syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا

ارسل اي مشكلة صحية او حياتية تريد ان تسمع رأي اهل الخبرة فيها من القراء ...

x

ارسل اي مشكلة صحية او حياتية تريد ان تسمع رأي اهل الخبرة فيها من القراء

زوجي عاطل عن العمل وعصبي .. ينعتني بالفاظ بذيئة ويضربني .. ماذا افعل؟؟
اسأل مجرب

مشكلة روري ليست ككل المشاكل هي عالقة في وضع يشبه "الجحيم" .


تقول روري "تزوجت بعد قصة حب دامت 5 سنوات وهذه السنة هي الثامنة لزواجي منذ سنتين وزوجي عاطل عن العمل وانا امراة عاملة وطوال هذه الفترة احاول الا اشعر زوجي بمشكلته في العمل

 

وتشرح صباحة الرسالة مشكلتها "ولكن المشكلة ان زوجي عصبي جدا اي شئ يمكن ان يثير غضبه فلطالما ينعتني بكلمات بذيئة حتى وصلت الحالة معه لان يضربني اكثر من مرة وامام طفلاي والاسباب تافهة جدا ماذا افعل لم اعد اشعر بمكانة له في قلبي ولا أأمن جانبه لانه مستعد ان يستغني عني لاتفه الاسباب ولم اعد اشعر انه ذلك الشخص الذي احببت انصحوني ماذا افعل؟ " .


2012-07-09 02:15:48
شاركنا على مواقع التواصل الاجتماعي:



شارك بالتعليق
انثى2012-07-11 20:41:41
الى شب عادي
كلامك روعة و عنجد شي حلو كتير انو في شباب بتحكي معك و بتشوف بنات الناس بمقام اخواتها الله يحميك و تلتقي ببنت العالم و الناس يلي بتستاهلك
-سوريا
شب عادي2012-07-11 03:33:38
فاقد الشيء لا يعطيه
راح قول شي من الأساس لازم أنتي تعيشي أميرة ببيتك وشو بدك يوصل لتحت رجلك ولو شتغلتي لازم مساعدة لزوجك مو تصرفي و هو قاعد راح ناديكي بكلمة أختي أنتي وكل بنت بتقول الطلاق صعب وحياة ربي الطلاق أسهل ماتسمعي كلمة من أنسان مابيعرف قيمتك ولو كان زوجك لا تعيشي ع الهامش ولا تقبلي ألا براس الصفحة وتأكدي راح يجي يوم يتركك لا تنطري هاليوم وتركيه ولا تقبلي بحكي النسوان(الرجال رحمة ولو كان فحمة) الرجال رجال بكل صفاتو أنصاف رجال لأ لأن بيكون فاقد المهم بصفاتو
-سوريا
صد ق2012-07-11 01:48:24
كذ ب
((الرجل ليس بعضلاته فقط!!!)) وانمابكذبه*وغشه*ونفاقه*انشالله تكوني فهمتي وماتاخدي برأي كذابين *وغشاشين*ومنافقين*ومجربين* ومابئدروضحلك اكترمن هيك بعدين مابينشرولي التعليق*لأنو فيو غسيل كتيروسخ الله لايرويكي *lool :)
-سوريا
سوسو 2012-07-11 01:05:14
الى متابعه
انا لست متسلطه ولا احب التسلط مشكلتي اني جريئه وجوابي حاضر دائمامابيهمني اراء تخالف ارائي بس بحب رد عليها احيانااصحاب الرسائل انفعل معهم ويمكن ازعل اذا رجل ظلمته زوجته اورجل ظلم زوجته وبزعل على ازواج سوريين عندما يكون بيننهم مشاكل حتى لومابعرفهم لان خربان البيت صعب وفرقة الزوجين بعد عشره ومحبه صعبه ومؤلمه بالنسبه الي لان اتزوجت عن حب وبتمنى موت قبل مااختلف مع زوجي وهذا مايجعل تعليقاتي وردودي جريئه بخصوص مشاكل الازواج يعني الغلطان فيهم لازم الكل يعطيه حسابو ويعرفو انو غلطان
-سوريا
الداية أم زكي2012-07-11 00:42:58
مخمخي
إجا كان عم ياخد مصروفو منك و هو مبسوط ما بيلزمك و إجا كان مدَايئ لائيلو شي بنت حلال مرمأة تصرف عليكي و عليه
-سوريا
متابعة2012-07-11 00:40:00
