syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

يخبرهم بكل تفاصيل حياتنا ويعطونه النصائح السيئة ويريدون خراب بيتنا ولا اعلم ما أفعل؟
اسأل مجرب

هل  تدخل الاهل يعطي دائما نتائج ايجابية لحياة الزوجين ؟؟؟


تقول صاحبة الرسالة " أغلب مشاكلي سببها أخوات زوجي. يخبرهم بكل التفاصيل عن حياتنا ويعطونه النصائح السيئة. همهم الاساسي أن استضيفهم في بيتي كلما أرادوا يعني مرة بالأسبوع "

وتتابع " لكنهم دقة قديمة وكلماتهم جارحة واستفزازية كلما زارونا يتركني زوجي ويخبرني بانه سيطلقني يريدون خراب بيتنا ولا اعلم ما افعل؟.." . 


2012-12-04 23:12:39
شاركنا على مواقع التواصل الاجتماعي:



شارك بالتعليق
MoOoOd2012-12-13 09:16:17
الى كل النساء المتزوجات هنا
لك احترمو كبرتكون اليوم كناين وبكرى حموات اووف منكم لك اتقوا الله في بناتكم اتقو الله في انفسكم شو كل وحدة قاعدة ع نشر غسيلها وهي حماتها هيك وهي حماتها هيك لك انتو ماعندكم اخوة شباب متزوجين شو موقفكم لما مرت او زوجة اخوكم بدها تحكي ع امكم ولا شو مافي جواب طبعا امكم غالي وام زوجكم حماية هي العدو مـــــــــــــو
سوريا
MoOoOd2012-12-13 08:55:22
الى سوسو
بعدين انا لما قلتلك اقرأي كتب ما قصدت على الحماوات اللي قصدتو انو اقراي كتب عن مكانة الامهات وقيمتهم
سوريا
MoOoOd2012-12-13 07:54:31
الى سوسو
لا غلط كل شي بيفرض على الانسان انو يصاحب الاهل معروفا بالحياة الدنيا والاطاعة هم بكل شيىء الا ما يغضب الله
سوريا
سوسو2012-12-12 21:39:57
الى MoOOoD
انا بعرف شويعني ام لاني ام وعندي اطفال ومنشان قراءة الكتب موفاضيه ابدا اقرا عن الحموات ومشاعرالامومه التي تجعلهم ينكدو حياة اولادهم بسبب الانانيه وحب الذات وعدم تقبل فكرة ان الابن اصبح رجل وله زوجه واطفال لهم الاولويه في حياته شيئ واحد لازم يفهموه الحموات وبناتهم انو الشاب بس تزوج خلص بح صار ملك زوجته واولاده وانا هي قناعتي زوجي ملكي مثلما انا ملكه وواجب عليه وعلى اي زوج الحفاظ على كرامة الزوجه ومشاعرها والا يضل عندامه مافي داعي يورط بنات الناس
-سوريا
الما2012-12-12 21:37:28
الى دانو
صدقيني بكرا الاولاد بيكبرو و بتلاقي حالك صرتي لحالك و لا تقولي بكرا اولادي بيعوضوني هني بدهون يشوفو حياتهون و باحسن الاحوال ما بيقطعوكي و شخص متل زوجك ممكن يطلقك بأي لحظة و ممكن ليكبرو الاولاد فمشان هيك انتي حسني حياتك و ساعتها بتلاقي الناس كلها راكضة عليكي يا عزيزتي خليكي مثل اعلى لاولادك بالقوة لانو ضعفك لح يضعفهون متلك و يجعلهون اولاد مكتئبين انا اسفة اذا تدخلت بس بالحقيقة زعلت كتير انا و عم اقرا كلامك و عنجد فيكي تغيري لا تقصري بهالشي و لا تستني حدا
-سوريا
الما2012-12-12 21:33:36
الى دانو
انا ما كان بدي علق بس استفزني كتير كلام دانو يا سيدة دانو حرام عليكي حالك و هالعيشة يلي عايشتيها عنجد غيري بحياتك و اعملي شي تحسي فيه بانك انسانة يا عزيزتي انتي متل ما شفت موجودة بالامارات و اذا كنت متعلمة حاولي انك تلاقي شغل و تشتغلي و ساعتها زوجك و حماتك بيصير بدهون رضاكي لا تستني منو شي و لا تقتلي حالك كرمالو ما في رجل بيستاهل و اذا كنتي مو متعلمة و معك حرفة حاولي تشتغلي فيها او ادخلي اي دورة تتعملي منها شي و تشتغلي او حتى اشتغلي بالطبخ بس لا تضلي هيك العمر مرة وحدة و بدي قلك
-سوريا
سوسو2012-12-12 21:31:03
الى MoOOoD
