syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

يقيسون اهتمامي بخطيبتي بقيمة ما أحضره لها إضافة لتأثير أمها الكبير عليها .. هل أكمل معها ؟
اسأل مجرب

هل الهدايا والامور المادية بفترة الخطبة مقياس لبدء حيلة زوجية ؟؟؟


يروي  صاحب الرسالة مشكلته " تقدمت لخطبة فتاة احبها،وبعد الخطبة بفترة تبين أنها وأهلها ماديين بحيث يقيسون اهتمامي بخطيبتي بقيمة ما أحضره لها وبنوعية الهدايا التي أجلبها لها،بالاضافة الى طلباتهم الأساسية المبالغ بها بالنسبة للزواج وما بعده(علما أن أحوالهم المادية عادية)"

يتابع " إضافة لتأثير أمها الكبير عليها فهي تقف الى جانب ابنتها سواء كانت على حق أو مخطئة أحبها وأريد أن أكمل مشواري معها ولكني أحس أني لن أكون مرتاحا معها ولا أرى أن استمرارنا بعد الزواج سيطول للأسباب السابقة مالحل هل أكمل معها"

 


2012-09-18 01:55:00
شاركنا على مواقع التواصل الاجتماعي:



شارك بالتعليق
مغتربة2012-09-26 23:10:53
الى باسل
شفت الرابط . حلو أنو الاب مايطلب من العريس مهر . بس أكيد مو حلو بعدين العريس يسوق فيها وما يجيب ذهب أو هدايا للعروس ما هيك؟؟ لانو كرم الاب لازم يوافقه كرم من العريس لانو اكيد قيمة العرووس اكتر من ريالين بكير
-سوريا
انثى2012-09-25 19:48:16
الى جورج
و اخر شي انا و انت بنعرف انو نسبة قليلة جدا من السوريين بتسمح لبناتها انو تسافر و تتغرب لوحدها مشان تدرس او تشتغل برا يعني ما فينا نلوم على البنت بهيك حالة لانو مغلوب على امرها باكتر الاحيان و المجتمع ما بيرحم البنت عنا بتتغرب مع اهلها و بيصير الحكي اشكال الوان خصوصي اذا كانت رايحة على بلد اوروبي او اميريكي فكيف لما تكون لحالها و لا تنسى انو الهدف الاساسي للاهل ببلدنا هو انو بناتهون يتزوجو بعد التخرج باحسن الاحوال و في منهون بينكرو حتى الجامعة على البنت
-سوريا
انثى2012-09-25 19:43:58
الى جورج
يمكن انت مو كتير اجتماعي بطبيعتك او ما بتحب تختلط بكتير ناس او يمكن من محافظة صغيرة بسوريا و طبعا هادا مو انتقاص منك ابدا لانو السوري من وين ما كان بيسو كل الدنيا عندي بس قصدي انو مجتمعك صغير و لهادا السبب انت عممت هالنظرة على بناتنا و اذا بدنا نتطلع على البنت السورية بعيدا عن كل هالحكي لح قلك شوف البنت السورية و قوتها من خلال الازمة يلي عايشنها هلأ صدقا بقوتها و قدرة احتمالها ما في بنت بالعالم انا بتمنى عليك انو تشوف الامور من منظور واسع و تتطلع على اسباب الامور لحتى تقدر تحكم بطريقة اشمل
-سوريا
انثى2012-09-25 19:40:43
الى جورج
يعني فرص العمل المهمة بالبلد عنا اغلبها هي عن طريق الواسطة و المحسوبية و المعارف و اكتر الوقت بتلاقي ناس بالوظيفة هي مو بحاجتها ماديا و هيك ناس ما فيك تقارنهون بناس عم يحاولو جهدهون لينجحو يا سيد جورج انا كل هدفي من النقاش وصلك لنقطة انو بعيدا عن الجمال و هالقصص اذا فكرت ببنت بلدك لح تلاقي انو عنجد بترفع الراس بكتير اكيد في بنات تافهين متل ما في شباب تافهين بس انا ما فيني قول كل شبابنا سطحيين لانو انا شفت شباب اكتر من تافهين و شباب اكتر من مبدعين
-سوريا
انثى2012-09-25 19:36:02
الى جورج
انا معك اكيد مو الكل بيهمون يطورو حالهون و انا لما كنت بسوريا شفت من الطرفين بس صدقني انت الطرف يلي بدو يطور حالو اكتر بكتير و انا بسوريا ما درست بس بالجامعة درست باهم معاهد بالبلد و اخدت اكتر من شهادة يمكن انا حظي كان منيح و قدرو اهلي يقدمولي الدعم المادي بس صدقني كنت شوف بنات معتمدين على حالهون و عم يشتغلو مشان يقدرو يطورو حالهون و يحصلو على شهادات و كنت حس حالي صغيرة كتير قدامهون والله بالنسبة للشركة يلي عم تحكي عنها انت اكيد صادق بس نحنا بنعرف كيف الناس بتلاقي شغل بهيك محلات
-سوريا
جورج2012-09-25 14:36:13
الى أنثى
صدقيني اشتغلت بأهم شركة بسوريا ماراح اذكرها وكان فيها جنسيات من اكتر من 30 دولة. 90% من البنات لاهدف ولاطموح وسطحية مو طبيعية مع العلم أنن معظمن من حملة الشهادات. كاحصائية تقريبية 30-40 % من الشباب وجدوا فرص عمل ممتازة بالخارج. بالنسبة للبنات النسبة لاتتجاوز 2%. السبب أنهن ما بدهن يتعبوا ويعتمدوا على حالن وبدهن كل شي عالجاهز
-سوريا
انثى2012-09-25 01:54:05
الى جورج
اما انو ماضي البنت يلي لح ترتبط فيها ما بيهمك هي شغلة شخصية ما حدا الو علاقة فيها و ما بتهم غيرك و انا ما اتطرقت لهنقطة انا كل كل هدفي من النقاش وضح انو لو كان عنا الامكانيات المتاحة برا للتعليم و غيرو كنت شفت بلادنا و اولادها باحسن حال و مبدعين لدرجة بتفوق كل الناس و اكبر دليل على كلامي هو نجاح السوريين برا و الشي يلي محققينو و الشهادات العالية يلي حصلوها من بلاد حضنتهون و قدمتلهون يلي للاسف بلدهون ما قدمتو
-سوريا
انثى2012-09-25 01:48:44
الى جورج
بس للأسف نحنا العرب برا عكس كل جاليات العالم الاخرى اول ما بنسافر لبرا بننسى لغتنا و بنطلع من جلدنا و بنصير اول مين بيحط العيب ببلدنا و اولاده و انا هالحكي مو موجته الك بشكل شخصي هادا الحكي بيشكل الفئة الاكبر مننا نحنا العرب يلي برا دائما يقاس النجاح بالحياة على قد الامكانيات المتوفرة للانسان يعني برا اللغات تدرس ببلاش للطلاب بالوقت يلي عنا شهادة لغة من معهد اميريكي او بريطاني بتكلف الكتير بتمنى كون قدرت وصلك وجهة النظر و بتمنى انك تقدر تشوف انو السوريات فعلا بنات بينرفع الراس فيهون
-سوريا
انثى2012-09-25 01:43:47
الى جورج
للدرجة يلي انت فيها هلأ يا سيد جورج لو كان عنا مدارس بتقدم يلي يتقدمو مدارس برا من تعليم للغات و تنمية للمواهب على كل الاصعدة و جامعات بتسمح للانسان ان يدرس بفهم و يبدع اكيد كنت لح تشوف بناتنا و شبابنا غير هالمستوى هادا انا كتير شفت بسوريا بنات كانو يشتغلو مشان يدفعو قسط الجامعة و معهد اللغة و غيرو و كانو لما ينزلو على السوق يشترو ارخص التياب مشان يقدرو يكملو تحصيلهون العلمي و هيك بنات بينرفع الراس فيهون مو بالعكس
-سوريا
انثى2012-09-25 01:38:35
الى جورج
ابدا انا ما قلت فشل انت شايف انو البنات عنا فاشلين بس انا بشوف انو ناجحين انو برغم كل هالظروف يلي ما بتساعد على التميز و النجاح قدرو انو يحصلو شي اكيد شي حلو انك تعمل ماستر بس انا حابة اسئلك لما طلعت من سوريا كم لغة كنت بتعرف يعني باحسن الحالات كنت بتحكي شوية انكليزي مع العربي بس عيشتك برا هي يلي قدمتلك هالشي اكيد انت ناجح بمجالك و هالشي بيحقلك الفخر فيه بس ما فيك تنكر انو اوروبا قدمتلك جزء كبير من هادا النجاح و هالشي مو متوفر ببلادنا و لو انك بقيت بسوريا ممكن كنت بتنجح بس مو للدرجة
-سوريا
باسل2012-09-24 20:30:45
مغتربة وسوسو
نصيحة فوتو على هادا الرابط بسيريا نيوز وشوفو الكلام الصح http://www.syria-news.com/var/articlem.php?id=21753 يا هيك الناس يا بلا
-سوريا
الى Laha2012-09-24 15:40:27
شايف منام
لا أنا شايف منام. عكلن يمكن غيرة البنت بتخليها تقول أنو هي أحلى من الأوروبية. ياريت تسألي الشباب لأنو رأيهن هو المهم
-سوريا
جورج2012-09-24 15:39:36
الى أنثى
يعني ليش عم تحطي سبب فشل البنات السوريات (أو الشباب) عالمجتمع اللي ربينا فيه. أنا عشت وربيت بسوريا ومع ذلك تعبت عحالي وبعرف 3 لغات وكملت ماجستر باروبا يعني اللي بدو يحقق شي مافي شي صعب. بس والله 90% من البنات بسوريا تفاهة مطلقة. أما بالنسبة للعادات والتقاليد فأنا مابيهمني الوحدة اذا كان عندها علاقة قبل ما أعرفها لأنو حياتها ماملكي من يوم ولدت. أنا بيهمني أنو ماتعمل علاقة بعد ماارتبط معها وهادا الشي صار معي مع بنت سسورية. بيساوا حالون ملايكة وهنن على قول أحد اصدقائي متل السعدان مابغيره
-سوريا
وحدة مغتربة2012-09-24 11:43:41
الى السيد جورج
أولاً ياأخ جورج الجمال نسبي.. يعني ماتراه جميلا ربما لا يحبه رجل أخر بعدين أنا لم أقل أن السوريات اجمل .. أنا قلت أن الاوربيات وأنا أعيش بينهم وخصوصا كلما اتجهت شمالا لهم ملامح بلا تعابير او أحاسيس يعني احسهم جامدين كالتماثيل المنحوتة وما يفتقدونه هو عن اي سوريةهو اظهار الحنان والمحبة! أما من جهة الفتاة التي وصفتها فمبروك .بس يمكن لازم تختبر طباعها وأخلاقها ولا تكتفي بالمعطيات الظاهرة. بس من جهة الطبخ فأشك بذلك لانو نادر ماتشوف انكليزية بتعرف تطبخ لقمة أو بتعرف بشغل البيت!
-سوريا
سنفور غضبان2012-09-24 11:50:15
أنا أكره الزواج
كلمة واحدة: لاء لا تكمل.. إذا كان المقياس مادي فبنصحك ما تكمل. وفهمها هاد الشي قبل ما تفرطها .. إذا فهمت فهمت .. إذا ما فهمت .. بنات الحلال كتار.
-سوريا
وحدة مغتربة2012-09-24 11:35:16
الى باسل
وكذلك الهدية تعطي فكرة عن ذوق الشخص وميوله وتذكره لمناسبات معينة وكرمه ... وطبعاً الابراج لاتعطي ذلك لأني ببساطة لا أؤمن بها مطلقاً .لا أدري لماذا احتديت على هذا الموضوع فهو بديهي .. كل الناس تقدم الهدايا لبعضها الان حتى اذا زرت شخص هذه الايام تحضر ورد او أي شيء اخر!!فكيف بالعروس!
-سوريا
وحدة مغتربة2012-09-24 11:26:42
إلى باسل
أولاً ارجو منك أن تحترم اسلوب التخاطب مع من لاتعرفه معرفة حقة..فلا يحق لك القول يا فهمانة!.. وخزي وعار.! اختر المفردات المحترمة لكي يحترمك الناس!ثانياً لللأسف يبدو أن خبرتك الحياتية قليلة جداً وخصوصاً في الموضوع المطروح, فأنا عندما قلت أني لست مع المغالاة في موضوع الهدايا لم أعتبر الهدية خطأ حتى تقول لي )نغلط شوي بس)!الهدية مفهوم صحيح ومعترف عليه في كل الثقافات والحضارات وفي كل المناسبات لا سيما بين المخطوبين ولكن المغالاة به يجعله خاطئاًوهو يقرب بين الطرفين - يتبع
-سوريا
باسل2012-09-24 08:54:36
سوسو
ما شاء الله يا ست سوسو هلأ ثقافة الحوار صارت إنو الواحد يقبل رأي التاني مهما كان (طيب في ناس بتكفر البنت السافرة) هل تقبلين هذا الرأي ... إذا كنا سنقبل آراء الكل لن يكون هناك صح أو غلط وكل شيء سيصبح مقبول ومباح بحجة احترام الآخر وتقبل رأيه دون أن نجرحه (الحقيقة تجرح لكن أنت لا تقبلينها يعني الغلط منك وليس مني) يبدو أنك أنت لا تملكين ثقافة الحوار ... أنت شخص ميؤوس منه ... ولا تتوقعي مني أن أقرأ كلامك مع شخص آخر عني وتصيبني نوبة اكتئاب ... أنا واثق من نفسي وأعرف الصح من الخطأ لكن هناك أناس ... !!!
