syria-news.com

Content on this page requires a newer version of Adobe Flash Player.

الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
مصدر بشعبة التجنيد العامة لسيريانيوز: ربط موافقات السفر بمراجعة شعب التجنيد للحصول على موافقتها
الاخبار المحلية

"القرار كان مطبقاً في فترات سابقة وألغي لاحقاً، إلا أن ظروف معينة اقتضت عودة العمل به بشكل جزئي في الوقت الحالي ولمدة مؤقتة"

علمت سيريانيوز من مصدر في شعبة التجنيد العامة عن صدور قرار لتنظيم سفر السوريين الذكور ممن هم دون سن 42 عام، إلى الخارج يقضي بضرورة الحصول على موافقة شعبة التجنيد التابع لها، في وقت تواردت فيه أنباء عن منع سوريين من مغادرة البلاد من دون موافقة شعب تجنيدهم.


وقال مصدر مطلع في إدارة التجنيد العامة فضل عدم ذكر اسمه لسيريانيوز إنه "صدر قرار بمنع سفر السوريين الذكور خارج البلاد دون مراجعة شعبة التجنيد التابعين لها، ويشمل القرار الذكور من عمر 18- 42 عام".

وكانت تقارير إعلامية أوردت أنباء عن منع المواطنين السوريين بين 18 و42 سنة في مركز جديدة يابوس الحدودي في وقت سابق اليوم من مغادرة الاراضي السورية الى لبنان، فيما تم إرجاع ركاب سوريين من طائرة في مطار حلب ممن هم دون السن المذكور، وليس بحوزتهم موافقة شعب تجنيدهم.

وأضاف المصدر إن "القرار يهدف إلى تنظيم بعض الحالات لتسوية أوضاعها، علماً أن الكثيرين لا يبلغون عن أي تغير في وضعهم أو عناوينهم ولا يراجعون شعب التجنيد التابعين لها، ولذلك تم ربط موافقة السفر بمراجعة شعبة التجنيد"، لافتاً إلى أن "صلاحية الموافقة على السفر تمتد لسنة كاملة، حيث يمكن لمن يحصل عليها السفر عدة مرات خلال هذه السنة".

وبين المصدر إن "بعض الحالات الخاصة تمنح التسهيلات والموافقة مباشرة، مثل حالات العلاج الصحي أو من يحملون جنسيات أخرى، أو المقيمين في الخارج مع عائلاتهم أو بحكم عملهم، إضافة إلى سائقي المركبات الصغيرة والكبيرة لنقل البضائع أو الركاب الذين يتطلب عملهم السفر خارجاً بشكل مستمر".

ونوه المصدر إلى أن "هذا القرار كان مطبقاً في فترات سابقة وألغي لاحقاً، إلا أن ظروف معينة اقتضت عودة العمل به بشكل جزئي في الوقت الحالي ولمدة مؤقتة".

وكانت القيادة العامة للجيش والقوات المسلحة أصدرت منذ حوالي خمسة أشهر أمراً إدارياً لتأمين خطة القيادة من سوق المثقفين، وذلك بوقف منح مهلة السفر للمثقفين، وعدم تسليم موافقات السفر المنجزة لصاحبها واعتباره جاهزاً للسوق.

يشار إلى أن الرئيس بشار الأسد أصدر في شهر أيلول الماضي مرسوماً تشريعياً خاص بالتعبئة، تلزم الذكور ممن أدى الخدمة الإلزامية بالالتحاق مجدداً عند إعلان التعبئة.

سيريانيوز

اقرأ أيضاً:

الصين: لم ندرس في ظل الوضع الحالي حضور اجتماع "أصدقاء سورية 2"


2012-03-26 15:29:46
شاركنا على مواقع التواصل الاجتماعي:



شارك بالتعليق
من الشام 2012-03-27 14:45:19
الى بلال
و الله انك صادق بس مو بدك مين يستوعب و يفهم أصلا يللي بالحكومة مفتكرين البلد بيت ابوون بيعمل فيه على كيفون بس ان شاء الله ربك بيفرجها علينا عن قريب و بنرتاح و بنعشلنا كم سنة مرتاحين بدل ال40 سنة عذاب اللي عشناهون ربك كريم ما بينسى حدي
-سوريا
والد ورط ابنه 2012-03-27 10:51:26
احترنا على أي خازوق بدنا نعيش
ياشباب كل يوم بيبعتلي ابني رسالة عادية أو مسج بيلومني فيها ليش قلتلوا روح عالخدمة الإلزامية أدي واجبك اتجاه بلدك غمض فتح بتخلص , صارلوا مخلص خمس شهور ومتمسكين فيه احتفاظ بدون ما نعرف حتى متى , إيه عم يلعن الساعة اللي ورطتوا يروح فيها لك شو بدنا نعمل إذا صرنا هيك آكلين هوى وإذا صرنا هيك آكلين خسسسسسسسة أديت واجبي وخدمت بلدي حدن يقلي يعطيك العافية إجا تسريحك انشالله يتسرح شعر هالنظام الحقوني ابني بدو يتبرا مني ويلاقي أب ما يورطو بمتل هيك ورطة شو رأي مجلس التصفيق ما في حدن من أولادن مع
سوريا
عسكري أحتفاظ ٦شهور2012-03-27 11:02:17
لأيمتا لخدمه بس بدنا نعرف
بس حابب أعرف من السجلات العسكريه أيمتا لواحد صار يخلص خدمتو هل أيام صرلنا سنتين عم نخدوم ولمده هيه سنه و نصف كلنا منحب نخدوم هل بلد بس كل شي ألو حدود‎ ‎
سوريا
بلال2012-03-27 10:32:45
شكرا سيريانيوز
بجولة سريعة على التعليقات نستنتج أن الغالبية العظمى من الشعب السوري ضد النظام وتعتبر ان الحكومة غير قادرة على إدارة البلاد. هل يعقل ان يدر مثل هكذا قرار في القرن 21؟!!! وهل يعقل أن يلغى القرار بعد يومين؟!! والله لو كانوا ولاد صغار كان تخطيطهم أفضل.
-سوريا
حلبي2012-03-27 09:45:27
مواطن
القرار التغى يا جماعة بس بدي افهم ليش طلعو هل قرار وشو هي الاسباب الرجاء من المعنييين دراسة اي قرار جيدا قبل ان يوضع تحت التنفيذ الشعب مو حقل تجارب لقراراتكم
-سوريا
مواطن غلبان2012-03-27 09:18:29
العسكرية
صار من حق اي سوري يغني انا سوري واه يانيالي
-سوريا
Yahoom Maktoob2012-03-27 09:13:31
القرار ألغي
ما بعرف شو قول عن القرار .. و لا علق على قرار لغيو! قرار غير دستوري بيخالف الدستور الجديد ( العمى لسى ما حمي تحتو للدستور الجديد و اتجاوزوه ) و بعدين لما شافو العالم ضاجت عليه لغوه!!
-سوريا
منصور 2012-03-27 08:41:22
أعاد الله الأمن والأمان لربوع سوريا العروبة التاري
قرار ذكي وممتاز , ويستحق الأشادة , فالكل مدعوا للدفاع عن وطنه وكفوا عن الأنانية والفردية , فمن يحمي الوطن لو تخلى أبنائه عن الدفاع عنه , كما لابد من منع المسيحين من الهجرة خارج القطر , فهم ثروة وطنية ووجودهم ضرورة وطنية لاينبغي أن يحس أي مواطن بالخوف والرعب من العيش في وطنه , ولابد من حماية جميع مكونات الشعب ومحاسبة من يسفك الدماء , كما أنه لابد من مراقبة المندسين بالجيش والأمن من المخربين احاقدين يريدوا الأساءة للجيش والدولة وخلق شرخ بين أبناء الوطن , فالأنضباط والحزم مهم جدا\"
سوريا
هـindianـندي :)2012-03-27 03:35:38
DeeeeTrrrr
بغض النظر عن صدور القرار وإلغائه حركة حلوة من اللي أقترح هالقرار لانو هلق الشباب كلها رح تضب شنطها وتبلش تفركها يعني بالمعنى الصحيح ( تهجير الشباب ) واللي راح عالمطار مبارح ورجعوه وطارت عليه تكت الطيارة إذا ما طار عليه الشغل إذا كان موعود مين اللي رح يعوضهن ..!!
الهند
طلال أندراوس2012-03-27 03:28:27
فوق الموتة عصة قبر
بدايةً أوجه تحية للمسؤولين عن الموقع لنشر جميع مقالات الأخوة المواطنين ....فوق الموتة عصّة قبر ... هذا هو حال نظامنا السوري يلي بدو الشباب تخدموا بالغصب والأكراه ... مابيكفي مافي شغل والناس ميتة من جوعا؟؟ كمان مافي سفر ...المظاهرات ستستمر حتى نيل الحرية بإذنه تعالى ...الله سوريا حرية وبس
-سوريا
Damascus Man2012-03-27 03:11:47
تم إلغاء القرار !!!!
تم إلغاء القرار !!!!
-سوريا
شامي مغترب2012-03-27 02:28:55
نصيحة هامة
وصلتنا أخبار أن حتى دافع البدل لا يعطوه موافقة من شعبة التجنيد مع أن القانون يستثنيه لكن لا نستغرب من هكذا حكومة تعودنا على صدقها وحكمها العادل 40 عام. هذاالقانون يزيد احتقان الشعب أكثر ويحول المؤيدين لمعارضة ويسرع بسقوط النظام إن شاءالله
-سوريا
ابو الريم2012-03-27 01:39:17
التغى القرار
التغى القرار من شوي ..
-سوريا
سوري مغترب2012-03-27 01:31:44
قرار جديد اليوم بإبطال قرار الامس