الحمايه موبس افعى كمان حربايه كمان وكتير بنات بيشكو من حمواتهم الافعى يلي عندي وعدم احترامها لمشاعري والكلام عن ملكات الجمال يلي كانت تصادفهم وتتمنى انها تخطبهم لابنهالان ابنها حلو كتير وشخصيه بس مالو حظ هوسبب عدم احترامي لها اصلا انا احلى من ابنهابألف مره وبدو رضاي ولما بيتعكر مزاجي وبزعل مابيعرف كيف يرضيني ومابيكون مبسوط من امه لانها بتحاول تستفزني وتخليني غار لان كل كلامها بينعكس عليه وبتطلع براسو منشان هيك بيسكت اذا حكيت عليهاوبياخدها مزح وانو امه عم تمزح تضرب هي ومزحها
-سوريا
وحيدة وحزينة2012-12-12 20:41:00
الله يسامحك....4
الى صاحبة المشكلة انا حكيتلك شوي من قصتي مشان تعرفي انك مو وحيدة مع هل صراع وانو الزوج لازم يكون الو دور كبير بحط النقاط علحروف وعدم السماح لاي طرف يتمادى مع التاني وانا رأيي الحل عند زوجك يحط حد ازا بحبك وبتمنى عن قريب تنحل مشكلتك معهم ومع زوجك لأنو بهل ظروف الصعبة لازم كل العيلة تكون ملتمة وايد وحدة وبتمنالك الا ستقرار النفسي والعائلي والعاطفي وشكرا
-سوريا
وحيدة وحزينة2012-12-12 20:31:41
الله يسامحك....3
باختصار اخدت درس انو الحماية مابتصير ام..وانو الحماية يا بتكون عامل بالتقريب بين الزوجين يا بلعكس وبوجهلها رسالة بقلها الله يسامحك...اعتبرتك متل امي وفكرت حالي متل بنتك بس اثبتيلي العكس ونسيتي المواقف الايجابية يلي حاولت فيها اتقرب منك لأني بحب زوجي وكنت حبك وشكرا الك علمتيني درس قاسي بهل حياة وعلمتيني شو يعني ظلم وبتمنى يجي يوم وتندمي علحرب يلي عملتيها يلي دمرني ودمر علاقتي بزوجي وتعرفي وقتها مين هي كنتك الوحيدة يلي كانت بتحبك متل امها
-سوريا
وحيدة وحزينة2012-12-12 20:22:53
الله يسامحك....2
حماتي لاتكلمني من سنة ونصف على موقف تافه جدا واعتذرت لها كثيييرا ولم تقبل. المشكلة الحقيقية ان هذا الموضوع أثر كثيرا على علاقتي مع زوجي فنحن نتشاجر كلما انفتح موضوع والدته وكلما حاولت التنفيس عن حزني وغضبي تجاه معاملتها وموقفها تجاهي.جواب زوجي انه لايستطيع فعل شيئ لأن سبب خصامها الحقيقي لي كان بسبب دفاعه عني او بلأحرى انه حاول شرح موقفي لااكثر فغضبت اكثر وكبر الموضوع وخاصمتني انا وانا للآن رغم هذا ارسل لها رسائل في الأعياد بدون اجابة وأشعر ان شيئ ما انكسر بيني وبين زوجي بسببها
-سوريا
وحيدة وحزينة2012-12-12 20:19:30
الله يسامحك....1
مكتوب على باب الجنة بعمرها حماية ما حبت كنة.وبعمرهاالحماية مابتكون متل الأم وانا اكبر مثال قديش كانت تقلي انتي متل بناتي وأغلى بس بموقف واحد طلع هلكلام كزب. مافي حدا بلدنيا بتحبك متل أمك وأخواتك وكلشي الباقي كزب الا ما ندر طبعا المشكلة انو الحماية ايام الخطبة بتكون ميتة على ما تتزوجي ابنها ومابضل كلمة حلوة مابتقولها مشان توافقي وبعد الزواج ببين الوجه الحقيقي بعدما تكون المصلحة تحققت وتزوجتي ابنها ومشي الحال وصار دورها تحسسك انك ولاشي و100وحدةبتتمنى ابنها طبعا مو الكل هيك بس الأغلب واناهيك صارم
-سوريا
دانو2012-12-12 19:10:40
...
هو مزاجي معي وحماتي بعاملا كأم بس بتعتبرني طلعت عدوة إلا وهو شايف أمو شو عم تحكي عليي بس عادي ولا كأني مرتو بيقولي اتصرفي .... بس شو ولا شو ...أنا بزعل وبنجرح منو ومن أمو وأختو حالي ع كتييير عمري بدو يمضى عندي هل الولدين الله يحمين ومابديشي ...زهدت من الدنيا وقلبي صار أسود عم انتظر ساعة موتي وحاليا برمجة حالي اني آلة بلا احساس بلا حب بلا رأي بلا احساس فقط أم وخادمة للأولاد....وبأي لحظة ممكن يطلقني لأن ماعاجبتوا ...
