية شي ألمانية شي فرنسية واصغر واحد اخد يابانية. حلمي كانت أتزوج بنت بلدي بس هيك الدنية. بس الهيئة فيك تتزوج بنات الكرة الأرضية كلها بس مو بنت حارتك ؛(0
-سوريا
كــرم2012-12-06 17:09:09
اختي العزيزة.
لاتفكري في العودة ابدا في الوضع الحالي..لأن اليوم وبسبب الوضع الراهن في البلد تقتل الرجال والنساءوالاطفال ولا احد يسأل بهم...احذرررررري العودة في الوقت الحالي..وبالاخص عندما قلتي الكلام الاخير عن والدك بأنه كان يضربك ويأخذ راتبك.فلا يوجد اب في قلبه رحمه يفعل هذا العمل الشنيع مع احترامي لكي ولعائلتك..ابقي مع زوجك ما دمتي سعيدة معه ولاتفكري بالعودة الا مع زوجك عندما ينتهي الوضع الحالي.
-سوريا
إيمان2012-12-06 16:41:39
رد اً على أحد التعليقات
لقد احترمت و لا زلت أحترم جميع الآراء و الأطياف المتواجدة هنا لكن لما انهيت الكلام قلت أنه أقرب للتقوى و لم أقل غير ذلك ...ألا يعتبر الانسان المحترم تقياً ؟ محترما برأيه و معاملته و أخلاقه و قيمه ؟؟ الصادق يعتبر( برأيي طبعاً) تقيا و العامل الشريف تقيا و الانسان النزيه تقيا و ... إن كل من التزم بتعاليم دينه مهما كان دينه تقيا ... و أشكرك جزيل الشكر على كلامك
سوريا
الى واحد من هذا الزمن2012-12-06 15:25:15
هذا كلام من لايحترم اهله
والله الابوة ليس معناها ان يكون الاهل متراخين مع الاولاد وان يتقبلوا كل ما يقوم به لاولاد ولماذا اذا نحن اهلهم ونتعب عليهم ونربيهم اذا لن يكون لنا احترام ومقام لدى الاولاد انا لن اسمح لاولادي ان يدوسوا كل تعبنا من اجل ان يكونوا هم مبسوطين ويمشوا على هواهم كيف تريدن ان اسكت على مثلا هروب بنتي من البيت مع شخص غريب لا نقبله وان هي رات به شخص يناسبها فهذا لا يعني ان دور العائلة انتهى نحن نبقى اهلها نحن من رباها وسهرنا اليلي وذقنا ما ذقنا لاجل ان تقول لي انتهى دورك وشكرا
-سوريا
الى وحدة من هذاك الزمان2012-12-06 15:08:35
يا عيني
والله شو انتي مثال بالنصيحة استني حتى يموت ابوكي وارجعي المفروض تفهمي شئ انه البنت راحت خطيفة يعني تزوجت بالسر لتفرض امرها ورغم هيك ما نجحت فهربت بعدين والله انا ما تعلمت اني ربي اهلي بس انا خلف ابي وامي بربيهون بس ما دام هم خلفوني وتعبوا علي فانا لازم احترمهم وردلهم الاحسان بالاحسان وما ادراكي اذا مات ابوها انتهت المشكلة وبعدين ليش ابوها كان يضربها بس مشان الراتب يعني مرة في الشهر وشو يعني ضربها ابوها والله غريبين قال ابوها ضربها ما اظن ان اهلك ما ضربوكي وهذا مو قياس للاهل كل واحد له طبع
-سوريا
HANI2012-12-06 12:04:37
تكمله