-سوريا
باسل2012-09-24 08:49:42
سوسو
متل العادة لف ودوران (هجومي ليس شرس لكن الخطأ فظيع ويحتاج إلى صراحة) والصراحة والحقيقة دائماً تؤلم وكيف إذا كان الطرف الثاني مرأة يعني إنسان عاطفي يعتقد أنه يتم اضطهاده إذا واجهه أحد بخطئه وأيضاً المرأة ترفض الاعتراف بخطئها بسبب كبرياءها الأعمى والفارغ يعني لا بد أن تصلي إلى هذه النتيجة وليس لأن هجومي شرس أو أي شيء آخر (لا تحاولي الهجوم علي بدل الرد على كلامي لأن هذا يثبت مرة أخرى أن كلامي صحيح وأنك لا تستطيعين الرد عليه) ...
-سوريا
laha2012-09-24 07:35:46
الى جورج
الى جورج عن جد عم تحكي او عايش بشي قصة من خيالك .انا عايشة باروبا اذا أنت بالصدفة لقيت انسانة فيها كل هل المواصفات معناتا بنات أوربا كلون هيك .لك أغبى بنات بأوربا والمزاجية والأنانية خلقت عندهم .هل البنت اللي قاعد معها قلها عمليلي كاسة شاي وشوف كيف بتجاوبك.وطبعا خود الشغلة بابعاده .مارح دافع عن بنات سوريا لأنو ممكن يكونو اللي حواليك كانو غلط .ممكن.
-سوريا
باسل2012-09-24 07:29:46
سوسو
النساء اللواتي سمعتهن يقلن أن كل الأمهات لديهن شك في شرف وعرض ابنتهن وبالتالي هن يعممن لذلك أنا لم أطلب منك أن تتبعي الشواذ يعني أنا لا أناقض نفسي بالعكس أنا أتكلم عن واقع وليس بدافع العظمة ولكن كالعادة (المرأة مستعدة لأن تكذب فقط لكي تكون على حق) أما أن هجومي كان شرساً ولذلك لم تفهميني (اعترفي أنك لم تفهميني ) وثالثاً أنت في النهاية تهاجمين خصمك بشكل شخصي (لا تستطيعين الرد على كلامه بمنطق) ... يعني ... غسيل دماغ ... يعني ...
-سوريا
انثى2012-09-24 04:26:51
الى جورج
اخر شي انا بتأسف انو رديت عليك برغم انو انت مو موجه الحديث الي بس حبيت وضحلك انو هالنقاط يلي انت شايفها تقليل من قيمة بنت البلد هي حقيقة ممكن تكون من وجهة نظر تانية فخر لالك ببنت بلدك يلي اتعذبت كتير لتوصل ليلي هي فيه هلأ انو تدرس و تشتغل و تستقل ماديا و معنويا و تحارب كتير من الخرافات و التقاليد البالية حتى ما تضطر تتزوج قبل ما توصل لسن معين و اهم نقطة انها قدرت تحقق هالشي و تحافظ على حالها بمجتمع ما بيشوفها الا جسد و بس و بيعتبر اي شي من استقلالها هو فرصة لحتى يحصل عيلها
-سوريا
انثى2012-09-24 04:24:10
الى جورج
و اما بالنسبة لنقطة الاكتفاء المادي ففي كتير بنات ببيوت اهاليهون و زوجات صارو مكتفين ماديا و مستقلين بس العادات و التقاليد ما بتشجع البنت تحكي هالشي على الملأ صدقني بناتنا حققو كتير على الرغم من انو حياتنا تقليدية بشكل مميت و من كل النواحي و اهم ناحية الدراسة و المدرسة و الجامعة يلي خلت الاوروبيات متفوقين علينا و طبعا و اهم شي ما في وجود للعادات و التقاليد يلي على الرغم من انو كتير منها حلو و بيميزنا بس من ناحية تانية في كتير منها بيقتل اي شي جوات الانسان من ابداع
-سوريا
انثى2012-09-24 04:21:09
الى جورج
اما نوع الثقافة و انو البنت الاوربية بتفهم بالمسرح و خلافه أو أي نشاط تاني فهو السبب الأساسي انو هادا الشي يلي بتتربى عليه و انو عندهون مدراس بيهمها العلم و الهويات بالدرجة نفسها و من هني و صغار بتمنيلون مواهبهون و بيعرفو اتجاهاتون المواصفات يلي ذكرتها بهي الانسانة هي رائعة و ما في شك بس كمان ممكن انت بدال التقليل من بنات بلدك تتحاول تشوف قديش في نسبة منهون مبدعة برغم كل الظروف و الامكانيات الموجودة ببلدنا يلي خلت الشباب و البنات فارغين نوعا من الثقافة و الحياة الحديثة
-سوريا
انثى2012-09-24 04:16:36
الى جورج
بالنسبة لموضوع الجمال هو مهم عند الانثى و الذكر بنفس الدرجة لانو هي عين و بدها تشوف و بالنسبة للغات اي انا بقلك انو الاوروبيات بيعرفو لغات و أقل شي 2 او 3 بس السبب انو مناهجهم الدراسية بتقدملهم هالشي و الانترنيت و الانفتاح على العالم للأسف نحنا ما عنا هالشي لا بشبابنا او بناتنا الا القليل و يلي هو بيحب يطزر حالو و بالنسبة للجنسيات فهي مو نتيجة وجودهم بالعالم المتحضر و بنقطة الثقافة و الفهم في كتير من بناتنا عندهون ثقافة عالية و بكتير مجالات
-سوريا
سوسو 2012-09-23 23:31:58
شكرا لعباده ومتفائل
متفائل تعليقك ضحكني كتير هدايا خيار وموز وبرازق هلئ معتبر هاشغلات هدايا وعباده معك حق اصحاب المشلكه بيطرحو مشكلتهم على اساس بدهم حدا ينصحهم ويكون مجرب يعني صاحب الرساله خاطب وبدو نصيحة ناس خاطبين اومزوجين متلو متل كل اصحاب الرسائل التي تحولت مشاكلهم لمشاداة بين المعلقين والخلافات في وجهات النظر واشتباكات حاده عسى كل طرف يقنع الاخر بوجهة نظره وهذا مايجعل صاحب الرساله يتدخل في بعض الاحيان ليصلح بين المتخاصمين ناس لايوجد لديها ثقافة الحوار ولاتتقبل رأي اخر لذلك عذرا من اصحاب المشاكل المطروحه
-سوريا
سوسو 2012-09-23 22:49:21
رد لباسل
ربما لم افهم كلامك ربما لانني اول مره ارى هذا الهجوم العنيف ضدالنساء واتهامهم بابشع الاوصاف والتعميم من غير استثناء انا اكتر من ينتقدالنساء وتصرفاتهم مع الازواج وكل متابع لهذه الزاويه يعرف ذلك انتقدالزوجه الفاشله والتي تخون زوجها اوتهمل مشاعره او التي تهين رجولته وكثيرا ماتعرضت لهجوم من قبل بنات بسبب تعليقاتي على مشاكل طرحها ازواج عن تصرفات نسائهم ولكن ارفض مبدا التعميم على الكل لان هناك رجال سيئين ويخونو نسائهم ويستخفو بمشاعرهم متل ماهناك رجال اخيار هناك ايضا نساء خيرات ويخفن الله والتعميم غلط
-سوريا
سوسو 2012-09-23 22:25:50
رد لباسل
اناعندي شموخ مثلي مثل كل النساء لانني امراه ناجحه بحياتي وسعيده جدا لانني اسعدزوجي واجعل البيت جنه زوجي صرف الكثير من المال ولازال يصرف وصدقني انني اخجل منه من كثرة معاملته الطبيه والوم نفسي واشعر بالندم واعتذر له عندما يصدر مني تصرف غبي لايعنيني اموال ولايعنيني هداياولكن كل مايعنيني ان يكون هناك احترام للمرأه وضمان لحقوقها انا لااطلب هدايا من زوجي ولم اطلبها قبل الزواج لانه مذوق واي شيئ يخص النساء والاطفال يجلب لي ولااطفالي مع انو مابيكون لازمنا
-سوريا
سوسو 2012-09-23 22:15:25
رد لباسل
انت مغسول الدماغ وانت من يناقض نفسه وانت لديك مرض العظمه وتظن ان كل الناس في كل الكره الارضيه على خطأ وانت الصح فقط والذي لايخطئ انت سبق اتهمتني اني اترك القاعده واتبع الشواذ كذلك انت تفعل عندما تجعل كلام سيدات مسنات قاعده لتطلق اتهامات باطله ضدكل نساء العالم وتتهمهم انهم اشرار وشياطين ولاعقل ولادين ولاشرف اليس هذا اتباع للشواذ وترك للقاعده بالتعميم على كل الناس يمكن هناك الكثيرات من النساء السيئات والخائنات وليس في قلوبهم رحمه ولكن في المقابل هناك نساء طيبات طاهرات يعرفن الله ويتقوه في ازواجهم
-سوريا
جورج2012-09-23 22:12:16
الى وحدة مغتربة
أنا معك أنو كمان الشباب بسورية ماهالجمال بس بتعرفي أنو موضوع الجمال مهم للأنثى أكثر. بعدين من كل عقلك عم تقولي أنو السوريات أجمل من الاوروبيات؟ أنا درت ودرست وعشت باوروبا وحاليا بزيارة بانكلترا وقاعد مع وحدة لو تفتلي سوريا من الشرق للغرب ومن الشمال للجنوب مابتلاقي بجمالها ودارسة و جنسيتين معها وبتعرف 3 لغات وبتفهم بالمسرح وبالموسيقى وبتمارس عدة أنواع رياضة وبتعرف تطبخ ومكتفية ماديا. لك اذا بتلاقي ربع هالمواصفات ببنت بسوريا خبريني وأنا نازل بكرا اخطبها وأنا 100% جاد
-سوريا
alaa2012-09-23 19:16:11
تحية الى عبادة
تحية الك سيد عبادة عنجد حكيك صح
-سوريا
باسل2012-09-23 11:16:25
وحدة مغتربة
أنت تقولين بأنك لست مع المغالاة في الهدايا ... يعني بفهم من كلامك إنو معليش نغلط بس نحنا ضد المغالاة بالغلط (نغلط شوي بس) ... يا فهمانة ... أعود وأقول إذا كانت الهدايا تعطي فكرة بل وكما تقولين تسبر شخصية العريس فعلى الدنيا السلام (بالمناسبة لماذا لا تعرفين برج العريس لأنك ستعرفين شخصيته بالكامل) ... فعلاً أساليب الناس في معالجة الأمور شيء يدعو للخزي والعار
-سوريا
باسل2012-09-23 11:05:29
سوسو
بناء على تعليقك الأخير والذي اتضح منه أنك لم تفهمي شيئا من كلامي وأخذتيه بشكل حرفي فأنا اعتقد بأنك إما لم تفهمي شيئا من كلامي السابق بالمرة أو أنك تملكين كبريا وشموخ أعمى وفارغ (وربما دماغك مغسول) بحيث يمنعك من رؤية الحقيقة ... وا أسفاه
-سوريا
باسل2012-09-23 11:00:14
سوسو
عندما طلبت منك أن تمارسي العادة السرية أردت أن أوضح لك فكرة أنك تقلدين الناس بشكل أعمى عندما تتخذين من غلاء المهر والهدايا وحفلة العرس (عند الناس) سبباً كي تفعلي ذلك (تقلدين الناس بشكل أعمى) لذلك ضربت لك مثلاً بأن الكثير من الناس يمارسون العادة السرية ولا فرق بينك وبين من يمارسها لأن في ذلك تقليد لكل الناس (بشكل أعمى) لكن أنت ما شاء الله لديك دماغ وقادرة على التفكير بشكل ممتاز (ولديك منطق رهيب) لدرجة أنك أخذت كلامي بشكل حرفي وبدأت بالكلام الفارغ ... هذا يثبت كلامي بأنك لا تفكرين وأن دماغ مغسول
-سوريا
باسل2012-09-23 10:48:43
سوسو
الإنسان الذي يمارس العادة السرية هو الإنسان الذي لديه وقت فراغ ويتسلى بالكلام عن النساء ... أها ... يا لطيف شو إنو عندك منطق وتفكير سليم ... أنا لا أمل من الرد عليك وعلى أمثالك من مغتربة وغيرها لكن الإنسان الذي يتعرض لغسيل دماغ يكون إنسان ميؤوس منه لأن الضرب في الميت حرام
-سوريا
خالد2012-09-23 08:25:49
يقيسون اهتمامي بخطيبتي بقيمة ما أحضره لها إضافة لت
كلو بألك الهدية على أد المحبة بس و الله عيب عليهون و الأصة انو انت عم تؤول أحوالون عادية صحيح المادة مهمة و عصب الحياة بس و الله موكلشي المصاري و الهديا اسماع مني حاول تئلون انك بك تترك لأن ما عاد تأدر و شوف شلون بصيرو ( عئدة نقص انت بدك تدفع ضريبتها) مشان هيك معاد حدى أعد عند حدى بسبب المادة و الله بيت حماي من عائلة ميسورة الحال و الله ماطلبوا شي و كمان أنا ميسور الحال و بخلي علي بس في فرئ انك تاخد وحدة شبعانة هي و أهلها
سوريا
عنتر2012-09-23 03:04:36
انت خروق
...من هلا حلقلا قلعا وحاول تحصل دهباتك لانو مبين هي واهلا نور ومو شبعانين وخصوصي هالعرتيلة امها
-سوريا
انثى2012-09-23 01:26:18
انا مع وحدة مغتربة و كمان مغتربة
و انا كمان مع المغتربة و انا عايشة برا كمان عنجد ما فيهون احساس و صحيح انو بيدقعو مع الرجل بس بيتحكمو فيه كتير و القانون معهون يعني باختصار ما بيسترجي الرجل يقلها لاي وحدة فيهون شي و طبعا هي غير تسريبات برا و عادي كلشي عندهون و الزواج ما هو مقدس عندهون صحيح شخصيتهون قوية بس للحقيقة كلشي بحقو بس ما بيحس بقيمة بنت البلد الا يلي جرب و اتلوع و الامثلة كتيرة و كتار من شبابنا داقو المر