-الإمارات
دانو2012-12-12 18:57:41
انا متلك واكتر
عزيزتي انا عندي نفس المشكلة وجوزي بيحكي كل شي بيصير حتى لو طقيت وحكيت كلمي بيقولا لابيحب يطالعنا أنا وولادوا ولاشي ولما بطلع أنا والولدين عحديقة ليلعبوا أمو بتلاحقني بكلاما وبإزعاجاوإذا حكيت عندوا بصير وقحةو .... وأضيفك إنو جوزي بيكرهني وحاسة بهل الشي ومابحب يقعد معي ....وإذا كنت محتاجة احكي معا مابيهتم نهااااااائي وأزيدك إذا كنت برا البيت ما بيسأل عني ولازم إحكي معو فقط بموضوع ضروري وإلا مااحكي ويااما حكيت معو وبهدلني وسكر بوشي قال لازم يكون في موضوع بس مع هيك هو زوجي وعندي ولدين
-الإمارات
أندلسيّة2012-12-12 16:11:37
سا مر
صدقني أخي سامر مشكلة اختك كانت مع زوجها وليس مع أخواته ...لأنه شخصيّة ضعيفة وهو غيرقادر على الفصل بين علاقته الزوجيّة الخاصّة جداً وبين علاقته بأهله وعلاج هيك شخصيات كتير صعب حتى على المعالجين النفسيين لذلك رح قلك الله معو الله خلّص اختك من حياة غير مستقرّة وغيرمريحة بالمطلق والله يعوضها أحسن منو الله ماعندو غير كل خير
-سوريا
سامر22012-12-12 16:06:38
...........
صح كلامك hani ....ماحدا فيه ينكر يا جماعة الخراب اللي عم يسببه اخوات الزوج على الاسرة ..والدمار اللي عم يصيب الاسرة عم يصيب المجتمع ...والخطر اللي عم يجي من اخوات الزوج مو بس الطلاق احيانا ما بيصير طلاق بس بيصير شي بشع وهو انو العلاقة بين الزوجين بتصير سيئة وبيصير في نفور وتربص وهاد بحد ذاته خارب للاسرة وشتات الاولاد بيربو بجو نكد والزوج يا بينحرف يل بيتزوج بأمرأة ثانيه ........مع انو الحل موجود ولو اخوات الزوج ما اتقو الله بس الزوج للو فهمان ما بسمح لحدا يخرب علاقته بزوجته ..
-سوريا
Yolla2012-12-12 11:58:42
الى سوسو
انا كمان متلك حماتي بتدخل بحياتي و لم تساعدني في و لادتي و لا تقبل ان تيقى ابنتي عندها اثناء ذهابي للعمل و دائما تقول ان بناتها ملكات جمال علما اني افوق بناتها جمالا بمئة درجة و لكن ..............ومع ذلك انا مطنشة من زمان و لما بتزورني برحب فبها اكثر من امي لهيك لازم تعرفي اخت سوسو انو اغلب الحموات هيك و انو نحن الكناين لازم نستوعبون و نحترم كبرتهون.
-سوريا
فهمانة مع وقف التنفيذ2012-12-12 09:07:53
انا متفاجئة !
ريتن يسلمو لقلبي بيت حماي ع هالخبريات ال عم اقراها! بالنسبة لصاحبة المشكلة : الاحترام واجب لكن المحبة من الله بقا لاتخلطي بين ال2 وثانيا" التوجيب والترحيب كمان واجب بس مع عدم الانبطاحية وبالنسبة لزوجك اكيدلازم تعرفي مفتاحو ولا تبينيلو ابدا انك بتكرهي اهلو بالعكس بينيلو قديش انتي بتحبيهن حتى ولو ما كانت حقيقة واحترميهن وكوني معن حبابةولاتخليلن زلة يستغلوهاوبنفس الوقت فوتي ع راس جوزك محبتك واحترامك بطريقتك وهيك بتكسبي الكل حتى ولو كانوا اشرار وحتى ولو ما بتطقيهن بس كمان هني اهلوواهل
-سوريا
HANI2012-12-12 07:34:36
و انا مع سوسو
ما شاء الله عليكم والله شي بيرفع الراس قلبوها حنبليه و كل هاجم عل المخلوقه و كأنو هو ملاك منزل من السما بشرفكم حاجه مسخره يا جماعه و كل واحد يعملي فيها شريف مكه بدي قص ايدي اذا مو كلكم (( حصرا يلي عم ينتقد سوسو)) اضرب من بعض لا تعملو حالكم شرفاء و ما في منكم
-الإمارات
MoOoOd2012-12-12 07:11:33
الرد الاخير والكلام النهائي الذي لا يقبل النقاش
بالنسبة الك يا سوسو او لاي شخص غير انا بقول : الاب والام لا يجوز الكلام عنهم واتهام الام بانها افعى شو ماكان السبب مافي سبب بيتيح او بيعطيكي الاحقية انو تتهميها بهيك اتهام هي ام بتعرفي شو معنى ام آآآآآآآآآآآآآآخ بس يا سوسو لو تقراي كتب او تفهمي شو معنى الام
سوريا
سوسو2012-12-11 23:53:21
الى كل من يهاجم تعليقاتي
