ياريت الانسان يقدر ينسى او يقدر يمحي من ذاكرته مشاهد محددة من التي مرت في حياته او يقدر يغير من نفسه وعاداته وتقاليده ياريت

ست سنين فترة كافية لحتى تتطور شخصيتها وتنضج، وبجوز هي كمان ما كانت حاسستك شخص جدي وهذا سبب تصرفاتها "المولدنة"، فاذا لسه بتحبها ممكن تنسى يلي بدر منهاوتفتح صفحة جديدة وتخطبها وتدرس شخصيتها وكتير سهل تعرف اذا تخلصت من ولدنتهاواذا كانت بتحبك عنجد، اما اذا كنت مشروع عريس بالنسبة الها فساعتها ما بنصحك ترتبط فيها.

بتعرف أنك ما بتستاهل هي البنت لأنها وقت قررت ترتبط رجعت لعندك وطالما حسب ما بتقول انها كانت مراهقة وعم تلعب بمشاعرك فيهني أنها كانت صغيرة وأكيد كان صاحللها كثير ووقت قررت ترتبط رجعت لعندك المشكلة الشباب ما بيقدرو البنت يالي بتبدأ بعرقة بدهن هن يركضوا وراها لحتى تعجبهن

ما ألعنا هالبنت ...

هلأ انت اكيد محتار ومع الوقت رح توقع بنوعين من الندم الاول ( الندم انك تزوجتها اذا صارت مشاكل بينك وبينها بس ممكن نتحل) والندم التاني ( انك بعدت عنها اذا بتحبها وما تزوجتها ويمكن وقتها بيكون فات الاوان) فشوف داخل نفسك اي ندم رح تخاف منو اكتر ندم وانت معها ولا ندم وانت بعيد عنها اسأل قلبك وعقلك وقرر .. الله يخترلك ويختار الها الاحسن ... :):)

حسب رسالتك ما في شي بيربطكم مع بعض و حسب ما حسيت من رسالتك انه انت مستعجل بدك تاخد قرار... نصيحتي الك خود نفس و طول بالك لانه ما في شي مطلوب منك...بعد ما تروق اذا حسيت حالك رايدها و هي احسن شي ممكن تشوفه ابقى اخطبها و شوف شلون تغيرت و لا لساتها ملعبة و بعدين بتكمل الخطبة او بتفك....أهم شي انت مالك ملزم تعمل خطوة لانه كل واحد فيكم لساته على بر...

يا عمو قال اذا بتحبها وبتحبك ....يا سلام! مهو هون المشكلة واضح انو صاحب المشكلة بحبها للبنت و مشان هيك لسه عم يفكر بالموضوع وشايفها مشكلة القصة عند البنت مو الشب انو هلق صاري بدها ياه يمكن لانو كان لعب ولاد او في حدا تركها او انوالجازة من هل الشب هو نوع من التعامل مع الواقع-كبر عقلها على قولتك -وهاد هو المتاح. عادي كتير بنات بمجتمعنا بفكروا بهل طريقة

ياخي نصيحة تركها الانو اذا ماعم تنسى الي صار معك وفي حقد دفين فرحتكون البداية هي النهاية ورحتعيش في مزيج مشاعر ومانك مضطر الواحد بيتجوز ليستقر ويرتاح مو حتى يبدا معاناة وتعب مشان شو ماحدا مستاهل

صديقي مالك مطر تروح لعندا حدا لعب ب مشاعرك واذاك ب وقت كانت الفرص ادامو كتيره وطباع الناس صعب ما تتغير يعني واسف لهل الكمله بس لو لقت شخص احسن بجوز مادياً او بنواحي تانيه من الناس يلي كانت تحكي معون من زمان كانت عرضت عليه نفس العرض هي اذا ما عرضت وخلصت ب رئيي في ناس بنات اكيد افضل كزواج ووئت انت ح تتزوج ما بظنك ح تحسن تنسى الماضي واذا بتحسن تنسى وملائيا شخص مناسب ف بكون قرارك ب النهايه والله يوفقك للي في الخير