-سوريا
وحدة مغتربة2012-09-23 00:47:54
ألى الاخ جورج
عم تقيم بنات البلد انو جمالن وسط .. ياترى شفت جمال الشباب يعني شي يالطيف!!بعدين وين الاجنبيات جميلات اغلبهن لا اسميه جمال !! أنا أعيش بينن صدقا وجههم يفتقر لأي تعابير وعيونهن جامدة خالية من أي كلام أوحركة. أما عن الثقافة والعلم فمعدودات. ام عن عينن شبعانة فهن بيركضوا ورا القرش بس نحن طبيعة مجتمعنا مختلفة. عنا ماممكن وحدة تدفع وجوزها او اخوها او ابوها او حتى رفيقها معها واقف .ومافي بنت بتعزم شب واذا طاير عقلك عالاجنبيات خود منن بس الاغلب بضاعة مستعملة وبأي غلطة ممكن تقولك باي
-سوريا
وحدة مغتربة2012-09-23 00:31:59
الى السيد باسل
والله اللي قاله الاخ عبادة صحيح .ضاعت الطاسة .. بس شكلها ضاعت عندك ومو عرفان تلاقيها .. يا أخي عم تخربط بالاسماء انت وعم ترد ..ع مهلك شوي .. أنا ما جبت سيرة باسل الاصلي ولو اني بحترمه كتير.. روح ارتاح وخود نفس عميق بعدين تعى رد علينا .. بس من جهتي انا فقدت الامل لأنك ماعم تفهم علي أبدأً.أنا لا اخاف لا من العادات ولا من التقاليد بل أحب الكثير منها لان أغلبها لم يأتي من فراغ بل هي حصيلة تراث مجتمع وخبرة أجيال. لست مع المغالاة في الهدايا ولكنها تعطي فكرة عن شخصية الشخص في نواح كثيرة
-سوريا
سوسو 2012-09-22 22:43:23
رد لباسل
عم تئول انو سمعت نساء كبيرات بالسن عم يئولو اذا الاهل غلوالمهروكترو طلبات بتكون الفتاة فيها عيبه ماشالله وكان على هانسوان الكبيرات يلي سمعتهم وماحدا بكل البلد سمعهم غيرك اكيدهالنسوان مرو بهل حاله منشان هيك عم يعممو على كل الناس اذا انت ئلت انوالنسوان بيكذبو وبيألفو قصص وناقصات عقل ودين كيف بتصدق كلام نسوان وبتستشهدفيه اذا كنت اصلا معتبرهم شياطين وكذابات واشرار ولاكلام هل مسنات يلي سمعتهم حصرا لازم يصدقه كل الناس وينفذوه انو اي بنت اهلها طالبو بحقوقها يعني انها سيئه وفيها عيبه امر عجيب
-سوريا
سوسو 2012-09-22 22:19:25
رد لباسل
ياسيدباسل هل زاويه اجتماعيه اسمها اسأل مجرب وليست للهجوم على ناس لانعرفهم وشتمهم وتحقيرهم مافي مشكله بتنطرح الا بتحشر المراه فيها وبتوصفها بابشع الاوصاف مابعرف شوئلك اكيدانت مصدوم من بنت واكيد متعرض لخيانه والا ماكانت ردودك بهذه الشراسه اذا كان وضعك كذلك انا اقدر مشاعرك واقدر ان الخيانه بالنسبه للرجل شيئ لايغتفر ويجعله يعتقدان كل النساء متل بعض ليس الامر كما تعتقد ابدا والا ماكان فيه بيوت عمرانه واسر مترابطه وازواج سعداء لن تقنع كل الرجال بأفكارك لان هناك رجال لاتكتمل سعادتهم الا بالزواج
-سوريا
سوسو 2012-09-22 21:57:11
رد لباسل
انت عم تئول انو روحي مارسي العاده السريه لان الناس بتمارسها يعني انت عم توصف المرأه بأبشع الصفات والتشبيهات وماعندك حرمه لشيئ كيف بدك الناس تتقبل افكارك وتقتنع فيها الحوار في هذه الزاويه جيدومفيد ولكن يجب ان يكون باحترام انا رح ردعليك حسب مابتفهم المرأه وحسب مابتشوفها مجرد حيوان لاحق ولاشعور ولا كرامه انا موبحاجه لمارس عاده سريه وقلدالاخرين لاني متزوجه وماعندي وقت اومجال ولست فاضيه لهكذا تفاهات يلي بيمارس هل شغله بيكون فاضي ماعندو شغل الا انو يتسلى بالكلام عالنسوان وانتقادهم والتحريض عليهم
-سوريا
سوسو 2012-09-22 21:49:27
رد لباسل
اناماني قدك بالفزلكه ولابعرف اتفزلك ولابعرف حلل ولا شبه انت عم تئول اني اعبدالمجتمع والعادات والتقاليد شوعرفك شوانت بئلبي حتى تعرف لاله الا الله وصلت معك تكفر الناس انت شوطينتك وليش هل اتهامات للناس مافي مجتمع الا فيه عادات وتقاليدوخصوصا المجتمع العربي اذا الاسلام كرم المرأه اعطاها كل حقوقها بالمهر والمسكن والملبس والدهب والنفقه حتى العرس موحرام لان الزواج اعلان بدك تلغي الشرع وتحرم الناس فرحتها ولامابتعجبك البنت الا اذا كانت منفوشه ومشحوره وطالعه من مغاره وتسوقها متل الغنمه حتى تعجبك
-سوريا
عبادة2012-09-22 12:04:18
ضاعت الطاسة
رد لباسل من سوسو رد على سوسو من فوفو و رد على فوفو من انثى ومن انثى لنص دكر ومن مغتربة منرجع لباسل مرة تانية و طلع عنا باسل اصلي غير باسل الأولاني ورقصني يا جدع, ضاع صاحب المشكلة وماعد يعرف شو يقرا؟ تشات ومشاكل بين حلالين المشاكل , بالآخير صاحب المشكلة رح يفوت ليهدي النفوس ويصالح المعلقين و يعتذر عن سؤاله يلي رح يفكك المجتمع . ملاحظة : مو بس بهالمشكلة هالشي , كل المشاكل نفس الشي عم يصير و عم يضيع صاحب المشكلة. انا برأيي نفتح زاوية للتشات ونحط كم اسم معروفين صاروا ادمن عليها!!!!!!!
-سوريا
باسل2012-09-22 11:24:09
وحدة مغتربة
ما شاء الله ... هل يجب أن أغار من باسل الأصلي وأركض وراء النساء وأطلب رضاهن كي أحصل على ابتسامة من هذه وكلمة من تلك ... أنا واثق من نفسي (أنا واثق من نفسي وذلك عن علم وليس عن كبرياء وشموخ فارغين مثل كل النساء) لذلك كلامك لن يؤثر فيي ... وبالمناسبة أنت في تعليقك الأخير وضعت في فمي كلمات كثيرة لم أقلها فقط لكي تجعليني أنا المخطئ (يعني لجأتي إلى إحدى حيل النساء المعهودة وهي الكذب والكذب والكذب)
-سوريا
جورج2012-09-22 11:14:16
ماديات
البنات السوريات ماديات وبوضوح وهذا من خلال تجربة. ضليت اطلع مع بنت شي سنتين اشتهيت بس تعزمني عكاسة بوظة وبس جيبلها هدية يطير عقلها. لك اذا انتوا ماديات خبوا هالشي عالأقل لأتو 90% من الشباب بيصير عندن رد فعل عكسي يعني اذا شاف البنت وقالتلوا مابدي شي غير سلامتك بتكبر بعينو كتير وبيصير بدو يدللها اكتر يعني اتذاكوا شوي
-سوريا
جورج2012-09-22 11:07:15
أنا مع رأي شب مغترب
البنات السوريات أقل من العادي ورافعين أنفهن للسما. دخيل الاوروبيات جمال وثقافة وشايفيين دنيا وعين شبعانة مو جوعانة يالطيف
-سوريا
انثى2012-09-22 09:42:46
الى باسل
استشهد بقول سيدنا علي كرم الله وجهه لما قال ما جادلت عالما الا و غلبته و ما جادلت جاهلا الا و غلبني و بترفع عن الرد لانو انت على ما يبدو ما قريت كلامي لانو بكل كلامي كنت عم قول بعيدا عن المادة و بحب قلك و نقلا عن رجال حقيقين الرجل الحقيقي بيقدر يعرف البنت من نظرة و نظرتو ما بتخيب فيها و برجع بقلك كل انسان بيلاقي يلي عم يدور عليه
-سوريا
شيخ الشباب2012-09-22 04:19:42
اسأل مجرب
والله يا حلو اذا كان هيك القصة ففكر كتير منيح قبل ما تقع الفاس بالراس لأنو فعلا أهالي البنات ما بقا يفهمو انو الزواج محبة واتفاق مش دهب وهدايا واسمع مني وفكر كتير منيح ولا تفكر بقلبك فكر بعقلك أنا مريت بنفس التجربة وعلما اني ما قصرت بأي هدية وعلما أنو خطيبتي ما هدتني أي هدية طلع بالأخير انو هي ما إلها قيمة عندي لأنو ما عبغلي الهدايا وتركتها ومالي ندمان انا عبقلك فكر والقرار بضل قرارك خاصة انك عبتقول البنت بتسمع كلام امها وخود بعد الزواج على هت
-سوريا
باسل2012-09-22 02:53:17
أنثى 3
وبالمناسبة في أيامنا هذه لا تقولي لي أن الرجل يستطيع أن يعرف ماذا لديه (والسبب من البنات والنسوان) الذين يستطيعون التمثيل والإخفاء والتصنع والهروب واللف والدوران (كل النساء وأنا أعمم هنا تفعل ذلك) ... منشان الله ومنشان كل الأنبياء والرسل ... ألا توجد بنت وحدة قادرة على الكلام بمنطق ودون الخوف من الناس ومن العادات والتقاليد (يلي ما بتعرف تعيش حرام تعيش)
-سوريا
باسل2012-09-22 02:52:07
أنثى 2
عن نساء كبيرات في العمر وأنا كنت جالسا معهن وسمعت الكلام بنفسي) وإذا كنت تقولين بأن الرجل (مو حلوة أن يتكلم في هكذا مواضيع) فأنا أقول لك إنو (الواحد يقول صح أو غلط وفي ما عدا ذلك يجب أن لا يخجل أو يخاف) ولا تحاولي اللف والدوران والعزف على وتر الرجولة لأنها لا تنتمي إلى هذا الموضوع وأنا لن أخاف من كلامك ... موضوع الشرف محصور بين الفتاة وأمها ... الأم هي من تشكك بشرف وعرض بنتها والشاب ليس له علاقة بالموضوع ...
-سوريا
باسل2012-09-22 02:51:29
أنثى 1
أنت تقولين بأن الدين كرم المرأة والرجل وأقام بينهما علاقة صحيحة وصحية وأن الرجل وزوجته يجب أن يحترما ويحبا بعضهما البعض (وهذا ليس بشيء جديد وأنا لم أتكلم عن هذه الأشياء لا من قريب ولا من بعيد وبالنسبة لكون البنت معززة ومكرمة في بيت أهلها فهذا لا يعني شيئا – لأن كل إنسان يطلب العزة والكرامة لكن أنت تأخذين من ذلك سببا كي تطلبي هدايا ومصاريف وفشخرة على الفاضي) وأما عن التشكيك في شرف وعرض البنت ... فإن الأم هي التي تفعل ذلك والمغالاة في المهر والهدايا ومصاريف العرس هو الدليل على ذلك (هذا الكلام صدر
-سوريا
باسل2012-09-22 02:26:57
كلمة أخيرة إلى وحدة مغتربة وسوسو
أنت أكثر وحدة لا تؤمن بالمظاهر ثم تقولين بأن هناك تقاليد اجتماعية لا يمكن النزول عنها (أنا لست غبياً حتى أقبل هذا الكلام) اعترفي أنك تخافين من الناس أكثر من خوفك من الله وانتهى ... أما أنت يا سوسو عندما تقولين بأن الشيء الفلاني موجود عند كل الناس وفي كل البيوت فأنت أيضا تعبدين المجتمع بدلاً من أن تعبدي الله ... أنا بصراحة بدأت أشعر بصداع من هذا المنطق السخيف والذي يدل على أن الواحدة منكما مجرد آلة بدون تفكير أو دماغ ... آآآآآآآه يا راسي
-سوريا
باسل2012-09-22 02:22:27
سوسو و وحدة مغتربة 3
الواحة منكن ميؤوس منها وكما يقول المثل ... ****
-سوريا
باسل2012-09-22 02:13:32
سوسو و وحدة مغتربة 2
وأما عن كون الهدية سبر لشخصية أحد الطرفين فهذا إثبات لكون الفتاة وأمها يقيسان شخصية الرجل بمقدار الهدايا التي يحضرها فهذا بصراحة يجعلني أصاب بالقرف من بنات هذه الأيام وبالنسبة لأن العرس والمصاريف والهدايا هي أشياء تحدث عند كل الناس فهذا منطق تافه القصد منه هو الاعتراف بان الهدايا ومصاريف العرس غلط ولكن بما ان كل الناس تفعل ذلك فأنا سأفعل ذلك (بالمناسبة كل الناس تمارس العادة السرية ... لماذا لا تمارسينها أنت أيضا) بما أنك تقلدين الناس بشكل اعمى
-سوريا
باسل2012-09-22 02:05:21
سوسو و وحدة مغتربة 1
كل منكما لا تستطيع التخلي عن المنطق السخيف الذي يقول بأن الناس يفعلون شيئا ولذلك لا بد من أن نفعله والعادات والتقاليد تقول كذا وكذا لذلك لا بد من أن نتبع العادات والتقاليد ولا نستطيع النزول عنها والأكثر من ذلك أن وحدة مغتربة تقول لي بأن أمي وأختي قد أخذن وقتا طويلا في البحث عن فستان العرس وفي شراء عفش البيت ولذلك لا بد من أن أقبل بأن الفتاة تريد هدايا وفشخرة ومصاريف عرس ... بصراحة ... هذا منطق سخيف والواحدة منكن تعيد وتكرر الفكرة (مثل ...) كل مرة في قالب مختلف يعني أنتما الاثنتان ميؤوس منكما ...