تم اليوم صدور قرار جديد من وزارة الداخلية بإلغاء قرار الامس بمنع سفر السوريين بين عمر 18 و42 بدون الحصول على موافقة شعبة التجنيد
-سوريا
سمير 2012-03-27 01:31:14
طيب انا صرلي 5 شهور احتفاظ
طيب انا صرلي 5 شهور احتفاظ شو مشاني يعني معت إلي حق أرجع مدني ولا
-سوريا
مغترب طفشان2012-03-27 01:23:56
حقيقة القرار
أولا القرار ألغي اليوم بعد المصيبة في تطبيقه اماالسبب الحقيقي فهو طلب البطاركة بمنع سفر الاخوة المسيحين حيث ان اي مسيحي يعطى فيزا فورا لاي بلد اوربي بدون اي شروط وكذلك امريكا وكندا، هذا معناه فتح الهجرة فقط للمسيحين وهو شبيه بما حدث في العراق، وبعض المعلقين قالوا ان الفيزا سهلة هذه الايام للاسف وسط كل الازمة تلعب بنا الدول الاخرى و يدفع الثمن الناس الابرياء والبسطاء، هنا يتصلون ويطلبون اسماء اقارب اي شخص مسيحي مقيم في فرنسا المهم القرار التغى هذا اكيد اليوم.
-سوريا
احمد2012-03-27 01:13:37
طالب
شو مشان الطلاب يلي بلبنان نحا دافعين دم قلبنا بفرق العملة فوقها تمنعونا من نزلة على بلدنا
-سوريا
سوري و بس 2012-03-27 01:08:01
خيار و فقوس
إذا الدستور السابق تم تعديله بخمس دقائق لمصلحة شخص بعينه !!!!! فهذا القرار المخالف لفقرة في الدستور الجديد (الذي تم التطبيل و التزمير له و الذي ادعت الحكومة أنه تم إقراره بالأغلبية ) ألا يستحق أن يلغى لكي يستفيد منه شباب سوريا الكثر الذين يخرجون من البلاد للتعتير و العمل لإنقاذ أهاليهم من التجويع الممارس ضدهم (حيث أن العمل في سوريا أصبح شبه معدوم)
-سوريا
للأسف سوري 2012-03-27 00:52:30
قرارا اصلاحية بامتياز؟؟؟؟!!!!!!!!!!!!!!!
يعني الحكومة العتيدة و الرشيدة و الممثلة للشعب و النتخبة من الشعب قررت أن تخصص لكل شاب سوري قبر في سوريا !!!!! يعني الشباب السوري إما أن يموت بالرصاص أو يموت من الجوع ( حيث أنه لا يوجد عمل و لا يوجد طعام و لا يوجد كهرباء و لا يوجد وقود و لا يوجد و لا يوجد و لا يوجد------- )لا يوجد في سوريا هذه الأيام إلا القتل و الاعتقال و التجويع و منع السفر
-سوريا
مسافر2012-03-27 00:49:38
سؤال
إذا أنا وحيد دائم هل ممكن سافر بدون موافقة أمنية؟؟... مع إنو مختوم على دفتر العسكرية إني وحيد دائم... المشكلي أنا سفري اليوم الصبح الساعة 8 وما فيني أجلها لأني دافع حق التذكرة الطيارة من قبل 4 أيام... يا ريت حدا يجاوبني إذا بيعرف بهالأمور
-سوريا
ابتسام2012-03-27 00:32:04
شكراً سيريا نيوز
أرجو من إدارة سيريا نيوز إعادة الموضوع لأعلى الصفحة لأهميته الشديدة، أولادي في المغترب لن أراهم بسبب هذا القرار الجائر و الظالم، أبوهم ذهب لشعبة التجنيد ليسأل فقالوا له الموافقة الأمنية تستغرق 20 يوم وسطياً، و الله أنا مو شغل حكومة و معارضة بس عم شاور حالي أطلع بشي مظاهرة بركي بموت و برتاح من هل العيشة، لك فهمنا كهربا و مي و مازوت و دوا وأكل ما في بس من حق كل أم تشوف أولادها.
-سوريا
سامر2012-03-27 00:37:41
إلى شعبة التجنيد
نظام فاشل, حكومة فاشلة, تنظر للشباب كعبيد عند اللي خلفهون..لك إذا بدك تموت بدك تاخد موافقة امنية بهل البلد..أصلأ لازم يعرف النظام إنو كل المظاهرات لي صارت و الناس التي ماتت من ورا شعبة التجنيد و خدمة العلم..و لن يهدأ السوريين حتى يتم إلغاء هذه الخدمة إلى الأبد.... الرجاء النشر يا سيريانيوز
-سوريا
cr72012-03-27 00:36:47
الى لادقاني اصيل وحوراني اصيل
رد على كل شخص متشلئم وكل شخص لا يريد سوى الخراب لهذا البلد ....بحب خبركم انو القرا التغى بعد عدة ساعات من صدورو ....
-سوريا
سوري مستقل2012-03-27 00:26:09
ما رح يتعلموا
من شان الله يسوقوا العالم على الخدمة حتى من شان بالفعل يحولوا النزاع لمسلح بأيديهم التنين فشكلهم ما رح يفهموا أنو الصامتين مستعدين يبقوا صامتين فقط إذا ما تم سوقهم على الخدمة لقتل اخوانهم و لي عم بنادي بمبادئ كوريا الشمالية بقله أنو شعب بلدك مثقف و فهمان و عنده كرامة ما متل الكوريين الشماليين أجبن شعوب الله و أقلهم كرامة
-سوريا
nour2012-03-27 00:09:01
بالله شو؟
عجب هل القرار بيتطبق عالبنات ؟؟؟ خايفة بكرة يلزمن .. و يسحبونا عالجيش ويمنعونا من السفر كمان اجا اليوم الي صار فيه الشب يتمنى لو كان بنت :P
-سوريا
مابدنا سجن2012-03-27 00:09:03
مابدنا سجن
مشان الله الغوا القرار انا بدي سافر ضروري جيب بضاعة انا خادم جيش وعمري 26 مابدنا نتأمل عالفاضي
-سوريا
فرعون راح يطلع من هدومه2012-03-27 00:08:01