الاهم من هاد كلو صح انا حكيت انو ما ترجع لعندهم بس بنفس الوقت ما قلتلها تقطعهم خليها على تواصل بس من بعيد لبعيد بالنت بالتلفون لانو لو كان الاب متل طريقه تفكيرك متل ما حضرتك حكيت (( ما بتركها على خير )) رح ينكد عليها عيشتها هي و زوجها و متل ما كان عم يخرب عليها ببيتو رح يخرب عليها ببيت زوجها .. وانا متاكد لو كان عندو اسلوب حضاري كان اقدر يقنعها بعدم الزواج بس شكلو ما بيعرف شي عن الحضاره و الرقي بالمعامله .. لا سيدي اسمحلي بهل الكلمه هاد مو خرجو يكون اب يمكن يزبط يكون سفن اب :)
-الإمارات
HANI2012-12-06 11:57:34
ردا على جوابك
اول شي شوف البنت شو كاتبه ((كان والدي دائما يضربني مع اني متعلمة واعمل وكان يأخذ راتبي)) يعني بمجرد انك تفكر شوي صغيره بتعرف معنى كلامها انو ما كان يقلها ** بابا الله يرضى عليكي عطيني مصاري مزنوء مضطر ... الخ** كان يمشي معها بالمجبر و متل ما الاب الو حقوق على الابن كمان الابن الو حقوق على الاب .. تاني شي عمي الله يرضى عليك لا تقارن الشب بالبنت طريقه المعامله بتختلف كليا نحنا متمسحين ما بتفرق معنا بس البنت من كلمه بتتعقد فما بالك (بالضرب )
-الإمارات
وحدة من هذا الزمان2012-12-06 10:46:55
تابعي حياتك وانظري للأمام
مادمت سعيدة بحياتك مع زوجك ومستقرة انظري للأمام ووثقي علاقتك بزوجك وابنك ولا تلتفتي للخلف أبداً .لا أنصح بزيارة الاهل .مادام أبوك كان يضربك وانت شابة وتعملي ويأخذ راتبك فهو يجهل معنى الابوة وسيضربك أكيد عندما يراك لزواجك وربما أكثر !! وإلى من ينادي باحترام الاهل .. خلي الاهل يحترموا حالن وأولادن بالأول ليحترموهن .. لا يمكن أن تضرب ابنتك وهي صبية وعاملة وعلى وشك زواج لتأخذ راتبها هذه ليست أبوة بل جهل وسوء أخلاق وهكذا أب لن يعين أولاده ويحبهم في أي موقف كان لان الشخصية لا تتغير
-سوريا
هامايون2012-12-06 10:14:41
..
أنصحك ألاتفكري بالعودة في المدى المنظور، لئلا يقتلوكي بداعي الشرف! ومتما توفي والدك يمكن أن تفكري بالعودة الحذرة، وتر لاتصدقين شوماكذبو وادعوالديمقراطية والحرية، لإنوهدول عقولن متعنتة متطرفة.
-الإمارات
وليف الروووح -( المستجير بالله سابقا ولاحقا وابدا 2012-12-06 06:42:06
الى ابو زياد الكسواني
اخي العزيز : لا نريد ان نعرف الى اي دين او طائفة تنتمي ولكن نريد منك تفسير او تعريف او ايضاح عن شخصيتك ( بما أنك زلمة محترم وأكابر وبتصوم وبتصلي ) وعن انفرادك وتميزك بهذه الصفات دونا عن باقي البشر في كل الاديان والطوائف الاخرى لكي تكون مثال وقدوة لنا
الإمارات
الى ايمان 2012-12-05 22:32:38
مشاركة في الراي
الاقرب الى التقوى هو الانسان التقي وليس قضية الانسان المحترم كثير من الناس محترمين وعلى العين والراس لكن ذلك لا يبرر التزاوج من بعض بوجود موانع دينية يعني لا يمكن اتقبل انسان مثلا مهما ملك من الاحترام زوجا لبنتي او لاختي دون ان اعلم ما عقيدته لان هذا مجتمع متشابك وليس لعائلة واحدة فقط لو انا قبلت فاخي الثاني لن يقبل او او عمي او خالي نحن لا نعيش منفصلين عن المجتمع
-سوريا
الى hani2012-12-05 22:24:24
مجرد تذكرة