-سوريا
وحدة2012-09-22 02:03:06
يتبع بس لباسل مو الأصلي
لاء و الأحلى بس تجي تلزقنا بفلسفتك اللامتناهية و الخالية من المنطق و المعنى و كإنو كل واحد حكا يعني حكا !! عم قول هالحكي و ما مع حق الرد .. ولا تتنازل ترد عليي " أنا" يللي من " كل البنات " " الناقصات عقل و دين " على كل كلمة من هلأ رح قلك بلا معنى.. و نعم من هلأ عم قلك أنا عم ادرس طب نفسي يعني بالمختصر لرد علي بنفس طريقتك المعهودة.. و ماني رح رد عأفكارك لأنو بدها صفحااااات و ما عندي وقت وبس شوف اسمك ما رح اقرا فلهيك لا تعزب حالك.. وسلام
-سوريا
وحدة2012-09-22 01:53:07
إلى باسل الأصلي
بهنيك بالكنية اللي كنيتها لحالك .. لأنو فعلا الفرق واضح بين الأصلي و غير الأصلي و أنا معجبة بتعليقاتك و فكرك .. أما للمو أصلي .. رح احكي بشكل عام و بعيد عن الموضوع بعرف.. بس بشكل عام هيدي زاوية للحلول و الآراء من أهل الخبرة و الخير .. عندك خير تقولو تفضل مو بكل مشكلة بتنطرح بهالزاوية بتجي بتلزقلنا مشكلتك مع البنات و في مكان مرة حطيت " أنا بقرف اطلع ببنت وأنا إذا اتجوزت لارضي عني الله و إذا كان شر لا بد منه و يا ريتو ما كان !!" يا رااااااجل بكل موضوع عندك مشكلة و بتقول ما عندك عقدة نفسية ؟
-سوريا
خلدون خليل2012-09-22 01:41:13
كمل ولا تتخلى عنها
هلق معك حق انو بعض الناس بقيسو الشغله من هيك شي بس ازا عملو هيك فمو معناها انهن سيئين انا برئي كمل والله بعينك وانت حاول تجيب شي منيح بالنسبه للهدايا على حسب استطاعتك بس هي الشغله مهمه كتير انا برئي هتم فيها وحاول تلعب عالتفاصيل الصغيره البنات بحبو هيك شي الله ويفقك
السعودية
سوسو 2012-09-22 00:23:58
كلو بيمشي حسب النيه والله الموفق
ابي ئال لزوجي يمكن ماتفهم عليك ولاتعرف تتصرف طول بالك عليها انت علمها وساعدها ولاتخليها تتعب انت اكبر منها واوعى طلبات ابي كانت فقط انو اسكن بيت لحالي حتى لما سألوه عالمهر والدهب ئلون اعتبرها بنتكون وشوبتطلبو لبنتكم جيبولها انا رضيان ابي مادخل بكل التفاصيل امي هي كانت تتفق مع حماتي وصار خلافات كتير ابي ماكان يسمع فيها وزوجي ياحرام كان يضل مهموم لان اهلي مايسمحولنا نئعدسوى وكان يخاف انو تتفركش الخطبه انا كنت انزعج من امي لانها تطلب بس لما تزوجت عرفت انوكلولمصلحتي والله بيسهل اذا النوايا طيبه
-سوريا
سوسو 2012-09-22 00:22:35
متل مالرجل بدو طاعة المرأه يجب ان يحترمها
انا قبل ماتزوج كنت قاصر مابعرف شيئ عن حياة الازواج ابي اعطاني وصايا بطاعة الزوج قبل الزواج ئلي رضى زوجك من رضى رب العالمين مابيصير تخليه ينام زعلان لان هاد حرام لاتمنعيه عن نفسك تزيني وتعطري ولبسي حلو واظهري باحسن مظهر تعلمي تعتمدي على حالك نضفي البيت وعملي اكل ولاتطلعي وتفوتي من غيراذن لاتجيني حردانه اوزعلانه رح اطردك مابدي بنات مطلقات طالبي زوجك بحقوقك اذا قصر معك بهدوء من غير مشاكل لهلئ مابنسى من خمس سنين حتى ئعدمع زوجي واصاه فيني ئلوهي بنتي لساها صغيره يمكن تعذبك وماتفهم عليك يتبع
-سوريا
صاحب المشكلة2012-09-21 22:49:53
الى سوسو و وحده مغتربة
كل الشكر لجميع من نصحني من قلبه وبالنسبة للآنسات سوسو والمغتربة أنا ماقلت انو بدي تمرق فترة الخطبة بدون اي مصاريف انا نفذت كل شي اساسي طلبوه مني حتى الهدايا بس ماعاد استحو وطلبت الام جيب خدامة لبنتهاوصارو يحددولي نوع الهدايا يلي لازم جيبهاوأهلي ماتدخلو بينا أبدا وقدمو كل شي بيقدرو عليه وانا شرحت وضعي لخطيبتي اكتر من مرة وهي وافقت بس بعد فترة ترجع وكأنو ماحكينا شي،وخطيبتي مقتنعة برأي امهاوبأي مشكلة بتصير مابتحكي لامها غير شوانا ساويت معها وبتكون هي سبب المشكلة كرهت الروحة لعندن وكرهت أهلها
-سوريا
وحدة مغتربة2012-09-21 22:49:30
الى السيد باسل
ومن الاشياء التي لا اتفق فيها مع سوسو ولا أعمم بها . بأن الفتاة منذ صغرها تجلس بجانب العروس وتحلم بالهدايا لأن هذا فعلا تهميش لفكرة الزواج عند المرأة ويتبع كيف تربت في منزل أهلها, بالنسبة لي لم أشعر يوماً أن الزواج هو حلم وهدايا .. بل تربيت على أنه مسؤولية كبيرة وجميلة ولكن الهدايا من الخطيب لها طعمها و جاذبيتها وأهميتها لدى الفتاة تجعلها تذكرها طول عمرها ولاتصدق أن هناك فتاة أو أهلها بحاجة الهدية الا ماندر أنما الاهل دوما يخافون على الفتاة ويتمنون لها السعادة سواء تزوجت ام لا
-سوريا
وحدة مغتربة2012-09-21 22:36:12
الى السيد باسل2
بالنسبة لي أنا أكثر من لا أؤمن بالمظاهر وكثيرات مثلي ولكن هناك أشياء تتفق عليها كل الناس وهناك أسس في التعامل لا يجوز ان النزول دونها لاسيما في علاقة كالخطوبة او الزواج التي يرتبط بها مستفبل كامل للطرفين. لأن في هذه العلاقة الحب هو الاساس والفيصل والهدية هنا وأقول من الطرفين .. هي اثراء للعلاقة وتعبير عن المحبة وسبر لشخصية الاخر ومدلولات التفكير فشكلها ومناسبتها وطريقة انتقاءها تدل على الكثير للمتلقي أما أن نقيد الخطوبة بالمصروف فهذا تهميش للعلاقة واهمال لهذه الفترة المهمة
-سوريا
وحدة مغتربة2012-09-21 22:27:17
الى السيد باسل1
أنا لم أكتب تعليقي من فراغ .. فتعليقاتك السابقة تتحدث عن نفسها . فقط اقرأها بتروي وهدوء وحياد وسترى كم أنت محتد وعصبي ومنوتر. وسترى كمية الرمي على المرأة بشكل فج وقاسي وغير منطقي وستلاحظ كيف تعمم على كل النساء ولا تستثني أحداً. ربما نعم عجزت عن الرد ولكن ذلك لأني لم أرى مفردات أشرح لك بها. فمنطقك خاطئ كلياً ولايصدر الا عن شخص صدم من امرأة كانت بالصفات التي تطرحها لأن عموم النساء لسن هكذا!!وبالنسبة لقولك أن الفتيات يخفن العنوسة صحيح لحد ما ولكن يخفن ويكرهن الحياة مع رجل لايؤتمن اكثر بكثير
-سوريا
سوسو 2012-09-21 22:08:58
ردلباسل
حط اختك اوامك مكان اي ام ولاتئلي ماعندهم و طلبات اومابدهم عرس اوماعندهم تعليقات على ديكور البيت والفرش وعلى صالة العرس وعلى الورد والضيافه والعشا وكم شهر الهم عم يبرمو ويدور على فستان للعرس يعجبهم وعنداي كوافير رح يحجزو منشان المكياج والشعر لاتئلي كلامي مومظبوط لان هاشغلات بتصير عندكل الناس وبكل البيوت يلي بيكون عندهم بنت بدها تتزوج يمكن اهلك مابيحكو بحضرتك هيك شغلات بيخافو تكشف ضحيه من بين الالاف والملايين من الضحايا الرجال في بلدنا بسبب فستان عرس ولاهديه من غير طعمه
-سوريا
سوسو 2012-09-21 21:40:08
ردلباسل
كلامك كتير بيضحك عم تئول انو كلامي كلام كبيرات بالسن طيب انا عم اقعدمع امي وحماتي ومع صديقات امي ومع الجارات اكيدرح اتعلم منهم واسمع حكاياتهم وهادموعيب انو البنت تئعدمع كبار وتسمع كلامهم وتتعلم منهم والبنت اكيدبتتأثر بأمها وعم تنتقد يلي بيحطو مكياج معئول زوجي اواي زوج يئول للمرأه حطي مكياج وظلبطي حالك ولبسي وتعي نئعدسوى وتئلومابدي انت شغلات كتير يمكن تشوفها تافهه وبس في رجال بيحبوهاوبيطلبوهاوبيشوفوها اساسيه وبيشتروها حتى لوماطلبتها المرأه بئى لاتعلق على امور يطلبها الرجل
-سوريا
سوسو 2012-09-21 21:38:02
رد لباسل
موكتير فرقانه معي اذا غيرت رأيك اولا ولامهم عندي انك تقتنع وانالما رديت عليك لانك عم تعمم على كل البنات والامهات حتى عم تتهمهم شياطين وعم يدبرو مؤامرات وينصبو افخاخ للعرسان من كلامك تخيلت انو ماسكين العريس من رقبتو وعم يخنقوه ههههههههه انت لست متزوج ولاتعرف مامعنى امومه اوابوه ولاتعرف مامعني خوف الاهالي على مستقبل اولادهم بس يصير عندك اولاد رح تشوف كيف رح تفكر بمستقبلهم من لما يكونواطفال وخوصا البنات اسأل اي وحده عندها اطفال شوبتتمني لبنتك اوابنك لما يكبرو رح تئلك بدي ياهم احسن اولادبالعالم
-سوريا
انثى2012-09-21 20:23:12
الى صاحب المشكلة
انا معك انو المرأة لما بتكون مادية و بس فهي بتقتل كل الحب بقلب الرجل يلي معها و بنفس الوقت الرجل ما بيحس بقيمة المرأة لحتى يعاني شوي من اجلها و انا برأيي انت اولا اتناقش انت و ياها بشكل صريح و حكم شخص بتعرفو و بتقدر تحكيله التفاصيل و بنفس الوقت بتثق برأيه و كون واضح مع خطيبتك بأنو لازم تطالع اي شخص من بيناتكون حتى لو كانت امها و بعدين قرر و بتمنالك انو تقدر تقرر القرار الصحيح و الله يوفقك
-سوريا
انثى2012-09-21 20:18:51
الى باسل
و اخر شي حابة قولو انت حقك تقول انو بدك بنت محترمة باخلاقها و شكلها و انا بدي قلك انو الحمدلله مليانين بسوريا بس يبدو انت ما عم تدور بالمكان الصحيح لانو الانسان دائما بيلاقي الشي يلي بيدور عليه لا تحكم على كل البنات من خلال بنت و بنفس الوقت اذا رجل خان زوجته ما بنقدر نقول كل الرجال خونة الدنيا مليانة بنات و شباب و كل انسان بيلاقي الشي يلي بيناسبه و اخر شي الطيبات للطيبون و الخبيثات للخيبثون و هي قاعدة شرعية و اكيدة
-سوريا
سامح2012-09-21 20:18:24
الى باسل
صديقي أنت أخطأت بشغلة وحدة.. النسوان كانت تخاف من العادات والتقاليد وحكي الناس عليها من زمان.. اليوم النسوان ما عاد همها لا حكي الناس ولا المجتمع (صارت متحررة خزيت العين).. بدها تعمل يلي براسها وتجاهر بعصيانها لزوجها (مفكرتها شطارة) وتورجي الناس كيف عم تركب الرجال وتسيطر عليه (معتبرة هاد حقها)..