اثينا
وشو اذا الواحد عنده 100 سنه معفى والله مثل ها القوانيين بس فى جزر الواق واق استحوا شوى قولوا محتاجين مرتزقه وخلاص بنفهم
-سوريا
Eng.Mohammad SheikhMousa Alibrahim2012-03-26 23:38:45
معاقبة مواطنيين كوريين شماليين لإنهم لم يبكوا من ق
هذه القرارات الإرتجالية مثل قرارات الدردري التي أوصلت سوريا إلى هذا الوضع نحن مع سوريا وضد الكل لإننا نعتبر نفسنا مع الصمود والتصدي وضد الخيانة لكن نحن كذلك ضد هذا القرار الذي يمنع السوريين من السفر لإن الزبال السوري بالخارج أفضل للوطن من حاكم بنك سوريا المركزي لذا الرجاء إعادة النظر بهذا القرار الجائر الذي يضر الوطن ولايفيده وأرجوا القيادة تتطمن سوف ينتهي كل شيء قريباً لصالح سوريا ويظل بشارقائد للبلدوينعم الوطن بالأمن والأمان
كندا
سوري متشائل2012-03-26 23:45:44
الغابة
انو هلأ قاعد عمفكر .. على شو انا كنت عمبأيد هالنظام ما طلع معي سبب غير جحشنة المعارضة بس اليوم طلع معي انو لازم اعيد نظر عملتوا سوريا حبس كبير
-الإكوادور
دمشقي عتيق2012-03-26 23:46:55
النظام أفلس
هاد القرار دليل على إفلاس النظام. ما عاد يقدر يقدم شي للشعب.
-سوريا
ابوعلي 2012-03-26 23:44:08
نفير عام
القصد من هالشي هو سحب كل شب قادر انه يطلع مظاهرة ع الجيش ويعملولهن معسكرات بالصحراء وهيك بيقضوا ع الاحتجاجات بحبس الشباب بعسكرات الجيش.... مبوك وكاسك ياوطن
سوريا
عمار2012-03-26 23:45:50
القرار ملغي
بالنسبة لقرار شعبة التجنيد وموافقة السفر ومدري شو ... اتصلت بمطار دمشق وكل ماتحتاجه هو جواز السفر وتكت الطيارة ... رقم المطار 5400981
-سوريا
احمد2012-03-26 23:40:58
مبروك عليك سيادة رئيس شعبة التجنيد \
هاي انفتح عليك باب رزقة جديد. يعني اذا على كل موافقة بتاخد 500 ليرة وكل يوم بجيك 10 أشخاص بتطالع 5000 ليرة. وينك يا مراد علم دار عيف شغل البودرة وتعال لعندنااشتغل رئيس شعبة أربحلك
-سوريا
منصور2012-03-26 23:27:20
رزقة مو اكتر
لك هاد القرار طلع مشان بسترزقو الشباب بكم ليرة قبل مايمشو
-منغوليا
مغترب معتر2012-03-26 23:23:21
عدم وضوح
انا دافع بدل وصارلي سنتين ما سافرت وكل مرة بقرر اسافر لكن باجل السفرة خوفا من تلك القرارات الفجائية، هي بلدنا ونعرفها كل يوم قرار شكل، يعني شو الي يضمن انه يقول الي دافع بدل لازم يروح الجيش؟؟ انا مقرر ما بسافر الا لما يهدا الوضع حتى لو تاخرت عشر سنين
-سوريا
حلبي2012-03-26 23:12:45
مواطن مغلوب على امرو
ارحمونا يرحمكن من في السماء والله هلق صار بدا حرية فعلا عم بتكرهونا ببلدنا اكتر واكتر هيك ارجو النشر
-سوريا
معارض2012-03-26 23:01:14
الله محيي السوريين الشرفاء
هذا اكبر دليل و يجب ان يفهم النظام الرسالة فالناس يخافون القمع و الاستبداد و ارهاب النظام و يرفضون ان يشارك ابناؤهم في قتل اخوتهم السوريين لهذا يرفضون ارسال ابناؤهم الى الخدمة الالزامية التي هي اصلا عبئا على المواطن من دون طائل فهم اما مكلفون برعاية جناب الضابط او اسرته او السهر على راحته و من ثم الصمت المطبق على الحدود و التدريب العملي بساحات و شوارع المدن السورية ، على النظام ان يجند شبيحته هيك بيصيروا قانونيين حسب رايه و بيوفر فلوس مش كل يوم1500 ليرة سورية الحد الادني و للحديث بقية
-سوريا
معارض2012-03-26 22:53:39
الاصلاحات الكونية
هذا ما كنا ننادي به المزيد من الحريات نجد المزيد من القمع و مزيد من فتح باب الرشوة سترون معي . و سترون ايضا مزيدا من القوانين الاصلاحية التي تزيد من القمع و الاستبداد و ان شاء الله سوف تجدون ان كوبا المتخلفة اصبحت بالنسبة لكم متطورة جدا .
-سوريا
محمد2012-03-26 22:55:28
مسخرة
شو هل مسخرة هي؟؟؟؟ عبيد عند ابو الي خلفكن نحن حتى تمنعونا من السفر؟ لأ و بعد كل هل ظلم والتعسف لسى مستغربين ليش قامت ثورة؟ ايه بدها تقوم ستين ثورة عليكم.
سوريا
مواطن غلبان2012-03-26 22:49:11
العسكرية
ياجماعة من زمان كنا عايشين بسجن كبيربس هلق وبفضل الدستور الجديد المثالي عم تعلا اسوار السجن وعم يحطوا اسلاك شائكة ومكهربة ومن زمان فقدت الامل بالاصلاح والتحديث والتطويروالبناء لانو حكومتنا الرشيدة مو شاطرة غير بالهدم
-سوريا
اللادئلني 2012-03-26 22:43:20
ورب السما كرهتونا هالبلد
ولله كرهتونا هالبلد من زمان و قرفناه
-سوريا
rima2012-03-26 22:27:00
؟؟؟ظ