اولا ماحدا بيحس بوجع حدا ابدا ويلي ماتعرض للضغط والظلم مابيحس بوجع الناس على الاغلب من يتعاطف مع صاحبة المشكله ربما صادف مشاكل مشابهه كانت سبب في دمار اسره اما الذي يهاجمو متل اندلسيه وMOooD للاسف يهاجموني ولايعرفوعني شيئ الا تعليقات صدرت مني ربما بسبب جرح تسبب في شرخ بيني وبين ام زوجي وهي من بدات وهي من تجنت وعاملتني غريبه ودخيله يعني انا لماتزوجت كنت بمرحلة المراهقه والمفروض منها تستوعب بنت صغيره وتعلمني كون ست كل كلامها عن ملكات الجمال يلي كانو يتمنوابنهابس منشان تخليني غار واتزاعل مع زوجي
-سوريا
سامر22012-12-11 19:31:30
الى اندلسية
شكرا لردك...وكلامك صح فيما يخص الام والاب طبعالا بشرط ان يكون الرجل واعي وقد المسؤولية يعني مايزعل امو وابوه بس كمان لا يظلم زوجته..اما بخصوص اخوات الزوج وقولك انو الزوجة يجب الا تخبر زوجها بافعال وكيد اخواته فاختلف معك بهذه النقطة لانها هيي لاتخبره بمكايدهم بينما اخواته قد يمكرو ويخبرونه باكاذيب وشوي شوي بيولعها نار على زوجته وبينخرب البيت ...اختي هيك كانت لاتخبر زوجها بشيء وهم يمكرون لها عنده وبالاخر صار اللي بدهم ياه صدق اكاذيبهم وخرب البيت على اختي وطلقها ظلما ..فما رأيك؟
-سوريا
أندلسيّة2012-12-11 15:08:09
-1-سامر
أكيدلايجوزلأخوات الزوج التدخل بحياةأخوهم وزوجته ويحق لأمه وأبيه ذلك لأنهم يخافون عليه وعلى تعبه(اذاكانت الزوجةمسرفةأومهملةمثلاً)وهذاالتدخل يكون غالبا بالكلام والايحاء وهذا يتدارك بالتنطيش مع الاحتفاظ بكامل الاحترام لهمامن كلا الزوجين وعدم افتعال المشاكل بناءً على هذاالكلام.أمّا بالنسبة لأخوات الزوج لاأنكرغيرةوكيدبعضهن.وهنا على الزوجة أن لاتنقل لزوجهاماسمعت منهن وعلى الزوج أن لايتفاعل مع كيدهن وإن ساءت الأحوال كثيراوتعذّرت الحلول على الزوج أن يقطع علاقةزوجته بأهله نهائياّويتابع هوعلاقته معهم
-سوريا
MoOoOd2012-12-11 13:10:43
الى سوسو وكل امراة متل سوسو
الذنب والمشكلة مو ببيت حماكي المشكلة بزوجك هال** اللي تاركك هيك ومو عامل قيمة لاهله ابدا.. انتي مافيكي خير لا لزوجك ولا لحدن ع العموم رح تشربي من نفس الكاس . . .
سوريا
سوسو2012-12-11 00:09:55
دلعتني بمحبتك اتحمل لي يجيك
ياست اندينوثيهاواندلسيه لتكوني بتعرفي حماتي وماعندي خبر .. بصراحه انا مابعرف اخترع الفاظ اوعلق على ردود ناس مابعرفهم وهاجمهم لمجرد تعليق ربما تعليقاتهم مجرد تنفسي او فشة خلق عن امور لااعرفها لذلك مره اخرى في اي تعليق لا تهاجمي لمجردالتعليق والهجوم ومنشان تثبتي انسانيتك كل واحدالو رايو شوماكان ودائما يلي بيزرع بيحصد ولوالحموات وبناتهم بيخافوالله بالكنه كنا منشوف كل الازواج سعداء ومافي مشاكل
-سوريا
وحدة من هذا الزمان2012-12-10 22:39:57
الى سوسو
اولاً انشالله بتقومي بالسلامة. ثانياً صدقيني مو فرحة تجي حماتك وتقعد عندك بعد الولادة.الوحدة مابتمون الا على امها. اذا بتجي حماتك رح تخجلي منها وبدك تصيري توجبيها بدل الراحةوعلى قولتك هي خصوصيات بلا مايدخلوا فيها!ومو هي الشدة اللي حكيت عنها بتعليقي. بس عكل حال بالاحترام والمحبة كل شي بيصير ولا تنسي انو كل انسان الو مفتاحو والشاطر اللي بيلاقي هالمفتاح.الحياة سخيفة كتير وما بتستاهل نزعل بعض فيها. بعدين الأم شو بدها غير تحس انو ابنها مبسوط. سايريها لو ما مقتنعة بشخصيتهاوخليكم علاقة عادية
-سوريا
سامر22012-12-10 22:27:02
الى اندلسية
انا معك انو ما لازم حدا يحكي على ام الزوج بها الطريقة وانا معك انو لا شرعا ولا قانونا ولاعرفا انو ام الزوج تقعد عند نرت ابنها بس تولد لتساعدها.... بس سؤالي الك وياريت القى جاوب هل عرفا او شرعا او قانونا انو اخوات الزوج يتدخلو بحياة اخوهم وزوجته وبنكدو عليهم حياتهم وانت بتعرفي كتر النكد والمشااكل بتوصل للطلاق بالاخر ... وهل شرعا وعرفا وقانونا الزوج لازم بحكي لاخوته عن حياته هو وزوجته ام ان هذا ضد الشرع والعرف والقانون ؟؟؟؟؟؟؟؟
-سوريا
سوسو 2012-12-10 20:46:39
دلعتني بمحبتك اتحمل لي يجيك