والله انا ما وصلت لهذه الدرجة من التي وصلت لها انت فانا لو ابي اخذ مالي وضربني وقطعني تقطيع في النهاية هو ابي وابحث عن رضاه ولو في كلامي مبالغة ولا يوجد اب سيقوم بهذا لكن لا يجوز التطاول على الوالدين وان ظلموك انا عمري 40 سنة وكثير ابي ضربني وانا صغير وشئ ومضى وحتى الان اتمنى ان اقبل قدماه اتمنى ان اسمع منه كلمة اللهم ارضى عن ابني يا اخي الكريم من لك في الدنيا غير ابويك من كان يسهر وانت تنام كم مرة امك جاعت لتشبع انت كم مرة ركضت ليلا للمشفى لاجلك لا تنسى ذلك طبعا مجرد تذكرة فقط
-سوريا
الى hani2012-12-05 22:13:50
ما شاءالله
نعم انا بكامل قواي العقلية والمنطقية ليش نحنا ابونا ما ضربنا واخذ منا فلوس ليش كل من ابوه ضربه صار ابوه مجرم وظالم وما بستحق الاحترام اين وصية الله في حق الوالدين اين الاحترام ام هذا كله لم يعد له مكان وانتهى لانه ابوها ضربها هو ابوك بدللك 5 نجوم يعني اذا كان الاب محتاج ومصروف البيت فوق استطاعته شو المشكلة ياخذ منها ليش هي في البيت بتعيش بعل اذا ساعدت ابوها مشكلة ليش لما هي تقع بمشكلة ابوها بركض بيده ورجليه ما بشوفك بتشكره وانا بصرف المشكلة من انها لازم تطيع ابوها وامهامهما كان
-سوريا
إيمان2012-12-05 21:24:01
رأي
عندما ينتمي أحدنا إلى طائفة ما ، هذا لا يعني رفضه للآخر و التقليل من شأنه مطلقاو اتهامه بالكفر و الإلحاد ، فهذا ليش من ضمن تعليم أي دين مهما اختلفت طوائفه و مذاهبه ، فلا يوجد من بيننا من اختار دينه او اهله أو حتى اسمه بل على العكس تماما ... لنقبل بالآخر بوضعه الراهن حتى لو كان زوجاً و أباً للأبناء طالما هو شخص محترم و يحترم الغير فهذا أقرب للتقوى .....
سوريا
الى نور اللي ما بفهموا ماتو2012-12-05 20:27:24
بعد اذنك ابو الكسواني
لا موعيب حتى ابو الكسواني يسشال شو طائفتوا شو العيب فيها ليش انتي وين عايشة مفكرة كل الطوائف بتقدري تتزوجي منها ليش ما بتقبلوا بالحق ولو فيه صعوبة لا تفكري انه مسيحي فقط ما بتزوج من المسلمة السنية في طوائف كمان ما بيجوز المسلمة السنية تتزوج منها ليش بدنا نضحك على بعض نحن في عصر ووقت كله شئ مكشوف والخوف راح من الطبيعي جدا اعرف شو دينو وشو طائفتوا والله اللي ما بفهموا الحياة ماتوا ولو ابو الكسواني ما عندو علم بالامور هي ما سالها شو طائفتوا
-سوريا
HANI2012-12-05 20:26:30
نصيحه
الى صاحبه المشكله اذا كان ابوكي متل نوع الاخ صاحب تعليق مع الاحترام للجميع نصيحه (( لا ترجعي لعندو لا هلاء بسبب الوضع يلي ببلد ولا بعدين لانو هيك عالم بتكون معقده نفسيا و كل واحد بيعمل فيها الرجل الشريف يلي بنتو ظلمتو بعد ما رباها و كبرها ... لانو هو كبرها لبنتو كرمال يضربها و ياخد فلوس تعبها .. من الاخير خيتو بدك العنب لما بدك تخانقي الناطور اذا بدك العنب خليكي على تواصل من بعيد لبعيد (( النت او التلفون )) بدك تعملي مشاكل روحي ارجعي لعندهم لنشوف تفكير ابوكي الحضاري لوين رح يوصلك