يعني فينا نعرف اسم المصدر يا سيريا نيوز؟؟؟؟ لانو حسب ما سمعنا المراجعة للهجرة والجوازات مو شعبة التجنيد وبيشمل الرجال والنساء يعني ما الو علاقة بالجيش وعل الاغلب هل القرار اجا بناء على طلب البطاركة حتى يمنعوا هجرة المسيحية
-سوريا
خلصت2012-03-26 22:17:58
دليل افلاس
لاتزعلوا هادا دليل الوصول الى مرحلة الخلصت . مو عأساس الانشقاقات يادوب 500 عنصر سنويا .. لكان ليش هالقرار المحترم ؟! هادا دليل العجز و دليل انو في معدّل افرار و انشقاق كبير بالجيش السوري العقائدي البطل المغوارالعظيم حامي الحمى من العصابات الارهابية السلفية الوهابية التكفيرية المجرمة المسلّحة
-سوريا
سوري بحت2012-03-26 22:19:35
نقطة نظام
يا شباب معنى القرار أنو في حرب عالأبواب لأنو في تفاصيل القرار كل مين هو ضمن السن القانونية مشمول بالمنع حتى يللي أدى خدمة العلم أو مأجل نفسو دراسيا أو إداريا مو السبب أنو الحكومة بدها تتحكم بالناس لأنو عندها مشاكل بتكفيها ل 100 سنة و ما ناقصها تحمي الناس عليها فكرو شوي بمنطق
-تركيا
الشهيد2012-03-26 22:12:19
ليش هالتشاؤم
لاحظت بالتعليقات انو العالم كلها متشائمة وموعاجبها القرار . شبكن ياجماعة صحيح النظام القائم منع السفر عن طريق الحدود البريّة بس لاتنسو انو فاتحلكم طريق سماوي مباشر عالجنّة بلا فيزا بلا بطّيخ وبدون أي موافقة بالعكس هنن بيجو لعندك وبيوصلوك لهنيك بطلقة وحدة بس . سوف نبقى هنااااااا ..... كي يزول الألم
-سوريا
مارينا2012-03-26 22:03:55
ألله يعينكم ياشباب هالبلد
يبدو أنه هذه بداية الإصلاحات يعني كل شباب البلد بشكل عام مشمولين فيه عدا أكيد بعض الإستثناءات يعني مافي سفر لاتتعبو يعني لابرحمك ولابخلي رحمة الله تنزل عليك ياحراااااام
-فرنسا
اني لكم ناصح باذن الله 2012-03-26 21:54:42
الى وسام و غيره
وسام لا ترجع اطلب تحويل التأشيرة الى القنصلية في عمان الاردن و لا تفوت سورية بنووب اصلا مافي سفارة سعودية بسورية مين بدو يدق لك التاشيرة اذا رجعت اخدوك ع الجيش طوالي وبوشك ع ادلب او بابا عمر - الاخ المغترب في السعودية انصحك بعدم العودة انت و امثالك و نصيحة كل واحد يفكر في العودة في هذه الظروف و لو زيارة ينتظر قليلا لأن الرؤيا ان يتم شحط كل الناس ع الجيش بغض النظر مقيم ام غير مقيم و انتم احرار --* يرجى النشر رأفة بالناس
-سوريا
الشاب السوري المعتر 2012-03-26 21:30:21
الخطوة الثانية هي السوق الى الخدمة
بحب بشر الشباب الأشاوس.انو الخطوة التانية على ما يبدو هي السوق و اعلان النفير العام للالتحاق بجيش الخدمة الالزامية للقضاء على المسلحين.. مبروك عليكون
-سوريا
طافش من البلد2012-03-26 21:15:12
الحمد لله
الحمد لله اللي لحقت حالي وطفشت من هالاصلاحات يعني لما سميتها جمعة الخلاص ما كنت غلطان ( وهي الجمعة اللي وصلت فيها لدولة عربية ثانية). لسا الجماعة بطلع معهم أكثر من هيك ...
سوريا
شو ما كان2012-03-26 21:13:21
في شغلة ما عم تفهموها
بعدين في شغلة ما عم تفهموها... لك الحكومة خايفة عليكم تطلعوا لبلاد برا يصرلكم شي, تاكلوا رصاصة بالشارع مثلاً أو يشحطكم شي شرطي أو يخضعوكم للتعذيب... الحكومة بدها الشباب يضلوا بالبلد مشان يحسوا بالنعيم اللي عايشين فيه, على اعتبار أنو كل شي مأمن و بلدنا أحلى من سويسرا... افهموها بقى... هون مو كوريا الشمالية, هون سوريا الأبية!!
-سوريا
شو ما كان2012-03-26 21:08:34
أميركا
يللي بيقدر يلحق حالو و يطلع على أميركا... عم يعطوا إقامة خاصة للسوريين سنة و نص... و بعدها يمكن كمان بتقدروا تمددوا في حال لسا الثورة ما خلصت... لحقوا حالكم نصيحة, و المغتربين لا تجوا إذا مفكرين تجوا تزوروا... ما بدكم هالزيارة
-سوريا
جورج2012-03-26 20:55:43
الدستور
كل مواطن الحق بالتنقل في أراضي الدولة أو مغادرتها إلا إذا منع من ذلك بقرار من القضاء المختص أو من النيابة العامة أو تنفيذاً لقوانين الصحة والسلامة العامة. الفقرة الثالثة - المادة الثامنة والثلاثون - دستور الجمهورية العربية السورية 2012
-سوريا
صبحي معتوق2012-03-26 20:47:41
ما عم صدق أذني
صديق عزيز، مهندس حصل على قبول جامعي في ألمانيا، رفضت شعبة تجنيده منح موافقة السفر، دفع لمهربين من بلدة حدودية و أفهمني بما معناه أنه سيغادر البلد من غير رجعة، سأشتاق إليك يا صديق العمر،الله يرحم 20 سنة أمضيناها في حارات، مدارس و جامعات دمشق. الله يلعن سبب أنني قد لن أراك مجدداً.
-سوريا
نصيحة للمغتربين2012-03-26 20:33:00
نصيحة للمغتربين