ياست اندلسيه امي موبحاجه حدا يئلها تجي عندي بتجي لحالها وهي من اول ولدعندي علمتني كيف اهتم بالاطفال وبتئعدعندي اكتر من شهروعلى طول بتاخداولادي عندها بتريحني منهم وبتديربالها عليهمومابتجيبهم حتى ئلها جيبيهم ابواولادي بيتمنى امه تجي تئعدعندي وتهتم بأولاده بعدين اولادي تابعين لحماتي مولامي يعني هي مجبوره فيهم اكتر من امي وبدي احكي لبدي ياه لسا ناقصني انت تمنعيني من الكلام اذا زوجي ماعم ردعليه ولافيه يمنعني حتى تجي انت تمنعيني لاتدخلي هون اذا موعاجبك ولاتتفزلكي مره تانيه اوكي
-سوريا
أندلسيّة2012-12-10 15:19:54
عيب ياسوسو عيب
سوسو بيكفي تحكي عن حماتك بها الطريقة المبتذلة بليز لأنو هيك عم تكبر حماتك بعيوني كتير لأنها متحملتك وبعدين ياشاطرة الحمى مو مجبورة لاشرعا ولاعرفا انو تقعد عندك بولادتك المعروف بكل عادات وتقاليد الشعوب انو الأم هي اللي ببتكفل ببنتها وقت الولادة لأنو بنتها مابتريد غيرامهاوياحسرتي اذا الله ابتلاها لحماتك فيكي شي مرة وقعدت عندك بولادتك شو بدك تحكي عليها ياحسرة؟طرقتني عين.بتاكل كتير.صرعتنابشخيره!!وبليزوطي صوتك وانت عم تكتبي التعليق مرةتانية(انصرعنا)بيكفيناقصف من فوق :((
-سوريا
سامر 22012-12-09 22:24:29
1
يبدو انوفي سامر غيري كمام عم يعلق مرحبا اخ سامر ... لذلك ساسمي نفسي سامر 2 حتى لا تختلط الردود ....اعجبني رايك ان هذا طرطور وليس رجل وانا معك بهذا الكلام .....واكرر لسوسو انت معك حق اكيد بس الافضل ما نقول كلام مو منيح بحق ام الزوج متل كلمة( تنقلع ) ...........اما وحدة من هذا الزمان فاقول لك ربما انت زوجك رجل حقيقي لم يسمح لاخوته بالتدخل بحياتكم وربما لم تعاني واتمنى الا تعاني من اخوات زوجط ولكن حقيقة ان تدخل اخوات الزوج لا يولد الا الخراب ...
-سوريا
سالي2012-12-09 21:50:31
امسكيه من الايد البتجعو
حبيبتي لو زوجك واثق فيك ومقتنع بحياتو معك مابيتجرأ يحكي شي سيئ او تفاصيل وبالظاهر هالشي انتي وياه مساهمين فيه ...لا تحسسيه انك خايفة من الطلاق واقعدي معو وحطي النقاط عالحروف وانو مايتأثر بكل حرف بينقلو وانك زوجتو وخيارو ....موفقة دايما وبنات حماكي عامليون برسمية وقلبة وش بسيطة بيعرفوا انك موسهلة وبيعملولك الف حساب وحساب
سوريا
سوسو2012-12-09 21:01:48
الى وحده من هذا الزمان
رح اجي معك انو الزوج اوالزوجه لايستطيعوالانسلاخ عن اهاليهم بدليل التواصل والزيارات بالرغم من الحساسيات التي تكون موجوده تقولين عندالجدسأرى حماتي وبناتها بجانبي انا حامل وبعدكم شهر اضع مولدرابع بدي شوف اذا حماتي رح تجي تقعدعندي وتدير بالها على اولادي زوجي كم يوم ام انها ستفعل كما في الولادات السابقه تأتي وكأن المولود لايعنيهاولتنظر وترمي كلام سخيف ومن بعدها تنقلع بعدان تصيبني بالعين وتعكر مزاجي
-سوريا
وحدة من هذا الزمانا2012-12-09 00:06:42
الى سوسو
انا ماعم بيع مثاليات وعواطف ولاعم اعمل مضحية..بنظري المبادئ والمثاليات لا تهترئ..أنا معك أن التدخل في الخصوصيات لا أحد يريده.ولكن لاينسلخ الزوج او الزوجة عن عائلتهم بمجرد الزواج؟!يجب أن نكون واقعيين ونشعر بالاخرين ليشعروا بنا.وبالعكس فالعائلة تكبر بالزواج وتزداد أفراداً ولا تنقص وعلى كل حال مع زيادة سنين الزواج وزيادة السن سترين الامور من منظار اخر وسترين تفاهة هذا امام مشاكل حقيقية بالحياةوستجدين ان أهل الزوج لا يكرهون الكنة ووقت الجد والشدة رح تلاقي الكل جنبك لانكم صرتوا عائلةواحدة
-سوريا
سامر 2012-12-08 03:36:15
الى سوسو
كلامك صح ياسوسو وانا معك باللي حكيتيه .... هون لازم نكون صادق باللي عم نكتبو مو نحكي كلام لنظهرحالنا انو نحن ماف مننا متل بعض المعلقات والمعلقين........... مابيصير احوات الزوج يتدخلة بشي .... ولما بيتعاملو مع زوجة اخوهم باحترام وحب اكيد رح تبادلهم الاحترام والحب بس هاد شي والتدخل شي تاني ومرفوض وفعلا عم يصير كتير طلاق وتفكك اسري من تدخل اخوات الزوج .. بالنسبة للام الرجل لازم يحطها على راسو ومايقصر معها ابدا بالعكس لازم يكون كتير منيح معها وكتير منيح مع زوجته كمان ..