إلى سوسو
يمكن تكوني بنت بس بنت متسلطة بكل معنى الكلمة والدليل تعليقاتك الي ماحدا في يرد عليهابسبب كلام التجريح الموجود بكل حرف
-سوريا
Ahmad2012-07-11 00:14:29
أنت قديسة
يعني لا يعمل و أنت تنفقين عليه ،ثم لا تشعرينه بأي إهانة لعدم عمله ، وبعد ذلك يتصرف معك بهذه الطريقة ...أنت قديسة
-سوريا
وطفة2012-07-10 23:50:32
الى سوسو
ايه عن جد أنت جريئة والدليل أحيانا بتعلقي وبتردي ع التعليق
-سوريا
سوسو 2012-07-10 23:04:13
الى مجرب
بيظهر انك فايت بالحيط اقرأ التعليقات اولا هذه من تسمي نفسها متابعه تتهمني انني شاب يدخل بأسم بنت ويعطي اراء شكت انها ربما كانت لشاب وليست لفتاة وانت اختلطت عليك الامور وفكرت انو انا عم اتهم شاب يدخل بأسم بنت انا المتهمه انني شاب ومن يتهمني الست متابعه ماشالله عليها شومتابعه على اساس كتير انا فرقاني معي اذا صدقت ولا ماصدقت اني فتاة اي انا امرأه ومتزوجه واسمي ياسمين بس من الصغر بيئولولي سوسو حتى بعد ماتزوجي زوجي مابيناديني غير سوسو وكل الناس يلي بعرفون هاد اسمي الدلع وين المشكله
-سوريا
سوسو 2012-07-10 21:46:24
الى متابعه
انا وحده جريئه ومابخجل من اعطاء رأي لاي حدا حتى وجها لوجه وليس من خلال شاشة الكمبيوتر فقط زوجي نبهني كتير لجرأتي بس ولامره رديت عليه وماسمحتلو يحرمني من اني عبر عن يلي جواتي تجاه اي حدا حتى لوكان اقرب الناس الو بقى كيف الامر لوتعلق بناس عم تطرح مشكله يعني اقل شيئ لواحد يعطي رأيو واصحاب المشكله احرار باختيار اي رأي بيشوفوه معقول سواء مني او من غيري
-سوريا
مجرب2012-07-10 21:16:34
الى سوسو
انا شايف انت الشب و فايت باسم سوسو و بعدين ليش مستحيل البنت تحكي هالحكي؟ . ولا جاية من المريخ حضرتك؟
-سوريا
سوسو 2012-07-10 21:16:30
الى متابعه
لاحبيبتي انا مدام موشاب يعني لواحد اذا اعطى رأيو بصراحه بيكون عم يكذب او يتقمص شخصيه ليقنع الناس انا مابيهمني حدا بدخل بعطي رأي متلي متل كل الناس ولا ناس متعوده عل كذب والكولكه وتمسيح الجوخ منشان هيك ببتفاجئو لما بتشوفو حدا عم يحكي شيئ منطقي انا وحده عفويه ومابعرف كذب ويمكن كلامي دج وزوجي بينبهني كتير لهل امر بس مابرد عليه اي رأي عندي بدي قولو بصراحه لان يلي بيكذب على الناس بيضرهم والحقيقه دائما بتجرح مع الاسف لاننامجتمع بيجمل اي خطأ وبيلاقولو اعذار خلص لواحد يقول يلي عندو وصاحب المشكله بيقرر
-سوريا
أندلسيّة2012-07-10 18:20:34
سوسوالحبابة
والله دوختينا ياام السوس... مرّة بدك توقفي الرجال على رجل وحدة... ومرّةالرجال مابينعطووش...ومرّةبتتركي البيت والولاداذاجوزك عصب عليك...ومرةالنسوان مومناح هيك على قولة الحكماءتبعك...وبدهن يروحو على جهنّم ...ونسيت انو من النساء فاطمة وعائشة ومريم وخديجة...ونسيت شو وصّى الرسول بالنساء وكذلك القرآن...وانشاالله مابتسوقي سيّارةلأنو كنتي عملتي 100حادث اذاكانت سواقتك متل تفكيرك!!!...ياسوسو والله كلّ المعلقين عرفواانّك كتيرحبابةوانّك زوجة مثالية...بنفسي نسأل جوزك كم سؤال عنّك؟؟؟؟؟؟
-سوريا
Maestro2012-07-10 18:09:29
مقـصّر ولسـانه طـويل......