-الإمارات
HANI2012-12-05 20:18:55
الى صاحب تعليق مع الاحترام للجميع
مع احترامي الك الي عندك سؤالين .. 1- انت بكامل قواك العقليه و انت بتحكي هل الحكي .. 2- ما شفت المخلوقه شو قالت ابوها ظالم كان يضربها و ياخد راتبها يعني تعبها ... بشرفك هيك زلمه فيو خير .. هاد شخص حرام يكون بني ادم و البنت ما قصرت و حلال عليها
-الإمارات
مع الاحترام للجميع2012-12-05 17:33:28
المجاملة غير الواقع
والله اهلك بيبقوا اهللك مهما صار وما بتركوكي ابدا لا تنغري بحالك مبسوطة لنرى بالمستقبل كيف ستواجهيهم انا لو كنت من اهلك صراحة ما بتركك على خير شو يعني تزوجتي خطيفة مشان تفرضي امر واقع على اهلك وهذا ما هو شئ سهل صراحة اهلك ما ربوكي وتعبوا عليكي حتى تخلي قيمتهم بالارض وتركضي وراء قلبك وكلام فارغ مع احترام لكل المعلقين ما حدا بعدو وصل للمرحلة التي وصل فيها ابوكي عندما خبرتي انك خطيفة تزوجتى كان اكيد بتمنى الموت قبل ما يسمع شو ساويت بنته زلا ترجعي بسبب الوضع شئ وبسبب هروبك شئ
-سوريا
مع الاحترام للجميع2012-12-05 17:06:11
المجاملة غير الواقع
والله اهلك بيبقوا اهللك مهما صار وما بتركوكي ابدا لا تنغري بحالك مبسوطة لنرى بالمستقبل كيف ستواجهيهم انا لو كنت من اهلك صراحة ما بتركك على خير شو يعني تزوجتي خطيفة مشان تفرضي امر واقع على اهلك وهذا ما هو شئ سهل صراحة اهلك ما ربوكي وتعبوا عليكي حتى تخلي قيمتهم بالارض وتركضي وراء قلبك وكلام فارغ مع احترام لكل المعلقين ما حدا بعدو وصل للمرحلة التي وصل فيها ابوكي عندما خبرتي انك خطيفة تزوجتى كان اكيد بتمنى الموت قبل ما يسمع شو ساويت بنته زلا ترجعي بسبب الوضع شئ وبسبب هروبك شئ
-سوريا
نور2012-12-05 15:46:38
الى اب زياد الكسواني
مو عيب تسأل هيك سؤال؟؟؟ عنجد اللي استحو ماتو!!!
-سوريا
باسل الأصلي2012-12-05 13:13:30
إلى صاحبة المشكلة
أنا مع رأي وليف الرووح زلمة رايييييق بس رأيه كويس.....عجبتني هي حماة سوسو
-سوريا
HANI2012-12-05 10:38:08
انت ادرى باهلك
والله يا بنت الناس لا تشوفي حدا ولا حدا يشوفك خليكي على تواصل معهم بالنت بالتلفون لعدة اسباب : 1- الوضع بالشام متل الزفت العالم عم تهرب لا تفكري بالرجعه ابدا .... 2- انتي حكيتي انو اهلك اتقبلو الموضوع خوفا من (( الفضيحه )) يعني بمعنى اخر خوفا على سمعتهم مو على سمعه بنتهم بالمشرمحي ما اعتقد انهم اتقبلو الموضوع كرمالك انتي شخصيا اتقبلوه خوفا من كلام الناس يلي لا بيقدم ولا بياخر *مو سائلين عنك *.. خليكي مع زوجك و ابنك مبسوطه الله يهنيكي ولا توجعي راسك بقصص مالها نهايه
-الإمارات
sasoky2012-12-05 10:58:02
!!
بتعرفي شو المشكلة أنو الطائفية حيجي يوك وتروح الكرة الأرضية كلا مو بس البلد!! جوزك منيح ولساتك خايفة شو بدك يعمل يعني؟!!!