-سوريا
سامر2012-12-08 00:48:42
طرطور وليس رجل
هادا طرطور مو رجال ولا يصلح لان يكون زوج ٠ انصحيه بالعودةالى بيت اهله لينام بينهم لان هذا الشكل لا يصلح لان يكون رب اسرة ! بل ولد اسرة ٠
-سوريا
سوسو2012-12-07 19:37:45
الى المستجير سابقا ولاحقا والى الابد
انا لسا ولادي صغار وانا صغيري لسا ماصار عمري 22سنه وفي وحده من اخوات زوجي اولادها اكبر مني مابيزعلو اذا ماعملتهم غدا اوماعزمتهم وبخليهم يتصرفو بيبيتي متل مابدهم بس انو ابن وحده فيهم يضرب اولادي اويحطو عقلهم بعقل بنتي يلي لسا عم تمشي جديد هاد كتير ومابسمحلهم ابدا ومارح حبهم اذا ماعاقبو اولادهم وردعوهم عن ضرب اولادي مابيكفي حماتي مابتاخدهم لعندهاولابتحسسهم بحنيتهاكمان يصيرو اولادي ملطشه لاولاد الاصهار والله هيك كتير ومومضطره عذب حالي ومنشان احتفظ بمبيدمكافحة الحموات مافي داعي كنه والهااسلوب مختلف
-سوريا
سوسو2012-12-07 19:36:52
الى وحده من ذاك الزمان
بليز لاتبيعيني مثاليات وعواطف مهتريه وين انت عايشه على اساس كل الكناين عم تطبق كلامك وعلى اساس انت مثال الكنه المضحيه في سبيل سعادة بيت حماها حبيبتي لوالحمايه وبناتها بيهمهم سعادة ابنهم ويحبوه ويراعو انهم كانو عايشين بيت واحدكانو بيعتبرو زوجة الابن يلي صارت وحده من العيله على انها زوجه وام لاحفادهم وما بيحرضو على شغلات تافهه لسا ناقص بنات الاحمى يلي يمكن يكونومسحوقات عندبيت حماهم يتحكمو ويعطو نصائح يمكن هانصائح تكون مدمره لاسره لسا ناقصنا تفكك اسري جراء نصائح اخوات الزوج وامه
-سوريا
سوسو2012-12-07 18:57:41
الى وحده من ذاك الزمان
يعني بدك الكنه تصير ممسحه للحمايه وبناتها بس لان الابن عاش واكل وتربى بينهم مابتعرفي انو الابن بس يتزوج بيصير ملك زوجته واولاده وكلشي بيتغير عن ايام العزوبيه ليش بدك الكنه تحمل اخوات الزوج يلي يمكن يكونو متزوجات والهم حياتهم مع ازواجهم ومابيرضو انو حدا يدخل فيهم وبدك ياهون يجو يسرحو ويمرحو ببيوت بنات الناس ويتحكمو ويحرضو انا ئلت لوتعرضت لهل مواقف بقلعهم ماقلت اني عم قلعهم اصلا مابيتجرأو انهم يدخلو بحياتي انا وزوجي لان مابيعطيهم مجال ولا بيسمع كلام نسوان
-سوريا
جوجو2012-12-07 10:43:15
الى سوسو
والله خوفتينا من الزواج يا سوسو الله ليكون كل البنات متلك تفكيرك....
-سوريا
وحدة من هذا الزمان2012-12-06 21:23:27
مو معقول يا سوسو !!