عزيزتي،إن كان ماتقولينه صحيحا بأنك تحتملين جور الزمان عليه ولاتشعرينه بوضعه الحالي وعجزه عن الإيفاء بالتزامات بيته فليس له الحق في أن يتصرف هكذا،إثبات رجولته لايكون أبدا بالضرب والبذائة والتنفيس عن توتره بك،بل بالبحث عن عمل مهما كان متواضعا كي لايغتاظ بأنك من تصرفين عليه..كمحاولة لتقويمه وإشعاره بالألم الذي يسببه لك أرى أن تذهبي لفترة إلى أهلك مشترطة عثوره على عمل لعودتك أو أن يعرف ويعترف بقيمتك في حياته.التصرف كرجل يفرض عليه أن يكون رجلا بحق ليس بعضلاته فقط وإنما بتحمله وتفهمه ومساعدته.
سوريا
متابعة2012-07-10 15:32:14
إلى سوسو
انابحس انو انت شب بس عامل حالك بنت لتقدر تقنع بكلامك مستحيل بنت تحكي كلامك
-سوريا
نونو2012-07-10 13:04:02
قصة صبية بتشبه قصتك 2
ممكن يستفيد الواحد من تجارب الاخرين بس مو ضروري اذا مرئنا بنفس الحالة تكون النتيجة الانفصال .. وخصوصا اذا كان في حب وثقة من قبل ... الوضع صار صعب على كل الناس ممكن يكون الانفصال لصفات غير مقبولة سابقة للوضع الحالي وكبرت بسبب الازمة..صحي وضع صديقتي تحسن .. بس عايشة لحالها بالغربة وما بدها ترجع لأهلها .. وعندها طفل عم تحاول تساعدو وتربية رغم انو بيزورها بالاسبوع يومين وعم يكبر بس مو بوضع اجتماعي صحي .. انفثالها اثر عليها على المدى البعيد وزوجها زاد الحقد من بعيد عليها وعم تطلع بالولد
-سوريا
نونو2012-07-10 12:44:36
قصة صبية بتشبه قصتك 1
صديقتي مرئت بنفس قصتك وقت الازمة الاقتصادية الاميركية وصار زوجها عاطل تماماً عن العمل هل الشي خلاهون يفقدو بيتون بسبب عدم دفع أقساطه للبنك وتشردت العيلةوكبرت المشاكل الخاصة بالوضع الاقتصادي وصار عصبي ويضرب,عرضت عليه انو تشتغل لو حتى مبيعات بشي مول وهو يرجع يشتغل اي شغلة, ما رضي هي تشتغل ولا هو اشتغل هييييك لوصلو لطريق مسدود وتم الطلاق,وطفلون صار بين اهلو واهلها,بعد فترة هو عثر على شغل وهي اشتغلت كرمال تضم الطفل الها وتحسن تصرف عليه..امورون تحسنت بس كل واحد لحالو..راحت على الطفل
-سوريا
سميرة2012-07-10 11:50:35
توفيق
زوجي عاطل عن العمل له سنتين؟؟ سنتين ما لقى شي وعم يتفشش فيكي؟ ليش شايفة سيناريو امي وابي عم يتكرر؟ حبيبتي هاد رح يضل هيك لل 12 سنة الجايات. وقفيه عند حدو ولا مراعاة مشاعر بلا بطيخ. خبريه يا بيلاقي شغل يلا سلام
-سوريا
دوميندر 2012-07-10 11:21:36
..