يا عالم ياناس يلي بدو ينزل زيارة لا ينزل نصيحة انا نزلت زيارة وعصيت والله ما طلعوني ورجعوني وفي اقامة وسجل تجاري ووئائق اني موظف برا اتصلت مع عالم موثقين بالشعبة قلي يلي معون اقامات ما عم نوافق يا اخي هي حكومة قراراتها اعتباطية عم تخسر شوي شوي يعني الدستور(الخاذوق الجديد )وصحتين للسوريين
-سوريا
عبد الحفيظ حالم2012-03-26 20:15:52
شو يا منحبكجية سمعونا صوتكم ؟
يا هيك الإصلاح يا بلا أحلى إصلاح. هي مع الدستور الجديد دستور الحضارة و التقدم و الرقي. شوفو على هالسمعة سمعو على هالشوفة قال دستور جديد قال. قنالكم دنب الكلب أعوج ما صدقتو. قنالكم عن تجربة 40 سنة نظامنا و منعرفو. وينكم هلق يا منحبكجية ؟؟ بكرى بقولو ع الدنيا :"لقد تكرمت علينا القيادة الحكيمة قيادة المقاومة و التصدي بإصدار هذا القرار الحكيم حفاظا على شبابنا من الضياع في ظلام الغربة" و بيطالعو تصريح لكل وزير عن أهمية هالقرار و انعكاسو الإيجابي على الإقتصاد و الخدمات و الصحة و التعليم و المازوت و
-سوريا
مغترب مندهش2012-03-26 20:16:48
يا أسفي
النظام يخسر شيئا فشيئا حتى مؤيديه بهكذا (إصلاحات) مجلس الشعب يلتمس تأجيل موعد الانتخابات حتى تنضج الإصلاحات .طيب فهموني يا جماعة ليش ما بي ساوي انتخابات حرة ونخلص من هالشغلة مو على اساس ضامن حالو أتحدى ان يقدم على هذه الخطوة .......حسبي الله ونعم الوكيل بس
-ألمانيا
حلبي حر2012-03-26 20:17:13
الحمد لله
الحمد لله خلصت خلصت خلصت خلصت مو مو هيك قالو جماعت النظام انو خلصت الله سوريا حرية وبس وبس وبس
-سوريا
ممدوح رمضان الخلوف2012-03-26 19:52:46
عيب و الله
الدولة الوحيدة في العالم التي تتخذ هكذا قرارات اعتباطية . أصدقاء كثر لي أقنعتهم بعد جدوى خروجهم في مظاهرات لأن الإصلاح قادم، 3 منهم اتصلوا يهزؤون مني اليوم، عم شاور عقلي صير معارض عن جد.
-سوريا
Damascus Man2012-03-26 19:51:18
قرار خبيث
هذا القرار وضع لكي يجعل جميع المواطنين السوريين يفكرون بالسفر قبل أن تتعقد الإجراءات أكثر .. يعني مخطط لتهجير الشباب السوري ليخلالهم الجو ..
-سوريا
دمار سوريا2012-03-26 19:44:13
دمار سوريا
السوريين مع هيك حكومة وهيك نظام عايششين غصب عنون والله الموت ارحم
-إستونيا
حلبي بس عم يستنى2012-03-26 19:33:59
الى وسام
اخ وسام حالتك شبيهة بحالة اخي وانصحك بعدم العودة وخاصة في هذه الظروف فلتحاول الذهاب الى بلد اخر ومن ثم تعود الى السعودية باالنسبة للقررار ياريت ياخدونا كلياتنا مشان نخدم الوطن بشكل كتير منيح ونتصدى للعصابات الحقيقية الأصلية الغير مريخية وياريت مشان موضوع الدستور الجديد الحضاري الأوربي الي هو بتفوق على كل دساتير الأرض وخارج الأرض كمان متل المؤامرة اتسلمولي عليه وتبعتولو قداحة ( اتمنى الخير للوطن)
-سوريا
شامي مغترب2012-03-26 19:30:25
مسخرة واستغراب
قال هدف القرار ضبط بعض الحالات التي لا تراجع شعب تجنيدها لأنو الواحد بيقدر يتهرب من الجيش أو شعبة التجنيد ما حضراتكن فورا بتطلعولو مذكرة بحث أو منع سفر و بيتبهدل بهدلة الـ ---- حاجة ضحك ع الناس ودوام الحال من المحال
-سوريا
مغترب جديد2012-03-26 19:27:59
لاقولي حل
عجبكن هيك انا طلعت على بلد عربي من شهر وظبطت الامور ودبرنا شغل وكنت ناوي ارجع بعد يومين اجيب عيلتي شو بدي اساوي والله احترت خايف ارجع ما يخلوني اطلع والله الواحد معد عرف شو بدو يساوي (معليش شو صارالسوري بتحمل)هههههههههههههههههههههههههههههه
-سوريا
Rami2012-03-26 19:25:00
Thank You So Much
It's really a shame, I planning to come to Damascus next month with the family and now we are going to Lebanon instead, I live in America and my kids want to see their grandparents.
-الولايات المتحدة
Ranger2012-03-26 19:17:33
كاسك يا وطن
"فيما تم إرجاع ركاب سوريين من طائرة في مطار حلب ممن هم دون السن المذكور، وليس بحوزتهم موافقة شعب تجنيدهم" يعني طلع القرار فجأة وكان طارئ وعاجل لدرجة انو ينزلو الشباب من الطيارة ويتبهدلوا قدام العالم كإنن مجرمين .. والله لو كانو سارقين البلد وهربانين ما كنتو ركضتوا وراهم هيك .. ولا هاد سوري معلش مالو قيمة واحترام قدام البشر ؟؟؟؟ **
-سوريا
سوري يعمل بالسعودية2012-03-26 19:18:30
أنا مسافراجازة لسوريا وخايف مايخلوني ارجع
رجاء لمن يعلم انا نازل اجازة بعد اسبوعين لمدة شهر رح يعطوني موافقة ولا شو
-سوريا
مواطن عادي2012-03-26 19:06:38
