صرنا تنتين ... وأنا كمان ما مقتنعة لا بدراستي ولا بشغلي !!! ومليت من كل شي

أنا كمان عملت ماجستر باوروبا بعد التلاتين وساعدني بالحصول على عمل كتير منيح. أنا برأيي أهم شي تختاري اللي بتحبي تدرسيه بس بنفس الوقت كوني ذكية بالاختيار يعني اختاري شي مطلوب ومافي شي مستحيل

للأسف ما لك موضحة شو الفرع اللي درستيه بالجامعة و شو التخصص اللي بدك تدرسيه هلق و لا اذا كانت شهادتك الثانوية بتسمحلك تدرسي اللي بدك ياه و لا بدك تعيدي البكالوريا؟؟!؟! الدراسة دائما مفيدة اذا عندك الوقت (4-5 سنين) و وضعك المالي بيتحمل... غير هيك ادرسي اكتر بالفرع اللي اخترتيه على الأقل عم تتطوري بنفس الاتجاه اللي بلشتي فيه...مو غلط تبدي بشي جديد بس الموضوع صعب كتير و بدك تضحي لتوصلي...و لما بتخلصي دراستك و بتتخرجي راح يزاحموك الخريجين الجدد على فرص العمل و هنن أصغر...ادرسي خطوتك منيح

عودي, ليش لأ ...... في أجمل من الدراسة ولاتنسي إنو من طلب العلالي سهر الليالي ...... بتعرفي شو؟ هففتيلي نفسي لحل شي مسألة فيزيا, أو احفظلي شي درس تاريخ.

روحي تجوزي لأنو العمر عميركد

وأنا كمان عم فكر أرجع أدرس بس يا ترى لسى في صبر على الدراسة والمناهج تغيرت والطالب الي بسنته عم يدفع بقرة جحى نوطات وأسئلة ودورات بصراحة الدراسة بدها مصاري مو بس إرادة إذا تحقق لديك الشرطين فليش لأ إدرسي وكملي عملك بس لا تتركيه أبداً

اذا قادرة تدرسي وعندك الأمكانيات فورا نفذي . لأنو رح تعيشي كل عمرك عم تفكري بهل الشي .هيك صار معي .الحياة مانها يوم ويومين الحياة طويلة

خليني صادق معك .. أنا عمأعمل الماجستير وأنا بعد التلاتين, شدي همتك ,ولا قولك تعي نتجوز وبسمحلك تدرسي .... هلأ عنجد بدك ترجعي تدرسي ...ولي عليي ..

الواقع شي والحلم شي نص احلامنا ما تحقق مو بتقصير مننا بس بسبب الواقع بجي واحد بقلك اشتغل عاهدافك بتحقق بالعزيمة طيب انا كنت بحلم كون دكتور بالهندسة من المانيا بس شو بعمل اذا مامعي او مع اهلي اجرة تكسي مو تكت طيارة ومعيشة ببلاد برا بدها ملايين ليتحقق هالحلم ومافي قروش منها والبعثة طارت بسبب هالايام والي ناطر هالبعثة ثلاث سنوات

دراسة فرع الطب البشري على سبيل المثال تختلف عن عملك كطبيب بعدين، لانه هناك تنوع في مواد الدراسة وتنوع في الحياة اليومية كطالب،هناك زملاء ونشاطات ثقافية ورياضية، بينما الحياة اليومية كطبيب داخلية مثلا تصبح مع الزمن مملة وسطحية إلا إذا كان الطبيب يواكب التطورات في مجاله ويشارك في مؤتمرات للبحث العلمى الخ لكي تكونى متأكدة أكثر من أن الوظيفة بعد دراسة الفرع العلمي أو في مجال الصحة عليك ان تراقبى جيدا الحياة اليومية لك في هذه الوظيفة، اي عليك معرفة طبيعة العمل، يعنى كيف رح يكون يومك بهالعمل