سوريا
انثى2012-09-21 20:14:57
الى باسل
اما بالنسبة لنقطة العرض و الشرف هي نقطة بظن مو حلوة انو الرجل يفكر فيها لانو البنت يلي خطبها بتكون عرضو و شرفو و لما بيشكك فيها بيشكك برجولته و انا بظن لما ام بتعرف انو بنتها لا سمح الله مو عذارء هي بتدفع من جيبتها لتزوجها مو العكس و اكيد بهالايام كل الشباب عندهون القدرة انو يعرفو البنت المحترمة من نظرة فهالحكي مو حلو ابدا و بيدل على انسان يا اما تعرض لهيك موقف او انو عندو طبع الشك الاصل النية الحسنة بالتعامل و مو العكس و يلي دق باب اكيد بيعرف شو نوع الباب يلي دق عليه و طلب منو
-سوريا
انثى2012-09-21 20:13:55
الى باسل
لما الرجل بيجي و بيخطب بنت لازم يحط ببالو انو هي بنت ناس معززة و مكرمة بغض النظر عن وضعها المادي و وضعه و بالتالي لازم يحترمها لانو هي الانسانة يلي لح تكملو و تكمل معو مشوار الحياة و بنفس الوقت لازم هي تحط ببالها انو هادا الرجل هو سندها و بيتها و عزها و اقرب الها من امها و ابوها و الو عليها الاحترام و التقدير و الطاعة و الحب و طبعا الاخلاص من الطرفين لا هي لازم تنظرلو من باب جيبته و لا هو ينظرلها من باب انو فضل عليها لما اتزوجها لانو هي قسمة و نصيب و هني الاتنين الهون ببعض بنفس الدرجة
-سوريا
انثى2012-09-21 19:58:51
الى باسل
رب العالمين كرم المرأة بطريقة كبيرة و أوصى فيها لأنو ربنا يلي خلقنا أدرى بأطباعنا و أطباع الرجال و رسول الله قال ما أكرمهم الا كريم و ما أهانهن الا لئيم و بنفس الوقت قال لو كان السجود لغير الله لأمرت المرأة ان تسجد لزوجها و يلي بيفهمو انا من هالحكي ان الرجل الحقيقي هو يلي بيكرم المرأة يلي معو بغض النظر عن موضوع المادة و المصاري لأنو الزواج بالدرجة الاولى هو تفاهم و ود مو بيع و شراء و بنفس الوقت هو مو تفضيل من الرجل على المرأة و لا العكس رب العالمين خلقنا لنكمل بعضنا مو لنعلى على بعضنا
-سوريا
محمد 2012-09-21 18:53:39
المرأه المتطلبه
اؤيد كلام السيد باسل و دفاع الصبايا دفاع عنصري بحت لمجرد أنها فتاة اذا كانت الطلبات في البدايه هيك , توقف قليلا بحجه أنه ما معك و أنا متأكد أنهم سفسخون الخطوبه فورا الرجل يتزوج ليبني بيت (الأكثريه) و الفتاة تتزوج لتخرج من بيت أبوها و تتحكم في بيت لها حول عن هذه العائله و الفتيات المربيات و الكريمات كتار في سوريه
-سوريا
باسل2012-09-21 17:04:36
سوسو 3
فأنت تذكرين لي قصة واحدة منفردة ومنعزلة وتتوقعين مني أن أخاف وآخذ عبرة منها وأعتبرها مثالا أعلى وسببا كي أغير تصرفاتي (يا فهمانة أولا الواحد بيتصرف حسب القاعدة مو حسب الشواذ يلي النسوان بتخترعها وبتحكيها فورا) وثانيا الواحد بيتصرف صح مو بيتصرف حسب العادات والتقاليد (وحسب الشاذ منها متل ما كل النسوان بتتصرف) ... وجعتيلي قلبي ... الحكي عن أخطاء وعيوب النسوان ما بيخلص ... رح آخد استراحة وأرجع أرد على كلامك
-سوريا
باسل2012-09-21 17:03:32
سوسو 2
أن يدفع دم قلبه على فتاة تتكير عليه وتعذبه وتشكي وتبكي وتنغص حياته (ما شاء الله على هالمنطق المضحك والصميدعي) هناك فكرة لدى كل الرجال وهي أن المرأة في زمننا هذا تخاف من كلام الناس ومما يفعله الناس وتأخذ العبر والأمثال من تصرفات وأفعال الناس حتى أن الفتيات يسرقن التعابير والأمثال من بعضهن البعض وتذكرها في كل مكان (أي أنها تتقي الناس وتتبع تعاليمهم) وبالتالي فإن المرأة تخاف من العادات والتقاليد الاجتماعية أكثر مما تخاف من رب العباد ... ولذلك
-سوريا
باسل2012-09-21 17:02:26
سوسو 1
نعم يا ست سوسو مصاريف العرس والهدايا هي أشياء تافهة وأنا أحييكي على المنطق المضحك عندما تقولين بأن الفتاة تذهب لأعراس في طفولتها وتجلس بجانب العروس وتستنتجين أن فشخرة الهدايا والعرس هي فطرة عند الفتاة (هذه الهي الفطرة في رأيك ... ما شاء الله على هذا المنطق) هادا أولا ... وثانياً بما إنو الأم هيي يلي عم تحاول تغطي على عيب تتوقعه عند ابنتها إذن الأم هي من تشكك بعرض وشرف ابنتها (كلام واضح ومنطقي ولا يحتاج لشرح) وبالنسبة لكون الرجل يحب الثقيل والغالي حتى لو شكى وبكى يعني بفهم من كلامك إنو الرجل يحب
-سوريا
المتمـردة2012-09-21 16:59:40
الرؤية المشتركة
إبحث في شخصية الفتاة أولا إذا كانت تملك شخصية مستقلة الرأي_تسمع النصيحة ثم تنفذ مايمليه عليه عقلها وضميرها,إن كانت تتخذ قراراتها عن طريق إمها فهي شخصية ضعيفة لن يمكنك التفاهم معها_أما الهدايا فهي أشياء رمزية تسعد الفتاة لكنها ليست مقياسا للحب_وعن رايي الخاص أظن أن الإنفصال اليوم خير من الإنفصال غدا_لأن حياتكما ستكون جملة من المشاكل_والله أعلم
-الجزائر
باسل2012-09-21 16:25:22
وحدة مغتربة 3
في النهاية يموت بالجلطة أو السكتة القلبية ... يعني كلامي منطقي ... على الأقل أنا أتكلم عن صفات عند النساء وعن أشياء تفعلها النساء أما أنت ترمين الكلام وتضعين الجمل بجانب بعضها البعض دون تفكير ودون إثبات وخصوصا عندما تقولين عن تعليقاتي بأنها كتلة من الأخطاء والعقد (أنا لا أعرف – هل يجب أن أخاف من كلامك مثلا أو يجب أن تضعف ثقتي بنفسي لأنني لم تهتز شعرة فيي عندما قرأت كلامك) ولم أفهم لماذا تدعين الله كي يساعدني (هل يجب أن أبكي أو أخاف مثلا) كلامك فارغ من كل إحساس ومعنى
-سوريا
باسل2012-09-21 16:24:29
وحدة مغتربة 2
كما أن التهديد بأنني يجب أن أغير تفكيري وإلا لن تقبل فتاة بي هو أسلوب تهديد وضيع وسيء ولا يتأثر به إلا النساء أمثالك لأن النساء تخاف من كلام الناس حول العنوسة والنصيب وما شابه ... وبالنسبة لكون المرأة شيطان رجيم فأنا تكلمت بشكل منطقي حيث أن الشيطان يغوي الإنسان ويعطيه طرف الخيط لشيء سيء لكن الشيطان يصور الشيء على أنه جيد والمرأة أيضا تكذب في مظهرها وكلامها وتصرفاتها وتحترف ذلك كي تجذب رجلا بحيث يؤمن لها الحماية والمال والأولاد و
-سوريا
باسل2012-09-21 16:23:46
وحدة مغتربة 1
عندما يعجز الإنسان عن الرد على كلام معين (لأن هذا الكلام صحيح) يحاول أن يهاجم صاحب الكلام لعل صاحب الكلام يتراجع ويتوقف وهذا ما تفعلينه أنت في آخر تعليق لك لكنني أعرف نفسي وأثق بنفسي (عن علم وليس عن كبرياء وشموخ فارغ مثل كل النساء) لذلك لن يؤثر فيني كلامك عن العقد وعن الأطباء (لماذا تذكرين موضوع الأطباء والعقد النفسية ... هل هذا الموضوع مألوف بالنسبة لك) وبالنسبة إنو ما في بنت رح تقبل فيني ما دمت على هذه الطباع السيئة فأنت يا فهمانة لم تثبتي أنني أملك طباعا سيئة بل ترمين الكلام دون تفكير .. يتبع
-سوريا
سوسو 2012-09-21 14:38:57
رد لباسل
رح احكيلك قصة جارتي معلمة مدرسه محترمه وحلوه كتير متزوجه واحد حقو فرنكين شايف حالو عليها بكلوريا مامعو كان مابيشتغل بعدماتزوجتو سحبت قرض واشترتلو تكسي مشوار واحدمابياخدها فيها ولا بيحترمها وعم يعشق وبيحكي بالتلفون مع بنات لما سألتها كيف تزوجتيه ئال حلو وبتحبو وشومابيعمل فيها بتدافع عنوومابتسوى عندو فرنك ئال شوابواولادها وعمره ماخسر عليها شيئ ياحرام لما تزوجتو اهلها ئالوالفقر موعيب ورضوفيه وهو ماعم يقدر ولايحترم ولسا بدك الاهل مايطالبو بحقوق بناتهم
-سوريا
سوسو 2012-09-21 14:20:30
ردلباسل
عم تئول انو ام العروس والبنت بيقلدوغيرهم وبيكلفو العريس على شغلات تافهه ياسيدباسل البنت من لما بتكون طفله بتروح مع امها على الاعراس وبتشوف العروس حتى بالاعراس بيتجمع حول العروس بنات صغار بيكونو مبهورين فيها هدول لما يكبرو اكيدرح يتذكرو العروس يلي شافوها ومارح يرضومن غير عرس واذا رضيو رح يضلو متحسرين لانهم ماعملو عرس يعني شيئ بالفطره ومنشان عم تئول انو الام بتشكك بعرض بنتها لما بتطلب من العريس كلامك بيضحك كتير اصلا يلي بيروح رخيص بيضل رخيص والرجال دائما بيحب التقيل والغالي حتى لوشكى وبكى
-سوريا
غاردينيــــــــــا2012-09-21 14:20:24
لايكلف الله نفسا إلا وسعها
كلنا بنعرف أن الزواج بده (هز كتاف) وغالبا بيصير ضغط مادي على العريس وهاد شي طبيعي ولازم يتحمل شوي لأنه ببداية تأسيس بيت وعيلة وهالمرحلة هي أهم مرحلة بالحياة لكن لما هالتعب مايكون له تقدير من شريك حياته فبلاها هالحياة معه أما بالنسبة لاحساسك بأنهم عم يستغلوك ماديا ويقيسوا اهتمامك بالهدايا ياترى لما تفكر تجيب هدية لخطيبتك بتحاول تجيبها وأنت همك انك تسعدها وتحسسها بقيمتها عندك ولا مجرد واجب وشي تدخله بإيدك وبس ؟حل المشكلة عندك أسأل حالك وبضمير أنت مقصر ولا لا ؟خطيبتك وأهلها ماديين؟ وبعدين قرر
-السعودية
سوسو 2012-09-21 14:19:36
رد الى باسل
كلامك كله غلط لان مومعقول الشاب يتزوج البنت من غير مايعملها قيمه واهل البنت موميتين من الجوع لحتى ينطرو الصهر يصرف عليهم ويطعميهم كل الاهالي بيتمنو حياة مريحه وسعيده لبناتهم والبنت اكيدبتزعل لما عريسها مابيهديها اومابيعملها عرس حتى لوئالتلوانا رضيانه معك من غير شيئ وكل ام بتحلم تشوف بنها عروس وفستان العرس حلم كل بنت وحسره بقلب كل بنت مابتلبسو وعم تئلي روحي اشحدي الحمدالله زوجي مومنقص عني وبيعرف واجباتو وبيعاملني بكل لطف وانسانيه لانو بينظرلي اني زوجه الها حقوق وام اطفال وشريكة حياة مويوم ويومين
-سوريا
مشارك2012-09-21 13:27:43
هل أكمل معها ؟
لا
-سوريا
وحدة مغتربة2012-09-21 13:22:10
الى السيد باسل
يا حرام انت انسان معقد 100% .. بنصحك تشوف طبيب نفسي حتى يبلش يحلحل بعقدك من النساء .. بحب طمنك مارح تقبل بنت فيك مادمت بهذه الطباع السيئة وما دمت ترى المرأة شيطان رجيم ع حد قولك!!تعليقاتك كتلة من الاخطاء والعقد.. ياحرام!!!الله يساعدك
-سوريا
صديق المطلقات2012-09-21 11:05:41
الى المعلقات