شوهادا .. بدك تواجهيه وترصيه وإلا فالطلاق من هيك بني آدم رحمة ، أحيانا يجب الحسم، وحالتكي إحدى هالحالات.
-الدومينيكان
ابو العناتر2012-07-10 10:27:12
زوجك حامل
اذا زوجك باينه عليه اعراض حمل فايروس (شبيح)بلغي الجيش الحرلاجراءعمليه قيصريه له،طبيعي يكون متوتر اذلم يحصل عمل ،كل رجل لايستطيع تحمل زوجته اوالمشاكل الزوجيه ليش يتزوج وكل زوجه لاتستطيع تحمل المشاكل ليش تتزوج في السابق كان يقال البيوت اسرار الآن كل زوجه تنشرغسيل زوجها ليس للجيران بل عن طريق النت وكذالك بعض الازواج ممايدل انهم كلام فاضي هناك مستشارين ومتخصصين يمكن استشارتهم اورجال دين اخشى بعدسنوات كل زوج اوزجه تخبرنا كيف طريقة معاملتهافي غرفة النوم
-سوريا
الطير الحر2012-07-10 07:56:39
هذا نوع من الخمول والتنبلة
انا بقول انو الشخص الي بفيق وبصلي الصبح لايمكن ان يكون خمول عليك ان تدعي له بالهدايه والصلاح وان يدب الله في قلبه وجسده النشاط
سوريا
سامر حمامي2012-07-10 02:14:06
أصل المشكلة
تزوجنا بعد قصة حب دامت سنين طويلة .تزوجنا عن حب .دائما نقرأ هذه العبارة وفي معظم المشاركات سواء كان طرح المشكلة من رجل او امرأة وبغض النظر عن نوع المشكلة او تفاصيلها . ببساطة ما افهمه من هذه الحياة -حتى الآن على الاقل - لا وجود للمشكلات بوجود الحب ولكن هل يا ترى كل من يطرح في مشكلته انه تزوج بعد قصة حب ,عرف الحب حقاً ؟! سيدتي إن كنت تحبيه حقا فكوني له عونا ليخرج مما هو فيه حتى وان امضيت حياتك تحاولين .
-سوريا
مغترب2012-07-10 01:19:30
الحمدلله
الطلااق نعمه عظيمه من رب العالمين الحمدلله عالأسلام
-سوريا
عابرة سبيل2012-07-10 00:17:34
إلى مجرب
ياريت فيني كون متل ماوصفت عاكل شكرا
-سوريا
سوسو 2012-07-09 23:14:32
زوجك كسلان وليس عاطل
الكسل هو من يدفع الرجال ليكونو عاطلين عن العمل لودور زوجك على شغل كان شاف حتى ولوكان مصروفه الشخصي ماكان رح يتصرف هيك اكيد رح يخانقك ويسبك ويتهجم عليكي لان قاعد عطال بطال بدو يتسلى ويفش غلو مافي ابشع من قعدة الرجال من غير شغل وكل النهار على طلبات وعلى عصبيه ومافي شيئ عاجبو واي شيئ بالبيت بيحشر حالوفيه يعني احيانا يوم العطله للرجال اذا ماطلع من البيت بيعمل خناقه وبيحركش مرتو عدة مرات كيف لوكان مقيم دائم وماعندو اي شغله الا المرأه ورصد تحركاتها داخل البيت فقط لكسر الملل واشغال نفسه
-سوريا
سوسو2012-07-09 21:42:52
عابرة سبيل
كلامه يؤيده التاريخ باحداثه واقوال الحكماء لكن كلامك يؤيده فقط الاتحاد النسائي اعبري بمركبك لعندهم احكي هنيك يصفقولك مش هون بصفحة مجرب لأنه كل من جرب الحياة يعرف ان راس ثالوث الشر هو المرأة خصوصي اذا متسلطة وتسلطت جهنم مسوكرة على ايدها والعياذ بالله
-سوريا
مجرب2012-07-09 20:27:21
الى عابرة سبيل
الشرار صارو 4 المال و السلطة و المرأة وعابرة سبيل حصراً ههههههه.