أنا ماشفت حدا بيكره بيت حماه متلك .. شو تقلعيهم وما تعطيهم وجه .. عفواً يعني هاد ابنهم وبيت ابنهم .. السنين اللي كان امو عم تربيه وهو عم يتشارك مع اخواته نفس الاكل ونفس البيت .. وين كانت الكنة!!! مابعرف يعني كتير اذا الكنة عزمت بيت حماها لعندها ووجبتهن كرامة لزوجها؟!الاهل ماعاد يمونوا يزوروا ابنن؟؟تخيلي يصير فيكي هيك مع ابنك؟كل شي بالاحترام بيصير وتذكري انت دائماً صورة اهلك وصورة لولادك كمان.. انا كمان كنة بس لا يمكن اتصرف هيك ولهيك علاقتي جيدة مع اهل زوجي وأقاربه كلن
-سوريا
وحدة من هذا الزمان2012-12-06 21:10:34
الى صاحبة المشكلة
يجب ان تتفاهمي مع زوجك على ان أسرار البيت تبقى بينك وبينه فقط .. مع النظر الى طبيعة كلمة اسرار في رأيك ..لانو ربما قصة عادية تعتبريها سر وهذا غير معقول .. اما من جهة أخوات زوجك فلا أعتقد ان هناك مشكلة اذا الاخت أحبت زيارة بيت أخوها بالاسبوع مرة!! لايمكن قطع الاخت عن اخاها! .. حاولي أن تبادري معهم بمحبة واستقبال حسن وتجنبي الجدال مع زوجك بسببهم حتى لو كانوا مخطئين بحقك ..لأنه بهذا الشكل مع الزمن انت التي تكتسب قيمةومكانة أكبر
-سوريا
سكر2012-12-06 13:55:59
بيدك
بصراحة الموضوع بين أيديكي إذا مقررة تكملي مع زوجك بأي ثمن رح تقدري تكملي مهما فعلوا أما إذا مافي إرادة للاستمرار فمافي مجال المشكلة مالها حل وخصوصا إذا كان زوجك بيصرف أو بيقدم هداية لخواته قبل ما يتزوجك يعني أنت العزول والعائق وبدهن يشيلوه الأفضل تتحلي بالصبر والحكمة لحتى الله يفرجها
-سوريا
حكيم2012-12-06 10:49:45
سوريا
السلام عليكم اولا نحنا سمعنا وجه للموضوع بيجوز الزوجة تكون مو دقيقة بكلامها يعني ممكن تكون هي اسوأ من اهاو بكتير لانو النسوان في بعضهم بيتمسكنو وهي بتكون يالطيف والانسانة الجيدة بتستطيع انو تتصرف بحكمة بس الظاهر انو بدها تستفرد فيه هي واهلها اكيد هالبنت عندها عقد نقص كتير الله بيعين زوجها اذا هيك
سوريا
هانوماند 2012-12-06 10:28:35
..
مارسي حيل النساء لجعل زوجك يكرهن، وأمرك لله... وهاي شغلة تهديدات زوجك لإلك فوق عملتو هووأهلو فلازم تحطيلا حد وتشجعي ولاتضلك خيفانة وجبانة، وإلافستضطهدين من قبله وأهله.. ومن حقك أن تعلني مخاصمتك لخواته ورفضك الحديث معن، لكن هل تقدرين على الوحدة؟
-الإمارات
وليف الروووح -( المستجير بالله سابقا ولاحقا وابدا 2012-12-06 09:32:00
الهي يبعتلك كنة تشوفك نجوم الضهر يا سوسو
مبارح ما شفت تعليقك قلت في نفسي يمكن عاملة عزومة لحماتك وبناتها .. طلعت عمترشي بيتك مبيدات للافاعي والعقارب .. سوسو : اكتبي اسم المبيد على ورقة واحفظيه بمكان آمن منشان تعطيه لزوجة ابنك في المستقبل ... تعليقك حلوووو
الإمارات
سوسو2012-12-05 22:37:22
الى صاحبة الرساله
سواء كانو بنات الاحمى والحمايه دقه حديثه اوقديمه يبقوافاعي وعقارب يبثوالسموم انت من اول الخطبه لوشفتي حالك عليهم وعلى ابنهم وخسرتيهم دم قلبهم كانو بيتمسكو فيكي وماعطيتيهم وجه وبينتي انك اشرس منهم ماكانو بيتجرأويفرضو عليكي تعزميهم الف مره قلناها الحمايه وبناتها مابينعطو وجه ولسا منوقع بنفس الاخطاء بالظاهرانا لومحلك بقلعهم ولابعبرهم ولابعزمهم ولبدون ياه يعملوه اصلا عمري لاعزمت لاحماتي ولابناتها بيجو لحالهم من غير عزيمه ولاعمري عذبت حالي بغدا ولازوجي طلب مني ضيافه عاديه وفنجان قهوه وخالصين
-سوريا
Nour2012-12-05 22:23:36
الله يكون بعونك
عزيزتي المشكلة اولا و اخيرا عند زوجك ..بدك تحطيه و تفهميه انو يلي عم يعملوا بشع كتير و يلي ما بيحافظ ع أسرار بيتو هادا مو رجال و الرجال الحقيقي بيدافع عن مرتو و ما بيسمح لحدا يجرحها أو يتطاول عليها و ما بيصير يسمح لأهلو يتدخلوا و يعطوه نصائح ..شو هو ولد؟؟و بالنسبة لأهلو اقطعليون كرت و التئمي فيهن بس يجوا لانو بيت الاحمى بس ينعطوا وش ,بيركبوا ع كتاف الكنة و بيدندلوا رجليهن
-سوريا
سامر2012-12-05 14:39:02
لى صاحبة المشكلة
كلام هاني صح .. نصيحة العلة الكبرى في زوجك كان الاولى به ان يفرض احترامك واحترام كيان بيته وبيتك على كل الناس وقمة العيب واللا وعي والرعونه ان يخبر اخواته بامور حياتكم مهما صغرت او كبرت والرجل بيده لو احسن التصرف ان تكون العلاقات جيدة بين اخوته وزوجته لو منع اي تدخل لاي طرف بالتاني وبالحسنى ...نصيحة لو انت متزوجة جديد ولسة ماخلفتو لو شايفتيه لا يمكن يتغير للاحسن انفصلي عنه الان لانك غالبا ستنفصلين عنه مستقبلا بعد ان تكوني ضيعتي عمرك وربما انجبتي فيكون الخراب كبير وقتها .......