استغرب في هذا الزمن ممن تريد خطبه وهدايا ودهب واعراس وليالي ملاح..ولماذا..الشاب غير مضطر لكل ذلك لان البنت هي اكثر اضطرارا للزواج في عصر الانفتاح..الشباب في هذه الايام يستطيع ان يقضي حياته بدون زواج والمصاحبه والمساكنه موجوده وقد زادت هذه الايام حتى لمتزوجات فلا داعي لدفن رؤوسنا في الرمال..بالمختصر البنت التى تريد السترة والزواج ترضى بان تعيش مع زوجها على قدر طاقته ولا ان تصفه بالبخيل..لماذا لاتكون هي كريمه معه؟ طالما ان الوظائف والعمل متاح للمراه اكثر من الشاب؟
سوريا
باسل2012-09-21 10:58:08
خلاصة الأمر
أنا رجعت وقرأت تعليقات كل البنات على هالموضوع وكنت رح أنجلط ... الخلاصة إنو البنت بتعرف تلف وتدور وتكذب أكتر ما بتعرف تاكل وتشرب لكن الشب لما بشوف المكياج والغنج والدلال والبشرة البيضة (إع إع إع) بطير عقلو والبنت بتستغل هالموضوع وبتتصرف بكل أنانية وبطرق كتير سيئة وبالنهاية الرجال بيوقع بالفخ وبياكلها ... بالمناسبة المرأة في هذا الموضوع هي شيطان رجيم لأن الشيطان يغوي الإنسان ويعطيه فقط طرف الخيط ويجعل كل شيء جميلاً في نظره بينما هو في الحقيقة يقوده إلى جهنم وبئس المصير
-سوريا
باسل2012-09-21 10:52:24
سوسو 5
الشي الوحيد يلي فارق معي إنو رب العالمين يغضب علي لإني ما اتزوجت ... اما عن كون كل الرجال لديهم ماضي قبل الفتاة وأنهم يجربون الفتاة ويحاولون الاختلاء بها وأمام أهلها يصبح مثل القط الصغير فأنا أقول لك بأنك لا تستطيعين أن تثبتي كلامك لأنه مجرد اتهامات قد تكون صحيحة لكنني أذكر ما سمعته من نساء كبيرات في العمر (يعني على الأقل كلامي جاء من عند فتاة مثلك)
-سوريا
باسل2012-09-21 10:51:01
سوسو 4
وأنا أقول لك بأنني عازب لكنني لا أحتاج لهدايا (حتى لو كانت بنت على طبق من ذهب) لأنني شبعان في بيت أهلي ... أنا أريد بنت لا تكذب في مظهرها أو تصرفاتها أو أخلاقها أو (يعني لا تخفي نفسها تحت طبقات المكياج ولا تتصنع اللطافة والقطافة أمام العريس ولا تتآمر مع أمها ولاتسكت عن أغلاط أمها) إذا أردت أن أتكلم عن أخطاء النساء فلن أنتهي ... وأقول لك بأن التهديد بأن التفكير على طريقتي سيحرمني من الزواج لن ينفع معي لأنني لا أنظر إلى جسم الفتاة أو شعرها أو طبقات المكياج على وجهها يعني مو فارقة معي ... يتبع
-سوريا
باسل2012-09-21 10:49:34
سوسو 3
النهاية زيادة على كل أخطاءك بدلا من أن تثبتي بأن تكاليف العرس والهدايا هي شيء صحيح تقولين بأن الأرملة تعمل عرس لذلك فكل البنات يجب أن تعمل عرس (ماذا عن منطق الصح والغلط) إذا كنتي تفعلين شيئاً فقط لأن غيرك يفعله فأنا انصحك بأن تجربي مهنة الشحادين لأن بعض الناس يشحدون فلماذا لانشحد نحن أيضا (أنت من يستخدم هذا المنطق) وعلى فكرة هذه المهنة تأتي بأموال أكثر من الهدايا وأكثر من املاك العريس ... يتبع
-سوريا
باسل2012-09-21 10:47:25
سوسو 2
لا أحلل بل أدين النساء من كلامهن (ما ذكرته هو كلام نساء وكبيرات في العمر). تقولين بأن الرجل الذي ليس قد الحمل وبخيل يضل عند إمو (مع إنو البنت بتكون إمها شايفتها ومومصدقة) يعني يفضل إنو البنت تضل عند إمها بس حاجتك لف ودوران (متل كل النسوان) لإنو الموضوع مو بخل أو عجز عن تكاليف الحياة ... الموضوع يا فهمانة إنو أنا ما بدي حدا يتصرف معي بغباء (تكاليف الحياة ما إلها علاقة بالهدايا والمصاريف التافهة لأن تكاليف الحياة تأتي بعد الزواج يا ذكية) لكنني أعترض على المصاريف التافهة قبل الزواج وفي ... يتبع
-سوريا
باسل2012-09-21 10:45:41
سوسو 1
سأثبت لك أن كلامك كله غلط بغلط ... أولاً الأم عندما تفكر بهذا الموضوع وتجبر العريس عليه تكون هي من تتهم بنتها في عرضها وشرفها وثانيا أود أن أعرف كيف أصبحت الهدايا والطلبات الكثيرة من حقوق الفتاة (ما شاء الله على هالمنطق) لكنك كنتي صادقة عندما قلتي إنو ما في شب بيرضى بهالشي لكن أم البنت بتعمل جهدها لعل وعسى إنو العريس يوافق (في حال إنو البنت ما كانت عذراء لإنو الأم تشك في هذا الأمر وهي من تسعى لإجبار العريس على الموافقة عليه) وبالتالي فأنا لا أطعن بالأعراض بل الأمهات يفعلن كماأنني ... يتبع
-سوريا
مغترب مظلوم2012-09-21 01:51:55
تطالبون حقوق اكبر ، والنتيجة تعنيس اكتر
يا حبيباتي البنات ، سوريا حاليا رجعت مية سنة لورا وما ضل حدا اشتغل ، بالاصل التعنيس كان ظاهرة كبيرة ومنتشر الفساد بسببها. لازم توقفو المظاهر لانو الحال تغير و سوريا صارت مليانة ايتام.
-سوريا
وحدة مغتربة2012-09-20 23:46:14
يسلم تمك ياسوسو
الحقيقة حكيتي المفيد..
-سوريا
وحدة مغتربة2012-09-20 23:40:59
الى الاخ alaa
طلع معك المنطق تبعي بيضحك؟؟طبعاً البنت مو بيعة ولا شروة بس إلها قيمة ومكانة مفروض عند العريس والهدايا تدل على شخصية العريس وطباعه مو الشغلة بس انو نمرق فترة الخطبة شلون ماكان وبعدين توقع المصايب . اما عن زوجي فبحب طمنك هو ابن اصول وبيعرف شو يعني خطبة وزواج..
-سوريا
سوسو 2012-09-20 21:42:59
خلاصة الامر
العريس لمابيجيب هدايا عم يجيب لخطيبتويلي رح تصير مرتووام اولاده ماعم يجيب لحماتو واظن الدهب والهدايا حتى التياب والاحذيه والعطور والمكياج مارح تعطيهم للجيران ولارح تستخدمهم امها كلورح تاخدومعها لما تتزوج واذا كان للام طلبات بيكون منشان فرش بيت ولاتجهيزالبنت ومنشان المشاوير والعزايم هي ضروريه منشان يتقرب العروسين من بعض وخصوصا اذا موقاعدين مع بعض ويلي موعاجبو طلبات الاهالي ياريت يروح ياخددهباتو وهداياه والله معو لان بعدالزواج رح يكون بخيل
-سوريا
سوسو 2012-09-20 21:13:10
ردالى باسل
مابعرف اذا كنت متزوج اوعازب اذا كنت عازب انشالله تشوف بنت حلال تمسكها امها من ايدها وتاخدلك ياها هديه لوكل الشباب متل تفكيرك وعندهم هالنظره للبنات ماكان حدا تزوج ومنشان الرجال مابيقدر يعترض عالعروس اذا كان خسران عليها هل كلام مومظبوط لان مافي رجال الاوبيعرف شوعندو وبهل ايام ماعادفي رجال اغبياء كلون عندون تجارب قبل الزواج وصعب ينضحك عليهم والرجال بيضل يجرب البنت حتى بعدمايخطبها بيحاول يختلي فيهابعيدعن اهلها وقدام اهلها بيبين متل الملاك والقط بياكل عشاه
-سوريا
سوسو 2012-09-20 21:03:16
شوهل تحليل ياباسل
هادالطلع معك عم تتهم الناس باعراضها وانو اذا الاهل طالبو بحق بتنتهم وكترو طلبات يعني انها مابتسوى ومنشان مايتركها ليلة الدخله والله مافي شاب فيه ذرة شرف بيرضى على حالوبنت غير عذراء بعدليلة الدخله مهما كان متكلف واظن كلوبيرجع للعريس اذا طلعت البنت مومظبوطه بئى حاجه تحليلات وطعن بالاعراض ويلي بيشوف حالوموقد الحمل اوبخيل يضل عندامو افضل وعم تعلق منشان العرس وتئول تكاليف بلاطعمه مين البنت يلي مابتحب تعمل عرس حتى الارمله عم تعمل عرس فمابالك ببنت باول عمرها شايفتها امها ومومصدقه
-سوريا
Tahseen2012-09-20 17:59:13
NO NO
لحق حالك ونفود بريشك هيك عيلة بتقصر العمر اسماع مني مريت بنفس التجربة وياريتني تركت بوقتها كتير ندمان هلء بس صار عندي ولاد وما عاد فيني اترك
-سوريا
متفاعل غير متفائل2012-09-20 10:52:39
تابع
معن حق, فقيمة الخطيب تقدر مبدئياً بما يحمله من خضار (كالخيار مثلاً) وفواكه (كالموز) والحلويات (كالبرازق وأكياس الكعك والحلاوة بجبنة), وكم هو جميل منك كخطيب أن تكون مزوقاً جليباً للأغراض كريماً جخيخاً على بيت أهل عروستك الجديدة ...... والله قد بداً مكافأتك منذ الآن بهذه الحماة اللطيفة ...... فلا تضيع الفرصة من يدك ووفقت بخطبتك, ومبارك عليك الهناء الأبدي ياحاتم الطائي.
سوريا
alaa2012-09-20 10:56:50
إلى وحدة مغتربة
شو هالمنطق العجيب ويلي بيضحك بنفس الوقت يعني قيمة البنت ما بتجي الا من الهدايا و التقيلة كمان الله يعينك ع عقلك و يعين زوجك عليكي ملا منطق مادي ليش شو هيي بيعة و شروة
-سوريا
مجروح2012-09-20 08:55:34
الى مدام سوسو والمغتربة
انتو حكيكم حلوبس في شغلات انتو نسيانيها انو الاهل مجرد دخلو بين الشب والبنت مستحيل يظل الشب يحب اهل البنت ونفس الشي ازابلعكس انا برأيي الهدايا مو زات اهمية انا خطبت ولامرة بحياتها حماتي زعجتني بكلمة وعلماً كل 3 مشاوير لاخد هدية وانا كنت والله عم جربهم ازا شبعانين ولا لاء والحمد لله اليوم زوجتي عندها دهب 4مليون بقى الحياة والسعادةمابتنقاس بهداياوبفزلكة(كونو ام البنت مسيطرة نصيحة دروس امورك وانسحب بهدوءوالله لتندم كل عمرك على هلغلطة وبحاكيك عن تجارب(الحب مابيكفي وخود يلي بتحبك لاتاخديلي بتحبها
سوريا
باسل2012-09-20 08:20:43
إلى كل البنات
البنات هنا يقولون بأن الهدايا في فترة الخطبة هي ذكريات وتعبير عن الحب والكرم وتقدير لقيمة العروس وأن العروس لا دخل لها والأم هي التي تتحكم بها وتريد الأفضل لابنتها وكل تلك الأكاذيب المفضوحة لأن الحقيقة هي أن الأم عندما يطير عقلها بالعريس تحاول أن تكبله بقيد من حديد مع ابنتها وهو أن يصرف ما فوقه وما تحته من أجل هدايا ومناسبات وفي النهاية الطامة الكبرى هي أن يدفع مبالغ هائلة على حفلة العرس (دون مبرر) من أجل أن لا يستطيع التراجع في ليلة الدخلة إذا وجد عيباً في الفتاة لأنه دفع عليها دم قلبه !!!؟؟؟
-سوريا
رامي 2012-09-20 07:52:38
وجهة نظر
انا حبيت خطيبتي كتير ووعدتها اني اعمل جهدي اسعدها وهميها بحياتها بس للاسف امها ما تركتنا بحالنا طلبات ما بتخلص وحتى لو جبت هدية لخطيبتي لازم جيب هديه لحماتي كمان اتحملت ليوم عيد ميلادي .... خبرت خطيبتي انو بكرة عيد ميلادي ..اتخيل ما حدا منن عايدني ولو بمسج عالموبايل اخر الليل بعتتلها مسج بالانفصال وتركنا بعض ولسا لهلئ عم دور ع بنت الحلال .....
سوريا
مجمد2012-09-19 23:02:21
تمهل ....