سوريا
رولا2012-12-05 09:17:49
تابعي حياتك و لا تلتفتي خلفك
اول شي وين رايحة بهالعجقة انت ؟؟ عدي محلك و لاتنزلي عشام يلي بالشام عم يطفشو منها تاني شي ازا انت مبسوطة مع الزلمة و اخدتي ومشي الحال صالحي اهلك عتلفون و استمري بالتواصل معون عنت و التلفون و لا تنزلي عشام الا رجلك عرجل زوجك وعلى بيتو مو بيت اهلك خاصة انون بهالعقلية ضرب و بياخدو راتبك و مدري شو وحاولي تتقربي من حدا من اخوتك ليفهمك حقيقة موقفون بس ازا حياتك ماشية ارمي كلشي ورا ضهرك يلي ما بيحترم قرار مصيري بحياتك اخدتي و سعيدة فيو بلا منو يلي بيزعل بيرضا لحالو و تركيون ليبرد قلبون ويهدو
-سوريا
وليف الروووح2012-12-05 08:51:24
لا تعودي ولا تفكري بالعودة
فهمت من خلال كلامك ان والدك مغلوب على امره وليس بصاحب قرار ( وهذا من صالحك ) ووالدتك قوية ومتسلطة متل حمات سوسو ومهما كانت الام صعبة إلا ان الامومة التي في داخلها قد تغفر لك يوما ما ولكن ليس الان .. أنصحك بأن تطلبي من والدك زيارتك حيث انت وبعد فترة اطلبي من والدتك أن تزورك في مكان اقامتك ومن خلال الزيارتين المنفصلتين بإمكانك وقتها أن تأخذي القرار المناسب .. أما عن موضوع الطوائف والطائفية والاديان والفرق والتفريق بين هذا وذاك هو اكبر داء أصاب امتنا وبلدنا ولن تصطلح امورنا ما دام تف
سوريا
علا2012-12-05 07:22:39
مبروك
ليش بدك ترجعي هلأ مو شايفة احوال سوريا وعم تقولي معك طفل انا برأيي بكفي تستسمحي من اهلك عالتلفون وبس تتأكدي انو سامحوكي بترجعي وباعتبار اهلك ظلموكي عادي انتي ما ساويتي شي غلط
-سوريا
خالد2012-12-05 03:13:15
من السويد
اختي اوعك ترجعي لبلدك بسبب كثر المشاكل ومابتعرفي شو مستنيكي الأفضل ئلك خليكي برات بلد الي بدياكي يجي لعندك اذا ابوكي كان يعمل فيكي هيك فموضوع بخوف والله يهنيكي بحياتك
سوريا
اب زياد الكسواني2012-12-05 02:21:36
سؤال ؟
شو طائفتو ؟ ومابتعرفي المتل الي بئول الي بياخد من غير ملتو بموت بعلتو ؟ وإذا الزلمة محترم وأكابر وبصلي وبصوم متلنا وين المشكلة ؟ اهم شي تكوني مبسوطة
-سوريا
ربيع2012-12-05 01:28:36
اوعك ترجعي
اذا اهلك طائفتين ما بنصحك ترجعي ليكونو محضرين لك شي سيارة مفخخة او اشابه. اوعك أصحك ترجعي. مبين عاملين مؤامرة كونية عليكي لانك ممانعة ومقاومة وللنيل من استقلالية قرارك السياسي. مبين عليهون بدهون يدمروا حياتك. يعني يا بيحكموكي بالحديد والنار يا بيصفوكي انتي وزوجك. بقى زنبك على جنبك.
-سوريا
فادي العادي2012-12-05 01:20:37
فما بالله ما فهمت المشكلة وين؟؟
بماذا ننصحك؟ لم افهم لب المشكلة؟ هل هي زيارة الأهل في سوريا في الوقت الراهن؟ ام ان الأهل يدبرون فخ لكي؟ ام ماذا؟
-سوريا
Che2012-12-05 01:15:39
اسمعي بلا هبل
الناس اللي قاعدة بالبلد بدها طريقة لتطلع منه وانتي جاي هلء. تفكري ترجعي ؟؟؟؟؟؟ مشان الله وين مخك خلص مبسوطة مع زوجك والله رزقك ولد الله يهنيكي ليش لتدوري عل خراب عشك اقعدي عاقلة
-سوريا