عنجد عينها قوية بعرف البنت بتبعت مرسيل بتبعت طرف تالت بيروح حدا من اهلا بيفتح السيرة مو هي بتروح بتخطب الشب هههههه طيب و التلبيسة عمين عليك و لا عليهاوينك هاي بتاخدك علبحر و بترجعك عطشانك تركها مالك قدها

اولا هالشي بيرجع لشخصيتك هل انت متسامح ام لا تانيا اكيد عندك نظرة بالناس شوف البنت هل عنجد نضجت و تغيرت بعدا بتعجبك من قرائتي لبين السطور برسالتك لاحظت انو البنت ممكن تكون شايفة فيك الوحيد المميز بحياتا وبتتمنى ترتبط فيك و عفكرة موكل الناس بيصادفا الحظ بالدنيا و بتلاقي حدا يشوفا غير كل البشر بس لاحظت انك مجروح منها كتير و قلبك ماطاب منهاوغفرتلا، نصيحتي سامح لترتاح و تجوز البنت لو حسيت انهابتشوفك غير باقي الشباب ازا لسا بتحبهايعني بالعامية عصرت عحالهاسحارة ليمون انا شخصيا مافيني اعمل هيك لو شو

حاسس من كلامك انك لسه بتحبها خلص (( فمن عفى وأصلح فأجره على الله )) خدها وتزوجها وتوكل على الله .....

حكي البنت كلو مالو قيمة بدا ياك ما بدا ياك هاي مو مشكلتك المهم انت بدك ياها و لا لأ

إذا بتحبها ليش حاقد عليها كل البنات كل مابتكبر بتتغير نظرتها للشب وتتغير تصرفاتها والموضوع ما الو علاقة بكونك مشروع عريس وهيدا الشي صار معي كنت زمان بعرف واحد وكان يقلي أنه بحبني وأنا كنت عادي وبعد كم سنة وقت حسيت حالي مستعدة كون زوجة وارتبط ويشاركني شخص حياتي واهتم فيه ويكون كل شي ألي رجعنا حكينا وحاليا مخطوبين وكمان سألني عن أيام زمان كان ردي بأني ماكنت حاسة حالي مستعدة كون زوجة ومسؤولة عن بيت .. يعني بسيطة القصة بدك إياها تزوجها مابدك إياها مالو داعي تعقدها وتحقد عليها

عاديين نئ اذا أفلامها القديمة ما تجاوزت الحدود عادي وأكيد انت مؤ برئ تماماً الله اعلم ايش مخبص كمان الشب لما بيسير بدو يخطب بفكر حاله اخر رجال بالدنيا ويبدأ يضع شروط كثيرة ليش ما تقول انك انت كنت عم لتقضي معها أوقاتك من زمان وخلق لما انت صار وقت الزواج عندك ووضعت تركز اكثر وبدأت التفكير جديا قلت لحالك بلا القديمة وخائني أدور على شي جديد وبدأت تختلق الأعذار حاسب نفسك اولا وتذكر نحن لم نسمع منها

هلق في حدا ما هزه الهوا بالدنيا؟ بعدين في حدا ما بيعرف شو يعني مراهقه هالأيام؟ كل الصبايا والشباب مرقوا بتغيرات هرمونيه حكمت تصرفاتون لفتره ولما استقر الجسد وكبر العقل صاروا يفكروا بمنطق....بقى انت فكر بمنطق وحلها لحالك .......إذا بتحبها وبتحبك اتجوزوا ولا بقى تعاتب إذا لا اتركها ودور على الحب وخلصنا.

يعني شي كتير عادي وفي كتير بتات هيك الموضوع عرض وطلب : لما كانت صغيرة ومعها وقت صارت تتسلى فيك وبغيرك بيجي فارس الأحلام . وهلق صار بدها تجوز قبل ما تكبر ويفوتها القطار. والتاجر بينكش بدفاتره القديمة بس يفلس. الموضوع عائد الك في شباب روحهم رياضية وعادي اذا انت منهم بيني الحال. وفي شباب القصة بتصير تحدي وكرامة وشو بدو يقولو شباب الضيعة وانو عينهم في البنت من زمان وبده يثبت نفسه انو بمقدوره يحصلها. اذا كنت منهم بلاها احسن لانو رح تقضيها نكد ومشاكل. انت بتعرف حالك.