تسهيلات
بغض النظر عن القرار هل هو صائب أم غير صائب , هناك حالة و ظروف أمنية صعبة تمنع الوصول الى شعب التجنيد؟ ما الحل؟ هل نقول للمواطن روح دبر حالك؟ أو تقول مديرية التجنيد العامة لا علاقة لنا بالموضوع روح راجع شعبة تجنيدك؟؟؟ مديرية التجنيد العامة يتبع لها كل شعب التجنيد و هي على معرفة تامة بالوضع التجنيدي للمكلفين و المتقدمين بالطلبات؟؟ لماذا لا تقوم مديرية التجنيد العامة بمنح الموافقات المطلوبة لأهالي المناطق التي تشهد وضعا امنيا صعبا وذلك للتسهيل على المواطنين استجابة لتوجيهات السيد الرئيس
-سوريا
وضاح2012-03-26 19:04:44
قانون............
هلأ أنا عندي سؤال ظغير: هنن اوقفو العمل بقانون الطوارئ وللا العمل بإسم قانون الطوارئ؟؟؟؟؟؟؟
-سوريا
سندباد2012-03-26 19:02:39
مرحباً بكم في السجن الكبير
ياحبيبي ( ياعين ياليل شو خايفين علينا نتأثر بالخارج )
-سوريا
Qwerty 2012-03-26 19:01:37
Jwvebewmwn
أنا معي جنسية أمريكية و ستيف انو الحل الوحيد أني اسقط جنسيتي السورية و زور البلد كسائح اجنبي لأنوان بيحترمو الغريب اكتر من ابن البلد
-سوريا
مغترب2012-03-26 18:58:40
هل سيشمل هزا القرا دافعو البدل النقدي
انا دفعت البدل النقدي للجيش منز سنة هل سيشملني هزا القرار ارجو ممن لديه الاجابة ان يفيدنا لانو ناوي اجي زيارة للوطن بعد شهر
-سوريا
شو ما كان2012-03-26 18:55:33
الدستور الجديد
و ابقوا سلمولي عالدستور الجديد و انقعوه منيح و اشربوا ميتو... المادة الثامنة والثلاثون 1- لا يجوز إبعاد المواطن عن الوطن، أو منعه من العودة إليه. 3- لكل مواطن الحق بالتنقل في أراضي الدولة أو مغادرتها إلا إذا منع من ذلك بقرار من القضاء المختص أو من النيابة العامة أو تنفيذاً لقوانين الصحة والسلامة العامة.
-سوريا
سامر2012-03-26 18:49:59
انا مع القرار
كلوا بدو يهرب من بلدو و يروح يخدم بدول الخليج
-سوريا
شو ما كان2012-03-26 18:45:13
عودة إلى الوراء
... لسا ما شفتوا شي, رح يرجعوا الفتوة عالمدارس و رح ترجع الخدمة العسكرية 3 سيني و رح يمنعوا الانترنت و الساتلايت و يمكن كمان يمنعوا الموبايلات...
-سوريا
مهاجر2012-03-26 18:41:19
السجن الكبير
شعبة التجنيد هي الاخرى ترفض اعطاء موافقات !! يعني بالاخير قولوا ممنوع السفر .. ارجو اصدار قرار بعودة جميع السوريين المغتربين في الدول التي تتآمر على سورية و سحب الجنسيات من المسؤولين و المدراء و التجار الذين يحملون جنسيات هذه الدول ( امريكا - اوروبا - الخليج )
-سوريا
سؤال 2012-03-26 18:34:52
لمصلحة مين هالقرار
طيب ليش هالقرارات الغير مدروسة يعني شغل بالبلد ما في وما بدكون العالم تطلع تشوف رزقها . هي العالم عبساعد اقتصاد البلد وعبزيد من القطع الاجنبي والكل بعرف انو البلد هلق بحاجة لتقوي اقتصادها . اتمنى من المعنيين مراجعة هالقرارات الي الها تاثير سلبي عالعالم كلها و بعدين حاى التالم الي برها البلد بطلت ترجع لانو خايفة من القرار يعني انو كمان خسرنا دخل اضافي . يا حيف عليكي يا بلدي وين صرتي .
-سوريا
وسام2012-03-26 18:30:56
سؤال يا اهل الخير
انا طلعت من شي اسبوع من البلدفيزا زياره من وهلق رح ابعت عقد من السعودية قبل 20 نيسان منشان اخد تأجيلة ادارية لسنة ولازم ارجع عالبلد بعد فترة وارجع اطلع عبلدي الاصلي (حسب قوانين السعودية) منشان ارجع ادخل بفيزا عمل عالسعودية...شو ازا ارجعت بيعفطوني ولا رح اتأجل؟؟!!! حدا ممكن يساعد
سوريا
مغترب عتيق2012-03-26 18:29:04
اسر الحريات
اعتقد ان هذا القرار التعسفي يناقد قانون الحريات العامة ويحد منها وياخذ الشباب رهائن داخل البلد في هذه الظروف الصعبة حيث لا عمل وغلاء اسعار و و ونحن البلد الوحيد في العالم الذي يطلب موافقة امنية قبل السفر ولاصدار حتى جواز سفر وهذا سيشجع الناس على ترك البلد بطرق غير نظامية والى غير رجعة الا يكفيكم نصب الحواجز وانتشارها وانتشار الامن والشبيحة في كل مكان والتضييق على الناس لتعودوا الى قوانين عفا عليها الزمن وصارت من الماضي كفى كفى استهزاء بالمواطنين ومحاصرتهم ومنعهم حتى من السفر
سوريا
ابو امير2012-03-26 18:25:05
ما في شي جديد
مو من هلأ من زمان هاد القرار مطبق و ما تم الغاؤه نهائيا اي محاولة للسفر او حتى الزواج عليك اخذ موافقة شعبة تجنيدك و خصوصا في الاوقات الراهنة لانه لا يوجد اي شاب يريد الالتحاق بالجيش بسبب الاوضاع الراهنة
سوريا