أخي الكريم ... الانفصال لا يجب أن يكون بالسهولة التي تعتقد وخاصةً إذا كنت تحبها وتحبك , لكن يعاني أحياناً بعض الشباب والفتيات بالتحكم الزائد من أهلهم في حياتهم , أنا برأيي عليك أن تتفاهم مع خطيبتك وأن تفهمها ولو بشكل غير مباشر أن العلاقة بين أي اثنين لا يجب أن يتحكم بها أي أحد مهما كان , وأن العلاقة لا تقاس بالمادة بل هي أرقى من ذلك بكثير . أتمنى أن تلقى تجاوباً لكن أرجوك لا تقرر أن تنفصل إلا بعد أن تفكر طويلاً ... أتمنى لك حياة سعيدة
سوريا
وحدة مغتربة2012-09-19 22:07:58
الى السيد alaa
شلون اللي شبعانة ببيت اهلها مابيهمها الهدايا؟؟ اي هي اللي بيهمها!! اللي متعودة على العز والاصول بتعرف انو في هدايا بتنجاب بالخطبة وبتعرف انو العروس لازم يكون إلها قيمة عند العريس لانو البنت مستورة ومدللة ع اهلها مو بدها سترة مثل ماعبرت!!ولا بس العريس شاطر يدور ع بنت شبعانةع قوله منوفر هدايا!!
-سوريا
وحدة 2012-09-19 22:01:53
الى السيد محمد
والله .. الله يعين الخطيبة عليك .. لكان بتمشيها.. بباقة ورد .. اي شو الشغلة تمشاية ولا هدية طالعة من قلبك!!! بالله شو بدها يضل عندها من ذكريات ايام الخطبة ..ورد يابس !!
-سوريا
سوسو 2012-09-19 21:12:19
كلامك صح يامغتربه
الرجال مابيشوفوتصرفات امهاتهم عادي اذا ام العريس ترفض طلبات اهل العروس وتحاول تبين انومصير بنات الناس معلق بابنها انا بعدزواجي ماشفت شيئ منيح من حماتي ولما بتجي عندي بس لتراقب وعمرها ماجابت لاولادي شيئ ولابتفكر تاخدهم عندها يوم واحدوتريحني منهم وبتطلب من زوجي مصاري من غير علمي بس تزورنابحس بالمرض والتعب من نظراتها واسئلتها امي بتساعدني بشغل البيت وبتاخداودلاي معها بتريحني منهم وشيئ اكيداذا الام شايفه غلط من حقها تنبه بنتها ولابس امالزوج من حقها تحرض وترافب وتاخدمصاري
-سوريا
محمد2012-09-19 18:40:53
نفود بريشك
هدول جماعة مادييين ورح تتعذب معهن كتير ولو صار زواج مات رح تستمرو لذلك انا براي تخلص من هالورطة قبل فوات الاوان انا شخصيا خاطب من 8 شهور وخطيبتي واهلا ما بلمحو لشي ابدن انا باخد على كيفي ووقت ما بدي وكتر اوقات بمشيها بباقة ورد بس وبالعكس هني كتير بدلللوني وبيضيفوني مع انو احوالهم كتير عادية بس هدول جماعة بدهن السترة مو متل الجماعة يلي منحكي عنهن
سوريا
محمد من السعودية2012-09-19 17:50:00
سألني إلي
سبحان الله يا أخي أنا صار معي نفس الي عم يصير معك وكانت النتيجة كارثة لاني استمريت مع اننا كنا نحب بعض ولكن عندما يتعلق الموضوع بامال كان الموضوع مختلف وما كان عندهم اي مشكلة يدخلوني بمشاكل ومحاكم بعد زواجنا.يا أخي الزواج بدو رواق وتفهم لانو الحياة مو سهلة.الحمد لله الان انا متزوج من جديد من بنت عائلة محترمة وكان طلبهم هو ابن الحلال عن جد والموضوع مختلف جدا والحمد لله. نصيحتي ان تفكر بالموضوع بشكل جدي لان الفشل في الزواج يسبب جرح كبير ولا ينسى بسهولة. لا تنسى ان تستخير الله بكل شي.
سوريا
سوسو 2012-09-19 16:07:22
حاجه تلومو الاهل
ولك النسوان ببلدنا مابيرحمو بيحرجو الاموبيسألوها عن كل التفاصيل ولك حتى العرس بيروحو عليه تاني يبوم بيعملو جلسه منشان التعليقات ومهما كان العرس حلو ومرتب ومكلف بيضل عندهم انتقادات للعروس وفستانها ومن وين جبتوه واي صالون رحتوعليه وشواخد ولبسهاالعريس دهب بالعرس والاكل موكتير الام بضل عايشه على اعصابها حتى تصير البنت بيت زوجها لااحدا يلوم الام لانها بتوقع غالبا تحت ضغط نفسي من الجيران والطلبات من العريس لاتعني انوالاهل موشبعانين يعني مومعقول اهل يئولو للعريس مابدنا منك شيئ وكأنوبنتهم عاله عليهم
-سوريا
سوسو2012-09-19 15:44:48
رد الى alaa
انا شوئلت حتى تئولي انوكلامي بلاطعمه يمكن البنت مافيها تخالف اهلها بفترة الخطبه من حق الام تخاف على مصلحة بنتها ومن حقها تضمنلها رجال مايكون بخيل يلي بيحب بنت مابيوقف عندهديه مهما كان تمنها لان ماعم يهدي وحده غريبه انا بوضعي لما تزوجت كان عمري 17 سنه واهلي ماكان بدهم يزوجوني بهل عمر وزوجي كان يحبني كتير ونفذكل طلبات امي ليتم العرس بعدها ماعادتدخلت بحياتي لان بتشوف موناقصني شيئ النسوان ببلدنا بيحرجو الام وبيسألوهاوكل وحده بتتباهى بعريس بنتها اكيدالام بيصير عندها غيره وردت فعل لتسكر تم النسوان
-سوريا
وحدة مغتربة 2012-09-19 14:56:34
مابعرف ليش الشباب اكلين هم ام البنت!!
على أساس ام الشب ياحرام مابتساوي شي ولابتدخل!! موهي عطول بتنزل نق بالعريس لا تجيبلها ولا تجلقهاولوين اخدهاوهيك بيكفي ولسا هديك المرة جبت وليش ماعزموك عالعذااو العشا.. ماعدا الحركشات اللي بتحركشها ادام البنت عيني عينك. اي حماتي بشراء الدهب تبعي طلعلها قطعةالها كمان... ههه ولابدكن اهل البنت مايفتحوا تمن بالمرة ويعطوا بنتن هيك.. وقتها بيكونوا الشباب مبسوطين !!
-سوريا
nasser2012-09-19 14:54:35
نصيحة
نصيحة اخوية متل ما قالوا لك الشباب نفود بجلدك
سوريا
sasoky2012-09-19 14:50:41
بسيطة
لاعاد تاخود معك شي وإزا بيحبوك لشخصك ببين معك دغري وإزا بيحبو جيبتك شوطون
سوريا
شاهر2012-09-19 13:52:32
نفس التجربة .. حسبي الله ونعم الوكيل
لك أااااااااااااااااخ .. صاحب التعليق باسم "مجرب" حسيتو عم يحكي عني مو عن حالو ... حسيتك انت انا .. لانو مشكلتي كانت نفس المشكلة وطلقت بسبب مادية حماتي .. الامر يلي صار يزداد بإطراد بعد الزواج .. يلي بيهتم بالبداية بالماديات ما لح يتغير بعدين .. ويلي بقلك بعد الزواج مرتك بتصير من طباعك .. وبتوقف معك لا تصدق حتى لو كانت بتحبك .. لانو لو كانت بتحبك صحيح وشاريتك ما كانت رضيت بالتصرفات يلي عم تصير
-سوريا
alaa2012-09-19 12:00:35
ست سوسو
ست سوسو ياريت حكي بلا طعمة يلي شبعانة ببيت اهلها ما بتعمل هيك و يلي بدا تنستر ما بيهمها لا هدايا ولا غيرو
-سوريا
منذر2012-09-19 11:50:31
أهرب بجلدك
طالما أنك تسأل عن حل فهذا يعني:أولا أنك مدرك أن ثمة مشكلة فعلا، وثانيا أن الحب لهذه الفناة بدأ يتزعزع وأنت تبحث عن من يدعمك في قرار الانفصال عنها، لذا لا تتلكأ. اهرب بجلدك.
-سوريا
باسل الأصلي2012-09-19 10:56:08
إلى صاحب المشكلة
الهل بيطلبوا لبنتهم زيادة لأنهم بيشوفوها بتستاهل..حتى لو أنت شايف غير هيك و بيختبروا العريس اذا شاري البنت و لا لأ..طبعا هالأسلوب مو كتير صح...اذا بتحبها احكي مع أهلها بشكل واضح و بحدود قدرتك...هنن بيقولوا اللي بقلبهم و انت بتحكي اللبقلبك..بيجوز هنن عم يحاولوا يعدلوا بينها و بين قريباتها و ما تكون أقل منهم..و بيجوز يكونوا طماعين...ما الك غير أنه تواجههم بقدرتك...يا بتقنعهم يا بيقنعوك ياأما الله يغني كل من فضله..
-سوريا
سامر2012-09-19 10:07:44
انا رأيي من رأي "سورية"
شوف صاحبة التعليق "سورية" اديش حكيها اكابر ومحترم، وبيدل انها من عيلة محترمة وشبعانة، هيك عالم دور عليون وخطوب من عندون، مو تغلط نفس غلطتي ، والله يلي بتبلش معك قبل الزواج هيك بتصرعك بعد الزواج لسا على شغلات اكتر، انا مغترب كمان واخر الفنات انو حماتي كانت عم تحشي براس بنتها انو انا لازم كل ما بدها تجي تزورها لازم ادفعلها كرت الطيارة رغم انو حالتون المادية فوق الريح وحماتي عندها قصور .. بس يلي عينو جوعانة ومو شبعان ببيت اهلو ما بيستحي ,وبيضل يطلب ويطلب ، هيك حتى خربت علينا عيشتنا واطلقنا
-سوريا
amr2012-09-19 08:54:40
انا بعكسك للأسف
انا خاطب ولما صرت كتر هدايا صاروا يفهمو الموضوع بالعكس اهل الخطيبة.....اما هي فعادي مابتطلب شي فوق المعقول...بس انا صار في معد اعرف شو اعمل لاهيك خلصان ولا هيك خلصان
-سوريا
مجرب2012-09-19 06:55:39
صار معي نفس الشي
اوعا ثم اوعا ثم اوعا. لا تسمع كل مين يقلك طول بالك وكبر عقلك وما بعرف شو. هادا طبع رح يزداد كتير بعد الزواج. انا صار معي نفس الشي وطلقت واتشردت الطفلة بسبب طمع حماتي السابقة وماديتها. المشكلة مو كتر الطلبات المشكلة انو الأهل الماديين بعكرو الحياة وبتصير جهنم رسمي. ما بيفرحو غير بالهدية وهادا شي معناه انو ما بحبوك والأهم هو يلي اكتشفتو انا وهو انو يلي بيشتري مصاريك بيبيعك بيوم اسود. نصيحة لوجه الله ما بعرفك ولا بعرف مرتك بس احذر ثم احذر ثم احذر وهروب احسنلك
-سوريا
سورية2012-09-19 01:13:33
فك الخطبة احسنلك يا اخي
ليك يا ابن الحلال انا انخطبت ستة. اشهر وللعلم خطيبي مهندس بالخليج  وخلال هل فترة ماجبلي شي سافر وجمع مصاري وبعتلي لعندو طلعني واعملت حفلة اصغيرة ببيت اهلي وهاد كان راي امي والحمد لله عايشة عندو ملكة مو منقص علي شي وبحب امي خير الله قبل ماتخطب اطلع بام العروس سأل عنها الام اهم من البنت
-سوريا
يوسف2012-09-19 00:09:26
تكساس
هروب عالسريع !!!
-الولايات المتحدة
سوسو 2012-09-18 21:53:55
يمكن خطبيبتك مظلومه ومغلوب على امرها
اثناء الخطبه شيئ طبيعي انوالام تطلب يلي بدها ياه منشان بنتها حتى الهدايابنظرها بتعبر عن محبة الشاب لبنتها شولمانع تجبلها هدايا غاليه ولادهب متل العالم والناس ولامهر يرضي امهااذامقتنع فيها شريكة حياتك انا لما تزوجت امي هلكت زوجي من الطلبات انا ماكان الي علاقه بالموضوع ولابتمنى تطلب منو ولاكنت اتجرأناقشهازوجي كان بيعهرف انوهمي انونعمل العرس ونخلص منشان هيك كان يسايرها يمكن خطبيتك مظلومه امها مسيطره عليها بعدالزواج بتحس باستقلاليتها ومابتخلي امها تدخل بحياتها
-سوريا
MHD2012-09-18 22:07:09
لهلئ ما قحطلها
عل السريع ئحطلا بدون أي تردد - و الله انا كنت خاطب و كانو يقولولي لحنا ما مندقق عل الهدايا و بعدين صارو يحكو عليي إزا قصرت و بعدين طلعت الخبايا و المصايب يا حبيب هي البداية من هيك مواضيع و بعدين بتتوسع - خلص فساخ و الله بيعوضك بأحسن أحسن ما تندم.