أنت ماعندك أي مشكلة!حابة تعملي شي ابدئي وفورا مافي داعي للإنتظار خاصة اذا كنت برة سوريا أما لو كنت عايشة بسوريا بحب أقلك هلأ مو وقت دراسة لأنو متل مو شايفة وضع الجامعات مرة تأجيل ومرة الغاء وماعاد في مواعيد ثابته وكل شي تلخبط والاتصالات فجأة بتقطع وما بنعرف لايمت حترجع ومشاكل بقطع المي وكهرباااا..........الخ المهم تأخدي قرارك وأول ما تسمح الظروف تبدئي بالتنفيذ .. ناس كتيرين بتكون هالفكرة ببالهم لسنين بس ما بيملكوا الجرأة ليبدؤا بالدراسة مع أنهم لو قرروا بسرعه كانوا اتخرجوا وحققوا طموحهم

عزيزتي لا شيء اروع من تحقيق الحلم ولا تترددي واعزمي امرك وهذا ما ارجوه لنفسي ولكن الظروف حالت الى الان دون ذلك فادعي لي بتحقيق حلمي

يمكن هي الحالة الي بتحكي عنها بعيشهابكل لحظة انا بشتغل بصيدلية من عدة سنوات وبشعر ان هاد مكاني ويمكن اذاضليت بشغلي طوال النهار بكون بقمة السعادة بس مع هيك بشعرأن بينقصي شي يمكن الظروف كانت اقوى من أني تابع دراسة وأدخل فرع بحلم فيه وهو بعكس طبيعة شغلي لانه فرع ادبي وبفكر كتير ادرس وانا متابعة شغلي وقتها بشعر أني رضيانة عن نفسي وان عملت الشيء الي رح يخليني كون أنا

صديقتي امشي وراء حلمك وطموحك إذا كان بمقدورك ولا تسمعي لكلام المثبطين.. أجمل شيء بالحياة إنك تشتغل بالشغلة اللي إنت بتحبها وشغوف فيها.. بس لازم بنفس الوقت تحطي ببالك إنه في مصاعب كتير ولازم تكوني على قدر التحدي وما تخلي اليأس والإحباط ينال منك بأول الطريق

أنا طالب عمري 45 سنة قررت اعمل دكتوراه بالكيمياء بعد هالعمر و أنا حالياً كتير مبسوط و أموري ممتازة و اخنتلفت حياتي كتير خاصة بعد النجاح اللي عملتو بالبحث تبعي لذلك بقلك كلمة وحدة شافية: إذا غامرت في شرف مروم فلا تقنع بما دون النجوم.... تابعي الفرع اللي بدك ياه و أنت الربحانة على الأقل بنظر نفسك راح تصيري ثمينة جداً بغض النظر عن آراء الآخرين.. بالتوفيق جدا.. و الله يكون معك .. وحظاً جيداً..

و الله يا انستي الناس عم تحلم بوظيفه و استقرار عا اساس مو حابه هالوظيفه و الناس عم تدفع الاخضر و اليابس و ماعم تلاقي وظيفه و انتي عم تتدللي . فيكي تابعي تدراسه و بلا بطر و خليكي بهالوظيفه

Would you please send me a private message to discuss the matter Best Regards

بصراحة كأنك بحاجة لعلاقة عاطفية تعطيكي استقرار ...لأن النجاح العملي غير مرتبط بنوع الدراسة ,على اي حال مابيمنع ترجعي تدرسي ,بس هادا الشي لازم ما يوقف الأمور التانية بحياتك من استقرار مادي وعاطفي ... لأنك رح تكوني عمتكدبي على حالك بهيك حالة ... بس هلأ عنجد بدك ترجعي تدرسي ... ولي على عيونك ؟؟؟؟؟؟

go ahead

اشتغلي و ادرسي و حققي يلي بتتمنيه احلامنا ازا نحنا ما حققناها و ما ركدنا وراها ما حدا بيحققلنا ياها

الموضوع سهل كتير وبسيط ، اعملي اللي بريحك واللي بتقدري عليه .أنا مو شايفه في مشكله .فيكي تضلي بوظيفتك وتكملي دراستك ، وفيكي تتركي إذا مو بحاجه للوظيفه وتتفرغي للدراسه ..بتمنالك التوفيق