مو معقول2012-03-26 18:19:25
مو معقول
مو معقول يصدر هيك قرار. يعني العالم كانت قاعدة و كانة و ساكتة بس هذا القرار بيخلي الواحد يفور و يثور و يطلع من ثيابه كمان. هل اصبحت سوريا حبس كبير للسوريين. هذا القرار ليس بالحل الصحيح للورطة التي ينام تحت وزرها النظام. الحل هو بالحوار مع المعارضة و اجراء اصلاحات حقيقية. حتى الان لا يوجد اصلاحات بل على العكس. انا لست معارضة ولكن اخشى ان بقي النظام ان يصبح المواطن السوري درجة مئة و ان يحسب النظام عدد مرات تنفس المواطن السوري!!
-سوريا
حوراني أصيل2012-03-26 18:20:26
لن يفلح النظام
يريد النظام ان يجعلنا عبيد, يرد أن يمنعنا من السفر ل
-سوريا
مهاجر2012-03-26 18:17:44
ظروف المرحلة
معلش ... بسبب ظروف المرحلة الحرجة والاستثنائية التي يمر بها بلدنا العزيز من 50 سنة !!! يعني والله الواحد ما بيعرف شو بيطلع بعقلون هي ما سبيت حدا ولا خرقت القانون .. ارجو النشر
-سوريا
Rashid2012-03-26 18:17:14
It's a shame
We are Syrian who live in the US and Canada, me and my friends were about to visit Syria this summer, we are going to cancel this trip, thanks to our great smart government.
-الولايات المتحدة
لادئاني أصيل2012-03-26 18:10:46
قلنالكم من الأول
قلنالكم من الأول أن سوريا ليست الا مزرعة يمتلكها النظام, بس ماحدى كان يصدّق. لايوجد نظام في العالم يمنع مواطنيه من السفر من دون إذن, الا النظام السوري, لأنه يظن أن الشعب ليس الا عبيد لديه, يأتمرون بأمره وينتهون بنهيه, والويل ثم الويل لمن يفكر بالاعتراض.
-سوريا
طوني خوري2012-03-26 17:57:45
شو مشان الوحيد؟
شو مشان أنو حتى الوحيد المعفي نهائي عم يعملولو مشكلة بالمطار؟ ممكن توضيح حالة الوحيد؟
سوريا
معتز2012-03-26 17:57:12
قرار تحفة
أحلى قرار !!!!!!!اليوم الناس فوق بعضون بالتجنيد وما حدا أخد موافقة اذا ما عندو اقامة خارج القطر...
-سوريا
كرم2012-03-26 17:54:33
لا يوجد موافقات
اليوم رحت عالتجنيد وما عطوني موافقة..
-سوريا
مواطن2012-03-26 17:47:10
ليش
يعني طلعت عيونا لأجت الفيزا وبعدا طلعولنا بهالفنّة وعلى فكرة ما عميعطو موافقات إلا اللي عندو إقامة..
-سوريا
ابوعبدو مارديني2012-03-26 17:47:38
شو؟
يعني في احتمال الواحد ياخدوا للتجنيد ولو مخلص الفترة الالزامية؟ وإذا دافع البدل شو بخصوصو؟
-سوريا
وجهة نظر مجردة وغير ملزمة2012-03-26 17:37:53
ليش مايصير دورات تأهيل وطنية
المفروض الدولة تسحب كل الشباب الي بين 18 و40 للجيش كأحتياط وتعمل لهم دورات في معسكرات وتعلمهم من جديد الانضباط وتعيد اليهم الوطنية ومحبة الوطن والأخلاص له و فأي تقصير من الدولة يرتفع الصوت , وبالتالي يتم فرز الوطنين من غيرهم , وأتمنى أن يطبق عليهم النموذج الكوري الشمالي بلأنضباط وحب الوطن والدفاع عنه , الأمور بأسوء حالاتها وزهي فرصة لأعادة ضبط الشباب ,وتخفيف تواجد الأجانب وخصوصا" العراقيين والفلسطينين المخالفين لقواني الأقامة والعمل , ليترك للسوري فرص العمل , فالكل لم يقف مع سوريا بم
سوريا
شادي2012-03-26 17:39:07
lolaa985@live.com
أصبح الوطن سجن كبير
-الإمارات
ريحاوي2012-03-26 17:34:45
يلا ع الحرية
يما تم إرجاع ركاب سوريين من طائرة في مطار حلب ممن هم دون السن المذكور، وليس بحوزتهم موافقة شعب تجنيدهم... ومين بتكفل بالاضرار من سعر التذكرة وتعويض الشغل في الخارج اذا فقد؟ لك وحياه رب السما ما في احلامن الحريه.. بدكن جنود ما هيك بدكن عساكر ما؟ اكيد بدكن تستخدموا القوة بس لتجبروا الناس تخدم بالجيش.. ويلا ع الحريه
-سوريا
ماجستير هندسة .. وعاطل عن العمل2012-03-26 17:24:45
شكرا
طبعا هالقرار مابيشمل ولاد المسؤلين لأنو حبيبات أمهاتهن معهن فيز دبلوماسية وطالعين بمهمات حزبية لخدمة الوطني في دول الإغتراب,هادا القرار هو للمعترين ويللي طول عمرهم عند عقدة أسمها خدمة العلم,مو تهرب من واجب الخدمة بحد ذاتو بس لأنو بظنو أنو بيقدرو يخدمو بلدهم بطريقة تانية غير الخدمة الإجبارية عباب شئ مسؤؤل وخصوصي أنهن ضيعو عالأقل 8 سنين دراسة زايدة,بعدين مو على أساس جماعة المنحبكجية عاملين حملة للتطوع بالجيش,ليش بدكم تأخدو الناس غصبن عنها لكي تخدم في جيش بلادها(الوطنــــــــــي)
-سوريا
ماجستير هندسة .. وعاطل عن العمل2012-03-26 17:23:08
السجن الكبير
(لاشئ يكبر في وطننا..الا السجن) الله يرحمك ياعبد الرحمن منيف على هالقول
-سوريا