سوريا
ابن الميدان2012-09-18 21:55:52
ولساتك عم تسأل كمان
السلام عليكم من البديهي والطبيعي عدم الاستمرار مع فتاة مثل هذه لانها من عائلة جوعانةوالجوعان لايشبع مهماجلبت له ولاتقل لي تحبها لانها لوكانت تحبك لاتسمح لامها بالتدخل في حياتكم ونصيحة ان تتركها وتبحث عن امرأة اذا غبت عنها صانتك واذا امرتها اطاعتك واذا نظرت اليها اسرتك
-سوريا
وحدة أكلتها2012-09-18 15:41:31
لاتتسرعوا بالحكم
وقت انخطبت كان خطيبي قليل يجيب هدايا وحتى وقت يجيب فهي غير ذات ثمن وكان يتحجج ان الهدية معنى وليست ثمن والفكرة بالتذكار والخ.. وطبعا كانت والدتي تعلق ولا تتحمل من خوفها على مستقبلي .وباعتباري شبعانة عند اهلي ومتعلمة واعمل ما أخدت بالمظاهر ولا برأي امي والحقيقة أن زوجي بخيل وليس فقط مادياً بل عاطفياً وجسديا واجتماعياً.لأن البخيل بخيل بكل شيء.الاهل دوما لهم خبرة والضغط على العريس ليس فراغاً بل لأنهم شافواالحياة ويخافون على ابنتهم في ايدي لاتساهلها
-سوريا
بكرا تندم يا جميل2012-09-18 13:32:17
أوعى معلم
قلع عالسريع... بكرا بروح الحب و بتصفى سعرك بسعر يلي بجيبتك ... شايفتك أمها مطبعة عملة، الله يبعتلك أحسن منها :) مافي أحلى من أنو تجبلها هدية منك أنت من قلبك شو ما كلفت و مافي أبشع من أنك تحس حالك ملزم تجيب شي مالو طالع من قلبك. الهدية من القلب حبيب مو من الجيبة.
-سوريا
شب مغترب2012-09-18 13:23:53
مداخلة و أرجو النشر
لك يا ريت في بنات بهل البلد ينفت عليهم مصاري..كلو اشباه نساء و جمال وسط و اقل من ذلك..لك حمدو ربكون لي في حدا عم يتجوزكم..في بنات بغير دول بتدفع للشب مشان يتزوجها و بتكون حياتهون كلها مشاركة.
-سوريا
عمر2012-09-18 13:10:32
افصل الخطبة
معاناتك نفس معاناتي سابقاً .. زوجتي بتسمع كلمة امها حرفياً وبتخاف منها خوف شديد .. وهاد الشي خربلنان حياتنا .. أمها كانت مادية وما تعطي قيمة غير للهدايا يلي جيببها .. وشو بشتري وشو بجيب .. ضليت بهي العلاقة يلي ارهقتني لمدة 3 سنين واخرتها انتهت بالطلاق لأنو الموضوع بيكبر اكتر واكتر، وما بتوقف الشغلة بس على الهداية .. نصيحتي الك .. انت لساتك ببداية الطريق ، اعتذر من اولها وقلون ما في نصيب .. المرأة يلي بهمها رضا أمها قبل رضا زوجها ليس فيها خير
-سوريا
ربان السفينة الضائعة2012-09-18 12:54:46
ما سمعت
ألف قلبة ولا غلبة ، هي الناس مريضين نفسيا ومحرومين من النعمة وبالأخير لما بيجي العريس بيصير أولاد الباشا ، ألعها لأنو المكتوب مبين من العنوان وأصحك تقول بعد الزواج بتزبط ... هدا الحكي مغلوط تماما لأنو العكس هوة الصحيح وبالنهاية بوقع الفاس بالراس و بيصير الطلاق وبتدفع يلي فوقك وتحتك من شان الحب ، حكم عقلك أولا و أخيرا
-سوريا
ياسر2012-09-18 12:16:00
حل الأمور من الآن
عليك بحل هذه الأمور من الآن بفترة الخطبة فان رضيت بالوضع الذي تعيشه بفترة الخطبة فنك ستعيشه مجبرا بعد الزواج او يحدث الطلاق بعد الزواج لا سمح الله والترك بفترة الخطبة اهون بالف مرة من الطلاق بعد الزواج عشت نفس تجربتك هذه في خطبة لي واستمرت الخطبة لمدة سنة ولكن والحمد الله انفصلت عنها قبل الزواج وانا الآن متزوج من غيرها واعيش اسعد ايام حياتي معها فهي ان كانت تحبك وتريد ان تعيش حياة كريمة معك فانها لا تبحث معك عن الأمور المادية بالعكس فواجبها ان تصون لك ماللك وتتدخره لأيامكم القادمة
سوريا
اسئل مجرب2012-09-18 12:15:52
جوابي كلا
اتركها و ارتاح و ما بدا خطا يبقى خطا و لن تستطيع تغيير عاداتهاو عادات اهلها اصلا فترة الخطبه للتعارف و كشف العيوبv
-سوريا
مجرب سابق2012-09-18 11:49:45
اوعك يامعلم اهرب بجلدك
انا عانيت من بنت بنفس مواصفات خطيبتك وبنفس وضعها وبالنهاية اكتشفت انو الموضوع مادي بحت ، خيي خود بنت شباعنة ببيت اهلها والله مالك مصلحة انفد بجلدك بكرا لو شعلت اصابعك العشرة مابيعجبهم
-سوريا
ahmad2012-09-18 11:34:20
لأ لا تكمل
كانت مرتي تقللي أيام الخطبة (لا تجبلي هدايا كمان ولا تغليها، بكرا منحتاج أنا وياك هالمصاري بشي أهم وبالآخير كلو لح يضل إلى وإلك) صرلي متزوج 3 سنين والحمد له رب العالمين
-سوريا
خبير بنات2012-09-18 11:26:43
نصيحة مجرب
عزيزي صاحب المشكلة كون البنت متأثرة كتير بأمها وعم يتطلبو كتير اعرف أنو البنت ضعيفة الشخصية قدام الأم والأم متمردة صدقني رح تتعب كتير كتير بهالجوازة بلالك اياها لأنو اللي عم يصير واحد من تنين اماالبنت بتحبك عن جد بس شخصيتها ضعيفة قدام أمها أو هي متل أمها ما بتحبك وانما طمعانة فيك وتفكيرها مادي وبكل الأحوال هالوضع ما رح يكون مريح إلك وما مشان هيك الناس بتتجوز وصدقني البنات على قفا مين يشيل بس انت اعرف اختار
-سوريا
واحد غلط 2012-09-18 11:14:03
ما بدي حدا يغلط متلي
شوف يا حبيب, من هلأ اعتذر و نفود بريشك لأنو هالبنت ما بتحبك و بدا تعزبك كتير و دخلك ب 100 حيط بعد الزواج, و امها لحالها مصيبة تانية, خيرها بغيرا
-سوريا
A H M A D2012-09-18 11:10:47
نصيحة
مشوارك لسا ما بلش وهالمعطيات اللي قدمتا ما بتبشر بالخير ولا بتخليك ترتاح كل عمرك لذلك خيلها لامها تدلل فيها على كيفا يعني خليها تودع المونديال
-سوريا
هبفاء2012-09-18 10:34:38
الحب لا يكفي
يا عزيزي اكيد الحب لا يكفي للاستمرار. نحن لا نعرف ان كان ما تقول صحيح ام لا. فاحيانا الحساسيه الزائدة من آهل العريس تجعلهم يتخيلون أن ام الفتاه متسلطة و ربما لا ينتبهون أنها أم و حريصه على ابنتها مثل حرص والدتك عليك و اكيد تدخلها بتفاصيلكم.و من ناحيه الامور الماديه ربما اهل الفتاه يخافون أن تكون بخيل فاحيانا الهدايا و نوعيتها تعطي دلالات عما ستعانيه معك في المستقبل... ربما من الافضل ان تترك الفتاة لتجد شخص يقدرها بعيدا عن الاحكام المسبقة
-سوريا
Yossi2012-09-18 10:34:26
الجواب السريع
بسيطة لحشها بخلقة أهلا ودور على غيرها
سوريا
باز2012-09-18 10:29:45
بلاها احسن
اول الرقص حنجله لسه ياما حتشوف بعد الزواج , اصلا هي لو بتحبك ما كانت اهتمت بقيمة الهديه مجرد ورده حمره بتلاقيها منك قد الدنيا
أستراليا
طارق2012-09-18 10:13:56
مجرب
نصيحة مني فوراً لا تكمل بهي الجوازة .. اتكل على الله وتركها والله بعوضك إنشاء الله خيراً منها .. انا حالتي كانت تماماً متل حالتك .. للآسف لكني كملت وتزوجت ... وحالياً ندمان جداً .. كنت فكر انو مرتي بعد الجواز لح تنسى هي القصص وتقدر معنى الحياة والمعيشة معي .. لكن للآسف ، أي كلمة بتقلها ياها امها تعتبر مقدسة .. وبتقيس اي شي بقدملها ياه بالليرة ، وبتقيس كلشي بشكل عام بشو عم اشتريلها وشو عم اصرف عليها ووين عم اخدها مشواير، من ورا أمها المادية انتزعت علاقتنا وبالاخير تطلقنا :(
-سوريا
فادي دردري2012-09-18 10:09:08
من مجرب
حبيبي نصيحة و من الآخر, ما الك الا انك تتناقش معها و تحكيلها ياللي ببالك, انك اذا اليوم عرفت تجيب هدايا بكرة الظروف يمكن ما تسمح,و انك ما بتقبل بتدخل حدا من أهلك او اهلها بيناتكم, و أول شي الها ياه, انا و انتي عالزمن و لا انتي و الزمن علي, اذا ما طرق تغيير بعد ما تكلمها, نصيحة مني مالك مصلحة بنوب, و احمد ربك انها لسة مو زوجتك او بيناتكم ولاد
-الكويت
رولا2012-09-18 09:45:07
لا تعقد الأمور
كون صريح وواضح بس بادب و يلي عجبو اهلا و سهلا و يلي ما بيناسبو براحتو قول للجماعة ظروفي 1 2 3 و ما فيني عأكتر من هيك و بصرف على أدي واخترت بنت من توبي لحتى ما اتعجز بالطلبات بس ازا انتو راسمين لبنتكون مستقبل ما بتناسبو امكاناتي فموفقين انا ما بناسبكون..بمجتمعنا الزواج مو بس بنت و شب الزواج نسب و عائلات انت ماعم تاخد من الحزمة عود الشغلةfull package و الحب ما بكفي لتعمل زواج سعيد و يستمر think twice a bout it
-سوريا
Alaa2012-09-18 09:02:50
زواج
اذا بتحبا اتحمل شوي لحتى تتزوج وبس تصير عندك حدد علاقتها مع اهلها بس بنور الله ماتقطعها عنون حرام
سوريا
ابو يزن 2012-09-18 08:52:23
خليها عند اهلها
للأسف تحول تزويج البنات هذه الايام الى تجاره الاهل كمن يبيع ابنته البعض يقول انه يريد ن يؤمن على مستقبل ابنته وكأنها سو تطلق بعد غد على الاهل التخفيف من طلباتهم اذا كان يسعون للستر
سوريا
مغترب2012-09-18 08:31:37
اكيد تركها
اخي الكريم اول شي بيقول المتل الف قلبة ولا غلبة، كل البنات بيحبو يتدللو بفترة الخطبة، بس احيانا بيكون في طلبات مو مقبولة وبتخليك تعرف شو رح يصير معك بالمستقبل، اهم شي بالزواج طبعا بعد الاتفاق مع البنت هو امها، اذا امها من النوع يلي ذكرتو اكيد مارح تكون مرتاح بحياتك. انا ماعم نظر عليك انا مريت بهيك تجربة، وتركت البنت، واخدت غيرها وهلا دائما بقول الحمد لله يلي ما اخدتها لانو مارح كون مرتاح معها الله يخترلك الخير تحياتي
-سوريا
مجرب2012-09-18 07:49:14
نصيحة مجرب
اسمع مني يا أخي نصيحة مجرب لانو أنا مريت بمواقف مشابهة و الحمد الله اني حطيت حد و انسحبت لانو هيك عائلة و هيك ام رح تعوفك عيشتك و اذا من البداية عم يعملو هيك معناتو الي جاي أسوء لانو على القليلة ايام الخطبة بيكونو خجلانين شوي او عم يفرجو الجانب الكويس بس يبدو هدول من البداية ماديين
-سوريا
زهقان2012-09-18 07:21:27
تفكيرك صح
للأسف صارت العالم كلها مادية وبتنباع وبتنشرى بالفلوس انعدمت الاخلاق الكل عم بدور عالمصاري يا اخي هيك عيلة رح تجبلك وجع الراس وانت جاوبت لحالك الله يعوضك بأحسن منهم
-سوريا
أبو مهنا2012-09-18 03:40:24
تزوجها وبعدين علمها على كيفك
اقطع راس القط من اول ليله انت تجوزها وبس تصير عندك ربيها على كيفك وأهم شي لاتكثر مشاوير على أمها يعني بالشهر مره تروح معك وترجع معك منشان أمها ماتعبي راس بنتها
سوريا
sabah2012-09-18 03:19:48
?
معك حق تسميها مشكله،بس كمان إذا تركت وفسخت الخطبه ما رح تكون ضامن الخطبه الجايه كيف رح تكون والظروف يمكن تكون على أصعب . أحكي مع البنت حديث جاد و على أساسه احسم أمرك ،أغلب المشاكل الزوجيه بالمجتمع العربي بتصير بسبب خجل العريس أيام الخطبه وعدم وضع النقاط عالحروف بكل المواضيع .الخجل والعاطفه والتقاليدالتافهة هيي اللي بتحكم هيك فترة,وبعدالزواج بكون العريس قلبه مليان وواصله معه للاخر من أهل عروسته ومن عروسته كمان.خليك واضح وصريح وأعمل اللي بريحك
-فنزويلا