-سوريا
عيسى الشهابي2012-07-09 19:49:13
اصبري
اصبري يا سيدتي ووكلي امرك لربك
سوريا
بخــور2012-07-09 18:47:09
للأسف لن ..
اعتقد انه في مثل هذه الحال وخصوصا ان زوجك له سنتان ولايزال عاطلا عن العمل قد أدمن البطالة ولن يستجيب لك ليعود لممارسة دوره الطبيعي في المنزل .. ارى بأن تتركي عملك او تأخذي اجازة وتوهيمه بأنك تركتي عملك وتضعيه اما الأمر الواقع فإما ان يعمل واما ان يبقى المنزل بلا معيل وبهذه الحال اما سيتحرك رغما ً عنه وان لم يتحرك فهو لن ولا يصلح لتبقي معه بقية عمرك ...
-سوريا
سوري مغترب2012-07-09 17:32:15
الصبر
والله غصب عنه بدوا يصير عصبي اذا سنتين بدون شغل بس انوا يضرب زوجته لاتفه الاسباب صعبة شوي..... نصيحة استحمليه شوي ليروق وضع البلد ويمكن يرجع يشتغل ويرجع مثل ما كان بالاول اذا مو كرماله كرمال ولادك الصغار وصدقيني ما بضيع شي عند ربك
الإمارات
عابرة سبيل2012-07-09 14:52:04
ثالوث الشر المال والسلطة والرجال
بتوقع هيك لازم تكتب بتعليقك هون
-سوريا
laha2012-07-09 13:36:07
h
منيح اللي مانو عم يحكي حالو كمان وضعو صعب مابعتقد في شي بهين الزلمة اكتر من هيك .قد مافيكي ارفعي معنوياتو وخصوصا أنت عم تشتغلي ومحققة ذاتك
-سوريا
lool2012-07-09 12:43:29
وشو بدك فيه
خلص اذا انتي قادرة تصرفي على ولادك روحي تطلقي بلا حب بلا بطيخ شو هالرجال يلي متل قلتو مسبات وضرب واهانة وياريت في من وراه فايدة كرامتك وكرامة ولادك اهم شي بالدنيا، بتروحي بتطلبي الطلاق وما بترضي بأقل منو وبتربي ولادك ومابدك منيتو بلا حب بلا بطيخ
-سوريا
فادي2012-07-09 11:32:31
خففي عنه حاج اتمننيه صبح ومسا
ماكنت بدي شارك لااني شايف في شي غلط لك عم نشتغل واعدة بالبيت وعم اتنق وتعمل مشاكل فكبف اذا عم تشتغل وتصرف على جوزها والمرة بتمنن وخليها لربك بتمنى من صاحبه المشكله خففي على جوزك ولااتحسسيه صبح ومسا انه عاله الك وتمننيه باكله وشربه وعلى كل حال اخسرتيه اذا بدك ياه راعيه متل ولادك لحين ماايلاقي شغل وبعدي عن اهانته لاانه يمكن جن لاانه مو معقول هو بحاجتك ويسبك ويضربك ضربني وبكا وسبقني واشتكا
سوريا
MoOoOd2012-07-09 11:19:13
ممممممم برايي
مممم الو سنتين عاطل عن العمل وانتي عم تصرفي عليه ** ان زوجك ما اشتغل وصار يغيب عن البيت والتزم بشغله وحس انو عليه مصاريف برايي اطلقو مممم . . . القرار الك واكيد انتي عارفة كل جوانب الموضوع
سوريا
ADIB2012-07-09 10:53:25
اصبري
اصبري ثم اصبري ثم اصبري ولاتهدمي البناء وحاولي ان تصلحي وتقفي الى جانبه
سوريا
عارف بالأمور!2012-07-09 10:51:37
ثالوث الشر: المال والسلطة والنساء 2
أنت وزوجك أرسل في نفس الوقت كل من وجهة نظره! فالسؤال الآخر المطروح ينطبق تماما عليك! لذلك لا تحاولي وضع اللوم عليه! المشكلة فيكن أيتها النساء ال**! الغبي هو من يثق بكن حتى لو كنت بقداسة رابعة العدوية أو مريم العذراء! قليل جدا من هي مخلصة وتستاهل! سبب خراب العالم هو النسوان والسلطة والمال
-سوريا
عارف بالأمور!2012-07-09 10:24:30
ثالوث الشر: المال والسلطة والنساء
كاذبة فالمشكلة معكوسة وأنت من يتصرف هكذا بسبب أنانيتك وظنك أنك مفضلة عليه. هو عاطل وتعيرينه صباح مساء وتتأففين وتبحثين عن أي سبب تافه لخلق مشكلة. لو كنت محله لطلقتك فوراً حتى لو كنت وزيرة وتربحين ملايين والغريب أن هناك معلقين من خلف شاشاتهم جالسين يقضون لك بالأمر بكل صفاقة دون أن يسمعوا رأي (الخصم)! آمل ألا يكون أحدهم في موضع مسؤولية أو قضاء، لا اليوم ولا غداً، لكي لا يقضي كما يقضي هنا من خلف شاشات دون أدلة! همهم فقط الكلام وكتابة تعليق! العزر عليك وتأتين لتضعيه على زوجك؟ نسوان آخر زمن.