-سوريا
سامر2012-12-05 14:24:06
لى صاحبة المشكلة
كلام هاني صح .. نصيحة العلة الكبرى في زوجك كان الاولى به ان يفرض احترامك واحترام كيان بيته وبيتك على كل الناس وقمة العيب واللا وعي والرعونه ان يخبر اخواته بامور حياتكم مهما صغرت او كبرت والرجل بيده لو احسن التصرف ان تكون العلاقات جيدة بين اخوته وزوجته لو منع اي تدخل لاي طرف بالتاني وبالحسنى ...نصيحة لو انت متزوجة جديد ولسة ماخلفتو لو شايفتيه لا يمكن يتغير للاحسن انفصلي عنه الان لانك غالبا ستنفصلين عنه مستقبلا بعد ان تكوني ضيعتي عمرك وربما انجبتي فيكون الخراب كبير وقتها .......
-سوريا
باسل الأصلي2012-12-05 13:15:36
إلى صاحبة المشكلة
هي حال معظم الناس...أتوقع أنك متزوجة جديد و لسا ما أخدتوا على بعض أنتي و بيت حماكي...فاجأيهم بعزيمة منك قبل ما يطلبوا يجوا لعندك و اعمليلهم عزيمة مرتبة...طبعا جوزك رح يتفاجئ و يشوفها منيحة منك...ساعتها بتبدي تكسبيه لصفك...و بيجوز هنن يغيروا نظرتهم لألك و يحلوا عن طرفك شوي...اتوقع جوزك أصغر اخواته و انتي الكنة الجديدة و الكل بده يتعرف عليكي...
-سوريا
HANI2012-12-05 11:18:00
ان شاء الله خير
1- الدعاء متل ما قلك الاخ ناصح .... 2- صارحي زوجك بهل الشي يلي عم يصير .... 3-خليكي اذن من طين و اذن من عجين مع اهل زوجك الكلمه يلي بتعجبك اسمعيها و يلي ما بتعجبك اعملي حالك مو سامعه .... 4- خبري زوجك المصون انو بيت الزوجيه هو بيت اسرار و نصيحه لو بدو يبقى هيك الاحسن تتركيه هاد بيكون مريض مافي منو فائده
-الإمارات
ساسوكي2012-12-05 11:00:18
المشكلة منك!
وهنن عميستوطوا حيطك تعلمي تكوني أنتي الألأوى وكل مشاكلك بتنحل تعلمي كيف هنن يخافوا منك مو العكس
سوريا
ناصح2012-12-05 09:17:56
س
الدعاء ثم الدعاء ثم الدعاء وخاصة في الثلث الأخير من الليل
-سوريا
وليف الروووح -( المستجير بالله سابقا ولاحقا وابدا 2012-12-05 07:50:00
تقرين لهم بإعطاء النصائح ..؟
مهما كبر الانسان يبقى في نظر اهله صغير وبحاجة الى توجيه - يا ستي لا تعملي من الحبة قبة وراعي زوجك استقبليهم مرة في الاسبوع شو رح يصير ؟ وبما انك دقة جديدة وهم مدقوقين من زمان ..؟ استوعبيهم درءا ً للمشاكل وإكراما لزوجك - الحديث عن السلايف والكناين والحموات وبنات الاحمى كحالة الطقس في شباط حالة اللا استقرار ان خلعت سترتك تشعر بالبرد وان لبستها تشعر بالضجر .. على الانسان ان يعي التقلبات الشباطية ويحسن التعامل معها لكي ينعم بباقي الشهور وليستطيع التمييز بين الربيع والخريف وباقي الفصول
سوريا