-سوريا
باسل الأصلي2012-07-09 10:20:36
إلى صاحبة المشكلة
ليش جوزك ما عنده شغل؟؟ شو مؤهله العلمي؟؟ هل ببيت أهله في هيك مشاكل و ضرب للمرأة لحتى متعود ولا الشغلة جديدة بلشت من بعد ما صار عواطلي؟؟ قعدة الرجال بالبيت بتقضي على رجولته تماما...لازم يلاقي شغل أي شغل يحس فيه أنه مسؤول عن عيلته أحسن ما يصير أبشع من هيك
-سوريا
واحد2012-07-09 10:12:00
كمان واحد
منذ سنتين عاطل عن العمل. يا ست روري 90% من الشباب منذ سنتين عاطلين عن العمل .ليش وينو العمل دلونا عليه .الله يهدي الاحوال و ترجع سوريا بخير.اما انت فعليك بالصبر فان الله مع الصابرين .اكيد ازمة و بتمر و تحملي شوي اذا مو منشانك فمنشان عيلتك و ولادك.
-سوريا
رولا2012-07-09 09:40:10
هدي شوي
بدي تخلي ببالك شي انو نحنا بشر كتلة احاسيس و مشاعر الظروف بتقهرنا احيانا و بتغير مسار حياتنا عن يلي نحنا كنا راسمينو يلي بيطلع عندو مرض ما كان متوقعو يلي بيجي ابن معاق يلي ما بيتيسر شغلو ويلي ما بيلاقي شغل بس بدها صبر طولي بالك عليه واضح انو حالتو النفسية متأزمة كتير رح يعتبر تركك إلو تخلي عنو بأزمتو خليكي جنبو لله يفرجها عليه خلي يحاول يطلع يشتغل بشي بلد عربي او اجنبي او يلاقي لو شغل براتب بسيط شو ما كان المهم يعبي وقتو حاولي بجلسة صفا تصارحية انو هو هيك عم يجرحك و تمك دعيلو الله يفرجاعليه
-سوريا
فدوى2012-07-09 09:26:26
خلينا نفكر بحلول عملية
انا شبه متاكدة انو سبب عصبيتو و نفسيتو السيئة قعدتو بلا شغل و انك عم تصرفي علبيت فخايف يكبر راسك بقوم بيعمل هالقصص ليقول انا الرجل و لو انت يلي عم تصرفي المشكلة بدي اقترح عليكي يعملو مشروع صغير براسمال صغير بس و الله ما بنصحك وضع البلد ما بيساعد بس انا بقترح يشتغلو شغلة خفيفة وما بدا راسمال و لا خبرة متلا يعطي دروس خصوصي لولاداو يتفق مع شي مكتب يعمل شغلة بالبيت متلا طباعة او ترجمة يعني شي من وحي تخصصو بس اياكي انك انت يلي تقترحي هالشي بتزيدي الطين بلة بالعكس شوفي حدا من المقربين منو موفقة
-سوريا
مجرب2012-07-09 09:18:53
عن تجربة
يا ترى شو السبب يللي بيخليه يتصرف هيك؟ اذا ما في اي سبب معناها جننتيه؟ واذا كان في سبب بطل العجب . عالجوا الاسباب.
-سوريا
روني2012-07-09 09:05:33
hالصبر
عليك التحمل ياعزيزتي وأن تسعي لكي تدبري له عملا جديدا فتنقلب الحياة أكثر رقيا وسعادة بينكما. واستخدامك للكلمة الحسنة يحسن أخلاقه تجاهك. أعتقد أن السبب هو عدم قدرته على القيام بواجباته من حيث فقدانه للعمل
-سوريا
نورااا2012-07-09 08:44:30
قصة حب
الغريب بالقصة إنو بعد قصة حب وخمس سنين حب، عم يضرب ويسب، طيب شو يعني كان عم يكذب؟؟؟ أو شو؟؟؟ والله شي غريب، يلي بحب التاني مستحيل يئذيه بحرف، بكل الأحوال مافي غير خيارين: إما ترضي وتصبري أو ببساطة تنفصلي عنو. بتمنالك هداوة البال وحسبنا الله ونعم الوكيل.
-سوريا
HosamO2012-07-09 08:43:52
مابعرف شوبدي قلك
قعدة الرجال بالبيت بلا شغل مصيبة بس سنتين هاد اكيد تعود انت تشتغلي لازم يحس شوي بالمسؤلية لانو قعدة البيت بتخلي الرجال كتير يضوج على مرتو هي اذا كان رجال ...........
سوريا
ابو الحروف2012-07-09 08:40:29
الحل
بلغي عنو المخابرات او الجيش الحر ولبين ما يبين معن انو بريئ ولا لأ بيكون سقط النظام او انتصر النظام وتعود الامور الى مجاريها
-سوريا
أحمد2012-07-09 07:18:31
محلولة
اختي الكريمة يلي عم يصير مع جوزك بيصير مع كل رجال قاعد بلا شغل , بيصير عصبي و نأوزي و كلشي بيدايقو, و الحل اول شي انك تقنعيه انو شو ما اشتغل ما رح يصغر بنظرك , و تاني شي ساعديه يتخلص من عصبيته بإنك تتطولي بالك و لا تكرري اخطاءك يلي عصبته , و لو اشتغل بالفاعل رح يرجع عالبيت تعبان و مو قدران يخانق و أهم من هيك رح يحس انو الو قيمة بالبيت و بتروح عصبيته.
-سوريا
منذر2012-07-09 07:03:03
واحد متل هاد ليس برجل حطي رجلك بضهروا و ارفسيه من حياتك
-سوريا
ابن الخمري2012-07-09 06:38:26
هون
شوفي شغلة . الموضوع بدو قراءة واطلاع وشوية ثقافة . بنصحك بالاطلاع قليلاً على علم النفس . يا بعدي انتي الحل مو بالطلاق ولا بالقوة ولا بفرض الشخصية . مشكلة جوزك أنو بلا عمل . وهاد الموضوع بدو فهم عميق شوي . وبلا زعل . وكل سورية معك . موالاة ومعارضة .
-سوريا
أبو محمد2012-07-09 03:02:58
اممم
والله صعب وضعك يابنت الحلال مشكلة زوجك انو حاسس بالنقص السبب انك عم تشتغلي وهو اعد بالبيت حاسس انو رجولته ناقصة لهيك وقت عم بعصب ويخانق عم يحاول يأثبت انو لساته الرجال هون يابنت الحال طولي بالك لسببين بوكرة الله بيغنيه وبيرجع متل ماكان واحسن تاني شي هل الولاد مين بده يدير باله عليهن حاولي ماتحسسي إنك عم تصرفي ع البيت وإنه لساته الرجال بس مو يضرب مرته هي مو مرجلة ومايستحي يشتغل شو ماكان قوليله تسلاية ,والله الحالة عند الكل سيئة الله يفرج يااارب لاحول ولاقوة إلا بالله
-سوريا